Share:
ராஃப்ட் ஃபவுண்டேஷன்ஸ் கட்டிடத்தின் லோடை பெரிய பரப்பளவில் சமமாகப் பகிர்வதால், பலவீனமான மண் நிலைகளுக்கு இவை உகந்ததாக இருக்கின்றன.
மண் அழுத்தத்தை குறைத்து, மண்ணை சரி சமமாக அமரச் செய்கின்றன. மற்றும் கட்டமைப்பு சேதங்களை தவிர்க்க உதவுகின்றன.
ஃப்ளாட் ப்ளேட் மேட்ஸ் (flat plate mats) மற்றும் பைல்ட் ராப்ட்ஸ் (piled rafts) போன்ற பல்வேறு ராஃப்ட் ஃபவுண்டேஷனின் வகைகள், குறிப்பிட்ட கட்டமைப்பு தேவைகள் மற்றும் மண்ணின் தன்மைகளுக்கு ஏற்ப வடிவமைக்கப்பட்டுள்ளன.
ராஃப்ட் ஃபவுண்டேஷனை கட்டமைக்க தேவைப்படும் முக்கியமானமெட்டீரியல்கள்: கான்கிரீட், ரீஇன்ஃபோர்ஸ்மண்ட் ஸ்டீல் (Rebar), ஃபார்ம்வொர்க்(Formwork), மற்றும் வாட்டர்ப்ரூஃபிங் மெம்பிரேன்கள் (waterproofing membranes) ஆகியவை ஆகும்.
கட்டுமானச் செயல்முறையில் சைட்டை தயார் செய்தல், ஃபார்ம்வொர்க் அமைத்தல், ரீபார் அமைத்தல், கான்கிரீட் ஊற்றுதல், கியூரிங் செய்தல் மற்றும் இறுதி சோதனை ஆகியவை அடங்கும்.
நன்கு கட்டப்பட்ட ராஃப்ட் ஃபவுண்டேஷன்ஸ் பல்வேறு கட்டிடங்களுக்கு நீடித்த நிலைத்தன்மையையும், நீடித்து உழைக்கும் திறனையும் வழங்குகின்றன.
ராஃப்ட் ஃபவுண்டேஷன் அல்லது மேட் ஃபவுண்டேஷன் என்பது கட்டிடத்தின் லோடை பெரிய பரப்பளவில் சமமாக பகிரவைக்கும் ஒரு ஃபவுண்டேஷன் முறையாகும். வழக்கமான ஃபவுண்டேஷன் முறைகளில் அதிக ஆதரவு தேவைப்படும் போது, மண்ணின் தன்மை பலவீனமாக இருக்கும் சைட்களுக்கு இவ்வகை பயன்படுத்தப்படுகின்றன. இது எடையை சரிசமமாக பகிர்ந்து, மொத்த கட்டிட பகுதியையும் நிரப்பிவிடும். மேலும், மண் அழுத்தத்தை குறைத்து, கட்டுமானம் சமமாக இருக்க உதவி செய்யும். இந்த வகை ஃபவுண்டேஷன்கள் நிலைத்தன்மை மற்றும் நீடித்து உழைக்கும் திறன் அதிகம் தேவைப்படும் உயரமான கட்டிடங்கள் மற்றும் தொழிற்துறை கட்டிடங்களில் பொதுவாக பயன்படுத்தப்படுகிறது. ராஃப்ட் ஃபவுண்டேஷங்களைப் பற்றி புரிந்துக் கொள்வது மிகவும் அவசியம். முக்கியமான பல்வேறு கட்டுமான பிராஜக்ட்களில் இவற்றின் பலன்கள் மற்றும் பயன்பாடுகள் என்ன என்பதை அவசியம் தெரிந்து கொள்ள வேண்டும்.
ராஃப்ட் ஃபவுண்டேஷன்ஸ், நிலத்தில் பொருத்தப்படும் திடமான கான்கிரீட் ஸ்லாபை உருவாக்கும். இந்த ஸ்லாப், ஸ்டீளுடன் இணைக்கப்பட்டு அமைக்கப்படும், இதனால் மொத்த நிலத்திலும் கட்டிடத்தின் எடை சரிசமமாக பகிரப்பட்டு, மண்ணின் ஒரு பகுதிக்கு மட்டும் அதிக அழுத்தம் போவதை குறைக்கும். இதனால் கட்டமைப்புகள் இடிந்து விழும் அபாயம் குறைந்து, கட்டிடத்திற்கு நிலைத்தன்மை கிடைக்கும்.
ராஃப்ட் ஃபவுண்டேஷன்கள் பல்வேறு டிசைன்களில் வரும். ஒவ்வொன்றும் ஒவ்வொரு கட்டமைப்பு தேவைகளுக்கும் மண்ணின் தன்மைகளுக்கும் ஏற்றபடி மாறுபடும். பொதுவாக பயன்படுத்தப்படும் ராஃப்ட் ஃபவுண்டேஷங்களின் வகைகளை இப்போது பார்க்கலாம்.
ஃபிளாட் ப்ளேட் மேட் மிகவும் எளிமையான ஒரு ஃபவுண்டேஷன் முறை. இது ஒரே அளவிலான தடிமனுடன் இருக்கும் கான்கிரீட் ஸ்லாப் ஆகும். மண்ணின் தன்மை சமமாகவும் லோட்கள் குறைவாகவும் இருக்கும் கட்டமைப்புகளுக்கு இவை ஏற்றவை.
இவ்வகை ராஃப்ட் ஃபவுண்டேஷனில், காளம்களின் அடியில் இருக்கும் கான்கிரீட் ஸ்லாப்களின் தடிமன் அதிகரிக்கப்படும். லோட்கள் அதிகமாக தேவைப்படும் இடங்களுக்கு இது கூடுதல் வலிமையை கொடுக்கும். அதனால் இவை அதிக லோட்கள் கொண்ட கட்டிடங்களுக்கு ஏற்றதாக இருக்கும். இந்த ராஃப்ட் ஃபவுண்டேஷன்கள், குறிப்பிட்ட இடங்களில் லோடை அதிகரிக்க மிகவும் உதவியாக இருக்கும்.
இந்த வகை ராஃப்ட் ஃபவுண்டேஷனில், பீம்கள் மற்றும் ஸ்லாப்கள் குறுக்கு திசைகளில் ஒருங்கிணைந்து அமைக்கப்பட்டிருக்கும். இந்த பீம்கள் ஃபவுண்டேஷனுக்கு உறுதியையும் ஆதரவையும் கொடுக்கிறது. இதனால், சரிசமம் இல்லாத லோட்கள் மற்றும் வெவ்வேறு மண் தன்மைகள் கொண்ட கட்டமைப்புகளுக்கு ஏற்றவை ஆகும்.
இதில் கான்கிரீட் ஸ்லாப்களுக்கு மேல் பெடஸ்டல்கள் அல்லது காளம்கள் அமைக்கப்படும். இந்த பெடஸ்டல்கள் கூடுதல் ஆதரவை கொடுக்கும். இது தொழிற்துறை கட்டிடங்கள் அல்லது கனமான இயந்திரங்கள் உள்ள கட்டமைப்புகளுக்கு ஏற்றவை.
பைல்ஸ் சேர்க்கப்பட்ட ராஃப்ட் ஃபவுண்டேஷனில், பாரம்பரிய ராஃப்ட் மற்றும் பைல்களை இணைத்து நிலத்தினுள் அனுப்பப்படும். இந்த பைல்கள் லோடை அதிக நிலத்தன்மையுடைய மணல் நிலைகளுக்கு ஆழமாக அனுப்புவதால், இவை அதிக எடை தேவைப்படும் கட்டிடங்கள் மற்றும் மோசமான மண் தன்மைகள் கொண்ட இடங்களுக்கு உகந்ததாக இருக்கின்றன.
இந்த வகையில் திடமான ஃப்ரேம்கள் (frames) மற்றும் செல்கள் (cells) ஒன்றோடு ஒன்று வரிசையாக அடுக்கப்பட்டு உருவாக்கப்படும். இது அதிக வலிமை மற்றும் ஆதரவை வழங்கும். இது பெரிய மற்றும் அதிக எடையுள்ள கட்டமைப்புகளுக்கு ஏற்றவை. மேலும், இவை லோடை சரிசமமாக பகிர்ந்து நிலைத்தன்மையையும் கொடுக்கும்.
ராஃப்ட் ஃபவுண்டேஷனை கட்டுவதற்கு பல்வேறு மெட்டீரியல்களை ஒருங்கிணைக்க வேண்டும். இதனால் வலிமையான மற்றும் நீடித்து உழைக்கும் திறன் கொண்ட ஃபவுண்டேஷனை உருவாக்க முடியும். பொதுவாக பயன்படுத்தப்படும் முக்கியமான மெட்டீரியல்களை இப்போது பார்ப்போம்:
ஸ்டீல் ரீஇன்ஃபோர்ஸ்மண்ட் அல்லது ரீபார், கான்கிரீட் ஸ்லாப்களுக்குள் பொருத்தப்படும். இதனால் கூடுதல் வலிமையையும், நெகிழ்வுத்தன்மையும் கிடைக்கும். கான்கிரீட்டால் தனியாக எதிர்கொள்ள முடியாத டெண்சைல் ஃபோர்ஸ் என்று சொல்லக்கூடிய இழுவவைச் சக்திகளை எதிர்கொள்ள இது உதவுகிறது. இது கூடுதல் வலிமையும், நெகிழ்வுத்தன்மையும் வழங்குகிறது. ஸ்லாபிற்குள் கட்டம் போன்ற கிரிட் பேட்டர்ன்களில் இந்த ஸ்டீல் பார்கள் வரிசைப்படுத்தப்படும். இதனால் கட்டிடத்தின் மேலிருந்து ஏற்படும் அழுத்தங்களை ஃபவுண்டேஷன்களால் தாங்க முடியும்.
Steel reinforcement, or rebar, is embedded within the concrete slab to provide additional strength and flexibility. Rebar helps the foundation resist tensile forces, which concrete alone might not withstand. The steel bars are arranged in a grid pattern within the slab, ensuring that the foundation can handle the stresses imposed by the building above.
இந்த ஃபார்ம்வொர்க் ஒரு தற்காலிக மோல்ட் (அச்சு) ஆகும். இதனுள் தான் கான்கிரீட் ஊற்றப்படுகிறது. இதுதான் ராஃப்ட் ஃபவுண்டேஷனின் வடிவம் மற்றும் அளவை உருவாக்கும். மேலும், கான்கிரீட் நினைத்த வடிவத்தில் செட் ஆகிறதா என்பதையும் உறுதி செய்யும். அந்தந்த பிராஜெக்டின் தேவைகளுக்கு ஏற்ப, மரம், மெட்டல், அல்லது பிளாஸ்டிக்களால் இந்த ஃபார்ம்வொர்க் செய்யப்படுகிறது. ஈரமான கான்கிரீட்டின் எடையை தாங்கும் அளவிற்கும், கான்கிரீட் கிர்யூரிங் ஆகும் வரை அதே வடிவத்தில் இருப்பதற்கும் ஏற்றப்படி இது கவனமாக கட்டமைக்கப்படுகிறது.
நீரின் ஊடுருவலைத் தடுக்கும் வகையில் இந்த வாட்டர்ப்ரூஃபிங் மெம்பிரேன்கள் ராஃப்ட் ஃபவுண்டேஷனின் மேற்பரப்பில் பொருத்தப்படுகின்றன. நிலத்தடி நீர் அதிகம் உள்ள இடங்களில், மணல் ஈரத்தன்மையுடன் இருக்கும் சூழலில், ஃபவுண்டேஷன் இருக்கும்போது இது மிகவும் முக்கியமானதாகும். கான்கிரீட்டிற்குள் நீர் ஊடுருவினால், காலப்போக்கில் ஃபவுண்டேஷன்கள் பலவீனமடையும். அதனால் நீர் ஊடுருவலை தடுக்க இந்த மெம்ப்ரேன்கள் உதவுகின்றன.
அட்மிக்சர்கள் என்பவை கான்கிரீட்டின் பண்புகளை மேம்படுத்துவதற்காக அதனுடன் கலக்கப்படும் ரசாயன கலவைகள் ஆகும். வேலைசெய்யும் திறனை அதிகரிக்கவும், வலிமையை உயர்த்தவும், செட் ஆகும் நேரத்தை குறைக்கவும், சுற்றுசூழல் பாதிப்புகளிலிருந்து பாதுகாப்பு வழங்கவும் இவை பெரிதும் பயன்படுகின்றன. ராஃப்ட் ஃபவுண்டேஷன்களுக்கு நீடித்து உழைக்கும் திறனையும், நீர் எதிர்ப்பு தன்மையையும் அதிகரிக்கவே இந்த அட்மிக்சர்கள் பொதுவாகப் பயன்படுத்தப்படுகின்றன. இவை ஃபவுண்டேஷன்கள் நீண்ட காலம் சிறப்பாக செயல்பட உதவியாக இருக்கும்.
முதலில், கட்டிடம் கட்டப்போகும் சைட் சுத்தம் செய்யப்படுகிறது மற்றும் மண் சமமாக்கப்படுகிறது. பிறகு தேவையான ஆழத்திற்கு மண் தோண்டப்படுகிறது. மண் பலவீனமாக இருந்தால், அதனை ஜல்லிகளைக் (gravel) கொண்டு காம்பேக்ட் செய்ய வேண்டும் அல்லது உறுதிப்படுத்த வேண்டும். இதனால் ஃபவுண்டேஷன் திடமாக்கப்படும்.
இந்த ஃபார்ம்வொர்க், கான்கிரீட்டிற்கு ஒரு மோல்ட் போன்று செயல்படும். இவை ஃபவுண்டேஷன் அமைக்கும் இடத்தில் வைக்கப்படும். கான்கிரீட் ஒரே இடத்தில் நிலையாக இருக்கிறதா, சரியான வடிவத்தை உருவாக்குகிறதா என்பது இந்த ஸ்டெப்பின் மூலம் உறுதி செய்யப்படும். ஃபார்ம்வொர்க் சீராகவும் பாதுகாப்பாகவும் அமைக்கப்பட வேண்டும்.
ரீபார்கள் எனப்படும் ஸ்டீல் பார்கள், ஃபார்ம்வொர்க்கிற்குள் கட்டமான கிரிட் போன்ற பேட்டர்னில் அமைக்கப்படுகின்றன. இந்த பார்கள் ஃபவுண்டேஷனிற்கு கூடுதல் வலிமையைக் கொடுத்து, விரிசல்களை தடுக்க உதவுகின்றன. கான்கிரீட்டை ஊற்றும்போது அசையாமல் ஒரே நிலையில் வைக்க, இந்த ரீபார்கள் ஒன்றோடு ஒன்று கட்டப்படுகின்றன.
ஃபவுண்டேஷனை முழுமையாக நிரப்பும் விதத்தில், கான்கிரீட் ஃபார்ம்வொர்க்கினுள் ஊற்றப்படுகிறது. கான்கிரீட்டை சமமாக ஊற்ற அதிக கவனம் செலுத்தப்படுகிறது. காற்றுகள் வெளியேற்ற வைப்ரேட்டர்கள் பயன்படுத்தப்படுகின்றன. இதனால், ரீபார்கள் முழுவதிலும் கான்கிரீட் நிரப்பப்படுகிறதா என்பதை உறுதி செய்ய முடியும்.
கான்கிரீட்டை ஊற்றிய பிறகு, அது இறுக்கமாகி உறுதி அடைய அல்லது கியூரிங் செய்யப்பட சில நாட்கள் ஆகும். இந்த நேரத்தில், கான்கிரீட்டை விரிசல்களில் இருந்து பாதுகாக்க, ஈரமான நிலையில் வைக்கப்படுகின்றன. ஃபவுண்டேஷன் தேவையான வலிமையினை அடையும் வரை, கியூரிங் சில நாட்களுக்கு செய்யப்படும்.
கான்கிரீட்டின் கியூரிங் முடிந்த பிறகு, ஃபார்ம்வொர்க் அகற்றப்படுகிறது. பின்னர் ஃபவுண்டேஷன் சீராக மென்மையாக்கப்பட்டு, தேவையான மற்ற ஃபினிஷிங் டச்கள் செய்யப்படுகின்றன. சில சமயங்களில், கூடுதல் பாதுகாப்புக்காக வாட்டர்ப்ரூஃபிங்கிற்கான அடுக்கு பொருத்தப்படுகிறது.
கட்டுமான தரத்திற்கேற்ப ஃபவுண்டேஷன்கள் அமைக்கப்பட்டதா என்பதை உறுதிப்படுத்த இறுதி சோதனை செய்யப்படுகிறது. தேவையான திருத்தங்கள் செய்யப்பட்ட பிறகே கட்டிடப்பணி தொடரப்படும்.
ராஃப்ட் ஃபவுண்டேஷன்ஸ், கட்டிடத்தின் லோடை பெரிய நிலத்திலும் சரிசமமாக பகிர மிகவும் அவசியம் ஆகும். குறிப்பாக மண்ணின் தன்மை மோசமாக இருந்தால், இவை மிகவும் அவசியம். பல்வேறு ராஃப்ட் ஃபவுண்டேஷன் வகைகள் இருக்கின்றன. இவை வெவ்வேறு கட்டிட லோட்கள் மற்றும் மண்ணின் தன்மைகளுக்கு ஏற்றவை. இந்த ராஃப்ட் ஃபவுண்டேஷன்கள் குறித்த தகவல்களை புரிந்துக் கொண்டால், உங்கள் வீட்டு கட்டுமான பிராஜெக்ட்டிற்கு எதற்காக இவை பயன்படுத்தப்படுகின்றன என்பதை தெரிந்துக் கொண்டு சரியான முடிவுகளை எடுக்க முடியும்.
ராஃப்ட் ஃபவுண்டேஷன் என்பது மண்ணின் தன்மை மோசமாக இருக்கும் போது பயன்படுத்தப்படுகிறது. மற்றும் கட்டிடம் சேதம் அடையாமல் இருக்க, லோடை பெரிய நிலத்திலும் சரிசமமாக பரப்ப இவை பயன்படுத்தப்படுகின்றன.
ராஃப்ட் ஃபவுண்டேஷனின் குறைந்தபட்ச ஆழம் 1 முதல் 1.5 மீட்டர் வரை இருக்கும். ஆனால் இது மண்ணின் தன்மை மற்றும் கட்டிட லோடைப் பொறுத்து மாறுபடும்.
ராஃப்ட் ஃபவுண்டேஷன் என்பது பெரிய நிலத்திலும் லோடை பரப்பக்கூடிய ஃபவுண்டேஷன் ஆகும். ஆனால் ஃபூட்டிங் என்பது தனிப்பட்ட காளம்கள் அல்லது சுவர்ககளுக்கு ஆதரவு கொடுக்க பயன்படுத்தப்படும் சிறிய ஃபவுண்டேஷன் ஆகும்.
ஒரு ராஃப்ட் ஃபவுண்டேஷனுக்கான குறைந்தபட்ச டைமன்ஷன் என்பது கட்டிடத்தின் அளவு மற்றும் லோடை பொறுத்து மாறுபடும். பொதுவாக, கட்டமைப்பின் முழு பகுதியையும் நிரப்பும் வகையில் இவை வடிவமைக்கப்படுகின்றன.
.jpg)
