Share:
വീട്ടിലെ ചുവരുകൾക്ക് പെയിന്റിംഗിന് തയ്യാറെടുക്കാൻ മാത്രമല്ല വാൾ പുട്ടി ഉപയോഗിക്കുന്നത്; ഏത് മുറിക്കും അതിന്റെതായ പ്രത്യേകത നിലനിർത്താൻ മനോഹരമായ പുട്ടി ഡിസൈനുകൾ സഹായിക്കും. വ്യത്യസ്ത സാങ്കേതിക വിദ്യകൾ ഉപയോഗിച്ച്, നിങ്ങൾക്ക് സാധാരണ ചുവരുകൾക്ക് ജീവൻ നൽകാനും നിങ്ങളുടെ ഇടം കൂടുതൽ ആകർഷകമാക്കാനും കഴിയും. പരിഗണിക്കേണ്ട ചില പ്രശസ്തമായ വാൾ പുട്ടി ഡിസൈനുകൾ ഇതാ:
ടെക്സ്ചേർഡ് വാൾ പുട്ടി ഉപയോഗിച്ച് നിങ്ങളുടെ ചുവരുകൾക്ക് കൂടുതൽ ആഴവും ശൈലിയും നൽകാൻ സാധിക്കും. തിരമാലകൾ, ചുഴികൾ, അല്ലെങ്കിൽ പരുക്കൻ പാറ്റേണുകൾ എന്നിവയുണ്ടാക്കി ചുവരുകൾക്ക് ഒരു പ്രത്യേക രൂപം നൽകാം. ടെക്സ്ചേർഡ് ഫിനിഷുകൾ സ്വീകരണ മുറികളിലും കിടപ്പുമുറികളിലും വളരെ ആകർഷകമാണ്. അതുപോലെ, സീലിംഗിൽ പുട്ടി ഡിസൈൻ ചെയ്യുന്നത് മുറിക്ക് കൂടുതൽ ഭംഗി നൽകുന്നു.
നിങ്ങൾക്ക് ആകർഷകവും ആധുനികവുമായ രൂപം ഇഷ്ടമാണെങ്കിൽ, മിനുസവും പോളിഷുമുള്ള പുട്ടി ഫിനിഷ് ഏറ്റവും അനുയോജ്യമാണ്. ഇത് നിങ്ങളുടെ ചുവരുകൾക്ക് ന്യൂനത ഇല്ലാത്തതും മനോഹരവുമായ രൂപം നൽകുന്നു. വൃത്തിയും സൗന്ദര്യവുമുള്ള രൂപം ആവശ്യമുള്ള ഊണുമുറികൾ, ഹാൾവേ തുടങ്ങിയ ഏത് മുറിയിലും ഈ ശൈലി മികച്ചതാണ്. വീടിന്റെ മുൻവശത്തെ ഭിത്തിയിൽ പുട്ടി ഡിസൈൻ ചെയ്ത് പ്രവേശന കവാടത്തിന് ആകർഷകമായ രൂപം നൽകാനും ഇത് പരിഗണിക്കാവുന്നതാണ്.
വീടിന് ആധുനികമായ ഒരു സ്പർശം നൽകാൻ ജ്യാമിതീയ രൂപങ്ങൾ ഉണ്ടാക്കാൻ വാൾ പുട്ടി ഉപയോഗിക്കാം. ചതുരങ്ങൾ, ത്രികോണങ്ങൾ തുടങ്ങിയ രൂപങ്ങൾ മുതൽ സവിശേഷമായ ഡിസൈനുകൾ വരെ ഉള്ള ജ്യാമിതീയ രൂപങ്ങൾ ഉപയോഗിച്ച് വീടിന് ഒരു പുതിയ രൂപം നൽകുന്നു. വ്യത്യസ്ത നിറങ്ങൾ ഉപയോഗിച്ച് ഈ രൂപങ്ങൾക്ക് കൂടുതൽ ആകർഷകത്വം നൽകാം, ഇത് വീടിന് സവിശേഷമായ രൂപം നൽകാൻ ലക്ഷ്യമിടുന്ന ഡിസൈൻ ജോലികൾക്ക് വളരെ അനുയോജ്യമാണ്.
കൂടുതൽ ക്ലാസിക് അല്ലെങ്കിൽ ഗ്രാമീണ ഭംഗി ഇഷ്ടപ്പെടുന്നവർക്ക്, കല്ല് അല്ലെങ്കിൽ ഇഷ്ടിക പോലുള്ള പ്രകൃതിദത്ത വസ്തുക്കളുടെ ടെക്സ്ചർ അനുകരിക്കാൻ വാൾ പുട്ടി ഉപയോഗിക്കാം. ഈ വാൾ പുട്ടി ഡിസൈൻ അടുക്കളയിലോ മുറികളിലോ ഊഷ്മളവും സ്വാഗതാർഹവുമായ ഒരു അന്തരീക്ഷം സൃഷ്ടിക്കുന്നു. കൂടാതെ, വീടിന്റെ പുറം ഭിത്തികളിൽ ഉയർന്നു നിൽക്കുന്ന പുട്ടി ഡിസൈൻ ചെയ്യാൻ ഇത് വളരെ മികച്ച ഒരു തിരഞ്ഞെടുപ്പാണ്, ഇത് വീടിന് ചാരുതയും സൗന്ദര്യവും നൽകുന്നു.
ഡെക്കറേറ്റീവ് വാൾ പുട്ടി ഉപയോഗിച്ച് മനോഹരമായ ചുവർ ഫിനിഷുകൾ ഉണ്ടാക്കുന്നത് വളരെ എളുപ്പമാണ്. കുറച്ച് ലളിതമായ മാർഗ്ഗങ്ങളിലൂടെ നിങ്ങളുടെ സാധാരണ ചുവരുകൾക്ക് സ്റ്റൈലിഷും ആകർഷകവുമായ രൂപം നൽകാം. വീട്ടിൽ മികച്ച വാൾ പുട്ടി ഡിസൈനുകൾ എങ്ങനെ ഉണ്ടാക്കാമെന്ന് ഇവിടെ വിവരിക്കുന്നു:
ആദ്യം, ഭിത്തിയുടെ ഉപരിതലം വൃത്തിയാക്കുക. പൊടി, അഴുക്ക്, പഴയ പെയിന്റിന്റെ അടർന്നുപോയ ഭാഗങ്ങൾ എന്നിവ നീക്കം ചെയ്യുക. ഭിത്തി ഉണങ്ങിയതും മിനുസമുള്ളതുമാണെന്ന് ഉറപ്പുവരുത്തുക. വിള്ളലുകളോ ദ്വാരങ്ങളോ ഉണ്ടെങ്കിൽ, സാധാരണ വാൾ പുട്ടി ഉപയോഗിച്ച് അവ അടച്ച്, നിങ്ങളുടെ ഡിസൈനിന് ഒരു നല്ല അടിസ്ഥാനം ഉണ്ടാക്കുക. നിങ്ങൾ വീടിന് പുറത്തോ അകത്തോ ചെയ്യുന്ന ഡിസൈനാണെങ്കിൽ പോലും ഈ ഘട്ടം വളരെ പ്രധാനമാണ്.
വിവിധ തരം ഡെക്കറേറ്റീവ് വാൾ പുട്ടികൾ ലഭ്യമാണ്, അക്രിലിക്, സിമന്റ് അധിഷ്ഠിതം, അല്ലെങ്കിൽ ജിപ്സം അധിഷ്ഠിതം എന്നിങ്ങനെ. നിങ്ങളുടെ ഇഷ്ടത്തിനനുസരിച്ചുള്ള ഫിനിഷിന് അനുയോജ്യമായത് തിരഞ്ഞെടുക്കുക. ഉദാഹരണത്തിന്, വെളുത്ത പുട്ടി മിനുസവും ഉറപ്പുമുള്ള ഒരു ഉപരിതലം ഉണ്ടാക്കാൻ അനുയോജ്യമാണ്, അതിനാൽ ഇത് ബാത്ത്റൂമുകളിൽ കൂടുതലായി ഉപയോഗിക്കുന്നു. കാരണം ഇതിന് ഈർപ്പത്തെ പ്രതിരോധിക്കാനുള്ള മികച്ച കഴിവുണ്ട്, കൂടാതെ വാട്ടർപ്രൂഫിംഗ് സൊല്യൂഷനുകളുമായി ഇത് യോജിച്ചുപോകുകയും ചെയ്യും.
മികച്ചൊരു ഫലം ലഭിക്കാൻ, പുട്ടി നേർത്ത പാളികളായി തേയ്ക്കുക. ടെക്സ്ചേർഡ് ഫിനിഷുകൾക്കായി, സ്പോഞ്ച്, ബ്രഷ്, അല്ലെങ്കിൽ പുട്ടി നൈഫ് പോലുള്ള ഉപകരണങ്ങൾ ഉപയോഗിച്ച് വ്യത്യസ്ത രൂപങ്ങൾ ഉണ്ടാക്കാം. മിനുസമുള്ള ഫിനിഷിനായി, മേസ്തിരി കരണ്ടി ഉപയോഗിച്ച് പുട്ടി ഭിത്തിയിൽ എല്ലായിടത്തും ഒരുപോലെ പരത്തുക.
നിങ്ങൾക്ക് ഒരു ടെക്സ്ചേർഡ് ഫിനിഷാണ് വേണ്ടതെങ്കിൽ, ഈ ഘട്ടത്തിലാണ് ഡിസൈൻ ചെയ്യേണ്ടത്. തരംഗരൂപത്തിലുള്ള വരകൾ, ചുഴികൾ, ജ്യാമിതീയ രൂപങ്ങൾ അല്ലെങ്കിൽ മറ്റെന്തെങ്കിലും പുട്ടി ഡിസൈനുകൾ ഉണ്ടാക്കാൻ നിങ്ങൾക്ക് വിവിധ ഉപകരണങ്ങൾ ഉപയോഗിക്കാം. മിനുസമുള്ള രൂപം ലഭിക്കാൻ, പുട്ടി ഉണങ്ങിയ ശേഷം മേസ്തിരി കരണ്ടി അല്ലെങ്കിൽ സാൻഡ് പേപ്പർ ഉപയോഗിച്ച് പ്രതലം മിനുസപ്പെടുത്തുക.
ഭിത്തിയിലെ പുട്ടി പൂർണ്ണമായും ഉണങ്ങാൻ അനുവദിക്കുക. പുട്ടിയുടെ കനം അനുസരിച്ച് ഇതിന് ഏതാനും മണിക്കൂറുകൾ മുതൽ ഒരു ദിവസം വരെ എടുത്തേക്കാം. പുട്ടി ഉണങ്ങിയ ശേഷം, ആവശ്യമെങ്കിൽ കൂടുതൽ മിനുസമുള്ള ഫിനിഷിനായി നിങ്ങൾക്ക് പ്രതലം ലഘുവായി ഉരസ്സുന്നതും നല്ലതാണ്.
നിങ്ങളുടെ ചുവരുകൾക്ക് കൂടുതൽ ആകർഷകമായ രൂപം നൽകാൻ, പുട്ടിയിട്ട ഭാഗത്ത് പെയിന്റ് ചെയ്യുകയോ അല്ലെങ്കിൽ ഡിസൈൻ സംരക്ഷിക്കുന്നതിനായി ഒരു തെളിമയുള്ള പോളിഷ് ഉപയോഗിക്കുകയോ ചെയ്യാം. നിങ്ങളുടെ മുറിയുടെ അലങ്കാരവുമായി ചേരുന്ന നിറങ്ങൾ തിരഞ്ഞെടുക്കുക, അല്ലെങ്കിൽ പുട്ടി ഫിനിഷിന്റെ സ്വാഭാവിക രൂപം നിലനിർത്താൻ ഒരു തെളിമയുള്ള പോളിഷ് ഉപയോഗിക്കുക. ഏറ്റവും മികച്ച അകത്തെയും പുറത്തെയും വാൾ പുട്ടി ഡിസൈനുകൾക്ക് കൂടുതൽ ഭംഗി നൽകുന്ന നിറങ്ങൾ ഉപയോഗിക്കുന്നത് വളരെ നല്ലതാണ്, ഇത് നിങ്ങളുടെ വീടിന് വേറിട്ട ഒരു രൂപം നൽകും.
ചുവരുകൾ മിനുസപ്പെടുത്തുന്നതിനപ്പുറം വാൾ പുട്ടി ഉപയോഗിക്കുന്നത് കൊണ്ട് നിരവധി ഗുണങ്ങളുണ്ട്. ഇത് പെയിന്റിന് ഉറപ്പുള്ള ഒരു അടിസ്ഥാനം നൽകുന്നു, ചുവരുകളുടെ ഈടുറപ്പ് വർദ്ധിപ്പിക്കുന്നു, കൂടാതെ വീടിന്റെ മൊത്തത്തിലുള്ള രൂപം മെച്ചപ്പെടുത്തുകയും ചെയ്യുന്നു. വാൾ പുട്ടി ഉപയോഗിക്കുന്നതിന്റെ പ്രധാന ഗുണങ്ങൾ താഴെക്കൊടുക്കുന്നു:
വാൾ പുട്ടി ചുവരുകളിലെ വിള്ളലുകൾ, കുഴികൾ, മറ്റ് ചെറിയ പാകപ്പിഴവുകൾ എന്നിവ നികത്തി, മിനുസവും തുല്യവുമായ ഒരു പ്രതലം ഉണ്ടാക്കുന്നു. ഇത് ചുവരുകൾക്ക് ന്യൂനത ഇല്ലാത്ത രൂപം നൽകുകയും, പെയിന്റ് നന്നായി ഒട്ടിപ്പിടിക്കാൻ സഹായിക്കുകയും ചെയ്യുന്നതിലൂടെ കൂടുതൽ മിനുസമുള്ളതും വൈദ്ഗ്ധപരമായ ഒരു ഫിനിഷിന് വഴിയൊരുക്കുന്നു. വീടിനകത്തെയും പുറത്തെയും ചുവരുകൾക്ക് ഇത് വളരെ പ്രയോജനകരമാണ്.
ഈർപ്പം, ആർദ്രത, മറ്റ് പാരിസ്ഥിതിക ഘടകങ്ങൾ എന്നിവ മൂലമുണ്ടാകുന്ന കേടുപാടുകളിൽ നിന്ന് ചുവരുകളെ സംരക്ഷിക്കാൻ വാൾ പുട്ടി സഹായിക്കുന്നു. ഇത് ചുവരുകൾക്ക് ഒരു അധിക പാളിയായി പ്രവർത്തിച്ച്, തേയ്മാനം തടയുകയും കാലക്രമേണ വിള്ളലുകളും അടർന്നുപോകലും ഉണ്ടാകാനുള്ള സാധ്യത കുറയ്ക്കുകയും ചെയ്യുന്നു.
വാൾ പുട്ടി ചുവരുകൾ മിനുസപ്പെടുത്തുന്നതിനാൽ, പെയിന്റ് അതിൽ നന്നായി ഒട്ടിപ്പിടിക്കുന്നു. ഇത് പെയിന്റിന് കൂടുതൽ ഭംഗി നൽകുന്നു എന്ന് മാത്രമല്ല, അത് അടർന്നുപോവുകയോ നിറം മങ്ങുകയോ ചെയ്യാതെ കൂടുതൽ കാലം നിലനിൽക്കാൻ സഹായിക്കുകയും ചെയ്യുന്നു. തന്മൂലം, നിങ്ങൾക്ക് വീണ്ടും പെയിന്റ് ചെയ്യേണ്ടി വരുന്നത് കുറയുന്നു, ഇത് നിങ്ങളുടെ സമയവും പണവും ലാഭിക്കുന്നു.
കോൺക്രീറ്റ്, പ്ലാസ്റ്റർ, അല്ലെങ്കിൽ ഡ്രൈവാൾ എന്നിങ്ങനെ ഏത് തരം ഭിത്തികളിലും വാൾ പുട്ടി നന്നായി പ്രവർത്തിക്കും. ഇത് അകത്തെയും പുറത്തെയും ചുവരുകൾക്ക് ഉപയോഗിക്കാമെന്നതിനാൽ, വിവിധതരം വീട് മെച്ചപ്പെടുത്തൽ ജോലികൾക്ക് ഇത് ഒരു മികച്ച തിരഞ്ഞെടുപ്പാണ്.
അലങ്കാര വാൾ ഫിനിഷുകൾ ഉണ്ടാക്കുമ്പോൾ, വാൾ പുട്ടി ഒരു മികച്ച അടിസ്ഥാനം നൽകുന്നു. വീട്ടിലെ വാൾ പുട്ടി ഡിസൈനുകൾ ടെക്സ്ചേർഡ് രൂപങ്ങൾ, ജ്യാമിതീയ രൂപങ്ങൾ, അല്ലെങ്കിൽ മറ്റ് സർഗാത്മക ഫിനിഷുകൾ എന്നിവ എളുപ്പത്തിൽ ഉണ്ടാക്കാൻ സഹായിക്കുന്നു. ഇത് നിങ്ങളുടെ ചുവരുകൾക്ക് വേറിട്ടുനിൽക്കുന്ന ആകർഷകമായ രൂപം നൽകുന്നു.
ഒരു വീട്ടുടമസ്ഥനെ സംബന്ധിച്ച്, വീടിന്റെ രൂപം മെച്ചപ്പെടുത്താനുള്ള ചെലവ് കുറഞ്ഞ മാർഗമാണ് വാൾ പുട്ടിയിൽ നിക്ഷേപിക്കുന്നത്. ഇത് ചുവരുകൾക്ക് കൂടുതൽ ഈടുറപ്പ് നൽകുന്നതിലൂടെ അറ്റകുറ്റപ്പണികളുടെ ചെലവ് കുറയ്ക്കാൻ സഹായിക്കുന്നു, ഒപ്പം പെയിന്റ് കൂടുതൽ കാലം നിലനിൽക്കുന്നു എന്നും ഉറപ്പാക്കുന്നു. അതിനാൽ, ഇത് ഒരു മികച്ച തിരഞ്ഞെടുപ്പാണ്.
വാൾ പുട്ടി ഉപയോഗിച്ച് നിങ്ങളുടെ വീടിന് കൂടുതൽ ഭംഗി നൽകാം. ആധുനിക വാൾ പുട്ടി ടെക്സ്ചർ രൂപകല്പനകൾ, മിനുസമുള്ള ഫിനിഷുകൾ, അല്ലെങ്കിൽ പ്രത്യേക രൂപങ്ങൾ എന്നിവ ഉണ്ടാക്കി സാധാരണ ചുവരുകളെ ആകർഷകമായ ഒന്നാക്കി മാറ്റാൻ ഇതിലൂടെ സാധിക്കും. വാൾ പുട്ടി ഉപയോഗിക്കുന്നത് ചുവരുകൾക്ക് കേടുപാടുകളിൽ നിന്ന് സംരക്ഷണം നൽകുകയും ചെയ്യും.ചുവരുകളിലും സീലിംഗുകളിലും പുട്ടി ഉപയോഗിച്ചുള്ള രൂപകല്പനകൾ മുറികൾക്ക് നല്ലതും കൂടുതൽ കാലം നിലനിൽക്കുന്നതുമായ രൂപം നൽകാൻ സഹായിക്കുന്ന ലളിതമായ വഴികളാണ്. മികച്ച ഫലം ലഭിക്കുന്നതിന്, വാൾ പുട്ടി ഉപയോഗിക്കുന്നതിനൊപ്പം വിദഗ്ദ്ധമായ പെയിന്റിംഗ് നുറുങ്ങുകളും പിന്തുടരുന്നത് നല്ലതാണ്.
നിങ്ങളുടെ ആവശ്യകതകൾക്കനുസരിച്ചാണ് വീടിന് ഏറ്റവും അനുയോജ്യമായ പുട്ടി തിരഞ്ഞെടുക്കേണ്ടത്. മിനുസമുള്ള ഫിനിഷുകൾക്ക് അക്രിലിക് പുട്ടി നല്ലതാണ്, അതേസമയം ടെക്സ്ചറുകൾ ഉണ്ടാക്കാൻ സിമന്റ് അധിഷ്ഠിത പുട്ടിയാണ് കൂടുതൽ ഉചിതം. ജിപ്സം പുട്ടി വേഗത്തിൽ ഉണങ്ങുകയും മനോഹരമായ ഫിനിഷ് നൽകുകയും ചെയ്യുന്നതുകൊണ്ട് വീടിനകത്തെ ചുവരുകൾക്ക് ഇത് വളരെ പ്രചാരമുള്ളതാണ്.
ഇല്ല, വാൾ പുട്ടി പൂർണ്ണമായും ഉണങ്ങിയ ശേഷം മാത്രം പെയിന്റ് ചെയ്യുന്നതാണ് ഏറ്റവും നല്ലത്. ഇത് പെയിന്റ് നന്നായി ഒട്ടിപ്പിടിക്കാനും കൂടുതൽ ഭംഗിയായി കാണാനും സഹായിക്കും. മികച്ച ഫലങ്ങൾക്കായി പുട്ടി പൂർണ്ണമായും ഉണങ്ങിയെന്ന് എല്ലായ്പ്പോഴും ഉറപ്പാക്കുക.
ചുവരുകളിൽ മിനുസവും തുല്യവുമായ ഒരു ഉപരിതലം ഉണ്ടാക്കുക എന്നതാണ് വാൾ പുട്ടിയുടെ പ്രധാന ലക്ഷ്യം. ഇത് വിള്ളലുകളും ദ്വാരങ്ങളും നികത്താൻ സഹായിക്കുന്നതിനാൽ ചുവരുകൾ പെയിന്റിംഗിന് തയ്യാറാകുന്നു. കൂടാതെ, ഇത് സംരക്ഷണം നൽകുകയും ചുവരുകൾക്ക് കൂടുതൽ ഭംഗി നൽകുകയും ചെയ്യുന്നു.
ശരിയായ രീതിയിൽ ഉപയോഗിച്ചാൽ വാൾ പുട്ടി വർഷങ്ങളോളം നിലനിൽക്കും. കൃത്യമായ പരിചരണവും പരിപാലനവും ഉണ്ടെങ്കിൽ, നിങ്ങളുടെ ചുവരുകൾക്ക് 5-10 വർഷമോ അതിൽ കൂടുതലോ കാലം നല്ല രൂപം നിലനിർത്താൻ സഹായിക്കും.
വാൾ പുട്ടി എന്നത് പെയിന്റിംഗിന് മുൻപ് ചുവരുകൾ മിനുസപ്പെടുത്താൻ ഉപയോഗിക്കുന്ന ഒരു മിശ്രിതമാണ്. ഇത് പെയിന്റിംഗിനായി ഒരു മികച്ച പ്രതലം ഒരുക്കുകയും വ്യത്യസ്ത ഡിസൈനുകൾ ഉണ്ടാക്കാൻ സഹായിക്കുകയും ചെയ്യുന്നു. വീടുകളിലെ വാൾ പുട്ടി ഡിസൈനുകൾ ഭംഗി കൂട്ടുന്നതിനൊപ്പം ചുവരുകളെ കേടുപാടുകളിൽ നിന്ന് സംരക്ഷിക്കുകയും, മുറികൾക്ക് കൂടുതൽ ആകർഷകമായ രൂപം നൽകുകയും ചെയ്യുന്നു.
