Share:
റാഫ്റ്റ് ഫൌണ്ടേഷനുകൾ കെട്ടിടങ്ങളുടെ ഭാരം ഒരു വലിയ പ്രദേശത്ത് തുല്യമായി വിതരണം ചെയ്യും. ഇത് ഉറപ്പ് കുറഞ്ഞ മണ്ണിന്റെ സാഹചര്യങ്ങൾക്ക് അനുയോജ്യമാകുന്നു .
മണ്ണിന്റെ പുറത്ത് വരുന്ന മർദ്ദം കുറയ്ക്കുന്നതിലൂടെ അവ അസന്തുലിതമായ സ്ഥാന ചലനം സംഭവിക്കുന്നതിനും സ്ട്രക്ചറിന് തകരാറ് സംഭവിക്കാനുമുള്ള സാധ്യത കുറയ്ക്കുന്നു.
ഫ്ലാറ്റ് പ്ലേറ്റ് മാറ്റുകൾ, പൈൽഡ് റാഫ്റ്റുകൾ എന്നിങ്ങനെയുള്ള വ്യത്യസ്ത തരം റാഫ്റ്റ് ഫൌണ്ടേഷനുകൾ, സ്ട്രക്ചറിന്റെ സവിശേഷ ആവശ്യങ്ങൾക്കും, മണ്ണിന്റെ മോശം അവസ്ഥയ്ക്കും പരിഹാരമാകുന്നു.
റാഫ്റ്റ് ഫൗണ്ടേഷൻ നിർമ്മിക്കുന്നതിനുള്ള പ്രധാന വസ്തുക്കളിൽ കോൺക്രീറ്റ്, റീഇൻഫോഴ്‌സ്‌മെന്റ് സ്റ്റീൽ (റീബാർ), ഫോം വർക്ക്, വാട്ടർപ്രൂഫിംഗ് മെമ്പ്രേനുകൾ എന്നിവ ഉൾപ്പെടുന്നു.
നിർമ്മാണ പ്രക്രിയയിൽ സൈറ്റ് തയ്യാറാക്കൽ, ഫോം വർക്ക് സജ്ജീകരിക്കൽ, റീബാർ സ്ഥാപിക്കൽ, കോൺക്രീറ്റ് നിറയ്ക്കൽ, ക്യൂറിംഗ്, അന്തിമ പരിശോധന എന്നിവ ഉൾപ്പെടുന്നു.
വേണ്ട രീതിയിൽ നിർമ്മിച്ച റാഫ്റ്റ് ഫൌണ്ടേഷനുകൾ വിവിധ തരം കെട്ടിടങ്ങൾക്ക് ദീർഘകാല സ്ഥിരതയും ഈടും നൽകുന്നു.
റാഫ്റ്റ് ഫൗണ്ടേഷൻ അഥവാ മാറ്റ് ഫൗണ്ടേഷൻ, കെട്ടിടത്തിന്റെ ഭാരം ഒരു വലിയ പ്രദേശത്താകെയായി വിതരണം ചെയ്യുന്നു. പരമ്പരാഗത ഫൗണ്ടേഷനുകൾ ഫലപ്രദമാവാതെ വരുന്ന ദുർബലമായ മണ്ണുള്ള പ്രദേശങ്ങളിൽ ഇത് അനുയോജ്യമാണ്. റാഫ്റ്റ് ഫൗണ്ടേഷൻ ഭാരം തുല്യമായി മുഴുവൻ കെട്ടിട പ്രദേശത്തും വിതരണം നടത്തി, മണ്ണിന്റെ പുറത്തുള്ള മർദ്ദം കുറയ്ക്കുകയും, അസന്തുലിതമായ താഴ്ന്നു പോകൽ തടയുന്നു. സ്ഥിരതയും ദീർഘകാല ഈടും ഉറപ്പാക്കാൻ ബഹുനില കെട്ടിടങ്ങളിലും വ്യാവസായിക നിർമ്മിതികളിലും ഇത് സാധാരണയായി ഉപയോഗിച്ചുവരുന്നു. വിവിധ കൺസ്ട്രക്ഷൻ പ്രോജക്ടുകളിൽ ഇവയ്ക്കുള്ള ഗുണങ്ങളും അവയുടെ പ്രയോഗങ്ങളും മനസ്സിലാക്കുന്നതിന് കൂടുതൽ വിശദാംശങ്ങൾ മനസ്സിലാക്കേണ്ടതുണ്ട്.
റാഫ്റ്റ് ഫൌണ്ടേഷനുകൾ നിർമ്മിക്കുന്നതിന് നിലത്തു പ്രതിഷ്ഠിക്കുന്ന കാഠിന്യമുള്ള കോൺക്രീറ്റിന്റെ സോളിഡ് സ്ലാബ് ഉണ്ടാക്കുന്നു. മിക്കപ്പോഴും ഈ സ്ലാബ് ഉരുക്ക് കൊണ്ട് പൂരകമാക്കിയിരിക്കും. അങ്ങനെ കെട്ടിടത്തിന്റെ ഭാരം മുഴുവൻ ഒരു പ്രദേശത്ത് തുല്യമായി വിതരണം ചെയ്ത് മണ്ണിന്റെ എല്ലാ ബിന്ദുവിലും എത്തുന്ന മർദ്ദം കുറച്ച് , തകരാനുള്ള സാധ്യത കുറയ്ക്കുകയും, സ്ട്രക്ച്ചറിന് സ്ഥിരതയുള്ള ഒരു ഫൗണ്ടേഷൻ നൽകുകയും ചെയ്യുന്നു.
റാഫ്റ്റ് ഫൌണ്ടേഷനുകൾ വിവിധ ഡിസൈനുകളിൽ ഉണ്ട്. ഓരോന്നും സ്ട്രക്ചറിന്റെ പ്രത്യേക ആവശ്യകതകൾക്കും മണ്ണിന്റെ അവസ്ഥയ്ക്കും അനുയോജ്യമായ രീതിയിലാണ് തയ്യാറാക്കുക. പൊതുവിൽ ഉള്ള റാഫ്റ്റ് ഫൌണ്ടേഷനുകളുടെ തരങ്ങൾ ഇവയാണ് :
ഫ്ലാറ്റ് പ്ലേറ്റ് മാറ്റ്, റാഫ്റ്റ് ഫൗണ്ടേഷന്റെ ഏറ്റവും ലളിതമായ രൂപമാണ്. ഇതിന് ഒരേ അളവിൽ കനമുള്ള കോൺക്രീറ്റ് സ്ലാബ് ഉണ്ടായിരിക്കും. താരതമ്യേന ഭാരം കുറഞ്ഞതും, ഒരേ സ്വഭാവത്തിലുള്ള മണ്ണിന്റെ അവസ്ഥയും ഉള്ളിടത്തെ സ്ട്രക്ചറുകളിലാണ് ഇത് സാധാരണയായി ഉപയോഗിക്കുന്നത്.
ഇത്തരത്തിലുള്ള റാഫ്റ്റ് ഫൗണ്ടേഷനിൽ, കോളങ്ങൾക്ക് താഴെയുള്ള കോൺക്രീറ്റ് സ്ലാബിന്റെ കനം വർദ്ധിപ്പിക്കുന്നു. ഇത് ലോഡ് അൽപ്പം കൂടുതലുള്ളിടത്ത് അധിക ശക്തി നൽകി കൊണ്ട് കൂടുതൽ ലോഡുകളുള്ള കെട്ടിടങ്ങൾക്ക് അനുയോജ്യമാക്കുന്നു. ഈ റാഫ്റ്റ് ഫൗണ്ടേഷനുകൾ ചില നിർദ്ദിഷ്ട സ്ഥലങ്ങളിലെ വലിയ ലോഡ് നിയന്ത്രിക്കാൻ സഹായിക്കുന്നു.
ഇത്തരം ഫൗണ്ടേഷനുകളിൽ, ലംബമായ ദിശകളിൽ ക്രമീകരിക്കുന്ന ബീമുകളുടെയും സ്ലാബുകളുടെയും ഒരു ശൃംഖലയുണ്ടാവും എന്നതാണ് സവിശേഷത. ബീമുകൾ ദൃഢതയും പിന്തുണയും നൽകുന്നത് കൊണ്ട്, അസുന്തലിതമായ ലോഡും, വ്യത്യസ്ത അവസ്ഥകൾ ഉള്ള മണ്ണിൽ നിർമ്മിക്കുന്നതുമായ സ്ട്രക്ച്ചറുകൾക്ക് ഇവ അനുയോജ്യമാകുന്നു.
പെഡസ്റ്റലുകളോട് കൂടിയ പ്ലേറ്റുകളിൽ, ഒരു കോൺക്രീറ്റ് സ്ലാബിന് മുകളിലായി വരുന്ന പെഡസ്റ്റലുകളും കോളങ്ങളും ഉണ്ടാവും. ഈ പെഡസ്റ്റലുകൾക്ക് വർധിച്ച പിന്തുണ നൽകാനാകും. വ്യാവസായിക കെട്ടിടങ്ങൾക്കും ഭാരമേറിയ യന്ത്രങ്ങൾ വഹിക്കുന്ന സ്ട്രക്ച്ചറുകൾക്കും ഇവ അനുയോജ്യമായിരിക്കും.
പൈൽഡ് റാഫ്റ്റ് ഫൗണ്ടേഷനിൽ പരമ്പരാഗത റാഫ്റ്റും നിലത്തേക്ക് തുളച്ചുകയറുന്ന പൈലും സംയോജിക്കുന്നു. പൈലുകൾ കൂടുതൽ ആഴത്തിൽ കൂടുതൽ സ്ഥിരതയുള്ളതുമായ മണ്ണ് പാളികളിലേക്ക് ലോഡ് എത്തിക്കുന്നു. ഇത് കനത്ത ഭാരമുള്ള കെട്ടിടങ്ങളെയും, മണ്ണിന്റെ മോശം അവസ്ഥയുള്ള പ്രദേശത്തെ കെട്ടിടങ്ങളെയും പിന്തുണയ്ക്കുന്നു.
പരസ്‌പരം ബന്ധിപ്പിച്ചിരിക്കുന്ന ദൃഢമായ ഫ്രെയിമുകൾ അല്ലെങ്കിൽ സെല്ലുകളുടെ ഒരു പരമ്പര ഇത്തരം ഫൗണ്ടേഷനുകളിൽ ഉണ്ടായിരിക്കും. ഇത് അപാരമായ ശക്തിയും പിന്തുണയുമാണ് നൽകുക. അസാധാരണമായ ലോഡ് വിതരണവും സ്ഥിരതയും നൽകിക്കൊണ്ട് ഇത് വലിപ്പമേറിയതും, വലിയ ഭാരം ഉള്ളതുമായ സ്ട്രക്ച്ചറുകൾക്ക് അനുയോജ്യമാകുന്നു.
ഒരു റാഫ്റ്റ് ഫൗണ്ടേഷൻ നിർമ്മിക്കുന്നതിന്, ശക്തവും ഈടുനിൽക്കുന്നതുമായ ഫൗണ്ടേഷനു വേണ്ടി ഒരുമിച്ച് പ്രവർത്തിക്കുന്ന വസ്തുക്കളുടെ സംയോജനം ആവശ്യമാണ്. സാധാരണയായി ഉപയോഗിക്കുന്ന പ്രധാന മെറ്റീരിയലുകൾ ഇതാ:
റാഫ്റ്റ് ഫൗണ്ടേഷൻറെ പ്രാഥമിക മെറ്റീരിയൽ ആണ് കോൺക്രീറ്റ്. ഇത് മുഴുവൻ സ്ട്രക്ചറിനെയും പിന്തുണയ്ക്കുന്ന വലിയ സ്ലാബിനെ ഉണ്ടാക്കുന്നു. ശക്തി, ഈട്, വിശാലമായ പ്രദേശത്ത് ഭാരം തുല്യമായി വിതരണം ചെയ്യാനുള്ള കഴിവ് എന്നിവ കണക്കിലെടുത്താണ് കോൺക്രീറ്റ് തീരുമാനിക്കപ്പെടുന്നത്. സ്റ്റീൽ ഉപയോഗിച്ച് ബലപ്പെടുത്തി കൊണ്ടാണ് റാഫ്റ്റ് ഫൗണ്ടേഷനുകളിൽ ഉപയോഗിക്കുന്ന കോൺക്രീറ്റിന്റെ ഭാരം വഹിക്കാനുള്ള ശേഷി, വിള്ളലുകൾക്കെതിരെയുള്ള പ്രതിരോധം എന്നിവ വർദ്ധിപ്പിക്കുന്നത്.
കോൺക്രീറ്റ് സ്ലാബിനുള്ളിൽ സ്റ്റീൽ ഉപയോഗിച്ചുള്ള ബലപ്പെടുത്തൽ അഥവാ റീബാർ ഉൾപ്പെടുത്തുന്നത് അധിക ശക്തിയും വഴക്കവും ലഭിക്കുന്നതിനാണ്. കോൺക്രീറ്റിന് മാത്രം താങ്ങാൻ കഴിയാത്ത ടെൻസൈൽ ശക്തികളെ ചെറുക്കാൻ ഫൗണ്ടേഷനിലെ റീബാർ സഹായിക്കുന്നു. സ്ലാബിനുള്ളിൽ ഒരു ഗ്രിഡ് പാറ്റേണിലാണ് സ്റ്റീൽ ബാറുകൾ ക്രമീകരിക്കുക. മുകളിൽ നിൽക്കുന്ന കെട്ടിടം ചുമത്തുന്ന സമ്മർദ്ദങ്ങളെ അടിത്തറയ്ക്ക് കൈകാര്യം ചെയ്യാൻ കഴിയുമെന്ന് ഇത് ഉറപ്പാക്കുന്നു.
കോൺക്രീറ്റ് നിറയ്ക്കുന്ന താൽക്കാലിക അച്ചാണ് ഫോംവർക്ക്. ഇത് റാഫ്റ്റ് ഫൗണ്ടേഷന്റെ ആകൃതിയും വലുപ്പവും നിശ്ചയിക്കുകയും, ആവശ്യമുള്ള കോൺഫിഗറേഷനിൽ കോൺക്രീറ്റ് സജ്ജമാക്കുകയും ചെയ്യുന്നു. പ്രോജക്ടിന്റെ ആവശ്യകതകൾ അനുസരിച്ച് മരം, ലോഹം അല്ലെങ്കിൽ പ്ലാസ്റ്റിക് എന്നിവയിൽ നിന്ന് ഫോം വർക്ക് നിർമ്മിക്കാം. നനഞ്ഞ കോൺക്രീറ്റിന്റെ ഭാരം താങ്ങാനും കോൺക്രീറ്റ് ഉണങ്ങുന്നതുവരെ ആകൃതി നിലനിർത്താനുമായി ഇത് ശ്രദ്ധാപൂർവ്വം നിർമ്മിക്കുന്നു.
റാഫ്റ്റ് ഫൗണ്ടേഷന്റെ ഉപരിതലത്തിലേക്ക് വെള്ളം കയറുന്നത് തടയാനായി വാട്ടർപ്രൂഫിംഗ് മെബ്രേനുകൾ പൊതുവേ ഉപയോഗിക്കാറുണ്ട്. ഉയർന്ന ഭൂഗർഭജലനിരപ്പുള്ള പ്രദേശങ്ങളിലും, ഈർപ്പം കൂടുതലുള്ള മണ്ണുമായി സമ്പർക്കം പുലർത്തുന്ന സ്ഥലത്തെ ഫൗണ്ടേഷനുകളിലും ഇത് പ്രധാനപ്പെട്ടതാണ്. കോൺക്രീറ്റിലേക്ക് വെള്ളം കയറുന്നത് തടയാൻ മെംബ്രണുകൾ സഹായിക്കുന്നു, അല്ലാത്തപക്ഷം കാലക്രമേണ അത് അടിത്തറയെ ദുർബലപ്പെടുത്തിയേക്കാം.
കോൺക്രീറ്റിന്റെ ഗുണങ്ങൾ വർദ്ധിപ്പിക്കുന്നതിനായി അതിൽ കലർത്തുന്ന രാസ അഡിറ്റീവുകളാണ് അഡ്‌മിക്‌സ്‌ചറുകൾ. അവയ്ക്ക് പ്രവർത്തനക്ഷമത മെച്ചപ്പെടുത്താനും, ശക്തി വർദ്ധിപ്പിക്കാനും, സെറ്റ് ആകുന്നതിനുള്ള സമയം കുറയ്ക്കാനും, പാരിസ്ഥിതിക ഘടകങ്ങളിൽ നിന്നും അധിക സംരക്ഷണം നൽകാനും കഴിയും. റാഫ്റ്റ് ഫൗണ്ടേഷനുകൾക്ക്, ഈടും ജല പ്രതിരോധവും വർദ്ധിപ്പിക്കുന്ന അഡ്‌മിക്‌സ്‌ചറുകൾ സാധാരണയായി ഉപയോഗിക്കുന്നു, ഇത് ഫൗണ്ടേഷന്റെ ദീർഘകാല പ്രകടനം ഉറപ്പാക്കുന്നു.
സൈറ്റ് വൃത്തിയാക്കി നിലം നിരപ്പാക്കിയാണ് പ്രക്രിയ തുടങ്ങുക. അതിനു ശേഷം ആവശ്യമായ ആഴത്തിൽ മണ്ണ് കുഴിച്ചെടുക്കുന്നു. മണ്ണിന് ഉറപ്പ് കുറവാണെങ്കിൽ, അടിത്തറ ദൃഢപ്പെടുത്താൻ അത് ചരൽ ഉപയോഗിച്ച് ബലപ്പെടുത്തുകയോ സ്ഥിരപ്പെടുത്തുകയോ ചെയ്യേണ്ടതുണ്ട്.
കോൺക്രീറ്റിന്റെ അച്ചുകൂടമായി പ്രവർത്തിക്കുന്ന ഫോംവർക്ക്, അടിത്തറയുടെ ചുറ്റിലുമായി സ്ഥാപിക്കും. കോൺക്രീറ്റ് അതേ സ്ഥാനത്ത് തുടരുന്നതിനും ശരിയായ ആകൃതി രൂപപ്പെടുത്തുകയും ചെയ്യുന്നത് ഈ ഘട്ടം ഉറപ്പാക്കുന്നു. ഫോം വർക്ക് ശരിയായി വിന്യസിക്കുകയും ഉറപ്പിക്കുകയും വേണം.
റീബാർ എന്നറിയപ്പെടുന്ന സ്റ്റീൽ ബാറുകൾ ഫോം വർക്കിനുള്ളിൽ ഒരു ഗ്രിഡ് പാറ്റേണിലാണ് സ്ഥാപിക്കുക. ഈ ബാറുകൾ അടിത്തറയ്ക്ക് അധിക ശക്തി നൽകുകയും വിള്ളലുകൾ പ്രതിരോധിക്കാൻ സഹായിക്കുകയും ചെയ്യുന്നു. കോൺക്രീറ്റ് ഒഴിക്കുമ്പോൾ റീബാർ യഥാസ്ഥാനത്ത് നിലനിർത്താൻ അവ തമ്മിൽ ഒരുമിച്ച് ബന്ധിപ്പിക്കുന്നു.
തുടർന്ന് ഫൗണ്ടേഷൻ ഏരിയ മുഴുവൻ മൂടിക്കൊണ്ട് ഫോം വർക്കിലേക്ക് കോൺക്രീറ്റ് നിറയ്ക്കും. കോൺക്രീറ്റ് എല്ലായിടത്തും ഒരു പോലെ നിറയ്ക്കാൻ ശ്രദ്ധിക്കുന്നു. എയർ പോക്കറ്റുകൾ ഇല്ലാതാക്കാൻ വൈബ്രേറ്ററുകൾ ഉപയോഗിക്കുന്നത് കോൺക്രീറ്റ് റീബാറിന് ചുറ്റുമുള്ള എല്ലാ ഇടങ്ങളിലും നിറയുന്നു എന്ന് ഉറപ്പാക്കുന്നു.
ഒഴിച്ചതിനുശേഷം, കോൺക്രീറ്റ് ഉണങ്ങാൻ അല്ലെങ്കിൽ ദൃഢമാക്കാൻ സമയം വേണ്ടിവരും. ഈ സമയത്ത്, വിള്ളലുകൾ ഉണ്ടാകാതിരിക്കാൻ കോൺക്രീറ്റ് ഈർപ്പമുള്ളതായി നിലനിർത്തും. അടിത്തറയ്ക്ക് ആവശ്യമായ ശക്തി ലഭിക്കുന്നുവെന്ന് ഉറപ്പാക്കാൻ സാധാരണയായി ക്യൂറിംഗ് കുറച്ച് ദിവസങ്ങൾ എടുക്കും.
കോൺക്രീറ്റ് ഉറച്ചുകഴിഞ്ഞാൽ, ഫോം വർക്ക് നീക്കം ചെയ്യുന്നു. തുടർന്ന് അടിത്തറ മിനുസപ്പെടുത്തുകയും ആവശ്യമായ ഫിനിഷിംഗ് പണികൾ നടത്തുകയും ചെയ്യും. ചിലപ്പോൾ, അധിക സംരക്ഷണത്തിനായി ഒരു വാട്ടർപ്രൂഫ് പാളി കൂടി ചേർക്കുന്നു.
അവസാന ഘട്ടത്തിൽ, ആവശ്യമായ എല്ലാ മാനദണ്ഡങ്ങളും ഫൗണ്ടേഷൻ പാലിക്കുന്നുണ്ടെന്ന് ഉറപ്പ് വരുത്തുന്നതിനുള്ള അന്തിമ പരിശോധനയാണ്. തുടർന്ന് കൺസ്ട്രക്ഷൻ നടത്തുന്നതിന് മുമ്പ്, ആവശ്യമുള്ള പക്ഷം, വേണ്ട ക്രമീകരണങ്ങൾ നടത്തുന്നു.
കെട്ടിട ഭാരം വലിയ ഒരു പ്രദേശത്താകെ വിതരണം ചെയ്യുന്നതിന് റാഫ്റ്റ് ഫൌണ്ടേഷനുകൾ അനിവാര്യമാണ്; പ്രത്യേകിച്ച് മണ്ണിന്റെ മോശം അവസ്ഥകളിൽ. വ്യത്യസ്ത തരം റാഫ്റ്റ് ഫൌണ്ടേഷനുകൾ നിലവിലുണ്ട്, അവയെല്ലാം വ്യത്യസ്ത കെട്ടിട ലോഡുകൾക്കും, വ്യത്യസ്തമായ മണ്ണിന്റെ അവസ്ഥകൾക്കും അനുയോജ്യമാണ്. റാഫ്റ്റ് ഫൌണ്ടേഷനുകളുടെ വിശദാംശങ്ങൾ മനസ്സിലാക്കുന്നത് നിങ്ങളുടെ വീട് നിർമ്മാണത്തിൽ റാഫ്റ്റ് ഫൌണ്ടേഷൻ എന്തിനു വേണ്ടി ഉപയോഗിക്കണം എന്നതിനെക്കുറിച്ച് ധാരണയോടെ തീരുമാനങ്ങൾ എടുക്കാൻ സഹായിക്കും.
മണ്ണിന് മോശം അവസ്ഥ ഉണ്ടായിരിക്കുമ്പോഴാണ് റാഫ്റ്റ് ഫൗണ്ടേഷൻ ഉപയോഗിക്കുന്നത്. കെട്ടിടം നിലം പതിക്കുന്നത് തടയാൻ ലോഡ് ഒരു വലിയ പ്രദേശത്ത് തുല്യമായി വിതരണം ചെയ്യേണ്ടതുണ്ട്.
ഒരു റാഫ്റ്റ് ഫൗണ്ടേഷന്റെ ഏറ്റവും കുറഞ്ഞ ആഴം 1 മുതൽ 1.5 മീറ്റർ വരെയാണ്. എന്നിരുന്നാലും മണ്ണിന്റെ അവസ്ഥയും കെട്ടിട ഭാരവും അനുസരിച്ച് ഇത് വ്യത്യാസപ്പെടാം.
ഒരു റാഫ്റ്റ് ഫൗണ്ടേഷൻ ഒരു വലിയ പ്രദേശത്താകെയായി ഭാരം വ്യാപിപ്പിക്കും, അതേസമയം ഫൂട്ടിംഗ് എന്നത് ഒറ്റയ്ക്കുള്ള കോളങ്ങളെയോ ഭിത്തികളെയോ താങ്ങിനിർത്താൻ ഉപയോഗിക്കുന്ന ഒരു ചെറിയ ഫൗണ്ടേഷൻ ആണ്.
ഒരു റാഫ്റ്റ് ഫൗണ്ടേഷന്റെ ഏറ്റവും കുറഞ്ഞ അളവ് കെട്ടിടത്തിന്റെ വലിപ്പത്തെയും ഭാരത്തെയും ആശ്രയിച്ചായിരിക്കും, പക്ഷേ സാധാരണയായി ഇത് സ്ട്രക്ച്ചറിന്റെ മുഴുവൻ പ്രദേശത്തെയും ഉൾക്കൊള്ളുന്ന തരത്തിലാണ് രൂപകൽപ്പന ചെയ്യുക.
