ରାଫ୍ଟ ଫାଉଣ୍ଡେସନର ପ୍ରକାରଭେଦ ଉପରେ ଆଧାରିତ ଏକ ବିସ୍ତୃତ ମାର୍ଗଦର୍ଶିକା

ଏକ ରାଫ୍ଟ ଫାଉଣ୍ଡେସନ ବା ମାଟ୍ ଫାଉଣ୍ଡେସନ୍ ଏକ ବିଶାଳ ଅଞ୍ଚଳରେ ଏକ କୋଠାର ଭାରକୁ ବଣ୍ଟନ କରିଥାଏ । ଦୁର୍ବଳ ମାଟି ଥିବା ସ୍ଥାନଗୁଡିକ ପାଇଁ ଏହି ପଦ୍ଧତି ଆଦର୍ଶ, ଯେଉଁଠାରେ ପାରମ୍ପରିକ ଭିତ୍ତିଭୂମିକୁ ଅଧିକ ସମର୍ଥନ ଯୋଗାଇବାର ଆବଶ୍ୟକ ରହିଥାଇପାରେ । ଏକ ରାଫ୍ଟ ଫାଉଣ୍ଡେସନ ଓଜନକୁ ସମାନ ଭାବରେ ବିସ୍ତାରିତ କରିଥାଏ, ସମଗ୍ର ବିଲ୍ଡିଂ ଅଞ୍ଚଳକୁ ଅନ୍ତର୍ଭୁକ୍ତ କରିଥାଏ, ମାଟିର ଚାପ ହ୍ରାସ କରିଥାଏ ଏବଂ ଅସମାନ ଦବିବା (ସେଟଲମେଣ୍ଟ)କୁ ରୋକିଥାଏ । ସ୍ଥିରତା ଏବଂ ଦୀର୍ଘକାଳୀନ ସ୍ଥାୟୀତ୍ୱ ସୁନିଶ୍ଚିତ କରିବା ପାଇଁ ଏହା ସାଧାରଣତଃ ଉଚ୍ଚ କୋଠା ଏବଂ ଶିଳ୍ପ ଢାଞ୍ଚାରେ ବ୍ୟବହୃତ ହୁଏ । ବିଭିନ୍ନ ନିର୍ମାଣ ପ୍ରକଳ୍ପରେ ଏହାର ଲାଭ ଏବଂ ପ୍ରୟୋଗ ବୁଝିବା ପାଇଁ ରାଫ୍ଟ ଫାଉଣ୍ଡେସନର ବିବରଣୀକୁ ପୁଙ୍ଖାନୁପୁଙ୍ଖ ଭାବେ ଜାଣିବା ଜରୁରୀ ଅଟେ ।

ରାଫ୍ଟ ଫାଉଣ୍ଡେସନ କିପରି କାମ କରିଥାଏ

ରାଫ୍ଟ ଫାଉଣ୍ଡେସନ କଂକ୍ରିଟର ଏକ ଦୃଢ଼ ସ୍ଲାବ୍ ସୃଷ୍ଟି କରେ ଯାହା ଭୂମି ଉପରେ ରହିଥାଏ । ଇସ୍ପାତ ସହିତ ପରିପୂର୍ଣ୍ଣ ଏହି ସ୍ଲାବ୍ କୋଠାର ଓଜନକୁ ସମଗ୍ର ଅଞ୍ଚଳରେ ସମାନ ଭାବରେ ବଣ୍ଟନ କରିଥାଏ । ଏପରି କରିବା ଦ୍ୱାରା ମାଟିର କୌଣସି ଗୋଟିଏ ବିନ୍ଦୁ ଉପରେ ଚାପ ହ୍ରାସ ପାଇଥାଏ, ଭୁଶୁଡ଼ିଯିବାର ଆଶଙ୍କା ହ୍ରାସ ପାଇଥାଏ ଏବଂ ଗଠନ ପାଇଁ ଏକ ସ୍ଥିର ଭିତ୍ତିଭୂମି ମିଳିଥାଏ ।

ରାଫ୍ଟ ଫାଉଣ୍ଡେସନର ପ୍ରକାରଭେଦ

ରାଫ୍ଟ ଫାଉଣ୍ଡେସନଗୁଡିକ ବିଭିନ୍ନ ଡିଜାଇନରେ ଆସିଥାଏ, ପ୍ରତ୍ୟେକ ନିର୍ଦ୍ଦିଷ୍ଟ ଢାଞ୍ଚାଗତ ଆବଶ୍ୟକତା ଏବଂ ମୃତ୍ତିକା ପରିସ୍ଥିତି ଅନୁଯାୟୀ ପ୍ରସ୍ତୁତ ହୋଇଥାଏ । ଏଠାରେ ସବୁଠାରୁ ସାଧାରଣ ପ୍ରକାରର ରାଫ୍ଟ ଫାଉଣ୍ଡେସନର ବିବରଣୀ ଦିଆଯାଇଛି:

୧) ଫ୍ଲାଟ୍ ପ୍ଲେଟ୍ ମାଟ୍

ଫ୍ଲାଟ୍ ପ୍ଲେଟ୍ ମାଟ୍ ହେଉଛି ରାଫ୍ଟ ଫାଉଣ୍ଡେସନର ଏକ ସରଳ ରୂପ, ଯେଉଁଥିରେ ଏକକ ସମାନ-ମୋଟେଇ ବିଶିଷ୍ଟ କଂକ୍ରିଟ ସ୍ଲାବ୍ ରହିଥାଏ । ଏହା ସାଧାରଣତଃ ଅପେକ୍ଷାକୃତ ହାଲୁକା ଭାର ଏବଂ ସମାନ ମାଟି ଅବସ୍ଥା ଥିବା ଢାଞ୍ଚାରେ ବ୍ୟବହୃତ ହୋଇଥାଏ ।

୨) କଲମ୍ ତଳେ ମୋଟା ପ୍ଲେଟ୍

ଏହି ପ୍ରକାରର ରାଫ୍ଟ ଫାଉଣ୍ଡେସନରେ ସ୍ତମ୍ଭ ବା କଲମ୍ ତଳେ କଂକ୍ରିଟ ସ୍ଲାବକୁ ଅଧିକ ମୋଟା ରଖାଯାଇଥାଏ, ଯେଉଁଠାରେ ଲୋଡ୍ ଟିକେ ଅଧିକ ଥାଏ ସେଠାରେ ଅତିରିକ୍ତ ଶକ୍ତି ପ୍ରଦାନ କରାଯାଏ । ଭାରି ଭାର ଥିବା କୋଠା ପାଇଁ ଏହା ଉପଯୁକ୍ତ । ଏହି ରାଫ୍ଟ ଫାଉଣ୍ଡେସନ ନିର୍ଦ୍ଦିଷ୍ଟ ବିନ୍ଦୁରେ ବର୍ଦ୍ଧିତ ଭାରକୁ ପରିଚାଳନା କରିବାରେ ସାହାଯ୍ୟ କରେ ।

୩) ଦ୍ୱିପାକ୍ଷିକ ବିମ୍ ଏବଂ ସ୍ଲାବ୍

ଏହି ପ୍ରକାରର ରାଫ୍ଟ ଫାଉଣ୍ଡେସନରେ ଲମ୍ବରୂପେ ଦଣ୍ଡାୟମାନ ବିମ୍ ଏବଂ ସ୍ଲାବ୍ ର ଏକ ନେଟୱର୍କ ରହିଥାଏ । ବିମ୍ କଠୋରତା ଏବଂ ସମର୍ଥନ ଯୋଡିଥାଏ, ଯାହା ଅସମାନ ଭାର କିମ୍ବା ଭିନ୍ନ ମାଟି ଅବସ୍ଥା ଥିବା ଢାଞ୍ଚା ପାଇଁ ଏହି ପ୍ରକାରକୁ ଆଦର୍ଶ କରିଥାଏ ।

୪) ପେଡେଷ୍ଟାଲ ସହ ପ୍ଲେଟ୍

ପେଡେଷ୍ଟାଲ ଥିବା ପ୍ଲେଟଗୁଡିକରେ ଏକ ଏ କଂକ୍ରିଟ୍ ସ୍ଲାବ୍ ଉପରେ ଏକ ପେଡେଷ୍ଟାଲ ବା ଆସ୍ଥାନ କିମ୍ବା କଲମ୍ ଉପରକୁ ଉଠିଥାଏ । ଏହି ପେଡେଷ୍ଟାଲଗୁଡିକ ଅତିରିକ୍ତ ସମର୍ଥନ ଯୋଗାଇଥାଏ, ଯାହା ଏହି ପ୍ରକାର ଫାଉଣ୍ଡେସନକୁ ଶିଳ୍ପୀ କୋଠା କିମ୍ବା ଭାରି ଯନ୍ତ୍ରପାତି ଥିବା ଢାଞ୍ଚା ପାଇଁ ଉପଯୁକ୍ତ କରିଥାଏ ।

୫) ପାଇଲଡ୍ ରାଫ୍ଟ

ଏକ ପାଇଲଡ୍ ରାଫ୍ଟ ଫାଉଣ୍ଡେସନରେ ଏକ ପାରମ୍ପରିକ ରାଫ୍ଟ ପାଇଲ୍ସ ସହ ମିଶି ମାଟି ଭିତରକୁ ପଶିଥାଏ । ପାଇଲଗୁଡିକ ଭାରକୁ ଗଭୀର, ଅଧିକ ସ୍ଥିର ମାଟି ସ୍ତରକୁ ସ୍ଥାନାନ୍ତରିତ କରେ, ଯାହା ବଳିଷ୍ଠ ଭାର ଥିବା କୋଠାଗୁଡିକୁ ସମର୍ଥନ କରେ କିମ୍ବା ଖରାପ ମାଟି ଅବସ୍ଥା ଥିବା ଅଞ୍ଚଳରେ କୋଠାଗୁଡ଼ିିକୁ ସମର୍ଥନ ଯୋଗାଇଥାଏ ।

୬) ସେଲ୍ୟୁଲାର୍ ରାଫ୍ଟ ଫାଉଣ୍ଡେସନ

ଏହି ପ୍ରକାର ରାଫ୍ଟ ଫାଉଣ୍ଡେସନରେ ପରସ୍ପର ସହ ସଂଯୁକ୍ତ ହୋଇ ରହିଥିବା କଠୋର ଫ୍ରେମ୍ ବା କୋଷ (ସେଲ୍) ରହିଥାଏ, ଯାହା ପ୍ରଚୁର ଶକ୍ତି ଏବଂ ସମର୍ଥନ ପ୍ରଦାନ କରିଥାଏ । ଏହା ବୃହତ କିମ୍ବା ଭାରୀ ଢାଞ୍ଚା ପାଇଁ ଉପଯୁକ୍ତ ଏବଂ ଏହା ଅସାଧାରଣ ଲୋଡ୍ ବିତରଣ ଏବଂ ସ୍ଥିରତା ପ୍ରଦାନ କରିଥାଏ ।

ରାଫ୍ଟ ଫାଉଣ୍ଡେସନ ନିର୍ମାଣ ପାଇଁ ବ୍ୟବହୃତ ହେଉଥିବା ସାମଗ୍ରୀ

ଏକ ରାଫ୍ଟ ଫାଉଣ୍ଡେସନ ନିର୍ମାଣ କରିବା ପାଇଁ ବିଭିନ୍ନ ସାମଗ୍ରୀର ମିଶ୍ରଣ ଆବଶ୍ୟକ ହୋଇଥାଏ ଯାହା ଏକ ଶକ୍ତିଶାଳୀ ଏବଂ ସ୍ଥାୟୀ ଭିତ୍ତିଭୂମି ସୃଷ୍ଟି କରିବା ପାଇଁ ଏକାଠି କାମ କରିଥାଏ । ସାଧାରଣ ଭାବେ ବ୍ୟବହୃତ ହେଉଥିବା ପ୍ରମୁଖ ସାମଗ୍ରୀଗୁଡ଼ିକର ବିବରଣୀ ତଳେ ଦିଆଗଲା:

୧) କଂକ୍ରିଟ୍

କଂକ୍ରିଟ୍ ହେଉଛି ରାଫ୍ଟ ଫାଉଣ୍ଡେସନରେ ପ୍ରାଥମିକ ପଦାର୍ଥ, ଯାହା ସମଗ୍ର ଢାଞ୍ଚାକୁ ସମର୍ଥନ କରୁଥିବା ଏକ ବୃହତ ସ୍ଲାବ୍ ଗଠନ କରିଥାଏ । ଏହାର ଶକ୍ତି, ସ୍ଥାୟୀତ୍ୱ ଏବଂ ଏକ ବିସ୍ତୃତ ଅଞ୍ଚଳରେ ସମାନ ଭାବରେ ଭାର ବଣ୍ଟନ କରିବାର କ୍ଷମତା ପାଇଁ ଏହାକୁ ଚୟନ କରାଯାଇଥାଏ । ରାଫ୍ଟ ଫାଉଣ୍ଡେସନରେ ବ୍ୟବହୃତ କଂକ୍ରିଟକୁ ସାଧାରଣତଃ ଇସ୍ପାତ ସହିତ ସୁଦୃଢ଼ (ରିଇନଫୋର୍ସ) କରାଯାଏ ଯାହା ଦ୍ୱାରା ଏହାର ଲୋଡ୍ ବହନ କ୍ଷମତା ଏବଂ ଫାଟ-ପ୍ରତିରୋଧ ଶକ୍ତି ବୃଦ୍ଧି ପାଇଥାଏ ।

୨) ରିଇନଫୋର୍ସମେଣ୍ଟ ଷ୍ଟିଲ୍ (ରିବାର୍)

ଅତିରିକ୍ତ ଶକ୍ତି ଏବଂ ନମନୀୟତା ପ୍ରଦାନ କରିବା ପାଇଁ କଂକ୍ରିଟ୍ ସ୍ଲାବ୍ ମଧ୍ୟରେ ଇସ୍ପାତ ରିଇନଫୋର୍ସମେଣ୍ଟ ବା ରିବାର୍ ଗୁଡ଼ିକୁ ସନ୍ନିବିଷ୍ଟ କରାଯାଇଥାଏ । ରିବାର୍ ଫାଉଣ୍ଡେସନକୁ ପ୍ରସାରଣସାଧ୍ୟ ବଳଗୁଡ଼ିକୁ ପ୍ରତିରୋଧ କରିବାରେ ସାହାଯ୍ୟ କରେ, ଯାହାକୁ ଏକାକୀ କଂକ୍ରିଟ୍ ସହ୍ୟ କରିପାରିବ ନାହିଁ । ଷ୍ଟିଲ୍ ବାର୍ ଗୁଡ଼ିକ ସ୍ଲାବ୍ ଭିତରେ ଗ୍ରିଡ୍ ଢାଞ୍ଚାରେ ବ୍ୟବସ୍ଥିତ କରି ସଜାଯାଇଥାଏ, ଯାହା ଦ୍ୱାରା ଫାଉଣ୍ଡେସନ୍ ଉପରୋକ୍ତ ବିଲ୍ଡିଂ ଦ୍ୱାରା ଲଗାଯାଇଥିବା ଚାପକୁ ସମ୍ଭାଳିବାରେ ସକ୍ଷମ ହୋଇପାରିଥାଏ ।

୩) ଫର୍ମୱାର୍କ

ଫର୍ମୱାର୍କ ହେଉଛି ଅସ୍ଥାୟୀ ଛାଞ୍ଚ ଯେଉଁଥିରେ କଂକ୍ରିଟ ଢଳାଯାଇଥାଏ । ଏହା ରାଫ୍ଟ ଫାଉଣ୍ଡେସନର ଆକୃତି ଏବଂ ଆକାରକୁ ନିର୍ଦ୍ଧାରଣ କରେ ଏବଂ ନିଶ୍ଚିତ କରେ ଯେ କଂକ୍ରିଟ୍ ଇଚ୍ଛିତ ବିନ୍ୟାସରେ ସେଟ୍ ହୋଇଛି । ପ୍ରକଳ୍ପ ର ଆବଶ୍ୟକତା ଉପରେ ନିର୍ଭର କରି କାଠ, ଧାତୁ କିମ୍ବା ପ୍ଲାଷ୍ଟିକରୁ ଫର୍ମୱାର୍କ ତିଆରି କରାଯାଇପାରିବ । ଓଦା କଂକ୍ରିଟର ଓଜନ କୁ ସମର୍ଥନ କରିବା ପାଇଁ ଏବଂ କଂକ୍ରିଟ କିଓରିଂ ନ ହେବା ପର୍ଯ୍ୟନ୍ତ ଆକୃତିକୁ ବଜାୟ ରଖିବା ପାଇଁ ତାହାକୁ ଖୁବ୍ ସତର୍କତାର ସହିତ ନିର୍ମାଣ କରାଯାଇଥାଏ ।

୪) ୱାଟରପ୍ରୁଫିଙ୍ଗ୍ ମେମ୍ବ୍ରେନ୍

ଜଳ ଅନୁପ୍ରବେଶରୁ ରକ୍ଷା କରିବା ପାଇଁ ୱାଟରପ୍ରୁଫିଙ୍ଗ୍ ମେମ୍ବ୍ରେନ୍ ପ୍ରାୟତଃ ରାଫ୍ଟ ଫାଉଣ୍ଡେସନର ପୃଷ୍ଠରେ ପ୍ରୟୋଗ କରାଯାଏ । ଭୂତଳ ଜଳସ୍ତର ଅଧିକ ଥିବା ଅଞ୍ଚଳରେ କିମ୍ବା ଯେଉଁଠାରେ ଫାଉଣ୍ଡେସନ ଆର୍ଦ୍ରତା ପ୍ରବଣ ମାଟି ସଂସ୍ପର୍ଶରେ ଅଛି ସେଠାରେ ଏହା ବିଶେଷ ଭାବରେ ଗୁରୁତ୍ୱପୂର୍ଣ୍ଣ ହୋଇଥାଏ । ପାଣି କାଳକ୍ରମେ କଂକ୍ରିଟ୍ କୁ ଦୁର୍ବଳ କରିଦେଇପାରେ, ତେଣୁ ମେମ୍ବ୍ରେନ୍ କଂକ୍ରିଟ୍ ରେ ପାଣିକୁ ପଶିବାରୁ ରୋକିବାରେ ସାହାଯ୍ୟ କରିଥାଏ ।

୫) ଅଧିମିଶ୍ରଣ ବା ଆଡମିକ୍ସର୍

ଅଧିମିଶ୍ରଣ ବା ଆଡମିକ୍ସରଗୁଡ଼ିକ ହେଉଛି ରାସାନିୟକ ପଦାର୍ଥ ଯାହାକୁ କଂକ୍ରିଟ୍ ରେ ମିଶାଯାଇ ତାହାର ଗୁଣକୁ ବୃଦ୍ଧି କରାଯାଇଥାଏ । ସେଗୁଡ଼ିକ କଂକ୍ରିଟ୍ କୁ ନେଇ କାମ କରିବାର ସୁକରଣୀୟତା ବା କାର୍ଯ୍ୟଦକ୍ଷତାରେ ଉନ୍ନତି ଆଣିପାରେ, ଶକ୍ତି ବୃଦ୍ଧି କରିପାରେ, ସେଟିଂ ସମୟ ହ୍ରାସ କରିପାରେ ଏବଂ ପରିବେଶ ଜନିତ କାରଣରୁ ଅତିରିକ୍ତ ସୁରକ୍ଷା ପ୍ରଦାନ କରିପାରିଥାଏ । ରାଫ୍ଟ ଫାଉଣ୍ଡେସନ ପାଇଁ, ସ୍ଥାୟୀତା ଏବଂ ଜଳ ପ୍ରତିରୋଧକୁ ବଢ଼ାଉଥିବା ମିଶ୍ରଣ ସାଧାରଣତଃ ବ୍ୟବହୃତ ହୁଏ, ଯାହା ଫାଉଣ୍ଡେସନର ଦୀର୍ଘକାଳୀନ କାର୍ଯ୍ୟଦକ୍ଷତାକୁ ସୁନିଶ୍ଚିତ କରେ ।

ରାଫ୍ଟ ଫାଉଣ୍ଡେସନର ନିର୍ମାଣ ପ୍ରକ୍ରିୟା

୧) ସାଇଟ୍ ପ୍ରସ୍ତୁତି

ଏହି ପ୍ରକ୍ରିୟା ସାଇଟ୍ କୁ ସଫା କରିବା ଏବଂ ଜମିକୁ ସମତଳ କରିବା ସହିତ ଆରମ୍ଭ ହୁଏ । ଏହାପରେ ମାଟିକୁ ଆବଶ୍ୟକ ଗଭୀରତା ପର୍ଯ୍ୟନ୍ତ ଖୋଳାଯାଏ । ଯଦି ମାଟି ଦୁର୍ବଳ ହୋଇଥାଏ, ତେବେ ଏକ ଦୃଢ଼ ଭିତ୍ତିଭୂମି ସୁନିଶ୍ଚିତ କରିବା ପାଇଁ ଏହାକୁ କମ୍ପାକ୍ଟ ବା ଧୁର୍ମୁଷ କରାଯାଏ କିମ୍ବା ଗୋଡ଼ି ଆଦି ସହିତ ସହିତ ସ୍ଥିର କରିବାକୁ ପଡିପାରେ ।

୨) ଫର୍ମୱାର୍କ ସ୍ଥାପନ

କଂକ୍ରିଟ ପାଇଁ ଏକ ଛାଞ୍ଚ ଭାବରେ କାର୍ଯ୍ୟ କରୁଥିବା ଫର୍ମୱାର୍କ, ଫାଉଣ୍ଡେସନ ଅଞ୍ଚଳ ଚାରିପାଖରେ ଅସ୍ଥାୟୀ ଭାବେ ସ୍ଥାପିତ ହୋଇଥାଏ । ଏହି ପଦକ୍ଷେପ ନିଶ୍ଚିତ କରେ ଯେ କଂକ୍ରିଟ୍ ତାହାର ନିଜସ୍ୱ ନିର୍ଦ୍ଦିଷ୍ଟ ଜାଗାରେ ରହିବ ସଠିକ୍ ଆକୃତି ସୃଷ୍ଟି କରିବ । ଫର୍ମୱାର୍କକୁ ସଠିକ ଭାବରେ ସଂଯୋଜିତ ଏବଂ ସୁରକ୍ଷିତ କରାଯିବା ଆବଶ୍ୟକ ।

୩) ରିଇଫୋର୍ସମେଣ୍ଟ ଷ୍ଟିଲ୍ (ରିବାର୍) ଲଗାଇବା

ଷ୍ଟିଲ୍ ଛଡ଼, ଯାହା ରିବାର୍ ନାମରେ ଜଣାଶୁଣା, ସେଗୁଡ଼ିକୁ ଫର୍ମୱାର୍କ ମଧ୍ୟରେ ଗ୍ରୀଡ୍ ଢାଞ୍ଚାରେ ବିଛା/ଲଗାଯାଇଥାଏ । ଏହି ଛଡ଼ଗୁଡ଼ିକ ଫାଉଣ୍ଡେସନକୁ ଅତିରିକ୍ତ ଶକ୍ତି ପ୍ରଦାନ କରିବା ସହିତ ଢାଞ୍ଚାରେ ଫାଟକୁ ପ୍ରତିରୋଧ କରିବାରେ ସହାୟକ ହୋଇଥାଏ । କଂକ୍ରିଟ୍ ଢଳାଯିବା ସମୟରେ ଯେପରି ସେଗୁଡ଼ିକ ଯଥା ସ୍ଥାନରେ ରହେ ତାହା ସୁନିଶ୍ଚିତ କରିବା ପାଇଁ ରିବାରଗୁଡ଼ିକୁ ଏକାଠି ବାନ୍ଧି ଦିଆଯାଇଥାଏ ।

୪) କଂକ୍ରିଟ୍ ଢଳେଇ

ଏହାପରେ ପୂରା ଫାଉଣ୍ଡେସନ ଅଞ୍ଚଳକୁ କଭର କରି ଫର୍ମୱାର୍କରେ କଂକ୍ରିଟ ଢାଳି ଦିଆଯାଏ । କଂକ୍ରିଟକୁ ସମାନ ଭାବରେ ଢାଳିବା ପାଇଁ ଯତ୍ନ ନିଆଯାଏ, ଏବଂ ଏୟାର ପକେଟ୍ କୁ ହଟାଇବା ପାଇଁ ଭାଇବ୍ରେଟର ବ୍ୟବହାର କରାଯାଏ, ଯାହା ଫଳରେ କଂକ୍ରିଟ୍ ରିବାର ଆଖପାଖରେ ଥିବା ସମସ୍ତ ସ୍ଥାନ ପୂରଣ ହୋଇଥାଏ ।

୫) କଂକ୍ରିଟ୍ କିଓରିଂ କରିବା

ଢଳେଇ ପରେ, କଂକ୍ରିଟ୍ କିଓର୍ ହେବା କିମ୍ବା କଠିନତା ଲାଭ କରିବା ଆବଶ୍ୟକ କରିଥାଏ । ଏହି ଅବଧିରେ, ଫାଟଗୁଡ଼ିକୁ ପ୍ରତିରୋଧ କରିବା ପାଇଁ କଂକ୍ରିଟ୍ କୁ ଆର୍ଦ୍ର କରି ରଖାଯାଇଥାଏ । କିଓରିଂ ପାଇଁ ସାଧାରଣତଃ ଅଳ୍ପ କିଛି ଦିନ ଲାଗିଥାଏ, ଯାହାଦ୍ୱାରା ଫାଉଣ୍ଡେସନ୍ ଆବଶ୍ୟକୀୟ ଶକ୍ତି ଲାଭ କରିପାରିଥାଏ ।

୬) ଫର୍ମୱାର୍କ ହଟାଇବଂ ଏବଂ ଫିନିଶିଂ କରିବା

କଂକ୍ରିଟ୍ କିଓର୍ ହୋଇସାରିବା ପରେ, ଫର୍ମୱାର୍କକୁ କାଢ଼ିନିଆଯାଇଥାଏ । ତା’ପରେ ଫାଉଣ୍ଡେସନକୁ ସମତଳ ବା ସ୍ମୁଥ୍ କରାଯାଏ ଏବଂ ଆବଶ୍ୟକ ହୋଇଥିବା ଫିନିଶିଂ ସ୍ପର୍ଶ ଦିଆଯାଏ । ବେଳେବେଳେ, ଅତିରିକ୍ତ ସୁରକ୍ଷା ପାଇଁ ଏକ ଜଳନିରୋଧକ ବା ୱାଟରପ୍ରୁଫ୍ ସ୍ତର ଯୋଡ଼ାଯାଇଥାଏ ।

୭) ଚୂଡ଼ାନ୍ତ ଯାଞ୍ଚ

ଫାଉଣ୍ଡେସନ ଯେପରି ସମସ୍ତ ଆବଶ୍ୟକ ମାନଦଣ୍ଡକୁ ପୂରଣ କରୁଛି ତାହା ସୁନିଶ୍ଚିତ କରିବା ପାଇଁ ଶେଷ ପଦକ୍ଷେପ ଭାବେ ଚୂଡ଼ାନ୍ତ ଯାଞ୍ଚ କରାଯାଇଥାଏ । ନିର୍ମାଣ କାର୍ଯ୍ୟ ଆରମ୍ଭ ପୂର୍ବରୁ ସେଥିରେ ଆବଶ୍ୟକ ହୋଇଥିବା ଯେକୌଣସି ଆବଶ୍ୟକୀୟ ଆଡଜଷ୍ଟମେଣ୍ଟ କରାଯାଏ ।