ନିର୍ମାଣରେ ସେଣ୍ଟରିଂ କାର୍ଯ୍ୟର ଭୂମିକାକୁ ବୁଝିବା ପାଇଁ ଏକ ସରଳୀକୃତ ମାର୍ଗଦର୍ଶିକା

ନିର୍ମାଣରେ ସେଣ୍ଟରିଂ ହେଉଛି ଅସ୍ଥାୟୀ ଢାଞ୍ଚା ବା ଫ୍ରେମୱାର୍କ ଯାହା ନିର୍ମାଣ ପ୍ରକ୍ରିୟା ସମୟରେ କଂକ୍ରିଟକୁ ସମର୍ଥନ ଏବଂ ଆକାର ଦେବା ପାଇଁ ବ୍ୟବହୃତ ହୁଏ । ନିର୍ମାଣ ସାମଗ୍ରୀ ନିଜକୁ ନିଜେ ସମର୍ଥନ କରିବାରେ ସକ୍ଷମ ନ ହେବା ପର୍ଯ୍ୟନ୍ତ ତୋରଣ, ଗମ୍ବୁଜ ଏବଂ ଭଲ୍ଟ ଭଳି ସ୍ଥାପତ୍ୟଗତ ଉପାଦାନଗୁଡ଼ିକର ଆକୃତି ବଜାୟ ରଖିବା ପାଇଁ ଏହି ପ୍ରକ୍ରିୟା ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହୋଇଥାଏ । ବିଲ୍ଡିଂ-କେନ୍ଦ୍ରୀତ କାର୍ଯ୍ୟ ପରିପ୍ରେକ୍ଷୀରେ, ଏହି ଅସ୍ଥାୟୀ ଫ୍ରେମୱାର୍କଗୁଡ଼ିକ ଚୂଡ଼ାନ୍ତ ଢାଞ୍ଚାର ନିରାପତ୍ତା ଏବଂ ସ୍ଥିରତା ସୁନିଶ୍ଚିତ କରିବା ପାଇଁ ଗୁରୁତ୍ୱପୂର୍ଣ୍ଣ ଅଟେ ।

ନିର୍ମାଣରେ ସେଣ୍ଟରିଂର ମହତ୍ତ୍ୱ

ନିର୍ମାଣ କାର୍ଯ୍ୟ ସମୟରେ ସେଣ୍ଟରିଂର ମହତ୍ତ୍ୱକୁ ବିଚାରକୁ ନିଆଯିବା ଜରୁରୀ ଅଟେ । ଉପଯୁକ୍ତ ସେଣ୍ଟରିଂ ବିନା ଢାଞ୍ଚାଗତ ଉପାଦାନଗୁଡ଼ିକ ସେଗୁଡ଼ିକର ବାଞ୍ଛିତ ଆକୃତିକୁ ବଜାୟ ରଖିବାରେ ସକ୍ଷମ ନ ହୋଇପାରେ ଏବଂ ପରେ ତାହା ଭୁଶୁଡ଼ିଯାଇପାରେ କିମ୍ବା ବିକୃତ ହୋଇଯାଇପାରେ । ଏହା ଢାଞ୍ଚାଗତ ବିଫଳତା, ବର୍ଦ୍ଧିତ ଖର୍ଚ୍ଚ ଏବଂ ପ୍ରକଳ୍ପରେ ବିଳମ୍ବର କାରଣ ସାଜିପାରେ । ସ୍ଥାପତ୍ୟଗତ ଉପାଦାନଗୁଡ଼ିକ ଯେପରି ନିଖୁଣ ଭାବେ ଆକୃତି ଧାରଣ କରେ ଏବଂ ସ୍ଥିର ରହେ ସେଣ୍ଟରିଂ ତାହା ସୁନିଶ୍ଚିତ କରିଥାଏ । ଏହାଦ୍ୱାରା ପ୍ରକଳ୍ପ ନିରାପକ୍ଷ ଓ ସଫଳ ଭାବେ ସମ୍ପୂର୍ଣ୍ଣ ହୋଇପାରିଥାଏ ।

ନିର୍ମାଣରେ ସେଣ୍ଟରିଂର ପ୍ରକାରଭେଦ

ପ୍ରକଳ୍ପର ନିର୍ଦ୍ଦିଷ୍ଟ ଆବଶ୍ୟକତା ଉପରେ ନିର୍ଭର କରି ନିର୍ମାଣରେ ସେଣ୍ଟରିଂ କାର୍ଯ୍ୟ ପାଇଁ ବିଭିନ୍ନ ସାମଗ୍ରୀ ଏବଂ ପଦ୍ଧତି ବ୍ୟବହାର କରାଯାଇପାରିବ । ଏହାର ପ୍ରାଥମିକ ପ୍ରକାରଭେଦ ନିମ୍ନ ଅନୁଯାୟୀ ଅଟେ:

କାଠ ସେଣ୍ଟରିଂ

Timber centring involves using wooden planks and beams to create a temporary structure. It is widely used due to its ease of availability, flexibility, and cost-effectiveness. Timber centring is ideal for projects requiring custom shapes and sizes, as wood can be easily manipulated to fit various designs.

ଷ୍ଟିଲ୍ ସେଣ୍ଟରିଂ

ଷ୍ଟିଲ୍ ସେଣ୍ଟରିଂରେ ଫ୍ରେମୱାର୍କ ପାଇଁ କାଠ ବଦଳରେ ଧାତୁ ବ୍ୟବହାର କରାଯାଏ । ଏହା ଅଧିକ ଦୀର୍ଘସ୍ଥାୟୀ ହେବା ସହ ଏହାକୁ ଏକାଧିକ ଥର ପୁନଃ ବ୍ୟବହାର କରାଯାଇପାରିବ । ତେଣୁ, ବଡ଼ ଆକାରର କିମ୍ବା ଦୀର୍ଘମିଆଦୀ ପ୍ରକଳ୍ପ ପାଇଁ ଏହା ଏକ ପସନ୍ଦଯୋଗ୍ୟ ବିକଳ୍ପ ଅଟେ । ଷ୍ଟିଲ୍ ସେଣ୍ଟରିଂ ଉଚ୍ଚତର ଭାର ବହନ କ୍ଷମତା ଯୋଗାଇବା ସହ ଢାଞ୍ଚାଗୁଡ଼ିକୁ ଆକୃତି ଦେବାରେ ଉଚ୍ଚତର ନିଖୁଣତାକୁ ସୁନିଶ୍ଚିତ କରିଥାଏ ।

ପୁନଃ ବ୍ୟବହାରଯୋଗ୍ୟ ସେଣ୍ଟରିଂ

ପୁନଃ ବ୍ୟବହାରଯୋଗ୍ୟ ସେଣ୍ଟରିଂରେ ଉଭୟ କାଠ ଓ ଷ୍ଟିଲର ଉପାଦେୟତାକୁ କାମରେ ଲଗାଯାଇଥାଏ । ଏହାର ଡିଜାଇନ୍ ଏମିତି କରାଯାଇଥାଏ ଯେ, ସେଣ୍ଟରିଂକୁ ଖୋଲାଯାଇପାରିବ ଏବଂ ଭିନ୍ନ ନିର୍ମାଣ ପ୍ରକଳ୍ପରେ ପୁଣିଥରେ ବ୍ୟବହାର କରାଯାଇପାରିବ । ତେଣୁ ଏହା ଏକ ଖର୍ଚ୍ଚ-ସାଶ୍ରୟୀ ଏବଂ ଦୀର୍ଘକାଳୀନ ବିକଳ୍ପ ହୋଇଥାଏ । ସମାନ ଧରଣର ଢାଞ୍ଚାଗତ ଉପାଦାନଗୁଡ଼ିକୁ ବାରମ୍ବାର ନିର୍ମାଣ କରାଯାଉଥିବା ପ୍ରକଳ୍ପଗୁଡ଼ିକ ପାଇଁ ପୁନଃ ବ୍ୟବହାରଯୋଗ୍ୟ ସେଣ୍ଟରିଂ ବିଶେଷ ଭାବେ ଉପାଦେୟ ହୋଇଥାଏ ।

ଫର୍ମୱାର୍କ, ଶଟରିଂ ଏବଂ ସେଣ୍ଟରିଂ ମଧ୍ୟରେ ପାର୍ଥକ୍ୟ

ନିର୍ମାଣ କାର୍ଯ୍ୟରେ ଜଡ଼ିତ ସମସ୍ତଙ୍କ ପାଇଁ ଫର୍ମୱାର୍କ, ଶଟରିଂ ଏବଂ ସେଣ୍ଟରିଂ ମଧ୍ୟରେ ପାର୍ଥକ୍ୟକୁ ବୁଝିରଖିବା ଗୁରୁତ୍ୱପୂର୍ଣ୍ଣ ଅଟେ ।

• ‘ଫର୍ମୱାର୍କ’ ଏକ ବ୍ୟାପକ ଶବ୍ଦ ଅଟେ, ଯାହା ମଧ୍ୟରେ କଂକ୍ରିଟ୍ କୁ ଆକୃତି ଦେବା ପାଇଁ ବ୍ୟବହୃତ ସବୁ ପ୍ରକାର ଛାଞ୍ଚ ବା ଢାଞ୍ଚା ଅନ୍ତର୍ଭୁକ୍ତ ହୋଇଥାଏ ।

   

• ‘ଶଟରିଂ’ ର ଅର୍ଥ ହେଉଛି କଂକ୍ରିଟ୍ କଠିନ ହେବା ପ୍ରକ୍ରିୟାରେ ତାହାକୁ ଯଥା ସ୍ଥାନରେ ଧରି ରଖିବା ପାଇଁ ପ୍ୟାନେଲ୍ କିମ୍ବା ବୋର୍ଡ ଦ୍ୱାରା ଏକ ଛାଞ୍ଚ ତିଆରି କରିବା ।

• ‘ସେଣ୍ଟରିଂ’ ଏକ ଫର୍ମୱାର୍କ ଅଟେ ଯାହାକୁ ଗମ୍ବୁଜ କିମ୍ବା ଭଲ୍ଟ ଭଳି ବକ୍ର ବା ତୋରଣ ସଦୃଶ ଆକୃତି ତିଆରି କରିବା ପାଇଁ ବ୍ୟବହାର କରାଯାଏ । ଏହି ଅସ୍ଥାୟୀ ସପୋର୍ଟ କିଓରିଂ ସମୟରେ କଂକ୍ରିଟ୍ କୁ ତାହାର ବାଞ୍ଚିତ ଆକୃତିରେ ଧି ରଖିଥାଏ ।