Share:
സാധാരണ ഗതിയിൽ വേണ്ടത്ര ശക്തിയും പ്രവർത്തനക്ഷമതയും ലഭിക്കുന്നതിന് 1:1:2 എന്ന കോൺക്രീറ്റ് M30 റേഷ്യോ മിക്സ് ഫോർമുലയാണ് ഉപയോഗിച്ച് വരുന്നത്. ( അതായത് 1 ഭാഗം സിമന്റ്, 1 ഭാഗം മണൽ, 2 ഭാഗം അഗ്രഗേറ്റ്)
കോൺക്രീറ്റ് ഉറച്ചു കഴിയുമ്പോൾ, അതിനാകമാനം ഒരേ തരത്തിലുള്ള ശക്തിയും, വലിയ ഈടും ലഭിക്കുന്നതിന് സിമൻറ്, മണൽ, അഗ്രഗേറ്റുകൾ എന്നിവ ശരിയായ അളവിൽ മിശ്രിതപ്പെടുത്തേണ്ടത് വളരെ പ്രധാനമാണ്.
കോൺക്രീറ്റിന്റെ കരുത്തിൽ വിട്ടുവീഴ്ച വരുത്താതെ ആവശ്യമുള്ള സ്ഥിരത കൈവരിക്കുന്നതിന് M30 മിക്സിന് ഏകദേശം 0.45 മുതൽ 0.50 വരെയുള്ള ജല-സിമൻ്റ് അനുപാതം ആവശ്യമായി വരുന്നു.
ഉപയോഗിക്കുന്ന സിമൻറ്, മണൽ, അഗ്രഗേറ്റ് എന്നിവയുടെ ഗുണനിലവാരത്തെ ആശ്രയിച്ച് ആയിരിക്കും നിങ്ങളുടെ കോൺക്രീറ്റിന്റെ ശക്തിയും ഈടും.
M30 കോൺക്രീറ്റ് മിക്സ് റേഷ്യോ പട്ടിക:
മെറ്റീരിയൽ |
ഭാഗങ്ങളുടെ അളവ് |
സിമൻറ് |
1 |
മണൽ |
1.5 |
നാടൻ അഗ്രഗേറ്റുകൾ |
3 |
ആദ്യം തന്നെ, നിങ്ങളുടെ നിർദ്ദിഷ്ട കൺസ്ട്രക്ഷന് വേണ്ടി വരുന്ന ടാർഗറ്റ് സ്ട്രെങ്ത് കണക്കാക്കണം. സാധാരണയായി, M30 കോൺക്രീറ്റ് കൊണ്ട് ഈ ലക്ഷ്യം 30 MPa (മെഗാപാസ്കലുകൾ) ടാർഗറ്റ് സ്ട്രെങ്ത് നേടാനാണ് സജ്ജീകരിക്കുക. ഈ ശക്തി സ്ട്രക്ചറിന്റെ ഈടും ലോഡ് വഹിക്കാനുള്ള ശേഷിയും ഉറപ്പാക്കുന്നു. ഉചിതമായ M30 റേഷ്യോ ലഭിക്കുന്നതിന് ഈ ആദ്യപടി ശരിയായ വിധം ചെയ്യേണ്ടത് നിർണായകമാണ്.
നിങ്ങളുടെ കോൺക്രീറ്റ് മിശ്രജത്തിൽ ശരിയായ ജല-സിമൻറ് അനുപാതം പാലിക്കേണ്ടത് അത്യാവശ്യമാണ്. ഈ അനുപാതം കോൺക്രീറ്റിന്റെ ശക്തി, പ്രവർത്തനക്ഷമത, ഈട് എന്നിവയെ സ്വാധീനിക്കും. കോൺക്രീറ്റ് M30 ൽ സാധാരണ ഉപയോഗിക്കുന്ന ജല-സിമൻറ് അനുപാതം 0.40 മുതൽ 0.50 വരെയാണ്. ഒടുക്കം ലഭിക്കുന്ന കോൺക്രീറ്റിന് ശരിയായ സ്ഥിരതയും ഉറപ്പും നേടാൻ ഈ സമുതലനാവസ്ഥ സഹായിക്കുന്നു.
ജല-സിമൻ്റ് അനുപാതവും സിമൻ്റിന്റെ ഭാരവും ആണ് എത്ര കണ്ട് വെള്ളം ആവശ്യമായി വരുന്നു എന്നതിനെ തീരുമാനിക്കുന്നത്. M30 കോൺക്രീറ്റിൽ ഉപയോഗിക്കുന്ന ജല-സിമൻ്റ് അനുപാതം 0.45ും 400 കിലോഗ്രാം സിമന്റും ആണെങ്കിൽ, ആവശ്യമായി വരുന്ന വെള്ളം 0.45 × 400 = 180 ലിറ്റർ ആയിരിക്കും. വേണ്ടത്ര സ്ഥിരത കൈവരിക്കുന്നതിനും, m30 മിക്സ് അനുപാതം പാലിക്കുന്നതിനും വെള്ളത്തിന്റെ കൃത്യമായ അളവ് പാലിക്കേണ്ടത് അത്യന്താപേക്ഷിതമാണ്.
മിശ്രിതത്തിന്റെ ആകെ ഭാരവും, വേണ്ടി വരുന്ന ശക്തിയും അടിസ്ഥാനമാക്കിയാണ് ആവശ്യം വരുന്ന സിമന്റിന്റെ അളവ് കണക്കാക്കുന്നത്. ജല-സിമൻറ് അനുപാതത്തെയും പാരിസ്ഥിതിക സാഹചര്യങ്ങളെയും അടിസ്ഥാനമാക്കി നിങ്ങൾക്ക് സിമന്റിന്റെ അളവ് ക്രമീകരിക്കേണ്ടിവരും. m30 സിമൻറ് റേഷ്യോവിന്റെ പ്രാഥമിക സജ്ജീകരണത്തിന് ഈ ഘട്ടം നിർണായകമാണ്.
m30 കോൺക്രീറ്റ് മിക്സ് റേഷ്യോ പാലിക്കാൻ ആവശ്യമായ നിശ്ചിത അനുപാതത്തിന് അനുസരിച്ച് ചേർക്കുന്നതിനാണ് അഗ്രഗേറ്റുകൾ (മണലും ചരലും) അളക്കുന്നത്. സാധാരണയായി അനുപാതം 1:1.5:3 എന്ന ക്രമമാണ് പിന്തുടരുന്നത് - അതായത് 1 ഭാഗം സിമന്റ്, 1.5 ഭാഗം മണൽ, 3 ഭാഗം ചരൽ. ഈ അനുപാതം മിശ്രിതം മതിയായ സ്ട്രക്ചറും അളവും നൽകുമെന്ന് ഉറപ്പാക്കുന്നു. ഇത് കോൺക്രീറ്റിന്റെ കംപ്രസ്സീവ് ശക്തിയും ഈടും വർദ്ധിപ്പിക്കും.
ഏറ്റവും ഒടുവിൽ, കോൺക്രീറ്റ് m30 അനുപാതം പരിശോധിക്കാൻ ട്രയൽ മിക്സുകൾ നടത്തും. അന്തിമമായി നടത്തുന്ന മിക്സിംഗിന് മുമ്പ് വെള്ളം, സിമൻറ് അല്ലെങ്കിൽ അഗ്രഗേറ്റുകളിൽ ആവശ്യമായ ക്രമീകരണങ്ങൾ എന്നിവ എന്തെങ്കിലും നടത്തേണ്ടതുണ്ടെങ്കിൽ, അത് തിരിച്ചറിയാൻ ട്രയൽ മിക്സിംഗ് സഹായിക്കും. ഫലപ്രദമായ ട്രയൽ മിക്സിംഗ് നടത്തുന്നതു കൊണ്ട് സമയവും വിഭവങ്ങളും ലാഭിക്കാൻ ആവും. മിക്സ് ആവശ്യമായ സ്പെസിഫിക്കേഷനുകൾ പാലിക്കുന്നുണ്ടോ എന്ന് ഉറപ്പാക്കാനും പറ്റും. കോൺക്രീറ്റ് മിക്സിംഗ് സംബന്ധിച്ച കൂടുതൽ വിശദാംശങ്ങൾക്കും, പ്രായോഗികമായ കൂടുതൽ വിവരങ്ങൾക്കും ലിങ്ക് ക്ലിക്ക് ചെയ്യുക.
ഫൗണ്ടേഷനുകൾ നിർമ്മിക്കാൻ M30 ഗ്രേഡ് കോൺക്രീറ്റ് വളരെ അനുയോജ്യമാണ്. ഇത് നൽകുന്ന 30 MPa കരുത്ത് ഗണ്യമായ ലോഡ് വഹിക്കാൻ കഴിയുമെന്ന് ഉറപ്പാക്കുന്നു. ഇത് റെസിഡൻഷ്യൽ കെട്ടിടങ്ങൾ, ബഹുനില കെട്ടിടങ്ങൾ, ശക്തമായ ഫൗണ്ടേഷൻ ആവശ്യമുള്ള മറ്റ് സ്ട്രക്ച്ചറുകൾ എന്നിവയ്ക്ക് അനുയോജ്യമാണ്. പാരിസ്ഥിതിക സമ്മർദ്ദങ്ങളെയും നിലത്തിന്റെ ചലനത്തെയും നേരിടാൻ പര്യാപ്തമായ ഈട് ഈ കോൺക്രീറ്റ് മിക്സിന് നൽകാൻ കഴിയും.
M30 കോൺക്രീറ്റിന്റെ കരുത്താർന്ന പ്രകൃതം കാരണം സ്ലാബുകൾ നിർമ്മിക്കുന്നതിന് അത് വളരെയധികം ശുപാർശ ചെയ്യപ്പെടുന്നുണ്ട്. ഉയർന്ന ഭാരം വഹിക്കാനുള്ള ശേഷി ആവശ്യമുള്ള ഫ്ലോറിംഗിനും റൂഫിംഗ് സ്ലാബുകൾക്കും ഇത് അനുയോജ്യമാണ്. ആധുനിക കൺസ്ട്രക്ഷനിൽ അത്യാവശ്യമായി വരുന്ന ഫ്ലാറ്റ് സ്ലാബുകളും റിബഡ് സ്ലാബുകളും ഉൾപ്പെടെ M30 കോൺക്രീറ്റിന്റെ കരുത്ത് പ്രയോജനപ്പെടുത്താൻ കഴിയുന്ന വ്യത്യസ്ത തരം സ്ലാബുകളെ പറ്റി കൂടുതൽ അറിയുക.
സ്ലാബുകളിൽ നിന്ന് തൂണുകളിലേക്കും ഫൗണ്ടേഷനുകളിലേക്കുമുള്ള ഭാരം വഹിക്കുന്ന നിർണായക ഘടകമാണ് സ്ട്രക്ചറിലെ ബീമുകൾ. ബീമുകൾക്ക് M30 ഗ്രേഡ് കോൺക്രീറ്റ് ഉപയോഗിക്കുമ്പോൾ, സ്ട്രക്ച്ചറിന്റെ ഉറപ്പ് നിലനിർത്തി ഈ ലോഡുകളെ കൈകാര്യം ചെയ്യുന്നതിന് ആവശ്യമായ ശക്തിയും കാഠിന്യവും ഉണ്ടെന്ന് ഉറപ്പുവരുത്തുന്നു. M30 മിക്സ് റേഷ്യോ ബീമുകളുടെ ഈടും ദീർഘായുസ്സും വർദ്ധിപ്പിക്കുന്ന ഒരു സന്തുലിത ഘടന നൽകുന്നു.
ബീമുകൾ പോലെ തന്നെ കോളങ്ങളും M30 ഗ്രേഡ് കോൺക്രീറ്റിനെഗണ്യമായി പ്രയോജനപ്പെടുത്തുന്ന ഒന്നാണ്. അവ കെട്ടിടത്തിൽ ലംബമായി പ്രവർത്തിക്കുന്ന ലോഡുകളെ വഹിക്കുകയും, സ്ട്രക്ച്ചറിന്റെ സ്ഥിരത നിലനിർത്തുന്നതിൽ നിർണായക പങ്ക് വഹിക്കുകയും ചെയ്യുന്നു. കംപ്രഷൻ ലോഡുകളെ കാര്യക്ഷമമായി കൈകാര്യം ചെയ്യുകയും പാരിസ്ഥിതിക ഘടകങ്ങളെ പ്രതിരോധിക്കുന്നതുമായ കോളങ്ങൾ രൂപകൽപ്പന ചെയ്യുമ്പോൾ M30 കോൺക്രീറ്റിന്റെ കരുത്ത് സഹായകരമായി വരുന്നു. ഇത് കൺസ്ട്രക്ഷൻറെ സുരക്ഷയും സ്ഥിരതയും ഉറപ്പാക്കുന്നു.
നിരവധി ഘടകങ്ങൾ M30 അനുപാത കോൺക്രീറ്റിന്റെ ഗുണനിലവാരത്തെയും സവിശേഷതകളെയും സ്വാധീനിക്കുന്നുണ്ട്. ഇവയെ പറ്റി മനസ്സിലാക്കുന്നത് മിക്സ് ഉദ്ദേശിച്ച ശക്തിയും ഈടുതലും നേടുന്നുണ്ടെന്ന് ഉറപ്പുവരുത്താൻ സഹായിക്കും:
കോൺക്രീറ്റിന്റെ ശക്തിയും പ്രവർത്തനക്ഷമതയും നിർണ്ണയിക്കുന്നതിൽ ജല-സിമൻ്റ് അനുപാതം നിർണായകമാണ്. അമിതമായ വെള്ളം കോൺക്രീറ്റിനെ ദുർബലമാക്കും, അതേസമയം വെള്ളം കുറഞ്ഞു പോയാൽ അതിനെ പ്രവർത്തനരഹിതമാക്കും. ശരിയായ തുലനം നേടാൻ 0.40 നും 0.50 നും ഇടയിൽ M30 കോൺക്രീറ്റിനുള്ള ജല-സിമൻ്റ് അനുപാതം പാലിക്കാനാണ് നിർദ്ദേശിക്കുന്നത്.
സിമൻറ്, മണൽ, അഗ്രഗേറ്റുകൾ എന്നിവയുടെ ഗുണനിലവാരം അന്തിമമായി ലഭിക്കുന്ന കോൺക്രീറ്റിന്റെ ശക്തിയെയും ഈടുതലിനെയും നേരിട്ട് സ്വാധീനിക്കുന്നവയാണ്. ഉയർന്ന നിലവാരമുള്ള വസ്തുക്കൾ സ്ഥായിയായതും വിശ്വസനീയവുമായ M30 മിക്സ് അനുപാതം നേടാൻ സഹായിക്കുകയും, പ്രതീക്ഷിക്കുന്നതനുസരിച്ച് കോൺക്രീറ്റ് പ്രവർത്തനക്ഷമമാണെന്ന് ഉറപ്പാക്കുകയും ചെയ്യുന്നു.
ഓരോ ഘടകങ്ങളും തുല്യമായി വിതരണം ചെയ്യപ്പെടുന്നതിന് കോൺക്രീറ്റ് ചേരുവകൾ ശരിയാംവിധം മിക്സ് ചെയ്യേണ്ടത് അത്യാവശ്യമാണ്. മോശം മിക്സിംഗ് കോൺക്രീറ്റിലെ ദുർബലമായ സ്ഥലങ്ങൾക്ക് കാരണമാകുന്നു. ഇത് M30 കോൺക്രീറ്റിന്റെ മൊത്തത്തിലുള്ള ശക്തിയെയും ഈടിനെയും പ്രതികൂലമായി ബാധിക്കും.
കോൺക്രീറ്റിന്റെ ശക്തി വികാസത്തിന്റെ പ്രാരംഭ ഘട്ടത്തിൽ ആവശ്യത്തിന് ഈർപ്പവും താപനിലയും നിലനിർത്തുന്ന പ്രക്രിയയാണ് ക്യൂറിംഗ്. ഫലപ്രദമായ ക്യൂറിംഗ് M30 കോൺക്രീറ്റിന് അതിന്റെ പരമാവധി ശക്തിയും ഈടും കൈവരിക്കാൻ സഹായിക്കും. അപര്യാപ്തമായ ക്യൂറിംഗ് കോൺക്രീറ്റിനെ ദുർബലമാക്കുകയും അതിന്റെ ഈട് കുറക്കുകയും ചെയ്യും.
കോൺക്രീറ്റ് സെറ്റ് ആകുന്നതിലും ക്യൂറിംഗിലും താപനില, ഈർപ്പം തുടങ്ങിയ പാരിസ്ഥിതിക ഘടകങ്ങൾ ഒരു പ്രധാന പങ്ക് വഹിക്കുന്നുണ്ട്. പ്രതികൂല താപനിലകൾ സെറ്റ് ആകുന്നത് ത്വരിതപ്പെടുത്തുകയോ മന്ദഗതിയിലാക്കുകയോ ചെയ്യും. ഇത് M30 കോൺക്രീറ്റിന്റെ ശക്തി വികാസത്തെ ബാധിക്കും.
അഡിറ്റീവുകളുടെ ഉപയോഗം കോൺക്രീറ്റിന്റെ പ്രവർത്തനക്ഷമത വർദ്ധിപ്പിക്കുകയോ, സെറ്റ് ആകുന്നത് ത്വരിതപ്പെടുത്തുകയോ പോലെയുള്ള നേട്ടങ്ങൾ കൊണ്ടുവരും. M30 കോൺക്രീറ്റിന്റെ പ്രകടനം വർദ്ധിപ്പിക്കുന്നതിന് ഈ അഡിറ്റീവുകളുടെ ശരിയായ തെരഞ്ഞെടുപ്പും അളവും പ്രധാനമാണ്.
ചുരുക്കത്തിൽ, M30 കോൺക്രീറ്റ് മിക്സ് റേഷ്യോ എങ്ങനെ കണക്കാക്കാമെന്നും അതെങ്ങനെ തയ്യാറാക്കാമെന്നും മനസ്സിലാക്കുന്നത്, സ്ട്രക്ചറിന്റെ വിവിധ ഭാഗങ്ങൾക്ക് ശക്തവും ഈട് നിൽക്കുന്നതിന് അനുയോജ്യമായ കോൺക്രീറ്റ് ലഭിക്കുന്നതിന് നിർണായകമാണ്. ജല-സിമൻറ് അനുപാതം, മെറ്റീരിയലിന്റെ ഗുണനിലവാരം, മിക്സിംഗ് രീതികൾ, ക്യൂറിംഗ് സാഹചര്യങ്ങൾ, പാരിസ്ഥിതിക ഘടകങ്ങൾ , കെമിക്കൽ അഡിറ്റീവുകൾ തുടങ്ങിയവയെ പരിഗണിക്കുന്നതിലൂടെ, നിങ്ങളുടെ M30 കോൺക്രീറ്റ് മിക്സ് ആവശ്യമായ സ്പെസിഫിക്കേഷനുകൾ പാലിക്കുന്നുണ്ടെന്ന് നിങ്ങൾക്ക് ഉറപ്പാക്കാൻ കഴിയും. M30 റേഷ്യോ കോൺക്രീറ്റ് തയ്യാറാക്കുന്നതിനെപ്പറ്റിയും പ്രയോഗിക്കുന്നതിനെപ്പറ്റിയും വ്യക്തവും ലളിതവുമായ ഒരു ധാരണ സൃഷ്ടിക്കാൻ ഈ ഗൈഡിന് കഴിഞ്ഞിട്ടുണ്ടാവും. ഇത് കൺസ്ട്രക്ഷൻ മേഖലയിലെ പുതുമുഖങ്ങൾക്ക് പോലും ലഭ്യമാകുന്ന തരത്തിൽ സജ്ജമാക്കിയിട്ടുള്ളതാണ്.
