Share:
കെട്ടിടങ്ങൾക്കും സ്ട്രക്ചറിന്റെ ഭാഗങ്ങൾക്കും സ്വയം നിലനിൽക്കാനാവുന്നതു വരെ അവക്ക് പിൻബലമേകുന്ന ഒരു താൽക്കാലിക സ്ട്രക്ചർ ആണ് സെൻട്രിംഗ് വർക്ക്.
കമാനങ്ങൾ, നിലവറകൾ, താഴികക്കുടങ്ങൾ, മറ്റ് വളഞ്ഞ ആകൃതിയിലുള്ള കെട്ടിട ഭാഗങ്ങൾ എന്നിവ നിർമ്മിക്കുന്നതിന് ഇത് നിർണായകമാണ്.
ഒരു സ്ട്രക്ചറിന്റെ കൃത്യതയും സുരക്ഷിതത്വവും നിലനിർത്തുന്നതിന് സെൻ്ററിംഗ് നിർമ്മിക്കേണ്ടത് അത്യാവശ്യമാണ്.
തടി, സ്റ്റീൽ, പുനരുപയോഗിക്കാവുന്ന വസ്തുക്കൾ തുടങ്ങിയ വ്യത്യസ്ത മെറ്റീരിയലുകൾ സെന്ററിംഗ് വർക്കിംഗ് നിർമ്മാണത്തിനായി പൊതുവിൽ ഉപയോഗിക്കുന്നു.
കൺസ്ട്രക്ഷൻ പ്രക്രിയയിൽ കോൺക്രീറ്റിനെ പിന്തുണയ്ക്കാനും രൂപപ്പെടുത്തുന്നതിനും ഉപയോഗിക്കുന്ന താൽക്കാലിക ഘടനകളെയോ ചട്ടക്കൂടുകളെയോ ആണ് കൺസ്ട്രക്ഷനിലെ സെൻട്രിംഗ് എന്ന് പറയുന്നത്. വാസ്തുവിദ്യയിലെ സവിശേഷ ആകാരങ്ങളായ കമാനങ്ങൾ, താഴികക്കുടങ്ങൾ, നിലവറകൾ തുടങ്ങിയവയുടെ ആകൃതി കൺസ്ട്രക്ഷൻ മെറ്റീരിയലുകൾക്ക് സ്വയം വഹിക്കാൻ കഴിയുന്നതുവരെ നിലനിർത്തുന്നതിനാണ് സെൻട്രിംഗ് വർക്ക് ഉപയോഗിക്കുന്നത്. താൽക്കാലിക ചട്ടക്കൂടുകൾ ആയ സെൻട്രിംഗ് വർക്ക് നിർമ്മിക്കേണ്ടത്, കെട്ടിട സ്ട്രക്ച്ചറിന്റെ സുരക്ഷയും സ്ഥിരതയും ഉറപ്പാക്കുന്നതിന് അത്യന്താപേക്ഷിതമാണ്.
കൺസ്ട്രക്ഷൻ സെൻട്രിംഗ് വർക്കിന്റെ പ്രാധാന്യം ശരിയായി മനസ്സിലാക്കേണ്ടതുണ്ട്. വേണ്ട വിധത്തിലുള്ള സെൻട്രിംഗ് ഇല്ലാതെ, സ്ട്രക്ചറിന്റെ ഭാഗങ്ങൾക്ക് അവക്ക് ആവശ്യമുള്ള രൂപം നിലനിർത്താൻ കഴിയില്ല. ഇത് സ്ട്രക്ചർ നിലം പതിക്കുന്നതിലേക്കോ രൂപഭേദം സംഭവിക്കുന്നതിലേക്ക് നയിച്ചേക്കാം. ഇത് സ്ട്രക്ച്ചറിന്റെ തകരാറിനും, ചെലവ് വർദ്ധിപ്പിക്കുന്നതിനും, പ്രോജക്ടിന്റെ കാലതാമസത്തിനും കാരണമാകും. വാസ്തുവിദ്യാ ഘടകങ്ങൾ കൃത്യമായി രൂപപ്പെടുത്തിയിട്ടുണ്ടെന്നും സ്ഥിരതയുള്ളതാണെന്നും ശരിയായ സെൻട്രിംഗ് ഉറപ്പാക്കുന്നു. ഇത് പ്രോജക്റ്റിന്റെ സുരക്ഷിതവും വിജയകരവുമായ പൂർത്തീകരണത്തിന് സഹായകരമാകുന്നു.
ഓരോ പ്രോജക്റ്റിന്റെയും നിശ്ചിത ആവശ്യങ്ങൾക്ക് അനുസൃതമായി, കൺസ്ട്രക്ഷനിലെ സെൻട്രിംഗ് വർക്കുകൾക്ക് വ്യത്യസ്ത മെറ്റീരിയലുകളും സമ്പ്രദായങ്ങളും ഉപയോഗിച്ച് നിർമ്മിക്കുന്നു. പ്രാഥമിക തരങ്ങൾ ഇവയാണ് :
ടിംബർ സെൻട്രിംഗിൽ തടി കൊണ്ടുള്ള ഒരു താൽക്കാലിക ഘടന സൃഷ്ടിക്കുന്നു. ഇതിനായി തടി പലകകളും, ബീമുകളും ഉപയോഗിക്കുന്നു. എളുപ്പത്തിലുള്ള ലഭ്യത, വഴക്കം, കുറഞ്ഞ ചെലവ് എന്നിവ മൂലം ഇവ വ്യാപകമായി ഉപയോഗിക്കപ്പെടുന്നു. പലവിധത്തിലുള്ള ആകൃതികളും വലുപ്പങ്ങളും ആവശ്യമായി വരുന്ന പ്രോജക്റ്റുകൾക്ക് ടിംബർ സെൻട്രിംഗ് അനുയോജ്യമാണ്. എന്തെന്നാൽ വിവിധ ഡിസൈനുകൾക്ക് അനുയോജ്യമായ തരത്തിൽ മരത്തിനെ എളുപ്പത്തിൽ കൈകാര്യം ചെയ്യാൻ കഴിയും.
സ്റ്റീൽ സെൻട്രിംഗിൽ തടിക്ക് പകരം ലോഹത്തിന്റെ ഫ്രെയിം വർക്ക് ആണ് ഉപയോഗിക്കുക. ഇത്തരം സെൻട്രിംഗിന് കൂടുതൽ ഈടു ലഭിക്കുന്നതും ഒന്നിലധികം തവണ പുനരുപയോഗം ചെയ്യാവുന്നതുമാണ്. ഇത് വലിയ പ്രോജക്ടുകളിലോ അല്ലെങ്കിൽ ദീർഘകാല പ്രോജക്ടുകളിലോ ഉപയോഗിക്കപ്പെടുന്നു. സ്റ്റീൽ സെൻട്രിംഗ് ഉയർന്ന ഭാരം വഹിക്കാനുള്ള ശേഷി ഉള്ളതും സ്ട്രക്ചറിനെ രൂപപ്പെടുത്തുന്നതിൽ കൂടുതൽ കൃത്യത ഉറപ്പാക്കുകയും ചെയ്യുന്നു.
പുനരുപയോഗിക്കാവുന്ന സെൻട്രിംഗ് തടിയുടെയും സ്റ്റീലിന്റെയും പ്രയോജനങ്ങൾ സംയോജിപ്പിക്കുന്നു. വ്യത്യസ്ത കൺസ്ട്രക്ഷൻ പ്രോജക്ടുകളിൽ വേർപെടുത്തി എടുത്ത് വീണ്ടും ഉപയോഗിക്കാൻ പാകത്തിലാണ് ഇത് നിർമ്മിക്കുക. ചെലവ് കുറഞ്ഞതും സുസ്ഥിരവുമായ ഒരു മാർഗ്ഗമായി അതിനെ മാറ്റുന്നു. ഒരേ പോലെയുള്ള സ്ട്രക്ച്ചറിന്റെ ഭാഗങ്ങൾ ആവർത്തിച്ച് നിർമ്മിക്കേണ്ടിവരുന്ന പ്രോജക്ടുകളിൽ പുനരുപയോഗിക്കാവുന്ന സെൻട്രിംഗ് പ്രത്യേകിച്ചും പ്രയോജനകരമാണ്.
കൺസ്ട്രക്ഷനിൽ ഏർപ്പെടുന്ന ഏതൊരാൾക്കും ഫോം വർക്ക്, ഷട്ടറിംഗ്, സെൻട്രിംഗ് എന്നിവ തമ്മിലുള്ള വ്യത്യാസം അറിഞ്ഞിരിക്കേണ്ടത് വളരെ പ്രധാനമാണ്.
ഫോം വർക്ക് എന്നത് വിശാലമായ അർത്ഥത്തിൽ കോൺക്രീറ്റിന് രൂപം നൽകാൻ ഉപയോഗിക്കുന്ന എല്ലാത്തരം അച്ചുകളും ഘടനകളും ഉൾപ്പെടുന്നതാണ്.
കോൺക്രീറ്റ് ദൃഢമാകുമ്പോൾ അതിനെ നിലനിർത്താൻ പാനലുകളോ ബോർഡുകളോ ഉപയോഗിച്ച് ഒരു മോൾഡിംഗ് സൃഷ്ടിക്കുന്നതിനെയാണ് ഷട്ടറിംഗ് എന്നതുകൊണ്ട് ഉദ്ദേശിക്കുന്നത്.
കമാനങ്ങൾ, താഴികക്കുടങ്ങൾ, നിലവറകൾ തുടങ്ങിയ സങ്കീർണ്ണമായ വാസ്തുവിദ്യാ ഘടകങ്ങൾ അടങ്ങുന്ന പ്രോജക്ടുകൾക്ക്, പ്രത്യേകിച്ചും സെൻട്രിംഗ് വർക്ക് ഒരു അത്യാവശ്യ ഘടകമാണ്. താൽകാലിക പിന്തുണ നൽകി, സെൻട്രിംഗ് വർക്കുകൾ, സ്വന്തമായി കരുത്ത് ആർജ്ജിക്കുന്നത് വരെ സ്ട്രക്ച്ചറുകൾക്ക് അവയുടെ ഉദിഷ്ട രൂപം നിലനിർത്താൻ സഹായിക്കുന്നു. തടി, സ്റ്റീൽ അല്ലെങ്കിൽ പുനരുപയോഗിക്കാവുന്ന വസ്തുക്കൾ എന്നിവ ഉപയോഗിച്ച് നിർമ്മിക്കുന്ന സെൻട്രിംഗുകൾ, എല്ലാ കൺസ്ട്രക്ഷൻ പ്രോജക്ടുകളും വിജയകരമായി പൂർത്തിയാക്കുന്നതിന് നിർണായകമാണ്.
സെൻട്രിംഗ് വർക്കിനെ സ്ട്രക്ചറിനുള്ള താൽക്കാലിക പിന്തുണ എന്ന് വിളിക്കാം. കോൺക്രീറ്റ് അല്ലെങ്കിൽ കൊത്തുപണികൾക്ക് സ്വയം നിലനിൽക്കാനാവുന്നതുവരെ അവയുടെ ഉദ്ദിഷ്ട ആകൃതി രൂപപ്പെടുത്താനും നിലനിർത്താനുമാണ് ഇത് ഉപയോഗിക്കുന്നത്.
കൺസ്ട്രക്ഷൻ സമയത്ത് കമാനങ്ങൾ അല്ലെങ്കിൽ താഴികക്കുടങ്ങൾ പോലുള്ള സ്ട്രക്ച്ചറിന്റെ ഭാഗങ്ങളെ പിന്തുണയ്ക്കുകയും രൂപപ്പെടുത്തുകയും ചെയ്യുന്ന താൽക്കാലിക ഫ്രെയിം വർക്കുകൾ നിർമ്മിക്കുന്നതിനെയാണ് സെൻട്രിംഗ് പ്രക്രിയ എന്നതുകൊണ്ട് ഉദ്ദേശിക്കുന്നത്.
കൺസ്ട്രക്ഷൻ മെറ്റീരിയലുകൾ ദൃഢീകരിച്ച് സ്വന്തം നിലയിൽ അതിന്റെ രൂപം നിലനിർത്താൻ കഴിയുന്നതു വരെ വാസ്തുവിദ്യാ ഘടകങ്ങൾക്ക് സ്ഥിരതയും ആകൃതിയും നൽകുക എന്നതാണ് സെന്ററിംഗിന്റെ തത്വം.
നിർമ്മാണ പ്രക്രിയയ്ക്ക് ഇടയിൽ, സ്ട്രക്ച്ചറിന്റെ ഏതെങ്കിലും സങ്കീർണ്ണമായ ഘടകങ്ങൾക്ക് അവയുടെ ഉദ്ദിഷ്ട രൂപവും സ്ട്രക്ചറിന്റെ കരുത്തും നിലനിൽക്കുമെന്ന് ഉറപ്പുവരുത്തുന്നതിനാണ് സെൻട്രിംഗ് നടത്തുന്നത്.
