Share:
പടിഞ്ഞാറ് ദിശയിലേക്ക് ദർശനമുള്ള വീടുകൾ വാസ്തുവിന് അനുസൃതമായി രൂപകൽപ്പന ചെയ്തു നിർമിച്ചാൽ ഐശ്വര്യവും ക്ഷേമവും വർദ്ധിക്കും.
വടക്കുപടിഞ്ഞാറോ അല്ലെങ്കിൽ പടിഞ്ഞാറോ ദിശയിലേക്ക് ദർശനമായുള്ള പ്രവേശനം, തെക്കുപടിഞ്ഞാറൻ ദർശന ദിശയിലുള്ള നെഗറ്റിവിറ്റിയെ ഒഴിവാക്കി പോസിറ്റിവിറ്റിക്കു വഴിയൊരുക്കുന്നു.
വടക്കുപടിഞ്ഞാറൻ ഭാഗത്ത് സ്ഥിതിചെയ്യുന്ന ലിവിംഗ് റൂമുകൾ കുടുംബ ബന്ധങ്ങളെ മെച്ചപ്പെടുത്തുകയും, മൃദുവായി ലഭിക്കുന്ന വെളിച്ചത്തെ ഉപയോഗപ്പെടുത്തുകയും ചെയ്യുന്നു.
തെക്കുപടിഞ്ഞാറൻ മൂലയിലുള്ള കിടപ്പുമുറി സ്വസ്ഥതയും സമാധാനപരമായ ഉറക്കവും പ്രദാനം ചെയ്യുന്നു.
തെക്കുകിഴക്കേ മൂലയിൽ സ്ഥിതി ചെയ്യുന്ന അടുക്കളകൾ ആരോഗ്യത്തിനും സമൃദ്ധിക്കും വേണ്ട പോസിറ്റീവ് ഊർജ്ജം ഉപയോഗപ്പെടുത്തുന്നു.
പടിഞ്ഞാറോട്ട് ദർശനമാകുന്ന വീടുകൾക്ക് ഇത്തരത്തിലുള്ള സുചിന്തിതമായ ഡിസൈൻ, പ്രകൃതിയുടെ താളവുമായി പൊരുത്തപ്പെടുന്നതിനും അവിടുത്തെ നിവാസികളുടെ ക്ഷേമത്തെ പിന്തുണയ്ക്കുകയും പരിപോഷിപ്പിക്കുകയും ചെയ്യുന്ന ഒരിടമാണ് സൃഷ്ടിക്കുന്നത്.
പടിഞ്ഞാറ് ദിശയിലേക്ക് ദർശനമാകുന്ന വീടുകൾ, വാസ്തു ശാസ്ത്ര പ്രകാരം രൂപകൽപ്പന ചെയ്ത് തയ്യാറാക്കുമ്പോൾ അവ ശുഭകരമായി കണക്കാക്കപ്പെടുന്നു. ശരിയാംവിധം ആണ് വീടിന്റെ രൂപകല്പന ക്രമീകരിക്കുന്നത് എങ്കിൽ, പടിഞ്ഞാറ് ഉൾപ്പെടെ ഏത് ദിശയിലേക്കുമുള്ള വീടിന്റെ ദർശനം, അഭിവൃദ്ധിക്കും ക്ഷേമത്തിനും സാധ്യതയുണ്ടെന്നാണ് ഈ മാർഗ്ഗനിർദ്ദേശം സൂചിപ്പിക്കുന്നത്. പടിഞ്ഞാറ് ദിശയിലേക്ക് ദർശനമുള്ള വീടിന്റെ വാസ്തു ഘടകങ്ങൾ, വാതിലുകൾ, ജനലുകൾ, മുറികൾ എന്നിവ സ്ഥാപിക്കുന്നത്, വാസ്തു തത്വങ്ങളുമായി പൊരുത്തപ്പെടുന്നുണ്ടെന്ന് ഉറപ്പാക്കുക എന്നതാണ് ഇതിൽ പ്രധാനം.
സമഗ്രമായ രീതിയിൽ തയ്യാറാക്കപ്പെട്ടിട്ടുള്ള പടിഞ്ഞാറേയ്ക്ക് ദർശനമുള്ള ഒരു വീടിന്റെ പ്ലാൻ, ഊർജ്ജത്തെ ഫലപ്രദമായി സന്തുലിതമാക്കുകയും വീടിനുള്ളിൽ സാമ്പത്തിക സ്ഥിരതയും പോസിറ്റീവ് വൈബ്രേഷനുകളും സൃഷ്ടിക്കുകയും ചെയ്യും. അതിനാൽ, പടിഞ്ഞാറോട്ട് ദർശനമുള്ള ഒരു പ്രോപ്പർട്ടി സ്വന്തമാക്കുന്നതിൽ ആശങ്കപ്പെടേണ്ട കാര്യമില്ല. പ്രത്യേകിച്ചും വീടിന്റെ പ്ലാൻ വാസ്തു പ്രകാരമാണെങ്കിൽ. വാസ്തുവുമായി ഒത്തുപോകുന്ന രീതിയിൽ ക്രമീകരിക്കുന്നതിലൂടെ, അത്തരം പ്രോപ്പർട്ടികൾക്ക് പോസിറ്റീവ് പൂജ്യം ഊർജത്തെ വിന്യസിക്കാൻ കഴിയും. ഉന്നതിയും സന്തോഷവും നിറഞ്ഞ ഒരു ജീവിതാന്തരീക്ഷം സൃഷ്ടിക്കാനും കഴിയും.
പടിഞ്ഞാറ് ദിശയിലേക്ക് ദർശനമാകുന്ന അപ്പാർട്ട്മെന്റുകൾക്കായുള്ള 10 വാസ്തു ശാസ്ത്ര ഹോം പ്ലാൻ ടിപ്പുകൾ നോക്കാം, അവ നിങ്ങളുടെ വീടിന്റെ വാസ്തു ഭംഗി വർദ്ധിപ്പിക്കാൻ സഹായിക്കും..
വാസ്തു ശാസ്ത്രപ്രകാരം, പടിഞ്ഞാറ് ദിശയിലേക്ക് ദർശനമുള്ള വീട്ടിലേക്കുള്ള പ്രവേശന വടക്ക് പടിഞ്ഞാറ് അല്ലെങ്കിൽ പടിഞ്ഞാറ് ദിശയിൽ സ്ഥാപിക്കുന്നത് പോസിറ്റീവ് ഊർജ്ജ പ്രവാഹത്തെ പരമാവധി ഉയർത്തുന്നു. ഇങ്ങനെ തന്ത്രപ്രധാനമായി പ്രവേശനം സ്ഥാപിച്ചാൽ സമൃദ്ധി പോസിറ്റിവിറ്റി എന്നിവയെ ആകർഷിക്കുകയും ചെയ്യുന്നു. കൂടാതെ നിർഭാഗ്യത്തെയും തടസ്സങ്ങളെയും ആകർഷിക്കുമെന്ന് കരുതപ്പെടുന്ന തെക്ക് പടിഞ്ഞാറൻ ദിശയിലയുടെയുള്ള പ്രവേശനവും അതുമായി ബന്ധപ്പെട്ട ഉണ്ടാകാനിടയുള്ള നെഗറ്റീവ് ഫലങ്ങൾക്ക് തടയിടാനും കഴിയും.
പടിഞ്ഞാറ് ദിശയിൽ ദർശനമാകുന്ന വീടുകളുടെ മുൻഭാഗത്ത് (പ്രധാന കവാടത്തിൽ ഒഴികെ) സസ്യങ്ങൾ വളർത്തുന്നത് രണ്ട് കാര്യങ്ങൾക്ക് ഗുണകരമാകുന്നു . ഒന്നാമതായി, കഠിനമായ സൂര്യരശ്മികളിൽ നിന്നുള്ള തീവ്രമായ ചൂടിനെ ഇത് ചെറുക്കുകയും അന്തരീക്ഷത്തെ തണുപ്പിക്കുന്ന പ്രഭാവം ഉറപ്പാക്കുകയും ചെയ്യുന്നു. രണ്ടാമതായി, ഇത് വീടിന് ചുറ്റുമുള്ള സൗന്ദര്യാത്മക ആകർഷണവും പാരിസ്ഥിതിക ഗുണനിലവാരവും വർദ്ധിപ്പിക്കുകയും മൊത്തത്തിലുള്ള ക്ഷേമം വർദ്ധിപ്പിക്കുന്നതിനും സഹായകരമാകുന്നു.
പടിഞ്ഞാറ് വശത്ത് വലിയ ഗ്ലാസ് പാളികളുള്ള ജനലുകൾ വാതിലുകൾ എന്നിവയിലൂടെ തീവ്രമായ സൂര്യപ്രകാശം അകത്തുകയറാൻ അനുവദിച്ചാൽ, വീടിനുള്ളിലെ താപനില വർദ്ധിപ്പിക്കും. അതിനാൽ, പടിഞ്ഞാറോട്ട് ദർശനമുള്ള വീടിന്റെ വാസ്തു പദ്ധതിയിൽ അത്തരം ഡിസൈൻ ഘടകങ്ങൾ കുറയ്ക്കുകയോ തന്ത്രപരമായി ആസൂത്രണം ചെയ്യുകയോ ചെയ്യുന്നത് താപനില കുറയ്ക്കുന്നതിനും അങ്ങനെ ഊർജ്ജ ഉപഭോഗം കുറയ്ക്കുന്നതിനൊപ്പം സുഖകരമായ ഇൻഡോർ കാലാവസ്ഥ നിലനിർത്താൻ സഹായിക്കുകയും ചെയ്യും.
പടിഞ്ഞാറ് ദിശയിൽ ദർശനമാകുന്ന വീടിന്റെ വാസ്തു പ്രകാരം വീടിന്റെ വടക്ക്-പടിഞ്ഞാറ് ഭാഗത്ത് സ്വീകരണമുറി സ്ഥാപിക്കുന്നത് സാമൂഹിക ബന്ധങ്ങളെയും കുടുംബ ഐക്യത്തെയും വർദ്ധിപ്പിക്കും. ഇത് വൈകുന്നേര സമയങ്ങളിൽ മുറിയിൽ ആവശ്യത്തിന് വെളിച്ചം ലഭിക്കുന്നുണ്ടെന്ന് ഉറപ്പാക്കുകയും വിശ്രമത്തിനും അതിഥി വിനോദത്തിനും ആകർഷകമായ ഇടമാക്കി മാറ്റുകയും ചെയ്യുന്നു.
തെക്കുപടിഞ്ഞാറൻ മൂല സ്ഥിരതയും സമാധാനവും പ്രദാനം ചെയ്യുന്നു. ഇത് വിശ്രമത്തിന് അനുയോജ്യമായ അന്തരീക്ഷത്തിന് അനുകൂല ഘടകങ്ങളാണ്. സമാധാനപരമായും തടസ്സമില്ലാതെയും ഉറക്കം നേടുന്നതിനും ഓജസ്കരമായ വിശ്രമ ഇടമായി നിലനിർത്തുന്നതിനും കിടപ്പുമുറിയിൽ കണ്ണാടികൾക്ക് മറയിടാൻ വാസ്തു ശാസ്ത്രം ഉപദേശിക്കുന്നുണ്ട്.
തെക്കുകിഴക്ക് ഭാഗത്തായി അടുക്കള സ്ഥാപിക്കുന്നത് അഗ്നി കോണുമായി ബന്ധപ്പെട്ട പോസിറ്റീവ് ഊർജ്ജം ഉപയോഗപ്പെടുത്തുന്നുവെന്ന് ഉറപ്പാക്കുന്നു. ഇത് അഭിവൃദ്ധിക്കും ആരോഗ്യത്തിനും കാരണമാകും. പടിഞ്ഞാറോട്ട് ദർശനമുള്ള വീടിന്റെ വാസ്തു പദ്ധതിയിൽ, ഈ സ്ഥലം തെക്ക് പടിഞ്ഞാറ് ഭാഗത്തുള്ള അടുക്കള മൂലം ഉണ്ടാകാനിടയുള്ള വിപരീ ഫലങ്ങളെ ഒഴിവാക്കുകയും, കിഴക്കോട്ടുള്ള ദർശനം കൊണ്ട് അനുയോജ്യമായ ആഹാരാനുഭവങ്ങൾ നൽകുകയും ചെയ്യുന്നു.
വാസ്തു പ്രകാരം പടിഞ്ഞാറോട്ട് ദർശനമുള്ള വീടിന്റെ വടക്കുകിഴക്ക് മൂല ആത്മീയമായി ശക്തവും ശുദ്ധവുമായി കണക്കാക്കപ്പെടുന്നു, ഇത് ഒരു ആരാധനാ മുറിക്കോ പ്രാർത്ഥനാ മുറി അനുയോജ്യമായ സ്ഥലമാക്കി മാറ്റുന്നു. വീടിന്റെ ഈ ഭാഗം ദിവ്യ സ്പന്ദനങ്ങളെ ആകർഷിക്കുകയും നിവാസികൾക്ക് ശാന്തമായ അന്തരീക്ഷത്തിൽ ധ്യാനിക്കാനോ പ്രാർത്ഥിക്കാനോ പ്രാപ്തമാക്കുകയും ചെയ്യുന്നു.
വടക്കുപടിഞ്ഞാറോ, കിഴക്കു ഭാഗത്തോ ബാത്ത്റൂം അല്ലെങ്കിൽ ടോയ്‌ലറ്റ് സ്ഥാപിക്കുന്നത് വാസ്തു പ്രശ്നങ്ങൾ കുറയ്ക്കുകയും നെഗറ്റീവ് എനർജികൾ ഇല്ലാതാക്കുകയും ചെയ്യുന്നു. ഇപ്രകാരം തന്ത്രപരമായി സ്ഥാപിക്കുന്നത് വീടിനുള്ളിലെ പോസിറ്റീവ് സോണുകളുടെ മലിനീകരണം തടയും.
വാതിലുകളുടെ എണ്ണം ഇരട്ട സംഖ്യ ആയാൽ വീടിലുടനീളം സന്തുലിതമായ ഊർജ്ജ പ്രവാഹം സാധ്യമാക്കുന്നു. വാസ്തുവിലെ സന്തുലിതാവസ്ഥയുടെയും രൂപയോഗത്തിന്റെയും നിയമങ്ങൾ പാലിക്കുന്നത് വീടിന് സമാധാനവും സമ്പത്തും നൽകുന്നു.
വടക്ക്, കിഴക്ക് അല്ലെങ്കിൽ വടക്കു-കിഴക്ക് വശങ്ങളിലായി ജനാലകൾ സ്ഥാപിക്കുന്നതിന് മുൻഗണന നൽകിയാൽ സൂര്യതാപം ഏൽക്കാതെ വീടിന് മൃദുവായ പ്രകൃതിദത്ത വെളിച്ചം ലഭിക്കുന്നുണ്ടെന്ന് ഉറപ്പാക്കും. ഇപ്രകാരമുള്ള സമീപനം പകൽ വെളിച്ചത്തിന്റെ ഉപയോഗത്തെ ഏറ്റവും ഗുണകരമാക്കുകയും സുഖകരമായ ഇൻഡോർ താപനില നിലനിർത്തുകയും ചെയ്യും.
പടിഞ്ഞാറ് ദിശയിലേക്ക് ദർശനമാകുന്ന വീടിന്റെ പ്ലാനിൽ വാസ്തു ശാസ്ത്ര തത്വങ്ങൾ പാലിക്കുന്നത് നിരവധി നേട്ടങ്ങൾ നൽകുന്നു. ഇത് വീടിന്റെ സ്ട്രക്ചറും ജഗത്തിലെ ഊർജ്ജ പ്രവാഹങ്ങളും യോജിപ്പിച്ച് പ്രവർത്തിക്കുന്നുവെന്ന് ഉറപ്പിക്കുന്നു. വീടിന്റെ രൂപകൽപ്പനയിലെ ഈ ശ്രദ്ധാപൂർവ്വമായ പരിഗണന, പ്രത്യേകിച്ച് പടിഞ്ഞാറോട്ട് ദർശനമുള്ള പ്രോപ്പർട്ടികൾക്ക്, പ്രവേശന കവാടവും മുറികളും സ്വാഭാവിക രൂപത്തിലുള്ള ഇടപെടലുകൾക്ക് ഗുണകരമായി മാറ്റുന്നതിലൂടെ സമൃദ്ധി, ആരോഗ്യം, സന്തോഷം എന്നിവയെ ആകർഷിക്കുന്നു.
അടുക്കള, കിടപ്പുമുറികൾ, ലിവിങ് റൂമുകൾ എന്നീ പ്രധാന ഇടങ്ങൾ വാസ്തു മാർഗ്ഗനിർദ്ദേശങ്ങൾ അനുസരിച്ച് വിധിയാംവണ്ണം സ്ഥാപിച്ചാൽ വീടിന്റെ ഐക്യം വർദ്ധിപ്പിക്കുകയും സാമ്പത്തിക സ്ഥിരത മെച്ചപ്പെടുത്തുകയും ക്ഷേമത്തെ പിന്തുണയ്ക്കുകയും ചെയ്യും. പടിഞ്ഞാറ് ദിശയിൽ ദർശനമാകുന്ന വീടിന്റെ വാസ്തു പദ്ധതിയിൽ ദിശാപരമായ ഊർജ്ജപ്രവാഹത്തിന്റെ ഗുണങ്ങൾ പ്രയോജനപ്പെടുത്തുന്നതിലൂടെ, താമസക്കാർക്ക് സമാധാനത്തിന്റെ ഒരു സംഗീതമായി വീട് അനുഭവപ്പെടാനും പോസിറ്റീവും സന്തുലിതവുമായ അന്തരീക്ഷം വളർത്തിയെടുക്കാനും കഴിയും. പടിഞ്ഞാറോട്ട് ദർശനമുള്ള വീടുകൾക്കുള്ള വീടിന്റെ പ്ലാനുകൾക്കുള്ള ഈ സംയോജിത സമീപനം സമഗ്രവും സമൃദ്ധവുമായ ജീവിതത്തിനുള്ള ഒരു ബ്ലൂപ്രിന്റാണ്.
വാസ്തു തത്വങ്ങൾ പാലിക്കുന്നതിലൂടെ, നിങ്ങളുടെ പടിഞ്ഞാറ് ദിശയിലേക്ക് ദർശനമാകുന്ന വീടിനെ പോസിറ്റീവ് എനർജിയുടെ ഇടമാക്കി മാറ്റുന്നു. ഇപ്രകാരം ഉച്ചതിരിഞ്ഞ കാഠിന്യം കുറഞ്ഞ സൂര്യ പ്രകാശത്തെ സ്വീകരിക്കാനും ശാന്തത പ്രദാനം ചെയ്യുന്ന ഘടകങ്ങളുമായുള്ള സന്തുലിതാവസ്ഥ ഉറപ്പിക്കാനും നിങ്ങൾക്ക് സഹായകരമാവും. ഓർക്കുക, മികച്ച രീതിയിൽ പ്ലാൻ ചെയ്ത പടിഞ്ഞാറ് ദിശയിൽ ദർശനമാകുന്ന ഒരു വീടിനുള്ള വാസ്തു പദ്ധതി, നിങ്ങൾക്കും നിങ്ങളുടെ പ്രിയപ്പെട്ടവർക്കും സമൃദ്ധി, നല്ല ആരോഗ്യം, ഐക്യം എന്നിവ കൈവരിക്കാൻ ഇടയാക്കും.
30x40 ൽ പടിഞ്ഞാറ് ദിശയിൽ ദർശനമാകുന്ന വീടിന്റെ വാസ്തു പ്ലാനിൽ, പ്രധാന കവാടം പടിഞ്ഞാറ് (തെക്ക് പടിഞ്ഞാറ് ഭാഗത്തേക്ക് അല്ലെന്ന് ശ്രദ്ധിക്കുക) സ്ഥാപിക്കുക, പ്രധാന മുറികൾ വിധിപ്രകാരം സ്ഥാപിക്കുക, വാസ്തു തത്വങ്ങൾക്കനുസൃതമായി ശരിയാവും വിധമുള്ള മുറി അനുപാതവും വായുസഞ്ചാരവും ഉറപ്പാക്കുക.
പടിഞ്ഞാറേയ്ക്ക് ദർശനമുള്ള വീടിന്റെ വാസ്തു പദ്ധതിയിൽ ഉൾപ്പെടുത്താനായി ശുപാർശ ചെയ്യുന്നത് ഇനി പറയും പ്രകാരമാണ്. വടക്ക്-പടിഞ്ഞാറ് ഭാഗത്ത് ലിവിങ് റൂം, തെക്ക്-കിഴക്ക് ഭാഗത്ത് അടുക്കള, തെക്ക്-പടിഞ്ഞാറ് അല്ലെങ്കിൽ വടക്ക്-പടിഞ്ഞാറ് ഭാഗത്ത് കിടപ്പുമുറികൾ, പടിഞ്ഞാറ് അല്ലെങ്കിൽ വടക്ക്-പടിഞ്ഞാറ് ഭാഗത്ത് കുളിമുറികൾ, വടക്കു-കിഴക്ക് പൂജാമുറി എന്നിവ..
വാസ്തു ശാസ്ത്രം വീടിന്റെ ദർശന ദിശയും വ്യക്തിയുടെ രാശിയുമായി (രാശി) നേരിട്ട് ബന്ധിപ്പിച്ച് കാണുന്നില്ല; വാസ്തു തത്വങ്ങൾ ശരിയായി നടപ്പിലാക്കിയാൽ ഏതു രാശിക്കാർക്കും അഭിവൃദ്ധി ഉറപ്പിച്ച് പടിഞ്ഞാറ് ദർശനമാകുന്ന വീട്ടിൽ താമസിക്കാവുന്നതാണ്.
തീർച്ചയായും, പ്രധാന വാതിൽ പടിഞ്ഞാറോട്ട് ദർശനമാകാവുന്നതാണ്; വാസ്തു മാർഗ്ഗനിർദ്ദേശങ്ങൾ അനുസരിച്ച്, പോസിറ്റീവ് എനർജികളെ ആകർഷിക്കുന്നതിന് പടിഞ്ഞാറ് ഭാഗത്തിന്റെ വടക്കുപടിഞ്ഞാറൻ ഭാഗത്താണ് ഇത് സ്ഥാപിക്കേണ്ടത്.
30 * 60 അളവിലുള്ള പടിഞ്ഞാറോട്ട് ദർശനമുള്ള ഒരു അനുയോജ്യമായ വീടിന്റെ പ്ലാനിൽ വാസ്തു പാലിച്ചു കൊണ്ട് യഥാസ്ഥാനത്തുള്ള പ്രധാന വാതിൽ, സന്തുലിതമായ മുറികളുടെ സ്ഥാനം, ഫലപ്രദമായ സ്ഥല വിനിയോഗം, ഏറ്റവും ഗുണകരമാകുന്ന രീതിയിലുള്ള ഊർജ്ജ പ്രവാഹത്തിനായി ശരിയായ സൈറ്റ് ഓറിയന്റേഷൻ എന്നിവ ഉൾപ്പെടുന്നു.
