Share:
ചരിഞ്ഞതോ നിരപ്പല്ലാത്തതോ ആയ ഭൂപ്രകൃതിയിൽ സ്ഥിരത നൽകുന്നതിന് സ്റ്റെപ്പ്ഡ് ഫൂട്ടിംഗുകൾ അനുയോജ്യമാണ്.
അവ അസമമായ സെറ്റിൽമെന്റിനെ തടയുന്നു, സ്ട്രക്ചറിന് ഉണ്ടാകാവുന്ന നാശനഷ്ടങ്ങളുടെ സാധ്യത കുറയ്ക്കുന്നു.
സ്റ്റെപ്പ്ഡ് ഫൂട്ടിംഗുകൾ വ്യത്യസ്ത തറനിരപ്പുകളിലെ കെട്ടിട ഭാരം തുല്യമായി വിതരണം ചെയ്യുന്നു.
തറനിരപ്പുകൾ വിപുലമായി നിരപ്പാക്കിയെടുക്കുന്ന രീതികളുമായി താരതമ്യപ്പെടുത്തുമ്പോൾ ഈ ഫൂട്ടിംഗുകൾ ചെലവ് കുറഞ്ഞതാണ്.
ഇതിന്റെ നിർമ്മാണ പ്രക്രിയയിൽ സ്ഥല പരിശോധന, സൂക്ഷ്മമായ ആസൂത്രണം, കുഴിക്കൽ, ബലപ്പെടുത്തൽ, ക്യൂറിംഗ് എന്നിവ ഉൾപ്പെടുന്നു.
റെസിഡൻഷ്യൽ മുതൽ വാണിജ്യ ആവശ്യങ്ങൾക്കുള്ള കെട്ടിടങ്ങൾ വരെയുള്ള വിവിധ നിർമ്മാണ പ്രോജക്ടുകളിൽ സ്റ്റെപ്പ്ഡ് ഫൂട്ടിംഗ് ഫൗണ്ടേഷനുകൾ ഉപയോഗിക്കാവുന്നതാണ്.
കോൺക്രീറ്റിന്റെ ശരിയാം വിധത്തിലുള്ള ക്യൂറിംഗ് സ്റ്റെപ്പ്ഡ് ഫൂട്ടിംഗുകളുടെ ശക്തിക്കും ഈടിനും നിർണായകമാണ്.
തറനിരപ്പിലെ വ്യതിയാനങ്ങൾ കൈകാര്യം ചെയ്യുന്നതിനായി തയ്യാറാക്കുന്ന സവിശേഷ രീതിയിലുള്ള ഫൗണ്ടേഷനുകളാണ് സ്റ്റെപ്പ്ഡ് ഫൂട്ടിംഗുകൾ. നിരപ്പല്ലാത്തതോ ചരിഞ്ഞതോ ആയ ഭൂപ്രദേശത്ത്, സ്ഥിരതയുള്ള ഫൗണ്ടേഷൻ ലഭിക്കുന്ന തരത്തിൽ അവ പടികളായാണ് നിർമ്മിക്കുക. വെല്ലുവിളി നിറഞ്ഞ ഭൂപ്രദേശത്ത് നിർമ്മിക്കുന്ന കെട്ടിടങ്ങളുടെ സ്ട്രക്ചറിന്റെ വിശ്വാസ്യത ഉറപ്പാക്കുന്നതിന് സ്റ്റെപ്പ്ഡ് ഫൂട്ടിംഗ് തയ്യാറാക്കുന്നത് അത്യാവശ്യമായി വരുന്നു.
നിർമ്മാണത്തിൽ സ്റ്റെപ്പ്ഡ് ഫൂട്ടിംഗ് ഡീറ്റെയിലുകൾ പല കാരണങ്ങളാൽ നിർണായകമാണ്. അവ അടിത്തറ ശരിയായി വിന്യസിച്ചിട്ടുണ്ടെന്നും നിരപ്പാക്കിയിട്ടുണ്ടെന്നും ഉറപ്പ് വരുത്തിക്കൊണ്ട് സ്ട്രക്ച്ചറിന്റെ തകരാറിലേക്ക് നയിച്ചേക്കാവുന്ന അസമമായ സെറ്റിൽമെന്റിനെ തടയുന്നു. സ്റ്റെപ്പ്ഡ് ഫൂട്ടിംഗുകളുടെ വിശദമായ ആസൂത്രണം കെട്ടിടത്തിന്റെ സ്ഥിരത നിലനിർത്തിക്കൊണ്ട് നിരപ്പല്ലാത്ത പ്രദേശത്തിന്റെ ഭാരം തുല്യമായി വിതരണം ചെയ്യാൻ സഹായിക്കുന്നു.
ചെരിവുള്ളതോ നിരപ്പല്ലാത്തതോ ആയ പ്രദേശങ്ങളിൽ സ്ഥിരതയുള്ള അടിത്തറ ലഭിക്കാൻ സ്റ്റെപ്പ്ഡ് ഫൂട്ടിംഗുകൾ സഹായിക്കുന്നു. അത് കെട്ടിടം സമനിരപ്പിലും സുരക്ഷിതവുമായി നിലക്കൊള്ളുമെന്ന് ഉറപ്പ് വരുത്തുന്നു. ഒരു ചെരിഞ്ഞ സ്ഥലത്ത് കെട്ടിടം നിർമ്മിക്കുമ്പോൾ സംഭവിക്കാവുന്ന ഷിഫ്റ്റിംഗ് അല്ലെങ്കിൽ സെറ്റിൽ ചെയ്യൽ പോലുള്ള പ്രശ്നങ്ങളെ ഇത് തടയും.
വലിയ തോതിലുള്ള കുഴിക്കൽ അല്ലെങ്കിൽ നികത്തൽ പോലുള്ള നിലം ശരിയാക്കി എടുക്കുന്ന രീതികളുമായി താരതമ്യപ്പെടുത്തുമ്പോൾ, സ്റ്റെപ്പഡ് ഫൂട്ടിംഗുകൾ ചെലവ് കുറഞ്ഞ ഒരു മാർഗ്ഗമാണ്. അവയ്ക്ക് മെറ്റീരിയലും അധ്വാനവും കുറച്ചു മാത്രമേ ആവശ്യമായി വരുന്നുള്ളൂ. ഇത് നിർമ്മാതാക്കളുടെ ചെലവ് കുറയ്ക്കുന്നു.
ഭൂമിയുടെ ചരിവിന് അനുസരിച്ച്, കെട്ടിടത്തിന്റെ ഭാരം ഫൗണ്ടേഷനിലുടനീളം തുല്യമായി വിതരണം ചെയ്യാൻ സ്റ്റെപ്പ് ഫൂട്ടിംഗുകൾ സഹായിക്കുന്നു. ലോഡ് തുല്യമായി വ്യാപിച്ചില്ലെങ്കിൽ സംഭവിക്കാവുന്ന വിള്ളലുകൾ അല്ലെങ്കിൽ അസമമായ സെറ്റിൽമെന്റ് പോലെ സ്ട്രക്ച്ചറിന് സംഭവിക്കാവുന്ന തകരാറുകളുടെ സാധ്യത ഇത് കുറയ്ക്കുന്നു.
ചെറിയ റെസിഡൻഷ്യൽ കെട്ടിടങ്ങൾ മുതൽ വലിയ വാണിജ്യ കെട്ടിടങ്ങൾ വരെയുള്ള വിവിധ കൺസ്ട്രക്ഷൻ പ്രോജക്ടുകളിൽ സ്റ്റെപ്പ്ഡ് ഫൂട്ടിംഗുകൾ ഉപയോഗിക്കാവുന്നതാണ്. പരന്ന ഭൂമി ലഭ്യമല്ലാത്ത കുന്നിൻ പ്രദേശങ്ങളിലും പർവത പ്രദേശങ്ങളിലും അവ പ്രത്യേകിച്ചും ഫലപ്രദമാണ്.
സൈറ്റിലെ മണ്ണിന്റെ തരവും ലോഡ് വഹിക്കാനുള്ള ശേഷിയും വിലയിരുത്തിക്കൊണ്ട് തുടങ്ങുന്നു. നിർമ്മാണത്തെ ബാധിച്ചേക്കാവുന്ന ഏതെങ്കിലും വെല്ലുവിളികൾ ഉണ്ടെങ്കിൽ അത് തിരിച്ചറിയാൻ വിലയിരുത്തൽ സഹായിക്കും.
സ്റ്റെപ്പ്ഡ് ഫൂട്ടിംഗ് ബലപ്പെടുത്തുന്നതിന്റെ വിശദാംശങ്ങളും അളവുകളും വിവരിക്കുന്ന വിശദമായ ഒരു ഡിസൈൻ പ്ലാൻ വികസിപ്പിക്കുന്നു. ഈ പ്ലാനുകൾ പ്രാദേശിക ബിൽഡിംഗ് നിയമങ്ങളും എഞ്ചിനീയറിംഗ് മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കേണ്ടതുണ്ട്.
ഡിസൈൻ പ്രകാരം സൈറ്റിൽ കുഴിക്കൽ നടത്തുന്നു. ശേഷം ലേഔട്ട് അടയാളപ്പെടുത്തി, തിരശ്ചീനമായ പടികൾ അല്ലെങ്കിൽ ടെറസുകൾ നിർമ്മിക്കും. ഫോം വർക്ക് ഇൻസ്റ്റാൾ ചെയ്യുന്നതിന് ഉചിതമായ രീതിയിൽ കുഴിക്കൽ നടത്തിയിട്ടുണ്ടെന്ന് ഉറപ്പാക്കേണ്ടതുണ്ട്.
കോൺക്രീറ്റ് പടികൾ കൃത്യമായി രൂപപ്പെടുത്താൻ ഫോം വർക്ക് ഇൻസ്റ്റാൾ ചെയ്യുന്നു. ഉറപ്പുള്ള വസ്തുക്കൾ ഉപയോഗിച്ച് , ഫോം വർക്ക് കൃത്യമായി വിന്യസിക്കും. എളുപ്പത്തിൽ നീക്കം ചെയ്യാനായി ഏതെങ്കിലും ഒരു റിലീസ് ഏജന്റ് പ്രയോഗിക്കുകയും ചെയ്യും.
സ്റ്റെപ്പ്ഡ് ഫൂട്ടിംഗിന്റെ ഡിസൈൻ സ്പെസിഫിക്കേഷനുകൾക്ക് അനുസൃതമായി , ഫോം വർക്കിനുള്ളിൽ ബലപ്പെടുത്തൽ ബാറുകൾ സ്ഥാപിക്കുന്നു. സ്ട്രക്ചറിന്റെ തുടർച്ച സൃഷ്ടിക്കുന്നതിന് സ്‌പെയ്‌സറുകൾ ഉപയോഗിച്ച് ശരിയായ അകലവും കവറേജും ഉറപ്പാക്കുകയും, ഇന്റർ സെക്ഷൻസിനെ ബന്ദിക്കുകയും ചെയ്യുന്നു.
ഫോം വർക്കിലേക്ക് കോൺക്രീറ്റ് മിക്സ് ചെയ്ത് നിറക്കുന്നു. ഏറ്റവും താഴ്ന്ന സ്റ്റെപ്പിൽ നിന്ന് തുടങ്ങി മുകളിലേക്ക് നീങ്ങും. കോൺക്രീറ്റ് ഒതുക്കിയെടുക്കാൻ ഒരു വൈബ്രേറ്റർ ഉപയോഗിക്കുകയും, ഓരോ സ്റ്റെപ്പും തുല്യമായി നിറച്ച് ലെവലിംഗ് നടത്തുക.
കോൺക്രീറ്റ് ഉണങ്ങുന്നത് തടയാനും, ബലം ഉറപ്പാക്കുന്നതിനും ക്യൂറിംഗ് സമയത്ത് ഈർപ്പം നിലനിർത്തേണ്ടതുണ്ട്. നനഞ്ഞ ബർലാപ്പ് കൊണ്ട് മൂടി കുറഞ്ഞത് ഏഴ് ദിവസമെങ്കിലും ഉണങ്ങാൻ അനുവദിക്കുക. ഇത് കോൺക്രീറ്റിന് കാഠിന്യം കൈവരിക്കാനും കരുത്ത് നേടാനും സഹായിക്കും.
ക്യൂറിംഗ് കഴിഞ്ഞാൽ ഫോം വർക്ക് നീക്കം ചെയ്യുക. ഫൂട്ടിംഗുകളിൽ എന്തെങ്കിലും തകരാറുകൾ ഉണ്ടോയെന്ന് പരിശോധിച്ച് , ആവശ്യമെങ്കിൽ അറ്റകുറ്റപ്പണികൾ ചെയ്യുക. ഫൂട്ടിംഗുകൾ സ്പെസിഫിക്കേഷനുകളും മറ്റ് മാനദണ്ഡങ്ങളും പാലിക്കുന്നുണ്ടെന്ന് ഉറപ്പുവരുത്താൻ അന്തിമ പരിശോധന നടത്തുക.
നിരപ്പല്ലാത്ത ഭൂപ്രദേശത്ത് നിർമ്മിക്കുന്ന സ്ട്രക്ച്ചറുകൾക്ക് സ്ഥിരതയും കാഠിന്യവും ഉറപ്പാക്കുന്നതിന് സ്റ്റെപ്പ്ഡ് ഫൂട്ടിംഗ് ഫൗണ്ടേഷനുകൾ അനിവാര്യമാണ്. സ്റ്റെപ്പ്ഡ് ഫൂട്ടിംഗുകളുടെ പ്രാധാന്യം, ഗുണങ്ങൾ, നിർമ്മാണ പ്രക്രിയ എന്നിവ മനസ്സിലാക്കുന്നതിലൂടെ, കെട്ടിടത്തിന് ദീർഘകാലം ഈട് നൽകുന്ന ഉറപ്പുള്ള അടിത്തറ നേടാൻ നിർമ്മിക്കുന്നവർക്ക് സാധിക്കും.
കെട്ടിട നിയമങ്ങളും എഞ്ചിനീയറിംഗ് മാനദണ്ഡങ്ങളും അനുസരിച്ച് സ്റ്റെപ്പ് ഫൂട്ടിംഗുകളുടെ പരമാവധി ഉയരം വ്യത്യാസപ്പെടും. സാധാരണഗതിയിൽ, സ്ഥിരത ഉറപ്പാക്കാനും, എളുപ്പത്തിൽ ഉള്ള നിർമ്മാണം ഉറപ്പാക്കാനും ഓരോ സ്റ്റെപ്പും പരമാവധി 600 മില്ലിമീറ്റർ ആയിരിക്കും.
സ്റ്റെപ്പ് ഫൂട്ടിംഗുകൾ തറനിരപ്പിലെ വ്യതിയാനങ്ങൾക്കുള്ള പരിഹാരമായി, നിരപ്പ് അല്ലാത്ത ഭൂപ്രദേശങ്ങളിൽ സ്ഥിരതയുള്ള അടിത്തറ നൽകുന്നു. അവയുടെ സ്ട്രക്ചറിന് ഭാരം തുല്യമായി വിതരണം ചെയ്യാൻ കഴിയുകയും, തകരാറുകൾ സംഭവിക്കുന്നത് തടയാനുമാകുന്നു.
കൂടുതൽ സ്ഥലത്ത് ലോഡ് വിതരണം ചെയ്യുന്നതിനും സ്ഥിരത വർദ്ധിപ്പിക്കുന്നതിനും ആണ് സ്റ്റെപ്പ്ഡ് സ്പ്രെഡ് ഫൂട്ടിംഗുകൾ ഉപയോഗിക്കുന്നത്. ഇത്തരം ഡിസൈൻ, ഭാരം താങ്ങാൻ ശേഷി കുറവുള്ള മണ്ണിന് അനുയോജ്യമാവും, അങ്ങനെ ലോഡ് കൂടുതൽ ഫലപ്രദമായി വിതരണം ചെയ്യപ്പെടും.
നിരപ്പല്ലാത്ത ഭൂപ്രദേശത്തും, മണ്ണിന്റെ ഘടന വലിയ തോതിൽ വ്യത്യാസപ്പെടുന്ന പ്രദേശങ്ങളിലും, കൺസ്ട്രക്ഷൻ പ്രവർത്തനങ്ങൾക്ക് സ്റ്റെപ്പ് ഫൂട്ടിംഗുകൾ ഉപയോഗിക്കുന്നു. സ്ട്രക്ച്ചറിന്റെ ഭാരം താങ്ങാൻ പര്യാപ്തമായ ഉറപ്പും ഈടുമുള്ള അടിത്തറ അവ നൽകുന്നു.
