Share:
ഉചിതമായ തീരുമാനം ഒരു കോളത്തിന്റെ ശക്തി, വഴക്കം, അഗ്നി പ്രതിരോധം എന്നിവയെ സ്വാധീനിക്കുന്നു .
വലിയതോതിലുള്ള ലോഡ് വഹിക്കാനും, തകരാറുകൾ ഉണ്ടാവുന്നത് തടയുന്നതിനും ബലപ്പെടുത്തൽ നടത്തിയിട്ടുള്ള കോളമുകൾ നിർണായകമാണ്.
ശരിയായ വലിപ്പവും ആകൃതിയും തീരുമാനിക്കുന്നു കൊണ്ട് കാര്യക്ഷമമായി ലോഡ്- വഹിക്കുന്നതും ഉറപ്പും ലഭിക്കും.
ബന്ധിക്കപ്പെട്ടിട്ടുള്ളതും സർപ്പിളാകൃതിയിലുമുള്ള കോളമുകൾ കൂടുതൽ ഉറപ്പും ലോഡ് വഹിക്കാനുള്ള ശേഷിയും നൽകും.
കോമ്പോസിറ്റ് കോളമുകൾ കൺസ്ട്രക്ഷന് ഉറപ്പു നൽകുകയും ചൂടിനെ പ്രതിരോധിക്കുകയും ചെയ്യുന്നു.
നീളം കൂടിയതും കുറഞ്ഞതുമായ കോളമുകൾ ലോഡ് വഹിക്കാനുള്ള ശേഷിയിലും ബക്ക്ലിംഗിനെ പ്രതിരോധിക്കുന്നതിലും വ്യത്യാസപ്പെട്ടിരിക്കും.
കോളമുകൾ നിർമ്മിക്കുമ്പോൾ, ഉദ്ദിഷ്ട ലക്ഷ്യങ്ങൾക്ക് അനുയോജ്യമാവുന്നുണ്ടെന്ന് ഉറപ്പിക്കാൻ നിരവധി അടിസ്ഥാന തത്വങ്ങൾ പാലിക്കേണ്ടത് പരമപ്രധാനമാണ്:
കോളം അത് വഹിക്കുന്ന ഭാരം എങ്ങനെ വിതരണം ചെയ്യപ്പെടുന്നു എന്നത് വളരെ പ്രധാനമാണ്. മുകളിൽ നിന്നും വരുന്ന ലോഡുകൾ, അത് കെട്ടിടത്തിന്റെ തന്നെ ഭാരമായിരുന്നാലും, ആളുകൾ അല്ലെങ്കിൽ ഫർണിച്ചറുകൾ എന്നിവയുടെ ഭാരമായാലും അത് ശരിയാംവിധം കൈമാറ്റം എങ്ങനെ എന്നതിനെ ആശ്രയിച്ചാണ് ഇത് ഡിസൈൻ ചെയ്യേണ്ടത്.
കോൺക്രീറ്റ്, സ്റ്റീൽ, കല്ല്, മരം, അല്ലെങ്കിൽ സംയോജിപ്പിക്കാൻ ഉപയോഗിക്കുന്ന വസ്തുക്കൾ എന്നിവയുടെ തെരഞ്ഞെടുപ്പ് ഒരു കോളത്തിന്റെ ശക്തി, വഴക്കം, ഈട് , അഗ്നിയെ പ്രതിരോധിക്കാനുള്ള ശേഷി എന്നിവയെ സ്വാധീനിക്കുന്നു.
കോളത്തിന്റെ വലുപ്പവും രൂപവും നിർണ്ണയിക്കുന്നത് ലഭ്യമായ സ്ഥലവും അത് വഹിക്കേണ്ട ലോഡും അനുസരിച്ചാണ്. കൂടുതൽ ഭാരമേറിയ ലോഡുകൾക്ക് പലപ്പോഴും വിശാലമായ ഫൗണ്ടേഷനുകളാണ് ഉപയോഗിക്കുക. അതേസമയം ഡിസൈൻ ആവശ്യങ്ങളും ലോഡ് വിതരണവും അടിസ്ഥാനമാക്കി വ്യത്യസ്ത ആകൃതികൾ (ചതുരം, ദീർഘചതുരം, വൃത്താകൃതി) തിരഞ്ഞെടുക്കുന്നു.
കൂടുതൽ ഉറപ്പ് ലഭിക്കുന്നതിനായി മിക്കവാറും എല്ലാ കോൺക്രീറ്റ് കോളമുകളും ഉരുക്ക് ഉപയോഗിച്ച് ദൃഢീകരിക്കാറുണ്ട്. ലോഡ് വഹിക്കാൻ അനുയോജ്യമാക്കുന്നതിനും തകരാറുകൾ സംഭവിക്കുന്നത് തടയുന്നതിനും ഈ ദൃഢീകരണം ശ്രദ്ധാപൂർവ്വം ആസൂത്രണം ചെയ്യേണ്ടതുണ്ട്.
വലിയ നീളത്തിലുള്ള കോളമുകളിൽ, നീളം-വീതി അനുപാതം കൃത്യമായി നിർണ്ണയിച്ചുകൊണ്ട്, ബക്ക്ലിംഗിന്റെ അപകടസാധ്യത എഞ്ചിനീയർമാർ കണക്കിലെടുക്കേണ്ടതുണ്ട്.
നിർമ്മാണ പ്രക്രിയയിലെ പ്രൊഫഷണലിസം, കോൺക്രീറ്റിന്റെ ക്യൂറിംഗ്, ദൃഢീകരണത്തിന്റെ സ്ഥാപിക്കൽ, എന്നിവയുൾപ്പെടെ കോളമുകൾ വാർത്തെടുക്കുന്നതിനും നിർമ്മിക്കുന്നതിനും ഉപയോഗിക്കുന്ന വ്യത്യസ്ത രീതികൾ കോളമുകളുടെ ഈടുറപ്പിൽ കാര്യമായ വ്യത്യാസം വരുത്തുന്നതാണ്.
പല കെട്ടിടങ്ങളിലും നിങ്ങൾ കാണുന്ന ശക്തമായ തൂണുകളാണ് ടൈഡ് കോളമുകൾ. അധിക ശക്തിക്കായി ഉള്ളിൽ ലംബമായ സ്റ്റീൽ ബാറുകൾ അടങ്ങിയ കോൺക്രീറ്റ് കൊണ്ട് നിർമ്മിച്ച കട്ടിയുള്ള ഒരു ഉൾഭാഗം അവയ്ക്ക് ഉണ്ടാവും . ഈ ബാറുകൾക്ക് ചുറ്റും, എല്ലാം ഒരുമിച്ച് നിർത്തുന്ന തിരശ്ചീന സ്റ്റീൽ ബാന്റുകളും ഉണ്ടാവും. മുകളിൽ നിന്നുമുള്ള കനത്ത ഭാരം താങ്ങാൻ അവ പര്യാപ്തമാണ്.
മദ്യ ഭാഗത്തിലൂടെ കടന്നുപോകുന്ന സ്റ്റീൽ ബാറുകളിൽ അടിയിൽ നിന്ന് മുകളിലേക്ക് ചുറ്റി വരിഞ്ഞു പോകുന്ന സർപ്പിളാകൃതിയിലുള്ള സ്റ്റീൽ വയർ ആണ് സ്പൈറൽ കോളങ്ങളുടെ സവിശേഷത. ഈ ഡിസൈൻ അവയെ കൂടുതൽ കരുത്തുറ്റതാക്കുകയും, കനത്ത ലോഡ് വഹിക്കേണ്ടി വരുന്ന സാഹചര്യങ്ങളിൽ അവയുടെ നീളത്തിൽ വർദ്ധനയുണ്ടാവാനും അനുവദിക്കുന്നു. അതുകൊണ്ടു തന്നെ മറ്റ് കോളം തരങ്ങളെ അപേക്ഷിച്ച് അവയ്ക്ക് തകരാറുകൾ ഇല്ലാതെ കൂടുതൽ കാര്യക്ഷമമായി നിലകൊള്ളാൻ കഴിയും.
കമ്പോസിറ്റ് കോളങ്ങൾ ഏറ്റവും മികച്ച രണ്ടു വസ്തുക്കളെ സംയോജിപ്പിക്കുന്നു: സ്റ്റീലിനെയും കോൺക്രീറ്റിനെയും. ഇതിൽ ചിലപ്പോൾ, സ്റ്റീൽ ഫ്രെയിമുകൾ കോൺക്രീറ്റ് കൊണ്ട് നിറയ്ക്കും, മറ്റ് ചിലപ്പോൾ, അവയ്ക്കുള്ളിൽ അധിക സ്റ്റീൽ ബാറുകൾ ഉണ്ടാകും. മിശ്രിത വസ്തുക്കൾ കാരണം, അവ ഭാരം താങ്ങുന്നതിൽ മികച്ചതാണ്, കൂടാതെ സാധാരണ കോളങ്ങളേക്കാൾ നല്ല രീതിയിൽ തീയിൽ നിന്നുള്ള തീവ്രമായ ചൂടിനെ നേരിടാനുള്ള ശേഷിയും ഉണ്ടായിരിക്കും.
എല്ലാ ഭാരബലങ്ങളും കോളത്തിന്റെ മധ്യഭാഗത്തേക്ക് കേന്ദ്രീകരിക്കപ്പെടുന്ന സാഹചര്യത്തിന് അനുയോജ്യമാകുന്ന തരത്തിലാണ് ഈ കോളമുകൾ ഡിസൈൻ ചെയ്യുക . കൺസ്ട്രക്ഷനിൽ പരിപൂർണ്ണമായ അവസ്ഥ യഥാർത്ഥത്തിൽ സഫലമാകുന്നത് അപൂർവമാണെങ്കിലും, ഈ കോളമുകളെ പറ്റി അറിയുന്നത് എഞ്ചിനീയർമാരെ സംബന്ധിച്ചിടത്തോളം വിവിധ ഘടകങ്ങൾ എത്രത്തോളം ഇതിന് സമാന രീതിയിലും എന്നാൽ കുറഞ്ഞ പൂർണ്ണതയിലും പ്രവർത്തിക്കുമെന്ന് കണക്കാക്കാൻ സഹായിക്കുന്നു.
ഇത്തരം കോളമുകളിൽ ഒരു ദിശയിൽ ഓഫ്-സെന്റർ ലോഡിംഗ് അനുഭവപ്പെടും. ഒരു മതിൽ അല്ലെങ്കിൽ ഒരു കനത്ത ബീം പോലുള്ള മറ്റ് സ്ട്രക്ച്ചറൽ ഘടകങ്ങളുമായി ബന്ധിപ്പിച്ചിരിക്കുന്നതിനാൽ ഒരു വശത്തേക്ക് തള്ളിനിൽക്കുന്ന ഒരു കോളം സങ്കൽപ്പിക്കുക. ഈ വശത്തുള്ള മർദ്ദം വളയുന്നതിന് കാരണമായേക്കും. അതിനാൽ ഇത്തരം കോളമുകൾ ഈ അസമമായ സമ്മർദ്ദത്തെ ചെറുക്കാൻ അനുയോജ്യമായ തരത്തിൽ രൂപകൽപ്പന ചെയ്യേണ്ടതുണ്ട്.
ഒരു കോളത്തിൽ രണ്ട് വ്യത്യസ്ത ദിശകളിൽ ബലം പ്രയോഗിക്കപ്പെടുമ്പോൾ - രണ്ട് ഭിത്തികൾ കൂടിച്ചേരുന്ന ഒരു മൂലയെക്കുറിച്ച് ചിന്തിക്കുക - അത് ബയാക്സിയൽ ലോഡിംഗിനെ അഭിമുഖീകരിക്കുന്നു. സ്ട്രക്ചറിന്റെ സ്ഥിരതയിൽ നിർണായക പങ്ക് വഹിക്കുന്നതിനാൽ ഈ കോളമുകൾ രണ്ട് ദിശയിലും ഉറപ്പുള്ളതായിരിക്കണം.
ചെറിയ കോളമുകൾ തൂണുകളിലെ ശക്തന്മാരാണ് . അവയ്ക്ക് ചതുരാകൃതിയാണ് ഉണ്ടായിരിക്കുക. വളരെ ഉറച്ചതും കടുപ്പമുള്ളതുമായതിനാൽ, താഴേക്ക് വീണു പോയാലും വളയാനുള്ള സാധ്യത ഒട്ടും തന്നെ ഇല്ല . പൊട്ടിപ്പോവാതെ ധാരാളം സമ്മർദ്ദങ്ങളെ നേരിടാൻ കഴിയുന്ന വസ്തുക്കൾ കൊണ്ടാണ് അവ നിർമ്മിക്കേണ്ടത്.
കൺസ്ട്രക്ഷനിൽ ഉപയോഗിക്കുന്ന ഇത്തരം കോളമുകൾ വ്യത്യസ്തമായ ഒരു വെല്ലുവിളി ഉയർത്താറുണ്ട് . അവ ഉയരത്തിലും മെലിഞ്ഞതും ആയതിനാൽ, മുകളിലെ ഭാരം മൂലമോ വശങ്ങളിൽ നിന്നുള്ള കാറ്റിന്റെ ശക്തി മൂലമോ അവ വശങ്ങളിലേക്ക് വളയാനുള്ള സാധ്യത കൂടുതലാണ്. കോളമുകൾ വളയുന്നത് തടയാൻ എഞ്ചിനീയർമാർ ഇതിനനുസരിച്ച ആസൂത്രണം നടത്തേണ്ടതുണ്ട് .
സമ ചതുരത്തിലും ദീർഘ ചതുരത്തിന്റെ ആകൃതിയിലുള്ള തൂണുകളാണ് ഏറ്റവും എളുപ്പത്തിൽ നിർമ്മിക്കാൻ കഴിയുന്നത്. അവയുടെ നിവർന്ന ആകൃതി കാരണം, അവയെ രൂപപ്പെടുത്താനുള്ള അച്ചുകൾ സ്ഥാപിക്കാൻ എളുപ്പമാണ്. അവ ഉറപ്പുള്ളതും വിവിധ കെട്ടിടങ്ങളിൽ കാര്യക്ഷമമായി പ്രവർത്തിക്കുന്നവയും ആണ്.
വൃത്താകൃതിയിലുള്ള കോളമുകൾ ഒഴുക്കമാർന്നതും, കൂടാതെ ഒരു കെട്ടിടത്തിന്റെ രൂപഭംഗിയിലേക്ക് എളുപ്പം ഇഴുകി ചേരുന്നതും ആയിരിക്കും. വളവുകളുള്ള സ്ട്രക്ച്ചറുകൾക്ക് അലങ്കാരം നൽകുന്നതിന് അവ പ്രത്യേകിച്ചും ഉപയോഗപ്രദമാണ്. എന്നാൽ കാഴ്ചഭംഗിക്കപ്പുറം, അവയ്ക്ക് ലോഡ് തുല്യമായി വിതരണം ചെയ്യാനും ഗണ്യമായ അളവിലുള്ള ഭാരം വഹിക്കാനുള്ള ശേഷിയുണ്ട്.
L-ആകൃതിയിലുള്ള നിരകൾ ഭിത്തികൾ കൂടിച്ചേരുന്ന മൂലകൾക്ക് അനുയോജ്യമായതാണ്. അവ ഭിത്തികളുടെ സംഗമസ്ഥാനത്തിന് ശക്തി പകർന്ന് ചതുരാകൃതിയിലുള്ളതും ദീർഘചതുരാകൃതിയിലുമുള്ള കൂട്ടാളികളെ പോലെ പ്രവർത്തിക്കുകയും ചെയ്യുന്നു.
കാര്യമായ രീതിയിൽ പിൻബലം വേണ്ട സന്ദർഭങ്ങളിൽ, T-ആകൃതിയിലുള്ള കോളമുകൾ പ്രയോജനപ്പെടുത്താവുന്നതാണ്. മുകളിൽ നിന്നുള്ള കാഴ്ചയിൽ 'T' അക്ഷരം പോലെ തന്നെയാണ് ഇത് കാണപ്പെടുക. പാലങ്ങൾ അല്ലെങ്കിൽ കൂറ്റൻ കെട്ടിടങ്ങൾ പോലുള്ള വലിയ പിൻബലം ആവശ്യമായി വരുന്ന ഇൻഫ്രാ സ്ട്രക്ച്ചറുകളിൽ അവ പലപ്പോഴും ഉപയോഗിക്കാറുണ്ട്.
സ്റ്റീൽ കോളമുകൾ പല ആകൃതികളിൽ ഉണ്ട്. I-ആകൃതിയിൽ, T- ആകൃതിയിൽ , Z- ആകൃതിയിൽ പോലും ഉണ്ട് . അവയ്ക്കുള്ള ശക്തിയും ഒരു പ്രോജക്റ്റിൽ അവ എങ്ങനെ അനുയോജ്യമാകുന്നു എന്നതും അടിസ്ഥാനമാക്കിയാണ് അവ തെരഞ്ഞെടുക്കുന്നത്. സ്റ്റീൽ കോളമുകൾക്ക് കനത്ത ഭാരം താങ്ങാനും, ഉയരമുള്ള കെട്ടിടങ്ങളിലും പാലങ്ങളിലും മറ്റ് വലിയ സ്ട്രക്ചറുകളിലും കാര്യക്ഷമമായി പ്രവർത്തിക്കാനും കഴിയും.
കെട്ടിട നിർമ്മാണത്തിലെ എല്ലാ കൊളമുകളും ഉരുക്കോ കോൺക്രീറ്റോ കൊണ്ട് നിർമ്മിച്ചത് ആയിരിക്കില്ല. കല്ല്, ഇഷ്ടിക, കട്ടകൾ എന്നിവ കൊണ്ട് നിർമ്മിക്കപ്പെട്ടവയും നിങ്ങൾക്ക് കാണാം. പരമ്പരാഗത രൂപഭാവത്തിനോ സ്ട്രക്ച്ചറിന്റെ പ്രത്യേകമായ സവിശേഷതകൾക്ക് അനുസരിച്ച് ആയിരിക്കും ഇതിന്റെ തെരഞ്ഞെടുപ്പ്. തടി തൂണുകൾ ഒരു ഗ്രാമീണ ഭംഗി നൽകുന്നവയാണ്. വീടുകളിലും ചെറിയ സ്ട്രക്ച്ചറുകളിലും ഇത് കാണാവുന്നതാണ്. കെട്ടിടം എങ്ങനെ കാണപ്പെടുന്നു, എങ്ങനെ ഉപയോഗിക്കപ്പെടുന്നു എന്നതിനെ ആശ്രയിച്ച്, കോളമുകൾക്കായി ഉപയോഗിക്കുന്ന മെറ്റീരിയൽ വളരെയധികം വ്യത്യാസപ്പെടാം.
മുകളിൽ വരുന്ന സ്ട്രക്ചറിന്റെ ലോഡ് താങ്ങുന്ന അവിഭാജ്യ ഘടകങ്ങളാണ് കോളമുകൾ. അവ വ്യത്യസ്ത തരങ്ങളിൽ ഉണ്ട്. ഓരോന്നും വ്യത്യസ്ത സാഹചര്യങ്ങൾക്കും ഡിസൈൻ ആവശ്യകതകൾക്കും അനുയോജ്യമായിരിക്കും. കോളം നിർമ്മാണത്തിലെ പ്രധാന പരിഗണനകളിൽ ലോഡ് വിതരണം, മെറ്റീരിയൽ തിരഞ്ഞെടുക്കൽ, വലുപ്പവും ആകൃതിയും, ദൃഢീകരണം, സമ്മർദ്ദത്തിൽ വളയാനുള്ള സാധ്യത, ദൃഢതയും ഈടും ഉറപ്പാക്കുന്നതിനുള്ള ശരിയായ നിർമ്മാണ സാങ്കേതികത എന്നിവ ഉൾപ്പെടുന്നു. കോൺക്രീറ്റ്, സ്റ്റീൽ, മരം, ഇഷ്ടിക അല്ലെങ്കിൽ കല്ല് പോലുള്ള പരമ്പരാഗത വസ്തുക്കൾ കൊണ്ട് നിർമ്മിച്ചതായാലും, കെട്ടിടത്തെ സുരക്ഷിതമായും ഫലപ്രദമായും നിലനിർത്താൻ കോളമുകൾ സൂക്ഷ്മ ശ്രദ്ധയോടെ ഡിസൈൻ ചെയ്യുകയും നിർമ്മിക്കുകയും വേണം. കോളമുകളുടെ ഡിസൈനിലും നിർമ്മിതിയിലും എടുക്കുന്ന തീരുമാനങ്ങൾ ഒരു കെട്ടിടത്തിന്റെ രൂപ ഭംഗിയേയും സ്ട്രക്ചറിന്റെ ഉറപ്പിനെയും ഈടിനെയും ആഴത്തിൽ സ്വാധീനിക്കും.
ആകൃതി, ക്രോസ്-സെക്ഷൻ, ഉപയോഗിച്ച മെറ്റീരിയൽ തുടങ്ങിയ വിവിധ മാനദണ്ഡങ്ങൾ അടിസ്ഥാനമാക്കിയാണ് കോളങ്ങളെ തരം തിരിക്കുക. ചതുരാകൃതിയിലുള്ള നിരകൾ, വൃത്താകൃതിയിലുള്ള നിരകൾ, ബഹുഭുജ നിരകൾ എന്നിങ്ങനെയുള്ള പൊതുവായ തരംതിരിക്കലും ഉണ്ട്. കൂടാതെ, കോളങ്ങളെ അവയുടെ ഭാരം വഹിക്കാനുള്ള ശേഷിയെ അടിസ്ഥാനമാക്കി ചെറിയ കോളങ്ങൾ , നീളമുള്ള കോളങ്ങൾ അല്ലെങ്കിൽ മെലിഞ്ഞ കോളങ്ങൾ എന്നിങ്ങനെയും തരം തിരിക്കാം.
ഒരു കോളത്തിന്റെ നാല് പ്രധാന ഭാഗങ്ങൾ ഇവയാണ് ബേസ് അല്ലെങ്കിൽ ഫൂട്ടിംഗ്, ഷാഫ്റ്റ് അല്ലെങ്കിൽ ബോഡി, ക്യാപിറ്റൽ അല്ലെങ്കിൽ ഹെഡ്, കോളത്തിന്റെ ടോപ്പ് അല്ലെങ്കിൽ കോപ്പിംഗ് എന്നിവ. ബേസ് ഉറപ്പ് നൽകുകയും ലോഡ് വിതരണം നടത്തുകയും ചെയ്യുന്നു, ഷാഫ്റ്റ് ലംബമായി വരുന്ന ലോഡിനെ വഹിക്കുന്നു, ക്യാപിറ്റൽ, ഷാഫ്റ്റിനും ലോഡ്-ബെയറിംഗ് എലമെന്റിനും ഇടയിൽ ഒരു ട്രാൻസിഷൻ ആയി വർത്തിക്കുന്നു, കോപ്പിംഗ് കോളത്തിന്റെ ടോപ്പിനെ കേടുപാടുകളിൽ നിന്ന് സംരക്ഷിക്കുന്നു.
ഒരു സ്ട്രക്ചറിന്റെ പ്രാഥമിക ഭാരം വഹിക്കുന്ന കോളങ്ങളെയാണ് പ്രധാന കോളങ്ങൾ എന്ന് പറയുക. ഈ കൊളങ്ങൾ, സാധാരണയായി വരുന്ന ലംബ ലോഡിന്റെ ഭൂരിഭാഗത്തെ വഹിക്കുകയും, കെട്ടിടത്തിന്റെ സ്ട്രക്ചറിന്റെ ഉറപ്പും സ്ഥിരതയും നിലനിർത്തുന്നതിൽ നിർണായക പങ്ക് വഹിക്കുകയും ചെയ്യുന്നു.
T-ടൈപ്പ് കോളം എന്നത് T-ആകൃതിയിൽ ക്രോസ്-സെക്ഷൻ ഉള്ള ഒരു കോളത്തെയാണ് സൂചിപ്പിക്കുന്നത്. കനത്ത ലോഡുകൾ താങ്ങേണ്ടി വരുന്ന സാഹചര്യത്തിലോ വലിയ തോതിൽ വളയുന്നത് പ്രതിരോധിക്കേണ്ടിവരുന്ന സാഹചര്യത്തിലോ ഇത്തരം കോലം സാധാരണ ഉപയോഗിക്കാറുണ്ട്. മറ്റ് കോളം ആകൃതികളെ അപേക്ഷിച്ച് T ആകൃതി ലോഡ്-വഹിക്കാനുള്ള ശേഷി വർദ്ധിപ്പിക്കാൻ സഹായകരമാകുന്നു.
വലിയ തോതിലുള്ള കംപ്രസ്സീവ് ബലങ്ങളെ ബക്കിൾ ചെയ്യാതെയും തകരാറു കൂടാതെയും നേരിടാൻ പര്യാപ്തമാവുന്ന തരത്തിൽ രൂപകൽപ്പന ചെയ്യുന്ന കോളങ്ങളാണ് ഏറ്റവും ശക്തമായവ. സാധാരണയായി, വലിയ ക്രോസ്-സെക്ഷണൽ ഏരിയയും, കുറഞ്ഞ നീളം കുറഞ്ഞതുമായ കോളങ്ങൾ കൂടുതൽ ശക്തമായവ ആയിരിക്കും. കൺസ്ട്രക്ഷൻ സാധാരണയായി ഉപയോഗിക്കുന്ന കോൺക്രീറ്റ് കൊളങ്ങളും സ്റ്റീൽ കോളങ്ങളും വലിയ തോതിലുള്ള ശക്തിക്കും ഭാരം വഹിക്കാനുള്ള ശേഷിക്കും പേരുകേട്ടവയാണ്.
