Share:
கட்டுமானத்தில் உள்ள லோட்கள் கட்டிடத்தின் கட்டமைப்பு ஒருங்கிணைப்பை தீர்மானிக்கின்றன.
பல்வேறு வகையான லோட்கள் உள்ளன, ஒவ்வொன்றும் தனித்துவமான பண்புகள் மற்றும் தாக்கங்களை கொண்டுள்ளது.
பாதுகாப்பான மற்றும் திறமையான கட்டமைப்பு வடிவத்திற்கு(ஸ்ட்ரெக்சுரல் டிசைன்) லோட்களின் வகைகளை புரிந்துக் கொள்வது மிக முக்கியமாகும்.
லோட் என்பது கட்டமைப்பு மீதான விசைகள் அல்லது அழுத்தங்கள், உருமாற்றங்கள் அல்லது முடுக்கங்களை (அக்சில்லரேசன்) ஏற்படுத்தக்கூடிய பிற செயல்கள் ஆகும். இந்த லோட்கள் சுற்றுச்சூழல் நிலைகள், பயன்பாடு அல்லது மெட்டீரியல்களின் எடை காரணமாக இருக்கலாம். திறமையான பாதுகாப்பான மற்றும் சிக்கனமான கட்டமைப்பை வடிவமைக்க இந்த லோட்களை சரியாக கண்டறிந்து கணக்கிடுவது முக்கியமாகும். கட்டிடத்தின் அமைவு (லொக்கேஷன்), நோக்கம் (பர்போஸ்) மற்றும் வடிவம் (டிசைன்) போன்ற பல்வேறு காரணிகள் இந்த லோட்களின் அளவு மற்றும் திசையை பாதிக்கின்றன.
கட்டிடத்தின் மீது சுவர்கள், ஃப்ளோர்கள், ரூஃப்கள் மற்றும் பீம்கள் போன்ற அதன் சொந்த பாகங்களின் எடையால் ஏற்படும் நிலையான விசைகள்(ஃபோர்சஸ்) டெட் லோட்கள் எனப்படும். இந்த எடைகள் காலப்போக்கில் மாறாது என்பதால் எல்லா வகையான லோட்களிலும் டெட் லோட்கள் கணிப்பதற்கு எளிதானவை. டெட் லோட்களின் துல்லியமான கணக்கீடு முக்கியமாகும். ஏனெனில் அவை குறைத்து மதிப்பிடப்பட்டால் அது தீவிர கட்டமைப்பு சிக்கல்களுக்கு வழிவகுக்கக் கூடும்.
இம்போஸ்டு லோட்கள் அல்லது இயங்கும் லோட்கள் காலப்போக்கில் மாறும் விசைகள் ஆகும். இவை மக்கள், ஃபர்னிச்சர், வாகனங்கள் மற்றும் கட்டிடத்திற்குள் இடமாறக்கூடிய பிற பொருட்கள் உள்ளிட்டவற்றின் எடை ஆகும். டெட் லோட்கள் போல் இல்லாமல் இம்போஸ்டு லோட்கள் நிலையில்லாதது மற்றும் கட்டிடம் எவ்வாறு பயன்படுத்தப்படுகிறது என்பதை பொறுத்து வேறுபடும்.
எடுத்துக்காட்டாக, வீட்டின் இயங்கும் லோடானது அலுவலக உபகரணங்கள் போன்ற கனமான பொருட்கள் மற்றும் அதிக ஆள் நடமாட்ட நெரிசல் இருக்கும் வணிக ரீதியான கட்டிடங்களிலிருந்து (கமர்ஷியல் பில்டிங்) வேறுபடும்.
காற்று லோடானது காற்று கட்டிடத்தின் மீது செயல்படுத்தும் கிடைமட்ட (ஹரிசான்டல்) விசைகள் ஆகும். உயரமான கட்டிடங்கள், பாலங்கள் மற்றும் காற்றில் பெரிய பரப்புகளை வெளிப்படுத்தும் பிற கட்டமைப்புகளுக்கு இந்த லோட்கள் குறிப்பாக முக்கியமாகும்.
காற்றின் வேகம், திசை மற்றும் கட்டிடத்தின் உயரம் மற்றும் வடிவம் ஆகியவற்றை பொறுத்து காற்று லோட்களின் தாக்கம் வேறுபடும். தீவிர தட்பவெப்பநிலைகளில் ஊசலாடுதல், அதிர்தல், அல்லது சரிதல் போன்ற சிக்கல்களை தடுக்க இன்ஜினியர்கள் காற்று லோட்களை கணக்கிட வேண்டும்.
கட்டமைப்பின் மீது பனி சேரும்போது உருவாகக் கூடிய செங்குத்து விசைகள் (வெர்ட்டிகல் ஃபோர்சஸ்) பனி லோட்கள் ஆகும். பனியின் எடை குறிப்பிடத்தக்க அளவில் இருக்கக்கூடிய பனிப்பொழிவு அதிகம் உள்ள இடங்களில் இந்த வகையான லோட் முக்கியமாகும்.
ஓவர்லோடிங் மற்றும் வலிமையான சரிவை தவிர்க்க குறிப்பாக ரூஃப்கள் அதிக பனி லோட்களை கையாளும் வகையில் வடிவமைக்கப்பட வேண்டும். ரூஃபின் ஆங்கில் (கோணம்), பனியின் வகை மற்றும் கட்டிடத்தின் அமைவு போன்ற காரணிகள் எவ்வளவு பனி லோடை கட்டுமானத்தால் கையாள முடியும் என்பதை தீர்மானிப்பதில் முக்கிய பங்காற்றுகின்றன.
நிலநடுக்கத்தின் போது தரை குலுங்குவதால் ஏற்படும் விசைகள் நிலநடுக்க லோட்கள் ஆகும். இந்த வகையான லோட் கணிக்க முடியாதது மற்றும் மிகவும் சேதாரபடுத்தக்கூடியது. நிலநடுக்கத்திற்கு உட்படும் இடங்களில் உள்ள கட்டிடங்களில் பக்கவாட்டு மற்றும் மேலும் கீழுமாய் குலுக்கல் ஏற்படுவதால் இந்த வகையான விசைகளை கையாளும் வகையில் அவை வடிவமைக்கப்பட வேண்டும்.
கட்டமைப்புகளை அதிக நிலநடுக்க எதிர்ப்புடன் உருவாக்க இன்ஜினியர்கள் சீசமிக் அலைகளிலிருந்து வரும் ஆற்றலை உறிஞ்சி நிர்வகிப்பதற்கு நெகிழ்வான மெட்டீரியல்கள், வலிமையான ஃபவுண்டேஷன்கள் மற்றும் ஷாக் அப்சோர்பர்கள் (அதிர்வு உறிஞ்சிகள்) ஆகியவற்றை பயன்படுத்த வேண்டும்.
சிறப்பு லோட்கள் என்பது டெட், இயங்கும், காற்று, பனி அல்லது நிலநடுக்கம் லோட்கள் போன்ற வழக்கமானவற்றில் பொருந்தாத விசைகள் ஆகும். இவற்றில் வெப்பநிலை மாற்றத்தால் ஏற்படும் வெப்ப லோட்கள் (தெர்மல் லோட்ஸ்), வாகனங்கள் அல்லது இயந்திரங்களில் இருந்து வரும் பாதிப்புகள் மற்றும் மண்ணிலிருந்து வரும் அழுத்தம் போன்றவற்றை உள்ளடக்க முடியும்.
சிறப்பு லோட்கள் பொதுவாக சில பிராஜெக்ட்களுக்கு குறிப்பிட்டவை மற்றும் வடிவமைக்கப்பட்ட இன்ஜினியரிங் தீர்வுகள் தேவைப்படுபவை. எடுத்துக்காட்டாக தொழில்துறை பகுதிகளுக்கு அருகே உள்ள கட்டிடங்களுக்கு அருகிலுள்ள இயந்திரங்களில் இருந்து வரும் வெடிப்பு மற்றும் அதிர்வை கணக்கிட வேண்டியிருக்கும்.
இந்த முதன்மையான லோட் வகைகளுடன் கூடுதலாக லோட்-தாங்கும் கட்டமைப்புகளை புரிந்துக் கொள்வது முக்கியமாகும். இந்த கட்டமைப்புகள் கட்டிடத்தின் எடை மற்றும் வெவ்வேறு வகையான லோட்களை எடுத்துக்கொண்டு பாதுகாப்பாக ஃபவுன்டேஷனுக்கு கடத்துகிறது.
பாதுகாப்பான, திறமையான மற்றும் நீடித்து உழைக்கும் கட்டிடங்களை வடிவமைக்க வெவ்வேறு வகையான கட்டமைப்பு லோட்களை புரிந்துக்கொள்வது மிக முக்கியமாகும். டெட் லோடிலிருந்து சிறப்பு லோட்கள் வரை ஒவ்வொன்றும் கட்டமைப்பின் வடிவமைப்பை பாதிக்கக்கூடிய தனித்துவமான பண்புகளைக் கொண்டுள்ளன. இந்த வெவ்வேறு வகையான லோட்களை சரியாக மதிப்பிடுவது மற்றும் கணக்கிடுவது கட்டிடம் அதன் ஆயுட்காலம் முழுவதும் பல்வேறு விசைகளை தாங்கி நின்று அதன் ஒருங்கிணைப்பு மற்றும் பாதுகாப்பினை பராமரிப்பதை உறுதிப்படுத்துகிறது.
கட்டுமானத்தில் கட்டமைப்பின் மீது டெட் லோட்கள், இயங்கும் லோட்கள் (இம்போஸ்டு லோட்கள்), காற்று லோட்கள், பனி லோட்கள், நிலநடுக்க லோட்கள் மற்றும் சிறப்பு லோட்கள் போன்ற வெவ்வேறு வகையான லோட்கள் உள்ளன. ஒவ்வொரு லோடும் தனித்துவமான பண்புகள் மற்றும் கட்டமைப்பின் வடிவம் மற்றும் நிலைத்தன்மை மீது பாதிப்புகளை கொண்டுள்ளன.
ஃபவுன்டேஷன் சுவர் மீது பொதுவாக டெட் லோட்கள், இயங்கும் லோட்கள், பக்கவாட்டு மண் அழுத்தம், மற்றும் சிலசமயங்களில் தண்ணீர் அழுத்தம் உள்ளிட்ட லோட்கள் செயல்படும். பவுன்டேஷனானது ஒட்டுமொத்த கட்டமைப்பை ஆதரிக்க மற்றும் வெளிப்புற அழுத்தங்களை எதிர் கொள்ள இந்த வகையான லோட்கள் கவனமாக கருத்தில் கொள்ளப்பட வேண்டும்.
ஃபூட்டிங்குகள் முதன்மையாக டெட் லோட்கள், இயங்கும் லோட்கள் மற்றும் சிலசமயங்களில் பக்கவாட்டு லோட்களை தாங்குகின்றன. இவை இந்த வகையான லோட்களை கட்டமைப்பிலிருந்து தரைக்கு இடமாற்றுவதற்கும், நிலைத்தன்மையை உறுதிப்படுத்துவதற்கும் மற்றும் செட்டில்மென்ட் அல்லது கட்டமைப்பு தோல்வியை தடுக்கவும் பொறுப்பானவை.
இம்போஸ்டு லோட்கள் என அறியப்படும் இயங்கும் லோட்களானது மக்களின் எடை, ஃபர்னிச்சர், மற்றும் கட்டிடத்திற்குள்ளேயான வாகனங்கள் போன்ற மாறக்கூடிய விசைகள் ஆகும். டெட் லோட்களானது சுவர்கள், ஃப்ளோர்கள், மற்றும் ரூஃப்கள் போன்ற கட்டமைப்பு கூறுகளின் எடை காரணமாக நிரந்தர விசைகளாகும். ஒரு கட்டமைப்பின் வடிவம் (டிசைன்) மற்றும் பாதுகாப்பை தீர்மானிக்க இரண்டு வகைகளும் மிக முக்கியமாகும்.
