Share:
ഒന്നിലധികം കോളമുകളെയോ ഭിത്തികളെയോ താങ്ങി നിർത്താൻ വേണ്ടി കോൺക്രീറ്റ് കൊണ്ട് നിർമ്മിക്കുന്ന നീളമുള്ള പ്ലാറ്റ്‌ഫോമാണ് കമ്പൈൻഡ് ഫൂട്ടിംഗ്. ഒന്നിലധികമുള്ള കോളമുകൾ വരുന്ന കെട്ടിടങ്ങളിൽ അവ ഓരോന്നിലും ഭാരം തുല്യമായി വിഭജിച്ചു പോകാൻ വേണ്ടി അവയെല്ലാം കൂടി പങ്കിടുന്ന ഒരു കിടക്ക പോലെ ഇതിനെ സങ്കൽപ്പിക്കാവുന്നതാണ്. കോളുകൾ അടുത്തടുത്തായി വരുന്ന സാഹചര്യത്തിലും അല്ലെങ്കിൽ കോളമുകൾ വ്യത്യസ്ത അകലത്തിൽ സ്ഥാപിക്കേണ്ടി വരുമ്പോഴും അല്ലെങ്കിൽ പ്രോപ്പർട്ടിയുടെ അതിര് കാരണം കാരണം ഫൂട്ടിംഗിനു ഏതെങ്കിലും തരത്തിലുള്ള പരിമിതികൾ ഏർപ്പെടുത്തേണ്ടി വരുമ്പോഴോ ആണ് ഇത്തരത്തിലുള്ള ഫൂട്ടിംഗ് മിക്കപ്പോഴും ഉപയോഗിക്കപ്പെടുന്നത്. കമ്പൈൻഡ് ഫൂട്ടിംഗ് ഉപയോഗിക്കുന്നതിലൂടെ, സ്ഥലത്തിന്റെ ലഭ്യതയിലോ നിർമ്മാണ ചെലവിലോ വിട്ടുവീഴ്ച ചെയ്യാതെ സ്ട്രക്ച്ചറുകൾക്ക് സന്തുലിതമായ പിൻബലം കൈവരിക്കാൻ കഴിയും.
കൺസ്ട്രക്ഷൻ മേഖലയിൽ, ഓരോ പ്രോജക്റ്റിന്റെയും തനതായ ആവശ്യങ്ങൾക്കനുസരിച്ച് വിവിധ ആകൃതികളിലും അളവുകളിലുമുള്ള കമ്പൈൻഡ് ഫൂട്ടിംഗ് ഉപയോഗിക്കാറുണ്ട്. പൊതുവായി ഉപയോഗിക്കപ്പെടുന്ന ഫൂട്ടിംഗ് തരങ്ങൾ ഏതൊക്കെയെന്ന് നമുക്ക് പരിശോധിക്കാം:
പേര് സൂചിപ്പിക്കുന്നത് പോലെ തന്നെ, ഇത്തരം ഫൂട്ടിംഗ് ഒരു ദീർഘചതുരത്തിന്റെ ആകൃതിയിലാണ് നിർമ്മിക്കുക. രണ്ട് കോളമുകളിൽ നിന്നുള്ള ലോഡ് തുല്യമല്ലാതെ വരുമ്പോഴും അവയുടെ ഭാരത്തിന്റെ കേന്ദ്രം ഒരു രേഖയിൽ വിന്യസിക്കാത്തപ്പോഴുമാണ് ഇത് സാധാരണയായി ഉപയോഗിക്കുന്നത്. ദീർഘചതുരത്തിന്റെ വ്യത്യസ്ത അളവുകൾ ഉപയോഗിച്ച് ഈ അസന്തുലിതാവസ്ഥ പരിഹരിച്ച്, രണ്ട് കോളമുകൾക്കും തുല്യമായി പിൻബലം നൽകാൻ കഴിയുന്ന ഒരു പ്ലാറ്റ്ഫോം സൃഷ്ടിക്കുന്നു. ഏതെങ്കിലും കോളം പ്രോപ്പർട്ടിയുടെ അതിർത്തിരേഖയുടെ തൊട്ടടുത്തായി വരുമ്പോഴും അല്ലെങ്കിൽ സ്റ്റാൻഡേർഡ് സ്‌പ്രെഡ് ഫൂട്ടിംഗ് അതിർത്തിക്കപ്പുറത്തേക്ക് പോകുമ്പോഴും. ഇത്തരം ഫുട്ടിംഗുകൾ പ്രത്യേകിച്ചും ഫലപ്രദമായിരിക്കും.
ഒരു ബീം അല്ലെങ്കിൽ സ്ട്രാപ്പ് കൊണ്ട് ബന്ധിപ്പിച്ച, ഒന്നിച്ച് പ്രവർത്തിക്കാൻ സഹായിക്കുന്ന രണ്ട് ഐസലേറ്റഡ് ഫൂട്ടിംഗുകളാണ് ഇതിൽ വരുന്നത്. രണ്ട് കോളമുകൾ ക്രമരഹിതമായ അകലത്തിൽ വരുമ്പോൾ ഒരു സ്റ്റാൻഡേർഡ് റെക്ടാഗുലർ ഫൂട്ടിംഗ് അപര്യാപ്തമാകുന്ന സാഹചര്യമുണ്ടാകും. അപ്പോഴൊക്കെ സ്ട്രാപ്പ് അല്ലെങ്കിൽ കാന്റിലിവർ കംബൈൻഡ് ഫൂട്ടിംഗ് ഫലപ്രദമായിരിക്കും. രണ്ട് ഫൂട്ടിംഗുകൾക്കിടയിലുള്ള മണ്ണിൽ യാതൊരു സമ്മർദ്ദവും ചെലുത്താതെ സ്ട്രാപ്പ് ഫൂട്ടിംഗുകളെ ബന്ധിപ്പിക്കുന്നു. ഫൂട്ടിംഗ് കോളമുകൾക്ക് കീഴിൽ അല്ലാതെയാണ് കേന്ദ്രീകരിക്കുന്നതെങ്കിലും കൂടി ഇത് ഫലപ്രദമായി ലോഡ് സന്തുലിതമാക്കുന്നു.
ഒരു കോളം മറ്റൊന്നിനേക്കാൾ ഗണ്യമായി ഭാരം കൂടുതൽ വഹിക്കേണ്ടി വരുന്ന സാഹചര്യമുണ്ടായാൽ, ട്രപസോയിഡൽ കമ്പൈൻഡ് ഫൂട്ടിംഗ് അനുയോജ്യമായ പരിഹാരമായി മാറുന്നു. ഓരോ കോളത്തിന്റെയും ലോഡ് ആവശ്യാനുസരണം വിന്യസിക്കാൻ വേണ്ടി ഒരു ട്രപസോയിഡൽ ആകൃതിയിലാണ് ഇത് ഡിസൈൻ ചെയ്യുക. ഈ ഫൂട്ടിംഗുകൾ ഭാരക്കൂടുതലുള്ള കോളത്തിന് കൂടുതൽ വിസ്തീർണ്ണം ലഭിക്കുന്നുണ്ടെന്ന് ഉറപ്പ് വരുത്തുകയും അതു വഴി മുഴുവൻ കൺസ്ട്രക്ഷൻ സ്ഥിരത ഉറപ്പാക്കുകയും ചെയ്യുന്നു.
ഒന്നിലധികം കോളമുകൾ നിരനിരയായി വരുമ്പോഴും, ജോയിന്റ് ഫൂട്ടിംഗ് ആവശ്യം വരുന്നതുമായ സാഹചര്യങ്ങളിൽ, സ്ലാബ് ടൈപ്പ് കമ്പൈൻഡ് ഫൂട്ടിംഗ് ഒരു ഉത്തമ പരിഹാരമാണ്. അടിസ്ഥാനപരമായി, ഒരു നിരയിൽ വരുന്ന കോളമുകൾക്ക് പിൻബലമേകുന്ന വലിയ ഒരു സ്ലാബാണിത്. ഇത് സ്ട്രിപ്പ് ഫൌണ്ടേഷന് സമാനമാണ്, എന്നാൽ ചുവരുകൾക്ക് പകരം കോളമുകൾ ആയിരിക്കും ഉണ്ടാവുക. ഇത് കൺസ്ട്രക്ഷനെ ലളിതമാക്കുകയും, ലോഡ് താങ്ങാനുള്ള ശേഷി മണ്ണിന് താഴത്തായിരിക്കുമ്പോൾ ഇത് ഉചിതമായ പരിഹാരമായി മാറുകയും ചെയ്യുന്നു.
കൺസ്ട്രക്ഷൻ മേഘലയിൽ നേരിടുന്ന വിവിധങ്ങളായ വെല്ലുവിളികൾ ഉയർത്തുന്ന വ്യത്യസ്ത ആവശ്യകതകൾ പരിഹരിക്കുന്നതിനായി രൂപപ്പെടുത്തിയിട്ടുള്ള യഥാവിധിയായ പരിഹാരമാണ് കമ്പൈൻഡ് ഫൂട്ടിംഗുകൾ. മുകളിൽ സൂചിപ്പിച്ച തരങ്ങൾ വ്യാപകമായി ഉപയോഗിക്കപ്പെടുന്നവയാണ്. ഒരു പ്രോജക്റ്റിനു അനുയോജ്യമായ ഫൂട്ടിംഗ് അവിടുത്തെ പ്രത്യേക ഘടകങ്ങളായ മണ്ണിന്റെ അവസ്ഥ, കോളമുകളുടെ അകലം, താങ്ങേണ്ടിവരുന്ന ലോഡ്, പ്രോപ്പർട്ടിയുടെ അതിരുമായുള്ള സാമീപ്യം എന്നിവയെ ആശ്രയിച്ചിരിക്കും. ഇത്തരത്തിലുള്ള അടിസ്ഥാനകാര്യങ്ങൾ മനസ്സിലാക്കുന്നത് ഏതൊരു സ്ട്രക്ചറിനും ദൃഢതയും സുസ്ഥിരവുമായ അടിത്തറ ഉണ്ടാക്കുന്നതിൽ സഹായിക്കുന്നു.
ബിൽഡിംഗ് കോളമുകൾ അടുത്തടുത്ത് വരുമ്പോഴും, ഒരു ഫൂട്ടിംഗിന് മറ്റൊന്നുമായി ഓവർ ലാപ്പ് ചെയ്യാതെ ഒരു കോളത്തിന് തനിച്ചു മാത്രമായി പിൻബലമേകാൻ കഴിയാത്തപ്പോഴാണ് കമ്പൈൻഡ് ഫൂട്ടിംഗ് അധികവും ഉപയോഗിക്കുന്നത്. സ്ഥലം പരിമിതി ഉള്ളയിടത്തോ, മണ്ണിന് ഉറപ്പു കുറവുള്ളിടത്തോ നിർമ്മിക്കുന്ന സ്ട്രക്ച്ചറുകൾക്ക് ഇത് പലപ്പോഴും ആവശ്യമായി വരാറുണ്ട്. സ്ട്രക്ചർ അമിതമായ ആഴ്ന്നു പോകുന്നതും അല്ലെങ്കിൽ അടിഞ്ഞുകൂടുന്നതും തടയുന്നതിന് ലോഡിന്റെ വിശാലമായ വിന്യാസം ആവശ്യമാണ്. കോളമുകൾ പ്രോപ്പർട്ടിയുടെ അതിരുകൾക്ക് തൊട്ടടുത്തായിരിക്കുമ്പോഴും, സ്റ്റാൻഡേർഡ് ഫൂട്ടിംഗുകൾ അനുവദനീയമായ ബിൽഡിംഗ് ലൈനിന് അപ്പുറത്തേക്ക് വ്യാപിക്കുന്ന സാഹചര്യത്തിലും ഇവ ഉപയോഗിക്കുന്നു.
സ്ഥലപരിമിതി കൂടുതലുള്ള കൺസ്ട്രക്ഷനുകളിൽ കമ്പൈൻഡ് ഫൂട്ടിംഗുകൾ വളരെ ഉപയോഗപ്രദമാണ്. കോളമുകൾ പരസ്പരം വളരെ അടുത്തായിരിക്കുകയും, ഇൻഡിവിജ്വൽ ഫൂട്ടിംഗുകൾ ഓവർലാപ്പ് ചെയ്യുന്ന സാഹചര്യത്തിലും, കമ്പൈൻഡ് ഫൂട്ടിംഗ് അവയെ ഒരൊറ്റ സ്ട്രക്ചറൽ ഘടകമാക്കി ഏകീകരിക്കുന്നതിലൂടെ ഒരു പ്രായോഗിക പരിഹാരമാകുന്നു.
മണ്ണിന് വേണ്ടത്ര ലോഡ് വഹിക്കാനുള്ള ശേഷി ഇല്ലാത്ത പ്രദേശങ്ങളിൽ, ലോഡുകളുടെ വിതരണം ഒരു നിർണായക പ്രശ്നമായി വരുന്നു. കമ്പൈൻഡ് ഫൂട്ടിംഗുകൾ ഇൻഡിവിജ്വൽ ഫൂട്ടിംഗുകളേക്കാൾ വലിയ വിസ്തൃതിയിൽ ഒന്നിലധികം കോള മുകളിൽ നിന്നുള്ള ലോഡ് വിതരണം ചെയ്യാൻ സഹായിക്കുന്നു. അങ്ങനെ മണ്ണിൽ വരുന്ന മർദ്ദം കുറച്ച്, അമിതമായി ഉണ്ടായേക്കാവുന്ന സെറ്റിൽമെൻ്റിനുള്ള സാധ്യത കുറയ്ക്കുകയും ചെയ്യുന്നു.
പലപ്പോഴും, പ്രോപ്പർട്ടി ലൈനുകൾക്ക് സമീപമുള്ള കൺസ്ട്രക്ഷന്, ഫൗണ്ടേഷനുകൾ എത്രത്തോളം പുറത്തേക്ക് നീട്ടാം എന്നതിന് നിയന്ത്രണങ്ങൾ നേരിടേണ്ടി വരും. കമ്പൈൻഡ് ഫൂട്ടിംഗുകൾക്ക് ഇത്തരം സ്ഥലപരിമിതികൾക്കുള്ളിൽ ഒതുങ്ങുന്ന തരത്തിലുള്ള ഡിസൈനിങ് നടത്താൻ കഴിയുകയും, അതേസമയം തന്നെ വേണ്ടത്ര രീതിയിൽ ലോഡ് താങ്ങുകയും ചെയ്യുന്നു. അങ്ങനെ ഇത് നഗരപ്രദേശങ്ങളിലെ കൺസ്ട്രക്ഷൻ പ്രോജക്ടുകൾക്കുള്ള അവശ്യ ഉപാധിയായി മാറുന്നു.
വ്യത്യസ്ത അളവിലുള്ള ഭാരം വഹിക്കുന്ന കോളമുകൾ വേണ്ടിവരുന്ന കെട്ടിടങ്ങൾക്ക് കമ്പൈൻഡ് ഫൂട്ടിംഗുകൾ പ്രയോജനകരമാണ്. ഈ ഫൂട്ടിംഗുകൾ ഒരേപോലെ അല്ലാത്ത ലോഡ് വിതരണത്തെ ഉൾക്കൊള്ളുന്ന തരത്തിൽ നിർമ്മിക്കാൻ കഴിയും. ഇത് ഒരു കോളത്തിന് മറ്റൊന്നുമായി ഭാരം വഹിക്കുന്നതിൽ വ്യത്യാസമുണ്ടായാലും ഘടനയുടെ ദൃഢത ഉറപ്പാക്കുന്നു.
രണ്ടോ അതിലധികമോ കോളമുകൾ താരതമ്യേന അടുത്തടുത്തു വരുമ്പോൾ, ഒന്നിലധികം ഒന്നിലധികം വെവ്വേറെ ഫൂട്ടിംഗ് നിർമ്മിക്കുന്നതിന് പകരം ഒരൊറ്റ വലിയ ഫൂട്ടിംഗ് നിർമ്മിക്കുന്നത് ചെലവ് കുറയ്ക്കും. ഇത് ആയി വരുന്ന ഖനനം, ഫോം വർക്ക്, കോൺക്രീറ്റ് എന്നിവയുടെ ചെലവ് കുറയ്ക്കുന്നു, അങ്ങനെ മെറ്റീരിയലും അധ്വാനവും ലാഭിക്കുന്നതിന് കാരണമാകുന്നു.
ഇത്തരത്തിൽ ആവശ്യമായി വരുന്ന സാഹചര്യങ്ങളിൽ ഓരോന്നിലും കമ്പൈൻഡ് ഫൂട്ടിംഗുകളുടെ വഴക്കവും കാര്യക്ഷമതയും പ്രകടമാക്കുന്നു. ആധുനിക കൺസ്ട്രക്ഷൻ മേഖലയിലെ വെല്ലുവിളി നിറഞ്ഞ സാഹചര്യങ്ങളിൽ അവയെ ഒരു നിർണായക ഘടകം ആക്കി മാറ്റുന്നു.
ഒരൊറ്റ ഫൂട്ടിംഗ് പ്ലാറ്റ്‌ഫോമിൽ തന്നെ ഒന്നിലധികം കോളമുകൾക്ക് പിൻബലമേകുന്നതിലൂടെ, കമ്പൈൻഡ് ഫൂട്ടിംഗുകൾ ലഭ്യമായ സ്ഥലം കാര്യക്ഷമമായി ഉപയോഗിക്കുന്നു. ഇടുങ്ങിയ സ്ഥലങ്ങളിൽ ഇത് പ്രത്യേകിച്ചും ഗുണകരമാകും.
ഈ ഫൂട്ടിംഗുകൾ നിരവധി കോളമുകളുടെയും ഭിത്തികളുടെയും ഭാരം ഒരു വലിയ പ്രദേശത്തിലാകെ തുല്യമായി വിതരണം ചെയ്യുന്നു. ഇത് മണ്ണിലേക്ക് എത്തുന്ന സമ്മർദ്ദം കുറച്ചുകൊണ്ട് താഴ്ന്നു പോകുന്നതും അസമമായ സെറ്റിൽമെന്റ് ഉണ്ടാവുന്നത് കുറയ്ക്കുകയും ചെയ്യുന്നു.
കമ്പൈൻഡ് ഫൂട്ടിംഗുകൾ ഒന്നിലധികം കോളമുകളുമായി ഫൂട്ടിംഗുകൾ കൂട്ടിച്ചേർക്കുന്നത് കാരണം, സാധാരണഗതിയിൽ ആവശ്യമായി വരുന്ന കുഴിക്കൽ, ഫോം വർക്ക്, കോൺക്രീറ്റ് എന്നിവയുടെ ആവശ്യകത കുറയ്ക്കുന്നു. ഇത് ഗണ്യമായ ചെലവ് ലാഭിക്കാൻ സഹായിക്കും.
കമ്പൈൻഡ് ഫൂട്ടിംഗുകൾ വിവിധ സൈറ്റിലെ സാഹചര്യങ്ങൾക്കും നിയന്ത്രണങ്ങൾക്കും അനുസരിച്ച് അനുയോജ്യമാക്കാൻ കഴിയും. ഇത് വെല്ലുവിളി നിറഞ്ഞ കൺസ്ട്രക്ഷനുകളിൽ ബഹുമുഖ പ്രയോജനങ്ങൾ ഉള്ള ഫൗണ്ടേഷൻ ലഭ്യമാക്കാനുള്ള പരിഹാരമായി മാറുന്നു.
ഇത്തരം കൺസ്ട്രക്ഷനുകളിൽ പലപ്പോഴും ഉപയോഗിക്കുന്ന മെറ്റീരിയലുകളെ കുറിച്ചുള്ള കൂടുതൽ വിവരങ്ങൾക്ക്, കൺസ്ട്രക്ഷനിൽ ഉപയോഗിക്കുന്ന ബിൽഡിംഗ് മെറ്റീരിയലുകളെ കുറിച്ച് കൂടുതൽ മനസ്സിലാക്കുക.
ചുരുക്കിപ്പറഞ്ഞാൽ, വിവിധ കൺസ്ട്രക്ഷൻ സാഹചര്യങ്ങളിൽ, പ്രത്യേകിച്ച് സ്ഥലപരിമിതിയോ മണ്ണിന്റെ മോശം അവസ്ഥയോ വെല്ലുവിളിയുയർത്തുന്ന സാഹചര്യങ്ങളിൽ, കമ്പൈൻഡ് ഫൂട്ടിംഗുകൾ ഫൗണ്ടേഷനു വേണ്ട പ്രായോഗിക പരിഹാരമാകുന്നു. അവ സ്ട്രക്ചറിന് സ്ഥിരതയും ഒരേ പോലെയുള്ള ലോഡ് വിതരണവും ഉറപ്പാക്കുന്നു. അമിതമായ സെറ്റിൽമെന്റ് പ്രശ്നങ്ങൾ ഉണ്ടാവാനുള്ള സാധ്യതകളെ കുറയ്ക്കുന്നു. കമ്പൈൻഡ് ഫൂട്ടിംഗുകളുടെ ഉപയോഗം കൊണ്ട് മെറ്റീരിയലിന്റെ ആവശ്യങ്ങളിലും മൊത്തത്തിലുള്ള നിർമ്മാണ ചെലവുകളിലും കുറവുണ്ടാക്കും. ഇത് സാമ്പത്തികമായി അനുകൂലമായ ഒരു ഓപ്ഷനാക്കി അവയെ മാറ്റി തീർക്കുന്നുണ്ട്. വൈവിധ്യമാർന്ന പരിതസ്ഥിതികളിൽ കെട്ടിടങ്ങൾ വർദ്ധിച്ചുവരുന്നതിനാൽ, സുരക്ഷിതവും സുസ്ഥിരവുമായ നിർമ്മാണ രീതികൾക്കായി ഇത്തരത്തിലുള്ള ഫൗണ്ടേഷൻ മാർഗങ്ങളെ പറ്റി മനസ്സിലാക്കി നടപ്പിലാക്കേണ്ടത് വളരെ പ്രാധാന്യമർഹിക്കുന്ന ഒന്നാണ്.
കമ്പൈൻഡ് ഫൂട്ടിംഗിന്റെ അളവ് കണക്കാക്കുന്നത് , ഒന്നിലധികം കോളമുകളിൽ നിന്നുള്ള ലോഡ്, മണ്ണിന്റെ ലോഡ് താങ്ങാനുള്ള ശേഷിയുമായി സന്തുലിതമാക്കുന്നതിനെ അടിസ്ഥാനപ്പെടുത്തിയാണ്. സ്ഥിരത ഉറപ്പാക്കുന്നതിന്, ഗുരുത്വാകർഷണ കേന്ദ്രം സംയോജിത ലോഡുകളുടെ കേന്ദ്രവുമായി വിന്യസിക്കുന്ന തരത്തിൽ ഫൂട്ടിംഗ് ഏരിയ ക്രമീകരിക്കണം. ചതുരാകൃതിയിലുള്ള കമ്പൈൻഡ് ഫൂട്ടിംഗിന്, ലോഡ് ഡിസ്ട്രിബ്യൂഷൻ A = P/q എന്ന് ലളിതമായി കണക്കാക്കാം. ഇവിടെ P എന്നത് മൊത്തം ലോഡും q എന്നത് മണ്ണിന്റെ ലോഡ് താങ്ങാനുള്ള ശേഷിയുമാണ്.
ഒരു കമ്പൈൻഡ് ഫുറ്റിംഗിന്റെ അളവും വലിപ്പവും കണക്കാക്കുന്നത് കോളമുകളിൽ നിന്നുണ്ടാവുന്ന ലോഡ്, മണ്ണിന്റെ ലോഡ് വഹിക്കാനുള്ള ശേഷി, കോളമുകൾ തമ്മിലുള്ള ദൂരം എന്നിവയെ അടിസ്ഥാനമാക്കിയാണ്. സാധാരണഗതിയിൽ, സ്ഥിരതയും സന്തുലിതാവസ്ഥയും ഉറപ്പാക്കിക്കൊണ്ട്, ലോഡുകൾ ഫലപ്രദമായി വിതരണം ചെയ്യുന്നതിന് ആവശ്യമായ വീതിയും നീളവുമുള്ള ഒരു അടിത്തറ പങ്കിട്ടുകൊണ്ട് രണ്ട് കോളമുകളെയും ഉൾക്കൊള്ളുന്ന തരത്തിലാണ് ഫൂട്ടിംഗ് ഡിസൈൻ ചെയ്യുക.
മണ്ണിന്റെ ലോഡ് താങ്ങാനുള്ള ശേഷി, കോളമുകളിൽ നിന്നുള്ള ലോഡ്, ബെൻഡിംഗ് ഷിയർ ബലങ്ങൾക്കെതിരായി നിർണയിക്കപ്പെടുന്ന സുരക്ഷാ ഘടകങ്ങൾ എന്നിവ അനുസരിച്ചാണ് സാധാരണഗതിയിൽ കമ്പൈൻഡ് ഫൂട്ടിംഗിനു വേണ്ട കുറഞ്ഞ കനം നിശ്ചയിക്കുന്നത്. മിക്ക അവസരങ്ങളിലും , 200-300 മില്ലിമീറ്റർ കനം സാധാരണമായി ഉണ്ടാകും. എന്നാൽ എഞ്ചിനീയറിംഗ് ഡിസൈൻ മാനദണ്ഡങ്ങളെ അടിസ്ഥാനപ്പെടുത്തി വേണ്ടി വരുന്ന ആവശ്യകതകൾ വ്യത്യാസപ്പെടാം.
ലോഡ്, കോളമുകളുടെ ക്രമീകരണം എന്നിവയെ അടിസ്ഥാനമാക്കി കമ്പൈൻഡ് ഫൂട്ടിംഗിനെ പലതായി തരം തിരിച്ചിരിക്കുന്നു:
1. ദീർഘചതുരാകൃതിയിലുള്ള കമ്പൈൻഡ് ഫൂട്ടിംഗ്: തുല്യ ലോഡുകളുള്ള കോളമുകൾക്ക് അനുയോജ്യമായത്.
2. ട്രപസോയിഡൽ കമ്പൈൻഡ് ഫൂട്ടിംഗ്: ഒരേ അളവിൽ അല്ലാത്ത ലോഡുകൾ വരുന്ന കോളമുകൾക്ക് അനുയോജ്യമായത്.
3. സ്ട്രാപ്പ് ഫൂട്ടിംഗ്: ലോഡുകൾ തുല്യമായി വിതരണം ചെയ്യുന്നതിനായി ഒരു ബീം ഉപയോഗിച്ച് രണ്ട് ഫൂട്ടിംഗുകളെ ബന്ധിപ്പിക്കുന്നു.
4. സ്ലാബും ഫൂട്ടിംഗും ബീം ഫൂട്ടിംഗും: വിശാലമായ വിസ്തൃതിയിൽ കോളം ലോഡിന് പിൻബലം ഏകുന്നതിന് ബീമുകളും സ്ലാബുകളും ഉപയോഗിക്കുന്നു.
കമ്പൈൻഡ് ഫൂട്ടിംഗിലെ പ്രധാന ബലപ്പെടുത്തലിനായി, ബെൻഡിംഗ്, ഷിയർ ബലങ്ങൾക്ക് എതിരെ പ്രവർത്തിക്കുന്നതിനായി രേഖാംശ, തിരശ്ചീന കമ്പികൾ ഉപയോഗിക്കുന്നു. കമ്പൈൻഡ് ഫൂട്ടിംഗിന്റെ ഫൂട്ടിംഗ് ലെയറുകളിൽ സ്ഥാപിക്കുന്ന ഈ ബലപ്പെടുത്തലിൽ സ്ഥിരതയും കരുത്തും ലഭിക്കുന്നു. ഇത് സ്ട്രക്ചറിൽ സമ്മർദ്ദങ്ങൾ ചെറുക്കുന്ന ശക്തമായ അടിത്തറ സൃഷ്ടിക്കുന്നു.
