നിങ്ങളുടെ നിർമ്മാണ സ്ഥലത്ത് സിമന്റ് ശരിയായി സൂക്ഷിക്കുന്നതിനുള്ള 7 പ്രധാന നിർദ്ദേശങ്ങൾ 

കീറിയതോ കേടുവന്നതോ ആയ ചാക്കുകൾ വഴി വായുവും ഈർപ്പവും അകത്തുകയറാം. ഇത് സിമന്റ് ചാക്കുകളുടെ സംഭരണത്തെ നേരിട്ട് ബാധിക്കും.

നിർദ്ദേശം: സിമന്റ് ലഭ്യമാകുന്ന സമയത്ത് തന്നെ കട്ടപിടിച്ചതോ കട്ടിയായതോ ആയ ചാക്കുകൾ ഉണ്ടെങ്കിൽ അവ ഒഴിവാക്കുക.

കെട്ടിടത്തിനുള്ളിലാണോ പുറത്താണോ സൂക്ഷിക്കേണ്ടത് - ഏതാണ് കൂടുതൽ നല്ലത്?

ബലവും ഗുണനിലവാരവും നിലനിർത്താൻ സിമന്റ് സംഭരിക്കുന്നതിന് ശരിയായ രീതി തിരഞ്ഞെടുക്കുന്നത് വളരെ പ്രധാനമാണ്. എല്ലായ്പ്പോഴും ഇൻഡോർ സ്റ്റോറേജ് ആണ് അഭികാമ്യമെങ്കിലും, ചില സൈറ്റുകളിൽ താൽക്കാലികമായി പുറത്ത് ക്രമീകരണങ്ങൾ ആവശ്യമായി വന്നേക്കാം. 

സൈറ്റുകളിൽ സിമന്റ് സുരക്ഷിതമായി സൂക്ഷിക്കുന്നതിന് ഏറ്റവും മികച്ച ഓപ്ഷൻ തീരുമാനിക്കാൻ നിങ്ങളെ സഹായിക്കുന്ന വിശദമായ താരതമ്യം താഴെ നൽകുന്നു.

സൈറ്റുകളിൽ സിമന്റ് സംഭരിക്കുന്നതിന് ഇൻഡോർ സ്റ്റോറേജ് ആണ് എപ്പോഴും സുരക്ഷിതമായ ഓപ്ഷൻ. ഔട്ട്‌ഡോർ സ്റ്റോറേജ് താൽക്കാലികമായി മാത്രമേ ഉപയോഗിക്കാവൂ, കൂടാതെ പൂർണ്ണമായ കാലാവസ്ഥാ സംരക്ഷണം ഉൾപ്പെടുത്തുകയും വേണം.

സിമന്റ് ചാക്കുകൾ എങ്ങനെ സൂക്ഷിക്കാം?

സിമന്റ് കൃത്യമായി സൂക്ഷിക്കാൻ നല്ല പ്ലാനിംഗും ചിട്ടയും വേണം. ശ്രദ്ധിച്ചില്ലെങ്കിൽ നല്ല സിമന്റാണെങ്കിൽ പോലും അതിന്റെ ബലം നഷ്ടപ്പെടാം. സൈറ്റുകളിൽ സിമന്റ് ശരിയായി സൂക്ഷിക്കാൻ താഴെ പറയുന്ന കാര്യങ്ങൾ ശ്രദ്ധിക്കുക.

1. നനവ് തട്ടാതെ നോക്കുക

സിമന്റ് എപ്പോഴും നനവില്ലാതെ സൂക്ഷിക്കണം. ഈർപ്പം നിയന്ത്രിക്കുക എന്നതാണ് സിമന്റ് സൂക്ഷിക്കുമ്പോൾ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യം. മഴക്കാലത്തോ ഈർപ്പമുള്ള സ്ഥലത്തോ സിമന്റ് വേഗത്തിൽ വായുവിൽ നിന്ന് നനവ് വലിച്ചെടുക്കും. അല്പം നനവ് തട്ടിയാൽ പോലും ചാക്കിനുള്ളിലെ സിമന്റ് കട്ടപിടിക്കാൻ തുടങ്ങും.

2. ഗോഡൗണിൽ സിമന്റ് ചാക്കുകൾ കൃത്യമായി അടുക്കിവെക്കുക

ചാക്കുകൾ അടുക്കുകളായി വെക്കുക. അമർന്ന് കേടുവരാതിരിക്കാൻ 10 ചാക്കുകളിൽ കൂടുതൽ ഉയരത്തിൽ വെക്കരുത്. ശരിയായ രീതിയിൽ അടുക്കിവെക്കുന്നത് സൈറ്റിലെ സിമന്റ് സംഭരണം മെച്ചപ്പെടുത്തുകയും കട്ടപിടിക്കുന്നത് തടയുകയും ചെയ്യും. ഭിത്തിയിൽ നിന്നും ചാക്കുകൾക്കിടയിലും ചെറിയ വിടവ് ഇടുന്നത് വായുസഞ്ചാരത്തിന് സഹായിക്കും. ഇത് വെള്ളം ഘനീഭവിക്കുന്നത് തടയുകയും പരിശോധന എളുപ്പമാക്കുകയും ചെയ്യും.

3. സിമന്റ് ചാക്കുകൾ ശ്രദ്ധയോടെ കൈകാര്യം ചെയ്യുക

ചാക്കുകൾ വലിച്ചെറിയുകയോ വലിച്ചിഴയ്ക്കുകയോ ചെയ്യരുത്. അലക്ഷ്യമായ കൈകാര്യം ചെയ്യൽ പാക്കിംഗ് കേടാക്കുകയും സിമന്റ് സംഭരണത്തെ ബാധിക്കുകയും ചെയ്യും. പാക്കിംഗ് തകരാറിലായാൽ വായുവും ഈർപ്പവും അകത്തുകയറി സിമന്റിന്റെ ബലം കുറയാൻ കാരണമാകും.

4. സിമന്റ് ചാക്ക് ഉയർത്താൻ ഒരിക്കലും ഹുക്കുകൾ ഉപയോഗിക്കരുത്

ഹുക്കുകൾ ഉപയോഗിച്ചാൽ ചാക്ക് കീറുകയും ഉള്ളിൽ ഈർപ്പം കയറുകയും ചെയ്യും. ഇത് സിമന്റ് സംഭരണത്തിന്റെ സുരക്ഷ കുറയ്ക്കുന്നു. ചെറിയ ദ്വാരങ്ങളിലൂടെ വായു കടന്നാൽ പോലും സിമന്റ് ഉള്ളിൽ കട്ടയാകും. എപ്പോഴും കൈകൊണ്ടോ ശരിയായ യന്ത്രങ്ങൾ ഉപയോഗിച്ചോ ചാക്കുകൾ ഉയർത്തുക.

5. സിമന്റ് ചാക്കുകൾ പ്രത്യേകം സൂക്ഷിക്കുക

സൈറ്റുകളിൽ സിമന്റ് സംഭരിക്കുമ്പോൾ വിവിധ ബ്രാൻഡുകളോ ബാച്ചുകളോ പ്രത്യേകം സൂക്ഷിക്കണം. ഇത് സ്റ്റോക്കിനെക്കുറിച്ച് ധാരണയുണ്ടാക്കാനും ശരിയായ ക്രമത്തിൽ ഉപയോഗിക്കാനും സഹായിക്കും. ബാച്ചുകൾ കലരുന്നത് ഗുണനിലവാര നിയന്ത്രണത്തിൽ ആശയക്കുഴപ്പമുണ്ടാക്കുകയും നിർമ്മാണത്തിലെ ഒരേ നിലവാരത്തെ ബാധിക്കുകയും ചെയ്തേക്കാം.

6. പഴയ സ്റ്റോക്ക് ആദ്യം ഉപയോഗിക്കുക

ബലം കുറയാതിരിക്കാൻ പഴയ സിമന്റ് ആദ്യം ഉപയോഗിക്കാൻ ശ്രദ്ധിക്കണം. സിമന്റിന് നിശ്ചിത കാലാവധിയുണ്ട്, കൂടുതൽ കാലം ഇരുന്നാൽ അതിന്റെ യോജിപ്പിക്കാനുള്ള ശേഷി കുറയും. ശരിയായ രീതിയിലുള്ള ഉപയോഗക്രമം പാഴാകുന്നത് ഒഴിവാക്കുന്നു.

7. ബാക്കി വന്ന സിമന്റ് ശ്രദ്ധയോടെ സൂക്ഷിക്കുക

"ഒരിക്കൽ തുറന്ന സിമന്റ് എങ്ങനെ സൂക്ഷിക്കണം?" എന്ന് പലരും ചോദിക്കാറുണ്ട്. തുറന്നാൽ ഉടൻ തന്നെ വായു കടക്കാത്ത പാത്രങ്ങളിലേക്ക് മാറ്റി നന്നായി അടച്ചു വെക്കുക. തുറന്ന ശേഷം കൂടുതൽ കാലം സൂക്ഷിക്കുന്നത് ഒഴിവാക്കുക. സിമന്റ് തുറന്നു വെച്ചാൽ മണിക്കൂറുകൾക്കുള്ളിൽ വായുവിൽ നിന്ന് നനവ് വലിച്ചെടുത്ത് കട്ടപിടിക്കും. അതുകൊണ്ട് കുറച്ചു ദിവസങ്ങൾക്കുള്ളിൽ തന്നെ അത് ഉപയോഗിക്കുന്നതാണ് നല്ലത്.

സിമന്റ് സൂക്ഷിക്കുമ്പോൾ വരുത്തുന്ന സാധാരണ തെറ്റുകൾ

പല നിർമ്മാണ പ്രശ്നങ്ങളും തുടങ്ങുന്നത് സിമന്റ് സംഭരിക്കുന്നതിലെ ചെറിയ തെറ്റുകളിൽ നിന്നാണ്. അത്തരം സാധാരണ തെറ്റുകളും അവ എങ്ങനെ ഒഴിവാക്കാം എന്നും ഈ ഭാഗം വിവരിക്കുന്നു.

1. തറയിൽ നേരിട്ട് വെക്കുന്നത്

തറയിൽ നേരിട്ട് വെച്ചാൽ സിമന്റ് വേഗത്തിൽ നനവ് വലിച്ചെടുക്കും. അതുകൊണ്ട് എപ്പോഴും തറയിൽ നിന്ന് ഉയർത്തി വേണം ചാക്കുകൾ വെക്കാൻ. ഈർപ്പമുള്ളതോ മഴയുള്ളതോ ആയ സ്ഥലങ്ങളിൽ തറ നനവ് വലിച്ചെടുക്കാറുണ്ട്. ഈ ഈർപ്പം താഴെയുള്ള ചാക്കുകളിലേക്ക് പടർന്ന് സിമന്റ് കട്ടപിടിക്കാനിടയാക്കും.

നിർദ്ദേശം: സിമന്റ് സൂക്ഷിക്കുമ്പോൾ മരപ്പലകകളോ പ്ലാസ്റ്റിക് ഷീറ്റുകളോ ഉപയോഗിക്കുക.

2. കീറിയതോ ചോർച്ചയുള്ളതോ ആയ ചാക്കുകൾ

കേടുവന്ന ചാക്കുകൾ പെട്ടെന്ന് നശിക്കും. ഇത് സിമന്റ് സംഭരണത്തെ മൊത്തത്തിൽ ബാധിക്കുന്നു. ചെറിയ കീറുകളിലൂടെ പോലും വായുവും ഈർപ്പവും അകത്ത് കടന്ന് സിമന്റിന്റെ ബലം കുറയ്ക്കും. ഇത് പിന്നീട് പ്ലാസ്റ്ററിംഗിനെയും കോൺക്രീറ്റിനെയും ദോഷകരമായി ബാധിച്ചേക്കാം.

നിർദ്ദേശം: ഓരോ തവണ സിമന്റ് വരുമ്പോഴും കൃത്യമായി പരിശോധിക്കുക, കേടുവന്ന ചാക്കുകൾ ഉണ്ടെങ്കിൽ ഉടൻ തന്നെ മാറ്റി വെക്കുക.

3. വെളിയിൽ അല്ലെങ്കിൽ മഴയത്ത് ഇടുന്നത്

സിമന്റ് വെളിയിൽ തുറന്നു വെക്കുന്നത് അതിന്റെ ബലം കുറയ്ക്കും. സൈറ്റുകളിൽ സിമന്റ് സംഭരിക്കുമ്പോൾ കൃത്യമായ മറ ആവശ്യമാണ്. മഴയോ മഞ്ഞോ ഏറ്റാൽ ചാക്കിനുള്ളിലെ സിമന്റ് സെറ്റിംഗ് പ്രക്രിയ ആരംഭിക്കാനും കട്ടപിടിക്കാനും കാരണമാകും. ഒരിക്കൽ കട്ടപിടിച്ചാൽ അത് പഴയ ഗുണനിലവാരത്തിലേക്ക് തിരിച്ചുവരില്ല.

നിർദ്ദേശം: സൈറ്റിൽ സിമന്റ് സൂക്ഷിക്കുമ്പോൾ എപ്പോഴും വാട്ടർപ്രൂഫ് കവറുകളും നല്ല മേൽക്കൂരയും ഉണ്ടെന്ന് ഉറപ്പാക്കുക.