କମ୍ବାଇନଡ୍ ଫୁଟିଙ୍ଗ୍: ପ୍ରକାରଭେଦ, ବ୍ୟବହାର, ଓ ଲାଭ

କମ୍ବାଇନଡ୍ ଫୁଟିଙ୍ଗ୍ କ’ଣ?

କମ୍ବାଇନଡ୍ ଫୁଟିଙ୍ଗ୍ ମୂଳତଃ କଂକ୍ରିଟରେ ନିର୍ମିତ ଏକ ଲମ୍ବା ପ୍ଲାଟଫର୍ମ ହୋଇଥାଏ ଯାହା ଏକରୁ ଅଧିକ ସ୍ତମ୍ଭ କିମ୍ବା କାନ୍ଥକୁ ସମର୍ଥନ କରିଥାଏ ବା ସେଗୁଡ଼ିକର ଭାରକୁ ସମ୍ଭାଳିଥାଏ । ଏହା ଏକାଧିକ ବିଲଡିଂ ସ୍ତମ୍ଭ ପାଇଁ ଏକ ଅଂଶୀଦାର ଶଯ୍ୟା ଭଳି, ଯାହାକୁ ପ୍ରତ୍ୟେକ ସ୍ତମ୍ଭ ବା କଲମ୍ ନିଜର ଓଜନକୁ ସମାନ ରୂପେ ବିଭାଜନ କରିବା ପାଇଁ ମିଳିତ ଭାବେ ବ୍ୟବହାର କରିଥାନ୍ତି । ଏହି ପ୍ରକାରର ଫୁଟିଙ୍ଗ୍ ପ୍ରାୟତଃ ସେତେବେଳେ ବ୍ୟବହୃତ ହୁଏ ଯେତେବେଳେ ସ୍ତମ୍ଭଗୁଡିକ ପରସ୍ପରର ଅତି ନିକଟରେ ଥାଏ କିମ୍ବା ସେଗୁଡ଼ିକ ମଧ୍ୟରେ ବ୍ୟବଧାନ ଅନିୟମିତ ହୋଇଥାଏ କିମ୍ବା ସମ୍ପତ୍ତିର ସୀମା କାରଣରୁ ଫୁଟିଙ୍ଗର ଧାରକୁ ସୀମିତ ରଖିବାର ଆବଶ୍ୟକତା ରହିଥାଏ । ଏକ କମ୍ବାଇନଡ୍ ଫୁଟିଙ୍ଗ୍‌ ର ବିକଳ୍ପ ଚୟନ କରି, ଉପଲବ୍ଧ ସ୍ଥାନ କିମ୍ବା ନିର୍ମାଣ ଖର୍ଚ୍ଚ ସହ ସାଲିସ୍ ନ କରି ଢାଞ୍ଚା ସନ୍ତୁଳିତ ସମର୍ଥନ ବଜାୟ ରଖିପାରିବ ।

କମ୍ବାଇନଡ୍ ଫୁଟିଙ୍ଗ୍ ର ବିଭିନ୍ନ ପ୍ରକାରଭେଦ

ନିର୍ମାଣ ଜଗତରେ, ପ୍ରତ୍ୟେକ ପ୍ରକଳ୍ପର ନିଆରା ଚାହିଦାକୁ ସୁହାଇବା ପାଇଁ କମ୍ବାଇନଡ୍ ଫୁଟିଙ୍ଗ୍ ବିଭିନ୍ନ ଆକାର ଓ ଆୟତନରେ ଆସିଥାଏ । ସାଧାରଣ ଭାବେ ବ୍ୟବହୃତ ହେଉଥିବା କେତେକ କମ୍ବାଇନଡ୍ ଫୁଟିଙ୍ଗ୍ ବିଷୟରେ ଆସନ୍ତୁ ଆଲୋଚନା କରିବା:

୧. ଆୟତାକାର କମ୍ବାଇନଡ୍ ଫୁଟିଙ୍ଗ୍

ଯେମିତିକି ଏହାର ନାମ ସୂଚାଉଛି, ଆୟତାକାର କମ୍ବାଇନଡ୍ ଫୁଟିଙ୍ଗ୍ ଆୟତାକାର ହୋଇଥାଏ । ଏହା ସାଧାରଣତଃ ସେତେବେଳେ ବ୍ୟବହୃତ ହୁଏ ଯେତେବେଳେ ଦୁଇଟି ସ୍ତମ୍ଭ ବା କଲମ୍ ର ଭାର ସମାନ ହୋଇନଥାଏ କିମ୍ବା ସେଗୁଡ଼ିକର କେନ୍ଦ୍ର ଗୋଟିଏ ସରଳରେଖାରେ ରହୁ ନ ଥାଏ । ଆୟତକ୍ଷେତ୍ରର ଅସମାନ ଦୈର୍ଘ୍ୟ ଦ୍ୱାରା ଏହି ଅସନ୍ତୁଳନକୁ ସଂଶୋଧିତ କରାଯାଏ, ଯାହାଫଳରେ ଏପରି ଏକ ପ୍ଲାଟଫର୍ମ ସୃଷ୍ଟି ହୁଏ, ଯାହା ଉଭୟ କଲମ୍ କୁ ସମାନ ଭାବେ ସମର୍ଥନ କରିପାରିଥାଏ । କଲମ୍ ଗୁଡ଼ିକ ସୀମାରେଖାର ଅତି ନିକଟରେ ରହୁଥିଲେ, ଯେଉଁଠି ମାନକ ସ୍ପ୍ରେଡ୍ ଫୁଟିଙ୍ଗ୍ ସେହି ସୀମାକୁ ଅତିକ୍ରମ କରିଯାଉଥିବ, ସେ କ୍ଷେତ୍ରରେ ଏ ପ୍ରକାରର ଫୁଟିଙ୍ଗ୍ ବିଶେଷ ଭାବେ ଉପାଦେୟ ସାବ୍ୟସ୍ତ ହୋଇଥାଏ ।

୨. ଷ୍ଟ୍ରାପ୍ ବା କାଣ୍ଟିଲିଭର୍ କମ୍ବାଇନଡ୍ ଫୁଟିଙ୍ଗ୍

ଏହି ପ୍ରକାରରେ ଏକ ବିମ୍ କିମ୍ବା ଷ୍ଟ୍ରାପ୍ ଦ୍ୱାରା ସଂଯୋଜିତ ଦୁଇଟି ଅଲଗା ଫୁଟିଙ୍ଗ୍ ରହିଥାଏ, ଯାହା ସେଗୁଡ଼ିକୁ ଏକାଠି କାର୍ଯ୍ୟ କରିବାରେ ସାହାଯ୍ୟ କରିଥାଏ । ଏହା ବିଶେଷ ଭାବରେ ଉପଯୋଗୀ ହୋଇଥାଏ ଯେତେବେଳେ ଦୁଇଟି କଲମ୍ କୁ ଏକ ମାନକ ଆୟତାକାର ଫୁଟିଙ୍ଗ୍ ପାଇଁ ଅତ୍ୟଧିକ ଅନିୟମିତ ଭାବରେ ସ୍ଥାନିତ କରାଯାଏ । ଷ୍ଟ୍ରାପ୍ ଦୁଇଟି ଫୁଟିଙ୍ଗ୍ କୁ ସେମାନଙ୍କ ମଧ୍ୟରେ ମାଟି ଉପରେ କୌଣସି ଚାପ ନ ପକାଇ ସଂଯୋଗ କରିଥାଏ, କଲମ୍ ତଳେ ଫୁଟିଙ୍ଗ୍ କେନ୍ଦ୍ରୀଭୂତ ନ ଥିଲେ ମଧ୍ୟ ଭାରକୁ ପ୍ରଭାବଶାଳୀ ଭାବରେ ସନ୍ତୁଳିତ କରିଥାଏ ।

୩. ଟ୍ରାପିଜଏଡାଲ୍ କମ୍ବାଇନଡ୍ ଫୁଟିଙ୍ଗ୍

ଯେତେବେଳେ ଗୋଟିଏ କଲମ୍ ଅନ୍ୟ କଲମ୍ ତୁଳନାରେ ଯଥେଷ୍ଟ ଅଧିକ ଭାର ବହନ କରେ, ଏକ ଟ୍ରାପିଜଏଡାଲ୍ କମ୍ବାଇନଡ୍ ଫୁଟିଙ୍ଗ୍ ଏକ ଅନୁକୂଳ ବିକଳ୍ପ ପାଲଟିଯାଏ । ପ୍ରତ୍ୟେକ କଲମ୍ ର ଚାହିଦା ଅନୁଯାୟୀ ଓଜନ ବଣ୍ଟନ କରିବା ପାଇଁ ଏହାକୁ ଟ୍ରାପିଜଏଡାଲ୍ ଆକୃତି ସହିତ ଡିଜାଇନ୍ କରାଯାଇଥାଏ । ଏହି ପାଦଚିହ୍ନ ସୁନିଶ୍ଚିତ କରେ ଯେ ଭାରି ସ୍ତମ୍ଭକୁ ଅଧିକ କ୍ଷେତ୍ରଫଳ ଏବଂ ପରିଣାମସ୍ୱରୂପ ଅଧିକ ସମର୍ଥନ ମିଳିବ, ଯାହା ସମଗ୍ର ନିର୍ମାଣର ସ୍ଥିରତା ବଜାୟ ରଖିଥାଏ ।

୪. ସ୍ଲାବ୍ ଟାଇପ୍ କମ୍ବାଇନଡ୍ ଫୁଟିଙ୍ଗ୍

ଏପରି ପରିସ୍ଥିତି ଯେଉଁଠି ଏକାଧିକ କଲମ୍ ଧାଡ଼ିରେ ରହିଥାଏ ଏବଂ ଏକ ଜଏଣ୍ଟ ଫୁଟିଙ୍ଗ୍ ଆବଶ୍ୟକ କରିଥାଏ, ସେଠାରେ ସ୍ଲାବ୍ ଟାଇପ୍ କମ୍ବାଇନଡ୍ ଫୁଟିଙ୍ଗ୍ ଏକ ଆଦର୍ଶ ସମାଧାନ ସାବ୍ୟସ୍ତ ହୋଇଥାଏ । ମୂଳତଃ, ଏହା ଏକ ବଡ଼ ଆକାରର ସ୍ଲାବ୍ ହୋଇଥାଏ ଯାହା କଲମ୍ ଗୁଡ଼ିକର ଧାଡ଼ିକୁ ସମର୍ଥନ ଯୋଗାଇଥାଏ । ଏ ପ୍ରକାର ଫୁଟିଙ୍ଗ୍ ଷ୍ଟ୍ରିପ୍ ଫାଉଣ୍ଡେସନ୍ ଭଳି ସମାନ ଧରଣର ହୋଇଥାଏ କିନ୍ତୁ ଏହାକୁ କାନ୍ଥ ପରିବର୍ତ୍ତେ କଲମ୍ ପାଇଁ ବ୍ୟବହାର କରାଯାଇଥାଏ । ଏହା ନିର୍ମାଣର ସରଳତା ପ୍ରଦାନ କରେ ଏବଂ ମାଟିର ଧାରଣ କ୍ଷମତା କମ୍ ରହିଥିବା କ୍ଷେତ୍ରରେ ଏହାର ସର୍ବୋତ୍ତମ ଉପଯୋଗ କରାଯାଏ ।

କମ୍ବାଇନଡ୍ ଫୁଟିଙ୍ଗ୍ ବିଭିନ୍ନ ନିର୍ମାଣ ଆହ୍ୱାନର ସ୍ୱତନ୍ତ୍ର ଆବଶ୍ୟକତା ପୂରଣ କରିବା ପାଇଁ ଅନୁକୂଳ ସମାଧାନ ଅଟେ । ଯଦିଓ ଉପରୋକ୍ତ ପ୍ରକାରଗୁଡିକ ସବୁଠାରୁ ଅଧିକ ବ୍ୟବହୃତ ହୁଏ, କୌଣସି ପ୍ରକଳ୍ପ ପାଇଁ ସବୁଠାରୁ ଉପଯୁକ୍ତ ଫୁଟିଙ୍ଗ୍ ମାଟିର ଅବସ୍ଥା, କଲମ୍ ମଧ୍ୟରେ ରହିଥିବା ବ୍ୟବଧାନ, ଭାରର ଆବଶ୍ୟକତା ଏବଂ ସମ୍ପତ୍ତି ସୀମାର ନିକଟତରତା ପରି ନିର୍ଦ୍ଦିଷ୍ଟ କାରଣଗୁଡ଼ିକ ଉପରେ ନିର୍ଭର କରିଥାଏ । ଏହି ମୌଳିକ ବିଷୟଗୁଡ଼ିକୁ ବୁଝିବା ଯେ କୌଣସି ଢାଞ୍ଚା ପାଇଁ ଏକ ସ୍ଥିର ଏବଂ ସ୍ଥାୟୀ ଆଧାରକୁ ସୁନିଶ୍ଚିତ କରିଥାଏ ।

କମ୍ବାଇନଡ୍ ଫୁଟିଙ୍ଗ୍ ର ବ୍ୟବହାର

କମ୍ବାଇନଡ୍ ଫୁଟିଙ୍ଗ୍ ମୁଖ୍ୟତଃ ସେତେବେଳେ ବ୍ୟବହୃତ ହୁଏ ଯେତେବେଳେ ନିର୍ମିତ ସ୍ତମ୍ଭଗୁଡିକ ପରସ୍ପର ନିକଟରେ ଥାଏ ଏବଂ ଗୋଟିଏ ଫୁଟିଙ୍ଗ୍ ଗୋଟିଏ କଲମ୍ ଅନ୍ୟ କଲମ୍ କୁ ଅତିକ୍ରମ ନକରି ବ୍ୟକ୍ତିଗତ ଭାବରେ ସମର୍ଥନ କରିପାରିବ ନାହିଁ । ଏପରି ପ୍ରାୟତଃ ସେହି ଢାଞ୍ଚାରେ ଦେଖାଯାଏ ଯେଉଁଠାରେ ସ୍ଥାନ ସୀମିତ ଥାଏ କିମ୍ବା ଯେଉଁଠାରେ ମାଟିର କ୍ଷମତା କମ୍ ଥାଏ ଏବଂ ଅତ୍ୟଧିକ ଧସିବା କିମ୍ବା ସେଟଲମେଣ୍ଟକୁ ରୋକିବା ପାଇଁ ଭାରର ବ୍ୟାପକ ବଣ୍ଟନ ଆବଶ୍ୟକ ହୋଇଥାଏ । ଯେତେବେଳେ କଲମ୍ ଗୁଡିକ ସମ୍ପତ୍ତି ସୀମା ନିକଟରେ ଥାଏ ଏବଂ ଅନୁମୋଦିତ ବିଲଡିଂ ଲାଇନ ବାହାରେ ମାନକ ଫୁଟିଙ୍ଗ୍ ବିସ୍ତାରିତ ହେବାର ସମ୍ଭାବନା ଥାଏ ସେତେବେଳେ ମଧ୍ୟ ସେଗୁଡିକ ବ୍ୟବହୃତ ହୁଏ ।

୧. ସୀମିତ ଜାଗା

ଯେଉଁ ନିର୍ମାଣରେ ଜାଗା ଅତି ସୀମିତ ଥାଏ ସେଠାରେ କମ୍ବାଇନଡ୍ ଫୁଟିଙ୍ଗ୍ ବିଶେଷ ଉପଯୋଗୀ ହୋଇଥାଏ । ଯେତେବେଳେ ସ୍ତମ୍ଭଗୁଡ଼ିକ ପରସ୍ପରର ନିକଟବର୍ତ୍ତୀ ହୋଇଥାଏ, ଏବଂ ପୃଥକ୍ ପୃଥକ୍ ଫୁଟିଙ୍ଗ୍ ପରସ୍ପର ଉପରେ ଚଢ଼ିଯିବାର ସମ୍ଭାବନା ଥାଏ ତେବେ, କମ୍ବାଇନଡ୍ ଫୁଟିଙ୍ଗ୍ ଏଗୁଡ଼ିକୁ ଏକକ ଢାଞ୍ଚାଗତ ଉପାଦାନରେ ଏକତ୍ରିତ କରି ଏକ ବ୍ୟବହାରିକ ସମାଧାନ ପ୍ରଦାନ କରିଥାଏ ।

୨. ଦୁର୍ବଳ ମାଟି ଉପରେ ଭାର ବଣ୍ଟନ

ଯେଉଁ ଅଞ୍ଚଳରେ ମାଟିର ଭାର ବହନ କ୍ଷମତା ଆଦର୍ଶଠାରୁ କମ୍, ସେଠାରେ ଭାର ବଣ୍ଟନ ଏକ ଗୁରୁତ୍ୱପୂର୍ଣ୍ଣ ଚିନ୍ତାର ବିଷୟ ପାଲଟିଯାଏ । କମ୍ବାଇନଡ୍ ଫୁଟିଙ୍ଗ୍ ଗୁଡ଼ିକ ଏକାଧିକ ସ୍ତମ୍ଭରୁ ଭାରକୁ ବ୍ୟକ୍ତିଗତ ଫୁଟିଙ୍ଗ୍ ତୁଳନାରେ ଏକ ବୃହତ ଅଞ୍ଚଳରେ ବଣ୍ଟନ କରିବାରେ ସାହାଯ୍ୟ କରେ, ଯାହା ଫଳରେ ମାଟି ଉପରେ ଚାପ ହ୍ରାସ ପାଇଥାଏ ଏବଂ ଅତ୍ୟଧିକ ସେଟଲମେଣ୍ଟ ହେବାର ଆଶଙ୍କା ନ୍ୟୂନତମ ହୋଇଯାଇଥାଏ ।

୩. ସମ୍ପତ୍ତି ସୀମାର ସାମିପ୍ୟ

ପ୍ରାୟ ସମୟରେ, ସମ୍ପତ୍ତି ରେଖା ନିକଟରେ କରାଯାଉଥିବା ନିର୍ମାଣ କେତେକ କଟକଣାର ସମ୍ମୁଖୀନ ହୋଇଥାଏ, ଯେମିତିକି - ଫାଉଣ୍ଡେସନ୍ ବାହାର ଆଡ଼କୁ କେତେ ବିସ୍ତାରିତ ହୋଇପାରିବ । ଜାଗାକୁ ନେଇ ରହିଥିବା ଏପରି ବାଧ୍ୟବାଧକତାର ମୁକାବିଲା କରିବା ପାଇଁ ଏପରି କମ୍ବାଇନଡ୍ ଫୁଟିଙ୍ଗ୍ କୁ ଡିଜାଇନ୍ କରାଯାଇପାରିବ, ଯାହା ଆବଶ୍ୟକ ଭାରକୁ ସମ୍ଭାଳିପାରୁଥିବ । ତେଣୁକରି, କମ୍ବାଇନଡ୍ ଫୁଟିଙ୍ଗ୍ ସହରାଞ୍ଚଳ ନିର୍ମାଣ ପ୍ରକଳ୍ପଗୁଡ଼ିକ ପାଇଁ ଏକ ଅତ୍ୟାବଶ୍ୟକ ସାଧନରେ ପରିଣତ ହୋଇଛି ।

୪. ବିବିଧ ଭାର ପ୍ରବନ୍ଧନ: 

ଭିନ୍ନ ଭିନ୍ନ ଓଜନ ବିଶିଷ୍ଟ ସ୍ତମ୍ଭ ବା କଲମ୍ ରହିଥିବା କୋଠାଗୁଡ଼ିକ କମ୍ବାଇନଡ୍ ଫୁଟିଙ୍ଗ୍ ଦ୍ୱାରା ଲାଭାନ୍ୱିତ ହୋଇପାରିବ । ଏହି ଫୁଟିଙ୍ଗ୍ ଗୁଡ଼ିକୁ ଭାରର ଅସମାନ ବଣ୍ଟନକୁ ସମ୍ଭାଳିବା ପାଇଁ ନିର୍ମିତ କରାଯାଇପାରିବ, ଯାହା କଲମ୍ ଗୁଡ଼ିକ ମଧ୍ୟରେ ରହିଥିବା ଭିନ୍ନ ଭିନ୍ନ ଓଜନ ସତ୍ତ୍ୱେ ଢାଞ୍ଚାର ସ୍ଥିରତାକୁ ସୁନିଶ୍ଚିତ କରିଥାଏ ।

୫. ଏକାଧିକ କଲମ୍ ପାଇଁ ଅର୍ଥସାଶ୍ରୟୀ ସମାଧାନ

ଯେଉଁଠି ଦୁଇ କିମ୍ବା ଅଧିକ କଲମ୍ ମଧ୍ୟରେ ବ୍ୟବଧାନ ଅପେକ୍ଷାକୃତ କମ୍ ରହିଥାଏ, ସେଠାରେ ଏକାଧିକ ପୃଥକ୍ ଫୁଟିଙ୍ଗ୍ ନିର୍ମାଣ କରିବା ପରିବର୍ତ୍ତେ ଗୋଟିଏ ବଡ଼ ଫୁଟିଙ୍ଗ୍ ଅଧିକ ଅର୍ଥ ସାଶ୍ରୟୀ ହୋଇଥାଏ । ଏହା ଅତିରିକ୍ତ ଖନନ, ଫର୍ମୱାର୍କ ଏବଂ କଂକ୍ରିଟ୍ ର ଆବଶ୍ୟକତାକୁ ହ୍ରାସ କରିଥାଏ ଏବଂ ଉଭୟ ସାମଗ୍ରୀ ଏବଂ ଶ୍ରମ ଖର୍ଚ୍ଚକୁ ହ୍ରାସ କରିଥାଏ ।

ଉପରୋକ୍ତ ପ୍ରତ୍ୟେକ କମ୍ବାଇନଡ୍ ଫୁଟିଙ୍ଗ୍ ଗୁଡ଼ିକର ନମନୀୟତା ଏବଂ ଦକ୍ଷତାକୁ ସୂଚାଇଥାଏ । ଆହ୍ୱାନପୂର୍ଣ୍ଣ ପରିବେଶରେ ଆଧୁନିକ ନିର୍ମାଣ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଉପାଦାନ ସାବ୍ୟସ୍ତ ହୋଇଥାଏ ।

କମ୍ବାଇନଡ୍ ଫୁଟିଙ୍ଗ୍ ଫାଉଣ୍ଡେସନର ଲାଭ

୧. ଜାଗା ବ୍ୟବହାରର କୁଶଳତା

କମ୍ବାଇନଡ୍ ଫୁଟିଙ୍ଗ୍ ଗୁଡ଼ିକ ଏକାଧିକ କଲମ୍ ଗୁଡ଼ିକୁ ଗୋଟିଏ ଫୁଟିଙ୍ଗ୍ ପ୍ଲାଟଫର୍ମରେ ସମର୍ଥନ ଦେଇ ଉପଲବ୍ଧ ସ୍ଥାନକୁ ଦକ୍ଷତାର ସହିତ ବ୍ୟବହାର କରନ୍ତି । କମ୍ ଜାଗାର ସମସ୍ୟା ଥିବା ସ୍ଥାନରେ ଏହା ବିଶେଷ ଭାବରେ ଲାଭଦାୟକ ।

୨. ଭାର ବଣ୍ଟନ

ଏହି ଫୁଟିଙ୍ଗ୍ ଗୁଡ଼ିକ ଅନେକଗୁଡ଼ିକ କଲମ୍ କିମ୍ବା କାନ୍ଥର ଭାରକୁ ଏକ ଅଧିକ ବଡ଼ କ୍ଷେତ୍ରରେ ସମଭାଗ କରିଥାଏ, ମାଟି ଉପରେ ଚାପ କମ କରିଥାଏ ଓ ଅସମ ଅବତଳନ ବା ଧସିଯିବାକୁ ରୋକିଥାଏ ।

୩. ଖର୍ଚ୍ଚ-ସାଶ୍ରୟୀ

ଏକାଧିକ କଲମ୍ ପାଇଁ ଫୁଟିଙ୍ଗ୍ ଗୁଡ଼ିକୁ ଏକାଠି କରି କମ୍ବାଇନଡ୍ ଫୁଟିଙ୍ଗ୍ ବ୍ୟବହାର କରିବା ମାଧ୍ୟମରେ ମାଟି ଖନନ, ଫର୍ମୱର୍କ ଓ କଂକ୍ରିଟର ଆବଶ୍ୟକତା କମିଯାଏ, ପରିଣାମସ୍ୱରୂପ ବେଶି ଅର୍ଥ ସଞ୍ଚୟ ହୁଏ ।

୪. ନମନୀୟତା

କମ୍ବାଇନଡ୍ ଫୁଟିଙ୍ଗ୍ ନିର୍ମାଣ ସ୍ଥଳର ପରିସ୍ଥିତି ଓ ସୀମିତତା ଅନୁଯାୟୀ ଅନୁକୂଳ କରାଯାଇପାରିବ, ଯେଉଁ କାରଣରୁ ସେଗୁଡ଼ିକ ଏକ ବହୁମୁଖୀ ଏବଂ ନମନୀୟ ସମାଧାନ ସାବ୍ୟସ୍ତ ହୋଇଥାଏ ।

ଏଭଳି ନିର୍ମାଣ କାର୍ଯ୍ୟରେ ପ୍ରାୟତଃ ବ୍ୟବହୃତ ହେଉଥିବା ସାମଗ୍ରୀଗୁଡ଼ିକ ଉପରେ ଅଧିକ ଧାରଣା ପାଇବା ପାଇଁ, ଦେଖନ୍ତୁ ‘ନିର୍ମାଣ କାର୍ଯ୍ୟରେ ବ୍ୟବହୃତ ହେଉଥିବା ନିର୍ମାଣ ସାମଗ୍ରୀ’ ।