Share:
Share:
ಸಿಮೆಂಟಿನ ಗುಣಮಟ್ಟದ ಮೇಲೆ ತೇವಾಂಶವು ತೀವ್ರವಾಗಿ ಪರಿಣಾಮವನ್ನು ಬೀರುತ್ತದೆ. ನೆಲ ಮತ್ತು ಪರಿಸರದ ತೇವಾಂಶದಿಂದ ಸಿಮೆಂಟ್ ಅನ್ನು ರಕ್ಷಿಸಬೇಕು. ಸಿಮೆಂಟ್ ತೇವಾಂಶವನ್ನು ಹೀರಿಕೊಳ್ಳುವುದನ್ನು ತಡೆಗಟ್ಟಲು, ತೇವಾಂಶ ನಿರೋಧಕ, ಎತ್ತರದ ಪ್ರದೇಶದಲ್ಲಿ ಸಿಮೆಂಟ್ ಅನ್ನು ಸಂಗ್ರಹಿಸಿಡಬೇಕು. ವಿಶೇಷವಾಗಿ ಮಳೆಗಾಲದಲ್ಲಿ 700-ಗೇಜ್ ಪಾಲಿಥಿನ್ ಹಾಳೆಗಳಿಂದ ಚೀಲಗಳನ್ನು ಮುಚ್ಚಿಡಬೇಕು. ವಾತಾವರಣಕ್ಕೆ ಒಡ್ಡಿಕೊಳ್ಳುವುದನ್ನು ಕಡಿಮೆ ಮಾಡಲು ಸಿಮೆಂಟ್ ಶೇಖರಣೆಗಾಗಿ ಗಾಳಿ-ಆಡದ ಚೀಲಗಳನ್ನು ಉಪಯೋಸಬೇಕು. ಶೇಖರಣಾ ಸ್ಥಳ ಅಥವಾ ಗೋದಾಮು ಹತ್ತಿರದ ಸ್ಥಳಗಳಿಗಿಂತ ಎತ್ತರದಲ್ಲಿರುವುದರಿಂದ, ಸುತ್ತಮುತ್ತಲಿನ ನೀರು ಒಳಗೆ ಹೋಗದಂತೆ ತಡೆಯುತ್ತದೆ. ಅವುಗಳನ್ನು ಯಾವಾಗಲೂ ಮರದ ಹಲಗೆಗಳು ಅಥವಾ ನೆಲದಿಂದ 150-200 ಮಿಮೀ ಎತ್ತರದ ಜಾಗೆಗಳಲ್ಲಿ ಇಡಬೇಕು.
ಸಿಮೆಂಟ್ ಚೀಲಗಳನ್ನು ಸುಲಭವಾಗಿ ಇಡಲು ಮತ್ತು ತೆಗೆಯಲು ಅನುಕೂಲಕರವಾಗಿರುವಂತೆ ಶೇಖರಿಸಬೇಕು. ಸಿಮೆಂಟ್ ಚೀಲಗಳನ್ನು ಪ್ರತ್ಯೇಕ ರಾಶಿಗಳ ನಡುವೆ ಕನಿಷ್ಠ 600 ಮಿಮೀ ಆಕಾರದ ಜಾಗವನ್ನು ಬಿಟ್ಟು ಹೊಂದಿಸಬೇಕು. ಅಲ್ಲದೆ, ಗಾಳಿಯ ಪ್ರಸರಣವನ್ನು ಕಡಿಮೆ ಮಾಡಲು ಸಿಮೆಂಟ್ ಚೀಲಗಳನ್ನು ಪರಸ್ಪರ ಹತ್ತಿರ ಇರಿಸಿ. ಒತ್ತಡದಲ್ಲಿ ಉಂಡೆಯಾಗುವುದನ್ನು ತಪ್ಪಿಸಲು ಸ್ಟಾಕ್‌ನ ಎತ್ತರವನ್ನು ಗರಿಷ್ಠ 10 ಚೀಲಗಳಿಗೆ ಮಿತಿಗೊಳಿಸಿ ಸೈಟ್ನಲ್ಲಿ ಸಿಮೆಂಟ್ ಚೀಲಗಳ ಶೇಖರಣೆಯನ್ನು ಮಾಡಬೇಕು ಆದ್ದರಿಂದ ಶೇಖರಣೆಯ ಅಗಲವು ನಾಲ್ಕು ಚೀಲಗಳ ಉದ್ದ ಅಥವಾ 3 ಮೀಟರ್ಗಳನ್ನು ಮೀರಬಾರದು. ಮೇಲಕ್ಕೆ ಬೀಳುವುದನ್ನು ತಡೆಯಲು, 8 ಚೀಲಗಳ ಎತ್ತರದ ಸ್ಟ್ಯಾಕ್‌ಗಳನ್ನು ಒಟ್ಟಿಗೆ ಕಟ್ಟಬೇಕು ಮತ್ತು ಪರ್ಯಾಯವಾಗಿ ಉದ್ದ ಮತ್ತು ಅಡ್ಡ-ದಂತೆ ಜೋಡಿಸಬೇಕು.
ಸಿಮೆಂಟ್ ಚೀಲಗಳು ಬೀಳುವುದನ್ನು ಅಥವಾ ಅವುಗಳನ್ನು ತುದಿ ಹಿಡಿದು ಎತ್ತುವುದನ್ನು ತಪ್ಪಿಸಬೇಕು. ಜೊತೆಗೆ, ಚೀಲದ ಮಧ್ಯದಲ್ಲಿ ಸೀಳುವುದನ್ನು ಮತ್ತು ಜೋತು ಬೀಳುವುದನ್ನು ತಡೆಗಟ್ಟಲು ಕೆಳಭಾಗದಲ್ಲಿ ಆಧಾರ ಕೊಡಬೇಕು. ಚೀಲಗಳು ಒಡೆಯುವುದನ್ನು ತಪ್ಪಿಸಲು, ಸಿಮೆಂಟ್ ಅನ್ನು ಸಡಿಲಗೊಳಿಸಲು ಎತ್ತುವ ಮೊದಲು ಚೀಲಗಳನ್ನು ಸುತ್ತುವಂತೆ ಮಾಡಿ. ಜೊತೆಗೆ ಚೀಲಗಳನ್ನು ಇಟ್ಟಾಗ, ಅವುಗಳ ವಿಶಾಲ ಭಾಗವು ಕೆಳಮುಖವಾಗಿರಬೇಕು.
ಸಿಮೆಂಟ್ ಚೀಲಗಳನ್ನು ಎತ್ತಲು ಅಥವಾ ಇಡುವಾಗ ಹುಕ್ಕುಗಳನ್ನು ಬಳಸುವುದರಿಂದ ಹೆಚ್ಚಾಗಿ ಚೀಲಗಳು ಹಾಳಾಗುವ ಅಪಾಯವಿರುತ್ತದೆ. ಕೊಕ್ಕೆಗಳು ಚೀಲಗಳಿಗೆ ಚುಚ್ಚಬಹುದು ಅಥವಾ ಅವನ್ನು ಹರಿದು ಹಾಕಬಹುದು, ಇದರಿಂದ ಧೂಳು ಮತ್ತು ತೇವಾಂಶ ಒಳಗೆ ಹೋಗಲು ಅನುವಾಗುತ್ತದೆ. ಜೊತೆಗೆ ಇದು ಸಿಮೆಂಟ್ ಗುಣಮಟ್ಟವನ್ನು ಹಾಳು ಮಾಡಬಹುದು. ನಿಮ್ಮ ಬಂಡವಾಳ ಮತ್ತು ನಿಮ್ಮ ಸಾಮಾಗ್ರಿಗಳ ಗುಣಮಟ್ಟ ಕಾಪಾಡಲು, ಫೋರ್ಕ್‌ಲಿಫ್ಟ್‌ಗಳು, ಪ್ಯಾಲೆಟ್ ಜ್ಯಾಕ್‌ಗಳು ಅಥವಾ ಲಿಫ್ಟಿಂಗ್ ಸ್ಟ್ರಾಪ್‌ಗಳಂತಹ ಅದಕ್ಕಾಗಿಯೇ ಇರುವ ಸಿಮೆಂಟ್ ಹ್ಯಾಂಡ್ಲಿಂಗ್ ಸಾಧನಗಳನ್ನು ಉಪಯೋಗಿಸಿ. ಈ ಉಪಕರಣಗಳು ಸುರಕ್ಷಿತ ಮತ್ತು ಹಾನಿಯಾಗದಂತೆ ನಿರ್ವಹಣೆಯನ್ನು ಮಾಡಲು ಸಹಾಯ ಮಾಡುತ್ತವೆ. ಆಗ ನಿಮ್ಮ ಸಿಮೆಂಟ್ ಉತ್ತಮ ಸ್ಥಿತಿಯಲ್ಲಿ ಉಳಿಯುತ್ತದೆ ಮತ್ತು ನಿಮಗೆ ಅಗತ್ಯವಿರುವಾಗ ನಿರ್ಮಾಣಕ್ಕೆ ಸಿದ್ಧವಾಗಿರುತ್ತದೆ.
ಗುಣಮಟ್ಟದ ಮೇಲೆ ಪರಿಣಾಮ ಬೀರುವುದನ್ನು ತಡೆಯಲು ಉಂಟಾಗಬಹುದಾದ ಮಾಲೀನ್ಯವನ್ನು ತಡೆಗಟ್ಟಲು ವಿವಿಧ ರೀತಿಯ ಇತರ ಸಾಮಗ್ರಗಳಿಂದ ಸಿಮೆಂಟ್ ಅನ್ನು ಪ್ರತ್ಯೇಕವಾಗಿ ಸಂಗ್ರಹಿಸುವುದು ಅತ್ಯಗತ್ಯ. ನಿಮ್ಮ ಸಿಮೆಂಟ್‌ನ ಸಮಗ್ರತೆಯನ್ನು ಖಚಿತಪಡಿಸಿಕೊಳ್ಳಲು ರಸಗೊಬ್ಬರಗಳಂತಹ ಇತರ ಸಾಮಗ್ರಿಗಳಿಂದ ಪ್ರತ್ಯೇಕವಾಗಿ ಮೀಸಲಾದ ಶೇಖರಣಾ ಪ್ರದೇಶದಲ್ಲಿ ಸಿಮೆಂಟ್ ಚೀಲಗಳನ್ನು ಸಂಗ್ರಹಿಸಿಡಬೇಕು.
ಸಿಮೆಂಟ್ ಚೀಲಗಳನ್ನು ಬಳಸುವಾಗ ಮೊದಲು ತಂದ ಚೀಲಗಳನ್ನು ಮೊದಲು ಬಳಸುವ ಪದ್ದತಿಯನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಮೊದಲೇ ತಂದಿರುವ ಹಳೆಯ ಚೀಲಗಳನ್ನು ಮೊದಲು ಬಳಸಬೇಕು. ಸಿಮೆಂಟ್ ಚೀಲಗಳ ಪ್ರತಿ ಸ್ಟಾಕ್‌ನಲ್ಲಿ ರಶೀದಿಯ ದಿನಾಂಕವನ್ನು ತೋರಿಸುವ ಲೇಬಲ್ ಸಿಮೆಂಟ್ ತಯಾರಾಗಿರುವ ಕಾಲವನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಗೋದಾಮಿನಲ್ಲಿ ಸಿಮೆಂಟ್ ಶೇಖರಣೆಯನ್ನು ಮಾಡುವಾಗ, ಚೀಲಗಳನ್ನು ಅವುಗಳನ್ನು ತಂದಿರುವ ಕ್ರಮದಲ್ಲಿ ಬಳಸಲು ಅನುಕೂಲವಾಗುವ ರೀತಿಯಲ್ಲಿ ಜೋಡಿಸಿ ಇಡಬೇಕು.
ಬಳಸಿ ಉಳಿದ ಸಿಮೆಂಟ್ ಅನ್ನು ಅರ್ಧ-ಖಾಲಿ ಚೀಲಗಳಲ್ಲಿ ಶೇಖರಿಸಿಡಬೇಕು. ಮತ್ತು ಹೀಗೆ ಉಳಿದಿರುವುದನ್ನು ಮೊದಲು ಬಳಸಬೇಕು. ನಿಮ್ಮ ಬಳಿ ಉಳಿದಿರುವ ಸಿಮೆಂಟ್ ಇದ್ದರೆ, ಅದನ್ನು ಮತ್ತೆ ಚೀಲಕ್ಕೆ ತುಂಬಲು ಗಟ್ಟಿಯಾದ ಗಾಳಿಯಾಡದ ಪ್ಲಾಸ್ಟಿಕ್ ಚೀಲಗಳನ್ನು ಬಳಸಬೇಕು. ಚೀಲಗಳ ಬಾಯಿ ಹೊಲೆಯುವಾಗ ತೂತುಗಳಾಗುವುದನ್ನು ತಪ್ಪಿಸಲು ಡಕ್ಟ್ ಟೇಪ್ ಅಥವಾ ತಂತಿಗಳಿಂದ ಮುಚ್ಚಬೇಕು.
ಉದ್ದೇಶಿತ ಬಳಕೆಗಾಗಿ ಸಿಮೆಂಟ್ ಅನ್ನು ಬಳಸಲು ಸಿಮೆಂಟ್ ಚೀಲಗಳನ್ನು ಮೊದಲಿನಿಂದಲೇ ತೇವಾಂಶ, ನೇರ ಸೂರ್ಯನ ಬೆಳಕು, ಮಳೆ, ವ್ಯರ್ಥ ಇತ್ಯಾದಿಗಳಿಂದ ಸಿಮೆಂಟ್ ಅನ್ನು ರಕ್ಷಿಸುವುದು ಮುಖ್ಯವಾಗಿದೆ. ನಿರ್ಮಾಣಕ್ಕೆ ಅಗತ್ಯವಾದ ಕಾಂಕ್ರೀಟ್, ಗಾರೆ ಇತ್ಯಾದಿಗಳನ್ನು ತಯಾರಿಸಲು ಸಿಮೆಂಟ್ ಅನ್ನು ಬಳಸಲಾಗುತ್ತದೆ. ಆದ್ದರಿಂದ, ಸಿಮೆಂಟ್ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು ಸರಿಯಾದ ರೀತಿಯಲ್ಲಿ ಸಿಮೆಂಟ್ ಅನ್ನು ಹೇಗೆ ಸಂಗ್ರಹಿಸುವುದು ಎಂಬುದನ್ನು ಕಲಿಯುವುದು ಪ್ರಮುಖವಾಗಿದೆ. ಉತ್ತಮ ಗುಣಮಟ್ಟದ ಸಿಮೆಂಟ್ ಅನ್ನು ಖಚಿತಪಡಿಸಿಕೊಳ್ಳಲು ಸಿಮೆಂಟ್ ಶೇಖರಣೆಗಾಗಿ ಈ ಮೇಲಿನ ಹಂತಗಳನ್ನು ಅನುಸರಿಸುವ ಮೂಲಕ ಸಿಮೆಂಟ್ ಬಳಸಿ ನಿರ್ಮಿಸಲಾದ ನಿರ್ಮಾಣಗಳ ಜೀವಿತಾವಧಿಯನ್ನು ಹೆಚ್ಚಿಸುತ್ತದೆ.
