Share:
പൈൽ ഫൌണ്ടേഷനുകൾ അടിസ്ഥാനപരമായി ഉരുക്ക്, കോൺക്രീറ്റ് അല്ലെങ്കിൽ തടി പോലുള്ള വസ്തുക്കൾ കൊണ്ട് നിർമ്മിക്കുന്ന നീളമുള്ളതും ഉറപ്പുള്ളതുമായ കോളമുകളാണ്. കെട്ടിടത്തിന്റെ സ്ട്രക്ചറിന് പിൻബലമേകുന്നതിനായി ഇവ ആഴത്തിൽ നിലത്ത് സ്ഥാപിക്കുന്നു.
പൈൽ ഫൗണ്ടേഷനിൽ ബോർഡ് പൈലിംഗ്, ഡ്രിവൻ പൈലിംഗ്, സ്ക്രൂ പൈലിംഗ്, ഷീറ്റ് പൈലിംഗ്, മൈക്രോ പൈലുകൾ എന്നീ തരങ്ങൾ ഉൾപ്പെടുന്നു. ഇവയോരോന്നും സ്ട്രക്ചറിന് വ്യത്യസ്ത രീതിയിലുള്ള പിൻബലം കൊടുക്കുന്ന പങ്കാണ് വഹിക്കുന്നത്.
ഇത്തരം ഫൗണ്ടേഷനുകൾ, ആഴത്തിലുള്ള പിൻബലം, ഉയർന്ന തോതിൽ ഭാരം വഹിക്കാനുള്ള ശേഷി, തടസ്സങ്ങൾ ഉള്ള മണ്ണിൽ നിർമ്മാണം നടത്തൽ, കുറഞ്ഞ വൈബ്രേഷൻ എന്നിവ പ്രദാനം ചെയ്യുന്നു, കൂടാതെ വിവിധ ഭൂപ്രകൃതികൾക്ക് അനുസൃതമായുള്ള നിർമ്മാണം നടത്താനും സഹായിക്കുന്നു.
ഉരുക്ക്, കോൺക്രീറ്റ്, തടി തുടങ്ങിയ മെറ്റീരിയലുകൾ കൊണ്ട് നിർമ്മിക്കുന്ന നീളമുള്ളതും ഉറപ്പുള്ളതുമായ തൂണുകളാണ് പൈൽ ഫൌണ്ടേഷനുകൾ. കെട്ടിടത്തിന്റെ സ്ട്രക്ചറിനെ താങ്ങിനിർത്തുന്നതിനായി ഇവ ആഴത്തിൽ നിലത്ത് സ്ഥാപിക്കുന്നു. ഒരു കെട്ടിടത്തെ താങ്ങി നിർത്താൻ ഭൂമിയിൽ അടിച്ചു കയറ്റിയ ഭീമാകാരമായ ആണികൾ പോലെ അവയെ സങ്കൽപ്പിക്കാവുന്നതാണ്.
നിലത്ത് മണ്ണിന്റെ മുകൾ പാളിക്ക് തനിയെ ഒരു സ്ട്രക്ച്ചറിനെ താങ്ങി നിർത്താനുള്ള ശേഷിയില്ലാതെ വരുമ്പോഴാണ് കൺസ്ട്രക്ഷനിൽ പൈൽ ഫൌണ്ടേഷനുകൾ ഉപയോഗിക്കുന്നത്. അവ എങ്ങനെ പ്രവർത്തിക്കുന്നു എന്നതിനെ ആശ്രയിച്ച് വ്യത്യസ്ത തരങ്ങളായി തിരിച്ചിരിക്കുന്നു. അറ്റത്ത് നേരിട്ട് ഭാരം താങ്ങുന്ന പൈലുകൾ (എൻഡ്-ബെയറിംഗ് പൈലുകൾ) അല്ലെങ്കിൽ വശങ്ങളിലെ ഘർഷണത്തെ ആശ്രയിക്കുന്നവ (ഫ്രിക്ഷൻ പൈലുകൾ) എന്നിങ്ങനെ. വലിയ കെട്ടിടങ്ങൾക്കോ ഗുണനിലവാരം കുറഞ്ഞ മണ്ണുള്ള പ്രദേശങ്ങളിലോ പൈൽ ഫൌണ്ടേഷനുകൾ നിർണായമാകുന്നു. ഇത് കൺസ്ട്രക്ഷൻ സുരക്ഷയും സ്ഥിരതയും ഉറപ്പാക്കുന്നു.
നമുക്കിനി, കെട്ടിടങ്ങളുടെ വ്യത്യസ്ത ആവശ്യങ്ങൾക്കും ഭൂപ്രദേശത്തിന്റെ സാഹചര്യങ്ങൾക്കും അനുയോജ്യമായ 5 പ്രധാന തരം പൈൽ ഫൌണ്ടേഷനുകൾ ഏതൊക്കെയാണെന്ന് കണ്ടെത്താം:
ഈ സമ്പ്രദായത്തിൽ, നിലത്ത് ഓഗറിംഗ് നടത്തി ദ്വാരമുണ്ടാക്കി അതിലേക്ക് കോൺക്രീറ്റ് നിറച്ച് പൈൽ കാസ്റ്റ് ചെയ്തെടുക്കുന്നു. ഇത് ചെയ്യുന്ന സമയത്ത് വൈബ്രേഷൻ കുറവായിരിക്കും എന്നതു കൊണ്ട്, നഗരപ്രദേശങ്ങൾക്കും സമീപപ്രദേശത്ത് മറ്റു കെട്ടിടങ്ങൾ സ്ഥിതി ചെയ്യുന്നിടത്തും ഇങ്ങനെയുള്ള രീതി പ്രത്യേകിച്ചും അനുയോജ്യമായിരിക്കും.
ഇതിൽ, കമ്പനം ഉപയോഗിച്ച് പൈലുകൾ നിലത്തേക്ക് തുളച്ചുകയറ്റുകയോ അടിച്ചുകയറ്റുകയോ ചെയ്യുന്നു. ഉറപ്പു കുറഞ്ഞ മണ്ണിലോ, ഉയർന്ന ജലനിരപ്പുള്ള പ്രദേശങ്ങളിലോ, മാലിന്യങ്ങൾ അടിഞ്ഞു കൂടിയിട്ടുള്ള മണ്ണിലോ നിർമ്മിക്കുന്ന ഫൗണ്ടേഷനുകൾക്ക് ഇവ അനുയോജ്യമായിരിക്കും. സ്റ്റീൽ, മരത്തടി, ഈർന്ന മരം, കോൺക്രീറ്റ് എന്നിവയോ അല്ലെങ്കിൽ ഈ മെറ്റീരിയലുകൾ സംയോജിപ്പിച്ച് ഉപയോഗിക്കുന്ന ടെമ്പററി അല്ലെങ്കിൽ പെർമനന്റ് കേസിങ്ങുകളോ അല്ലെങ്കിൽ ഓഫ്-സൈറ്റ് പ്രീ-കാസ്റ്റ് പൈലുകൾ ഉപയോഗിച്ചോ ഡ്രിവൻ പൈലുകൾ നിർമ്മിക്കാം.
വൃത്താകൃതിയിലുള്ള പൊള്ളയായ ഗാൽവനൈസ്ഡ് സ്റ്റീൽ പൈൽ ഷാഫ്റ്റുകൾ, ഒന്നോ അതിലധികമോ സ്റ്റീൽ ഹെലിസുകൾ നിലത്ത് ഉറപ്പിച്ചുകൊണ്ട്, മരത്തിൽ സ്ക്രൂ ചെയ്യുന്നതു പോലെയാണ്, ഈ സമ്പ്രദായത്തിൽ ഉപയോഗിക്കുന്നത്. ഇത് ഇൻസ്റ്റാളേഷനിൽ നിന്നുള്ള കേടുപാടുകൾ കുറയ്ക്കുകയും കൂടുതൽ സ്ഥിരതയാർന്നതും ചെലവ് കുറഞ്ഞതുമായ ഒരു ബദലായി മാറുന്നുണ്ട്.
ഇൻ്റർലോക്ക് സ്റ്റീൽ ഷീറ്റുകൾ തുടർച്ചയായി ചേർത്ത് നിർമ്മിച്ച് ഷീറ്റ് പൈലുകൾ വലിയ ഉത്ഖനനങ്ങൾക്ക് ആവശ്യമായ സ്ഥിരമോ താൽക്കാലികമോ ആയ ഭിത്തികൾ സൃഷ്ടിക്കുന്നു. ഈ സമ്പ്രദായത്തിൽ ഷീറ്റുകൾ നീക്കം ചെയ്ത് വീണ്ടും ഉപയോഗിക്കാമെന്നതിനാൽ താത്കാലികമായി മണ്ണ് നിലനിർത്തുന്നതിന് ചെലവ് കുറവായിരിക്കും.
മിനി അല്ലെങ്കിൽ മൈക്രോ പൈലുകൾക്ക് 100 മില്ലീമീറ്റർ മുതൽ 400 മില്ലീമീറ്റർ വരെ വ്യാസം ഉണ്ടാവും. പരമ്പരാഗത പൈലിംഗ് റിഗുകൾ പ്രവർത്തിപ്പിക്കാൻ കഴിയാത്ത പരിമിതമായി മാത്രം പ്രവേശിക്കാനാവുന്ന സ്ഥലങ്ങളിൽ ഇവ പ്രയോഗിക്കാം എന്നതാണ് ഇവയുടെ സവിശേഷത. അങ്ങനെ, പരിമിതമായ പല സൗകര്യങ്ങലുള്ള നഗര പ്രദേശത്തെ വാണിജ്യ, ഗാർഹിക നിർമിതകൾക്ക് ഇവ അനുയോജ്യമാകുന്നു.
കൺസ്ട്രക്ഷനിൽ പൈൽ ഫൌണ്ടേഷനുകൾ ഉപയോഗിക്കുന്നതു കൊണ്ടുള്ള പ്രധാന നേട്ടങ്ങൾ എന്തെന്ന് നമുക്കു മനസ്സിലാക്കാം.
മേൽമണ്ണ് ദുർബലമായിരിക്കുമ്പോഴോ ഭാരമേറിയ സ്ട്രക്ച്ചറുകളെ താങ്ങിനിർത്താൻ കഴിയാത്ത വിധം അയഞ്ഞ മണ്ണായിരിക്കുമ്പോൾ പോലും, പൈൽ ഫൌണ്ടേഷനുകൾ കൂടുതൽ ആഴത്തിൽ ഭൂമിക്കടിയിലേക്ക് ആഴ്ന്നിറങ്ങി കൂടുതൽ ഉറപ്പുള്ള മൺ പാളിയിലേക്ക് എത്തുന്നു. ഇത് കെട്ടിടങ്ങളെ സ്ഥിരതയും സുരക്ഷിതവും ഉള്ളതാക്കും.
പൈൽ ഫൗണ്ടേഷനുകൾ ഉപയോഗിക്കുമ്പോൾ നനഞ്ഞ മണ്ണിനെ മറികടന്ന് ഉറച്ച ആഴ്ത്തട്ടിലേക്ക് പോകാനാകുന്നു. നദികളുടെയും കടലിന്റെയും സമീപത്തെ മൺപ്രദേശങ്ങളിലും, ധാരാളം വെള്ളക്കെട്ടുള്ള പ്രദേശങ്ങളിലും ഇത്തരം ഫൗണ്ടേഷനുകൾ നീങ്ങി മാറുകയോ ഇളകി അടിക്കുകയോ ചെയ്യില്ല.
ബോർഡ് പൈലുകൾ പോലുള്ള ചില പൈൽ ഫൗണ്ടേഷനുകൾ, നിലം അധികം കുലുക്കാതെ തന്നെ ഇൻസ്റ്റാൾ ചെയ്യാവുന്നതാണ്. അതു കൊണ്ട്, തൊട്ടടുത്ത് സ്ഥിതി ചെയ്യുന്ന കെട്ടിടങ്ങൾക്കും സ്ട്രക്ച്ചറുകൾക്കും കേടുപാടുകൾ ഉണ്ടാക്കാതെ തന്നെ ഇത് സുരക്ഷിതമായി പ്രയോഗിക്കാൻ പറ്റും.
ഇടുങ്ങിയ സ്ഥലമായാലും, പാറ നിറഞ്ഞ സ്ഥലമായാലും, മണ്ണിൽ ധാരാളം വെള്ളമുള്ള സ്ഥലമായാലും, മിക്കവാറും എല്ലാ സാഹചര്യങ്ങൾക്കും അനുയോജ്യമായ ഒരു കൂട്ടം ഫൗണ്ടേഷനുകളുടെ പരിഹാരം തന്നെ ഇവിടെയുണ്ട്. ഇത് വിവിധ കൺസ്ട്രക്ഷൻ പ്രോജക്ടുകൾക്ക് വേണ്ടി വരുന്ന ഏറ്റവും അനുയോജ്യമായ തെരഞ്ഞെടുപ്പ് നടത്താൻ അവസരം നൽകുന്നു.
സ്ക്രൂ പൈലിംഗ് പോലുള്ള സമ്പ്രദായങ്ങളിൽ വലിയ തോതിൽ മണ്ണിൽ കുഴിക്കേണ്ടി വരുന്നില്ല എന്നതു കൊണ്ട്, അവ കുറഞ്ഞ അളവിൽ മാത്രമേ മാത്രമേ മാലിന്യങ്ങൾ സൃഷ്ടിക്കുകയും പരിസ്ഥിതിയെ തടസ്സപ്പെടുത്തുകയും ചെയ്യുകയുള്ളൂ. ഇത് അവയെ കൂടുതൽ പ്രകൃതി സൗഹൃദപരമായ ഒരു ഓപ്ഷനാക്കി മാറ്റുന്നു.
പൈൽ ഫൌണ്ടേഷനുകളുടെ ഗുണങ്ങൾ നമ്മൾ ഇതിനോടകം കണ്ടു കഴിഞ്ഞു ; ഇനി, ഇവയിൽ ഉപയോഗിക്കുന്ന വ്യത്യസ്ത മെറ്റീരിയലുകളും അവയുടെ സവിശേഷ പ്രയോഗങ്ങളെ പറ്റി കൂടുതൽ അറിയാം.
വളരെ ഭാരമേറിയ കെട്ടിടങ്ങൾ വേണ്ടാത്തിടത്തോ, പരിമിതമായ ബജറ്റിൽ ചെയ്യുന്നതോ ആയ പ്രോജക്ടുകൾക്ക് ഇവ അനുയോജ്യമായിരിക്കും. പിയറുകൾ അല്ലെങ്കിൽ ഡോക്കുകൾ പോലുള്ള വെള്ള കെട്ടിനടുത്തുള്ള പ്രോജക്ടുകൾക്ക് തടി ഉപയോഗിക്കുന്നത് നന്നാവും. പക്ഷേ മരം ചീഞ്ഞഴുകിപ്പോകുമെന്ന് ഓർമ്മിക്കേണ്ടത് പ്രധാനമാണ്. അതിനാൽ ഈ പൈലുകൾ ഭൂഗർഭജലനിരപ്പിന് മുകളിലും ശുദ്ധ ജലപ്രദേശങ്ങളിലും നന്നായി പ്രവർത്തിക്കുന്നു.
ബിൽഡിംഗ് മെറ്റീരിയലുകൾക്ക് ഇടയിലെ സൂപ്പർഹീറോ ആണ് കോൺക്രീറ്റ് - അത് കരുത്തുറ്റതും ദീർഘകാലം നിലനിൽക്കുന്നതുമാണ്. രണ്ട് തരത്തിലുള്ള കോൺക്രീറ്റ് പൈലുകൾ ഉണ്ട് : പ്രീകാസ്റ്റ്, ഇത് ഒരു ഫാക്ടറിയിൽ നിർമ്മിച്ച് സൈറ്റിലേക്ക് കൊണ്ടുവരുന്നു. രണ്ടാമത്തേത്, കോൺക്രീറ്റ് നിലത്ത് ഒരു ദ്വാരത്തിലേക്ക് നിറച്ച് സൈറ്റിൽ തന്നെ ഉണ്ടാക്കുന്ന കാസ്റ്റ്-ഇൻ-പ്ലേസ്. ഉയരമുള്ള കെട്ടിടങ്ങൾക്കും വലിയ പാലങ്ങൾക്കും കോൺക്രീറ്റ് പൈലുകളാണ് അനുയോജ്യം. കാരണം അവയ്ക്ക് വളരെയധികം ഭാരം താങ്ങാൻ ശേഷിയുണ്ട്, മാത്രമല്ല തുരുമ്പെടുക്കുകയോ ചീഞ്ഞഴുകുകയോ ചെയ്യില്ല.
സ്റ്റീൽ പൈലുകൾ അതിശക്തമാണ്. കാഠിന്യമുള്ള മണ്ണിലൂടെയോ പാറക്കെട്ടുകളിലൂടെയോ ഇവയെ ആഴ്ത്തി കൊണ്ടുപോകാൻ കഴിയും. കെട്ടിടം ഭാരമുള്ളതോ, നിലം കാഠിന്യമേറിയതോ ആയിരിക്കുമ്പോഴാണ് ഇവ ഉപയോഗിക്കുന്നത്. എപ്പോഴെങ്കിലും നീക്കം ചെയ്യേണ്ടി വന്നാൽ അവ വീണ്ടും ഉപയോഗിക്കാനുമോ റീസൈക്കിൾ ചെയ്യാനോ കഴിയും. അതു കൊണ്ടുതന്നെ സ്റ്റീൽ പൈലുകൾ ഉപയോഗിക്കുന്നത് പരിസ്ഥിതി സൗഹൃദ സമീപനത്തിന് ഒരു ബോണസാണ്.
കാഠിന്യമുള്ള മണ്ണിലൂടെ ശക്തിയായി തുളച്ചു കയറുന്നത് ഉറപ്പുവരുത്താൻ കോമ്പോസിറ്റ് പൈലുകളുടെ താഴത്തെ ഭാഗം ഉരുക്ക് കൊണ്ടാണ് നിർമ്മിക്കുക. മുകൾ ഭാഗം കോൺക്രീറ്റ് കൊണ്ടും. ലോഡ് താങ്ങുന്നതിനും ദ്രവീകരണം ചെറുക്കുന്നതിനും ഇത് സഹായകരമാകുന്നു. ഒരു മെറ്റീരിയൽ മാത്രം അനുയോജ്യമല്ലാത്ത സങ്കീർണ്ണമായ പ്രോജക്ടുകളിൽ, എഞ്ചിനീയർമാർക്ക്, ഈടും, ലോഡ് താങ്ങാൻ ശേഷിയുള്ള രണ്ട് വസ്തുക്കളുടെ ഗുണങ്ങൾ സംയോജിപ്പിക്കേണ്ടിവരുമ്പോൾ, ഇവ ഉപയോഗിക്കുന്നു.
കൺസ്ട്രക്ഷനിലെ പൈൽ ഫൗണ്ടേഷനുകളെ കുറിച്ച് മനസ്സിലാക്കുന്നത് അവയുടെ വൈവിധ്യമാർന്ന ഗുണങ്ങളെ പറ്റിയുള്ള ഉൾക്കാഴ്ച നൽകുന്നു. ഇത് വീട്ടുടമകൾക്ക് അവരുടെ പ്രോജക്റ്റുകൾക്ക് ഏറ്റവും അനുയോജ്യമായ തരം ഏതെന്ന് തെരഞ്ഞെടുക്കുന്നതിനുള്ള അറിവ് പകരും. സുപ്രധാനമായ ഈ തീരുമാനം കൈക്കൊള്ളുന്നത് നിർമ്മാണ പ്രോജക്റ്റുകളുടെ സ്ഥിരത, ഈട്, ചെലവിന് അനുസരിച്ച് മൂല്യം ലഭിക്കുന്നതും ഉറപ്പു തരുന്നു. അതിനു പുറമേ ഭാവികാല വികസനത്തിനും കൺസ്ട്രക്ഷൻ മേഖലയിലെ നവീകരണത്തിനും ശക്തമായ അടിത്തറ ഇടുകയും ചെയ്യുന്നു.
ഫൗണ്ടേഷൻ നിർമ്മാണത്തിൽ പൈലുകളുടെ വലുപ്പം നിർദ്ദിഷ്ട പ്രോജക്ടിന്റെ ആവശ്യകതകളെ ആശ്രയിച്ച് വ്യത്യാസപ്പെടാം. സാധാരണയായി, പൈലുകൾക്ക് 30 സെന്റീമീറ്റർ മുതൽ 120 സെന്റീമീറ്റർ വരെ വ്യാസമുണ്ടാവും. കൂടുതൽ വ്യാസമുള്ളവ വലിയ ലോഡ് വഹിക്കാൻ വേണ്ടി ഉപയോഗിക്കുന്നു.
പൈലിംഗ് നിർമ്മാണത്തിന്റെ ആഴം സാധാരണയായി നിർണ്ണയിക്കുന്നത് മണ്ണിന്റെ അവസ്ഥ, ആവശ്യമായ ലോഡ് വഹിക്കാനുള്ള ശേഷി, സ്ട്രക്ചറിന് വേണ്ട പിൻബലം തുടങ്ങിയ ഘടകങ്ങളാണ്. ഏതാനും കുറച്ച് മീറ്ററുകൾ മുതൽ 50 മീറ്ററിന് മുകളിൽ വരെ വരെ ഇതുണ്ടാവാം.
പൈലുകൾ തമ്മിലുള്ള ഏറ്റവും കുറഞ്ഞ അകലം സാധാരണയായി പൈലിന്റെ വ്യാസത്തിന്റെ മൂന്നിരട്ടിയെങ്കിലും ആയിരിക്കണമെന്നാണ് നിർദ്ദേശിക്കപ്പെടുന്നത്. ഈ ദൂരം പൈലുകളുടെ സ്ട്രക്ച്ചറുകൾ പരസ്പരം കൂട്ടിമുട്ടുന്നില്ലെന്ന് ഉറപ്പ് വരുത്താനും ശരിയാം വിധം ലോഡിന്റെ വിതരണം വിന്യസിക്കാനും സഹായിക്കുന്നു.
മണ്ണിന്റെ അവസ്ഥയും ലോഡ് താങ്ങേണ്ട ആവശ്യകതകളും അനുസരിച്ച് പൈലുകളുടെ നീളം വ്യത്യാസപ്പെടും. ആഴത്തിലുള്ള ഫൗണ്ടേഷൻ നിർമ്മിക്കുന്നതിന് സാധാരണയായി ഏതാനും മീറ്റർ മുതൽ 30 മീറ്ററിൽ മുകളിൽ വരെ നീളമുണ്ടാകും.
ഘർഷണം അല്ലെങ്കിൽ എൻഡ് ബെയറിംഗ് വഴി സ്ട്രക്ചറിൽ ലോഡുകളെ ആഴമേറിയതും കൂടുതൽ ഉറപ്പുള്ളതുമായ മണ്ണിലേക്കോ പാറയുടെ പാളികളിലേക്കോ മാറ്റുക എന്നതാണ് പൈൽ ഫൗണ്ടേഷന്റെ തത്വം. കെട്ടിടത്തിന്റെ ലോഡ്, താഴെയുള്ള കൂടുതൽ ബലവത്തായ നിരപ്പിലേക്ക് മാറ്റുന്നതിലൂടെ, ദുർബലമായതോ അയഞ്ഞതോ ആയ മൺപ്രദേശങ്ങളിൽ നിർമ്മിക്കുന്ന സ്ട്രക്ച്ചറുകൾക്ക് പിൻബലമേകാൻ പൈൽ ഫൗണ്ടേഷനുകൾ ഉപയോഗിക്കുന്നു.
