M7.5 കോൺക്രീറ്റ് റേഷ്യോ എങ്ങനെ നിശ്ചയിക്കാം

കൺസ്ട്രക്ഷനിൽ വലിയ തോതിൽ ബലം ആവശ്യമില്ലാത്ത സന്ദർഭങ്ങളിൽ ഉപയോഗിക്കുന്ന ഒരു തരം ലീൻ കോൺക്രീറ്റാണ് M7.5 കോൺക്രീറ്റ് മിക്സ്. M7.5 ലെ "M" എന്നത് "മിക്സ്" എന്നതിനെയാണ് സൂചിപ്പിക്കുന്നത്, 7.5 എന്നത് 28 ദിവസത്തിനു ശേഷമുള്ള കോൺക്രീറ്റ് കൈവരിക്കുന്ന ശക്തിയെ സൂചിപ്പിക്കുന്നു. ഇത് N/mm² ൽ കണക്കാക്കുന്നു. നിലം പാകുന്നതിനും നിരപ്പാക്കുന്നതിനും, അല്ലെങ്കിൽ കോൺക്രീറ്റ് വലിയ ഭാരം വഹിക്കേണ്ട ആവശ്യമില്ലാത്ത ബേസ് ലെയറുകൾ ഉണ്ടാക്കുന്നതിനും ആണ് സാധാരണയായി ഈ റേഷ്യോ ഉപയോഗിക്കപ്പെടുന്നത്.

ലളിതമായി പറഞ്ഞാൽ, M7.5 കോൺക്രീറ്റ് റേഷ്യോ, സിമൻറ്, മണൽ, പാറക(അഗ്രഗേറ്റുകൾ) എന്നിവ എത്ര അളവിലാണ് മിശ്രിതപ്പെടുത്തേണ്ടതെന്ന് പറയുന്നു. കോൺക്രീറ്റ് വേണ്ടത്ര ശക്തവും, ശരിയായി പ്രവർത്തിക്കുമെന്ന് ഉറപ്പാക്കുന്നതിനും, ഈ മിശ്രിതം ശരിയായി തയ്യാറാക്കേണ്ടത് പ്രധാനമാണ്. വലിയ പ്രോജക്ടുകളിൽ ഉപയോഗിക്കുമ്പോൾ, മിശ്രിതം സ്ഥിരതയുള്ളതും ഉയർന്ന നിലവാരമുള്ളതുമാണെന്ന് ഉറപ്പാക്കുന്നതിന് 1 ക്യുബിക് മീറ്ററിന് വേണ്ട M7.5 കോൺക്രീറ്റ് റേഷ്യോ എത്രയെന്ന് കണക്കാക്കേണ്ടത് വളരെ പ്രധാനമാണ്.

M7.5 ഗ്രേഡ് കോൺക്രീറ്റിന്റെ അടിസ്ഥാന ഘടകങ്ങൾ എന്തെല്ലാമാണ്?

M7.5 കോൺക്രീറ്റ് മിക്സ് മൂന്ന് പ്രധാന ചേരുവകൾ ചേർന്നതാണ്: സിമന്റ്, മണൽ, അഗ്രഗേറ്റുകൾ. അവ ഓരോന്നും വഹിക്കുന്ന പങ്ക് ഇതാ :

1. സിമന്റ് എന്നത് എല്ലാറ്റിനെയും ഒരുമിച്ചു നിർത്തി കോൺക്രീറ്റിന് ശക്തി പകരുന്ന പശയാണ്.

2. മണൽ വലിയ പാറകൾക്കിടയിലുള്ള വിടവുകൾ (അഗ്രഗേറ്റുകൾ) നികത്തി കോൺക്രീറ്റിനെ മിനുസമാർന്നതും ഉപയോഗിക്കാൻ എളുപ്പമാക്കുകയും ചെയ്യുന്നു.

3. ഉടച്ച കല്ല് അല്ലെങ്കിൽ ചരൽ പോലുള്ള അഗ്രഗേറ്റുകൾ കോൺക്രീറ്റിന് അതിന്റെ അളവും ബലവും നൽകുന്നു.

സാധാരണ M7.5 മിശ്രിത അനുപാതം 1 ഭാഗം സിമന്റ്, 4 ഭാഗം മണൽ, 8 ഭാഗം അഗ്രഗേറ്റ് എന്നിവയാണ്. 1 ക്യുബിക് മീറ്ററിന് ശരിയായ മിശ്രിതം ലഭിക്കാൻ ശരിയായ തോതിൽ അളവുകൾ വർദ്ധിപ്പിക്കേണ്ടതുണ്ട്. നിങ്ങളുടെ പ്രോജക്റ്റിന്റെ ആവശ്യങ്ങൾക്ക് അനുസൃതമായ ഒരേ തരത്തിലുള്ള കോൺക്രീറ്റ് മിശ്രിതമാണ് ഉപയോഗിക്കപ്പെടുന്നത് എന്ന് ഇത് ഉറപ്പാക്കും, പ്രത്യേകിച്ച് സ്ട്രക്ച്ചറിന്റെതല്ലാത്ത ആവശ്യങ്ങളിൽ.

M7.5 കോൺക്രീറ്റിന്റെ ഉദ്ദേശ്യവും ഉപയോഗങ്ങളും

വൻതോതിൽ ബലം ആവശ്യമില്ലാത്തതും എന്നാൽ ശക്തവും സുസ്ഥിരവുമായ അടിത്തറ പ്രധാനപ്പെട്ടതുമായ ആവശ്യങ്ങൾക്ക് ഉപയോഗിക്കുന്ന ഒരു തരം ലീൻ കോൺക്രീറ്റാണ് M7.5 കോൺക്രീറ്റ്. ഇത് സാധാരണഗതിയിൽ ഉപയോഗിക്കുന്നത് താഴെപ്പറയുന്ന സന്ദർഭങ്ങളിൽ ആണ് :

1. നടപ്പാത നിർമ്മിക്കൽ, ഫ്ളോറിംഗ്
നടപ്പാതകൾക്കും ഫ്ലോറുകൾക്കും ഉറപ്പുള്ള അടിത്തട്ട് സൃഷ്ടിക്കാൻ M7.5 അനുപാതം വളരെ മികച്ചതാണ്. വൻതോതിൽ ബലം ആവശ്യമില്ലാതെ ഇവ മുകൾ തട്ടിന് പിൻബലമേകുന്നു.

2. നിരപ്പാക്കൽ
ഫൗണ്ടേഷൻ നിർമ്മിക്കുന്നതിന് മുമ്പ് നിലം നിരപ്പാക്കാൻ ഈ മിശ്രിതം നല്ലതാണ്. കൂടുതൽ കൺസ്ട്രക്ഷന് അനുയോജ്യമായ സമതലം ഉണ്ടാക്കാൻ ഇത് സഹായിക്കുന്നു.

3. സ്ട്രക്ച്ചറിന്റെ ഭാഗമല്ലാത്ത ഘടകങ്ങൾ
ചുമരുകൾ അല്ലെങ്കിൽ കനത്ത ഭാരം താങ്ങേണ്ട ആവശ്യമില്ലാത്ത മറ്റ് ഭാഗങ്ങൾ നിർമ്മിക്കാൻ M7.5 കോൺക്രീറ്റ് വളരെ അനുയോജ്യമാണ്.

4. താൽക്കാലിക ആവശ്യത്തിനുള്ള സ്ട്രക്ച്ചറുകൾ
വലിയതോതിൽ ശക്തമല്ലാത്തതിനാൽ, ദീർഘകാലം നിലനിൽക്കേണ്ട ആവശ്യമില്ലാത്ത താൽക്കാലിക സ്ട്രക്ച്ചറുകൾക്കോ ഫോം വർക്കുകൾക്കോ M7.5 അനുപാതം നല്ലതാണ്.

വലിയ പ്രൊജക്ടുകളിൽ, കോൺക്രീറ്റിന്റെ മുഴുവൻ ബാച്ചും ഒരേ ഗുണനിലവാരവും ശക്തിയും ഉള്ളതാണെന്ന് ഉറപ്പാക്കാൻ 1 ക്യുബിക് മീറ്ററിന് വേണ്ടിവരുന്ന M7.5 കോൺക്രീറ്റ് റേഷ്യോ അറിഞ്ഞിരിക്കേണ്ടത് പ്രധാനമാണ്.

M7.5 കോൺക്രീറ്റ് എത്രത്തോളം ശക്തവും, എത്ര കാലം ഈടുനിൽക്കുന്നതുമാണ്?

• അധികം ബലം വേണ്ടതില്ലാത്ത ആവശ്യങ്ങൾക്കാണ് M7.5 കോൺക്രീറ്റ് ഉപയോഗിക്കുന്നത്. ഇതിന്റെ കംപ്രസ്സീവ് ശക്തി 7.5 N/mm² ആണ്, അതായത് ബീമുകൾ അല്ലെങ്കിൽ ഭാരം - വഹിക്കുന്ന ചുമരുകൾ പോലുള്ള കരുത്തുറ്റ ഭാഗങ്ങൾ നിർമ്മിക്കുന്നതിന് ഇത് അനുയോജ്യമല്ല. എന്നാൽ ഫ്ലോറുകൾ, ലെവലിംഗ്, മറ്റ് സ്ട്രക്ച്ചറിന്റെതല്ലാത്ത ഭാഗങ്ങൾ എന്നിവ പോലെയുള്ള ആവശ്യങ്ങൾക്ക് ഇത് നന്നായി ചേരും.

   

• M7.5 കോൺക്രീറ്റ് ഈട് നിൽക്കുന്നതും, ചെറിയതോതിലുള്ള പ്രതികൂല കാലാവസ്ഥയെയും തേയ്മാനത്തെയും നേരിടാൻ പോന്നതാണ്. എന്നാൽ, വലിയ തോതിൽ പ്രതികൂല കാലാവസ്ഥയുള്ള പ്രദേശങ്ങൾക്കോ, വലിയ ഭാരം വഹിക്കേണ്ട സാഹചര്യങ്ങൾക്കോ ഇത് അനുയോജ്യമാവില്ല.

   

• M7.5 കോൺക്രീറ്റിന്റെ പരമാവധി ഗുണം ലഭിക്കുന്നതിന്, അത് ശരിയായി ക്യൂറിങ് നടത്തുകയും പരിപാലിക്കുകയും ചെയ്യേണ്ടത് പ്രധാനമാണ്. ഉദ്ദേശിക്കുന്ന തരത്തിൽ അതിന്റെ ഉപയോഗം നിലനിർത്തുന്നത് ഉറപ്പു വരുത്താൻ ഇത് സഹായിക്കുന്നു.