ଘର ପାଇଁ ୱାଲ୍ ପୁଟ୍ଟି ଡିଜାଇନ୍

ଘରେ ୱାଲ୍ ପୁଟ୍ଟି ଡିଜାଇନ୍ କେବଳ ଆପଣଙ୍କ କାନ୍ଥକୁ ରଙ୍ଗ କରିବା ଲାଗି ପ୍ରସ୍ତୁତ କରିବା ପାଇଁ ଉଦ୍ଦିଷ୍ଟ ହୋଇ ନ ଥାଏ; ବରଂ ତାହାକୁ କାନ୍ଥରେ ସୁନ୍ଦର ପୁଟ୍ଟି ଡିଜାଇନ୍ କରିବା ଓ ଯେକୌଣସି କୋଠରୀକୁ ଏକ ନିଆରା ଚରିତ୍ର ଯୋଗାଇବା ପାଇଁ ମଧ୍ୟ ବ୍ୟବହାର କରାଯାଇପାରିବ । ବିଭିନ୍ନ କୌଶଳଗୁଡ଼ିକୁ ବ୍ୟବହାର କରି ଆପଣ ସାଦାସିଧା କାନ୍ଥଗୁଡ଼ିକରେ ଜୀବନ ଭରିପାରିବେ ଓ ଆପଣଙ୍କ ଜାଗାକୁ ନିଆରା ରୂପ ଓ ଅନୁଭୂତି ଦେଇପାରିବ । ଆପଣଙ୍କ ବିଚାର ପାଇଁ ତଳେ କେତେକ ଲୋକପ୍ରିୟ ୱାଲ୍ ପୁଟ୍ଟି ଡିଜାଇନ୍ ତଳେ ଦିଆଗଲା:

       ୧) ଟେକ୍ସଚର୍ଡ ଫିନିଶ୍

ଟେକ୍ସଚର୍ ଯୁକ୍ତ କାନ୍ଥ ପୁଟି ଆପଣଙ୍କ କାନ୍ଥରେ ଗଭୀରତା ଏବଂ ଷ୍ଟାଇଲ୍ ଯୋଡିପାରେ । ଆପଣ ବିଭିନ୍ନ ଟେକ୍ସଚର୍ ସୃଷ୍ଟି କରିପାରିବେ ଯେପରିକି ତରଙ୍ଗ, ଘୂର୍ଣ୍ଣନ, କିମ୍ବା ଏପରିକି ରଫ୍ ଢାଞ୍ଚା ଯାହା ଆପଣଙ୍କ କାନ୍ଥକୁ ଏକ ସ୍ୱତନ୍ତ୍ର ଓ ଅଦ୍ୱିତୀୟ ରୂପ ଦେଇଥାଏ । ଟେକ୍ସଚର୍ ଫିନିସ୍ ଲିଭିଂ ରୁମ୍ କିମ୍ବା ଶୋଇବା ଘରେ ଭଲ କାମ କରେ ଯେଉଁଠାରେ ଆପଣ ନିଜର ଛାପ ଦେବାକୁ ଚାହିଁଥାନ୍ତି । ତା ସହିତ ଘରର ଉପରିଭାଗରେ ମଧ୍ୟ ସିଲିଂ ୱାଲ୍ ପୁଟ୍ଟି ଡିଜାଇନ୍ ମଧ୍ୟ କରାଯାଇପାରିବ ।

        ୨) ଚିକ୍କଣ, ପଲିସ୍ ହୋଇଥିବା ଫିନିସ୍

ଯଦି ଆପଣ ଏକ ମାର୍ଜିତ ଏବଂ ଆଧୁନିକ ଲୁକ୍ ପସନ୍ଦ କରନ୍ତି, ତେବେ ଆପଣଙ୍କ ପାଇଁ ଏକ ଚିକ୍କଣ ଏବଂ ପଲିସ୍ ହୋଇଥିବା ପୁଟ୍ଟି ଫିନିସ୍ ଉପଯୁକ୍ତ ହେବ । ଏହା ଏକ ପରିମାର୍ଜିତ ରୂପ ସୃଷ୍ଟି କରେ ଯାହା ଆପଣଙ୍କ କାନ୍ଥକୁ ନିଖୁଣ କରିଥାଏ । ଏହି ଶୈଳୀ ଯେକୌଣସି କୋଠରୀ ପାଇଁ ବହୁତ ଭଲ, ବିଶେଷକରି ଡାଇନିଂ ରୁମ୍ କିମ୍ବା ହଲୱେ ପରି ସ୍ଥାନ, ଯେଉଁଠାରେ ଏକ ପରିଷ୍କାର ଏବଂ ଅତ୍ୟାଧୁନିକ ଲୁକ୍ ଆବଶ୍ୟକ ହୋଇଥାଏ । ଆପଣଙ୍କ ପ୍ରବେଶ ପଥକୁ ଏକ ସ୍ୱାଗତମୟ ଆକର୍ଷଣ ଦେବା ପାଇଁ ଆପଣ ଏହାକୁ ଏକ ସମ୍ମୁଖ କାନ୍ଥ ପୁଟ୍ଟି ଡିଜାଇନ୍ ପାଇଁ ମଧ୍ୟ ବିଚାର କରିପାରିବେ ।

        ୩) ଜ୍ୟାମିତିକ ଢାଞ୍ଚା

ଜ୍ୟାମିତିକ ଆକୃତି କିମ୍ବା ଢାଞ୍ଚା ଗଠନ କରିବା ପାଇଁ କାନ୍ଥ ପୁଟ୍ଟି ବ୍ୟବହାର କରିବା ଆପଣଙ୍କ ଘରକୁ ଏକ ଆଧୁନିକ ସ୍ପର୍ଶ ଦେଇପାରେ । ବର୍ଗ ଏବଂ ତ୍ରିଭୁଜ ଠାରୁ ଆରମ୍ଭ କରି ଅନନ୍ୟ ଡିଜାଇନ୍ ପର୍ଯ୍ୟନ୍ତ, ଜ୍ୟାମିତିକ ଢାଞ୍ଚା ଏକ ଆଧୁନିକ କାନ୍ଥ ପୁଟ୍ଟି ଟେକ୍ସଚର ଡିଜାଇନ୍ ଏବଂ ଆପଣଙ୍କ ସ୍ଥାନକୁ ବ୍ୟକ୍ତିଗତ କରିବା ପାଇଁ ଏକ ମଜାଦାର ଉପାୟ ହୋଇପାରେ । ଢାଞ୍ଚାଗୁଡ଼ିକୁ ଆହୁରି ଅନନ୍ୟ କରିବା ପାଇଁ ବିଭିନ୍ନ ରଙ୍ଗ ବ୍ୟବହାର କରିବାକୁ ଚେଷ୍ଟା କରନ୍ତୁ, ଯାହା ସେଗୁଡ଼ିକୁ ଘରୋଇ ପୁଟ୍ଟି ଡିଜାଇନ୍ ପ୍ରକଳ୍ପ ପାଇଁ ଉପଯୁକ୍ତ କରିଥାଏ, ଯାହା ଏକ ଅନନ୍ୟ ଚେହେରା ସୃଷ୍ଟି କରିବାକୁ ଲକ୍ଷ୍ୟ ରଖିଥାଏ ।

        ୪) ଗ୍ରାମୀଣ ଶୈଳୀ

ଅଧିକ କ୍ଲାସିକ୍ କିମ୍ବା ରଷ୍ଟିକ୍ ବା ଗ୍ରାମୀଣ ଲୁକ୍ ପାଇଁ, ପଥର କିମ୍ବା ଇଟା ପରି ପ୍ରାକୃତିକ ସାମଗ୍ରୀର ଗଠନକୁ ଅନୁକରଣ କରିବା ପାଇଁ ୱାଲ୍ ପୁଟି ବ୍ୟବହାର କରନ୍ତୁ । ଘରେ ଏହି କାନ୍ଥ ପୁଟି ଡିଜାଇନ୍ ରୋଷେଇ ଘର କିମ୍ବା ପରିବାର କୋଠରୀ ପରି ସ୍ଥାନରେ ଏକ ଉଷ୍ମ, ଆମନ୍ତ୍ରଣୀୟ ଅନୁଭବ ସୃଷ୍ଟି କରିପାରେ । ବାହ୍ୟ କାନ୍ଥରେ ଏଲିଭେସନ୍ ପୁଟ୍ଟି ଡିଜାଇନ୍ ପାଇଁ ଏହା ମଧ୍ୟ ଏକ ଉତ୍ତମ ବିକଳ୍ପ, ଯାହା ଆକର୍ଷଣ ଏବଂ ଅତ୍ୟାଧୁନିକତାର ସ୍ପର୍ଶ ଯୋଗ କରେ ।

ଡେକୋରେଟିଭ୍ ୱାଲ୍ ପୁଟ୍ଟି ସହିତ ଆଖିଦୃଶିଆ ୱାଲ୍ ଫିନିଶ୍ କେମିତି ତିଆରି କରିବେ

ଡେକୋରେଟିଭ୍ ୱାଲ୍ ପୁଟ୍ଟି ସହିତ ସୁନ୍ଦର କାନ୍ଥ ଫିନିସ୍ ତିଆରି କରିବା ସହଜ ଅଟେ । କିଛି ସରଳ ପଦକ୍ଷେପ ସହିତ, ଆପଣ ଆପଣଙ୍କର ସାଧା କାନ୍ଥକୁ ଷ୍ଟାଇଲିସ୍ ଏବଂ ଆକର୍ଷଣୀୟ ବୈଶିଷ୍ଟ୍ୟରେ ପରିଣତ କରିପାରିବେ । ଆପଣ କିପରି ଘରେ ଭଲ କାନ୍ଥ ପୁଟି ଡିଜାଇନ୍ ତିଆରି କରିପାରିବେ ତାହା ଏଠାରେ ଦର୍ଶାଯାଇଛି:
 

        ୧) ପୃଷ୍ଠଭାଗ ପ୍ରସ୍ତୁତ କରନ୍ତୁ

କୌଣସି ଧୂଳି, ମଇଳା, କିମ୍ବା ଛାଡ଼ିଯାଇଥିବା ରଙ୍ଗକୁ ହଟାଇବା ପାଇଁ କାନ୍ଥର ପୃଷ୍ଠଭାଗକୁ ସଫା କରି କାମ ଆରମ୍ଭ କରନ୍ତୁ । ନିଶ୍ଚିତ କରନ୍ତୁ ଯେ କାନ୍ଥ ଶୁଖିଲା ଏବଂ ମସୃଣ ଅଟେ । ଯଦି ଫାଟ କିମ୍ବା ଛିଦ୍ର ଅଛି, ତେବେ ଆପଣଙ୍କ ଡିଜାଇନ୍ ପାଇଁ ଏକ ସମାନ ଆଧାର ସୃଷ୍ଟି କରିବା ନିମନ୍ତେ ମୌଳିକ କାନ୍ଥ ପୁଟ୍ଟି ବ୍ୟବହାର କରି ସେଗୁଡ଼ିକୁ ଭରିଦିଅନ୍ତୁ । ଆପଣ ବାହ୍ୟ କାନ୍ଥ ପୁଟି ଡିଜାଇନ୍ କିମ୍ବା ଏକ ଇନଡୋର ପ୍ରୋଜେକ୍ଟରେ କାମ କରୁଥାନ୍ତୁ କି ନାହିଁ ତାହା ନିର୍ବିଶେଷରେ ଏହି ପଦକ୍ଷେପ ଗୁରୁତ୍ୱପୂର୍ଣ୍ଣ ହୋଇଥାଏ ।

       ୨) ସଠିକ୍ ୱାଲ୍ ପୁଟ୍ଟି ବାଛନ୍ତୁ

ବିଭିନ୍ନ ପ୍ରକାରର ସାଜସଜ୍ଜାମୂଳକ ୱାଲ୍ ପୁଟ୍ଟି ଉପଲବ୍ଧ ଅଛି । ସେଗୁଡ଼ିକ ମଧ୍ୟରୁ କେତୋଟି ହେଲା: ଆକ୍ରିଲିକ୍, ସିମେଣ୍ଟ-ବେସଡ୍ କିମ୍ବା ଜିପସମ୍-ବେସଡ୍ । ଆପଣ ଚାହୁଁଥିବା ଫିନିଶ୍ ପାଇଁ ସବୁଠାରୁ ଉପଯୁକ୍ତ ହୋଇଥିବା ପୁଟ୍ଟି ଚୟନ କରନ୍ତୁ । ଉଦାହରଣ ସ୍ୱରୂପ, ଏକ ମସୃଣ ଏବଂ ଦୀର୍ଘସ୍ଥାୟୀ ପୃଷ୍ଠଭାଗ ତିଆରି କରିବା ପାଇଁ ହ୍ୱାଇଟ୍ ପୁଟ୍ଟି ଆଦର୍ଶ ଅଟେ । ତେଣୁ, ଏହା ନିଜର ଉତ୍କୃଷ୍ଟ ଆର୍ଦ୍ରତା ପ୍ରତିରୋଧୀ ଗୁଣ ଓ ୱାଟରପ୍ରୁଫିଙ୍ଗ୍ ସମାଧାନଗୁଡ଼ିକ ସହ ସୁସଙ୍ଗତା କାରଣରୁ ବାଥରୁମଗୁଡ଼ିକ ନିମନ୍ତେ ଏକ ଲୋକପ୍ରିୟ ପସନ୍ଦ ଅଟେ ।

        ୩) ୱାଲ୍ ପୁଟ୍ଟିକୁ ପରସ୍ତରେ ଲଗାନ୍ତୁ

ଏକ ଚମତ୍କାର ଲୁକ୍ ହାସଲ କରିବାକୁ, ପୁଟ୍ଟିକୁ ପତଳା ପରସ୍ତରେ ଲଗାନ୍ତୁ । ଟେକ୍ସଚର୍ ଫିନିସ୍ ନିମନ୍ତେ, ଆପଣ ବିଭିନ୍ନ ଢାଞ୍ଚା ସୃଷ୍ଟି କରିବା ପାଇଁ ସ୍ପଞ୍ଜ, ବ୍ରଶ୍ କିମ୍ବା ପୁଟ୍ଟି ଛୁରୀ ଭଳି ଉପକରଣ ବ୍ୟବହାର କରିପାରିବେ। ଚିକ୍କଣ ଫିନିସ୍ ପାଇଁ, ଏକ କରଣି ବ୍ୟବହାର କରି ପୁଟ୍ଟିକୁ କାନ୍ଥରେ ସମାନ ଭାବରେ ଲେପିଦିଅନ୍ତୁ ।

୧) ପ୍ୟାଟର୍ଣ୍ଣ କିମ୍ୱା ଟେକ୍ସଚର୍ ଯୋଡନ୍ତୁ

ଯଦି ଆପଣ ଏକ ଟେକ୍ସଚର୍ ଫିନିସ୍ ଚାହୁଁଛନ୍ତି, ତା’ ହେଲେ ଏହା ହେଉଛି ଡିଜାଇନ୍ ତିଆରି କରିବାର ସମୟ । ପ୍ୟାଟର୍ଣ୍ଣ ତିଆରି କରିବା ପାଇଁ ଆପଣ ବିଭିନ୍ନ ଉପକରଣ ବ୍ୟବହାର କରିପାରିବେ, ଯେପରିକି ତରଙ୍ଗ ରେଖା, ଘୂର୍ଣ୍ଣନ, ଜ୍ୟାମିତିକ ଆକୃତି କିମ୍ବା କାନ୍ଥରେ ଅନ୍ୟ କୌଣସି ପୁଟ୍ଟି ଡିଜାଇନ୍ । ଏକ ପଲିସ୍ ଲୁକ୍ ପାଇଁ, ପୁଟି ଶୁଖିଯିବା ପରେ ଏକ କରଣି କିମ୍ବା ବାଲିକାଗଜ ସାହାଯ୍ୟରେ ପୃଷ୍ଠକୁ ଚିକ୍କଣ କରନ୍ତୁ ।

୨) ଏହାକୁ ସମ୍ପୂର୍ଣ୍ଣ ଶୁଖିବାକୁ ଦିଅନ୍ତୁ

କାନ୍ଥ ପୁଟ୍ଟିକୁ ସମ୍ପୂର୍ଣ୍ଣ ଭାବରେ ଶୁଖିବାକୁ ଦିଅନ୍ତୁ, ଯାହା ମୋଟେଇ ଉପରେ ନିର୍ଭର କରି ସାଧାରଣତଃ କିଛି ଘଣ୍ଟାରୁ ଗୋଟିଏ ଦିନ ପର୍ଯ୍ୟନ୍ତ ସମୟ ନେଇଥାଏ । ଥରେ ଶୁଖିଗଲେ, ଯଦି ଆବଶ୍ୟକ ହୁଏ ଏକ ଚିକ୍କଣ ଫିନିଶ୍ହା ସଲ କରିବା ପାଇଁ ଆପଣ ପୃଷ୍ଠକୁ ହାଲୁକା ଭାବରେ ବାଲିକାଗଜରେ ଘଷିପାରିବେ ।

୩) ପେଣ୍ଟ୍ କିମ୍ବା ପଲିସ୍ ପ୍ରୟୋଗ କରନ୍ତୁ (ଇଚ୍ଛାଧୀନ)

ଆପଣଙ୍କ କାନ୍ଥକୁ ଆହୁରି ଚମତ୍କାର କରିବା ପାଇଁ, ଆପଣ ପୁଟ୍ଟି ଉପରେ ରଙ୍ଗ କରିପାରିବେ କିମ୍ବା ଡିଜାଇନକୁ ସୁରକ୍ଷା ଦେବା ପାଇଁ ଏକ ସ୍ୱଚ୍ଛ ପଲିସ୍ ଯୋଗ କରିପାରିବେ। ଆପଣଙ୍କ କୋଠରୀର ସାଜସଜ୍ଜାକୁ ପରିପୂର୍ଣ୍ଣ କରୁଥିବା ରଙ୍ଗ ବାଛନ୍ତୁ, କିମ୍ବା ପୁଟ୍ଟି ଫିନିସ୍ ର ପ୍ରାକୃତିକ ରୂପ ବଜାୟ ରଖିବା ପାଇଁ ଏକ ସ୍ୱଚ୍ଛ ପଲିସ୍ ବ୍ୟବହାର କରନ୍ତୁ । ସ୍ପଷ୍ଟ ବାରି ହୋଇପାରୁଥିବା ଭଳି ରୂପ ଦେବା ପାଇଁ ଏପରି ରଙ୍ଗ ବ୍ୟବହାର କରିବା ବିଷୟରେ ବିଚାର କରନ୍ତୁ ଯାହା ଆପଣଙ୍କର ଆଭ୍ୟନ୍ତରୀଣ କିମ୍ବା ବାହ୍ୟ କାନ୍ଥ ପୁଟି ଡିଜାଇନ୍ କୁ ଆହୁରି ସୁନ୍ଦର କରୁଥିବ ।

ଏକ ନିଖୁଣ ରୂପ ପାଇଁ ୱାଲ୍ ପୁଟ୍ଟି ବ୍ୟବହାର କରିବାର ଲାଭ

ୱାଲ୍ ପୁଟ୍ଟି କେବଳ କାନ୍ଥକୁ ଚିକ୍କଣ କରିବା ପାଇଁ ବ୍ୟବହୃତ ହୋଇ ନ ଥାଏ । ଏହାର ଅନ୍ୟାନ୍ୟ ଉପଯୋଗ ମଧ୍ୟ ରହିଛି । ଏହା ରଙ୍ଗକୁ ଏକ ମଜବୁତ ବେସ୍ ଯୋଗାଇଥାଏ, ଆପଣଙ୍କ କାନ୍ଥର ସ୍ଥାୟିତ୍ୱକୁ ବୃଦ୍ଧି କରିବାରେ ସହାୟତା କରିଥାଏ ଏବଂ ଆପଣଙ୍କ ଘରର ସାମଗ୍ରିକ ରୂପକୁ ଉନ୍ନତ କରିଥାଏ । ୱାଲ୍ ପୁଟ୍ଟି ପ୍ରୟୋଗ କରିବାର କେତେକ ପ୍ରମୁଖ ଲାଭଗୁଡ଼ିକୁ ତଳେ ଦର୍ଶାଗଲା:

        ୧) ଚିକ୍କଣ ଏବଂ ସମତଳ ପୃଷ୍ଠଭାଗ

କାନ୍ଥ ପୁଟି କାନ୍ଥରେ ଫାଟ, ଦାଗ ଏବଂ ଛୋଟ ଛୋଟ ଖୁଣଗୁଡ଼ିକୁ ସୁଧାରିଥାଏ, ଯାହା ଏକ ଚିକ୍କଣ ଏବଂ ସମାନ ପୃଷ୍ଠ ସୃଷ୍ଟି କରେ । ଏହା କାନ୍ଥକୁ ନିଖୁଣ କରିଥାଏ ଏବଂ ରଙ୍ଗ ଭଲ ଭାବରେ ଲାଗିବାକୁ ସୁନିଶ୍ଚିତ କରେ, ଫଳସ୍ୱରୂପ ଅଧିକ ମାର୍ଜିତ ଏବଂ ପେସାଦାର ଫିନିଶ୍ ମିଳିପାରିଥାଏ । ଏହା ଘର ଭିତର ପୁଟ୍ଟି ଡିଜାଇନ୍ ହେଉ କି ବାହ୍ୟ କାନ୍ଥ ପୁଟ୍ଟି ଡିଜାଇନ୍ ହେଉ, ସମସ୍ତ କାନ୍ଥ ପ୍ରକାର ପାଇଁ ଲାଭଦାୟକ ଅଟେ ।

        ୨) ବର୍ଦ୍ଧିତ ସ୍ଥାୟିତ୍ୱ

ୱାଲ୍ ପୁଟି ଲଗାଇବା ଦ୍ୱାରା କାନ୍ଥକୁ ଆର୍ଦ୍ରତା କିମ୍ବା ଅନ୍ୟ ପରିବେଶ କାରକ ଦ୍ୱାରା ହେଉଥିବା କ୍ଷତିରୁ ରକ୍ଷା ପାଇବାରେ ସାହାଯ୍ୟ ମିଳିଥାଏ । ଏହା ଏକ ଅତିରିକ୍ତ ସ୍ତର ଭାବରେ କାର୍ଯ୍ୟ କରେ ଯାହା କାନ୍ଥକୁ କ୍ଷୟକ୍ଷତିରୁ ରକ୍ଷା କରେ, ଯାହା ସମୟ ସହିତ ଫାଟ ଏବଂ ରଙ୍ଗ ଚୋପା ଛାଡ଼ିବା ଭଳି ସମସ୍ୟାରୁ ବର୍ଦ୍ଧିତ ପ୍ରତିରୋଧ ଯୋଗାଇଥାଏ ।

        ୩) ରଙ୍ଗର ସଂଲଗ୍ନତା ଉନ୍ନତ ହୁଏ

ୱାଲ୍ ପୁଟ୍‌ଟି କାନ୍ଥକୁ ଚିକ୍କଣ କରିଥାଏ, ଯାହା ରଙ୍ଗକୁ ଭଲ ଭାବରେ ଲାଗିବାରେ ସାହାଯ୍ୟ କରେ । ଏହା କେବଳ ରଙ୍ଗକୁ ସୁନ୍ଦର କରି ନ ଥାଏ ବରଂ ଏହାକୁ ଚୋପା ଭଳି ଛାଡ଼ିବା କିମ୍ବା ଫିକା ନହୋଇ ଅଧିକ ସମୟ ପର୍ଯ୍ୟନ୍ତ ରହିବାରେ ସାହାଯ୍ୟ କରେ । ଏହି କାରଣରୁ, ଆପଣଙ୍କୁ ବାରମ୍ବାର ରଙ୍ଗ କରିବାକୁ ପଡ଼ିବ ନାହିଁ, ଯାହା ଆପଣଙ୍କ ସମୟ ଏବଂ ଅର୍ଥ ସଞ୍ଚୟ କରିଥାଏ ।

       ୪) ସବୁ ପ୍ରକାର କାନ୍ଥ ପାଇଁ ଉପଯୁକ୍ତ

ୱାଲ୍ ପୁଟ୍ଟି ବିଭିନ୍ନ ପ୍ରକାର କାନ୍ଥରେ ଭଲ କାମ କରେ, ତାହା କଂକ୍ରିଟ୍, ପ୍ଲାଷ୍ଟର କିମ୍ବା ଡ୍ରାଇୱାଲ୍ ହେଉ । ଏହା ଉଭୟ ଆଭ୍ୟନ୍ତରୀଣ ଏବଂ ବାହ୍ୟ କାନ୍ଥ ପାଇଁ ବ୍ୟବହୃତ ହୋଇପାରିବ, ଯେଉଁ କାରଣରୁ ବିଭିନ୍ନ ଗୃହ ଉନ୍ନତି ପ୍ରକଳ୍ପ ପାଇଁ ଏହା ଏକ ବହୁମୁଖୀ ପସନ୍ଦରେ ପରିଣତ ହୋଇଥାଏ ।

        ୫) ସାଜସଜ୍ଜାମୂଳକ ଡିଜାଇନ ପାଇଁ ଉତ୍ତମ ଫିନିଶ୍

ସାଜସଜ୍ଜାମୂଳକ କାନ୍ଥ ଫିନିଶ୍ ତିଆରି କରିବା ସମୟରେ, ୱାଲ୍ ପୁଟ୍ଟି ଏକ ଉପଯୁକ୍ତ ବେସ୍ ପ୍ରଦାନ କରିଥାଏ । ଘରେ ୱାଲ୍ ପୁଟ୍ଟି ଡିଜାଇନ୍ ଟେକ୍ସଚର୍ ଯୁକ୍ତ ପ୍ୟାଟର୍ଣ୍ଣ, ଜ୍ୟାମିତିକ ଡିଜାଇନ୍ ଓ ଅନ୍ୟାନ୍ୟ ସୃଜନଶୀଳ ଫିନିଶ୍ କୁ ଅନୁମତି ଦେଇଥାଏ । ଏହାଦ୍ୱାରା ଆପଣଙ୍କ କାନ୍ଥକୁ ମିଳିଥାଏ ଚମତ୍କାର ରୂପ ଓ ସୌନ୍ଦର୍ଯ୍ୟ ।

       ୬) ଖର୍ଚ୍ଚ-ସାଶ୍ରୟୀ ସମାଧାନ

କାନ୍ଥ ପୁଟ୍ଟିରେ ନିବେଶ କରିବା ଆପଣଙ୍କ ଘରର ରୂପ ବଢାଇବା ପାଇଁ ଏକ ଖର୍ଚ୍ଚ-ସାଶ୍ରୟୀ ଉପାୟ । ଏହା କାନ୍ଥକୁ ଅଧିକ ସ୍ଥାୟୀ କରି ରକ୍ଷଣାବେକ୍ଷଣ ଖର୍ଚ୍ଚ ହ୍ରାସ କରିବାରେ ସାହାଯ୍ୟ କରେ ଏବଂ ଏକ ଦୀର୍ଘସ୍ଥାୟୀ ରଙ୍ଗ କାର୍ଯ୍ୟ ସୁନିଶ୍ଚିତ କରେ, ତେଣୁ ଏହା ଯେକୌଣସି ଘର ମାଲିକଙ୍କ ପାଇଁ ଏକ ସ୍ମାର୍ଟ ପସନ୍ଦ ହୋଇଥାଏ ।