Share:
உங்கள் கட்டமைப்பின் வலிமை, நீடித்து உழைக்கும் திறன் மற்றும் கட்டிமுடித்தலை தீர்மானிப்பதற்கு கான்கிரீட் கலவை விகிதம் மிக முக்கியமானதாகும்.
ஒரு பொதுவான கான்கிரீட் கலவையானது சிமெண்ட், மணல், ஜல்லி மற்றும் தண்ணீரை உள்ளடக்கியது. சரியான அளவில் இதனை தேர்வு செய்து எடுத்தால், சிறந்த முடிவுகள் கிடைக்கும்.
ஃபவுண்டேஷன்கள் முதல் அலங்காரங்கள் வரை வெவ்வேறு கட்டுமான தேவைகளுக்கு பல்வேறு வகைகளை இவை வழங்குகிறது.
எடுத்துக்காட்டாக, பொதுவான தளங்களுக்கு கான்கிரீட் விகிதம் 1:2:4 (சிமெண்ட்: மணல்: ஜல்லி) மற்றும் வலுவூட்டப்பட்ட (reinforced) கான்கிரீட் கட்டமைப்புகளுக்கு 1:1.5:3 ஆகும்.
பிராஜக்டை பொருத்து, தண்ணீரின் அளவை மாற்றுவது கான்கிரீடின் செயல்திறன் மற்றும் வலிமையை மாற்றக்கூடும்.
வல்லுனர்களுடன் நீங்கள் ஆலோசிக்கும்பொழுது, உங்களுடைய குறிப்பிட்ட பிராஜக்ட் தேவைகளுக்கு ஏற்ற சிறந்த கான்கிரீட் கலவை விகிதம் பற்றி அவர்கள் வழிநடத்துவார்கள்.
வெற்றிகரமான கான்கிரீட் கலவை மற்றும் நீடித்து நிலைக்கும் கட்டமைப்புகளுக்கு உயர்தரமான சிமெண்ட் மற்றும் சேர்க்கைகள் மிக முக்கியமாகும்.
ஒவ்வொரு கட்டுமான பணிகளுக்கும் ஏற்ற சரியான கலவையை தேர்வு செய்வதற்கு, வெவ்வேறு வகையான கான்கிரீட் கலவை விகிதங்களைப் பற்றி புரிந்துக் கொள்வது மிக அவசியமாகும்.
நாமினல் கலவை என்பது மிகவும் எளிய மற்றும் பெரிய வலிமை தேவைப்படாத பிராஜெக்ட்களில் பயன்படுத்தப்படும் அடிப்படை கான்கிரீட் கலவை விகிதம் ஆகும். இவை பொதுவாக 1:2:4 அல்லது 1:3:6 (சிமெண்டு : மணல் : ஜல்லி) போன்ற அளவுகள் கொண்டு தயாரிக்கப்படுகிறது. இது பொதுவாக சிறிய தரைகள், நடைபாதைகள் போன்ற இடங்களில் பயன்படுத்தப்படுகிறது. இந்த கலவை ஒரு ஸ்டாண்டர்ட் வலிமையை அளிக்கிறது மற்றும் அதிக நீடித்து நிலைக்கும் தன்மை தேவைப்படாத பொதுவான கட்டுமான பணிகளுக்கு ஏற்றது.
ஸ்டாண்டர்ட் கான்கிரீட் கலவை என்பது கட்டுமான தரநிலைகளின் அடிப்படையில் நிர்ணயிக்கப்பட்ட கான்கிரீட் கலவை விகிதம் ஆகும். இந்த கான்கிரீட் கலவை தரநிலையால் வரையறுக்கப்பட்ட அளவுகள் அல்லது குறிப்பிட்ட வலிமை மற்றும் நீடித்து உழைக்கும் திறனை அடையும் வகையில் உருவாக்கப்பட்டிருக்கும். இதில் 1:1.5:3 அல்லது 1:2:4 போன்ற விகிதங்கள் பயன்படுத்தப்படுகின்றன. இது பொதுவாக பீம்கள், பில்லர்கள் மற்றும் வெவ்வேறு வகையான ஸ்லாப்கள் போன்ற அதிக சுமைகளை தாங்க வேண்டிய கட்டுமானங்களில் பயன்படுத்தப்படும். அதனால் இந்த கலவை மிகவும் துல்லியமாக இருக்க வேண்டும்.
டிசைன் கான்கிரீட் கலவை என்பது அதிக வலிமை தேவைப்படும் இடங்களில் பயன்படுத்தப்படும். இங்கே குறிப்பிட்ட பிராஜெக்ட் தேவைகளுக்கேற்ப, சரியான அளவுகள் மற்றும் பொருள்களைக் கணக்கிடுவர். இந்த கலவை சாஃப்ட்வேர் (software) மற்றும் கணக்கீடுகள் (calculations) மூலமாக விஞ்ஞான ரீதியாக உருவாக்கப்படுகிறது. இந்த கலவை மூலம் அதிக நீடித்து நிலைக்கும் திறன், இறுக்க வலிமை (compressive strength) மற்றும் சுலபமான வேலைத்திறன் (workability) போன்ற சிறப்பம்சங்களை அடைய முடியும். இது உயர்ந்த கட்டிடங்கள், அதிக லோட்களை தாங்க வேண்டிய கட்டமைப்புகள் போன்ற கடினமான கட்டுமானங்களில் பயன்படுத்தப்படுகிறது.
உங்கள் பிராஜெக்ட் வலிமை மற்றும் நீடித்து நிலைக்கும் திறனை அடைவதற்கான சரியான கான்கிரீட் கலவை விகிதத்தை தேர்வு செய்வது மிகவும் அவசியமாகும். கீழே கொடுக்கப்பட்டுள்ள எளிமையான அட்டவணை மூலம், ஒவ்வொரு கான்கிரீட் தரத்திற்கும் தேவையான அளவுகள் குறித்த ஒரு தெளிவான புரிதலைப் பெறலாம். இந்த தரங்கள், குறிப்பிட்ட வலிமையை அடைவதற்கு ஏற்ற சிமெண்டு, மணல், ஜல்லி மற்றும் நீரின் சரியான அளவுகளை தீர்மானிக்க உதவுகின்றன.
கான்கிரீட்டின் தரம் |
கலவை விகிதம் (சிமெண்ட் : மணல்: ஜல்லி) |
பயன்கள் |
M5 |
1: 5: 10 |
பாதைகள் போன்ற கட்டுமானம் அல்லாத இடங்கள் |
M7.5 |
1: 4: 8 |
நிலையான லோட்களுக்கு கீழிருக்கும் சுவர் அடித்தளங்கள் |
M10 |
1 : 3: 6 |
சிங்கிள்-ஸ்டோரெ கட்டிடங்களுக்கான அடித்தளங்கள் |
M15 |
1: 2: 4 |
வாகன பாதைகள், தளங்கள், இன்டெர்னல் ஃப்ளோரிங் |
M20 |
1: 1.5 : 3 |
ரீயின்ஃபோர்ஸ்ட் கான்கிரீட் வேலைகள், ஸ்லாப்ஸ் |
M25 |
1 : 1: 2 |
அதிக பளு தாங்கும் கட்டமைப்புகள் |
M10 முதல் M15 வரையுள்ள தரங்கள்: இவை வீட்டு கட்டிடங்களில் பொதுவாக பயன்படுத்தப்படும் தரங்கள் ஆகும். மிதமான சுமைகளை தாங்கும் பகுதிகளுக்கு ஏற்றவை ஆகும். மேலும், கட்டிடங்களின் ஃபவுண்டேஷன்கள் மற்றும் உள்ளிருக்கும் தரைகள் போன்றவற்றுக்கு ஏற்றது.
M20 முதல் M 25 வரையுள்ள தரங்கள்: இவை அதிக வலிமையுள்ள கான்கிரீட் கலவைகள் ஆகும். அதிக லோட்களைத் தாங்கும் காலமண்கள் மற்றும் பீம்கள் போன்றவற்றில் இவை பயன்படுத்தபடுகின்றன.
சரியான கான்கிரீட் கலவை செய்யும் முறைகளை தேர்வு செய்வதன் மூலம், கட்டுமான தேவைகளுக்கு ஏற்ற சரியான கான்கிரீட் கலவை விகிதத்தை அடைய முடியும். சிமெண்டு, மணல், ஜல்லி மற்றும் நீரின் அளவுகளை எளிமையாக தீர்மானிக்க பொதுவாக பயன்படுத்தப்படும் மூன்று முறைகளை இப்போது காணலாம்.
இந்த தன்னிச்சையான முறை சிறிய அளவிலான பிராஜக்ட்களுக்கு அல்லது அதிக நுணுக்கங்கள் தேவைப்படாத இடங்களில் தான் அதிகம் பயன்படுத்தப்படுகிறது. சரியான கலவை அளவுகளை தீர்மானிக்க, இந்த முறையில் சில விதிகளும் முன் அனுபவங்களும் பயன்படுத்தப்படுகிறது. உதாரணமாக, ஒரு பொதுவான தன்னிச்சை விகிதம் என்பது 1:2:4 (சிமெண்டு: மணல்: ஜல்லி) ஆகும். இந்த முறை வேகமாகவும் எளிதாகவும் செய்யக்கூடியது. ஆனால், இந்த முறை மூலம் கிடைக்கும் வலிமை மற்றும் நீடித்து நிலைக்கும் திறன் எப்போதும் நம்பகமானதாய் இருக்காது.
இந்த முறை கற்களின் துகள்களின் அளவை அடிப்படையாகக் கொண்டு சிறந்த கலவை விகிதத்தை தீர்மானிக்கிறது. இதில் மணலின் ஃபைன்னஸ் மாடுலஸ் அதாவது மண் துகளின் நன்மையின் அளவுகள் கணக்கிடபடுகிறது. நமக்கு வேண்டிய நிலைத்தன்மை மற்றும் வேலைத்திறனை அடைய இந்த எண்ணின் அடிப்படையில் மணல் மற்றும் ஜல்லியின் அளவுகள் சரிசெய்யப்படுகின்றன. ஃபைன்னஸ் மாடுலஸ் என்பது மண்ணில் இருக்கும் சிறு துகள்களின் சராசரி அளவைக் குறிக்கும் ஒரு குறியீட்டு எண் ஆகும். இந்த FM அதிகமாக இருந்தால், கற்கள் கரடுமுரடாக இருக்கும். கான்கிரீட்டின் வலிமை மற்றும் நீடித்து உழைக்கும் திறனை மேம்படுத்தும் வகையில், மிகவும் துல்லியமான கான்கிரீட் கலவை விகிதத்தை அடைய இந்த முறை மிகவும் உதவியாக இருக்கிறது.
அதிக அடர்த்தி பெறும் முறை, முடிந்தளவு அதிக அடர்த்தி கொண்ட கான்கிரீட் கலவை விகிதத்தை உருவாக்கும். அடர்த்தி அதிகமாக இருந்தால், வலிமையையும் நீடித்து உழைக்கும் திறனும் அதிகம் ஆகும். இந்த முறை என்ன செய்கிறது என்றால், பல அளவுகளில் இருக்கும் கற்களை சரியாக கலக்கி வெற்றிடங்களைக் குறைக்கிறது. இதனால் கான்கிரீட்டின் அடர்த்தி அதிகரிக்கிறது. வெவ்வேறு அளவுகளில் இருக்கும் மணல் மற்றும் ஜல்லியை சரிவர கணக்கிட்டு ஒன்று சேர்க்கும்போது, கான்கிரீட்டின் தரமும் லோட் தாங்கும் தன்மையும் தானாக அதிகரிக்கும்.
சரியாக கலக்கப்பட்ட சிமெண்ட் கான்கிரீட்டின் நன்மைகளைப் புரிந்துக் கொண்டால், ஏன் அது வீட்டு கட்டுமானத்தில் மிகவும் முக்கியம் என்பதை புரிந்துக் கொள்ள முடியும். இதன் பலன்களை இப்போது பார்க்கலாம்:
1. வலிமை மற்றும் நீடித்து உழைக்கும் திறன்: சரியான கான்கிரீட் கலவை விகிதம், கட்டிடத்திற்கு நிலைத்தன்மை மற்றும் நீண்ட ஆயுளையும் கொடுக்கும். இதனால் சுற்றுச்சூழல் தாக்கங்கள் மற்றும் லோட்கள் அனைத்திலும் நிலைத்து நிற்க கூடிய வலிமை கிடைக்கும்.
2. செலவு குறைப்பு: அளவுகள் சரியாக இருந்தால், கழிவுகள் குறையும். இது கட்டுமான செலவுகளை குறைத்து, பிற்காலங்களில் பழுது/மாற்றங்கள் தேவையில்லாமல் கான்கிரீட்டை நன்றாக செயல்பட வைக்கும்.
3. பல்துறை பயன்பாடு (Versatility): கான்கிரீட் கலவையின் அளவுகளை மாற்றினால், இந்த சிமெண்ட் கான்கிரீட்-ஆனது ஃபவுண்டேஷனில் இருந்து அலங்கார அமைப்புகள் வரை அனைத்திலும் பயன்படுத்தப்படும்.
4. ஆற்றல் திறன் (Energy Efficiency): சரியாக கலக்கப்பட்ட கான்கிரீட், வெப்பத்தை நன்கு பதித்து வீட்டினுள் வெப்பநிலையை சமப்படுத்த உதவுகிறது. இது மின் செலவுகளை குறைக்கும்.
5. பராமரிப்பு குறைவாகவே தேவைப்படும்: சரியாக கலந்து பயன்படுத்தும்போது, சிமெண்ட் கான்கிரீட்டின் மேற்பரப்புகளுக்கு குறைந்தபட்ச பராமரிப்பே தேவைப்படும். மேலும், காலப்போக்கில் வானிலையால் ஏற்படும் பாதிப்புகளையும் எதிர்க்கும்.
எந்த ஒரு கட்டுமானத்திலும் இந்த கான்கிரீட் கலவை விகிதம் என்பது அடிப்படையான ஒன்றாகும். ஏனெனில், இவை நேரடியாக கட்டிடத்தின் வலிமை, நீடித்து நிலைக்கும் திறன் மற்றும் செலவுத்திறனை பாதிக்கும். சரியான கான்கிரீட் கலவை அளவுகள், சிமெண்ட் கலவை மற்றும் கான்கிரீன் கலவை விகிதத்தின் வகைகள் இவை அனைத்தையும் புரிந்துக் கொண்டு, அவற்றைப் பின்பற்றி செயல்படுவதும் கட்டுமான பிராஜக்ட்களின் தரத்தில் முக்கிய தாக்கத்தை ஏற்படுத்தும். உங்கள் கட்டுமானங்களில் சிறந்த முடிவுகளை பெற விரும்புகிறீர்களா? அல்ட்ராடெக் சிமெண்ட் உங்களுக்காக தரமான பொருள்களையும் துல்லியமான ஆலோசனைகளையும் வழங்கி, உங்கள் கட்டுமானத்தின் தேவைகளுக்கேற்ப சிறந்த கான்கிரீட் கலவையை உருவாக்க உதவுகின்றன.
1:2:3 கான்கிரீட் கலவை விகிதம் என்பது பொதுவான பயன்பாட்டிற்கான ஒரு எளிய கான்கிரீட் கலவையை குறிக்கும். இதில் 1 பங்கு சிமெண்டு, 2 பங்கு மணல், 3 பங்கு ஜல்லி ஆகியவை அடங்கும். இந்த கலவை வலிமை, வேலைத்திறன் (workability) மற்றும் நீடித்து உழைக்கும் திறன் ஆகியவற்றில் சமநிலையை வழங்குகிறது. எனவே இவை வாகனம் ஓட்டும் பாதைகள், நடைபாதைகள் மற்றும் வீடு குடியிருப்பு பிராஜக்ட்களுக்கு ஏற்றதாக அமைகிறது.
பொதுவாக, கான்கிரீட் கலவைக்கு கடல் நீரைப் பயன்படுத்த பரிந்துரை செய்யப்படாது. ஏனெனில் அதிலுள்ள உப்பு, உலோக வலுவூட்டல்களை (ஸ்டீல் ரியின்ஃபோர்ஸ்மண்டை) அரித்துவிடும் அபாயம் உள்ளது. இதனால் கான்கிரீட் கலவையின் ஆயுள்தன்மையும் குறைவாகும். ஆனால் ஸ்டீல் பயன்படுத்தப்படாத (non-reinforced) சூழல்களில், குறிப்பிட்ட நிபந்தனைகளின் அடிப்படையில் கடல் நீரை பயன்படுத்த அனுமதி கிடைக்கலாம்.
கான்கிரீட் கலவையின் சரியான விகிதம் என்பது உங்கள் பிராஜெக்டின் வலிமை மற்றும் நீடித்து நிலைக்கும் திறனின் தேவைகள் அடிப்படையில் மாறுபடும். ஃபவுண்டேஷன்கள் பீம்கள் போன்ற வீட்டு கட்டுமான பயன்பாடுகளுக்கு, 1:1.5:3 (சிமெண்டு : மணல் : ஜல்லி) என்ற விகிதத்தில் பயன்படுத்தப்படும். இது வலிமையிலும் வேலைத்திறனிலும் நல்ல சமநிலையை அளிக்கும்.,
அதிக லோட்களை தாங்க வேண்டிய கட்டமைப்புகளுக்கு அதிக வலிமை கொண்ட கான்கிரீட் கலவை தேவைப்படும். அதிக சிமெண்ட் மற்றும் 1:1.5:2 (சிமெண்டு : மணல் : ஜல்லி) என்ற விகிதத்தில் இந்த வலுவான கலவை உருவாக்கப்படும். கட்டாயமாக அதிக வலிமை தேவைப்படும் ஃபவுண்டேஷன்களின் கட்டமைப்பு, காலமண்கள் மற்றும் பாலங்கள் போன்ற கட்டமைப்புகளில் இந்த வகை கலவை பயன்படுத்தப்படும்.
கான்கிரீட் கலவையின் சராசரி இலக்கு வலிமை (target mean strength) என்பது கான்கிரீட் கியூரிங் செய்யப்பட பிறகு வெளிப்பட வேண்டிய குறைந்தபட்ச வலிமையை விட அதிகமாக, அதாவது இஞ்சினியர்கள் குறிக்கோளாக வைத்திருக்கும் வலிமை அளவைக் குறிக்கிறது. இது எப்படி கணக்கிடப்படுகிறது என்றால், மெட்டீரியல்களின் பண்புகள் மற்றும் கட்டுமான நிலைமைகளில் ஏற்படும் மாற்றங்களுக்கு ஏற்ப, கான்கிரீட் குறிப்பிட்ட நிலைத்தன்மை மற்றும் வலிமை தரத்தை அடைவதையோ அல்லது மீறுவதையோ உறுதிசெய்ய, அதிகபட்சமாக அங்கீகரிக்கப்பட்ட வலிமை பண்புடன் ஒரு மார்ஜினை சேர்ப்பதன் மூலம் கணக்கிடப்படுகிறது.
