Share:
മെറ്റൽ, പോളികാർബണേറ്റ്, ഫൈബർ സിമൻറ്, പ്ലാസ്റ്റിക് എന്നിവയുൾപ്പെടെ വ്യത്യസ്തങ്ങളായ റൂഫിംഗ് ഷീറ്റുകൾ ലഭ്യമാണ്, ഓരോന്നും വ്യത്യസ്ത ആവശ്യങ്ങൾക്കും കാലാവസ്ഥയ്ക്കും അനുയോജ്യമായിരിക്കും.
സ്റ്റീൽ, അലുമിനിയം തുടങ്ങിയ ലോഹ ഷീറ്റുകൾ ദീർഘകാലത്തെ ഈട് നൽകുന്നു, കൂടാതെ പ്രതികൂലമായ കാലാവസ്ഥയ്ക്കും അനുയോജ്യമായിരിക്കും.
പോളികാർബണേറ്റ് പ്ലാസ്റ്റിക് ഷീറ്റുകൾ ഭാരം കുറഞ്ഞവയും ഇൻസ്റ്റാൾ ചെയ്യാൻ എളുപ്പമുള്ളതും ആണ്സു. ഇവ സുതാര്യമായതോ വിവിധ നിറങ്ങളിലോ ലഭ്യമാവും. നടുമുറ്റം അല്ലെങ്കിൽ ഹരിതഗൃഹങ്ങൾ എന്നിവയ്ക്ക് ഉപയോഗിക്കാൻ അനുയോജ്യമായിരിക്കും.
ഫൈബർ, സിമന്റ് ഷീറ്റുകൾ റീസൈക്കിൾ ചെയ്യുന്ന മെറ്റീരിയുകളിലുകളിൽ നിന്നാണ് നിർമ്മിക്കുന്നത്. അതിനാൽ അവ ഉപയോഗിക്കുന്നത് പരിസ്ഥിതി സൗഹൃദപരമായ തെരഞ്ഞെടുപ്പ് ആയിരിക്കും, ഉറപ്പിന്റെ കാര്യത്തിൽ വിട്ടുവീഴ്ച ചെയ്യാതെ തന്നെ.
പരമ്പരാഗതമായത് മുതൽ ആധുനിക രീതിയിൽ ഉള്ള കെട്ടിടങ്ങൾക്ക് വരെ, കെട്ടിടത്തിന്റെ ഡിസൈനിനു അനുയോജ്യമായ വൈവിധ്യമാർന്ന നിറങ്ങളും ടെക്സ്ചറുകളുമുള്ള റൂഫിംഗ് ഷീറ്റുകൾ നിങ്ങൾക്ക് തെരഞ്ഞെടുക്കാവുന്നതാണ്.
വ്യത്യസ്ത തരം റൂഫിംഗ് ഷീറ്റുകൾ വിലയിലും വ്യത്യാസപ്പെടും. പോളികാർബണേറ്റും പ്ലാസ്റ്റിക്കും പൊതുവെ താങ്ങാനാവുന്ന വില വരുന്നതാണ്. അതേസമയം മെറ്റൽ ഷീറ്റുകൾക്ക് വരുന്ന ചെലവ് ദീർഘകാലം ഈടുനിൽക്കുന്നതിനുള്ള നിക്ഷേപമായി വേണം കണക്കാക്കാൻ.
റൂഫിംഗ് മെറ്റീരിയലുകൾ തിരഞ്ഞെടുക്കുമ്പോൾ, ലഭ്യമായ വ്യത്യസ്ത തരങ്ങൾ ഏതെന്ന് മനസ്സിലാക്കുന്നത് നിങ്ങളുടെ പ്രോജക്റ്റിന് വേണ്ടി ഏറ്റവും മികച്ചത് തെരഞ്ഞെടുക്കാൻ നടത്താൻ നിങ്ങളെ സഹായിക്കും. ആറ് സാധാരണ തരം റൂഫിംഗ് ഷീറ്റുകളുടെ ഒരു വിശകലനവും അവയുടെ തനതായ സവിശേഷതകളും ഉപയോഗങ്ങളും ഇവിടെ എടുത്തുകാണിക്കുന്നു.
കോറഗേറ്റഡ് മെറ്റൽ റൂഫിംഗ് ഷീറ്റുകൾ വളരെ കാലം ഈടുനിൽക്കുന്നതും പ്രതികൂലമായ കാലാവസ്ഥയെ പ്രതിരോധിക്കുന്നതുമാണ്. അവയ്ക്ക് ബലം കൂട്ടുന്ന ഓളങ്ങളുടെ ആകൃതി ഉണ്ടായിരിക്കും. നിരവധി പതിറ്റാണ്ടുകൾ വരെ നിലനിൽക്കാനുള്ള ശേഷി അവയ്ക്കുണ്ട്. ബലവത്തായതും, ദീർഘകാലം ഈട് നിൽക്കുന്ന റൂഫിംഗ് ആവശ്യമുള്ള വ്യാവസായിക, റെസിഡൻഷ്യൽ കെട്ടിടങ്ങൾക്ക് ഈ ഷീറ്റുകൾ അനുയോജ്യമായിരിക്കും.
പോളികാർബണേറ്റ് റൂഫിംഗ് ഷീറ്റുകൾ ഭാരം കുറഞ്ഞതും എന്നാൽ ഉയർന്ന ആഘാതത്തെ പ്രതിരോധിക്കാൻ ശേഷിയുള്ളതുമാണ്. അവ സുതാര്യമോ അർദ്ധസുതാര്യമോ ആയതിനാൽ പ്രകൃതിദത്തമായ പ്രകാശം കടന്നുപോകാൻ അനുവദിക്കും. അതുകൊണ്ടുതന്നെ ഹരിതഗൃഹങ്ങൾ, പാറ്റിയോകൾ, കൺസർവേറ്ററികൾ എന്നിവയ്ക്ക് ഇവ അനുയോജ്യമാകുന്നു. ഈ ഷീറ്റുകൾ അൾട്രാ വയലറ്റ് രശ്മികളെ പ്രതിരോധിക്കാൻ ശേഷിയുള്ളതും നല്ല ഇൻസുലേഷൻ ഗുണങ്ങളോടും കൂടിയുള്ളതാണ്.
പ്ലാസ്റ്റിക് റൂഫിംഗ് ഷീറ്റുകൾ വഴക്കവും വൈവിധ്യവും നൽകുന്നതും താങ്ങാനാവുന്ന വിലയിൽ ലഭ്യമാകുന്നതുമായ ഒരു ഓപ്ഷനാണ്. വിവിധ നിറങ്ങളിൽ ഇവ ലഭ്യമാവും. സ്ലേറ്റ് അല്ലെങ്കിൽ ടൈൽ പോലുള്ള മറ്റ് മെറ്റീരിയലുകളുടെ രൂപമെന്ന് തോന്നിപ്പിക്കുന്ന തരത്തിലുള്ളവ ഉണ്ടായിരിക്കും. പ്ലാസ്റ്റിക് ഷീറ്റുകൾ വാട്ടർപ്രൂഫ് ആയതിനാൽ ഇൻസ്റ്റാൾ ചെയ്യാൻ വളരെ എളുപ്പമാണ്, ഇത് ഷെഡുകൾ, കാർപോർട്ടുകൾ പോലുള്ള ചെറിയ സ്ട്രക്ച്ചറുകൾക്ക് അനുയോജ്യമായിരിക്കും.
റെസിഡൻഷ്യൽ കെട്ടിടങ്ങളിൽ ഏറ്റവും സാധാരണമായി ഉപയോഗിക്കുന്ന റൂഫിംഗ് മെറ്റീരിയലുകളിൽ ഒന്നാണ് ആസ്ഫാൽറ്റ് റൂഫിംഗ് ഷീറ്റുകൾ അഥവാ ഷിംഗിൾസ്. ഫൈബർഗ്ലാസ് ബേസ് ഉപയോഗിച്ച് നിർമ്മിക്കുന്ന ഇവയിൽ അസ്ഫാൽറ്റും മിനറൽ ഗ്രാന്യൂളുകളും ചേർക്കുന്നു. ഈ കൂട്ടുകെട്ട് കാലാവസ്ഥയെ നല്ല രീതിയിൽ പ്രതിരോധിക്കുന്നു. ഇവ വിവിധ നിറങ്ങളിലും രൂപത്തിലും ലഭ്യമാവും.
സ്ലേറ്റ് റൂഫിംഗ് ഷീറ്റുകൾ സ്വാഭാവിക രൂപത്തിലുള്ള സ്ലൈറ്റിനെ പോലെ തോന്നിപ്പിക്കുന്ന വിധത്തിലുള്ളതാണ്. പക്ഷേ വിലയും ഭാരവും താരതമ്യേന കുറവായിരിക്കും. സിന്തറ്റിക് വസ്തുക്കളിൽ നിന്നാണ് ഈ ഷീറ്റുകൾ നിർമ്മിക്കുന്നത്. കൂടുതൽ ഈട് നിൽക്കുന്ന ഇവയുടെ ഇൻസ്റ്റാളേഷൻ എളുപ്പമാണ്. ഇവ ഉപയോഗിക്കുന്നതുകൊണ്ട് കൊണ്ട് സ്ലേറ്റിന്റെ സൗന്ദര്യത്മക ആകർഷണം ലഭിക്കും. യഥാർത്ഥ സ്ലേറ്റിന്റെ ഉയർന്ന ചെലവും പരിപാലനവും ഇല്ലാതെ ഒരു ക്ലാസിക് ലുക്ക് ആഗ്രഹിക്കുന്നവർക്ക് അവ അനുയോജ്യമായിരിക്കും.
ബിറ്റുമെൻ റൂഫിംഗ് ഷീറ്റുകൾ പരിഷ്കരിച്ച ബിറ്റുമെൻ ഉപയോഗിച്ചാണ് നിർമ്മിക്കുന്നത്. ഫൈബർഗ്ലാസ് അല്ലെങ്കിൽ പോളിസ്റ്റർ പോലുള്ള വസ്തുക്കൾ ചേർത്ത് യെ ബലപ്പെടുത്തുകയും ചെയ്യുന്നു. ഉറപ്പുള്ളതും, വെള്ളം കയറാത്തതും, പൊളിഞ്ഞു പോകുന്നത് പ്രതിരോധിക്കാൻ ശേഷിയുള്ളതുമാണ്. മികച്ച വാട്ടർപ്രൂഫിംഗ് ശേഷിയും ദീർഘായുസ്സും കാരണം, അവ സാധാരണയായി പരന്നതോ ഉയരം കുറവുള്ള മേൽക്കൂരകളിലോ, പ്രത്യേകിച്ചും വാണിജ്യപരമായ ആവശ്യകതകൾക്കാണ് കൂടുതൽ ഉപയോഗിക്കുന്നത്.
അനുയോജ്യമായ റൂഫിംഗ് ഷീറ്റുകൾ തിരഞ്ഞെടുക്കുന്നതിൽ നിരവധി ഘടകങ്ങൾ കണക്കിലെടുക്കേണ്ടതുണ്ട്. ഇവയെ പറ്റി മനസ്സിലാക്കുന്നത് നിങ്ങളുടെ പ്രോജക്റ്റിന് വേണ്ട മികച്ച മെറ്റീരിയൽ തിരഞ്ഞെടുക്കാൻ സഹായകരമാവും. ഇത് നിങ്ങളുടെ പ്രത്യേക കാലാവസ്ഥയ്ക്കും, മോടി പിടിപ്പിക്കാനുള്ള ആവശ്യങ്ങൾക്കും, ഈട് നിൽക്കുന്നതിനും, മുടക്കുന്ന പൈസക്കുള്ള മൂല്യം ലഭിക്കുന്നതിനും, അനുയോജ്യത എന്നിവ സാധ്യമാക്കുമെന്നുണ്ടെന്ന് ഉറപ്പ് വരുത്തും.
വ്യത്യസ്ത തരം റൂഫിംഗ് ഷീറ്റുകളുടെ ആയുസ്സ് വളരെയധികം വ്യത്യാസപ്പെട്ടതായിരിക്കും. ലോഹ, പോളികാർബണേറ്റ് ഷീറ്റുകൾ അവയുടെ ഈടിന് പേരുകേട്ടവയാണ്. ശരിയായ അറ്റകുറ്റപ്പണികൾ നടത്തിയാൽ അവ പതിറ്റാണ്ടുകളോളം നിലനിൽക്കും. റൂഫിംഗിന്റെ പ്രതീക്ഷിത ആയുസ്സ് പരിഗണിക്കുക. മാറ്റിസ്ഥാപിക്കൽ ആവശ്യമായി വരുന്ന പക്ഷം എത്ര കാലം റൂഫിംഗ് ഈട് നിൽക്കണം എന്നാണ് നിങ്ങൾ ആഗ്രഹിക്കുന്നത് എന്നും കണക്കിലെടുക്കുക.
നിങ്ങളുടെ ഭൂപ്രദേശത്തിന്റെ സ്ഥാനം അനുസരിച്ചുള്ള കാലാവസ്ഥാ പ്രതിരോധം നിർണായകമാണ്. കനത്ത മഴ, മഞ്ഞ് അല്ലെങ്കിൽ ശക്തമായ കാറ്റ് പോലുള്ള പ്രതികൂലമായ കാലാവസ്ഥയ്ക്ക് സാധ്യതയുള്ള പ്രദേശങ്ങളിൽ, ഈ ഘടകങ്ങളെ ചെറുക്കാൻ കഴിയുന്ന കോറഗേറ്റഡ് മെറ്റൽ പോലെയുള്ള മെറ്റീരിയലുകൾ തിരഞ്ഞെടുക്കേണ്ടത് പ്രധാനമാണ്. നിങ്ങളുടെ പ്രദേശത്തുള്ള പ്രതികൂല കാലാവസ്ഥയെ കൈകാര്യം ചെയ്യാൻ കഴിയുമെന്ന് ഉറപ്പിക്കാൻ ഓരോ മെറ്റീരിയലിന്റെയും കാലാവസ്ഥാ പ്രതിരോധ ശേഷി വിലയിരുത്തേണ്ടതുണ്ട്.
ചില റൂഫിംഗ് മെറ്റീരിയലുകൾക്ക് മറ്റുള്ളവയെ അപേക്ഷിച്ച് സങ്കീർണ്ണമായ ഇൻസ്റ്റാളേഷൻ പ്രക്രിയകളും അറ്റകുറ്റപ്പണികളും ആവശ്യമായി വന്നേക്കാം. ഉദാഹരണത്തിന്, മെറ്റൽ ഷീറ്റുകൾ ഇൻസ്റ്റാൾ ചെയ്യാൻ കൂടുതൽ എളുപ്പമായിരിക്കാം, പക്ഷേ പതിവായി തുരുമ്പ് അല്ലെങ്കിൽ കേടുപാടുകൾ പിടിപെടുന്നുണ്ടോ എന്ന് പരിശോധിക്കേണ്ടതുണ്ട്. മറുവശത്ത്, ബിറ്റുമെൻ ഷീറ്റുകൾക്ക് ഇടയ്ക്കിടെയുള്ള അറ്റകുറ്റപ്പണികൾ ആവശ്യമായി വന്നേക്കാം, പക്ഷേ ഇൻസ്റ്റാളേഷൻ ജോലി കൂടുതൽ സങ്കീർണ്ണമായിരിക്കും . മേൽക്കൂര പരിപാലിക്കാനുള്ള നിങ്ങളുടെ ശേഷിയും അതിൽ ഉൾപ്പെടുന്ന ഇൻസ്റ്റാളേഷൻ ചെലവുകളും പരിഗണിക്കണം.
ഊർജ്ജ കാര്യക്ഷമത വളരെ പ്രാധാന്യത്തോടെ പരിഗണിക്കേണ്ട ഒന്നാണ് . പോളികാർബണേറ്റ്, ചില ലോഹങ്ങൾ തുടങ്ങിയ മെറ്റീരിയലുകൾ സൂര്യപ്രകാശത്തെ പ്രതിഫലിപ്പിച്ച്, ചൂടുള്ള കാലാവസ്ഥയിൽ കെട്ടിടങ്ങളെ തണുപ്പിക്കാൻ സഹായിക്കുന്നു. ഇത് എയർ കണ്ടീഷനിംഗ് ചെലവ് ഗണ്യമായി കുറയ്ക്കും. ഊർജ്ജ കാര്യക്ഷമതയ്ക്കാണ് മുൻഗണന കൊടുക്കുന്നത് എങ്കിൽ, നല്ല ഇൻസുലേഷൻ ഗുണങ്ങൾ ഉള്ളതും പ്രതിഫലന ശേഷിയുള്ളതുമായ റൂഫിംഗ് ഷീറ്റുകൾ കണ്ടെത്തണം.
നിങ്ങളുടെ മേൽക്കൂരയുടെ ബാഹ്യരൂപം നിങ്ങളുടെ കെട്ടിടത്തിന്റെ മൊത്തത്തിലുള്ള രൂപ ഭംഗിയെ ബാധിച്ചേക്കാം. റൂഫിംഗ് ഷീറ്റുകൾ വിവിധ നിറങ്ങളിലും തരങ്ങളിലും ലഭ്യമാണ്. ചിലത് സ്ലേറ്റ് അല്ലെങ്കിൽ ടൈൽ പോലുള്ള പരമ്പരാഗത വസ്തുക്കൾക്ക് സമാനമായി തോന്നുന്നവയാണ്. ഇത് രൂപ ഭംഗിയും പ്രവർത്തനക്ഷമതയും തരുന്നു. നിങ്ങൾ പ്രാധാന്യം കൊടുക്കുന്ന സൗന്ദര്യാത്മക ഘടകങ്ങൾ എന്തൊക്കെയാണെന്നും റൂഫിംഗ് മെറ്റീരിയൽ നിങ്ങളുടെ കെട്ടിടത്തിന്റെ ഡിസൈനിനു ഭംഗി പകരുന്നതിൽ എത്രകണ്ട് പങ്കുവഹിക്കുന്നുണ്ടെന്നും കണക്കിലെടുക്കണം.
ചെലവ് എപ്പോഴും പരിഗണിക്കേണ്ടുന്ന ഒരു പ്രധാന ഘടകമാണ്. പ്ലാസ്റ്റിക് അല്ലെങ്കിൽ ബിറ്റുമെൻ ഷീറ്റുകൾ പോലുള്ള വില കുറഞ്ഞ ഓപ്ഷനുകൾ മുതൽ ഉയർന്ന നിലവാരമുള്ള മെറ്റൽ ഷീറ്റുകൾ അല്ലെങ്കിൽ സിന്തറ്റിക് സ്ലേറ്റ് പോലുള്ള കൂടുതൽ ചെലവേറിയ ഓപ്ഷനുകൾ വരെയുള്ള റൂഫിംഗ് മെറ്റീരിയലുകളുടെ വില വലിയതോതിൽ വ്യത്യാസപ്പെട്ടിരിക്കും. ഉപയോഗിക്കുന്ന കാലയളവിൽ മികച്ച മൂല്യം തരുന്ന ഒരു മെറ്റീരിയൽ കണ്ടെത്തുന്നതിനായി ഈട്, മെയിൻ്റനൻസ് ചെലവ് എന്നിവ പോലുള്ള മറ്റ് ഘടകങ്ങളുമായി നിങ്ങളുടെ ബഡ്ജറ്റ് ഒത്തു പോകുന്നുണ്ടെന്ന് ഉറപ്പുവരുത്തുക.
റൂഫിംഗ് ഷീറ്റുകളുടെ തരങ്ങളെ കുറിച്ച് കൂടുതലറിയുന്നത് നിങ്ങളുടെ കൺസ്ട്രക്ഷൻ ആവശ്യങ്ങൾക്ക് വേണ്ട അനുയോജ്യമായ ഓപ്ഷനുകൾ ഏതെന്ന് മനസ്സിലാക്കാൻ നിങ്ങളെ സഹായിക്കുന്നു. റൂഫിംഗ് ഷീറ്റുകൾ വിവിധ മെറ്റീരിയലുകളിലും ഡിസൈനുകളിലും ലഭ്യമാണ്. ഓരോന്നും നിർദ്ദിഷ്ട കാലാവസ്ഥയ്ക്കും വാസ്തുവിദ്യാ ശൈലികൾക്കും അനുയോജ്യമായിരിക്കും. ഈ ഗൈഡ് 6 തരം റൂഫിംഗ് ഷീറ്റുകളെ പറ്റി പറയുന്നു , അവയുടെ സവിശേഷ ഗുണങ്ങളും ഉപയോഗങ്ങളും എടുത്തു കാണിക്കുകയും ചെയ്യുന്നു. നിങ്ങൾ ഒരു പുതിയ വീട് പണിയുകയാണെങ്കിലും, നിലവിലുള്ള മേൽക്കൂര നവീകരിക്കുകയാണെങ്കിലും, വ്യത്യസ്ത തരം റൂഫിംഗ് ഷീറ്റുകളെ പറ്റി അറിഞ്ഞിരിക്കുന്നത് നിങ്ങളുടെ തീരുമാനത്തിനെ മെച്ചപ്പെടുത്താൻ സഹായിക്കും . കൂടുതൽ വിവരങ്ങൾക്ക്, അൾട്രാ ടെക് സിമന്റ് സന്ദർശിക്കുക.
നിങ്ങളുടെ പ്രത്യേക ആവശ്യങ്ങൾക്കനുസരിച്ചാണ് ഏറ്റവും മികച്ച റൂഫിംഗ് ഷീറ്റ് തിരഞ്ഞെടുക്കുന്നത്. ഈടും ഉറപ്പുമാണ് വേണ്ടതെങ്കിൽ മെറ്റൽ റൂഫിംഗ് ഷീറ്റുകൾ ഒരു മികച്ച പരിഹാരമാണ്. അവ പ്രതികൂലമായ കാലാവസ്ഥയെ പ്രതിരോധിക്കുകയും കുറഞ്ഞ അറ്റകുറ്റപ്പണികൾ മാത്രം ആവശ്യമുള്ളതുമാണ്. രൂപ ഭംഗിക്ക് മുൻഗണന നൽകുന്നവർക്ക് നല്ല നിലവാരമുള്ള വസ്തുക്കളിൽ നിന്ന് നിർമ്മിച്ചെടുക്കുന്ന ആർക്കിടെക്ചറൽ ഷിംഗിൾസ് ആകർഷകമായ ഒരു ഒപ്‌ഷനായിരിക്കും.
ഒരു റൂഫിംഗ് ഷീറ്റിന്റെ അനുയോജ്യമായ കനം അത് നിർമ്മിച്ചിരിക്കുന്ന മെറ്റീരിയലിനെയും അതിടപഴകേണ്ട പാരിസ്ഥിതിക സാഹചര്യങ്ങളെയും ആശ്രയിച്ച് വ്യത്യാസപ്പെടുന്നു. സാധാരണയായി, ഈടുനിൽക്കുന്നതിനും മറ്റു ഘടകങ്ങളിൽ നിന്ന് മതിയായ സംരക്ഷണം ഉറപ്പാക്കുന്നതിനും, മെറ്റൽ റൂഫിംഗ് ഷീറ്റുകൾക്ക് കുറഞ്ഞത് 0.5 മില്ലീമീറ്റർ കനം ഉണ്ടായിരിക്കണം.
അലൂമിനിയം പോലുള്ള മെറ്റീരിയലുകൾ കൊണ്ട് നിർമ്മിക്കുന്ന റൂഫിംഗ് ഷീറ്റുകൾ ചൂടുള്ള കാലാവസ്ഥയ്ക്ക് അനുയോജ്യമാണ്. ഇത്തരത്തിലുള്ള റൂഫിംഗ് ഷീറ്റ് കെട്ടിടത്തിന് മുകളിൽ വരുന്ന സൂര്യപ്രകാശവും ചൂടും പ്രതിഫലിപ്പിച്ച് ഇന്റീരിയർ തണുത്തതാക്കാൻ സഹായിക്കുകയും, അങ്ങനെ കെട്ടിടം തണുപ്പിക്കുന്നതിന് ആവശ്യമായി വരുന്ന ചെലവ് കുറയ്ക്കുകയും ചെയ്യുന്നു.
പോളികാർബണേറ്റ് അല്ലെങ്കിൽ ഫൈബർഗ്ലാസ് ഷീറ്റുകളാണ് പലപ്പോഴും ടെറസിന് ഏറ്റവും അനുയോജ്യമായ റൂഫിംഗ് ഷീറ്റുകൾ. ഈ മെറ്റീരിയൽ വെളിച്ചം കടന്നുപോകാൻ അനുവദിക്കുന്നു, അതുകൊണ്ട് തന്നെ ഇത് ഉപയോഗിക്കുന്ന സ്ഥലങ്ങളിൽ വെളിച്ചവും വായുസഞ്ചാരമുള്ളതുമായ ഒരിടം സൃഷ്ടിക്കുന്നു. അവ ഈടുനിൽക്കുന്നതും മറ്റ് മൂലകങ്ങളുമായുള്ള സമ്പർക്കത്തെ കൈകാര്യം ചെയ്യാൻ ശേഷിയുള്ളതുമാണ്. ഇത് തുറസ്സായ ടെറസ് സ്ഥലങ്ങൾക്ക് അനുയോജ്യമായിരിക്കും.
മഴയുള്ള കാലാവസ്ഥയിൽ നന്നായി വെള്ളത്തെ പ്രതിരോധിക്കുന്ന റൂഫിംഗ് ഷീറ്റുകൾ ഉപയോഗിക്കേണ്ടത് പ്രധാനമാണ്. ചോർന്നൊലിക്കുന്ന മേൽക്കൂര നന്നാക്കുമ്പോൾ, നിങ്ങളുടെ സ്ട്രക്ചർ ഈർപ്പമില്ലാതെയും മറ്റു തകരാറുകളിൽ ഇല്ലാതെയും നിലനിൽക്കുമെന്ന് ഉറപ്പാക്കേണ്ടത് അത്യാവശ്യമാണ്. ഇക്കാര്യത്തിൽ കോറഗേറ്റഡ് ഫൈബർഗ്ലാസ് അല്ലെങ്കിൽ കോട്ടിംഗ് സ്റ്റീൽ ഷീറ്റുകൾ പ്രചാരം നേടിയ ഓപ്ഷനുകളാണ്, കാരണം അവ വെള്ളം അടിഞ്ഞുകൂടുന്നത് തടയുകയും ചോർച്ചയിൽ നിന്ന് സംരക്ഷിക്കുകയും ചെയ്യുന്നു.
