Share:
വലിയ തോതിൽ കരുത്ത് ആവശ്യമില്ലാത്ത ലഘു നിർമ്മാണ പ്രോജക്ടുകളിലാണ് M10 കോൺക്രീറ്റ് ഉപയോഗിക്കുന്നത്.
സാധാരണയായി M10 കോൺക്രീറ്റ് മിക്സ് റേഷ്യോ എന്നാൽ ഒരു ഭാഗം സിമന്റ്, മൂന്ന് ഭാഗം മണൽ, ആറ് ഭാഗം അഗ്രഗേറ്റ് എന്ന അളവിലാണ്.
കോൺക്രീറ്റിന്റെ ഈടും ശക്തിയും ഉറപ്പു വരുത്താൻ ശരിയായ അനുപാതവും മിക്സിംഗ് പ്രക്രിയയും മനസ്സിലാക്കേണ്ടതുണ്ട്.
താരതമ്യേന കുറഞ്ഞ കരുത്ത് ആവശ്യമുള്ള പ്രോജക്ടുകൾക്കാണ് M10 കോൺക്രീറ്റ് ഉപയോഗിക്കുന്നത്. 28 ദിവസത്തെ ക്യൂറിംഗിന് ശേഷം അതിന്റെ കംപ്രസ്സീവ് ശക്തി 10 MPa (മെഗാപാസ്കൽസ്) ആയിരിക്കും. ഇത് മറ്റ് കോൺക്രീറ്റ് ഗ്രേഡുകളുമായി താരതമ്യപ്പെടുത്തുമ്പോൾ കുറവാണ്. ലോഡ് വഹിക്കുന്നത് പ്രാഥമിക ആവശ്യമായി വരാത്ത പാതകൾ, തറ, കോൺക്രീറ്റ് ബ്ലോക്കുകൾ തുടങ്ങി സ്ട്രക്ചറിന്റേതല്ലാത്ത ഭാഗങ്ങൾക്കാണ് M10 റേഷ്യോ കോൺക്രീറ്റ് സാധാരണ ഉപയോഗിച്ചുവരുന്നത്.
M10 കോൺക്രീറ്റിന്റെ ഘടകങ്ങൾ ഇവയാണ് :
1. സിമന്റ്: മിക്‌സിനെ ഒന്നിച്ചുനിർത്തുന്ന ബൈൻഡറായി പ്രവർത്തിക്കുന്നു.
2. മണൽ: കോൺക്രീറ്റിന്റെ മൊത്തത്തിലുള്ള അളവ് വർദ്ധിപ്പിച്ച് പ്രവർത്തനക്ഷമത മെച്ചപ്പെടുത്തുകയും ചെയ്യുന്നു.
3. പരുക്കൻ അഗ്രഗേറ്റുകൾ: ചരൽ അല്ലെങ്കിൽ ഉടച്ച കല്ല് മിശ്രിതത്തിന് ശക്തിയും സ്ഥിരതയും നൽകുന്നു.
4. വെള്ളം: ഹൈഡ്രേഷൻ സംഭവിക്കുന്നതിനും കോൺക്രീറ്റിനെ ദൃഢീകരിക്കുന്ന രാസപ്രവർത്തനം സാധ്യമാക്കുന്നതിനും അത്യാവശ്യമാണ്.
സ്റ്റാൻഡേർഡ് M10 കോൺക്രീറ്റ് അനുപാതം 1:3:6 ആണ്, അതായത് ഒരു ഭാഗം സിമന്റ്, മൂന്ന് ഭാഗം മണൽ, ആറ് ഭാഗം അഗ്രഗേറ്റ്. നിർദിഷ്ട ഉപയോഗങ്ങൾക്ക് ഈ അനുപാതം സന്തുലിതവും പ്രവർത്തനക്ഷമവുമായ മിശ്രിതം ഉറപ്പാക്കുന്നു.
M10 റേഷ്യോ കോൺക്രീറ്റിനെ അനുപാതപെടുത്താൻ, താഴെപ്പറയുന്ന ഘട്ടങ്ങളിലൂടെ ചെയ്യാവുന്നതാണ് :
1. മെറ്റീരിയലുകളുടെ അളവ് കണക്കാക്കുക : ഓരോ ബാഗ് സിമന്റിനും മൂന്ന് ഭാഗം മണലും ആറ് ഭാഗം അഗ്രഗേറ്റും ഉപയോഗിക്കുക.
2. വരണ്ടിരിക്കുന്ന ഘടകങ്ങൾ മിശ്രിതമാക്കുക: സിമന്റും മണലും, അഗ്രഗേറ്റും ഒരു ഏകതാന നിറം ലഭിക്കുന്നതുവരെ നന്നായി കൂട്ടിച്ചേർക്കുക.
3. വരണ്ടിരിക്കുന്ന മിശ്രിതത്തിലേക്ക് വെള്ളം ചേർക്കുക, സാധാരണയായി സിമന്റിന്റെ ഭാരത്തിന്റെ ഏകദേശം 50% വെള്ളമാണ് വേണ്ടിവരിക. കോൺക്രീറ്റിന്റെ സ്ഥിരതയുള്ള മിശ്രിതം ആകുന്നത് വരെ ഇളക്കുക.
4. മിശ്രിതത്തിന്റെ സ്ഥിരത പരിശോധിക്കുക: മിശ്രിതം ഉപയോഗിക്കാൻ എളുപ്പമായിരിക്കണം, പക്ഷേ അധികം നനവുള്ളതായിരിക്കരുത്. ഒതുക്കി എടുക്കുമ്പോൾ അതിന്റെ ആകൃതി നിലനിൽക്കണം.
M10 കോൺക്രീറ്റിന് ശരിയായ ശക്തിയും ഈടും കൈവരിക്കുന്നതിന് ശരിയായ അനുപാതവും, നല്ല രീതിയിൽ മിശ്രിതപ്പെടുത്തുന്നതും ഉറപ്പു വരുത്തേണ്ടത് വളരെ പ്രധാനമാണ്.
M10 ഗ്രേഡ് കോൺക്രീറ്റ് സാധാരണയായി ഉപയോഗിക്കുന്നത് താഴെപ്പറയുന്ന ആവശ്യങ്ങൾക്കാണ്:
സബ്‌ഫ്ലോറിംഗ്: ഫ്ലോറിംഗ് മെറ്റീരിയലുകൾക്ക് കരുത്താർന്ന അടിത്തറ നൽകുന്നു.
നടപ്പാതകൾ: കനത്ത ഭാരം വഹിക്കേണ്ടാത്ത പാതകൾക്കും നടുമുറ്റത്തിനും അനുയോജ്യമാണ്.
ഫില്ലിംഗും ലെവലിംഗും: ഇത് ഒരു ഫിൽ മെറ്റീരിയലായി ഉപയോഗിക്കുന്നു. കൂടുതൽ ശക്തമായ കോൺക്രീറ്റിന്റെ ഉപയോഗത്തിന് മുമ്പ് ഉപരിതലങ്ങൾ നിരപ്പാക്കുന്നതിന് വേണ്ടി ഉപയോഗിക്കുന്നു.
ഭാരം വഹിക്കേണ്ടാത്ത ഭിത്തികൾ: സ്ട്രക്ചറിന്റെ ഭാരം കാര്യമായി വഹിക്കേണ്ട ആവശ്യം വരാത്ത ഭിത്തികൾ നിർമ്മിക്കാൻ അനുയോജ്യം.
M10 കോൺക്രീറ്റിന്റെ ബഹുമുഖമായ ഉപയോഗ സാധ്യത, അതിനെ കൺസ്ട്രക്ഷൻ പ്രോജക്ടുകളിൽ വലിയ പ്രചാരം നേടിയിട്ടുള്ള ഒന്നാക്കി മാറ്റിയിട്ടുണ്ട്.
കാര്യക്ഷമമായ ഗുണഫലങ്ങൾ നേടുന്നതിന് M10 കോൺക്രീറ്റിന്റെ അനുപാതവും അതിന്റെ ശരിയായ ഉപയോഗവും അറിഞ്ഞിരിക്കേണ്ടത് അത്യാവശ്യമാണ്. 1: 3: 6 എന്ന സ്റ്റാൻഡേർഡ് മിക്സിൽ ഉള്ള M10 റേഷ്യോ കോൺക്രീറ്റ് ചെറുകിട പ്രോജക്റ്റുകൾക്ക് അനുയോജ്യമായിരിക്കും. ശരിയായി മിശ്രിതപ്പെടുത്തുകയും, അനുപാതപ്പെടുത്തുകയും ചെയ്യുക വഴി നിങ്ങളുടെ കോൺക്രീറ്റിന് അതിന്റെ ഉദ്ദിഷ്ട ഉപയോഗങ്ങളിൽ ഫലപ്രദമാവാനും ഈട് ലഭിക്കുന്നതിനും സഹായകരമാകും.
M10 കോൺക്രീറ്റ് തയ്യാറാക്കുമ്പോൾ, ഒരു ക്യൂബിക് മീറ്റർ കോൺക്രീറ്റിന് ഏകദേശം എട്ട് ബാഗ് സിമന്റ് ആവശ്യമായി വരും.
ഉദ്ദിഷ്ട പ്രവർത്തനക്ഷമതയെ അടിസ്ഥാനപ്പെടുത്തി, സാധാരണഗതിയിൽ ഒരു ക്യൂബിക് മീറ്റർ കോൺക്രീറ്റിന് 160 മുതൽ 180 ലിറ്റർ വരെ അളവിലുള്ള വെള്ളം ആവശ്യം വരും.
സ്റ്റാൻഡേർഡ് M10 കോൺക്രീറ്റ് മിക്സ് അനുപാതം എന്നത് 1:3:6 ആണ്, അതായത് 1 ഭാഗം സിമന്റ്, മൂന്ന് ഭാഗം മണൽ, 6 ഭാഗം അഗ്രഗേറ്റ്.
M10 കോൺക്രീറ്റ്, ഏഴ് ദിവസത്തിനുള്ളിൽ കൈവരിക്കുന്ന കംപ്രസ്സീവ് ശക്തി ഏകദേശം 7 MPa ആണ്, 28 ദിവസത്തിനുള്ളിൽ അതിന്റെ പൂർണ്ണ ശക്തിയായ 10 MPa-ൽ എത്തിച്ചേരും.
