ସଠିକ୍ ପ୍ରକାରର ରୁଫିଙ୍ଗ୍ ଶିଟ୍ ଚୟନ କରିବା ପାଇଁ ଉପାଦେୟ ଏକ ମାର୍ଗଦର୍ଶିକା

୬ ପ୍ରକାର ରୁଫିଙ୍ଗ୍ ଶିଟ୍

ଛାତ ସାମଗ୍ରୀ ଚୟନ କରିବା ସମୟରେ, ଉପଲବ୍ଧ ହେଉଥିବା ବିଭିନ୍ନ ପ୍ରକାରକୁ ବୁଝିବା ଆପଣଙ୍କୁ ଆପଣଙ୍କ ପ୍ରକଳ୍ପ ପାଇଁ ସର୍ବୋତ୍ତମ ଶିଟ୍ ଚୟନ କରିବାରେ ସାହାଯ୍ୟ କରିପାରେ । ଏଠାରେ ଛଅଟି ସାଧାରଣ ପ୍ରକାରର ଛାତ ଚାଦର ସମ୍ପର୍କରେ ସୂଚନା ଦିଆଯାଇଛି ଏବଂ ସେଗୁଡ଼ିକର ଅନନ୍ୟ ବୈଶିଷ୍ଟ୍ୟ ଏବଂ ବ୍ୟବହାର ଉପରେ ଆଲୋକପାତ କରାଯାଇଛି ।

୧. କୋରୁଗେଟେଡ୍ ମେଟାଲ ଶିଟ୍

ତରଙ୍ଗାୟିତ ବା କୋରୁଗେଟେଡ୍ ମେଟାଲ୍ ରୁଫିଙ୍ଗ୍ ଶିଟ୍ ଅତ୍ୟନ୍ତ ସ୍ଥାୟୀ ଏବଂ ଗୁରୁତର ପାଣିପାଗ ପ୍ରତିରୋଧୀ ଅଟେ । ସେଗୁଡ଼ିକର ଆକୃତି ତରଙ୍ଗ ସଦୃଶ ହୋଇଥାଏ, ଯାହା ସେଗୁଡ଼ିକୁ ଶକ୍ତିକୁ ବୃଦ୍ଧି କରିବା ସହ ଅନେକ ଦଶନ୍ଧି ପର୍ଯ୍ୟନ୍ତ ତିଷ୍ଠି ରହିଥାଏ । ଶିଳ୍ପ ଏବଂ ଆବାସିକ କୋଠାଗୁଡିକ ପାଇଁ ଏହି ଶିଟ୍ ଗୁଡିକ ଆଦର୍ଶ ଅଟେ ଯେଉଁଥିପାଇଁ ମଜବୁତ, ଦୀର୍ଘସ୍ଥାୟୀ ଛାତ ସମାଧାନ ଆବଶ୍ୟକ ।

୨. ପଲିକାର୍ବୋନେଟ୍ ରୁଫିଙ୍ଗ୍ ଶିଟ୍

ପଲିକାର୍ବୋନେଟ୍ ରୁଫିଙ୍ଗ୍ ଶିଟ୍ ହାଲୁକା ଏବଂ ଉଚ୍ଚ ପ୍ରଭାବ ପ୍ରତିରୋଧ ପ୍ରଦାନ କରିଥାଏ । ସେଗୁଡ଼ିକ ସ୍ୱଚ୍ଛ କିମ୍ବା ପାରଦର୍ଶୀ ମଧ୍ୟ ହୋଇଥାଏ, ଯାହା ପ୍ରାକୃତିକ ଆଲୋକକୁ ଅତିକ୍ରମ କରିବାକୁ ଅନୁମତି ଦେଇଥାଏ । ଫଳରେ ସେଗୁଡ଼ିକ ଗ୍ରୀନହାଉସ୍, ଅଗଣା ଏବଂ ଉଦ୍ଭିଦ ସଂରକ୍ଷଣାଗାର ପାଇଁ ଉପଯୁକ୍ତ ହୋଇଥାଏ । ଏହି ଚାଦରଗୁଡିକ ୟୁଭି ପ୍ରତିରୋଧୀ ଏବଂ ଉତ୍ତମ ଇନ୍ସୁଲେସନ ଗୁଣ ମଧ୍ୟ ପ୍ରଦାନ କରିଥାଏ ।

୩. ପ୍ଲାଷ୍ଟିକ୍ ରୁଫିଙ୍ଗ୍ ଶିଟ୍

ପ୍ଲାଷ୍ଟିକ୍ ରୁଫିଙ୍ଗ୍ ଶିଟ୍ ଏକ ସୁଲଭ ବିକଳ୍ପ ଯାହା ନମନୀୟତା ଏବଂ ବହୁମୁଖୀ ଉପଯୋଗିତା ପ୍ରଦାନ କରେ । ସେଗୁଡ଼ିକ ନାନା ରଙ୍ଗରେ ଉପଲବ୍ଧ ହୋଇଥାଏ ଏବଂ ସ୍ଲେଟ୍ କିମ୍ବା ଟାଇଲ୍ ପରି ଅନ୍ୟ ପଦାର୍ଥର ରୂପକୁ ନକଲ କରିପାରିଥାଏ । ପ୍ଲାଷ୍ଟିକ୍ ସିଟ୍ ୱାଟରପ୍ରୁଫ୍ ଏବଂ ସ୍ଥାପନ କରିବାରେ ଯଥେଷ୍ଟ ସହଜ, ଯାହା ସେଗୁଡ଼ିକୁ ଶେଡ୍ ଏବଂ କାର୍-ପୋର୍ଟ ଭଳି ଛୋଟ ଢାଞ୍ଚା ପାଇଁ ଉପଯୁକ୍ତ କରିଥାଏ ।

୪. ଆସଫାଲ୍ଟ ବା ପିଚୁ ରୁଫିଙ୍ଗ୍ ଶିଟ୍

ଆବାସିକ ଘରଗୁଡ଼ିକର ସବୁଠାରୁ ସାଧାରଣ ଛାତ ସାମଗ୍ରୀ ମଧ୍ୟରୁ ପିଚୁ ବା ଆସଫାଲ୍ଟ ଛାତ ଚାଦର ବା ଶିଙ୍ଗଲ ଅନ୍ୟତମ । ଏଗୁଡ଼ିକ ଏକ ଫାଇବରଗ୍ଲାସ୍ ବେସ୍ ରେ ଗଠିତ ହୋଇଥାଏ, ଯେଉଁଥିରେ ଆସ୍ଫାଲ୍ଟ ଓ ମିନେରାଲ୍ ଦାନା ରହିଥାଏ । ଏହି ମିଶ୍ରଣ ପାଣିପାଗ ପ୍ରତି ଭଲ ପ୍ରତିରୋଧକ ଶକ୍ତି ପ୍ରଦାନ କରିଥାଏ ଏବଂ ବିଭିନ୍ନ ରଙ୍ଗ ଏବଂ ଶୈଳୀରେ ଉପଲବ୍ଧ ହୋଇଥାଏ ।

୫. ସ୍ଲେଟ୍ ରୁଫିଙ୍ଗ୍ ଶିଟ୍

ସ୍ଲେଟ୍ ରୁଫିଙ୍ଗ୍ ଶିଟ୍ ପ୍ରାକୃତିକ ସ୍ଲେଟ୍ ର ରୂପରଙ୍ଗକୁ ଅନୁକରଣ କରିଥାଏ କିନ୍ତୁ କମ୍ ଖର୍ଚ୍ଚ ଏବଂ ଓଜନ ସହିତ । ଏହି ଚାଦରଗୁଡିକ ସିନ୍ଥେଟିକ୍ ପଦାର୍ଥରୁ ତିଆରି କରାଯାଏ ଏବଂ ଅତିରିକ୍ତ ସ୍ଥାୟୀତ୍ୱ ଏବଂ ସ୍ଥାପନରେ ସହଜତା ସହିତ ସ୍ଲେଟ୍ ର ସୌନ୍ଦର୍ଯ୍ୟପୂର୍ଣ୍ଣ ଆକର୍ଷଣ ପ୍ରଦାନ କରିଥାଏ । ଯେଉଁମାନେ ପ୍ରକୃତ ସ୍ଲେଟ୍ ର ଉଚ୍ଚ ଖର୍ଚ୍ଚ ଏବଂ ରକ୍ଷଣାବେକ୍ଷଣ ବିନା କ୍ଲାସିକ୍ ଲୁକ୍ ଚାହୁଁଛନ୍ତି ସେମାନଙ୍କ ପାଇଁ ଏହା ଉପଯୁକ୍ତ ବିକଳ୍ପ ଅଟେ ।

୬. ବିଟୁମେନ୍ ରୁଫିଙ୍ଗ୍ ଶିଟ୍

ବିଟୁମେନ୍ ରୁଫିଙ୍ଗ୍ ଶିଟ୍ କୁ ସଂଶୋଧିତ ବିଟୁମେନ୍ ରୁ ତିଆରି କରାଯାଏ ଏବଂ ଫାଇବର ଗ୍ଲାସ୍ କିମ୍ବା ପଲିଷ୍ଟର ଭଳି ପଦାର୍ଥ ସହିତ ସୁଦୃଢ଼ କରାଯାଏ । ସେଗୁଡ଼ିକ ଦୃଢ଼, ଜଳନିରୋଧକ ଏବଂ ଅବକ୍ଷୟ ପ୍ରତିରୋଧୀ ହୋଇଥାଏ । ସେଗୁଡ଼ିକର ଉତ୍କୃଷ୍ଟ ଜଳନିରୋଧକ କ୍ଷମତା ଏବଂ ଦୀର୍ଘ ଆୟୁଷ ହେତୁ, ସେଗୁଡ଼ିକୁ ସାଧାରଣତଃ ସମତଳ କିମ୍ବା କମ୍ ଢଳାଣି ବିଶିଷ୍ଟ ଛାତରେ, ବିଶେଷକରି ବାଣିଜ୍ୟିକ ପ୍ରୟୋଗରେ ବ୍ୟବହାର କରାଯାଇଥାଏ ।

ବିଭିନ୍ନ ପ୍ରକାରର ରୁଫିଙ୍ଗ୍ ଶିଟ୍ ସାମଗ୍ରୀ ଚୟନ କରିବା ସମୟରେ କେଉଁ କାରକଗୁଡ଼ିକୁ ବିଚାରକୁ ନିଆଯିବା ଉଚିତ?

ଉପଯୁକ୍ତ ରୁଫିଙ୍ଗ୍ ଶିଟ୍ ଚୟନ କରିବାରେ ଅନେକ କାରକ ଅନ୍ତର୍ଭୁକ୍ତ ରହିଥାଏ । ଏଗୁଡ଼ିକୁ ବୁଝିବା ଆପଣଙ୍କୁ ଆପଣଙ୍କ ପ୍ରକଳ୍ପ ପାଇଁ ସର୍ବୋତ୍ତମ ସାମଗ୍ରୀ ଚୟନ କରିବାରେ ସାହାଯ୍ୟ ମିଳିଥାଏ ଏବଂ ଆପଣଙ୍କ ନିର୍ଦ୍ଦିଷ୍ଟ ଜଳବାୟୁ ଏବଂ ସୌନ୍ଦର୍ଯ୍ୟ ଆବଶ୍ୟକତା ପାଇଁ ସ୍ଥାୟୀତ୍ୱ, ଖର୍ଚ୍ଚ-ଫଳପ୍ରଦତା ଏବଂ ଉପଯୁକ୍ତତା ସୁନିଶ୍ଚିତ ହୋଇଥାଏ ।

୧. ସ୍ଥାୟିତ୍ୱ ଏବଂ ଜୀବନକାଳ

ବିଭିନ୍ନ ପ୍ରକାର ରୁଫିଙ୍ଗ୍ ଶିଟ୍ ର ଆୟୁଷ ବ୍ୟାପକ ଭାବରେ ଭିନ୍ନ ଭିନ୍ନ ହୋଇଥାଏ । ଧାତୁ ଏବଂ ପଲିକାର୍ବୋନେଟ୍ ଶିଟ୍ ସେଗୁଡ଼ିକର ସ୍ଥାୟୀତ୍ୱ ପାଇଁ ଜଣାଶୁଣା ଏବଂ ଉପଯୁକ୍ତ ରକ୍ଷଣାବେକ୍ଷଣ ସହିତ ଅନେକ ଦଶନ୍ଧି ପର୍ଯ୍ୟନ୍ତ ଚାଲିପାରେ । ଆଶାନୁରୂପ ଜୀବନକାଳ ବିଷୟରେ ବିଚାର କରନ୍ତୁ ଏବଂ ଛାତ ବଦଳାଇବାର ଆବଶ୍ୟକତା ହେବା ପୂର୍ବରୁ ଆପଣ କେତେ ଦିନ ପର୍ଯ୍ୟନ୍ତ ରହିବାକୁ ଚାହୁଁଛନ୍ତି ତାହା ବିଚାରକୁ ନିଅନ୍ତୁ ।

୨. ପାଣିପାଗ ପ୍ରତି ସହନଶୀଳତା

ଆପଣଙ୍କ ଭୌଗୋଳିକ ଅବସ୍ଥିତି ଉପରେ ନିର୍ଭର କରି ପାଣିପାଗ ପ୍ରତି ସହନଶୀଳତା ଗୁରୁତ୍ୱପୂର୍ଣ୍ଣ ହୋଇଥାଏ । ପ୍ରବଳ ବର୍ଷା, ବରଫ କିମ୍ବା ପ୍ରବଳ ପବନ ଭଳି ଭୀଷଣ ପାଣିପାଗ ପ୍ରବଣ ଅଞ୍ଚଳ ପାଇଁ, ଏହି ଉପାଦାନଗୁଡ଼ିକୁ ସହ୍ୟ କରିପାରୁଥିବା କୋରୁଗେଟେଡ୍ ଧାତୁ ପରି ପଦାର୍ଥ ଚୟନ କରିବା ଗୁରୁତ୍ୱପୂର୍ଣ୍ଣ ହୋଇଥାଏ । ପ୍ରତ୍ୟେକ ପଦାର୍ଥର ପାଣିପାଗ ପ୍ରତିରୋଧର ମୂଲ୍ୟାଙ୍କନ କରନ୍ତୁ ଯେ ଏହା ଆପଣଙ୍କ ଅଞ୍ଚଳର ପରିବେଶ ଚାପକୁ ପରିଚାଳନା କରିପାରିବ।

୩. ସ୍ଥାପନା ଏବଂ ରକ୍ଷଣାବେକ୍ଷଣ

କେତେକ ଛାତ ସାମଗ୍ରୀ ଅନ୍ୟମାନଙ୍କ ତୁଳନାରେ ଅଧିକ ଜଟିଳ ସ୍ଥାପନା ପ୍ରକ୍ରିୟା ଏବଂ ରକ୍ଷଣାବେକ୍ଷଣ ଆବଶ୍ୟକ କରେ । ଉଦାହରଣ ସ୍ୱରୂପ, ଧାତବ ଚାଦର ସ୍ଥାପନ କରିବା ପାଇଁ ଅଧିକ ସରଳ ହୋଇପାରେ କିନ୍ତୁ ତାହା ନିୟମିତ ଭାବେ କଳଙ୍କି କିମ୍ବା କ୍ଷତି ଯାଞ୍ଚ ଆବଶ୍ୟକ କରେ । ଅପରପକ୍ଷେ, ବିଟୁମେନ୍ ଶିଟ୍ ପାଇଁ ରକ୍ଷଣାବେକ୍ଷଣର ଆବଶ୍ୟକତା କମ୍ ହୋଇପାରେ କିନ୍ତୁ ତାହାକୁ ସ୍ଥାପନ କରିବା ଅଧିକ ଜଟିଳ ଅଟେ । ଛାତ ରକ୍ଷଣାବେକ୍ଷଣ କରିବା ର କ୍ଷମତା ଏବଂ ଏଥିରେ ସମ୍ପୃକ୍ତ ସଂସ୍ଥାପନା ଖର୍ଚ୍ଚ ବିଷୟରେ ବିଚାର କରନ୍ତୁ ।

୪. ଶକ୍ତି ଦକ୍ଷତା

ଶକ୍ତି ଦକ୍ଷତା ଦିନକୁ ଦିନ ଗୁରୁତ୍ୱପୂର୍ଣ୍ଣ ହେବାରେ ଲାଗିଛି । ପଲିକାର୍ବୋନେଟ୍ ଏବଂ କେତେକ ଧାତୁ ପରି ପଦାର୍ଥ ସୂର୍ଯ୍ୟକିରଣକୁ ପ୍ରତିଫଳିତ କରେ, ଉଷୁମ ପାଣିପାଗରେ କୋଠାଗୁଡ଼ିକୁ ଥଣ୍ଡା ରଖିବାରେ ସାହାଯ୍ୟ କରେ ଏବଂ ଏୟାର କଣ୍ଡିସନିଂ ଖର୍ଚ୍ଚକୁ ଯଥେଷ୍ଟ ହ୍ରାସ କରିଥାଏ । ଯଦି ଶକ୍ତି ଦକ୍ଷତା ଏକ ପ୍ରାଥମିକତା ଅଟେ, ତେବେ ଉତ୍ତମ ଇନ୍ସୁଲେସନ୍ ଗୁଣ କିମ୍ବା ପ୍ରତିଫଳନ କ୍ଷମତା ଥିବା ରୁଫିଙ୍ଗ୍ ଶିଟ୍ ଖୋଜନ୍ତୁ ।

୫. ସୌନ୍ଦର୍ଯ୍ୟ

ଆପଣଙ୍କ ଛାତର ରୂପରଙ୍ଗ ଆପଣଙ୍କ କୋଠାର ସାମଗ୍ରିକ ରୂପକୁ ପ୍ରଭାବିତ କରିପାରେ । ରୁଫିଙ୍ଗ୍ ଶିଟ୍ ଗୁଡ଼ିକ ବିଭିନ୍ନ ରଙ୍ଗ ଏବଂ ଶୈଳୀରେ ଆସିଥାଏ । କେତେକ ପାରମ୍ପରିକ ସାମଗ୍ରୀ ଯଥା ସ୍ଲେଟ୍ କିମ୍ବା ଟାଇଲ୍ ର ନକଲ କରିଥାଏ, ଯାହା ଉଭୟ ଶୈଳୀ ଏବଂ କାର୍ଯ୍ୟକାରିତା ପ୍ରଦାନ କରିଥାଏ । ଆପଣଙ୍କ ପାଇଁ କେଉଁ ସୌନ୍ଦର୍ଯ୍ୟପୂର୍ଣ୍ଣ ଗୁଣ ଗୁଡିକ ଗୁରୁତ୍ୱପୂର୍ଣ୍ଣ ଏବଂ ଛାତ ସାମଗ୍ରୀ କିପରି ଆପଣଙ୍କ କୋଠାର ଡିଜାଇନ୍ ଆବଶ୍ୟକତାକୁ ପୂରଣ କରେ ତାହା ବିଚାର କରନ୍ତୁ ।

୬. ଖର୍ଚ୍ଚ

ଖର୍ଚ୍ଚ ସର୍ବଦା ବିଚାର କରିବା ପାଇଁ ଏକ ଗୁରୁତ୍ୱପୂର୍ଣ୍ଣ କାରକ ହୋଇଥାଏ । ରୁଫିଙ୍ଗ୍ ସାମଗ୍ରୀର ମୂଲ୍ୟ ପ୍ଲାଷ୍ଟିକ୍ କିମ୍ବା ବିଟୁମେନ୍ ଶିଟ୍ ଭଳି ଶସ୍ତା ବିକଳ୍ପଠାରୁ ଆରମ୍ଭ କରି ହାଇ-ଏଣ୍ଡ ମେଟାଲ୍ ଶିଟ୍ କିମ୍ବା ସିନ୍ଥେଟିକ୍ ସ୍ଲେଟ୍ ଭଳି ଅଧିକ ଦାମୀ ବିକଳ୍ପ ପର୍ଯ୍ୟନ୍ତ ଭିନ୍ନ ହୋଇପାରେ । ସମୟକ୍ରମେ ସର୍ବୋତ୍ତମ ମୂଲ୍ୟ ପ୍ରଦାନ କରୁଥିବା ସାମଗ୍ରୀ ଖୋଜିବା ପାଇଁ ସ୍ଥାୟୀତ୍ୱ ଏବଂ ରକ୍ଷଣାବେକ୍ଷଣ ପରି ଅନ୍ୟନ୍ୟ କାରକ ସହିତ ଆପଣଙ୍କ ବଜେଟ୍ ସନ୍ତୁଳନ କରନ୍ତୁ ।