Share:
Share:
ஈரப்பதம், சிமெண்ட்டின் தரத்தைக் கடுமையாகப் பாதிக்கும். நிலத்திலிருந்து மற்றும் சுற்றுப்புறத்திலிருந்து வரும் ஈரப்பதத்திடமிருந்து சிமெண்ட்டைப் பாதுகாக்க வேண்டும். ஈரப்பதம் உறிஞ்சப்படுவதைத் தடுக்க, ஈரப்பதம் இல்லாத, சற்று உயரமான இடத்தில் சிமெண்ட்டைச் சேமித்து வைக்கவும். மூட்டைகளை 700-காஜ் பாலிதீன் ஷீட்களைக் கொண்டு மூட வேண்டும், அதுவும் குறிப்பாக மழை காலங்களில். சுற்றுப்புறத்திற்கு வெளிப்படுவதைக் குறைக்க சிமெண்ட்டைச் சேமித்து வைப்பதற்கு காற்று புகாத மூட்டைகளைப் பயன்படுத்த வேண்டும். சுற்றுப்புற பகுதிகளில் தேங்கும் தண்ணீர் உள்ளே வருவதைத் தடுக்க, சேமிப்பு இடம் அல்லது கிடங்கு, அருகில் உள்ள இடங்களை விட உயரத்தில் இருக்க வேண்டும். அவற்றை எப்போதும் மர பலகைகளின் மீது அல்லது உயரமான தளத்தின் மீது, தரையிலிருந்து 150-200மிமீ உயரத்தில் வைக்க வேண்டும்.
எளிதாக அடுக்குவதற்கும் எடுப்பதற்கும் உகந்த வகையில் சிமெண்ட் மூட்டைகளை அடுக்க வேண்டும். ஒவ்வொரு அடுக்குக்கும் இடையில் 600 மிமீ இடம் விடுவதை உறுதி செய்யும் வகையில் சிமெண்ட் மூட்டைகளை அடுக்க வேண்டும். மேலும், காற்றோட்டத்தைக் குறைக்கும் வகையில் சிமெண்ட் மூட்டைகளை ஒன்றோடு ஒன்று நெருக்கமாக இருக்கும் வகையில் வைக்கவும். அழுத்தத்தால் கட்டியாவதைத் தவிர்ப்பதற்காக அதிகபட்சம் 10 மூட்டைகள் உயரத்திற்கு மட்டும் மூட்டைகளை அடுக்கவும். அடுக்குகளின் அகலம் நான்கு மூட்டை நீளம் அல்லது 3 மீட்டர்களை விட அதிகமாக இல்லாத வகையில், தளத்தில் சிமெண்ட் மூட்டைகளை சேமித்து வைக்க வேண்டும். சரிந்து விழுவதைத் தடுக்க, 8 மூட்டைகள் உயரத்திற்கு மேல் உள்ள அடுக்குகளை ஒன்றாகக் கட்டி வைத்து, நீளம் மற்றும் குறுக்கு வாரியாக மாறி மாறி அடுக்கி வைக்கவும்.
முனையிலிருந்து சிமெண்ட் மூட்டைகளை இறக்கி வைப்பது அல்லது தூக்குவதைத் தவிர்த்தல். மேலும், நடுவில் பிளவுபடுவதை மற்றும் தொய்வடைவதைத் தடுக்க கீழ்ப்பக்கத்தில் சப்போர்ட் வழங்கவும். பிளவுபடுவதைத் தவிர்க்க, மூட்டைகளில் உள்ள சிமெண்ட்டை லூஸ் ஆக்குவதற்காக அதை தூக்குவதற்கு முன் மூட்டைகளை ரோல் செய்யவும். அவற்றை கீழே வைக்கும்போது, மூட்டைகளின் அகலமான பக்கம் கீழே பார்த்தபடி இருக்க வேண்டும்.
சிமெண்ட் மூட்டையை தூக்க அல்லது அடுக்க கொக்கியைப் பயன்படுத்துவதில் குறிப்பிடத்தக்க ஆபத்துகள் உள்ளன. கொக்கிகள் மூட்டைகளை ஓட்டையாக்கவோ அல்லது கிழிக்கவோ கூடும், இதனால் சிமெண்ட்டின் தரத்தைக் குறைக்கும் வகையில் தூசி மற்றும் ஈரப்பதம் ஊடுருவுவதற்கான வாய்ப்புள்ளது. உங்களின் முதலீட்டையும், உங்கள் மெட்டீரியல்களின் தரத்தை பாதுகாக்க, சிமெண்ட்டைக் கையாள்வதற்கென்று உருவாக்கப்பட்ட ஃபோர்க்லிஃப்ட், பால்லெட் ஜாக்ஸ் அல்லது லிஃப்டிங் ஸ்டிராப்கள் போன்ற கருவிகளைப் பயன்படுத்தவும். இந்த கருவிகள் பாதுகாப்பான மற்றும் சேதமில்லாத கையாளுதலை வழங்குகிறது, உங்களின் சிமெண்ட் நல்ல நிலையில் இருப்பதையும், அது உங்களுக்கு தேவைப்படும்போது கட்டுமானத்திற்கு தயாராக இருப்பதையும் உறுதி செய்கிறது.
தரத்தைப் பாதிக்கக்கூடிய மாசு ஏற்படுவதற்கான வாய்ப்பைத் தடுப்பதற்காக, வெவ்வேறு வகை சிமெண்ட்டை மற்ற மெட்டீரியல்களிடமிருந்து தனியாகச் சேமித்து வைப்பது அவசியமாகும். உங்கள் சிமெண்ட்டின் தரத்தை உறுதி செய்ய, சிமெண்ட் மூட்டைகளை, உரம் போன்ற மற்ற தயாரிப்புகளிடமிருந்து தனியாக, அதற்கென்று உள்ள சேமிப்பு பகுதியில் சேமித்து வைக்க வேண்டும்.
சிமெண்ட் மூட்டைகளைப் பயன்படுத்துவதில் ஃபர்ஸ்ட் இன் ஃபர்ஸ்ட் அவுட் முறையைப் பின்பற்றவும். பழைய மூட்டைகளை முதலில் பயன்படுத்த வேண்டும். ஒவ்வொரு சிமெண்ட் மூட்டைகள் அடுக்கிலும் அவை பெறப்பட்ட தேதியைக் காட்டும் லேபிள் அந்த சிமெண்ட்டின் வயதைத் தீர்மானிக்க உதவலாம். கிடங்கில் சிமெண்ட்டைச் சேமித்து வைக்க திட்டமிடும்போது, மூட்டைகள் பெறப்பட்ட வரிசையிலேயே திரும்ப எடுக்கும் வகையில் அடுக்கி வைக்கவும்.
மீதமுள்ள சிமெண்ட் பாதி காலியான மூட்டைகளில் சேமித்து வைக்கப்பட்டு முதலில் பயன்படுத்தப்பட வேண்டும். உங்களிடம் மீதமுள்ள சிமெண்ட்டை வலுவான பிளாஸ்டிக் மூட்டைகளில் சேமித்து வைக்கவும். ஓட்டைகளைத் தவிர்க்க, மூட்டைகளை டக் டேப் அல்லது கயிற்றைக் கொண்டு மூடவும்.
சிமெண்ட் மூட்டைகளைச் சரியான முறையில் சேமித்து வைப்பது அவசியமாகும், ஏனெனில், ஈரப்பதம், நேரடி சூரிய ஒளி, மழை, வீனாவது போன்றவற்றிலிருந்து சிமெண்டைப் பாதுகாப்பது முக்கியமாகும். கட்டமைப்பின் ஆயுளுக்கு தேவையான கான்கிரீட், மோர்டார், முதலியனவற்றைத் தயாரிக்கச் சிமெண்ட் பயன்படுத்தப்படுகிறது. எனவே, சிமெண்ட்டின் தரத்தைப் பராமரிக்க சரியான முறையில் சிமெண்ட்டைச் சேமித்து வைக்கக் கற்றுக்கொள்வது முக்கியமாகும். சிமெண்ட் பயன்படுத்தி கட்டப்படும் கட்டமைப்புகளின் ஆயுளை மேம்படுத்தும் வகையில் நல்ல தரமான சிமெண்ட்டை உறுதி செய்வதற்காக சிமெண்ட்டைச் சேமித்து வைப்பதற்கு மேலே உள்ள படிநிலைகளைப் பின்பற்றவும்.
