Share:
M30 வகை கான்கிரீட் கலவை விகிதம் பொதுவாக 1:1:2 (1 பங்கு சிமெண்ட், 1 பங்கு மணல், 2 பங்குகள் கூட்டுப்பொருட்கள் ) என்கிற விதிமுறைப்படி அமைந்துள்ளது, இது தேவையான வலிமையையும், வேலைத்திறனை உறுதி செய்கிறது.
சிமெண்ட், மணல் மற்றும் கூட்டுப்பொருட்களை சரியான அளவில் மற்றும் முறையாக கலப்பது மிகவும் முக்கியம், ஏனெனில் இது கான்கிரீட் உறைந்த பின்பு சீரான வலிமையும் நீடித்து உழைக்கும் தன்மையையும் உறுதிப்படுத்துகிறது.
M30 கலவைக்கான நீர்-சிமெண்ட் விகிதம் சுமார் 0.45 முதல் 0.50 வரை இருக்க வேண்டும். இந்த கலவையானது கான்கிரீட்டின் வலிமையை குறைக்காமல், தேவையான பதத்தினை (கன்சிஸ்டென்ஸி) பெற உதவுகிறது.
உங்கள் கான்கிரீட்டின் வலிமையும், நீடித்து உழைக்கும் தன்மையையும் நிர்ணயிப்பது, அதில் பயன்படுத்தப்படும் சிமெண்ட், மணல் மற்றும் கூட்டுப்பொருட்களின் தரத்தைப் பொறுத்தே ஆகும்.
M30 கான்கிரீட் கலவை விகித அட்டவணை:
பொருட்கள் |
பங்குகளாக அளவுகள் |
சிமெண்ட் |
1 |
மணல் |
1.5 |
கூட்டுப்பொருட்கள் |
3 |
முதலில் உங்கள் கட்டுமானத்திற்கு தேவையான வலிமையை திட்டமிட வேண்டும். M30 வகை கான்கிரீட்டுக்கு, இந்த இலக்கு 30 மெகாபாஸ்கல் (MPa) வலிமையை தாங்கும் வகையில் அமைக்கப்பட்டுள்ளது. இந்த வலிமை, கட்டிடத்தின் நீடித்து நிலைக்கும் தன்மை மற்றும் சுமை தாங்கும் திறனை உறுதி செய்கிறது. M30 கலவை விகிதம் சரியாக அமைய வேண்டுமானால், இந்த முதல் படியை தவறாமல் செய்ய வேண்டும்.
உங்கள் கான்கிரீட் கலவைக்கு சரியான நீர்-சிமெண்ட் விகிதத்தை தேர்ந்தெடுத்து வைப்பது அவசியம். இந்த விகிதம் கான்கிரீட்டின் வலிமை, வேலைத்திறன் மற்றும் நீடித்த தன்மையைப் பாதிக்கிறது. M30 வகை கான்கிரீட்டிற்கு, பொதுவாக 0.40 முதல் 0.50 வரை நீர்-சிமெண்ட் விகிதம் இருக்கும். இந்த அளவு சரியான பதத்தையும் மற்றும் வலிமையான கலவையை பெற உதவுகிறது.
நீர்-சிமெண்ட் விகிதம் மற்றும் சிமெண்டின் எடையைப் பொறுத்து நீரின் தேவை கணக்கிடப்படும். M30 கான்கிரீட்டில் 0.45 என்ற நீர்-சிமெண்ட் விகிதம் மற்றும் 400 கிலோ சிமெண்ட் இருந்தால், நீரின் அளவு 180 (0.45 × 400) லிட்டர் ஆகும். இவ்வாறு துல்லியமான நீர் அளவை கடைபிடிப்பது M30 கலவை விகிதத்தை பராமரிக்கவும், சரியான பதத்தை அடைவதற்கும் முக்கியம்.
எவ்வளவு சிமெண்ட் தேவைப்படும் என்பதை கலவையின் மொத்த எடையையும், தேவைப்படும் வலிமையையும் பொருத்து கணக்கிட வேண்டும். நீர்-சிமெண்ட் விகிதம் மற்றும் கான்கிரீட் போடப்படும் இடத்தின் நிலை ஆகியவற்றைப் வைத்து, சிமெண்டின் அளவை சரிசெய்ய வேண்டும். இது M30 சிமெண்ட் விகிதத்தின் அஸ்திவாரத்தை அமைக்கும் ஒரு முக்கியமான கட்டமாகும்.
M30 வகை கான்கிரீட்டின் கலவை விகிதத்தை பராமரிப்பது முக்கியமானதாகும். இதற்கு, மணல் மற்றும் கூட்டுப்பொருட்கள் போன்ற கடினக் கலவைகளை தேவையான குறிப்பிட்ட விகிதங்களின் அடிப்படையில் மிக துல்லியமாக அளக்க வேண்டும். இந்த கலவை விகிதம் பொதுவாக 1:1.5:3 என்ற முறையைப் பின்பற்றுகிறது. அதாவது, 1 பங்கு சிமெண்ட், 1.5 பங்குகள் மணல் மற்றும் 3 பங்குகள் ஜல்லி. இந்த விகிதம், கலவைக்கு போதுமான அமைப்பும் அளவும் கொண்டுள்ளதை உறுதி செய்கிறது. இதன் மூலம் கான்கிரீட்டிற்கு வலிமை அதிகரிப்பதோடு, கட்டிடம் நீண்ட காலம் நிலைத்து இருக்கும்.
இறுதியாக, கான்கிரீட் m30 விகிதத்தை சோதிக்க, முன் சோதனை மிக்ஸிங்குகள் மேற்கொள்ளப்பட வேண்டும். சிமெண்ட் மற்றும் மணல் கூட்டுப்பொருட்கள் அளவுகளில் தேவையான மாற்றங்களை கண்டறிந்து, இறுதி கலவைக்கு முன்பே சரிசெய்ய முன் சோதனை கலவை உதவுகிறது. முன் சோதனை கலவையை சரியான முறையில் மேற்கொண்டால் தேவையற்ற உழைப்பும், பொருட்களின் விரயமும் தவிர்க்கப்படும், மேலும் கலவைக்கு தேவையான விவரங்களையும் இது பூர்த்தி செய்கிறது. கான்கிரீட் கலவை செய்யும் விரிவான வழிமுறைகளை அறிய, கீழ்க்காணும் இணைப்பை பின்பற்றவும்.
M30 தர கான்கிரீட், அஸ்திவாரங்களை கட்டுவதற்கு ஏற்றது. இதன் 30 MPa வலிமை அதிக சுமைகளை தாங்கும் திறனை கொண்டது. எனவே, குடியிருப்புகள், உயரமான கட்டிடங்கள் மற்றும் உறுதியான அடித்தளம் தேவைப்படும் பிற கட்டமைப்புகளுக்கு ஏற்றதாக அமைகிறது. மேலும், சுற்றுச்சூழல் பாதிப்புகளையும், நில அசைவுகளையும் தாங்கும் நீடித்த தன்மையும் இதில் உள்ளது.
M30 தர கான்கிரீட் மிகுந்த வலிமையைக் கொண்டதால் ஸ்லாப் கட்டுமானத்திற்கு இது பரிந்துரைக்கப்படுகிறது. அதிக சுமை தாங்கும் திறன் தேவைப்படுவதால், இது தரை மற்றும் கூரைகளுக்கு ஏற்றதாக இருக்கிறது. பிளாட் ஸ்லாப்(சமத் தள ஸ்லாப்), ரிப்பெட் ஸ்லாப் (அச்சுகளுடன் கூடிய ஸ்லாப்) போன்ற நவீன கட்டுமானத்தில் பயன்படும் பல்வேறு வகையான ஸ்லாப்கள், M30 கான்கிரீட்டின் வலிமையால் பயனடைகின்றன.
பீம்கள் என்பது ஒரு கட்டிடத்தின் ஸ்லாப்களிலிருந்து தூண்கள் மற்றும் அஸ்திவாரங்களுக்கு சுமைகளை எடுத்துச் செல்லும் பொறுப்பைக் கொண்டுள்ளன. இவற்றில் M30 தர கான்கிரீட்டை பயன்படுத்துவதன் மூலம், அவற்றில் தேவையான வலிமையும், இறுகும் தன்மையும் கிடைக்கிறது. மேலும் கட்டிடத்தின் ஒட்டுமொத்த அமைப்புத் தரம் பாதிக்கப்படாமல் பாதுகாக்கப்படுகிறது. M30 கலவையின் சமநிலையான விகிதம், பீம்களின் நீடித்த தன்மையையும், நீண்ட ஆயுளையும் அதிகரிக்கிறது.
பீம்களைப் போலவே, தூண்களும் M30 தர கான்கிரீட்டின் பயன்களை பெரிதும் அனுபவிக்கின்றன. இவை கட்டிடத்தின் மேலிருந்து வரும் பாரத்தை தாங்கி, அதன் நிலைத்தன்மையை பராமரிப்பதில் முக்கிய பங்கு வகிக்கின்றன. M30 தரக் கான்கிரீட்டின் வலிமை. தூண்களுக்கு தேவையான அழுத்த பாரங்களை தாங்கும் திறனுடன் வடிவமைக்க உதவுகிறது. மேலும் இது சுற்றுச்சூழல் தாக்கங்களையும் எதிர்த்து, கட்டுமானத்தின் பாதுகாப்பையும் நீடித்த பயன்பாட்டையும் உறுதிப்படுத்துகிறது.
M30 விகிதக் கான்கிரீட்டின் தரத்தையும் பண்புகளையும் பல காரணங்கள் பாதிக்கக்கூடும். இவற்றை புரிந்து கொள்வதன் மூலம், தேவையான வலிமை மற்றும் நீடித்துழைக்கும் தன்மையைப் பெறும் வகையில் கலவையை உருவாக்க முடியும்.
கான்கிரீட்டின் வலிமையும் வேலைத்திறனையும் தீர்மானிப்பதில் நீர்-சிமெண்ட் விகிதம் மிகவும் முக்கியமானதாகும். இதில் அதிகமான நீர் சேர்த்தால் வலிமை குறைகிறது, குறைவான நீர் சேர்த்தால் வேலை செய்ய முடியாத நிலை ஏற்படுகிறது. M30 தரக் கான்கிரீட்டில், இந்த சமநிலையை பெற 0.40 முதல் 0.50 வரை நீர்-சிமெண்ட் விகிதம் பரிந்துரைக்கப்படுகிறது.
கான்கிரீட்டின் வலிமையும் நீடித்த தன்மையும், அதில் பயன்படுத்தப்படும் சிமெண்ட், மணல் மற்றும் கூட்டுப்பொருட்களின் தரத்தை பொறுத்தே உள்ளது. உயர் தரமான மூலப்பொருட்களை பயன்படுத்தினால் M30 கலவை விகிதம் நம்பகமாகவும் நிலைத்தும் இருக்கும். இதன் மூலம் கான்கிரீட் எதிர்பார்க்கப்படும் செயல்திறன் அதிகரிக்கிறது.
கான்கிரீட்டின் அனைத்து மூலப்பொருட்களும் சரியான அளவில் கலந்து, எல்லா பகுதிகளிலும் சமமாகப் பகிரப்பட வேண்டும். கலவை முறையில் தவறுகள் இருந்தால், கான்கிரீட்டில் பலவீனமான பகுதிகளை உருவாக்கும், இது M30 தரக் கான்கிரீட்டின் மொத்த வலிமையும் மற்றும் நீடித்து உழைக்கும் தன்மையும் பாதிக்கக்கூடும்.
கான்கிரீட் வலிமையாக வளரக்கூடிய ஆரம்ப காலகட்டத்தில் போதுமான ஈரப்பதமும் வெப்பநிலையும் சரியாக பராமரிக்க வேண்டும். இந்த செயல்முறை கியூரிங் எனப்படும். சிறந்த கியூரிங், M30 தரக் கான்கிரீட்டின் அதிகபட்ச வலிமை மற்றும் நீடித்த தன்மையை அடைய உதவுகிறது. குறைவான கியூரிங் காரணமாக கான்கிரீட் பலவீனமாகவும், குறைவான வாழ்நாளுடன் இருக்கும்.
வெப்பநிலை மற்றும் ஈரப்பதம் போன்ற சுற்றுச்சூழல் காரணங்கள், கான்கிரீட்டின் இறுகும் கியூரிங் போன்ற செயல்களில் முக்கிய பங்கைக் கொண்டுள்ளன. அதிக வெப்பநிலைகள் உறைதல் காலத்தை வேகப்படுத்தவோ தாமதப்படுத்தவோ செய்திடும், மேலும் இது M30 தரக் கான்கிரீட்டின் வலிமை வளர்ச்சியை பாதிக்கலாம்.
சேர்க்கைப் பொருட்களைப் பயன்படுத்தப்படும்போது, கான்கிரீட்டின் பண்புகளை மாற்ற முடியும் – இது அதன் வேலை செய்யும் திறனை அதிகரிக்கவோ, அல்லது செட் ஆகும் நேரத்தை வேகப்படுத்தவோ பயன்படுத்தப்படலாம். எனவே, M30 தரக் கான்கிரீட்டின் செயல்திறனை உயர்த்த, சரியான சேர்க்கைகள் மற்றும் அவற்றின் அளவுகளை சரியாக தேர்ந்தெடுப்பது அவசியம்.
சுருக்கமாக கூறினால், M30 கான்கிரீட்டின் கலவை விகிதத்தை சரியாக கணக்கிடுவதும், அதற்கேற்ப தயார் செய்யவும் தெரிந்திருப்பது அவசியம். இது மட்டுமே, பலவீனமின்றி நீடிக்கக்கூடிய மற்றும் பல கட்டுமானப் பயன்பாடுகளுக்கு ஏற்ற வகையில் உள்ள கான்கிரீட்டை உறுதி செய்யும். நீர்-சிமெண்ட் விகிதம், பயன்படுத்தப்படும் பொருட்களின் தரம், கலக்கும் முறை, கியூரிங் நிலைகள், சுற்றுச்சூழல் தாக்கங்கள் மற்றும் ரசாயனச் சேர்க்கைகள் போன்றவைகளை கருத்தில் கொண்டு நாம் சரியான தரமான M30 கான்கிரீட்டை பெற உறுதி செய்ய முடியும். இந்த வழிகாட்டி மூலம், M30 கான்கிரீட்டின் தயாரிப்பு மற்றும் பயன்படுத்தும் முறையை மிக எளியதாகவும் தெளிவாகவும் புரிந்துகொள்ள முடியும். இது கட்டுமானத் துறையில் புதியவர்கள் கூட எளிதாக புரிந்து கொள்ளும் வகையில் உருவாக்கப்பட்டுள்ளது.
