Share:
கட்டுமானத்தில் ஃபவுண்டேஷன்கள் இரண்டு முக்கிய வகைகளாக பிரிக்கப்படுகின்றன: ஷலோவ் ஃபவுண்டேஷன் (மேல்நிலை ஃபவுண்டேஷன்) மற்றும் டீப் ஃபவுண்டேஷன் (ஆழமான ஃபவுண்டேஷன்)
கட்டுமானத்தில் பயன்படுத்தப்படும் ஷலோவ் ஃபவுண்டேஷன்கள், பொதுவாக தரையின் மேற்பரப்பிற்கு அருகிலுள்ள இடத்தில் அமைக்கப்படுகின்றன மற்றும் கட்டிடங்களை தாங்குவதற்காக ஒரு பெரிய பகுதியில் பரவுகின்றன.
ஷலோவ் ஃபவுண்டேஷன்களால், மேற்பரப்பில் நிலத்தன்மை சீராக இல்லாதபோது மற்றும் கட்டிடத்திற்கு ஏற்ப அதிக சுமைகளை தாங்க முடியாதபோது, அங்கு டீப் ஃபவுண்டேஷன்கள் பயன்படுத்தப்படுகின்றன.
ஃபவுண்டேஷன் வகையைத் தேர்ந்தெடுப்பது சில முக்கிய அம்சங்களான மண்ணின் தன்மை, கட்டிடத்தின் பாரம் மற்றும் அந்த இடத்தின் சுற்றுச்சூழல் ஆகியவற்றை பொறுத்தது.
கட்டுமானத்தில் உள்ள ஃபவுண்டேஷன்கள் இரண்டு முக்கிய வகைகளாக பிரிக்கப்படுகின்றன: ஷலோவ் ஃபவுண்டேஷன் மற்றும் டீப் ஃபவுண்டேஷன்.இண்டிவிஜூவல் ஃபூட்டிங்ஸ் (தனிப்பட்ட அடித்தளங்கள்), கம்பைன்ட் ஃபூட்டிங்ஸ் (கூட்டு அடித்தளங்கள்) , ஸ்ட்ரிப் ஃபூட்டிங்ஸ் (துண்டு அடித்தளங்கள்), மற்றும் ராஃப்ட் போன்ற ஷலோவ் ஃபவுண்டேஷன்கள் பொதுவாக நல்ல மண் ஆதரவு கொண்ட எளிய கட்டிடங்களுக்கு பயன்படுத்தப்படுகின்றன.
பைல் ஃபவுண்டேஷன்கள் மற்றும் துளையிட்டு உருவாக்கப்படும் ஷாப்ட்ஸ் (அச்சு) அல்லது கெய்சன்கள் போன்ற டீப் ஃபவுண்டேஷன்கள், பெரும் சுமைகளை ஆழமான மற்றும் வலுவான மண் பகுதிகளுக்கு மாற்றுகின்றன. மேலும் நிலத்தின் மேற்பரப்பில் உள்ள மண்ணின் தாங்கும் திறன் போதியதாக இல்லாதபோது இவை பயன்படுத்தப்படுகின்றன.
ஏற்கனவே கூறியவாறு , கட்டுமானத்தில் பயன்படுத்தப்படும் ஷலோவ் ஃபவுண்டேஷன்கள், பொதுவாக தரையின் மேற்பரப்பிற்கு அருகிலுள்ள இடத்தில் அமைக்கப்படுகின்றன மற்றும் கட்டிடங்களை தாங்குவதற்காக ஒரு பெரிய பகுதியில் பரவுகின்றன. அவற்றில் சில வகைகள் இங்கே:
இண்டிவிஜூவல் அல்லது ஐசோலேட்டட் ஃபூட்டிங் மிகவும் எளிமையான மற்றும் பொதுவான ஃபவுண்டேஷன் வகையாகும். அவை ஒரு தூணை உறுதிப்படுத்துவதற்காகவே கட்டப்படுகிறது. இதனை "பட் ஃபவுண்டேஷன்" (திண்டு அஸ்திவாரம்) என்றும் அழைக்கிறோம், மேலும் இதன் வடிவம் பெரும்பாலும் சதுரம் அல்லது செவ்வகமாக இருப்பது வழக்கம் . இது தூணின் பாரம் மற்றும் மண்ணின் தாங்கும் திறனை அடிப்படையாகக் கொண்டு கணக்கிடப்படுகிறது.
சிக்கனமானது மற்றும் எளிமையான டிசைன் கொண்டது.
கட்டிட சுமை எவ்வாறு வந்து எவ்வழி செல்லும் என்பதும், நம்மால் சுமை அளவு கணிக்கக்கூடிய கட்டமைப்புகளுக்கு ஏற்றது.
அதிக பாரம் இருக்கும் கட்டிடங்கள் அல்லது மண் நிலை மாறிக்கொண்டிருக்கும் இடங்களில் இந்த ஃபவுண்டேஷன் பொருத்தமானதாக இருக்காது.
ஒரே ஒரு தூணுக்கு மட்டுமே வலுவான ஆதரவு இருக்கும்.
தூண்கள் மிக அருகில் இருக்கும்போது, அவற்றின் அடித்தளங்கள் ஒன்றோடொன்று மோதும் வாய்ப்பு இருப்பதால் அங்கு கம்பைன்ட் ஃபூட்டிங் பயன்படுத்தப்படுகிறது. இது ஐசோலேட்டட் ஃபூட்டிங் மாதிரியான அம்சங்களைக் கொண்டிருக்கும், ஆனால் வடிவமைப்பில் வித்தியாசம் உண்டு, இது பெரும்பாலும் செவ்வக வடிவமாக இருக்கும். சில சிக்கலான கட்டுமான சூழ்நிலைகளில் பிரச்சனைகளை தவிர்த்து, செயல்திறனை மேம்படுத்த அங்கு கேன்டிலீவர் ஃபவுண்டேஷன் ஃபூட்டிங் போன்ற சிறப்பு முறைகளை செயல்படுத்தலாம்.
இது பல தூண்களை நன்றாக தாங்கிக்கொள்ள உதவுகிறது.
சுமைகளை சமமாக பகிர்ந்து கொடுக்கும்.
சிறிய அல்லது நெருக்கமான இடங்களில் மிக பயனுள்ளதாக இருக்கும்.
இது இண்டிவிஜூவல் ஃபூட்டிங்ஸ் விட சிக்கலானது, மற்றும் விலை உயர்ந்தது.
பாரம் சமநிலையாக இருப்பதை உறுதி செய்வதற்காக, விரிவான பொறியியல் ஆராய்ச்சி தேவைப்படுகிறது.
ஸ்ப்ரெட் அல்லது ஸ்ட்ரிப் ஃபுட்டிங்ஸ் வழக்கமான லோட் பியரிங் சுவர்களை விட அகலமான அடித்தளத்தைக் கொண்டுள்ளன, அதனால் கட்டிடத்தின் எடையை அதிக பரப்பில் சமமாகப் பகிர்ந்துகொள்கின்றது. இவை பொதுவாக சுவர்கள், தனித்தூண்கள் மற்றும் பாலம் தூண்களுக்கான பவுண்டேஷனாக பயன்படுத்தப்படுகின்றன, அவ்வாறு மண் 3 மீட்டர் தொலைவில் இருக்கும் இடங்களில் இது நன்கு வேலை செய்யும்.
பாரத்தை பரவலாகப் பகிர்வதால், கட்டிடத்திற்கு சிறந்த நிலைத்தன்மையை பெறலாம்..
பூமியின் மேற்பரப்புக்கு அருகிலுள்ள மண் அடுக்குகள் உள்ள கட்டிடங்களுக்கு மிகவும் பொருத்தமானது.
நீர் ஓட்டம் காரணமாக மண் அரிந்துபோகும் அல்லது திரவமாக மாறும் சாத்தியம் உள்ள இடங்களில் இது பொருந்தாது.
இவை மண் நல்ல நிலையாக இருக்கும்போது மட்டுமே பயன்படுத்தலாம்.
ராப்ட் அல்லது மேட் ஃபவுண்டேஷன்ஸ், கட்டிடத்தின் முழு பரப்பை உள்ளடக்கி, தூண்களும் சுவர்களும் அளிக்கும் பெரிய சுமைகளை தாங்குகிறது. அடித்தளங்கள் சமம் இல்லாமல் அமர்வது ஒரு பெரிய பிரச்சனையாக இருக்க முடியும், இதனைத் தவிர்க்க இந்த வகை ஃபவுண்டேஷன் தேர்ந்தெடுக்கப்படுகிறது. இது அனைத்து கட்டமைப்பு கூறுகளுக்கும் ஒரே மேட்டாக செயல்படுகிறது.
தூண்கள் மற்றும் சுவர்களில் அதிக சுமை இருந்தால், அந்த வகை கட்டிடங்களுக்கு இது மிகவும் பொருத்தமானது.
பவுண்டேஷனின் வெவ்வேறு பகுதிகளில் சுமை வேறுபடுவதால் ஏற்படும் சமமற்ற நில அமர்வை இது குறைக்கும்.
கட்டமைக்க சிக்கலானது மற்றும் விலை உயர்ந்தது.
இதற்கு பெருமளவிலான நில அகழ்வும், வலுவான கான்கிரீட் வேலைகளும் தேவைப்படும். எனவே, இது அதிக சுமை கொண்ட கட்டிடங்களுக்கே ஏற்றதாக அமைகிறது.
ஷலோவ் ஃபவுண்டேஷன்களால், மேற்பரப்பில் நிலத்தன்மை சீராக இல்லாதபோது மற்றும் கட்டிடத்திற்கு ஏற்ப அதிக சுமைகளை தாங்க முடியாதபோது, அங்கு டீப் ஃபவுண்டேஷன்கள் பயன்படுத்தப்படுகின்றன. இப்போது அதன் முக்கியமான இரண்டு டீப் ஃபவுண்டேஷன் வகைகளை காண்போம்.
பைல் ஃபவுண்டேஷன்கள் நீளமான தூண்களால் ஆனவை, அவை ஸ்டீல் (எஃகு), கான்கிரீட் அல்லது மரம் போன்ற வலுவான பொருட்களால் செய்யப்பட்டிருக்கும். இந்த ஃபவுண்டேஷன், நிலத்திற்குள் தள்ளப்பட்டு அல்லது துளையிட்டு அமைக்கப்படும். இதன் மூலம் கட்டிட சுமைகளை பாதுகாப்பாக தாங்குவதற்கு தேவையான தாங்கும் திறனும் வலிமையும் கொண்ட மண் அடுக்குகள் இருக்கும் ஆழத்தை அடைய முடியும்.
இது ஆழமான மற்றும் நிலையான மண் அடுக்குகள் அல்லது அடிப்பாறை(பெட் ராக்) வரைக்கும் செல்ல முடியும்.
இது டென்சில் லோட் (இழுவிசை சுமை) மற்றும் கம்ப்ரசிவ் லோட் (அழுத்தம் சுமை) ஆகிய இரண்டையும் தாங்கக்கூடிய திறன் கொண்டது.
கடலோர மற்றும் பால கட்டமைப்புகள், உயரமான கட்டிடங்கள் மற்றும் மோசமான மண் தரம் உள்ள பகுதிகளுக்கு ஏற்றது.
இந்த ஃபவுண்டேஷன் போடும் போது சத்தம் மற்றும் அதிர்வுகள் அதிகம் ஏற்படும். இதனால் அருகிலுள்ள கட்டமைப்புகளும் பாதிக்கக்கூடும்.
இந்த ஃபவுண்டேஷன் போடுவதற்கு சிறப்பு கருவிகளும், அனுபவம் வாய்ந்த தொழில்நுட்ப நிபுணர்களும் தேவைப்படும்.
இதற்கு தேவையான நீளம் மற்றும் சுமையை தாங்கக்கூடிய திறனை சரியாக கணக்கிடுவது கடினமாக இருக்கலாம், மற்றும் நிலத்தின் தன்மையையும் விரிவாக ஆய்வு செய்ய வேண்டும்.
கைசன்ஸ் என்றும் அழைக்கப்படும் டிரில்ட் ஷாஃப்டுஸ் கட்டிடத் துறையில் பயன்படும் மற்றொரு வகை ஃபவுண்டேஷன் ஆகும். இது அதிகபட்ச துல்லியத்துடன் நிலத்தில் ஆழமாக துளையிட்டு, அதனை கான்கிரீட் மற்றும் ரீஇன்போர்ஸ்மென்ட் கொண்டு நிரப்பும் ஒரு அடித்தள முறையாகும். இவை நிலத்தில் துல்லியமாக துளையிடப்படுவதால், கட்டுமானத்திற்குத் தேவையான மண் அடுக்கோ அல்லது பாறை அடுக்கோ சரியாக அடைய முடியும்.
இது திட்டத்தின் தனிப்பட்ட தேவைகளை கவனத்தில் கொண்டு வடிவமைக்கப்பட்டது மற்றும் செயல்திறனை மேம்படுத்த தேவையான ஆழம் வரை இது செயல்படக்கூடியது.
மையவழி மற்றும் வரும் பக்கவழி சுமைகளை சிரமமின்றி தாங்கும் சக்தி கொண்டது.
துளையிடும் போது சுற்றியுள்ள மண்ணின் இயல்புக்கு குறைந்தளவில் மட்டுமே பாதிப்பு ஏற்படும்.
இதற்கு அதிக சக்தி கொண்ட இயந்திரங்களும், திறமையான தொழிலாளர்களும் தேவைப்படும்.
துளை போடுவது மெதுவாக நடைபெறும், குறிப்பாக கடினமான மண் அடுக்குகள் அல்லது பாறைகள் உள்ள இடங்களில் மிகவும் மெதுவாகவே நடைபெறும்.
கட்டுமானத்தின் போது சில மண்ணுக்குள் நீர் ஊடுருவுவதால், வேலையில் சிக்கல்கள் ஏற்படும்.
ஒவ்வொரு மண் வகைக்கும் வெவ்வேறு சுமை தாங்கும் திறன் இருக்கும். நீங்கள் எந்த வகை மண்ணுடன் வேலை செய்கிறீர்கள் என்பதைத் தெரிந்துகொள்ள மண் பரிசோதனைகள் மேற்கொண்டு, அதற்கேற்ப உங்கள் ஃபவுண்டேஷன் டிசைனை சரிசெய்ய வேண்டும்.
ஒவ்வொரு வகை ஃபவுண்டேஷன்களுக்கும் துல்லியமான லேஅவுட் தேவைப்படுகிறது. கட்டிடத் திட்டங்களுடன் சரியாக பொருந்தும் வகையில், தொழில்முறை சர்வே கருவிகள் கொண்டு சரியான பரிமாணங்கள் மற்றும் திசை அமைப்புகளைக் குறிக்க வேண்டும்.
நீர் அஸ்திவாரங்களை சேதப்படுத்தும், இது மண் இறுகுதல் அல்லது அஸ்திவாரம் இடமாற்றமடையவோ காரணமாகிறது. அஸ்திவாரம் வலிமையாக இருக்க, அதில் நீர் சிக்காமல் வெளியே செல்லும் வகையில் ட்ரைனேஜ் சிஸ்டம் (வடிகால அமைப்பு) செய்ய வேண்டும் மற்றும் ஈரப்பதம் ஆகாமல் இருக்க வாட்டர் ப்ரூபிங் முறைகளையும் பயன்படுத்த வேண்டும்.
மண்ணின் தன்மை, கட்டிடத்தின் சுமை, சுற்றுச்சூழல் நிலை ஆகியவற்றை கருத்தில் கொண்டு ஃபவுண்டேஷன் வகையை (எ.கா. ஷலோவ் அல்லது டீப்) தேர்ந்தெடுக்க வேண்டும். உள்ளூர் கட்டிடக் குறியீடுகள் மற்றும் நடைமுறைகளையும் கருத்தில் கொள்ளவும்.
ஃபவுண்டேஷன் நீடித்து இருக்க, உயர்தர கான்கிரீட் மற்றும் ரீஇன்போர்சிங் பொருட்களை பயன்படுத்தவும். பொருட்களின் தரத்தை குறைத்தால் எதிர்காலத்தில் கட்டிடத்தின் அமைப்பில் பிரச்சனைகள் ஏற்படலாம்.
கட்டுமான உலகில் பல்வேறு ஃபவுண்டேஷன் வகைகளைப் பற்றி புரிந்து கொள்வது முக்கியமானது, ஏனெனில் அவை ஒவ்வொரு கட்டிடத்திற்கும் அடிப்படையாக இருந்து அதன் நிலைத்தன்மையும், நீண்ட ஆயுளையும் உறுதி செய்கின்றன. ஷலோவ் ஃபவுண்டேஷன் அல்லது டீப் ஃபவுண்டேஷன், இரண்டில் எதை பயன்படுத்த வேண்டும் என்பதை அந்த இடத்தில் உள்ள மண் எவ்வாறு இருக்கிறது, தேவையான சுமை எவ்வளவு மற்றும் சுற்றுச்சூழல் எப்படி உள்ளது ஆகியவற்றை பொறுத்தே தேர்வு செய்ய முடியும். இவைகளை கவனத்தில் கொண்டு, கட்டுமான நிபுணர்கள் தங்களுக்கு ஏற்ற சரியான பவுண்டேஷனைத் தேர்வு செய்து, இத்திட்டம் பல ஆண்டுகள் நிலைத்தும், வெற்றியுடனும் இருக்குமாறு உறுதி செய்கிறார்கள்.
கட்டுமானத்தில் மிகவும் பிரபலமான ஃபவுண்டேஷன் வகை ஷலோவ் ஃபவுண்டேஷன், அதில் குறிப்பாக ஸ்ட்ரிப் ஃபவுண்டேஷன் ஆகும். ஏனெனில், இது பலவகையான மண்ணுக்குத் பொருத்தமாகவும் மற்றும் பல விதமான கட்டிட அளவுகளுக்கும் ஏற்றது.
பைல் ஃபவுண்டேஷன்ஸ் உள்ளிட்ட டீப் ஃபவுண்டேஷன்ஸ் மிகவும் வலிமையானதாகக் கருதப்படுகின்றன. அவை சுமைகளை ஆழமான, நிலைத்தன்மை மிகுந்த மண் அடுக்குகளுக்கு அல்லது அடிப்பகுதிக்கு மாற்றி, அதிக சுமைகளைத் தாங்க கூடியவையாக உள்ளன.
நல்ல அடித்தளம் எது என்பது, அது உங்கள் திட்டம் எப்படி இருக்கு என்பதைப் பொறுத்தது. பொதுவாக, சமமான மண் நிலைக்கும் மற்றும் சமமான சுமை விநியோகத்திற்கும் அகலமான ஸ்டிரிப் ஃபூட்டிங் சிறந்தது. அது போல் தூண்கள் மட்டுமே சுமையை தாங்கும் சில கட்டிடங்களுக்கு ஐசோலேட்டட் ஃபூட்டிங் ஏற்றது.
பழங்கால கட்டிடங்களில் பயன்படுத்தப்பட்டது பேட் ஃபவுண்டேஷன் ஆகும். இது பண்டைய கால கட்டிடங்களில் பயன்படுத்தப்படும் ஷலோவ் பவுண்டேஷனின் அடிப்படை வடிவமாகும்.
அமைப்புத் தளம், கட்டிடத்தின் பாரத்தை நேரடியாக நிலத்துக்கே கொண்டு சென்று, அந்த கட்டிடத்தை நிலைத்திருக்க வைக்கிறது. அதனால் அது நகராமல் இருந்து, கீழே சென்று சரிவதையும் தடுக்கும்.
.jpg)
