Share:
ഭൂമിയുടെ ഉയരം നിർണ്ണയിക്കാൻ സഹായിക്കുന്ന സർവേയിംഗിലെ ഒരു പ്രധാന പ്രക്രിയയാണ് ലെവലിംഗ്. കൺസ്ട്രക്ഷനിൽ, കെട്ടിട നിർമ്മാണത്തിന് ഉപയോഗിക്കുന്ന നിലം നിരപ്പായതും സ്ഥിരതയുള്ളതും ആണെന്ന് ഇത് ഉറപ്പാക്കുന്നു. ഉറപ്പുള്ള ഫൗണ്ടേഷൻ നിർമ്മിക്കാനും, പല നിരപ്പിലുള്ള ഫ്ലോറുകൾ അല്ലെങ്കിൽ സ്ട്രക്ചറിന് ഉണ്ടാകുന്ന പ്രശ്നങ്ങൾ എന്നിവ തടയുന്നതിന് ഈ പ്രക്രിയ അത്യാവശ്യമാണ്. സർവേയിംഗിൽ ലെവലിംഗ് നടത്തുന്നതിന്റെ അടിസ്ഥാന തത്വം, അതിനുപയോഗിക്കുന്ന ഉപകരണങ്ങൾ, കൺസ്ട്രക്ഷൻ പ്രോജക്ടുകൾക്ക് കൃത്യതയും വിശ്വസനീയവുമായ ഗുണഫലങ്ങൾ ഉറപ്പാക്കുന്നതിനുള്ള മാർഗ്ഗങ്ങൾ എന്നിവ ഈ ബ്ലോഗിൽ വിശദീകരിക്കുന്നു.
കൺസ്ട്രക്ഷൻ പ്രോജക്ടുകൾ സ്ഥിരതയാർന്നതും ഒരേ നിരപ്പിൽ ഉള്ള ഫൗണ്ടേഷനുകളിലാണ് നിർമ്മിക്കുന്നതെന്ന് ഉറപ്പുവരുത്തുന്നതിൽ സർവേയിംഗിലെ ലെവലിംഗ് പ്രധാനമാണ്. ഒരേ നിരപ്പിൽ അല്ലാത്ത തറകൾ, മോശം ഡ്രെയിനേജ്, വേണ്ട രീതിയിൽ ഒരുക്കി എടുക്കാത്ത സ്ഥലത്ത് സ്ട്രക്ചറിന് ഉണ്ടായേക്കാവുന്ന പ്രശ്നങ്ങൾ എന്നിവ തടയാൻ കൃത്യമായ ലെവലിംഗ് ആവശ്യമാണ്. സ്ഥിരമായ ഒരു എലവേഷൻ സ്ഥാപിക്കുന്നതിലൂടെ, നിർമ്മാണ സൈറ്റിൻ്റെ എല്ലാ ഭാഗങ്ങളും അതനുസരിച്ച് ക്രമപ്പെടുത്തിയിട്ടുണ്ടെന്ന് ലെവലിംഗ് ഉറപ്പാക്കുന്ന. ഇത് സ്ട്രക്ച്ചറിന്റെ കരുത്തിനും ദീർഘായുസ്സിനും അത്യന്താപേക്ഷിതമാണ്
സർവേയിംഗിൽ നിരവധി തരം ലെവലിംഗ് ഉപയോഗിക്കാറുണ്ട്. അവ ഓരോന്നും വ്യത്യസ്ത ആവശ്യങ്ങൾക്ക് അനുയോജ്യമാണ്:
രണ്ട് പോയിന്റുകൾക്കിടയിലുള്ള ഉയര വ്യത്യാസം അളക്കാൻ സ്പിരിറ്റ് ലെവൽ അല്ലെങ്കിൽ തിയോഡോലൈറ്റ് പോലുള്ള ഒരു ലെവലിംഗ് ഉപകരണം ഉപയോഗിക്കുന്ന രീതിയാണ് ഡയറക്ട് ലെവലിംഗ്. ഉപകരണം ഒരു ട്രൈപോഡിൽ സജ്ജീകരിച്ച്, അത് വിവിധ സ്ഥലങ്ങളിൽ സ്ഥാപിച്ച് കൊണ്ട് സർവേയിംഗ് സ്റ്റാഫ് റീഡിങ്ങുകൾ എടുക്കുന്നു. ഈ രീതിയിലൂടെ കൃത്യമായ എലവേഷൻ അളവുകൾ ലഭിക്കുന്നു. കൂടാതെ നിരപ്പായ അടിത്തട്ട് നിർമ്മിക്കാൻ കൺസ്ട്രക്ഷനിൽ ഇത് സാധാരണയായി ഉപയോഗിക്കുകയും ചെയ്യുന്നു.
ഉയര വ്യത്യാസങ്ങൾ നിർണ്ണയിക്കാൻ കോണീയ അളവെടുപ്പുകൾ നടത്തിയും, അകലം കണക്കാക്കിയുമാണ് ട്രിഗ്ണോമെട്രിക് ലെവലിംഗ് നടത്തുന്നത്. ഒരു നിശ്ചിത റഫറൻസ് പോയിന്റിൽ നിന്ന് കോണുകൾ അളന്ന് ദൂരം കണക്കാക്കി, സർവേയർമാർക്ക് വിവിധ പോയിന്റുകളുടെ ഉയരം നിർണ്ണയിക്കാൻ കഴിയും. നേരിട്ടുള്ള അളവെടുപ്പ് സാധ്യമല്ലാത്ത വലിയ സർവേകൾക്ക് ഈ രീതി ഉപയോഗപ്രദമാണ്.
അന്തരീക്ഷമർദ്ദം അളന്ന് ഉയര വ്യത്യാസങ്ങൾ കണക്കാക്കുന്ന രീതിയാണ് ബാരോമെട്രിക് ലെവലിംഗ്. വ്യത്യസ്ത സ്ഥലങ്ങളിലെ വായു മർദ്ദം താരതമ്യം ചെയ്ത്, സർവേയർമാർക്ക് ഉയരവ്യത്യാസം അനുമാനിക്കാനാകും. ഈ രീതിക്ക് മറ്റ് തരങ്ങളെ അപേക്ഷിച്ച് കൃത്യത കുറവാണ്. എന്നാൽ മറ്റ് ഉപകരണങ്ങൾ ലഭ്യമല്ലാത്ത വിദൂര പ്രദേശങ്ങളിൽ ഇത് ഉപയോഗപ്രദമാകും.
സ്റ്റേഡിയ ലെവലിംഗിൽ ഒരു സ്റ്റേഡിയ ദണ്ഡും ഒരു തിയോഡോലൈറ്റും അല്ലെങ്കിൽ ടോട്ടൽ സ്റ്റേഷനും ഉപയോഗിക്കുന്നു. സ്റ്റേഡിയ ദണ്ഡിൽ ഗ്രേഡ് ചെയ്ത അടയാളപ്പെടുത്തലുകൾ ഉണ്ടായിരിക്കും. ഉയര വ്യത്യാസങ്ങൾ കണക്കാക്കാൻ ഈ ഉപകരണം ഈ അടയാളപ്പെടുത്തലുകൾക്കിടയിലുള്ള ദൂരം കണക്കാക്കുന്നു. ദീർഘദൂരങ്ങളിലെ ഉയരങ്ങൾ വേഗത്തിൽ അളക്കുന്നതിന് ഈ രീതി ഉപയോഗപ്രദമാണ്, കൂടാതെ സർവേയിലും മാപ്പിംഗിലും ഇത് സാധാരണയായി ഉപയോഗിക്കുന്നു.
സർവേയിംഗിലെ ലെവലിംഗ്, കൺസ്ട്രക്ഷൻ പ്രോജക്ടുകളെ വിജയകരമാക്കാൻ ആവശ്യമായ നിരവധി പ്രധാന പ്രയോജനങ്ങൾ നൽകുന്നു:
സ്ഥലത്തെ ഉയരത്തിന്റെ കൃത്യമായ അളവുകൾ ലഭിക്കാൻ ലെവലിംഗ് സഹായിക്കുന്നു. ഇത് സ്ഥിരതയുള്ളതും നിരപ്പായതുമായ അടിത്തറ സ്ഥാപിക്കുന്നതിന് പ്രധാനമാണ്. കൺസ്ട്രക്ഷൻ നടക്കുമ്പോൾ സ്ട്രക്ച്ചറിന്റെ തകരാറുകൾക്കോ തെറ്റായ ക്രമീകരണത്തിനോ കാരണമായേക്കാവുന്ന തെറ്റുകൾ കൃത്യമായ ലെവലിംഗ് നടത്തുന്നതു വഴി തടയാൻ കഴിയും.
കൺസ്ട്രക്ഷൻ നടത്തുന്ന സ്ഥലം നിരപ്പാണെന്ന് ഉറപ്പാക്കുന്നതിലൂടെ, വിള്ളലുകൾ, പല നിരപ്പിൽ ഉള്ള ഫ്ലോറുകൾ, അല്ലെങ്കിൽ ഫൗണ്ടേഷൻ തകരാർ തുടങ്ങി, ഭാവിയിൽ സ്ട്രക്ച്ചറിന് സംഭവിച്ചേക്കാവുന്ന പ്രശ്നങ്ങളുടെ സാധ്യത വളരെയധികം കുറയ്ക്കുന്നു. ഒരേ നിരപ്പിൽ ഉള്ള ഫൗണ്ടേഷൻ, സ്ട്രക്ച്ചറിന്റെ മൊത്തത്തിലുള്ള ഉറപ്പിനെയും ദീർഘായുസ്സിനെയും പിന്തുണയ്ക്കുന്നു.
ശരിയാം വിധത്തിൽ ചെയ്തിട്ടുള്ള ലെവലിംഗ്, കൺസ്ട്രക്ഷൻ സൈറ്റ് സുസ്ഥിരവും സുരക്ഷിതവുമാണെന്ന് ഉറപ്പാക്കുന്നു. കൂടാതെ അപകടങ്ങളുടെയും സ്ട്രക്ചറിന് വരാവുന്ന തകരാറുകളുടെ സാധ്യത കുറയ്ക്കുകയും ചെയ്യും. സുരക്ഷിതമായ ഒരു തൊഴിൽ അന്തരീക്ഷം സൃഷ്ടിക്കാൻ ഇത് സഹായിക്കുകയും, പണി പൂർത്തിയായ സ്ട്രക്ചർ സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുകയും ചെയ്യുന്നു.
ലെവലിംഗ് ഭൂമിയുടെ ശരിയായ ഗ്രേഡിംഗ് ഉറപ്പാക്കുന്നു, ഇത് ഫലപ്രദമായ ഡ്രെയിനേജിന് നിർണായകമാണ്. നല്ല നീർവാർച്ച ഉണ്ടാകുന്നത് അടിത്തറയ്ക്ക് ചുറ്റും വെള്ളം അടിഞ്ഞുകൂടുന്നത് തടയും. ഇത് മണ്ണൊലിപ്പ്, അടിത്തറ ദുർബലമാകുന്നത് കൂടാതെ വെള്ളവുമായി ബന്ധപ്പെട്ട ഉണ്ടാകാനിടയുള്ള മറ്റ് നാശനഷ്ടങ്ങൾക്ക് കാരണമാകും.
കൃത്യതയോടെ നടത്തുന്ന ലെവലിംഗ്, നിർമ്മാണ സമയത്തോ അതിന് ശേഷമോ വേണ്ടി വന്നേക്കാവുന്ന തിരുത്തലുകളുടെയോ മാറ്റം വരുത്തലുകളുടെയോ ആവശ്യകത കുറയ്ക്കുന്നതിലൂടെ അധിക ചെലവ് ഇല്ലാതാക്കുന്നു . ഇത് ചെലവേറിയ പുനർനിർമ്മാണങ്ങൾ ഒഴിവാക്കുകയും അപ്രതീക്ഷിത കാല താമസമില്ലാതെ പ്രോജക്ട് സുഗമമായി നടക്കുന്നുണ്ടെന്ന് ഉറപ്പാക്കുകയും ചെയ്യുന്നു.
കൺസ്ട്രക്ഷൻ പ്രോജക്റ്റിന്റെ ശരിയായ ആസൂത്രണത്തിനും ഡിസൈനിങ്ങിനും സഹായിക്കുന്ന പ്രധാന വിവരങ്ങൾ ലെവലിംഗിൽ നിന്ന് ലഭിക്കുന്നു. സൈറ്റിന്റെ കൃത്യമായ ഭൂപ്രകൃതി കണക്കിലെടുത്ത് കൃത്യമായ ബ്ലൂപ്രിന്റുകളും ഡിസൈനുകളും തയ്യാറാക്കാൻ ഇത് ആർക്കിടെക്ടുകൾക്കും എൻജിനീയർമാർക്കും സഹായകരമാകുന്നു.
കൺസ്ട്രക്ഷൻ പ്രോജക്ടുകളുടെ കൃത്യതയും സുസ്ഥിരതയും ഉറപ്പാക്കുന്നതിൽ നിർണായക പങ്ക് വഹിക്കുന്ന അടിസ്ഥാന ഘടകമാണ് സർവേയിംഗിലെ ലെവലിംഗ്. വിവിധ തരം ലെവലിംഗ് ടെക്നിക്കുകൾ മനസിലാക്കുകയും ഉപയോഗിക്കുകയും ചെയ്യുന്നതിലൂടെ, കെട്ടിട നിർമ്മാതാക്കൾക്ക് കൃത്യതയുള്ളതും വിശ്വസനീയവുമായ ഗുണ ഫലങ്ങൾ കൈവരിക്കാൻ ഇടയാക്കുന്നു. ഇത് നിർമ്മിതിയുടെ മൊത്തത്തിലുള്ള വിജയത്തിനും സുരക്ഷയ്ക്കും മുതൽക്കൂട്ടാവുന്നു.
കൺസ്ട്രക്ഷന് ആവശ്യമായ നിരപ്പായതും സുസ്ഥിരവുമായ ഫൗണ്ടേഷൻ ഉറപ്പ് വരുത്തുന്നതിന് നിർമ്മാണം നടത്തുന്ന നിലത്തിന്റെ സ്ഥലങ്ങൾക്കിടയിലെ ഉയര വ്യത്യാസങ്ങൾ നിർണ്ണയിക്കുന്ന പ്രക്രിയയാണ് ലെവലിംഗ്. ലെവലിംഗിന്റെ പ്രധാന തരങ്ങളിൽ ഡയറക്ട് ലെവലിംഗ് (ഒരു ലെവൽ ഉപകരണവും സ്റ്റാഫിന്റെയും സഹായത്താൽ ), ട്രൈഗണോമെട്രിക് ലെവലിംഗ് (കോണീയ അളവുകൾ ഉപയോഗിച്ച്), ബാരോമെട്രിക് ലെവലിംഗ് (അന്തരീക്ഷമർദ്ദം ഉപയോഗിച്ച്), സ്റ്റേഡിയ ലെവലിംഗ് (ഒരു സ്റ്റേഡിയ ദണ്ഡും തിയോഡോലൈറ്റും ഉപയോഗിച്ച്) എന്നിവ ഉൾപ്പെടുന്നു.
കൺസ്ട്രക്ഷനിൽ ലെവലിംഗ് നിർണായകമാണ്, കാരണം ഇത് അടിത്തറ സുസ്ഥിരവും നിരപ്പായതും ആണെന്ന് ഉറപ്പു വരുത്തുന്നു. നിരപ്പല്ലാത്ത ഫ്ലോറുകൾ, കൂടാതെ വിള്ളലുകൾ അല്ലെങ്കിൽ നിലം പതിക്കൽ പോലുള്ള സ്ട്രക്ചറിന് ഉണ്ടായേക്കാവുന്ന തകരാറുകൾ തടയുന്നു. ശരിയായ ലെവലിംഗ് ഫലപ്രദമായ ഡ്രെയിനേജിന് വഴിയൊരുക്കുകയും, സുരക്ഷ വർദ്ധിപ്പിക്കുകയും നിർമ്മാണ പ്രക്രിയയുടെ കൃത്യത ഉറപ്പാക്കുകയും ചെയ്യുന്നു. കൂടാതെ ചെലവേറിയ തിരുത്തലുകളുടെയോ മാറ്റം വരുത്തലുകളുടെയോ ആവശ്യകത കുറയ്ക്കുന്നു.
ഒരു കൺസ്ട്രക്ഷൻ സൈറ്റിലെ വ്യത്യസ്ത സ്ഥലങ്ങളുടെ ഉയരം നിർണയിച്ച് സ്ഥിരതയുള്ളതും നിരപ്പായതുമായ ഫൗണ്ടേഷൻ ഉറപ്പുവരുത്തുക എന്നതാണ് ലെവലിംഗിന്റെ പ്രധാന ധർമ്മം. ഫൗണ്ടേഷനുകൾ, റോഡിന്റെ വിന്യാസം, മറ്റ് കൺസ്ട്രക്ഷൻ ആവശ്യങ്ങൾ എന്നിവയ്ക്കായി ശരിയായ ഭൂനിരപ്പ് തയ്യാറാക്കുന്നതിനും അതിൽ നിർമ്മിക്കുന്ന സ്ട്രക്ച്ചറുകളുടെ സ്ഥിരത, സുരക്ഷ, ദീർഘായുസ്സ് എന്നിവ ഉറപ്പാക്കുന്നതിനും ഈ പ്രക്രിയ സഹായിക്കുന്നു.
ഒരു റഫറൻസ് തലം നിർണയിക്കുന്നതിന് പ്രതലത്തിലെ രണ്ട് പോയിന്റുകൾ തമ്മിലുള്ള ഉയരം വ്യത്യാസം കണക്കാക്കുക എന്നതാണ് ലെവലിംഗിന്റെ പ്രധാന തത്വം. കൃത്യമായ അളവുകൾ എടുക്കുന്നതിന് ലെവലുകൾ, ദണ്ഡുകൾ പോലുള്ള ഉപകരണങ്ങൾ ഉപയോഗിക്കുന്നു. ഇത് ഒരു കൺസക്ഷൻ സൈറ്റിലെ എല്ലാ പോയിന്റുകളും സ്ഥിരതയുള്ളതും നിരപ്പായതുമായ ഫൗണ്ടേഷന് വേണ്ട ഉയരം ലഭിക്കുന്നുണ്ടെന്ന് ഉറപ്പാക്കുന്നു.
