Share:
കോൺക്രീറ്റിന്റെ ഉപരിതലം അടർന്നുപോകുകയോ പൊളിഞ്ഞുപോവുകയോ ചെയ്യുന്ന അവസ്ഥയാണ് കോൺക്രീറ്റ് സ്പാലിംഗ്. ഇത് സാധാരണയായി ഈർപ്പം ഉള്ളിലേക്ക് കടക്കുന്നതുകൊണ്ടോ, കമ്പികൾ തുരുമ്പിക്കുന്നതുകൊണ്ടോ, നിലവാരമില്ലാത്ത നിർമ്മാണവസ്തുക്കൾ ഉപയോഗിക്കുന്നതുകൊണ്ടോ, അല്ലെങ്കിൽ കാലാവസ്ഥയിലെ തീവ്രമായ മാറ്റങ്ങൾകൊണ്ടോ സംഭവിക്കാം.
ഇത് കെട്ടിടത്തിന്റെ ബലത്തെ ദോഷകരമായി ബാധിക്കുകയും, ഭംഗി കുറയ്ക്കുകയും, കൃത്യ സമയത്ത് പരിഹരിച്ചില്ലെങ്കിൽ വലിയ സാമ്പത്തിക ചെലവുകൾക്ക് കാരണമാവുകയും ചെയ്യും.
എപ്പോക്സി ഫില്ലറുകൾ, ഓവർലേകൾ എന്നിവ പോലുള്ള ഉപരിതല ചികിത്സകൾ മുതൽ തുരുമ്പിച്ച കമ്പികൾ മാറ്റുകയോ കേടുവന്ന ഭാഗങ്ങൾ പുനഃസ്ഥാപിക്കുകയോ ചെയ്യുന്ന പോലുള്ള സങ്കീർണ്ണമായ പരിഹാരങ്ങൾ വരെ ആവശ്യമായി വരാം, ഫലപ്രദമായ ഫലങ്ങൾക്കായി, വിദഗ്ദ്ധരുടെ സഹായം ആവശ്യമാണ്.
യർന്ന നിലവാരമുള്ള സിമന്റ് ഉപയോഗിക്കുക, ഉപരിതലങ്ങൾ സീൽ ചെയ്യുക, ശരിയായ നിർമ്മാണരീതികൾ പിന്തുടരുക, കൃത്യമായ ഇടവേളകളിൽ അറ്റകുറ്റപ്പണികൾ നടത്തുക എന്നിവ പോലുള്ള പ്രതിരോധ നടപടികൾ സ്പാലിംഗ് വരാനുള്ള സാധ്യത ഗണ്യമായി കുറയ്ക്കുകയും കെട്ടിടത്തിന്റെ ദീർഘകാല ഈട് ഉറപ്പാക്കുകയും ചെയ്യുന്നു.
കോൺക്രീറ്റിന്റെ ഉപരിതലം അടർന്നുപോകുകയോ, പൊളിഞ്ഞുപോവുകയോ, ചിതറിപ്പോകുകയോ ചെയ്യുന്ന അവസ്ഥയാണ് കോൺക്രീറ്റ് സ്പാലിംഗ്. ഇത് പലപ്പോഴും കോൺക്രീറ്റിന്റെ അകത്തുള്ള പാളികളെയോ കമ്പികളെയോ പുറത്തുകാണിക്കാൻ ഇടയാക്കുന്നു. വെള്ളം, താപനിലയിലെ മാറ്റങ്ങൾ, കമ്പികളിൽ തുരുമ്പുപിടിക്കുന്നത് തുടങ്ങിയ ബാഹ്യഘടകങ്ങൾ കോൺക്രീറ്റിന്റെ ബലത്തെ കാലക്രമേണ ദുർബലമാക്കുന്നതിനാലാണ് ഈ അവസ്ഥയുണ്ടാകുന്നത്.
കോൺക്രീറ്റിലെ സ്പാലിംഗ് സാധാരണയായി പുറത്തുള്ള ഘടകങ്ങൾ കാരണം കാലക്രമേണ കോൺക്രീറ്റിന്റെ ബലം കുറയുമ്പോൾ സംഭവിക്കുന്നു. ചില സാധാരണ കാരണങ്ങൾ ഇവയാണ്:
കോൺക്രീറ്റ് സ്പാലിംഗ് ഉപരിതലത്തിൽ മാത്രം ഒതുങ്ങുന്ന ഒരു പ്രശ്നമല്ല, കൃത്യസമയത്ത് പരിഹരിച്ചില്ലെങ്കിൽ വലിയ സാമ്പത്തിക ചെലവുകൾക്ക് ഇത് കാരണമാകും:
സ്പാലിംഗ് സംഭവിച്ച കോൺക്രീറ്റ് നന്നാക്കുന്നതിനുള്ള രീതി കേടുപാടുകളുടെ വ്യാപ്തിയെ ആശ്രയിച്ചിരിക്കും. സ്പാലിംഗ് സംഭവിച്ച നമ്മുടെ കോൺക്രീറ്റ് അടിത്തറ കൂടുതൽ ബലമുള്ളതും ഈടുള്ളതുമാക്കാനുള്ള ചില വഴികൾ ഇതാ:
ശാശ്വതമായ ഫലങ്ങൾക്കായി, പ്രത്യേകിച്ച് ആഴത്തിലുള്ള കേടുപാടുകൾ നന്നാക്കുമ്പോൾ, വിദഗ്ദ്ധരുടെ സഹായം അത്യാവശ്യമാണ്. സ്പാലിംഗിന് കാരണമാകുന്ന യഥാർത്ഥ പ്രശ്നങ്ങൾ കണ്ടെത്തി പരിഹരിക്കാൻ വിദഗ്ദ്ധർക്ക് കഴിയും, അതുകൂടാതെ കേടുപാടുകൾ ഫലപ്രദവു ഈടുനിൽക്കുന്നതുമാണെന്ന് ഉറപ്പാക്കുകയും, ഭാവിയിൽ നിങ്ങളുടെ കെട്ടിടത്തിന് കൂടുതൽ കേടുപാടുകൾ വരാതെ സംരക്ഷിക്കുകയും ചെയ്യും.
നിങ്ങളുടെ ഘടനകളുടെ ഈടുനിൽക്കലും സുരക്ഷയും നിലനിർത്തുന്നതിന് കോൺക്രീറ്റ് സ്പാലിംഗ് തടയേണ്ടത് അത്യാവശ്യമാണ്. നിങ്ങൾക്ക് എടുക്കാവുന്ന ചില പ്രധാന നടപടികൾ ഇതാ:
വീടിന്റെ അടിത്തറയുടെ ബലം ഉപയോഗിക്കുന്ന വസ്തുക്കളുടെ ഗുണനിലവാരത്തെ വളരെയധികം ആശ്രയിച്ചിരിക്കും. അതുകൊണ്ടാണ് സിമന്റിന്റെ ഗുണനിലവാരത്തിന്റെ കാര്യത്തിൽ ഒരു വിട്ടുവീഴ്ചയും ചെയ്യാൻ പാടില്ലാത്തത്. ഉയർന്ന നിലവാരമുള്ള സിമന്റ് ഉപയോഗിക്കുന്നത് വിള്ളലുകളും കേടുപാടുകളും തടയുന്ന, ഈടുള്ള കോൺക്രീറ്റ് മിശ്രിതം ഉണ്ടാക്കാൻ സഹായിക്കും. മികച്ച ഒട്ടിച്ചേരാനുള്ള കഴിവുള്ളതിനാൽ, പ്രീമിയം സിമന്റിന് പാരിസ്ഥിതിക വെല്ലുവിളികളെ അതിജീവിക്കാനും, സ്പാലിംഗ് വരാനുള്ള അപകടസാധ്യത കുറയ്ക്കാനും കഴിയും. ഇത് നിങ്ങളുടെ അടിത്തറയെ സുരക്ഷിതവും ദീർഘകാലം നിലനിൽക്കുന്നതുമാക്കും.
കോൺക്രീറ്റ് പ്രതലങ്ങളിൽ വെള്ളം കടക്കാത്ത കോട്ടിംഗുകളോ സീലന്റുകളോ ഉപയോഗിക്കുന്നത് ഈർപ്പത്തിൽ നിന്നും ദോഷകരമായ രാസവസ്തുക്കളിൽ നിന്നും ഒരു സംരക്ഷക കവചം ഉണ്ടാക്കുന്നു. ഈ കോട്ടിംഗുകൾ, പ്രത്യേകിച്ച് മഞ്ഞും മഴയും കൂടുതലുള്ള സ്ഥലങ്ങളിൽ, വെള്ളം കോൺക്രീറ്റിലേക്ക് തുളച്ചുകയറുന്നത് തടയാൻ സഹായിക്കും.
പരിചയസമ്പന്നരായ കരാറുകാരുമായി ചേർന്ന് പ്രവർത്തിക്കുന്നത് ബലമുള്ളതും ഈടുള്ളതുമായ കോൺക്രീറ്റ് ഘടന ലഭിക്കാൻ അനിവാര്യമാണ്. ശരിയായ രീതിയിലുള്ള കോൺക്രീറ്റ് മിശ്രണം, ഒഴിക്കൽ, ഉറക്കൽ തുടങ്ങിയവ വായു കുമിളകൾ, ശരിയായ രീതിയിൽ ഉറയ്ക്കാത്തത് പോലുള്ള പ്രശ്നങ്ങൾ ഒഴിവാക്കാൻ അത്യാവശ്യമാണ്, ഇത്തരം പ്രശ്നങ്ങൾ സ്പാലിംഗിലേക്ക് നയിച്ചേക്കാം. പരിചയസമ്പന്നരായ കരാറുകാർക്ക് വ്യത്യസ്ത സാഹചര്യങ്ങളും നിർമ്മാണവസ്തുക്കളും എങ്ങനെ കൈകാര്യം ചെയ്യണമെന്നറിയാം, ഇത് മികച്ച ഫലങ്ങൾ ഉറപ്പാക്കുന്നു.
നിങ്ങളുടെ കോൺക്രീറ്റ് പ്രതലങ്ങൾ പതിവായി പരിശോധിക്കുന്നത് സ്പാലിംഗിന്റെയോ മറ്റ് കേടുപാടുകളുടെയോ ആദ്യ ലക്ഷണങ്ങൾ തിരിച്ചറിയാൻ സഹായിക്കും. ചെറിയ വിള്ളലുകൾ, നിറം മാറ്റം, അല്ലെങ്കിൽ അടർന്നുപോകുന്ന ഭാഗങ്ങൾ എന്നിവ ശ്രദ്ധിക്കുക. ഈ പ്രശ്നങ്ങൾ തുടക്കത്തിൽ തന്നെ നന്നാക്കുകയും പരിപാലിക്കുകയും ചെയ്യുന്നത്, അവ കൂടുതൽ വഷളാകാതെ തടയാനും ഭാവിയിൽ നിങ്ങൾക്ക് പണം ലാഭിക്കാനും സഹായിക്കും.
ഈ പ്രതിരോധ മാർഗ്ഗങ്ങൾ നടപ്പാക്കുന്നതിലൂടെ, നിങ്ങൾക്ക് കോൺക്രീറ്റ് സ്പാലിംഗ് വരാനുള്ള സാധ്യത ഗണ്യമായി കുറയ്ക്കാനും, നിങ്ങളുടെ കെട്ടിടങ്ങളുടെ ആയുസ്സ് വർദ്ധിപ്പിക്കാനും കഴിയും, ഇത് നിങ്ങളുടെ കെട്ടിടങ്ങൾ സുരക്ഷിതവും, സൗന്ദര്യമുള്ളതും, ദീർഘകാലം നിലനിൽക്കുന്നതുമാണെന്ന് ഉറപ്പാക്കും.
നിങ്ങൾ ഒരിക്കൽ മാത്രമേ നിങ്ങളുടെ വീട് നിർമ്മിക്കുകയുള്ളൂ, അതുകൊണ്ട് ദീർഘകാല പ്രശ്നങ്ങൾ ഒഴിവാക്കാൻ കോൺക്രീറ്റ് സ്പാലിംഗ് തുടക്കത്തിൽ തന്നെ പരിഹരിക്കേണ്ടത് അത്യാവശ്യമാണ്. ഉയർന്ന നിലവാരമുള്ള സിമന്റ് ഉപയോഗിക്കുക, ശരിയായ നിർമ്മാണ രീതികൾ ഉറപ്പാക്കുക തുടങ്ങിയ മുൻകരുതലുകൾ എടുക്കുന്നത് കോൺക്രീറ്റ് കേടായിപ്പോകുന്നത് തടയാൻ സഹായിക്കും. സ്പാലിംഗിന്റെ ആദ്യ ലക്ഷണങ്ങളിൽ തന്നെ പ്രശ്നം പരിഹരിക്കുന്നതിലൂടെ, നിങ്ങൾക്ക് വലിയ അറ്റകുറ്റപ്പണികൾ ഒഴിവാക്കാനും വീടിന്റെ ഘടനാപരമായ ബലവും ആയുസ്സും നിലനിർത്താനും കഴിയും.
സ്പാലിംഗ് സാധാരണയായി സംഭവിക്കുന്നത് ഈർപ്പം കോൺക്രീറ്റിലേക്ക് കടക്കുകയും അത് വികസിച്ചു പൊട്ടുകയും ചെയ്യുമ്പോഴാണ്. കമ്പികൾ തുരുമ്പിക്കുന്നത്, തണുപ്പും ചൂടും മാറിമാറി വരുന്നത്, നിലവാരം കുറഞ്ഞ കോൺക്രീറ്റ്, അല്ലെങ്കിൽ കെട്ടിടത്തിൽ അമിതഭാരം വരുന്നത് എന്നിവയും ഇതിന്റെ മറ്റ് സാധാരണ കാരണങ്ങളാണ്.
അതെ, ആകാൻ സാധ്യതയുണ്ട്. സ്പാലിംഗ് ഘടനയെ ദുർബലമാക്കുകയും സുരക്ഷയ്ക്ക് അപകടമുണ്ടാക്കുകയും ചെയ്യാം, പ്രത്യേകിച്ചും കോൺക്രീറ്റ് കഷണങ്ങൾ അടർന്ന് വീഴാൻ തുടങ്ങുകയോ കെട്ടിടത്തിന് ബലം നഷ്ടപ്പെടുകയോ ചെയ്താൽ.
അത് സാഹചര്യങ്ങൾ അനുസരിച്ചിരിക്കും. ചിലപ്പോൾ അത് വെറും ബാഹ്യമായൊരു പ്രശ്നം മാത്രമായിരിക്കാം. പക്ഷേ മിക്കവാറും, സ്പാലിംഗ് ആഴത്തിലുള്ള മറ്റ് പ്രശ്നങ്ങളുടെ സൂചനയായിരിക്കും. ഇത് അവഗണിച്ചാൽ പിന്നീട് വലിയതും കൂടുതൽ ചെലവേറിയതുമായ അറ്റകുറ്റപ്പണികൾക്ക് കാരണമാകും.
ഡിലാമിനേഷൻ എന്നത് കോൺക്രീറ്റ് പാളികൾക്കുള്ളിൽ ആന്തരികമായി വേർപിരിയുന്നതിനെ സൂചിപ്പിക്കുന്നു, അതേസമയം സ്പാലിംഗ് എന്നത് പുറമെയുള്ള പ്രതലം ദൃശ്യമായ രീതിയിൽ അടർന്നുപോകുകയോ പൊളിഞ്ഞുപോവുകയോ ചെയ്യുന്നതാണ്.
ചെലവ് വളരെയധികം വ്യത്യാസപ്പെടാം. ചെറിയ ഉപരിതല അറ്റകുറ്റപ്പണികൾക്ക് അധികം ചെലവ് വരില്ല, എന്നാൽ കേടുപാടുകൾ ആഴത്തിലുള്ളതാണെങ്കിൽ, കൂടുതൽ ചെലവേറിയ അറ്റകുറ്റപ്പണികൾ വേണ്ടി വരും.
അതെ, ഇത് വളരെ സാധാരണമാണ്, പ്രത്യേകിച്ചും കാലാവസ്ഥ കഠിനമായ സ്ഥലങ്ങളിൽ അല്ലെങ്കിൽ കോൺക്രീറ്റ് ശരിയായ രീതിയിൽ നിർമ്മിക്കുകയോ ഉപയോഗിക്കുകയോ ചെയ്യാത്തപ്പോൾ.
