Share:
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଉପାଦେୟ ଟୁଲ୍ସ
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଅଲ୍ଟ୍ରାଟେକ୍ ବିଲଡିଂ ପ୍ରଡକ୍ଟସ୍
Share:
ନିର୍ମାଣରେ ଫାଉଣ୍ଡେସନକୁ ଦୁଇଟି ମୁଖ୍ୟ ପ୍ରକାରରେ ଶ୍ରେଣୀଭୁକ୍ତ କରାଯାଇଥାଏ: ଅଗଭୀର ଏବଂ ଗଭୀର ଫାଉଣ୍ଡେସନ
ଅଗଭୀର ଫାଉଣ୍ଡେସନଗୁଡ଼ିକୁ ସାଧାରଣତଃ ଢାଞ୍ଚାଗୁଡ଼ିକର ସମର୍ଥନ ଯୋଗାଇବା ପାଇଁ ଭୂପୃଷ୍ଠ ନିକଟରେ ନିର୍ମାଣ କରାଯାଏ ଏବଂ ତାହା ବୃହତ୍ତର କ୍ଷେତ୍ରରେ ବ୍ୟାପ୍ତ ହୋଇଥାଏ
ଯେଉଁ ଜାଗାରେ ବଡ଼ ଆକାରର ଢାଞ୍ଚାଗତ ଭାର କାରଣରୁ ଅଗଭୀର ଫାଉଣ୍ଡେସନ ପର୍ଯ୍ୟାପ୍ତ ସମର୍ଥନ ଯୋଗାଇପାରିବ ନାହିଁ କିମ୍ବା ଯେଉଁଠି ଅଗଭୀର ଗଭୀରତାରେ ମାଟିର ସ୍ଥିତି ଦୁର୍ବଳ ହୋଇଥାଏ ସେଠାରେ ଗଭୀର ଫାଉଣ୍ଡେସନ ସ୍ଥାପନ କରାଯାଇଥାଏ ।
ମୃତ୍ତିକା ସ୍ଥିତି, ଲୋଡ୍ ଆବଶ୍ୟକତା ଏବଂ ପରିବେଶଗତ କାରଣ ଉପରେ ନିର୍ଭର କରି ବିଭିନ୍ନ ପ୍ରକାର ଫାଉଣ୍ଡେସନ ମଧ୍ୟରୁ ଉପଯୁକ୍ତ କିସମର ଫାଉଣ୍ଡେସନକୁ ଚୟନ କରାଯାଇଥାଏ ।
ନିର୍ମାଣରେ ଫାଉଣ୍ଡେସନକୁ ଦୁଇଟି ମୁଖ୍ୟ ପ୍ରକାରରେ ବିଭକ୍ତ କରାଯାଏ: ଅଗଭୀର ଏବଂ ଗଭୀର ଭିତ୍ତିଭୂମି । ଅଗଭୀର ଫାଉଣ୍ଡେସନ, ଯେପରିକି ପୃଥକ୍ ପୃଥକ୍ ଫୁଟିଙ୍ଗ୍, ମିଳିତ ବା କମ୍ବାଇନଡ୍, ଷ୍ଟ୍ରିପ୍ ଏବଂ ରାଫ୍ଟ ଫାଉଣ୍ଡେସନ, ସାଧାରଣତଃ ଉତ୍ତମ ମାଟି ଧାରଣ କ୍ଷମତା ଥିବା ହାଲୁକା ଢାଞ୍ଚା ପାଇଁ ବ୍ୟବହୃତ ହୁଏ ।
ଗଭୀର ଫାଉଣ୍ଡେସନ, ଯେପରିକି ପାଇଲ ଫାଉଣ୍ଡେସନ ଏବଂ ଡ୍ରିଲ୍ ହୋଇଥିବା ଶାଫ୍ଟ କିମ୍ବା କାଇସନ, ଭାରୀ ଭାରକୁ ଗଭୀର, ଅଧିକ ସ୍ଥିର ମାଟି ସ୍ତରକୁ ସ୍ଥାନାନ୍ତର କରିଥାଏ ଏବଂ ଯେତେବେଳେ ଭୂପୃଷ୍ଠ ମାଟିର ଧାରଣ କ୍ଷମତା ପର୍ଯ୍ୟାପ୍ତ ନଥାଏ ସେତେବେଳେ ଏହା ବ୍ୟବହୃତ ହୁଏ ।
ପୂର୍ବରୁ ଆମେ କରିଥିବା ଆଲୋଚନା ଅନୁଯାୟୀ, ଅଗଭୀର ଫାଉଣ୍ଡେସନଗୁଡ଼ିକୁ ସାଧାରଣତଃ ଢାଞ୍ଚାଗୁଡ଼ିକର ସମର୍ଥନ ଯୋଗାଇବା ପାଇଁ ଭୂପୃଷ୍ଠ ନିକଟରେ ନିର୍ମାଣ କରାଯାଏ ଏବଂ ତାହା ବୃହତ୍ତର କ୍ଷେତ୍ରରେ ବ୍ୟାପ୍ତ ହୋଇଥାଏ । ତଳେ ଏପରି ଫାଉଣ୍ଡେସନର କେତେକ ପ୍ରକାରଭେଦ ଦର୍ଶାଯାଇଛି:
ପୃଥକ୍ ବା ଆଇସୋଲେଟେଡ୍ ଫୁଟିଙ୍ଗ୍ ସବୁଠାରୁ ସରଳ ଏବଂ ସବୁଠାରୁ ସାଧାରଣ ଭାବେ ବ୍ୟବହୃତ ହେଉଥିବା କିସମର ଫାଉଣ୍ଡେସନ ଅଟେ । ସେଗୁଡ଼ିକୁ କେବଳ ଗୋଟିଏ କଲମ୍ ବା ସ୍ତମ୍ଭକୁ ସମର୍ଥନ ଯୋଗାଇବା ପାଇଁ ନିର୍ମାଣ କରାଯାଇଥାଏ । ସେଗୁଡ଼ିକୁ ପ୍ୟାଡ୍ ଫାଉଣ୍ଡେସନ ମଧ୍ୟ କୁହାଯାଏ । ସେଗୁଡ଼ିକର ଆକୃତି ସାଧାରଣତଃ ବର୍ଗାକାର କିମ୍ବା ଆୟତାକାର ହୋଇଥାଏ ଏବଂ କଲମ୍ ର ଭାର ଏବଂ ମାଟିର ଧାରଣ କ୍ଷମତା ଆଧାରରେ ସେଗୁଡ଼ିକର ଗଣନା କରାଯାଇଥାଏ ।
ଅର୍ଥସାଶ୍ରୟୀ ଏବଂ ଜଞ୍ଜାଳମୁକ୍ତ ଡିଜାଇନ୍
ସ୍ପଷ୍ଟ ଭାର ମାର୍ଗ ଏବଂ ପୂର୍ବାନୁମାନଯୋଗ୍ୟ ଭାର ବିଶିଷ୍ଟ ଢାଞ୍ଚାଗୁଡ଼ିକୁ ସମର୍ଥନ ଯୋଗାଇବା ପାଇଁ ଆଦର୍ଶ
ଭାରି ଢାଞ୍ଚା କିମ୍ବା ମାଟିର ସ୍ଥିତି ବଦଳିବାର ସମ୍ଭାବନା ଥିବା କ୍ଷେତ୍ରରେ ଏ ପ୍ରକାର ଫାଉଣ୍ଡେସନ ଉପଯୁକ୍ତ ହୋଇ ନ ଥାଏ
କେବଳ ଗୋଟିଏ କଲମ୍ କୁ ସମର୍ଥନ ଦେଇଥାଏ
ଯେଉଁଠି କଲମ୍ ଗୁଡ଼ିକ ଏତେ ପାଖାପାଖି ବ୍ୟବଧାନରେ ରହିଥାଏ ଯେ ସେଗୁଡ଼ିକର ଫୁଟିଙ୍ଗ୍ ପରସ୍ପର ଉପରେ ଚଢ଼ିଯାଏ, ସେ ଜାଗାରେ କମ୍ବାଇନଡ୍ ଫୁଟିଙ୍ଗ୍ ନିର୍ମାଣ କରାଯାଇଥାଏ । ଏହାର ଗୁଣ ପ୍ରାୟତଃ ଆଇସୋଲେଟେଡ୍ ଫୁଟିଙ୍ଗ୍ ଭଳି ସମାନ ହୋଇଥାଏ କିନ୍ତୁ ତାହାର ଢାଞ୍ଚାଗତ ଡିଜାଇନ୍ ଭିନ୍ନ ହୋଇଥାଏ । ଏହା ସାଧାରଣତଃ ଆୟତାକାର ଆକୃତିର ହୋଇଥାଏ । ସମସ୍ୟାଗୁଡ଼ିକର ପ୍ରଶମନ କରିବା ଏବଂ କାର୍ଯ୍ୟଦକ୍ଷତାକୁ ବୃଦ୍ଧି କରିବା ପାଇଁ ଜଟିଳ ପରିସ୍ଥିତିଗୁଡ଼ିକରେ କ୍ୟାଣ୍ଟିଲିଭର ଫାଉଣ୍ଡେସନ ଫୁଟିଙ୍ଗ୍ ଭଳି ବିଶେଷ ଜ୍ଞାନକୌଶଳ ବ୍ୟବହାର କରାଯାଇପାରେ ।
ଦକ୍ଷତାର ସହ ଏକାଧିକ କଲମ୍ କୁ ସମର୍ଥନ ଯୋଗାଇଥାଏ
ଭାରକୁ ସମାନ ଭାବେ ବଣ୍ଟନ କରିଥାଏ
ଅବରୁଦ୍ଧ ଜାଗାଗୁଡ଼ିକ ପାଇଁ ଉପାଦେୟ
ପୃଥକ୍ ଫୁଟିଙ୍ଗ୍ ତୁଳନାରେ ଅଧିକ ଜଟିଳ ଓ ଅଧିକ ମହଙ୍ଗା
ଭାର ସନ୍ତୁଳନକୁ ସୁନିଶ୍ଚିତ କରିବା ପାଇଁ ପୁଙ୍ଖାନୁପୁଙ୍ଖ ଇଞ୍ଜିନିୟରିଂ ଆବଶ୍ୟକ କରେ
ସ୍ପ୍ରେଡ୍ କିମ୍ବା ଷ୍ଟ୍ରିପ୍ ଫୁଟିଙ୍ଗ୍ ରେ ସାଧାରଣ ଭାର ବହନକାରୀ କାନ୍ଥ ତୁଳନାରେ ଏକ ଅଧିକ ବିସ୍ତୃତ ଆଧାର ରହିଥାଏ, ଯାହା ବିଲଡିଂର ଓଜନକୁ ଏକ ବୃହତ୍ତର ଅଞ୍ଚଳରେ ବିତରଣ କରିଥାଏ । ଏ ପ୍ରକାର ଫାଉଣ୍ଡେସନଗୁଡ଼ିକୁ କାନ୍ଥ, ପୃଥକ୍ ସ୍ତମ୍ଭ ଏବଂ ବ୍ରିଜ୍ ପିୟର ପାଇଁ ବ୍ୟବହୃତ ହୋଇଥାଏ, ଯେଉଁଠି ମାଟିସ୍ତର ପୃଷ୍ଠଠାରୁ ୩ ମିଟର ମଧ୍ୟରେ ଥାଏ ।
ଭାରକୁ ବିସ୍ତାରିତ କରି ସ୍ଥିରତା ପ୍ରଦାନ କରିଥାଏ
ଭାର ବହନକାରୀ ମାଟି ସ୍ତର ପୃଷ୍ଠଭାଗ ନିକଟରେ ରହୁଥିବା ଢାଞ୍ଚାଗୁଡ଼ିକ ପାଇଁ ଉପଯୁକ୍ତ
ଘର୍ଷଣ କିମ୍ବା ତରଳୀକରଣ କରିବାର ସମ୍ଭାବନା ରଖୁଥିବା ଜଳ ପ୍ରବାହର ବିପଦ ରହିଥିବା ମାଟିଗୁଡ଼ିକ ପାଇଁ ଉପଯୁକ୍ତ ନୁହେଁ
ତାହାର ଉପଯୋଗ କେବଳ ସ୍ଥିର ଭୂ ସ୍ଥିତି ମଧ୍ୟରେ ସୀମିତ ରହିଥାଏ
ରାଫ୍ଟ ବା ମ୍ୟାଟ୍ ଫାଉଣ୍ଡେସନ୍ ସମଗ୍ର ବିଲଡିଂ କ୍ଷେତ୍ରକୁ ଅନ୍ତର୍ଭୁକ୍ତ କରିଥାଏ, ଯାହା ସ୍ତମ୍ଭ ଏବଂ କାନ୍ଥରୁ ଜାତ ହେଉଥିବା ଭାରୀ ଭାରକୁ ସମର୍ଥନ କରିଥାଏ । ଏହି ପ୍ରକାରର ଫାଉଣ୍ଡେସନକୁ ଫୁଟିଙ୍ଗ୍ ଦବିବା ଘଟଣାକୁ ପ୍ରତିରୋଧ କରିବା ପାଇଁ ଚୟନ କରାଯାଇଥାଏ, ଯାହା ସମସ୍ତ ଢାଞ୍ଚାଗତ ଉପାଦାନ ପାଇଁ ଏକକ ଚଟାଣ ଭାବରେ କାର୍ଯ୍ୟ କରେ ।
କଲମ୍ ଓ କାନ୍ଥରେ ଉଚ୍ଚ ମାତ୍ରାର ଭାର ଯୁକ୍ତ ଢାଞ୍ଚାଗୁଡ଼ିକ ପାଇଁ ଆଦର୍ଶ
ସମଗ୍ର ଫାଉଣ୍ଡେସନରେ ଦବିବା ସମସ୍ୟାକୁ ନ୍ୟୂନତମ କରିଥାଏ
ଜଟିଳ ଏବଂ ନିର୍ମାଣ ପାଇଁ ବ୍ୟୟବହୁଳ
ଅଧିକ ମାତ୍ରାର ଖନନ ଓ କଂକ୍ରିଟ୍ କାମ ଆବଶ୍ୟକ କରିଥାଏ, ତେଣୁ ଏହା କେବଳ ବଛା ବଛା ଅତି ଭାର ଯୁକ୍ତ ଢାଞ୍ଚା ପାଇଁ ଉପଯୁକ୍ତ ହୋଇଥାଏ
ଅପେକ୍ଷାକୃତ ଅଧିକ ଢାଞ୍ଚାଗତ ଭାର କିମ୍ବା ଅଗଭୀର ଗଭୀରତାରେ ଦୁର୍ବଳ ମାଟି ସ୍ଥିତି କାରଣରୁ ଯେଉଁଠି ଅଗଭୀର ଫାଉଣ୍ଡେସନ ପର୍ଯ୍ୟାପ୍ତ ସମର୍ଥନ ଯୋଗାଇ ପାରି ନ ଥାଏ ସେଠାରେ ଗଭୀର ଫାଉଣ୍ଡେସନ ବ୍ୟବହୃତ ହୋଇଥାଏ । ଆସନ୍ତୁ ଗଭୀର ଫାଉଣ୍ଡେସନର ଦୁଇଟି ପ୍ରକାରଭେଦ ବିଷୟରେ ଜାଣିବା:
ପାଇଲ୍ ଫାଉଣ୍ଡେସନ ସାଧାରଣତଃ ଷ୍ଟିଲ୍, କଂକ୍ରିଟ୍ କିମ୍ବା କାଠରେ ନିର୍ମିତ ଲମ୍ବା, ପତଳା ସ୍ତମ୍ଭ ବା କଲମ୍ ହୋଇଥାଏ । ଏ ପ୍ରକାର ଫାଉଣ୍ଡେସନକୁ ଭୂମି ମଧ୍ୟରେ ଭର୍ତ୍ତି କରାଯାଇଥାଏ କିମ୍ବା ବୋର୍ କରାଯାଇ ଯଥା ସ୍ଥାନରେ ସ୍ଥାପନ କରାଯାଇଥାଏ । ଏହା ମାଟିର ଯେଉଁଠି ପର୍ଯ୍ୟାପ୍ତ ଭାର ବହନ କ୍ଷମତା ଓ କଠିନପଣ ରହିଥିବା ଗଭୀରତା ପର୍ଯ୍ୟନ୍ତ ଯାଇ ଢାଞ୍ଚାର ଭାରକୁ ସମର୍ଥନ ଯୋଗାଇଥାଏ ।
ଏହା ଗଭୀର, ସ୍ଥିର ମୃତ୍ତିକା ସ୍ତର କିମ୍ବା ପ୍ରସ୍ତରଶଯ୍ୟା ପର୍ଯ୍ୟନ୍ତ ପହଞ୍ଚିପାରିଥାଏ
ଉଭୟ ତନନଶୀଳ ଏବଂ କମ୍ପ୍ରେସିଭ୍ ଭାର ପାଇଁ ଉପଯୁକ୍ତ
ଉପକୂଳ ଏବଂ ପୋଲ ଢାଞ୍ଚା, ଉଚ୍ଚ କୋଠା ଏବଂ ଦୁର୍ବଳ ମାଟି ଅବସ୍ଥା ଥିବା ଅଞ୍ଚଳ ପାଇଁ ଆଦର୍ଶ
ସ୍ଥାପନା କୋଳାହଳପୂର୍ଣ୍ଣ ହୋଇପାରେ ଏବଂ କମ୍ପନ ସୃଷ୍ଟି କରିପାରେ, ସମ୍ଭାବ୍ୟ ଭାବରେ ନିକଟସ୍ଥ ଢାଞ୍ଚାକୁ ପ୍ରଭାବିତ କରିପାରେ
ସ୍ଥାପନ ପାଇଁ ସ୍ୱତନ୍ତ୍ର ଉପକରଣ ଏବଂ ଦକ୍ଷତା ଆବଶ୍ୟକ କରେ
ସଠିକ୍ ଦୈର୍ଘ୍ୟ ଏବଂ ଲୋଡ୍ କ୍ଷମତା ନିର୍ଦ୍ଧାରଣ କରିବା ଜଟିଳ ହୋଇପାରେ ଏବଂ ବିସ୍ତୃତ ମୃତ୍ତିକା ବିଶ୍ଳେଷଣ ଆବଶ୍ୟକ କରେ
ଡ୍ରିଲ୍ ହୋଇଥିବା ଶାଫ୍ଟ, ଯାହାକୁ କାଇସନ ମଧ୍ୟ କୁହାଯାଏ, ନିର୍ମାଣର ଅନ୍ୟ ଏକ ପ୍ରକାର ଭିତ୍ତିଭୂମି ଅଟେ ଯେଉଁ ପ୍ରକ୍ରିୟାରେ ଭୂମିରେ ଏକ ବୃହତ ବ୍ୟାସର ଗାତ ସୃଷ୍ଟି କରିବା ଏବଂ ଏହାକୁ କଂକ୍ରିଟରେ ଭର୍ତ୍ତି କରିବା ଅନ୍ତର୍ଭୁକ୍ତ, ବେଳେବେଳେ ତାହାକୁ ରିଇନଫୋର୍ସ ମଧ୍ୟ କରାଯାଇଥାଏ । ଏହି ଫାଉଣ୍ଡେସନଗୁଡ଼ିକୁ ନିର୍ମାଣ ପାଇଁ ଯଥା ସ୍ଥାନରେ ଡ୍ରିଲ୍ କରି ସ୍ଥାପନ କରାଯାଇଥାଏ, ଯାହାଦ୍ୱାରା ବାଞ୍ଛିତ ମୃତ୍ତିକା ସ୍ତର କିମ୍ବା ପଥରରେ ନିଖୁଣ ସ୍ଥାପନା ସମ୍ଭବ ହୋଇପାରିଥାଏ ।
ନିର୍ଦ୍ଦିଷ୍ଟ ପ୍ରକଳ୍ପ ଆବଶ୍ୟକତା ଅନୁଯାୟୀ ପ୍ରସ୍ତୁତ କରାଯାଇପାରିବ, ଆବଶ୍ୟକ ଗଭୀରତାରେ ପହଞ୍ଚିପାରିବେ
ଉଭୟ ଅକ୍ଷୀୟ ଏବଂ ପାର୍ଶ୍ୱୀୟ ଲୋଡ୍ ପାଇଁ ଉଚ୍ଚ କ୍ଷମତା
ଖନନ ପ୍ରକ୍ରିୟା ଆଖପାଖ ମାଟିରେ ନ୍ୟୂନତମ ବିଶୃଙ୍ଖଳା ସୃଷ୍ଟି କରିଥାଏ
ଭାରୀ ଯନ୍ତ୍ରପାତି ଏବଂ କୁଶଳୀ ଶ୍ରମ ଆବଶ୍ୟକ କରିଥାଏ
ଖନନ ପ୍ରକ୍ରିୟା ମନ୍ଥର ହୋଇପାରେ, ବିଶେଷକରି ଅଧିକ ଟାଣ ମାଟି ସ୍ତର କିମ୍ବା ପଥର ପାଇଁ
ନିର୍ମାଣ ସମୟରେ ଜଳ ଅନୁପ୍ରବେଶ କେତେକ ମାଟି ପରିସ୍ଥିତିରେ ପ୍ରକ୍ରିୟାକୁ ଜଟିଳ କରିପାରେ ।
ବିଭିନ୍ନ ପ୍ରକାର ମାଟିର ଭାର ବୋହିବାର କ୍ଷମତା ଅଲଗା ଅଲଗା ହୋଇଥାଏ । ଆପଣ କେଉଁ ପ୍ରକାର ମାଟି ସହିତ କାମ କରୁଛନ୍ତି ତାହା ନିର୍ଦ୍ଧାରଣ କରିବାକୁ ଏବଂ ସେହି ଅନୁଯାୟୀ ଆପଣଙ୍କ ଫାଉଣ୍ଡେସନ ଡିଜାଇନ୍ ଆଡଜଷ୍ଟ କରିବାକୁ ଆପଣ ମାଟି ପରୀକ୍ଷା କରିବା ଉଚିତ୍ ।
ବିଭିନ୍ନ ପ୍ରକାର ଫାଉଣ୍ଡେସନର ଲେ’ଆଉଟରେ ନିଖୁଣତା ବା ସଠିକତା ଗୁରୁତ୍ୱପୂର୍ଣ୍ଣ ହୋଇଥାଏ । ଫାଉଣ୍ଡେସନ ଯେପରି ନିର୍ମାଣ ଯୋଜନା ସହିତ ସଠିକ୍ ଭାବରେ ସଂଯୋଜିତ ହୁଏ ତାହା ସୁନିଶ୍ଚିତ କରିବାକୁ ସଠିକ୍ ମାପ ଏବଂ ଦିଗଚିହ୍ନିତ କରିବାକୁ ବୃତ୍ତିଗତ ସର୍ବେକ୍ଷଣ ଉପକରଣ ବ୍ୟବହାର କରନ୍ତୁ ।
ପାଣି ଫାଉଣ୍ଡେସନକୁ ଦୁର୍ବଳ କରିପାରେ, ଯାହା ଫଳରେ ତାହା ଦବିଯାଇପାରେ କିମ୍ବା ସ୍ଥାନାନ୍ତରିତ ହୋଇଯାଇପାରେ । ଫାଉଣ୍ଡେସନର ଅଖଣ୍ଡତାକୁ ସୁରକ୍ଷିତ ରଖିବା ପାଇଁ, ଏଥିରୁ ଉପଯୁକ୍ତ ଜଳ ନିଷ୍କାସନ ପାଇଁ ଯୋଜନା କରନ୍ତୁ ଏବଂ ଆର୍ଦ୍ରତା ଅନୁପ୍ରବେଶକୁ ରୋକିବା ପାଇଁ ଜଳନିରୋଧକ ଉପାୟ ବ୍ୟବହାର କରନ୍ତୁ ।
ମୃତ୍ତିକା ବିଶ୍ଳେଷଣ, ବିଲଡିଂ ଲୋଡ୍ ଏବଂ ପରିବେଶ ପରିସ୍ଥିତି ଉପରେ ଆଧାର କରି ଏକ ଫାଉଣ୍ଡେସନ୍ ପ୍ରକାର (ଉଦାହରଣ ସ୍ୱରୂପ, ଅଗଭୀର ବନାମ ଗଭୀର) ଚୟନ କରନ୍ତୁ । ସ୍ଥାନୀୟ ବିଲ୍ଡିଂ କୋଡ୍ ଏବଂ ଅଭ୍ୟାସଗୁଡିକ ବିଚାରକୁ ନିଅନ୍ତୁ ।
ଫାଉଣ୍ଡେସନର ସ୍ଥାୟୀତ୍ୱ ସୁନିଶ୍ଚିତ କରିବା ପାଇଁ ଉଚ୍ଚ ଗୁଣବତ୍ତା ବିଶିଷ୍ଟ କଂକ୍ରିଟ୍ ଏବଂ ରିଇନଫୋର୍ସିଂ ସାମଗ୍ରୀ ବ୍ୟବହାର କରନ୍ତୁ । ସାମଗ୍ରୀର ଗୁଣବତ୍ତା ସହ ସାଲିସ୍ କରାଗଲେ ଭବିଷ୍ୟତରେ ଢାଞ୍ଚାଗତ ସମସ୍ୟା ସୃଷ୍ଟି ହୋଇପାରେ ।
ନିର୍ମାଣ ଜଗତରେ ବିଭିନ୍ନ ପ୍ରକାରର ଫାଉଣ୍ଡେସନଗୁଡ଼ିକୁ ବୁଝିରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ଏହା ଯେକୌଣସି ଢାଞ୍ଚାର ଭିତ୍ତିଭୂମି ଭାବରେ କାର୍ଯ୍ୟ କରେ, ସ୍ଥିରତା ଏବଂ ଦୀର୍ଘାୟୁ ସୁନିଶ୍ଚିତ କରେ । ଅଗଭୀର ଏବଂ ଗଭୀର ଫାଉଣ୍ଡେସନ ମଧ୍ୟରୁ କେଉଁଟିକୁ ଚୟନ କରାଯିବ ତାହା ମୃତ୍ତିକା ସ୍ଥିତି, ଭାର ଆବଶ୍ୟକତା ଏବଂ ପରିବେଶଗତ କାରଣ ଉପରେ ନିର୍ଭର କରେ । ଏହି କାରଣଗୁଡ଼ିକୁ ସତର୍କତାର ସହ ବିଚାର କରି, ନିର୍ମାଣ ବୃତ୍ତିଧାରୀମାନେ ସେମାନଙ୍କ ଫାଉଣ୍ଡେସନ ନିର୍ମାଣ ପାଇଁ ସବୁଠାରୁ ଉପଯୁକ୍ତ ପ୍ରକାର ଚୟନ କରିପାରିବେ, ଯାହା ଆଗାମୀ ବର୍ଷଗୁଡ଼ିକ ପାଇଁ ସେମାନଙ୍କ ପ୍ରକଳ୍ପର ଅଖଣ୍ଡତା ଏବଂ ସଫଳତାର ଗ୍ୟାରେଣ୍ଟି ଦେଇପାରିବ ।
ନିର୍ମାଣରେ ସବୁଠାରୁ ଲୋକପ୍ରିୟ ପ୍ରକାରର ଫାଉଣ୍ଡେସନ ହେଉଛି ଅଗଭୀର ଫାଉଣ୍ଡେସନ, ବିଶେଷକରି ଷ୍ଟ୍ରିପ୍ ଫାଉଣ୍ଡେସନ, କାରଣ ଏହାର ବିଭିନ୍ନ ମାଟି ଅବସ୍ଥା ଏବଂ ବିଲଡିଂ ଆକାର ପାଇଁ ଉପଯୁକ୍ତ ହୋଇଥାଏ ।
ଗଭୀର ଫାଉଣ୍ଡେସନ, ବିଶେଷକରି ପାଇଲ ଫାଉଣ୍ଡେସନକୁ ସବୁଠାରୁ ଶକ୍ତିଶାଳୀ ବୋଲି ବିବେଚନା କରାଯାଏ । ସେଗୁଡ଼ିକ ଭାରକୁ ଗଭୀର, ଅଧିକ ସ୍ଥିର ମାଟି ସ୍ତର କିମ୍ବା ଭିତ୍ତିଭୂମିକୁ ସ୍ଥାନାନ୍ତର କରିଥାଏ, ଯେଉଁଥିରେ ଉଚ୍ଚ ଲୋଡ୍ କ୍ଷମତା ରହିଥାଏ ।.
ନିର୍ଦ୍ଦିଷ୍ଟ ପ୍ରକଳ୍ପ ଉପରେ ହିଁ ସର୍ବୋତ୍ତମ ପ୍ରକାରର ଫୁଟିଙ୍ଗ୍ ନିର୍ଭର କରିଥାଏ । ସାଧାରଣତଃ, ଏକ ପ୍ରଶସ୍ତ ଷ୍ଟ୍ରିପ୍ ଫୁଟିଙ୍ଗ୍ ସମାନ ମାଟି ଏବଂ ଭାର ବଣ୍ଟନ ପାଇଁ ଆଦର୍ଶ ଅଟେ, ଅନ୍ୟ ପକ୍ଷରେ ଏକ ଆଇସୋଲେଟେଡ୍ ଫୁଟିଙ୍ଗ୍ ସ୍ତମ୍ଭ-ଆଧାରିତ ଢାଞ୍ଚା ପାଇଁ ଉପଯୁକ୍ତ ହୋଇଥାଏ ।
ପୁରାତନ ପ୍ରକାରର ଫାଉଣ୍ଡେସନ ସମ୍ଭବତଃ ପ୍ୟାଡ୍ ଫାଉଣ୍ଡେସନ, ପ୍ରାଚୀନ ଢାଞ୍ଚାଗୁଡ଼ିକରେ ବ୍ୟବହୃତ ହେଉଥିବା ଅଗଭୀର ଫାଉଣ୍ଡେସନର ଏହା ଏକ ମୌଳିକ ରୂପ ଅଟେ ।
ଏକ ଢାଞ୍ଚାଗତ ଫାଉଣ୍ଡେସନ ହେଉଛି ଏକ ଢାଞ୍ଚାର ଅଂଶ ଯାହା ଏହାର ଭାରକୁ ସିଧାସଳଖ ଭୂମି ମଧ୍ୟକୁ ସ୍ଥାନାନ୍ତର କରେ, ସ୍ଥିରତା ପ୍ରଦାନ କରେ ଏବଂ ଚଳନ କିମ୍ବା ଦବିବାକୁ ପ୍ରତିରୋଧ କରେ ।
