Share:
കൺസ്ട്രക്ഷനിൽ ഫൗണ്ടേഷനുകളെ രണ്ട് പ്രധാന തരങ്ങളായി തിരിച്ചിരിക്കുന്നു: ആഴം കുറഞ്ഞ ഷാലോ ഫൗണ്ടേഷനും ആഴത്തിലുള്ള ഡീപ് ഫൗണ്ടേഷനും.
ഭൂപ്രതലത്തിന് തൊട്ടു മുകളിലായി സ്ഥിതി ചെയ്യുകയും, കൂടാതെ സ്ട്രക്ച്ചറിന് പിൻബലമേകുന്നതിന് ഒരു വലിയ പ്രദേശത്ത് വ്യാപിക്കുകയും ചെയ്യുന്ന കൺസ്ട്രക്ഷനു കളിലാണ് സാധാരണയായി ഷാലോ ഫൗണ്ടേഷനുകൾ ഉപയോഗിക്കുന്നത്.
വലിയ സ്ട്രക്ചറിന്റെ ലോഡ് മൂലമോ അല്ലെങ്കിൽ കുറഞ്ഞ ആഴത്തിലുള്ള മണ്ണിന്റെ മോശം അവസ്ഥ മൂലമോ ഷാലോ ഫൗണ്ടേഷനുകൾക്ക് മതിയായ പിൻബലം നൽകാൻ കഴിയാതെ വരുന്ന സാഹചര്യത്തിൽ ഡീപ് ഫൗണ്ടേഷനുകൾ ഉപയോഗിക്കുന്നു.
വ്യത്യസ്ത തരം ഫൗണ്ടേഷനുകൾക്കിടയിൽ നിന്ന് വേണ്ട ഫൗണ്ടേഷൻ തെരഞ്ഞെടുക്കുന്നത് മണ്ണിന്റെ അവസ്ഥ, ലോഡ് താങ്ങേണ്ടുന്ന ആവശ്യകതകൾ, പാരിസ്ഥിതിക ഘടകങ്ങൾ എന്നിവയെ ആശ്രയിച്ചിരിക്കുന്നു.
കൺസ്ട്രക്ഷൻ ഫൗണ്ടേഷനുകളെ രണ്ട് പ്രധാന തരങ്ങളായി തിരിച്ചിരിക്കുന്നു: ഷാലോ ഫൗണ്ടേഷനും ഡീപ് ഫൗണ്ടേഷനും. ഭാരം കുറഞ്ഞ സ്ട്രക്ചർ താങ്ങാൻ ശേഷിയുള്ള നല്ല മണ്ണിൽ, ഇൻഡിവിജ്വൽ ഫൂട്ടിംഗുകൾ, കമ്പൈൻഡ്, സ്ട്രിപ്പ്, റാഫ്റ്റ് ഫൗണ്ടേഷനുകൾ എന്നിവ പോലുള്ള ഷാലോ ഫൗണ്ടേഷനുകൾ സാധാരണയായി ഉപയോഗിക്കുന്നു.
ഉപരിതല മണ്ണിന്റെ താങ്ങുശേഷി അപര്യാപ്തമാകുമ്പോൾ, കനത്ത ഭാരം കൂടുതൽ ആഴമേറിയതും കൂടുതൽ ഉറപ്പുള്ളതുമായ മൺപാളികളിലേക്ക് വരുത്തുന്നതിനായി, പൈൽ ഫൌണ്ടേഷനുകൾ, ഡ്രിൽ ചെയ്ത ഷാഫ്റ്റുകൾ അല്ലെങ്കിൽ കൈസൺസ് പോലുള്ള ഡീപ് ഫൌണ്ടേഷനുകൾ ഉപയോഗിക്കുന്നു.
മുകളിൽ പറഞ്ഞതുപോലെ, സാധാരണയായി ഭൂപ്രതലത്തിനടുത്ത് നിൽക്കുകയും സ്ട്രക്ചറിന് പിൻബലമേകുന്നന്നതിന് ഒരു വലിയ പ്രദേശത്ത് വ്യാപിച്ചുകിടക്കുകയും ചെയ്യുന്ന കൺസ്ട്രക്ഷനുകളിൽ ഷാലോ ഫൗണ്ടേഷനുകൾ ഉപയോഗിക്കുന്നു . അവയിൽ ചിലത് ഇതാ:
ഇൻഡിവിജ്വൽ അല്ലെങ്കിൽ ഐസൊലേറ്റഡ് ഫൂട്ടിംഗ് ആണ് ഏറ്റവും ലളിതവും സാധാരണവുമായ ഫൗണ്ടേഷൻ. ഒറ്റ നിലയുള്ള കെട്ടിടത്തിന് പിൻബലമേകുന്നതിനാണ് അവ നിർമ്മിക്കുന്നത്. അവ പാഡ് ഫൗണ്ടേഷൻ എന്നും അറിയപ്പെടുന്നു. കോളം ലോഡിന്റെയും മണ്ണിന്റെ ഭാരം താങ്ങാനുള്ള ശേഷിയെയും അടിസ്ഥാനമാക്കി കണക്കാക്കുന്ന അവയുടെ ആകൃതി, സാധാരണഗതിയിൽ ദീർഘ ചതുരാകൃതിയിലോ സമചതുരാകൃതിയിലോ ആയിരിക്കും.
ചെലവ് കുറഞ്ഞതും ലളിതവുമായ ഡിസൈൻ
വ്യക്തമായ ലോഡ് പാത്തും പ്രവചിക്കാവുന്ന ലോഡുകളുമുള്ള സ്ട്രക്ച്ചറുകൾക്ക് പിന്തുണയ്ക്കുന്നതിന് ഏറ്റവും അനുയോജ്യമായത്.
കനത്ത ഭാരമുള്ള സ്ട്രക്ച്ചറുകൾക്ക് അല്ലെങ്കിൽ മണ്ണിൻ്റെ അവസ്ഥ വ്യത്യാസപ്പെട്ടിരിക്കുമ്പോൾ അനുയോജ്യമല്ലാത്തത്
സിംഗിൾ കോളത്തിന് മാത്രമേ പിൻബലമേകാൻ കഴിയൂ
കോളങ്ങൾ അടുത്തടുത്തായി വന്ന് പരസ്പരം ഓവർലാപ്പ് ചെയ്യുന്ന തരത്തിലുള്ള അകലത്തിൽ സ്ഥാപിക്കുമ്പോൾ, ഒരു കമ്പൈൻഡ് ഫൂട്ടിങ്ങിലാണ് അത് നിർമ്മിക്കപ്പെടുക . ഐസലേറ്റഡ് ഫൂട്ടിംഗുകളുമായി ഇതിന് സാമ്യതകൾ ഉണ്ട്, പക്ഷേ സ്ട്രക്ച്ചറൽ ഡിസൈനിൽ വ്യത്യാസപ്പെടുന്നു. സാധാരണയായി ചതുരാകൃതിയിൽ ആയിരിക്കും ഉണ്ടാവുക. കുറച്ചുകൂടി സങ്കീർണ്ണമായ സാഹചര്യങ്ങളിൽ പ്രശ്നങ്ങൾ ലഘൂകരിക്കുന്നതിനും പ്രകടനം ഉയർത്തുന്നതിനും കാറ്റാവിലിയർ ഫൗണ്ടേഷൻ ഫൂട്ടിംഗ് പോലുള്ള പ്രത്യേക സാങ്കേതിക വിദ്യകളും ഉപയോഗിച്ചേക്കാം.
ഒന്നിലധികം നിലകൾക്ക് കാര്യക്ഷമമായ പിൻബലമേകുന്നു
ലോഡ് തുല്യമായി വിന്യസിക്കുന്നു
സ്ഥലപരിമിതി ഉള്ള ഇടങ്ങളിൽ ഉപയോഗപ്രദമായത്
ഇൻഡിവിജ്വൽ ഫൂട്ടിങ്ങുകളെക്കാൾ സങ്കീർണ്ണവും ചെലവേറിയതുമാണ്
ലോഡ് ബാലൻസ് ഉറപ്പാക്കുന്നതിന് വിപുലമായ എഞ്ചിനീയറിംഗ് വൈദഗ്ധ്യം ആവശ്യമായി വരുന്നു
സാധാരണ ലോഡ് താങ്ങുന്ന ചുമരുകളേക്കാൾ വിശാലമായ ഫൗണ്ടേഷൻ ആണെന്നതാണ് സ്പ്രെഡ് അല്ലെങ്കിൽ സ്ട്രിപ്പ് ഫൂട്ടിംഗുകളുടെ സവിശേഷത. ഇത് കെട്ടിടത്തിന്റെ ഭാരം ഒരു വലിയ പ്രദേശത്താകെയായി വിതരണം ചെയ്യുന്നു. ഉപരിതലത്തിൽ നിന്ന് 3 മീറ്റർ ആഴത്തിലുള്ള മണ്ണിന്റെ പാളിയിൽ ചുമരുകൾ, ഇൻഡിവിജ്വൽ കോളമുകൾ , ബ്രിഡ്ജ് പിയറുകൾ എന്നിവയ്ക്കായി ഉപയോഗിക്കുന്ന ഫൗണ്ടേഷനുകളുടെ തരങ്ങളാണിവ.
ലോഡ് വ്യാപിപ്പിക്കുന്നതിലൂടെ മികച്ച സ്ഥിരത നൽകുന്നു
ഉറപ്പുള്ള മണ്ണിന്റെ പാളി ഉപരിതലത്തോട് അടുത്ത് കിടക്കുന്നിടത്തെ സ്ട്രക്ച്ചറുകൾക്ക് അനുയോജ്യമായത്.
നീരൊഴുക്കിന് സാധ്യതയുള്ളതും ദ്രവീകരണത്തിനോ ചോർച്ചയ്‌ക്കോ കാരണമായേക്കാവുന്നതുമായ മണ്ണിൽ അനുയോജ്യമാവില്ല.
ഉറപ്പുള്ള മൺ നിരപ്പിൽ മാത്രമായി അവയുടെ ഉപയോഗം പരിമിതപ്പെടുന്നു
കെട്ടിടം നിൽക്കുന്ന മുഴുവൻ പ്രദേശത്തും റാഫ്റ്റ് അല്ലെങ്കിൽ മാറ്റ് ഫൌണ്ടേഷനുകൾ വ്യാപിച്ചു കിടക്കും. തൂണുകളിൽ നിന്നും ഭിത്തികളിൽ നിന്നുമുള്ള കനത്ത ഭാരം താങ്ങാൻ ഇത് സഹായിക്കുന്നു. ഫൂട്ടിംഗുകളുടെ സ്ഥാപനം കൊണ്ടുണ്ടാകുന്ന വ്യത്യാസത്തിനെ തടയിടാനാണ് ഇത്തരത്തിലുള്ള ഫൌണ്ടേഷൻ തിരഞ്ഞെടുക്കുന്നത്. എല്ലാ സ്ട്രക്ച്ചറൽ ഘടകങ്ങൾക്കുമായുള്ള ഒരൊറ്റ മാറ്റായി ഇത് പ്രവർത്തിക്കും.
കോളമുകളിലും ഭിത്തികളിലും കനത്ത ലോഡ് വരുന്ന സ്ട്രക്ച്ചറുകൾക്ക് അനുയോജ്യമായത്
ഫൗണ്ടേഷനിൽ ഉടനീളം ഡിഫറൻഷ്യൽ സെറ്റിൽമെൻ്റ് കുറയ്ക്കും
സങ്കീർണ്ണവും നിർമ്മാണം ചെലവേറിയതുമാണ്
വലിയതോതിലുള്ള കുഴിക്കലും, കോൺക്രീറ്റ് വർക്കും ആവശ്യമായി വരുന്നു. ഇത് എണ്ണത്തിൽ തീരെ കുറവും ഭാരം കൂടിയതുമായ ഘടനകൾക്ക് മാത്രമായി അനുയോജ്യമാകുന്നു.
സ്ട്രക്ചറിന് ഭാരം കൂടുമ്പോഴോ, ചെറിയ ആഴത്തിലുള്ള മണ്ണിന്റെ മോശം അവസ്ഥ മൂലമോ ഷാലോ ഫൗണ്ടേഷനുകൾക്ക് മതിയായ പിൻബലം നൽകാൻ കഴിയാത്ത സാഹചര്യത്തിലാണ് ഡീപ് ഫൗണ്ടേഷനുകൾ ആവശ്യമായി വരുന്നത്. താഴെ കൊടുത്തിരിക്കുന്ന രണ്ട് തരം ഡീപ് ഫൗണ്ടേഷനുകളെ കുറിച്ച് നമുക്ക് പരിശോധിക്കാം:
പൈൽ ഫൌണ്ടേഷനുകൾ സാധാരണയായി ഉരുക്ക്, കോൺക്രീറ്റ് അല്ലെങ്കിൽ മരം കൊണ്ട് നിർമ്മിച്ച നീളമുള്ളതും വണ്ണം കുറഞ്ഞതുമായ കോളമുകൾ ഉൾപ്പെടുന്നതാണ് . ഇത്തരത്തിലുള്ള ഫൗണ്ടേഷൻ മണ്ണിന്, സ്ട്രക്ച്ചറിന്റെ ഭാരം താങ്ങാൻ പോന്ന ശേഷിയും ഉറപ്പുമുള്ള ആഴത്തിലേക്ക് ആഴ്ത്തി ഇറക്കുകയോ ബോർ ചെയ്തു ഇറക്കുകയോ ചെയ്യുന്നു.
ആഴത്തിലുള്ളതും ഉറപ്പുള്ളതുമായ മൺപാളികളിലോ അടിത്തട്ടിലോ എത്താൻ കഴിയുന്നു
ടെൻസൈൽ, കംപ്രസ്സീവ് ലോഡുകൾക്ക് അനുയോജ്യമായത്
കടൽത്തീരങ്ങൾ, പാലത്തിന്റെ സ്ട്രക്ച്ചറുകൾ, ബഹുനില കെട്ടിടങ്ങൾ, മോശം അവസ്ഥയിലുള്ള മൺപ്രദേശങ്ങൾ എന്നിവയ്ക്ക് അനുയോജ്യമായത്.
ഇൻസ്റ്റാളേഷൻ ശബ്ദമുകരിതവും വൈബ്രേഷന് കാരണമായേക്കാവുന്നതും സമീപത്തെ സ്ട്രക്ച്ചറുകളെ ബാധിച്ചേക്കാവുന്നതുമാണ്.
ഇൻസ്റ്റാളേഷന് പ്രത്യേക ഉപകരണങ്ങളും വൈദഗ്ധ്യവും ആവശ്യമാണ്.
ശരിയായ നീളവും ലോഡ് കപ്പാസിറ്റിയും നിർണ്ണയിക്കുന്നത് സങ്കീർണ്ണമായേക്കാം, വിശദമായ മണ്ണ് വിശകലനവും ആവശ്യമായി വരുന്നു.
ഡ്രിൽഡ് ഷാഫ്റ്റുകൾ അഥവാ കൈസൺസ് എന്നത് കൺസ്ട്രക്ഷൻ ഉപയോഗിച്ചുവരുന്ന മറ്റൊരു തരം ഫൗണ്ടേഷൻ ആണ്. ഇതിൽ നിലത്ത് വലിയ വ്യാസത്തിൽ മണ്ണ് തുരന്ന് ദ്വാരം സൃഷ്ടിച്ച്, ചിലപ്പോൾ ബലപ്പെടുത്തി കൊണ്ടും കോൺക്രീറ്റ് കൊണ്ട് നിറയ്ക്കുന്നു. സ്ഥലം തുരന്ന്, ആവശ്യത്തിന് ഉറപ്പുള്ള മണ്ണിന്റെ പാളിയിലോ, പാറയിലോ കൃത്യമായി ഫൗണ്ടേഷനുകൾ സ്ഥാപിക്കാൻ ഇത്തരം കൺസ്ട്രക്ഷൻ കൊണ്ട് കഴിയുന്നു.
നിർദ്ദിഷ്ട പ്രോജക്റ്റ് ആവശ്യകതകൾക്ക് അനുസൃതമായി ക്രമീകരിക്കാനാവും; ആവശ്യമായ ആഴത്തിൽ എത്തിച്ചേരാനും ആകും
ആക്സിയൽ, ലാറ്ററൽ ലോഡുകൾക്കുള്ള ഉയർന്ന ശേഷി ഉണ്ടായിരിക്കും
ഡ്രില്ലിംഗ് പ്രവർത്തി ചുറ്റുപാടുമുള്ള മണ്ണിന് ഏറ്റവും കുറഞ്ഞ രീതിയിലുള്ള അസ്വാരസ്യം മാത്രമേ സൃഷ്ടിക്കുകയുള്ളൂ.
ഭാരമേറിയ യന്ത്രസാമഗ്രികളും വൈദഗ്ധ്യമുള്ള തൊഴിലാളികളും ആവശ്യമാണ്.
ഡ്രില്ലിംഗ് പ്രവൃത്തി മന്ദഗതിയിലേ പുരോഗമിക്കുകയുള്ളൂ, പ്രത്യേകിച്ച് കട്ടിയുള്ള മണ്ണിന്റെയോ പാറയുടെയോ പാളികളിന്മേൽ
ചില മണ്ണിൻ്റെ അവസ്ഥയിൽ കൺസ്ട്രക്ഷൻ സമയത്ത് വെള്ളം കയറുന്നത് പ്രക്രിയയെ സങ്കീർണ്ണമാക്കും.
വ്യത്യസ്ത തരം മണ്ണുകൾക്ക് വ്യത്യസ്ത അളവിലുള്ള ലോഡ് വഹിക്കാനുള്ള ശേഷിയാണ് ഉണ്ടാവുക. നിങ്ങൾ നിർമ്മാണം നടത്താൻ ഉദ്ദേശിക്കുന്ന സ്ഥലത്തിന്റെ മണ്ണിന്റെ പരിശോധന നടത്തി ഏതുതരത്തിലുള്ള മണ്ണ് ആണെന്ന് കണ്ടെത്തുന്നതിനനുസരിച്ച് നിങ്ങളുടെ ഫൗണ്ടേഷൻ ഡിസൈൻ ക്രമീകരിക്കേണ്ടതുണ്ട്.
വ്യത്യസ്ത തരം ഫൗണ്ടേഷനുകളുടെ ലേഔട്ടിൽ കൃത്യത നിർണായകമായ ഒന്നാണ്. കൃത്യമായ അളവുകളും ഓറിയൻ്റേഷനുകളും അടയാളപ്പെടുത്തുന്നതിന് പ്രൊഫഷണൽ സർവേയിംഗ് ഉപകരണങ്ങൾ ഉപയോഗിക്കുക. കെട്ടിടത്തിന്റെ പ്ലാനുകളുമായി ഫൗണ്ടേഷൻ ശരിയായ വിധം ചേരുന്നുണ്ടെന്ന് ഉറപ്പാക്കുക.
വെള്ളം ഫൗണ്ടേഷനെ ദുർബലപ്പെടുത്തുകയും അത് ഒഴുകി അടിയുന്നതിനോ, സ്ഥാന ചലനം ഉണ്ടാകുന്നതിനോ കാരണമാവുകയും ചെയ്യും. ഫൗണ്ടേഷന്റെ കരുത്ത് സംരക്ഷിക്കുന്നതിന്, ശരിയായ നീർവാർച്ച ആസൂത്രണം ചെയ്യുക. ഈർപ്പം കയറുന്നത് തടയാൻ വാട്ടർപ്രൂഫിംഗ് നടപടികൾ സ്വീകരിക്കുക.
മണ്ണിൻ്റെ വിശകലനം, കെട്ടിട ഭാരം, പാരിസ്ഥിതിക സാഹചര്യങ്ങൾ എന്നിവയെ അടിസ്ഥാനമാക്കി ഫൗണ്ടേഷൻ്റെ തരം (ഉദാ. ഷാലോ അല്ലെങ്കിൽ ഡീപ് ഫൗണ്ടേഷൻ ) നിശ്ചയിക്കുക. പ്രാദേശികമായ കെട്ടിട നിർമ്മാണ ചട്ടങ്ങളും രീതികളും പരിഗണിക്കുക.
ഫൗണ്ടേഷന്റെ ഈട് ഉറപ്പിക്കാൻ ഉയർന്ന ഗുണ നിലവാരമുള്ള കോൺക്രീറ്റും ബലപ്പെടുത്തുന്ന വസ്തുക്കളും ഉപയോഗിക്കുക. മെറ്റീരിയലിന്റെ ഗുണനിലവാരത്തിൽ വിട്ടുവീഴ്ച ചെയ്യുന്നത് സ്ട്രക്ചറിന് ഉണ്ടാകാവുന്ന പ്രശ്നങ്ങൾക്ക് കാരണമാകും.
കൺസ്ട്രക്ഷൻ മേഖലയിൽ, നിർമ്മാണത്തിന് ഉപയോഗിക്കുന്ന വ്യത്യസ്ത തരം ഫൗണ്ടേഷനുകളെ കുറിച്ച് മനസ്സിലാക്കുന്നത് പ്രധാനമാണ്, കാരണം അവ ഏതൊരു സ്ട്രക്ചറിന്റെയും അടിസ്ഥാനമായി വർത്തിക്കുന്നു, സ്ഥിരതയും ദീർഘായുസ്സും ഉറപ്പാക്കുന്നു. ഷാലോ ഫൗണ്ടേഷൻ ഡീപ് ഫൗണ്ടേഷൻ എന്നിവയിൽ നിന്ന് ഏതെങ്കിലും ഒന്ന് തെരഞ്ഞെടുക്കുന്നത് മണ്ണിന്റെ അവസ്ഥ, ലോഡ് താങ്ങാനുള്ള ശേഷി, പാരിസ്ഥിതിക ഘടകങ്ങൾ എന്നിവയെ ആശ്രയിച്ചിരിക്കുന്നു. ഈ ഘടകങ്ങൾ ശ്രദ്ധാപൂർവ്വം പരിഗണിക്കുന്നതിലൂടെ, കൺസ്ട്രക്ഷൻ പ്രൊഫഷണലുകൾക്ക് അവരുടെ ഫൗണ്ടേഷൻ നിർമ്മാണത്തിന് ഏറ്റവും അനുയോജ്യമായ തരം ഏതെന്ന് തെരഞ്ഞെടുക്കുവാൻ കഴിയും. ഇത് വരും വർഷങ്ങളിൽ അവരുടെ പ്രോജക്റ്റുകളുടെ സമഗ്രതയും വിജയവും ഉറപ്പാക്കുന്നു.
കൺസ്ട്രക്ഷൻ ഏറ്റവും പ്രചാരമുള്ള അടിത്തറ ഷാലോ ഫൗണ്ടേഷൻ ആണ്. പ്രത്യേകിച്ച് സ്ട്രിപ്പ് ഫൗണ്ടേഷൻ, കാരണം വ്യത്യസ്തമായ മണ്ണിന്റെ അവസ്ഥകൾക്കും കെട്ടിട വലുപ്പങ്ങൾക്കും ഇത് അനുയോജ്യമാണ്.
ഡീപ് ഫൗണ്ടേഷനുകൾ, പ്രത്യേകിച്ച് പൈൽ ഫൗണ്ടേഷനുകളാണ് ഏറ്റവും ശക്തമായ ഫൗണ്ടേഷൻ ആയി കണക്കാക്കപ്പെടുന്നത്. അവ ഭാരം കൂടുതൽ ആഴമേറിയതും കൂടുതൽ ഉറപ്പുള്ളതുമായ മണ്ണിന്റെ പാളികളിലേക്ക് അല്ലെങ്കിൽ അടിത്തട്ടിലേക്ക് വിന്യസിക്കുന്നു, വലിയ തോതിലുള്ള ലോഡ് കപ്പാസിറ്റിക്ക് ഇത് സഹായകരമാകുന്നു.
ഏറ്റവും മികച്ച ഫൂട്ടിംഗ് തരം നിർദ്ദിഷ്ട പ്രോജക്റ്റിനെ ആശ്രയിച്ച് ആയിരിക്കും . സാധാരണഗതിയിൽ, ഒരേ അവസ്ഥയിലുള്ള മണ്ണിനും ഒരേ അളവിലുള്ള ലോഡിന്റെ വിതരണത്തിനും വൈഡ് സ്ട്രിപ്പ് ഫൂട്ടിംഗ് അനുയോജ്യമായിരിക്കും. അതേസമയം ഒരു ഐസലേറ്റഡ് ഫൂട്ടിംഗ്, കോളം അധിഷ്ഠിത സ്ട്രക്ച്ചറുകൾക്ക് അനുയോജ്യമായിരിക്കും.
പുരാതന കൺസ്ട്രക്ഷനുകളിൽ ഉപയോഗിച്ചിരിക്കുന്ന ഷാലോ ഫൗണ്ടേഷൻറെ അടിസ്ഥാന രൂപമായ പാഡ് ഫൗണ്ടേഷൻ ആണ് ഏറ്റവും പഴക്കമേറിയ ഫൗണ്ടേഷൻ തരം.
സ്ട്രക്ച്ചറൽ ഫൗണ്ടേഷൻ എന്നത് ഒരു സ്ട്രക്ചറിന്റെ ഭാഗമാണ്, അത് അതിൻ്റെ ഭാരം നേരിട്ട് ഭൂമിയിലേക്ക് കൈമാറുകയും സ്ഥിരത നൽകിക്കൊണ്ട് ചലനമോ അടിഞ്ഞു കൂടലോ സംജാതമാകുന്നത് തടയുകയും ചെയ്യുന്നു.
