Share:
ഒരു കൺസ്ട്രക്ഷന്റെ ലോഡ് ആണ് ഒരു കെട്ടിട സ്ട്രക്ചറിന്റെ ഉറപ്പ് നിശ്ചയിക്കുന്നത്.
വിവിധ തരത്തിലുള്ള ലോഡുകളുണ്ട്, അവയ്ക്ക് ഓരോന്നിനും വ്യത്യസ്തമായ സവിശേഷതകളും അനന്തരഫലങ്ങളും ഉണ്ട്.
സുരക്ഷിതമായും കാര്യക്ഷമമായും സ്ട്രക്ചർ ഡിസൈൻ ചെയ്യാൻ, ലോഡിന്റെ തരങ്ങളെ കുറിച്ച് മനസ്സിലാക്കേണ്ടത് അത്യാവശ്യമാണ്.
ഒരു സ്ട്രക്ചറിന്റെ പുറത്ത് ഉണ്ടാവുന്ന സമ്മർദ്ദങ്ങൾ, രൂപഭേദങ്ങൾ അല്ലെങ്കിൽ ത്വരണം എന്നിവയ്ക്ക് കാരണമാകുന്ന ബലങ്ങളോ മറ്റ് പ്രവർത്തനങ്ങളോ ആണ് ലോഡുകൾ. ഈ ലോഡുകൾ പാരിസ്ഥിതിക സാഹചര്യങ്ങൾ കാരണമോ, കെട്ടിടത്തിന്റെ ഉപയോഗം കൊണ്ടോ അല്ലെങ്കിൽ മെറ്റീരിയലുകളുടെ ഭാരം മൂലമോ ആകാം. സുരക്ഷിതവും കാര്യക്ഷമവും, ചെലവ് കുറഞ്ഞതുമായ സ്ട്രക്ച്ചറുകൾ ഡിസൈൻ ചെയ്യുന്നതിന്, ഈ ലോഡുകൾ ശരിയായ തിരിച്ചറിയുന്നതും കണക്കാക്കുന്നതും പ്രധാനമാണ്. കെട്ടിടത്തിന്റെ സ്ഥാനം, ഉദ്ദേശ്യം, ഡിസൈൻ എന്നിവ പോലുള്ള വിവിധ ഘടകങ്ങൾ ഈ ലോഡുകളുടെ തോതിനെയും ദിശയെയും സ്വാധീനിക്കുന്നു.
കെട്ടിടത്തിന്റെ തന്നെ ഭാഗമായ ഭിത്തികൾ, ഫ്ലോറുകൾ, മേൽക്കൂരകൾ, ബീമുകൾ തുടങ്ങിയവയുടെ ഭാരം മൂലമുണ്ടാകുന്ന സ്ഥിര ബലങ്ങളാണ് ഡെഡ് ലോഡുകൾ. ഈ ലോഡുകൾക്ക്, കാലത്തിന്റെ പോക്കിൽ മാറ്റം സംഭവിക്കാത്തതിനാൽ, മറ്റെല്ലാ ലോഡുകളെയും അപേക്ഷിച്ചു കണക്കാക്കാൻ ഏറ്റവും എളുപ്പമാണ്. ഡെഡ് ലോഡുകൾ കൃത്യമായി കണക്കാക്കേണ്ടത് വളരെ പ്രധാനമാണ്. കാരണം അവയെ വേണ്ടത്ര ഗൗരവത്തോടെ എടുത്തില്ലെങ്കിൽ, അത് സ്ട്രക്ചറിന്റെ ഗുരുതരമായ പ്രശ്നങ്ങൾക്ക് ഇടവരുത്തും.
ഇംപോസ്ഡ് ലോഡുകൾ അഥവാ ലൈവ് ലോഡുകൾ എന്നത് കാലാന്തരത്തിൽ മാറുന്ന ബലങ്ങളാണ്. ഒരു കെട്ടിടത്തിനുള്ളിലുഉള്ള ആളുകൾ,ഫർണിച്ചറുകൾ, വാഹനങ്ങൾ, ചലിക്കുന്ന മറ്റ് വസ്തുക്കൾ എന്നിവയുടെ ഭാരം ഇതിൽ ഉൾപ്പെടും. ഡെഡ് ലോഡുകളിൽ നിന്ന് വ്യത്യസ്തമായി, ഇംപോസ്ഡ് ലോഡുകൾ സ്ഥിരമല്ല, കെട്ടിടം എങ്ങനെ ഉപയോഗിക്കപ്പെടുന്നു എന്നതിനെ ആശ്രയിച്ച് അത് വ്യത്യാസപ്പെടാം.
ഉദാഹരണത്തിന്, ഒരു വീട്ടിലെ ലൈവ് ലോഡ് ഒരു കമേർഷ്യൽ കെട്ടിടത്തിൽ നിന്ന് വ്യത്യസ്തമായിരിക്കും. അതിൽ ഓഫീസ് ഉപകരണങ്ങളും കൂടുതൽ ആളുകളുടെ നടത്തവും പോലുള്ള ഭാരം വർദ്ധിപ്പിക്കുന്ന സംഗതികൾ ഉണ്ടായേക്കാം.
ഒരു കെട്ടിടത്തിൽ കാറ്റ് ചെലുത്തുന്ന തിരശ്ചീന ശക്തികളാണ് വിൻഡ് ലോഡുകൾ. ഉയരമുള്ള കെട്ടിടങ്ങൾ, പാലങ്ങൾ, വിശാലമായ പ്രതലങ്ങളുള്ള മറ്റ് സ്ട്രക്ച്ചറുകൾ എന്നിവയിൽ ഈ റോഡുകൾ പ്രത്യേകിച്ചും പ്രധാനമാണ്.
കാറ്റിന്റെ വേഗതയും ദിശയും, കെട്ടിടത്തിന്റെ ഉയരം, ആകൃതി തുടങ്ങിയ ഘടകങ്ങളെ ആശ്രയിച്ച് വിൻഡ് ലോഡുകളുടെ പ്രഭാവം വ്യത്യാസപ്പെടുന്നു. ചാഞ്ചാട്ടം, വൈബ്രേഷനുകൾ, അല്ലെങ്കിൽ പ്രതികൂല കാലാവസ്ഥയിൽ നിലം പതിക്കുക എന്നിവ പോലുള്ള പ്രശ്നങ്ങൾ തടയാൻ എഞ്ചിനീയർമാർ വിൻഡ് ലോഡ് കണക്കാക്കേണ്ടതുണ്ട്.
ഒരു സ്ട്രക്ചറിന്റെ പുറത്ത് മഞ്ഞ് അടിഞ്ഞുകൂടുമ്പോൾ ഉണ്ടാകുന്ന ലംബമായ ബലങ്ങളാണ് സ്നോ ലോഡുകൾ. കനത്ത മഞ്ഞുവീഴ്ചയുള്ള പ്രദേശങ്ങളിൽ ഇത്തരത്തിലുള്ള ലോഡ് പ്രധാനമാണ്, അവിടെ മഞ്ഞിന്റെ ഭാരം ഗണ്യമായി ഉണ്ടാകും.
പ്രത്യേകിച്ചും മേൽക്കൂരകളിൽ അമിതഭാരത്തിന്റെയും തകർച്ചയുടെയും സാധ്യത ഒഴിവാക്കാൻ സ്നോ ലോഡുകൾ കൈകാര്യം ചെയ്യാൻ പാകത്തിൽ രൂപകൽപ്പന ചെയ്യേണ്ടതുണ്ട്. മേൽക്കൂരയുടെ കോൺ, മഞ്ഞിന്റെ തരം, കെട്ടിടത്തിന്റെ സ്ഥാനം തുടങ്ങിയ ഘടകങ്ങൾ ഒരു സ്ട്രക്ചറിന് എത്രത്തോളം സ്നോ ലോഡ് കൈകാര്യം ചെയ്യാൻ കഴിയുമെന്ന് നിർണ്ണയിക്കുന്നതിൽ പ്രധാന പങ്ക് വഹിക്കുന്നു.
ഭൂകമ്പ സമയത്ത് ഭൂമി കുലുങ്ങുന്നത് മൂലമുണ്ടാകുന്ന ബലങ്ങൾക്കാണ് ഭൂചലന ലോഡ് എന്നു പറയുന്നത്. ഇത്തരത്തിലുള്ള ഭാരം പ്രവചനാതീതമാണ്, അത് വളരെ വിനാശകരമായേക്കാം. ഭൂകമ്പ സാധ്യതയുള്ള പ്രദേശങ്ങളിലെ കെട്ടിടങ്ങൾ ഈ ബലങ്ങളെ കൈകാര്യം ചെയ്യാൻ പാകത്തിൽ ഡിസൈൻ ചെയ്യേണ്ടതുണ്ട്. ഇത് വശങ്ങളിൽ നിന്നും വശങ്ങളിലേക്കും മുകളിലേക്കും താഴേക്കും കുലുക്കം ഉണ്ടാവുന്നതിന് ഇടയാക്കും.
ഭൂചലനത്തെ പ്രതിരോധിക്കാൻ സ്ട്രക്ച്ചറുകളെ കൂടുതൽ കാര്യക്ഷമമാക്കുന്നതിന്, ഭൂകമ്പ തരംഗങ്ങളിൽ നിന്നുള്ള ഊർജ്ജം ആഗിരണം ചെയ്യാനും കൈകാര്യം ചെയ്യാനും എഞ്ചിനീയർമാർ അതിന് ഇണങ്ങുന്ന മെറ്റീരിയലുകൾ, ശക്തമായ ഫൗണ്ടേഷനുകൾ, ഷോക്ക് അബ്സോർബറുകൾ എന്നിവ ഉപയോഗിക്കുന്നു.
ഡെഡ്, ലൈവ്, വിൻഡ്, സ്നോ, ഭൂചലന ലോഡുകൾ തുടങ്ങിയ വിഭാഗങ്ങളിൽ പെടാത്ത ബലങ്ങളാണ് സ്പെഷ്യൽ ലോഡുകൾ. താപ ലോഡുകൾക്ക് കാരണമാകുന്ന താപനിലയിലെ മാറ്റങ്ങൾ, വാഹനങ്ങളിൽ നിന്നോ യന്ത്രങ്ങളിൽ നിന്നോ ഉള്ള ആഘാതങ്ങൾ, മണ്ണിൽ നിന്നുള്ള മർദ്ദം എന്നിവ ഇതിൽ ഉൾപ്പെടാം.
സ്പെഷ്യൽ ലോഡുകൾ മിക്കപ്പോഴും ചില പ്രോജക്ടുകൾക്ക് മാത്രം ബാധകമാകുന്ന ഒന്നാണ്. അതുകൊണ്ടുതന്നെ അവയ്ക്ക് അനുയോജ്യമായ എഞ്ചിനീയറിംഗ് പരിഹാരങ്ങൾ ആവശ്യമായി വരും. ഉദാഹരണത്തിന്, വ്യാവസായിക മേഖലകൾക്ക് സമീപമുള്ള കെട്ടിടങ്ങൾക്ക്, അവയ്ക്ക് അടുത്തുള്ള യന്ത്രസാമഗ്രികളിൽ നിന്നുള്ള സ്ഫോടനങ്ങൾ മൂലമോ വൈബ്രേഷൻ മൂലമോ ഉണ്ടാകാനിടയുള്ള ആഘാതങ്ങൾ കണക്കിലെടുക്കേണ്ടതുണ്ട്.
മേൽപ്പറഞ്ഞ ലോഡുകളുടെ പ്രധാന തരങ്ങൾക്ക് പുറമേ, ലോഡ് വഹിക്കുന്ന സ്ട്രക്ചറുകളെ കുറിച്ചും അറിഞ്ഞിരിക്കേണ്ടത് പ്രധാനമാണ്. കെട്ടിടത്തിന്റെ ഭാരവും വ്യത്യസ്ത തരം ലോഡുകളും വഹിച്ച് അവയെല്ലാം ഫൗണ്ടേഷനിലേക്ക് സുരക്ഷിതമായി എത്തിക്കുന്ന സ്ട്രക്ചറുകളാണ് അവ.
സുരക്ഷിതവും കാര്യക്ഷമവും ഈടുനിൽക്കുന്നതുമായ കെട്ടിടങ്ങൾ ഡിസൈൻ ചെയ്യാൻ സ്ട്രക്ചറിന്റെ വ്യത്യസ്ത തരം ലോഡുകളെയും പറ്റി അറിഞ്ഞിരിക്കേണ്ടത് അത്യാവശ്യമാണ്. ഡെഡ് ലോഡുകൾ മുതൽ സ്പെഷ്യൽ ലോഡുകൾ വരെയുള്ള ഓരോ തരത്തിലുള്ള ലോഡിനും ഒരു സ്ട്രക്ചറിന്റെ ഡിസൈനിനെ സ്വാധീനിക്കാൻ പോന്ന സ്വഭാവ സവിശേഷതകൾ ഉണ്ട്. വ്യത്യസ്ത തരം ലോഡുകളെ ശരിയായ വിലയിരുത്തുന്നതും കണക്കാക്കുന്നതും, കെട്ടിടത്തിന്റെ ആയുസ്സിൽ ഉടനീളം അതിന് വിവിധ രീതിയിലുള്ള ബലങ്ങളെ നേരിടാൻ കഴിയുമെന്ന് ഉറപ്പാക്കുകയും അതിന്റെ ഉറപ്പും സുരക്ഷിതത്വവും നിലനിർത്തുകയും ചെയ്യുന്നു.
കെട്ടിടങ്ങളുടെ സ്ട്രക്ചറുകളിൽ വ്യത്യസ്ത തരം ലോഡുകൾ ഉണ്ട്. ഡെഡ് ലോഡുകൾ, ലൈവ് ലോഡുകൾ (ഇംപോസ്ഡ് ലോഡുകൾ), വിൻഡ് ലോഡുകൾ, സ്നോ ലോഡുകൾ, മൂ ഭൂചലന ലോഡുകൾ, സ്പെഷ്യൽ ലോഡുകൾ എന്നിവ ഇതിൽ ഉൾപ്പെടുന്നു. ഓരോ തരം ലോഡിനും വ്യത്യസ്തമായ സ്വഭാവ സവിശേഷതകളും സ്ട്രക്ചറിംഗ് ഡിസൈനിലും ഉറപ്പിലും വ്യത്യസ്തങ്ങളായ സ്വാധീനങ്ങളും ഉണ്ട്.
ഒരു ഫൗണ്ടേഷൻ ഭിത്തിയിൽ പ്രവർത്തിക്കുന്ന ലോഡുകളിൽ പൊതുവിൽ ഉണ്ടാകുന്ന ഡെഡ് ലോഡുകൾ, ലൈവ് ലോഡുകൾ, മണ്ണിന്റെ വിലങ്ങനെയുള്ള മർദ്ദം, ചിലപ്പോൾ ഉണ്ടാകുന്ന ജല സമ്മർദ്ദം എന്നിവ ഉൾപ്പെടുന്നു. ഫൗണ്ടേഷന് മുഴുവൻ സ്ട്രക്ചറിനും പിൻബലമേകാനും, ബാഹ്യ സമ്മർദ്ദങ്ങളെ ചെറുക്കാനും കഴിയുമെന്ന് ഉറപ്പാക്കാൻ ഇത്തരം ലോഡുകളെ ശ്രദ്ധാപൂർവ്വം പരിഗണിക്കണം.
ഫൂട്ടിംഗുകൾ പ്രധാനമായും ഡെഡ് ലോഡുകൾ, ലൈവ് ലോഡുകൾ, ചിലപ്പോൾ ലാറ്ററൽ ലോഡുകൾ എന്നിവയാണ് വഹിക്കുന്നത്. സ്ട്രക്ചറിൽ നിന്ന് തറനിരപ്പിലേക്ക് ലോഡ് കൈമാറുന്നതിനും, സ്ഥിരത ഉറപ്പാക്കുന്നതിനും സ്ട്രക്ചറിന്റെ സെറ്റിൽമെന്റ് അല്ലെങ്കിൽ തകർച്ച തടയുന്നതിന്റെയും ചുമതല അവയ്ക്കാണ്.
ഒരു കെട്ടിടത്തിനുള്ളിലെ ആളുകളുടെയും ഫർണിച്ചറുകളുടെയും വാഹനങ്ങളുടെയും ഭാരം പോലുള്ള വ്യത്യസ്ത പെടാവുന്ന ബലങ്ങൾക്കാണ് ലൈവ് ലോഡുകൾ എന്നു പറയുന്നത്. ഇംപോസ്ഡ് ലോഡുകൾ എന്നും ഇവ അറിയപ്പെടുന്നു. ഭിത്തികൾ, ഫ്ലോറുകൾ , മേൽക്കൂരകൾ തുടങ്ങിയ സ്ട്രക്ച്ചറിന്റെ വിവിധ ഭാഗങ്ങളുടെ ഭാരം മൂലമുണ്ടാകുന്ന സ്ഥിര ബലങ്ങളാണ് ഡെഡ് ലോഡുകൾ. ഒരു സ്ട്രക്ച്ചറിന്റെ ഡിസൈനും സുരക്ഷയും നിർണ്ണയിക്കുന്നതിൽ രണ്ട് തരത്തിലുള്ള ലോഡുകളും നിർണായകമാണ്.
