Share:
ലോഡ്-വഹിക്കുന്ന ഭിത്തികൾ അവ വഹിക്കുന്ന ഭാരം കെട്ടിടത്തിന്റെ ഫൗണ്ടേഷനിലേക്ക് വിതരണം ചെയ്തു കൊണ്ട് സ്ട്രക്ചറിന് പിൻബലം നൽകുന്നു.
പ്രീകാസ്റ്റ് കോൺക്രീറ്റ് ഭിത്തികൾ വേഗത്തിൽ ഇൻസ്റ്റാൾ ചെയ്യാനാവുകയും, ഉയർന്ന കൃത്യത നൽകുകയും ചെയ്യുന്നു. സാധാരണയായി കെട്ടിടത്തിന്റെ അടിസ്ഥാനപരമായ ഉറപ്പിന് വേണ്ടിയാണ് ഇത് ഉപയോഗിക്കുന്നത്.
മണ്ണിനെയും വെള്ളത്തെയും തടഞ്ഞു നിർത്തുന്ന സംരക്ഷണ ഭിത്തികൾ ചരിഞ്ഞ പ്രദേശങ്ങളിലെ മണ്ണൊലിപ്പ് തടയുന്നതിന് അത്യാവശ്യമാണ്.
കൊത്തുപണിയോട് കൂടിയ ചുവരുകൾ മോടിയുള്ളതും കാഴ്ചയിൽ ആകർഷകവും ആയിരിക്കും. ഇഷ്ടികകളും കല്ലുകളും ഉപയോഗിച്ച്, മോർട്ടാർ കൊണ്ട് ബന്ധിപ്പിച്ചാണ് ഇവ നിർമ്മിക്കുക.
ലോഡ് വാഹകരല്ലാത്ത ഭിത്തികൾ സ്ട്രക്ച്ചറിന്റെ ഭാരമൊന്നും വഹിക്കാതെ ഇടങ്ങളെ വിഭജിക്കുകയാണ് ചെയ്യുന്നത്.
ഇഷ്ടിക, കോൺക്രീറ്റ്, കല്ല് തുടങ്ങിയ മെറ്റീരിയലുകൾ അവയുടെ ഈടും ഇൻസുലേഷൻ ഗുണങ്ങളും കാരണം വ്യാപകമായി ഉപയോഗിക്കപ്പെടുന്നു.
കെട്ടിട നിർമ്മാണ കലയിൽ വൈവിധ്യമാർന്ന ഭിത്തികൾ ഉൾപ്പെടുന്നുണ്ട്. സ്ട്രക്ച്ചറിനെ പിന്തുണയ്ക്കുന്നത് മുതൽ രൂപ ഭംഗി വർദ്ധിപ്പിക്കാൻ വരെയുള്ള വ്യത്യസ്തമായ ലക്ഷ്യങ്ങളാണ് ഓരോന്നും നിറവേറ്റുന്നത്. കൺസ്ട്രക്ഷൻ മേഖലയിൽ ഉപയോഗത്തിലുള്ള വൈവിധ്യമാർന്ന ഭിത്തിയുടെ തരങ്ങളിൽ ചിലത് നമുക്ക് പരിശോധിക്കാം.
കൺസ്ട്രക്ഷൻ മേഖലയിൽ, ഭാരം വഹിക്കുന്ന ഭിത്തികൾ പ്രധാനമാണ്. മേൽഭാഗത്തുള്ള സ്ട്രക്ച്ചറിനെ പിന്തുണയ്ക്കുന്ന നിർണായക പങ്ക് അവ ഏറ്റെടുക്കുന്നു. ഉറപ്പുള്ള ഈ ഭിത്തികൾ കെട്ടിടത്തിന്റെ ഭാരം വഹിക്കുകയും, ബീമുകൾ, സ്ലാബുകൾ, അവയുടെ സ്വന്തം പിണ്ഡം എന്നിവയുടെ ലോഡ് ആഗിരണം ചെയ്ത്, തുടർന്ന് ഈ ബലത്തെ അടിത്തറയിലേക്ക് കടത്തിവിടുന്നു. പുറമെ അല്ലെങ്കിൽ ആന്തരിക ഭിത്തികളായി നിലകൊള്ളുന്ന ഇവ പ്രവർത്തനപരമായ പങ്കിനപ്പുറം, കെട്ടിടത്തിന്റെ രൂപകല്പനക്കും സംഭാവന നൽകുന്നുണ്ട്. ഏറ്റവും താഴ്ന്ന നില മുതൽ മേൽക്കൂര വരെ അവ അത്യാവശ്യമാണ്, ഓരോ ഘട്ടത്തിലും സ്ട്രക്ചറിന്റെ വിശ്വാസ്യത ഉറപ്പാക്കുന്നു.
മുൻകൂട്ടി നിർമ്മിച്ച കോൺക്രീറ്റ് ഉപയോഗിച്ച് നിർമ്മിക്കുന്ന ഇത്തരം ഭിത്തികൾ, അവയുടെ ശക്തി, കൃത്യത, വേഗത്തിലുള്ള ഇൻസ്റ്റാളേഷൻ പ്രക്രിയ എന്നിവയ്ക്ക് പേര് കേട്ടവയാണ് ഇത് സ്ട്രക്ച്ചറിന്റെ അടിസ്ഥാന പിന്തുണയ്ക്ക് വേദിയൊരുക്കുന്നു.
നിലത്തേയും വെള്ളത്തെയും പിടിച്ചു നിർത്താൻ ശേഷിയുള്ള പ്രത്യേക തരം ഭിത്തികളാണിവ. ഭൂപ്രദേശങ്ങളിൽ മണ്ണൊലിപ്പ് തടയുന്നതിനോ ചരിവുള്ള സ്ഥലങ്ങളിൽ പുറം തിണ്ണ സൃഷ്ടിക്കുന്നതിനോ ഇവ സാധാരണയായി ഉപയോഗിക്കുന്നു.
ഇഷ്ടിക അല്ലെങ്കിൽ കല്ല് പോലുള്ള വസ്തുക്കളിൽ നിന്നുള്ള വ്യക്തിഗത യൂണിറ്റുകളെ കൊണ്ട് നിർമ്മിക്കുന്നത് ഇവയെ മോർട്ടാർ ഉപയോഗിച്ച് ബന്ധിപ്പിക്കും. കൊത്തുപണികളോടെയുള്ള മതിലുകൾ അവയുടെ പ്രതിരോധശേഷിക്കും സൗന്ദര്യാത്മക ആകർഷണത്തിനും വിലമതിക്കപ്പെടുന്നവയാണ്.
ഓഫ്-സൈറ്റിൽ നിർമ്മിച്ചെടുക്കുന്ന ഇത്തരം ഭിത്തികൾ ലോഹ സ്റ്റഡുകൾ ഉപയോഗിച്ചാണ് നിർമിക്കുക. ലോഡ് താങ്ങേണ്ടുന്ന സാഹചര്യങ്ങളിൽ ഉപയോഗിക്കാവുന്നതും എളുപ്പത്തിൽ ഇൻസ്റ്റാളേഷൻ ചെയ്യാവുന്നതുമാണ്.
കുറഞ്ഞ സുഷിരാവസ്ഥയ്ക്കും വലിയ കംപ്രസ്സീവ് ശക്തിക്കും പേരുകേട്ട എഞ്ചിനീയറിംഗ് ഇഷ്ടികകൾ ഉപയോഗിച്ച് നിർമ്മിക്കുന്ന ഇത്തരം ഭിത്തികൾക്ക് ശക്തമായ ഭാരം താങ്ങാനുള്ള ശേഷിയുണ്ടാവും.
ഖനനം ചെയ്തെടുക്കുന്ന പ്രകൃതിദത്ത കല്ലുകൾ കൊണ്ട് നിർമ്മിക്കുന്ന കൽഭിത്തികൾ, കാലാതീതമായ സൗന്ദര്യം പ്രസരിപ്പിക്കുന്നതും, അതേസമയം ഗണ്യമായ ഭാരം വഹിക്കാനുള്ള ശേഷിയുള്ളതുമാണ്.
കെട്ടിടങ്ങളുടെ ഉയരം കൂടുമ്പോൾ ചുവരുകളുടെ കനവും കൂടേണ്ടതുണ്ട് , ഇത് അടിത്തറയിൽ സമ്മർദ്ദം വർദ്ധിപ്പിക്കുന്നതിന് കാരണമാകുന്നു. ഇത്തരം ഘടനകൾ ചെലവ് കുറഞ്ഞതായി നിലനിർത്തുന്നതിന് ശ്രദ്ധാപൂർവ്വമായ ആസൂത്രണം ആവശ്യമായി വരും.
ഭാരം വഹിക്കാത്ത ചുമരുകൾ തികച്ചും വ്യത്യസ്തമായ ഒരുദ്ദേശ്യമാണ് നിറവേറ്റുന്നത്. സ്വന്തം ഭാരത്തിനപ്പുറം അവ മറ്റുഭാരം താങ്ങുന്നില്ല. ബീമുകൾ അല്ലെങ്കിൽ സ്ലാബുകൾ പോലുള്ള സ്ട്രക്ചറിന്റെ ഘടകങ്ങളെ പിന്തുണയ്ക്കുന്ന ഭാരമില്ലാതെ ഒരു കെട്ടിടത്തിനുള്ളിലെ മുറികളോ അകത്തളങ്ങളോ തമ്മിൽ വേർതിരിക്കുകയാണ് അവ ചെയ്യുന്നത്.
ഭാരക്കുറവ് കൊണ്ടും, ഇൻസുലേഷൻ ഗുണങ്ങൾ കൊണ്ടും ഈ ഭിത്തികൾ ജനപ്രിയമാണ്. ഇത് ഒരു കെട്ടിടത്തിന്റെ ഇൻഡോർ കാലാവസ്ഥാ നിയന്ത്രിക്കുന്നതിന് സഹായിക്കുന്നു.
ഫസാഡ് ഇഷ്ടികകൾ സ്ട്രക്ചറുകുകൾക്ക് ഒരു സൗന്ദര്യാത്മക മുഖം നൽകുന്നവയാണ്. ഇത് സ്ട്രക്ചറിനെ പിന്തുണയ്ക്കുന്നില്ല, പക്ഷേ കെട്ടിടത്തിന്റെ ബാഹ്യ ഭംഗി വർദ്ധിപ്പിക്കാൻ സഹായിക്കും.
പൊള്ളയായ ഘടനയ്ക്ക് പേരുകേട്ട ഈ ഇഷ്ടികകൾ താപ, ശബ്ദ ഇൻസുലേഷൻ നൽകുന്നു. ഇവ അകത്തളങ്ങളെ വിഭജിക്കുന്ന ഭാരം കുറഞ്ഞതും ലോഡ് വഹിക്കാത്തതുമായ ഭിത്തികൾ നിർമ്മിക്കാൻ അനുയോജ്യമാണ്.
ചെലവ് ചുരുക്കാനും സ്ഥലം ലാഭിക്കാനും ഒരു പരിഹാരമായ കനം കുറഞ്ഞ ഇഷ്ടിക ഭിത്തികൾക്ക്, സ്ട്രക്ച്ചറിന്റെ ലേഔട്ടിനെ ബാധിക്കാതെ അകത്തളങ്ങൾ മനോഹരമായി വിഭജിക്കാൻ കഴിയും.
ലഭ്യമായ അസംഖ്യം ഭിത്തികളുടെ തരങ്ങൾ ഉപയോഗിച്ച്, കൺസ്ട്രക്ഷൻ പ്രൊഫഷണലുകൾക്ക് ഓരോ പ്രോജക്റ്റിന്റെയും പ്രത്യേക ആവശ്യങ്ങൾക്കനുസരിച്ച് അവരുടെ തിരഞ്ഞെടുപ്പുകൾ തീരുമാനിക്കാൻ കഴിയും. ഒഴിവാക്കാനാവാത്ത ഉറപ്പ് നൽകുന്ന ആവശ്യകത മുതൽ ആകർഷകമായ ഡിസൈനുകളുള്ള ഇടങ്ങൾ സൃഷ്ടിക്കുന്നത് വരെ, നിങ്ങൾ തിരഞ്ഞെടുക്കുന്ന ഭിത്തികൾ ഒരു കെട്ടിടത്തിന്റെ രൂപകല്പനയുടെ അടിത്തറയായി മാറുന്നു.
കൺസ്ട്രക്ഷൻറെ വിപുലമായ മേഖലയിൽ, ഭിത്തിക്ക് അനുയോജ്യമായ വസ്തുക്കളുടെ തിരഞ്ഞെടുപ്പ് കെട്ടിടത്തിന്റെ ഈട്, സൗന്ദര്യശാസ്ത്രം, ഇൻസുലേഷൻ സവിശേഷതകൾ, പാരിസ്ഥിതിക ആഘാതം എന്നിവയെ പോലും കാര്യമായി സ്വാധീനിക്കുന്നവയാണ്. ഭിത്തിക്ക് അനുയോജ്യമായ ചില പ്രബല മെറ്റീരിയലുകളെ പറ്റിയുള്ള ഒരു ഹ്രസ്വ അവലോകനം ഇതാ:
ഏറ്റവും പുരാതനമായതും പരമ്പരാഗതവുമായ മെറ്റീരിയലുകളിൽ ഒന്നായ ഇഷ്ടിക ഈട്, അഗ്നി പ്രതിരോധം, താപ പിണ്ഡ ഗുണങ്ങൾ എന്നിവ കൊണ്ട് ജനപ്രിയമാണ്. ഇത് ഊർജ്ജക്ഷമതക്കും സഹായകരമാണ്.
ഇവ ചെലവ് കുറഞ്ഞതും ബഹുമുഖവുമാണ്. സ്ട്രക്ച്ചറിന് മികച്ച രീതിയിൽ ഉള്ള ശക്തി , അഗ്നി പ്രതിരോധം, ഇൻസുലേഷൻ ഗുണങ്ങൾ എന്നിവ നൽകുന്നതുമാണ്.
പ്രകൃതിദത്ത കല്ല് അതുല്യമായ സൗന്ദര്യവും വൈശിഷ്ട്യതയും നൽകുന്നു. അതോടൊപ്പം അതിശയകരമായ ഈടും അഗ്നി പ്രതിരോധവും നൽകുന്നതും, അതിന്റെ താപ പിണ്ഡം ഊർജ്ജ ക്ഷമതയ്ക്ക് മുതൽക്കൂട്ട് ആവുകയും ചെയ്യുന്നു.
തടികൊണ്ടുള്ള ഭിത്തികൾ സ്ട്രക്ചറിന് ഊഷ്മളതയും സ്വാഭാവിക സൗന്ദര്യവും നൽകുന്നു. അവ ഭാരം കുറഞ്ഞതും നല്ല താപ, ശബ്ദ ഇൻസുലേഷൻ നൽകുകയും ചെയ്യും പക്ഷേ അഗ്നി പ്രതിരോധത്തിനും ഈടുറപ്പിനും പ്രത്യേകം പരിരക്ഷ നൽകേണ്ടിവരും.
ആധുനിക വ്യാവസായിക, വാണിജ്യ കെട്ടിടങ്ങളിൽ സാധാരണയായി ഇവ ഉപയോഗിച്ച് വരുന്നുണ്ട് . മെറ്റൽ പാനലുകൾ ഈടുനിൽക്കുന്നതും, അഗ്നി പ്രതിരോധശേഷിയുള്ളതും, സൗന്ദര്യാത്മക ഡിസൈനുകളുടെ ആവശ്യങ്ങളിൽ വിവിധ ഫിനിഷുകളിൽ ലഭ്യമാണ്.
ഗ്ലാസ് ഭിത്തികൾ പ്രകൃതിദത്തമായ പ്രകാശ ലഭ്യത വർദ്ധിപ്പിക്കുകയും ദൃശ്യപരത വർധിപ്പിച്ച് ഇടങ്ങളെ തുറസ്സാക്കുകയും ചെയ്യുന്നു. ഊർജ്ജക്ഷമതയും സ്വകാര്യതയും ഉറപ്പുവരുത്തേണ്ട സന്ദർഭങ്ങളിൽ അവയെ ശ്രദ്ധിച്ചേ പരിഗണിക്കാവൂ.
ഈ സുസ്ഥിര മെറ്റീരിയലുകൾ, അവയുണ്ടാക്കുന്ന കുറഞ്ഞ പാരിസ്ഥിതിക ആഘാതവും, അവയ്ക്കുള്ള മികച്ച താപ പിണ്ഡവും മൂലം ഒരു തിരിച്ചുവരവ് നടത്തിക്കൊണ്ടിരിക്കുകയാണ്. ഇവ ഊർജ്ജക്ഷമമായ ഡിസൈനുകൾക്ക് വളരെ അനുയോജ്യമായിരിക്കും.
കൺസ്ട്രക്ഷൻ വ്യവസായം ഭിത്തി നിർമ്മാണത്തിൽ, മെറ്റീരിയലുകളുടെ വിശാലമായ ശ്രേണി തന്നെ ഉപയോഗിക്കുന്നുണ്ട്. ഓരോന്നിനും അതിന്റെതായ ഗുണങ്ങളും പ്രത്യേകതകളും ഉണ്ട്. ഇഷ്ടിക, കോൺക്രീറ്റ് ബ്ലോക്കുകൾ, കല്ല് തുടങ്ങിയ വസ്തുക്കൾ ഈടും, അഗ്നി പ്രതിരോധവും നൽകുന്നവയാണ്. ഇത് ലോഡ്-വഹിക്കുന്ന ഞങ്ങൾക്കും അനുയോജ്യമാണ്. മരം ലോഹ പാനലുകൾ എന്നിവയ്ക്ക് പ്രത്യേക സൗന്ദര്യാത്മകതയും, പ്രവർത്തനക്ഷമതയും നൽകാൻ കഴിയും. അതേസമയം ഗ്ലാസ് സ്വാഭാവിക വെളിച്ചവും തുറസ്സായ ഇടങ്ങളും പ്രദാനം ചെയ്യുന്നു. പച്ചക്കട്ട , മൺകട്ട പോലുള്ള സുസ്ഥിര വസ്തുക്കൾ പരിസ്ഥിതി സൗഹൃദ നിർമ്മാണ ഉദ്യമങ്ങൾക്ക് സഹായകരമാകുന്നു. ഈ മെറ്റീരിയലുകളെ കുറിച്ചെല്ലാം മനസ്സിലാക്കുന്നത്, ഓരോ കൺസ്ട്രക്ഷൻ ആവശ്യങ്ങൾക്കും അനുയോജ്യമായത് തെരഞ്ഞെടുക്കുന്നതിനും, രൂപ ഭംഗി , ഇൻസുലേഷൻ ഗുണങ്ങൾ, പാരിസ്ഥിതിക പരിഗണനകൾ എന്നിവ സ്ട്രക്ച്ചറിന്റെ ആവശ്യകതകളുമായി സന്തുലിതമായി പോകുന്നതിനും സഹായിക്കുന്നു.
"ഏറ്റവും മികച്ച" തരം ഭിത്തിയെന്നത് കെട്ടിടത്തിന്റെ ഉദ്ദേശ്യം, സ്ഥാനം, കാലാവസ്ഥ, കാഴ്ചയിലെ ആകർഷണീയത എന്നിവയുൾപ്പെടെ വിവിധ ഘടകങ്ങളെ ആശ്രയിച്ചാണിരിക്കുന്നത് . സ്ട്രക്ചറിന് പിൻബലമേകുന്നതിനും, തീപിടുത്തത്തെ പ്രതിരോധിക്കാനും ഇഷ്ടികയും കോൺക്രീറ്റും മികച്ചതായിരിക്കും. അതേസമയം ഗ്ലാസ്, മെറ്റൽ പാനലുകൾ ആധുനിക ഡിസൈനുകൾക്ക് അനുയോജ്യമായതും, പ്രകൃതിദത്ത വെളിച്ചത്തിന്റെ ലഭ്യതയ്ക്ക് ഉന്നൽ നൽകുന്നവയാണ്. മരം സ്വാഭാവിക സൗന്ദര്യം ഇൻസുലേഷൻ എന്നിവ നൽകുന്നു. സുസ്ഥിര നിർമ്മാണത്തിൽ, പച്ചക്കട്ടയും, മൺകട്ടയും ഇഷ്ട വസ്തുക്കളാണ്. ആത്യന്തികമായി, പ്രവർത്തനക്ഷമത, രൂപം, പാരിസ്ഥിതിക ആഘാതം എന്നിവ സന്തുലിതമാക്കിക്കൊണ്ട് എടുക്കുന്നതായിരിക്കും നല്ല തീരുമാനം.
RCC (റീൻ‌ഫോഴ്‌സ്ഡ് സിമൻറ് കോൺക്രീറ്റ്) ഭിത്തിയുടെ മറ്റൊരു പേര് "റീൻ‌ഫോഴ്‌സ്ഡ് കോൺക്രീറ്റ് വാൾ" എന്നതാണ്. ഇതിൽ കോൺക്രീറ്റിന്റെ കംപ്രസ്സീവ് ശക്തിയും സ്റ്റീൽ റീഇൻഫോഴ്‌സ്‌മെന്റ് ബാറുകളുടെ ടെൻ‌സൈൽ ശക്തിയും സംയോജിക്കപ്പെടുന്നു. സ്ട്രക്ചറിനു വേണ്ടിയിട്ടുള്ളതും അല്ലാത്തതുമായ ഉപയോഗങ്ങൾക്ക് അനുയോജ്യമായ കരുത്തുറ്റതും ഈടുനിൽക്കുന്നതുമായ ഭിത്തി ഇപ്രകാരം ലഭിക്കും.
ഭാരം വഹിക്കാനുള്ള ശേഷി, ഈട്, സമ്മർദ്ദങ്ങൾക്കെതിരെയുള്ള പ്രതിരോധം എന്നിവ വർദ്ധിപ്പിക്കാൻ ഒരു പ്രത്യേക ഡിസൈൻ പ്രകാരം ബലപ്പെടുത്തൽ (സ്റ്റീൽ റീബാർ പോലുള്ളവ) നടത്തി നിർമ്മിക്കുന്ന ഭിത്തിക്കാണ് സ്ട്രക്ചേർഡ് വാൾ എന്ന് പറയുന്നത്. ഒരു കെട്ടിടത്തിന്റെ ഭാരം താങ്ങാനും, പാരിസ്ഥിതിക ശക്തികളെ ചെറുക്കാനും, സ്ട്രക്ച്ചറിന് ഉറപ്പ് നൽകുന്നതിനും വേണ്ടിയാണ് ഇത്തരം ഭിത്തികൾ നിർമ്മിക്കുന്നത്.
ഗ്രാവിറ്റി വാൾ എന്നത് ഒരു തരം സംരക്ഷണ ഭിത്തിയാണ്. മണ്ണിനെയോ വെള്ളത്തെയോ പിടിച്ചു നിർത്താൻ അതിന് അതിന്റെ പിണ്ഡം ഗുരുത്വാകർഷണബലം എന്നിവ കൊണ്ട് സാധിക്കുന്നു. സാധാരണയായി കല്ല്, കോൺക്രീറ്റ് അല്ലെങ്കിൽ ഇഷ്ടിക പോലുള്ള ഭാരമേറിയ വസ്തുക്കൾ കൊണ്ടാണ് നിർമ്മിക്കുന്നത്. ഗ്രാവിറ്റി വാളുകൾക്ക് അവയ്ക്കുള്ള ഭാരം മൂലം പിന്നിൽ നിന്നുള്ള സമ്മർദ്ദത്തെ ചെറുക്കാൻ കഴിയും. ഇത് ചരിവുകൾ നേരെയാക്കുന്നതിനും മണ്ണൊലിപ്പ് തടയുന്നതിനും അനുയോജ്യമാക്കുന്നു.
