Share:
കോൺക്രീറ്റിന്റെ കരുത്തും ഈടുനിൽപ്പും തീരുമാനിക്കുന്നത് അതിന്റെ മിക്സിംഗ് റേഷ്യോ ആണ്
ശരിയായ അളവിലുള്ള മിക്സിംഗ് വിള്ളലുകളും തകരാറുകളും ഒഴിവാക്കാൻ സഹായിക്കും
ഓരോ തരം നിർമ്മാണത്തിനും വെവ്വേറെ മിക്സ് റേഷ്യോകൾ ആവശ്യമാണ്
ശരിയായ രീതിയിലുള്ള മിക്സിംഗ് ഭാവിയിലെ അനാവശ്യ ചിലവുകൾ കുറയ്ക്കും
സിമന്റിനെയും മെറ്റലിനെയും പോലെ തന്നെ വെള്ളത്തിന്റെ അളവും പ്രധാനമാണ്
ഒരു നല്ല കോൺക്രീറ്റ് മിക്സ് 4 പ്രധാന ചേരുവകളെ ആശ്രയിച്ചിരിക്കും. ഓരോന്നിനും ഓരോ പ്രത്യേക ധർമ്മമാണുള്ളത്.
മിക്സിനെ ഒന്നിച്ച് ചേർത്തു നിർത്തുന്ന ഒന്നാണ് സിമന്റ്. വെള്ളം ചേർക്കുമ്പോൾ മണലിനെയും മെറ്റലിനെയും ഇത് കൂട്ടിപ്പിടിക്കുന്നു. സിമന്റിന്റെ ഗുണനിലവാരവും അളവും കരുത്തിനെ ബാധിക്കും. സിമന്റ് കൂടിയാൽ ചിലവും ചുരുങ്ങലും വിള്ളലും കൂടും, കുറഞ്ഞാൽ കരുത്ത് കുറയും.
ടിപ്പ്: നല്ല മിക്സ് ലഭിക്കാനായി എപ്പോഴും പുതിയ സിമന്റ് തന്നെ ഉപയോഗിക്കുക.
മെറ്റലുകൾക്കിടയിലെ വിടവ് നികത്താനും കോൺക്രീറ്റ് മിക്സ് അനുപാതത്തിന് മിനുസം നൽകാനും മണൽ സഹായിക്കുന്നു. വൃത്തിയുള്ളതും നന്നായി തരംതിരിച്ചതുമായ മണൽ ബോണ്ടിംഗ് മെച്ചപ്പെടുത്തുന്നു. മിക്സിംഗ് അനുപാതം ശരിയാണെങ്കിൽ പോലും, അഴുക്കോ കളിമണ്ണോ കലർന്ന മണൽ കോൺക്രീറ്റിൻ്റെ കരുത്ത് കുറയ്ക്കും.
ടിപ്പ്: ശരിയായ മിക്സിംഗിനായി കഴുകി വൃത്തിയാക്കിയ മണൽ ഉപയോഗിക്കുക.
കോൺക്രീറ്റിലെ പ്രധാന ഭാഗം മെറ്റലാണ്. ഇത് കരുത്തും ഉറപ്പും നൽകുന്നു. നല്ല മെറ്റൽ ഉപയോഗിച്ചാൽ സിമന്റിന്റെ ഉപയോഗം കുറയ്ക്കാനും ഈടുനിൽപ്പ് കൂട്ടാനും കഴിയും.
സിമന്റിനെ പ്രവർത്തിപ്പിക്കാനും മിക്സിംഗ് എളുപ്പമാക്കാനും വെള്ളം വേണം. എന്നാൽ വെള്ളം കൂടിയാൽ കോൺക്രീറ്റ് ദുർബലമാകും. മിക്സിംഗ് കൃത്യമായാലും വെള്ളം കൂടിയാൽ കരുത്ത് കുറയ്ക്കും.
ടിപ്പ്: വെള്ളം അളന്ന് മാത്രം ഒഴിക്കുക, ഏകദേശ കണക്കിൽ ഒഴിക്കരുത്.
ഓരോ നിർമ്മാണ രീതിക്കും ഓരോ തരം മിക്സിംഗ് റേഷ്യോ ആവശ്യമാണ്.
നോമിനൽ മിക്സ് കോൺക്രീറ്റ് ഏറ്റവും അടിസ്ഥാനപരവും സാധാരണയായി ഉപയോഗിക്കുന്നതുമായ കോൺക്രീറ്റ് മിക്സാണ്. ഈ രീതിയിൽ, ലാബോറട്ടറി പരിശോധനകളില്ലാതെ ചേരുവകൾ നിശ്ചിത അനുപാതത്തിൽ കലർത്തുന്നു. ഉദാഹരണത്തിന്, 1:2:3 മിക്സ് എന്നാൽ 1 ഭാഗം സിമൻ്റ്, 2 ഭാഗം മണൽ, 3 ഭാഗം അഗ്രഗേറ്റ് (മെറ്റൽ) എന്നിവയാണ്. 1:2:4 എന്നത് മറ്റൊരു സാധാരണ അനുപാതമാണ്.
ഈ അനുപാതങ്ങൾ പ്രായോഗിക അനുഭവത്തിൻ്റെ അടിസ്ഥാനത്തിലാണ് തീരുമാനിക്കുന്നത്, കൂടാതെ നിർമ്മാണ സ്ഥലത്ത് ഇവ എളുപ്പത്തിൽ പിന്തുടരാവുന്നതുമാണ്. തൊഴിലാളികൾ സാധനങ്ങൾ തൂക്കി നോക്കുന്നതിന് പകരം ചട്ടികളോ ബക്കറ്റുകളോ ഉപയോഗിച്ചാണ് അളക്കുന്നത്. അതുകൊണ്ട് തന്നെ ഗുണമേന്മ എന്നത് ശരിയായ മേൽനോട്ടത്തെയും കൃത്യമായ അളവിനെയും ആശ്രയിച്ചിരിക്കും.
ചെറിയ നിർമ്മാണങ്ങൾക്കാണ് സാധാരണയായി നോമിനൽ മിക്സ് ഉപയോഗിക്കുന്നത്:
വീടിന്റെ തറ
നടപ്പാതകൾ
ചെറിയ സ്ലാബുകൾ
ചെറിയ വീടുകളുടെ ഫൗണ്ടേഷൻ ജോലികൾ
എളുപ്പത്തിൽ ചെയ്യാം എന്നതും ചിലവ് കുറവാണ് എന്നതുമാണ് ഇതിന്റെ ഗുണം. എന്നാൽ ഇതിന്റെ കരുത്ത് ലാബിൽ പരിശോധിക്കാത്തതിനാൽ വലിയ ഭാരങ്ങൾ താങ്ങാൻ ഇത് അനുയോജ്യമായെന്നു വരില്ല.
ടിപ്പ്: നോമിനൽ മിക്സ് ചെയ്യുമ്പോൾ വെള്ളത്തിന്റെ അളവ് പ്രത്യേകം ശ്രദ്ധിക്കണം. അളവ് കൃത്യമായാലും വെള്ളം കൂടിയാൽ കരുത്ത് കുറയും.
നോമിനൽ മിക്സിനേക്കാൾ മെച്ചപ്പെട്ട രീതിയാണിത്. ഇതിൽ M15, M20, M25 എന്നിങ്ങനെയുള്ള ഗ്രേഡുകൾ ഉപയോഗിക്കുന്നു. ഇതിലെ 'M' എന്നാൽ മിക്സ് എന്നും നമ്പർ എന്നാൽ 28 ദിവസത്തിന് ശേഷമുള്ള കംപ്രസീവ് കരുത്തുമാണ് (മെഗാപാസ്കൽ - എംപിഎ) സൂചിപ്പിക്കുന്നത്.
ഉദാഹരണത്തിന്:
വീട് നിർമ്മാണത്തിന് സാധാരണയായി M20 ആണ് ഉപയോഗിക്കുന്നത്.
കൂടുതൽ കരുത്ത് വേണ്ട ഇടങ്ങളിൽ M25 ഉപയോഗിക്കുന്നു.
സ്റ്റാൻഡേർഡ് മിക്സുകളിൽ, ഒരു നിശ്ചിത കരുത്ത് ലഭിക്കുന്നതിനായി കോൺക്രീറ്റ് മിക്സ് അനുപാതങ്ങൾ രൂപകൽപ്പന ചെയ്തിട്ടുള്ളതാണ്. ഇത് പൊതുവായ മാർഗ്ഗനിർദ്ദേശങ്ങൾ പാലിക്കുമ്പോൾ തന്നെ, നോമിനൽ മിക്സുകളെ അപേക്ഷിച്ച് മികച്ച ഗുണനിലവാരം ഉറപ്പാക്കുന്നു.
ഇവ താഴെ പറയുന്നവയ്ക്ക് അനുയോജ്യമാണ്:
വീടിന്റെ സ്ലാബുകൾ
ബീമുകൾ, തൂണുകൾ
ഫൂട്ടിംഗുകൾ
ചെറിയ വാണിജ്യ കെട്ടിടങ്ങൾ
സാധാരണ രീതികളേക്കാൾ കൂടുതൽ കരുത്തും ഈടും ഇത് നൽകുന്നു.
ടിപ്പ്: കൂടുതൽ സുരക്ഷയ്ക്കായി ബീമുകളും സ്ലാബുകളും നിർമ്മിക്കുമ്പോൾ സ്റ്റാൻഡേർഡ് മിക്സ് തന്നെ തിരഞ്ഞെടുക്കുക.
ഏറ്റവും മികച്ചതും വിശ്വസിക്കാവുന്നതുമായ രീതിയാണിത്. സിമന്റ്, മണൽ, അഗ്രഗേറ്റ് തുടങ്ങിയ വസ്തുക്കളുടെ ലാബ് പരിശോധനകൾക്ക് ശേഷമാണ് ഓരോന്നിന്റെയും അളവ് നിശ്ചയിക്കുന്നത്.
എൻജിനീയർമാർ പരിശോധിക്കുന്നത്:
വസ്തുക്കളുടെ കരുത്ത്
വെള്ളം വലിച്ചെടുക്കാനുള്ള കഴിവ്
പ്രയോഗക്ഷമത
ആവശ്യമായ കംപ്രസ്സീവ് കരുത്ത്
പരിശോധനകളുടെ അടിസ്ഥാനത്തിൽ ഏറ്റവും അനുയോജ്യമായ മിക്സ് ഇതിലൂടെ ലഭിക്കുന്നു. ഊഹാപോഹങ്ങൾക്ക് ഇവിടെ സ്ഥാനമില്ല, അതുകൊണ്ട് തന്നെ ഈ നിർമ്മിതിക്ക് വലിയ ഭാരം സുരക്ഷിതമായി താങ്ങാൻ കഴിയും.
ഡിസൈൻ മിക്സ് കോൺക്രീറ്റ് ഇവയ്ക്കായി ഉപയോഗിക്കുന്നു:
ബഹുനില കെട്ടിടങ്ങൾ
പാലങ്ങൾ
വാണിജ്യ സമുച്ചയങ്ങൾ (കഒമമഎരകഇഅല കോംപ്ലക്സസ്)
കൂടുതൽ ഭാരം താങ്ങേണ്ടി വരുന്ന നിർമ്മിതികൾ
ഇത് മികച്ച കരുത്തും ഈടും മെറ്റീരിയലുകളുടെ ശരിയായ ഉപയോഗവും ഉറപ്പാക്കുന്നു. അല്പം ചെലവ് കൂടുതലാണെങ്കിലും സാധനങ്ങൾ പാഴാകുന്നത് കുറയ്ക്കാനും ദീർഘകാലം നിലനിൽക്കാനും ഇത് സഹായിക്കും.
ടിപ്പ്: വലിയ വീടുകൾക്കോ ഒന്നിലധികം നിലകളുള്ള വീടുകൾക്കോ എൻജിനീയറുടെ നിർദ്ദേശപ്രകാരം മികച്ച സുരക്ഷയ്ക്കായി ഡിസൈൻ മിക്സ് കോൺക്രീറ്റ് ഉപയോഗിക്കുക.
ഒരു പ്രത്യേക കരുത്ത് ലഭിക്കാൻ സിമന്റും മണലും മെറ്റലും ഏത് അനുപാതത്തിൽ ചേർക്കണം എന്നതാണ് കോൺക്രീറ്റ് മിക്സ് അനുപാതം കൊണ്ട് ഉദ്ദേശിക്കുന്നത്. സിമന്റ്: മണൽ: മെറ്റൽ എന്ന രൂപത്തിലാണ് ഇത് എഴുതുക. കരുത്തിനെയും ഈടുനിൽപ്പിനെയും ജോലി ചെയ്യാനുള്ള സൗകര്യത്തെയും ഇത് നേരിട്ട് ബാധിക്കും.
സാധാരണ ഗ്രേഡുകളെയും അവയുടെ മിക്സിംഗ് അനുപാതത്തെയും കുറിച്ചുള്ള ലളിതമായ വിവരങ്ങൾ താഴെ നൽകുന്നു:
M10 – 1:3:6
അതായത് 1 ഭാഗം സിമന്റ്, 3 ഭാഗം മണൽ, 6 ഭാഗം മെറ്റൽ. തറ നിരപ്പാക്കൽ, നടപ്പാതകൾ തുടങ്ങിയ നിർമ്മാണേതര ജോലികൾക്കായാണ് കുറഞ്ഞ കരുത്തുള്ള ഈ മിക്സ് ഉപയോഗിക്കുന്നത്.
M15 – 1:2:4
മിതമായ കരുത്ത് നൽകുന്ന ഈ രീതി ചെറിയ വീടുപണികൾക്കും, ഫ്ലോറിംഗിനും, ലളിതമായ ഫൗണ്ടേഷനുകൾക്കും ഉപയോഗിക്കുന്നു.
M20 – 1:1.5:3
വീട് നിർമ്മാണത്തിൽ സാധാരണയായി ഉപയോഗിക്കുന്ന ഗ്രേഡാണിത്. റെസിഡൻഷ്യൽ കെട്ടിടങ്ങളിലെ സ്ലാബുകൾക്കും ബീമുകൾക്കും തൂണുകൾക്കും ഈ മിക്സ് അനുയോജ്യമാണ്.
M25 – ഡിസൈൻ മിക്സ്
കുറഞ്ഞ ഗ്രേഡുകളിൽ നിന്ന് വിഭിന്നമായി, M25 സാധാരണയായി ഒരു ഡിസൈൻ മിക്സ് ആണ് പിന്തുടരുന്നത്. ഇതിൽ ഒരു നിശ്ചിത അനുപാതം ഉപയോഗിക്കുന്നതിന് പകരം, ആവശ്യമായ കരുത്തും ഈടും ലഭിക്കുന്നതിനായി ലാബ് പരിശോധനയിലൂടെയാണ് അളവ് നിശ്ചയിക്കുന്നത്.
ഈ കോൺക്രീറ്റ് മിക്സ് അനുപാതങ്ങൾ വിവിധ നിർമ്മാണ ആവശ്യങ്ങൾക്ക് സുരക്ഷയും ഈടും ഉറപ്പാക്കുന്നു.
മിക്സിൽ സിമന്റ്, മണൽ, മെറ്റൽ, വെള്ളം എന്നിവ എത്രത്തോളം വേണമെന്ന് തീരുമാനിക്കുന്ന പ്രക്രിയയാണ് കോൺക്രീറ്റ് പ്രൊപ്പോർഷനിംഗ് രീതികൾ. വിവിധ നിർമ്മാണ ജോലികൾക്ക് ആവശ്യമായ കരുത്തും ഈടും വർക്കബിലിറ്റിയും ഉറപ്പാക്കാൻ ഈ രീതികൾ സഹായിക്കുന്നു.
മുൻപരിചയത്തിന്റെ അടിസ്ഥാനത്തിൽ തീരുമാനങ്ങൾ എടുക്കുന്ന രീതിയാണിത്. ചെറിയ സൈറ്റുകളിൽ ഇത് സാധാരണയായി കാണാറുണ്ട്.
എങ്കിലും, ഇത് സ്ഥിരതയില്ലാത്ത കോൺക്രീറ്റ് മിക്സിംഗ് അനുപാതത്തിലേക്ക് നയിച്ചേക്കാം.
ടിപ്പ്: സ്ട്രക്ചറൽ ജോലികൾക്ക് ഈ രീതി ഒഴിവാക്കുക.
ഗ്രേഡിംഗിന്റെ അടിസ്ഥാനത്തിൽ മണലിന്റെയും മെറ്റലിന്റെയും അളവ് ക്രമീകരിക്കുന്ന രീതിയാണിത്.
മികച്ച കോൺക്രീറ്റ് മിക്സിംഗ് അനുപാതം ലഭിക്കാൻ ഇത് സഹായിക്കുന്നു.
ടിപ്പ്: മണലിന്റെ ഗുണനിലവാരത്തിൽ വ്യത്യാസമുണ്ടാകുമ്പോൾ ഇത് അനുയോജ്യമാണ്.
വിടവുകൾ കുറച്ച് മെറ്റീരിയലുകൾ കൃത്യമായി അടുക്കിവെക്കുന്ന രീതിയാണിത്.
സിമന്റ് മിക്സിൽ കുറഞ്ഞ അളവിൽ സിമന്റ് ഉപയോഗിച്ച് കരുത്ത് മെച്ചപ്പെടുത്താൻ ഇത് സഹായിക്കുന്നു.
ടിപ്പ്: ചെലവ് കുറഞ്ഞതും കാര്യക്ഷമവുമായ നിർമ്മാണത്തിന് ഇത് ഉത്തമമാണ്.
മിക്സിംഗ് അനുപാതത്തെ ബാധിക്കുന്ന ഘടകങ്ങൾ മനസ്സിലാക്കുന്നത് കോൺക്രീറ്റിന്റെ മികച്ച പ്രവർത്തനക്ഷമതയ്ക്കും ഈടുനിൽപ്പിനും ദീർഘകാല സുരക്ഷയ്ക്കും സഹായിക്കും.
കൂടുതൽ കരുത്ത് ലഭിക്കുന്നതിന് വെള്ളം-സിമന്റ് അനുപാതം കുറയ്ക്കേണ്ടതുണ്ട്. ഇത് കോൺക്രീറ്റ് മിക്സിംഗ് അനുപാതത്തെ നേരിട്ട് ബാധിക്കുന്നു.
കോൺക്രീറ്റ് ജോലി എളുപ്പമാക്കാൻ കൂടുതൽ വെള്ളം ആവശ്യമാണ്, എന്നാൽ ഇത് കരുത്തിനെ ബാധിക്കും. അതിനാൽ മിക്സിംഗ് അനുപാതത്തിൽ ഇവ രണ്ടും സന്തുലിതമായി നിലനിർത്തേണ്ടത് പ്രധാനമാണ്.
ടിപ്പ്: കോൺക്രീറ്റ് വർക്കബിലിറ്റി കൂട്ടാനായി കൂടുതൽ വെള്ളം ചേർക്കുന്നതിന് പകരം, കരുത്ത് കുറയ്ക്കാതെ തന്നെ ഫ്ലോ കൂട്ടാനും ജോലി എളുപ്പമാക്കാനും അഡ്മിക്സ്ചറുകൾ (കോൺക്രീറ്റിന്റെ ഗുണങ്ങൾ മെച്ചപ്പെടുത്താൻ ചേർക്കുന്ന പ്രത്യേക വസ്തുക്കൾ) ഉപയോഗിക്കുക.
വെള്ളമോ രാസവസ്തുക്കളോ ഏൽക്കാൻ സാധ്യതയുള്ള കോൺക്രീറ്റിന് പ്രത്യേക മിക്സിംഗ് അനുപാതം ആവശ്യമാണ്.
ടിപ്പ്: കടലോര പ്രദേശങ്ങളിൽ കൂടുതൽ കരുത്തുള്ള മിക്സുകൾ ആവശ്യമാണ്.
ഫൂട്ടിംഗുകൾ, സ്ലാബുകൾ, തൂണുകൾ എന്നിവയ്ക്ക് വ്യത്യസ്ത കോൺക്രീറ്റ് മിക്സിംഗ് അനുപാതങ്ങൾ ആവശ്യമാണ്.
ടിപ്പ്: എല്ലാ നിർമ്മാണങ്ങൾക്കും ഒരേ സിമന്റ് മിക്സ് ഉപയോഗിക്കരുത്.
ശരിയായ കോൺക്രീറ്റ് മിക്സിംഗ് അനുപാതം ഇവ നൽകുന്നു:
ഉയർന്ന കംപ്രസീവ് സ്ട്രെങ്ത്
കൂടുതൽ കാലം ഈട് നിൽക്കും
വിള്ളലുകളെ പ്രതിരോധിക്കാനുള്ള ശേഷി
ഭാരം താങ്ങാനുള്ള മെച്ചപ്പെട്ട കഴിവ്
സാധനങ്ങൾ പാഴാക്കുന്നത് കുറച്ചാൽ കുറഞ്ഞ ചിലവിൽ ശരിയായ രീതിയിൽ വീട് പണിയാം.
കോൺക്രീറ്റ് മിക്സിലെ ചെറിയ തെറ്റുകൾ കാരണം നിർമ്മാണ പ്രശ്നങ്ങൾ ഉണ്ടാകാറുണ്ട്. പണി എളുപ്പമാക്കാൻ കൂടുതൽ വെള്ളം ചേർക്കുന്നത് ഒരു സാധാരണ തെറ്റാണ്. ഇത് മിക്സിംഗ് എളുപ്പമാക്കുമെങ്കിലും, അത് കോൺക്രീറ്റ് മിക്സ് അനുപാതത്തെ ദുർബലപ്പെടുത്തുകയും ഉറച്ചു കഴിഞ്ഞാൽ ബലം കുറയ്ക്കുകയും ചെയ്യുന്നു.
മറ്റൊരു തെറ്റ് അളവ് കൃത്യമല്ലാത്തതാണ്, അളവ് പെട്ടികൾക്ക് പകരം മൺവെട്ടി കണക്ക് ഉപയോഗിക്കുന്നത് പോലെ. ഇത് ഓരോ തവണയും കോൺക്രീറ്റ് മിക്സ് അനുപാതം തെറ്റാൻ കാരണമാകും.
സാധനങ്ങൾ ശരിയായി സൂക്ഷിക്കാത്തതും പ്രശ്നമാണ്. ഈർപ്പമേറ്റാൽ സിമന്റിന്റെ ഒട്ടിക്കാനുള്ള ശേഷി നഷ്ടപ്പെടുകയും അത് മിക്സിന്റെ ഗുണനിലവാരത്തെ ബാധിക്കുകയും ചെയ്യും.
ശരിയായ അളവിലുള്ള കോൺക്രീറ്റ് മിക്സ് കെട്ടിടത്തെ ഉറപ്പിച്ചു നിർത്തുക മാത്രമല്ല ചെയ്യുന്നത്. ഇത് വിള്ളൽ, വെള്ളമിറങ്ങുന്നത്, തേയ്മാനം എന്നിവയിൽ നിന്ന് സംരക്ഷിക്കുന്നു. കൃത്യമായ അനുപാതം സങ്കോചം കുറയ്ക്കാനും കാലാവസ്ഥാ മാറ്റങ്ങളെ പ്രതിരോധിക്കാനും സഹായിക്കും.
ശക്തമായ മഴയോ താപനിലയിലെ മാറ്റങ്ങളോ ഉള്ള സ്ഥലങ്ങളിൽ, ശരിയായ തരത്തിലുള്ള കോൺക്രീറ്റ് മിക്സ് അനുപാതങ്ങൾ ഇടയ്ക്കിടെയുള്ള അറ്റകുറ്റപ്പണികൾ കൂടാതെ കെട്ടിടം കൂടുതൽ കാലം ഈടുനിൽക്കാൻ സഹായിക്കുന്നു. അടിത്തറകൾക്കും സ്ലാബുകൾക്കും പുറത്തെ ഭിത്തികൾക്കും ഇത് വളരെ പ്രധാനമാണ്.
ടിപ്പ്: തുടക്കത്തിൽ തന്നെ ശരിയായ സിമന്റ് മിക്സ് തിരഞ്ഞെടുക്കുന്നത് ഭാവിയിലെ അറ്റകുറ്റപ്പണി ചിലവ് ഒഴിവാക്കാൻ സഹായിക്കും.
ഇതായത് 1 ഭാഗം സിമന്റ്, 2 ഭാഗം മണൽ, 3 ഭാഗം മെറ്റൽ. ഇത് സാധാരണ വീട് പണികൾക്കാണ് ഉപയോഗിക്കുന്നത്.
പാടില്ല. കടൽവെള്ളം കമ്പികൾ തുരുമ്പിക്കാനും കോൺക്രീറ്റിന്റെ ആയുസ്സ് കുറയാനും കാരണമാകും.
ഏറ്റവും നല്ലത് എന്ന് പറയാൻ ഒറ്റ അളവില്ല. ഇത് പണിക്കും ഭാരത്തിനും അനുസരിച്ച് മാറും.
ഡിസൈൻ മിക്സ് കോൺക്രീറ്റ് ഉപയോഗത്തിനനുസരിച്ച് മാറ്റങ്ങൾ വരുത്താൻ കഴിയുന്നതിനാൽ, വിവിധതരം കോൺക്രീറ്റ് മിക്സ് അനുപാതങ്ങളിൽ വെച്ച് ഏറ്റവും ഉയർന്ന കരുത്ത് നൽകുന്നത് ഇതാണ്.
ഗുണനിലവാരവും സുരക്ഷിതത്വവും ഉറപ്പാക്കാൻ ആവശ്യമായ ഗ്രേഡിനേക്കാൾ ഉയർന്നതായി നിശ്ചയിച്ചിട്ടുള്ള ശരാശരി കരുത്താണിത്.
