Share:
ದುರ್ಬಲ ಮಣ್ಣಿನ ಮೇಲೆ ಭಾರದ ಹೊರೆಗಳನ್ನು ಸಮಾನವಾಗಿ ಹಂಚಲು ಗ್ರಿಲೇಜ್ ಫೌಂಡೇಶನ್ ಸಹಾಯ ಮಾಡುತ್ತದೆ. ಅದರೊಂದಿಗೆ ನಿರ್ಮಾಣಗಳಿಗೆ ಸ್ಥಿರತೆಯನ್ನು ಒದಗಿಸುತ್ತದೆ.
ಉಕ್ಕು ಮತ್ತು ಕಟ್ಟಿಗೆ ಗ್ರಿಲೇಜ್ ಫೌಂಡೇಶನ್ಗಳ ಎರಡು ಪ್ರಾಥಮಿಕ ಪ್ರಕಾರಗಳಾಗಿವೆ, ಪ್ರತಿಯೊಂದೂ ವಿಭಿನ್ನ ಹೊರೆ ಮತ್ತು ಬಾಳಿಕೆ ಅಗತ್ಯಗಳನ್ನು ಒದಗಿಸಲು ಇದು ಉತ್ತಮವಾಗಿದೆ.
ಸೈಟ್ ಅನ್ನು ಸಿದ್ಧಪಡಿಸಿಕೊಳ್ಳುವುದು, ಭೂಮಿಯನ್ನು ಅಗೆಯುವುದು, ಗ್ರಿಲ್ ಅಳವಡಿಸುವುದು, ನೆಲವನ್ನು ಸಮತಟ್ಟು ಮಾಡಿಕೊಳ್ಳುವುದು ಹಾಗೂ ಬೀಮ್ಗಳನ್ನು ಸುರಕ್ಷಿತವಾಗಿಡುವುದನ್ನು ನಿರ್ಮಾಣ ಪ್ರಕ್ರಿಯೆ ಒಳಗೊಂಡಿರುತ್ತದೆ.
ಸರಿಯಾದ ಯೋಜನೆ, ವಿನ್ಯಾಸ ಮತ್ತು ನಿರ್ಮಾಣವು ಗ್ರಿಲೇಜ್ ಫೌಂಡೇಶನ್ ಸದೃಢತೆ ಹಾಗೂ ದೀರ್ಘಬಾಳಿಕೆಯನ್ನು ಖಚಿತಪಡಿಸಿಕೊಳ್ಳಲು ಅತ್ಯಂತ ಮಹತ್ವದ್ದಾಗಿದೆ.
ಸಾಂಪ್ರದಾಯಿಕ ಫೌಂಡೇಶನ್ಗಳಿಗೆ ಸೂಕ್ತವಲ್ಲದ ಮಣ್ಣು ಪರಿಸ್ಥಿತಿಗಳಲ್ಲಿ, ಗ್ರಿಲೇಜ್ ಫೌಂಡೇಶನ್ ಕೈಗಾರಿಕೆ ಹಾಗೂ ಗಗನಚುಂಬಿ ಕಟ್ಟಡಗಳಿಗೆ ಅತ್ಯಂತ ಸೂಕ್ತವಾಗಿವೆ.
ಗ್ರಿಲೇಜ್ ಫೌಂಡೇಶನ್ ಎಂಬುದು ಒಂದು ಪ್ರಕಾರದ ಫೌಂಡೇಶನ್ ಆಗಿದ್ದು, ದುರ್ಬಲ ಅಥವಾ ಸಡಿಲಾದ ಮಣ್ಣಿನ ಮೇಲೆ ನಿರ್ಮಾಣ ಮಾಡುವಾಗ ಕಟ್ಟಡದ ಭಾರವನ್ನು ವಿಶಾಲವಾದ ಪ್ರದೇಶಕ್ಕೆ ಹಂಚಲು ಇದನ್ನು ಬಳಸಲಾಗುತ್ತದೆ. ಈ ವಿಧಾನದಲ್ಲಿ ಸಾಮಾನ್ಯವಾಗಿ ಉಕ್ಕು ಅಥವಾ ರೀಇನ್ಫೋರ್ಸ್ ಮಾಡಿದ ಕಾಂಕ್ರೀಟಿನಿಂದ ತಯಾರಿಸಲಾದ ಕಂಬಗಳು ಅಥವಾ ಗ್ರಿಲ್ಗಳನ್ನು ಜಾಲದ ಮಾದರಿಯಲ್ಲಿ ಇಡಲಾಗುತ್ತದೆ, ಇದರಿಂದ ಬಲವಾದ ಆಧಾರ ಸೃಷ್ಟಿಯಾಗುತ್ತದೆ. ಗ್ರಿಲೇಜ್ ಫೌಂಡೇಶನ್ಗಳು ಅತಿಹೆಚ್ಚು ಭಾರವನ್ನು ಸಹಿಸಿಕೊಳ್ಳಲು ಸೂಕ್ತವಾಗಿದ್ದು, ಕೈಗಾರಿಕೆಗಳಿಗಾಗಿ ನಿರ್ಮಾಣ ಹಾಗೂ ಗಗನಚುಂಬಿ ಕಟ್ಟಡಗಳಲ್ಲಿ ಸಾಮಾನ್ಯವಾಗಿ ಇವುಗಳನ್ನು ಬಳಸಲಾಗುತ್ತದೆ. ಈ ಬ್ಲಾಗ್‌ನಲ್ಲಿ, ನಾವು ಗ್ರಿಲೇಜ್ ಫೌಂಡೇಶನ್ಗಳ ನಿರ್ಮಾಣ ಪ್ರಕ್ರಿಯೆ, ಉಪಯುಕ್ತತೆಗಳು ಹಾಗೂ ಪ್ರಮುಖ ವಿಚಾರಗಳನ್ನು ತಿಳಿದುಕೊಳ್ಳೋಣ.
ಗ್ರಿಲೇಜ್ ಫೌಂಡೇಶನ್ ಎಂಬುದು ದುರ್ಬಲ ಮಣ್ಣಿನಲ್ಲಿ ಅತಿಹೆಚ್ಚು ಭಾರವನ್ನು ತಡೆದುಕೊಳ್ಳುವಂತೆ ರೂಪುಗೊಳಿಸಲಾದ ನಿರ್ಮಾಣ ವಿಧಾನವಾಗಿದೆ. ಇದರಲ್ಲಿ ಕಟ್ಟಡದ ಭಾರವನ್ನು ವಿಶಾಲ ಪ್ರದೇಶದ ಮೇಲೆ ಹಂಚಲು ಬೀಮ್ಗಳು ಅಥವಾ ಗ್ರಿಲ್ಗಳನ್ನು ಜಾಲದ ಮಾದರಿಯಲ್ಲಿ ಇಡಲಾಗುತ್ತದೆ. ಇದು ನಿರ್ಮಾಣವು ಕುಸಿಯುವುದನ್ನು ತಡೆಯಲು ಸಹಾಯ ಮಾಡುತ್ತದೆ. ಜೊತೆಗೆ ಕಟ್ಟಡದ ಸ್ಥಿರತೆಯನ್ನು ಗ್ರಿಲೇಜ್ ಫೌಂಡೇಶನ್ ಖಚಿತಪಡಿಸುತ್ತದೆ. ಗ್ರಿಲೇಜ್ ಅಡಿಪಾಯ ಪದ್ಧತಿಯಿಂದ ನಿರ್ಮಾಣ ಭಾರವು ಸಮವಾಗಿ ಹಂಚಲ್ಪಡುವುದರಿಂದ, ಸಾಂಪ್ರದಾಯಿಕ ಫೌಂಡೇಶನ್ಗಳನ್ನು ನಿರ್ಮಾಣ ಮಾಡುವುದು ಸಾಧ್ಯವಿಲ್ಲದ ಪ್ರದೇಶಗಳಲ್ಲಿ ಈ ರೀತಿಯ ಫೌಂಡೇಶನ್ ಹಾಕುವುದು ಅತ್ಯಂತ ಸೂಕ್ತವಾಗಿದೆ.
1) ಸ್ಟೀಲ್ ಗ್ರಿಲೇಜ್ ಫೌಂಡೇಶನ್: ಪರಸ್ಪರ ಲಂಬವಾಗಿರುವ ಪದರಗಳಲ್ಲಿ ಜೋಡಿಸಲಾದ ಉಕ್ಕಿನ ಬೀಮ್ಗಳನ್ನು ಬಳಸಿ ಸ್ಟೀಲ್ ಗ್ರಿಲೇಜ್ ಫೌಂಡೇಶನ್ಗಳನ್ನು ನಿರ್ಮಾಣ ಮಾಡಲಾಗುತ್ತದೆ. ಕೆಳಗಿನ ಪದರವು ಸಾಮಾನ್ಯವಾಗಿ ಹೆಚ್ಚು ತೂಕದ ಬೀಮ್ಗಳನ್ನು ಹೊಂದಿರುತ್ತದೆ, ಆದರೆ ಮೇಲಿನ ಪದರವು ಹಗುರವಾದ ಬೀಮ್ಗಳನ್ನು ಹೊಂದಿರುತ್ತದೆ. ಈ ಪ್ರಕಾರವು ಅತಿಹೆಚ್ಚು ತೂಕ ಹೊರುವ ನಿರ್ಮಾಣಗಳಿಗೆ ಸೂಕ್ತವಾಗಿದೆ. ಮೇಲ್ಮೈಯಲ್ಲಿ ಸಾಕಷ್ಟು ಬೇರಿಂಗ್ ಸಾಮರ್ಥ್ಯವನ್ನು ಹೊಂದಿರುವ ಆದರೆ ಕೆಳಗೆ ಹೋದಂತೆ ಅಷ್ಟಾಗಿ ಬೇರಿಂಗ್ ಸಾಮರ್ಥ್ಯ ಇಲ್ಲದಿರುವ ಮಣ್ಣಿರುವ ಪ್ರದೇಶಗಳಲ್ಲಿ ಇಂತಹ ಫೌಂಡೇಶನ್ಗಳನ್ನು ಬಳಸಲಾಗುತ್ತದೆ. ಸ್ಟೀಲ್ ಗ್ರಿಲೇಜ್‌ಗಳು ಅವುಗಳ ಶಕ್ತಿ, ಬಾಳಿಕೆ ಮತ್ತು ಕನಿಷ್ಠ ಅಲಗಾಡುವಿಕೆಯೊಂದಿಗೆ ದೊಡ್ಡ ಭಾರವನ್ನು ನಿರ್ವಹಿಸುವ ಸಾಮರ್ಥ್ಯಕ್ಕೆ ಈ ರೀತಿಯ ಫೌಂಡೇಶನ್ ಹೆಸರುವಾಸಿಯಾಗಿದೆ.
2) ಟಿಂಬರ್ ಗ್ರಿಲೇಜ್ ಫೌಂಡೇಶನ್: ಟಿಂಬರ್ ಗ್ರಿಲೇಜ್ ಫೌಂಡೇಶನ್‌ಗಳಲ್ಲಿ ಇದೇ ರೀತಿಯ ಗ್ರಿಡ್ ಮಾದರಿಯಲ್ಲಿ ಜೋಡಿಸಲಾದ ಸಂಸ್ಕರಿಸಿದ ಟಿಂಬರ್ ಬೀಮ್ಗಳನ್ನು ಬಳಸಲಾಗುತ್ತದೆ. ತಾತ್ಕಾಲಿಕ ಸ್ಟ್ರಕ್ಚರ್ಗಳು ಅಥವಾ ಕಟ್ಟಿಗೆಯು ಸುಲಭವಾಗಿ ಲಭ್ಯವಿರುವ ಹಾಗೂ ಕೈಗೆಟುಕುವಂತಹ ಪ್ರದೇಶಗಳಲ್ಲಿ ಈ ವಿಧಾನವನ್ನು ಹೆಚ್ಚಾಗಿ ಬಳಕೆ ಮಾಡಲಾಗುತ್ತದೆ. ಟಿಂಬರ್ ಗ್ರಿಲೇಜ್‌ಗಳು ಉಕ್ಕಿಗಿಂತ ಹಗುರವಾಗಿರುತ್ತವೆ, ಅದರಿಂದಾಗಿ ಅವುಗಳನ್ನು ನಿಭಾಯಿಸುವುದು ಹಾಗೂ ಹಾಖುವುದು ಸುಲಭವಾಗುತ್ತದೆ. ಆದರೂ ಈ ಮಾದರಿಯ ಫೌಂಡೇಶನ್ ಕಡಿಮೆ ಬಾಳಿಕೆ ಬರುತ್ತವೆ, ಜೊತೆಗೆ ಕಟ್ಟಿಗೆ ಕಾಲಾನಂತರದಲ್ಲಿ ಕೊಳೆಯುವ ಸಾಧ್ಯತೆಯಿರುವುದರಿಂದ ತುಂಬಾ ಭಾರವಾದ ಹೊರೆಗಳು ಅಥವಾ ಶಾಶ್ವತ ಸ್ಟ್ರಕ್ಚರ್ಗಳಿಗೆ ಈ ವಿಧಾನವು ಸೂಕ್ತವಲ್ಲ ಎಂದು ಪರಿಗಣಿಸಲಾಗುತ್ತದೆ.
ದೃಢತೆ ಹಾಗೂ ಹೆಚ್ಚುಕಾಲ ಬಾಳಿಕೆ ಬರುವುದನ್ನು ಖಚಿತಪಡಿಸಿಕೊಳ್ಳಲು ಹಲವಾರು ಪ್ರಮುಖ ಹಂತಗಳನ್ನು ಗ್ರಿಲೇಜ್ ಫೌಂಡೇಶನ್ ನಿರ್ಮಾಣ ಪ್ರಕ್ರಿಯೆಯು ಒಳಗೊಂಡಿದೆ:
1) ಸೈಟ್ ಅನ್ನು ಸಿದ್ಧ ಮಾಡಿಕೊಳ್ಳುವುದು: ಈ ಪ್ರಕ್ರಿಯೆಯಲ್ಲಿ ಸೈಟ್ ಪ್ರದೇಶದಲ್ಲಿ ಯಾವುದೇ ಕಸಕಡ್ಡಿ, ಗಿಡಮರಗಳನ್ನು ಅಥವಾ ಸಡಿಲವಾದ ಮಣ್ಣನ್ನು ತೆರವುಗೊಳಿಸಲಾಗುತ್ತದೆ. ನಂತರ ಅಡಿಪಾಯಕ್ಕಾಗಿ ಸಮತಟ್ಟಾದ ಮೇಲ್ಮೈಯನ್ನು ರಚಿಸಲು ನೆಲವನ್ನು ಸಮ ಮಾಡಲಾಗುತ್ತದೆ.
2) ಭೂಮಿ ಅಗೆಯವುದು: ವಿನ್ಯಾಸಕ್ಕೆ ತಕ್ಕಂತೆ ಅಗತ್ಯವಿರುವ ಆಳದವರೆಗೆ ಭೂಮಿಯನ್ನು ತೋಡಿ ಮಣ್ಣು ತೆಗೆಯಲಾಗುತ್ತದೆ. ಇದು ಮಣ್ಣಿನ ಸ್ಥಿತಿ ಹಾಗೂ ಆಳವು ಮಣ್ಣಿನ ಪರಿಸ್ಥಿತಿಗಳು ಮತ್ತು ಭಾರ ಹೊರುವ ಅವಶ್ಯಕತೆಗೆ ತಕ್ಕಂತೆ ಭೂಮಿ ತೋಡಲಾಗುತ್ತದೆ.
3) ಗ್ರಿಲ್ಗಳನ್ನು ಹಾಕುವುದು:
ಎ) ಉಕ್ಕಿನ ಗ್ರಿಲೇಜ್ ಫೌಂಡೇಶನ್ಗಳಿಗಾಗಿ, ಉಕ್ಕಿನ ಬೀಮ್ಗಳನ್ನು ಪದರಗಳಲ್ಲಿ ಇರಿಸಲಾಗುತ್ತದೆ, ಕೆಳಭಾಗದಲ್ಲಿ ಭಾರವಾದ ಬೀಮ್ಗಳಿಂದ ಪ್ರಾರಂಭಿಸಿ, ಮತ್ತು ಮೇಲೆ ಹಗುರವಾದ ಬೀಮ್ಗಳಿಂದ ಪರಸ್ಪರ ಲಂಬವಾಗಿ ಇರಿಸಲಾಗುತ್ತದೆ.
ಬಿ) ಟಿಂಬರ್ ಗ್ರಿಲೇಜ್ ಫೌಂಡೇಶನ್ಗಳಿಗಾಗಿ, ಸಂಸ್ಕರಿಸಿದ ಕಟ್ಟಿಗೆಯ ಬೀಮ್ಗಳನ್ನು ಇದೇ ರೀತಿ ಗ್ರಿಡ್ ಮಾದರಿಯಲ್ಲಿ ಹಾಕಲಾಗುತ್ತದೆ, ಅವುಗಳನ್ನು ಸುರಕ್ಷಿತವಾಗಿ ಇಡಲಾಗಿದೆ ಮತ್ತು ಸರಿಯಾಗಿ ಜೋಡಿಸಲಾಗಿದೆ ಎಂದು ಖಚಿತಪಡಿಕೊಳ್ಳಬೇಕು.
4) ಜೋಡಿಸುವುದು ಹಾಗೂ ಲೆವಲ್ಲಿಂಗ್ ಮಾಡಿಕೊಳ್ಳುವುದು: ಭಾರವು ಎಲ್ಲಡೆ ಸಮಾನವಾಗಿ ಬೀಳುವಂತೆ ಮಾಡಲುಬೀಮ್ಗಳನ್ನು ಜೋಡಿಸಲಾಗುತ್ತದೆ. ಮತ್ತು ಭೂಮಿಯನ್ನು ಸಮಾನಾಂತರವಾಗಿ ಮಾಡಲಾಗುತ್ತದೆ. ಯಾವುದೇ ಅಸಮ ನೆಲೆ ಅಥವಾ ಓರೆಯಾಗುವುದನ್ನು ತಪ್ಪಿಸಲು ಈ ಹಂತವು ನಿರ್ಣಾಯಕವಾಗಿದೆ.
5) ಆಂಕರ್ ಮಾಡುವುದು (ಹಿಡಿಗೂಟವನ್ನು ಹಾಕುವುದು): ಕೆಲವು ಸಂದರ್ಭಗಳಲ್ಲಿ, ಹೆಚ್ಚುವರಿ ದೃಢತೆಯನ್ನು ಒದಗಿಸಲು ಬೀಮ್ಗಳನ್ನು ನೆಲಕ್ಕೆ ಭದ್ರವಾಗಿ ಹಾಕಬಹುದು, ವಿಶೇಷವಾಗಿ ಭೂಕಂಪಗಳು ಅಥವಾ ಮಣ್ಣು ಕುಸಿತಕ್ಕೆ ಒಳಗಾಗುವ ಪ್ರದೇಶಗಳಲ್ಲಿ ಈ ವಿಧಾನವನ್ನು ಅನುಸರಿಸಲಾಗುತ್ತದೆ.
6) ಗುಣಮಟ್ಟ ಪರಿಶೀಲನೆ: ಮುಂದಿನ ನಿರ್ಮಾಣ ಹಂತಕ್ಕೆ ಹೋಗುವ ಮೊದಲು ಎಲ್ಲಾ ಬೀಮ್ಗಳನ್ನು ಸರಿಯಾಗಿ ನಿಲ್ಲಿಸಲಾಗಿದೆ, ಜೋಡಿಸಲಾಗಿದೆ ಮತ್ತು ಸುರಕ್ಷಿತವಾಗಿರಿಸಲಾಗಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಸಂಪೂರ್ಣ ತಪಾಸಣೆ ಮಾಡಬೇಕಾಗುತ್ತದೆ.
ಗ್ರಿಲೇಜ್ ಫೌಂಡೇಶನ್ ನಿರ್ಮಾಣ ಪ್ರಕ್ರಿಯೆಯು ಸಮಗ್ರವಾಗಿದ್ದು, ಆರಂಭಿಕ ಹಂತದಿಂದ ಯೋಜನೆ ಪೂರ್ಣಗೊಳ್ಳುವವರೆಗಿನ ಸಂಪೂರ್ಣ ನಿರ್ಮಾಣವನ್ನು ಇದು ಒಳಗೊಂಡಿದೆ. ಹಂತಗಳ ವಿವರ ಮುಂದಿದೆ:
1) ವಿನ್ಯಾಸ ಮತ್ತು ಯೋಜನೆ: ರಚನೆಯ ಹೊರೆಯ ಅವಶ್ಯಕತೆಗಳು, ಮಣ್ಣಿನ ಪರಿಸ್ಥಿತಿಗಳು ಮತ್ತು ಪರಿಸರ ಅಂಶಗಳ ಆಧಾರದ ಮೇಲೆ ಎಂಜಿನಿಯರ್‌ಗಳು ಫೌಂಡೇಶನ್ ಅನ್ನು ವಿನ್ಯಾಸಗೊಳಿಸುತ್ತಾರೆ. ಅಗತ್ಯವಿರುವ ವಸ್ತುಗಳ ಪ್ರಕಾರ ಮತ್ತು ಸೈಜ್ ಅನ್ನು ನಿರ್ದಿಷ್ಟಪಡಿಸುವ ವಿವರವಾದ ಯೋಜನೆಗಳನ್ನು ರಚಿಸಲಾಗುತ್ತದೆ.
2) ಪಾಯ ಅಗೆಯುವುದು ಹಾಗೂ ತಯಾರಿ: ವಿನ್ಯಾಸ ಒಪ್ಪಪಿಗೆಯ ನಂತರ, ಭೂಮಿಯನ್ನು ಅಗತ್ಯಕ್ಕೆ ತಕ್ಕ ಆಳದವರೆಗೆ ಅಗೆಯಲಾಗುತ್ತದೆ. ಜೊತೆಗೆ ಮಣ್ಣನ್ನು ಗಟ್ಟಿಗೊಳಿಸಲಾಗುತ್ತದೆ ಮತ್ತು ದೃಢತೆಯನ್ನು ಮತ್ತು ಒಳಚರಂಡಿಯನ್ನು ಹೆಚ್ಚಿಸಲು ಮರಳು ಅಥವಾ ಜಲ್ಲಿ ಪದರವನ್ನು ಸೇರಿಸಬಹುದು.
3) ಗ್ರಿಲ್‌ಗಳ ನಿಯೋಜನೆ:
a) ಉಕ್ಕಿನ ಗ್ರಿಲೇಜ್‌ಗಳಿಗೆ, ಉಕ್ಕಿನ ಬೀಮ್ಗಳನ್ನು ವಿನ್ಯಾಸದ ಪ್ರಕಾರ ಇರಿಸಲಾಗುತ್ತದೆ, ಭಾರವಾದ ಬೀಮ್ಗಳ ಕೆಳಗಿನ ಪದರದಿಂದ ಪ್ರಾರಂಭಿಸಿ ನಂತರ ಲಂಬವಾಗಿ ಜೋಡಿಸಲಾದ ಹಗುರವಾದ ಬೀಮ್ಗಳ ಪದರವನ್ನು ಮಾಡಲಾಗುತ್ತದೆ.
ಬಿ) ಟಿಂಬರ್ ಗ್ರಿಲೇಜ್‌ಗಳಿಗೆ, ಸಂಸ್ಕರಿಸಿದ ಕಟ್ಟಿಗೆಯ ಬೀಮ್ಗಳನ್ನು ಇದೇ ಮಾದರಿಯಲ್ಲಿ ಇರಿಸಲಾಗುತ್ತದೆ. ಗ್ರಿಡ್ ಮಾದರಿಯನ್ನು ಕಾಪಾಡಿಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಲು ಪ್ರತಿಯೊಂದು ಬೀಮ್ ಅನ್ನು ಜಾಗರೂಕತೆಯಿಂದ ಇಡಲಾಗುತ್ತದೆ.
4) ಬಲವರ್ಧನೆ (ಅಗತ್ಯವಿದ್ದರೆ): ಫೌಂಡೇಶನ್ನ ಶಕ್ತಿಯನ್ನು ಹೆಚ್ಚಿಸಲು ಉಕ್ಕಿನ ಸರಳುಗಳಂತಹ ಹೆಚ್ಚುವರಿ ಬಲವರ್ಧನೆಯ ವಸ್ತುಗಳನ್ನು ಸೇರಿಸಬಹುದು. ಹೆಚ್ಚಿನ ಹೊರೆಗಳನ್ನು ನಿರೀಕ್ಷಿಸುವ ಉಕ್ಕಿನ ಗ್ರಿಲೇಜ್‌ಗಳಲ್ಲಿ ಈ ಹಂತವು ಹೆಚ್ಚು ಸಾಮಾನ್ಯವಾಗಿದೆ.
5) ಕಾಂಕ್ರೀಟ್ ಸುರಿಯುವುದು (ಅಗತ್ಯವಾದಲ್ಲಿ): ಕಾಂಕ್ರೀಟ್ ಗ್ರಿಲೇಜ್ ಫೌಂಡೇಶನ್ ಅನ್ನು ನಿರ್ಮಿಸುತ್ತಿರುವ ಸಂದರ್ಭಗಳಲ್ಲಿ, ಜೋಡಿಸಲಾದ ಗ್ರಿಲ್‌ಗಳ ಮೇಲೆ ಕಾಂಕ್ರೀಟ್ ಹಾಕಲಾಗುತ್ತದೆ, ಇದರಿಂದಾಗಿ ಗಟ್ಟಿಯಾದ ಅಡಿಪಾಯ ಸೃಷ್ಟಿಯಾಗುತ್ತದೆ. ಕಾಂಕ್ರೀಟ್ ಅನ್ನು ಕ್ಯೂರಿಂಗ್ ಮಾಡಲು ಹಾಗೂ ಗಟ್ಟಿಯಾಗಲು ಇದು ಸಹಾಯ ಮಾಡುತ್ತದೆ. ಇದು ಮುಂದಿನ ಹಂತದ ನಿರ್ಮಾಣಕ್ಕೆ ಶಕ್ತಿಶಾಲಿ ಅಡಿಪಾಯವನ್ನು ಒದಗಿಸುತ್ತದೆ.
6) ಅಂತಿಮ ತಪಾಸಣೆ ಮತ್ತು ಪರೀಕ್ಷೆ: ಫೌಂಡೇಶನ್ ಅನ್ನು ನಿರ್ಮಾಣ ಮಾಡಿದ ನಂತರ, ಜೋಡಣೆ, ಲೇವಲ್ ಹಾಗೂ ಸ್ಟ್ರಕ್ಚರ್ನ ಸಮಗ್ರತೆಯನ್ನು ಪರಿಶೀಲಿಸಲು ಅಂತಿಮ ಪರೀಕ್ಷೆಯನ್ನು ಮಾಡಲಾಗುತ್ತದೆ. ನಿರ್ಮಾಣವಾಗಿರುವ ಫೌಂಡೇಶನ್ ಸುರಕ್ಷತೆ ಮತ್ತು ಗುಣಮಟ್ಟದ ಮಾನದಂಡಗಳನ್ನು ಪೂರೈಸುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಯಾವುದೇ ಅಗತ್ಯ ಬದಲಾವಣೆಗಳನ್ನು ಮಾಡಲಾಗುತ್ತದೆ.
7) ಪೂರ್ಣಗೊಳಿಸುವಿಕೆ: ಎಲ್ಲಾ ಪರಿಶೀಲನೆಗಳು ಪೂರ್ಣಗೊಂಡ ನಂತರ, ಫೌಂಡೇಶನ್ ಇಡೀ ಸ್ಟ್ರಕ್ಚರ್ನ ಅಗತ್ಯಕ್ಕೆ ತಕ್ಕಂತೆ ಸಿದ್ಧವಾಗುತ್ತದೆ, ಇದು ಗ್ರಿಲೇಜ್ ಅಡಿಪಾಯ ನಿರ್ಮಾಣ ಪ್ರಕ್ರಿಯೆಯ ಪೂರ್ಣತೆಯನ್ನು ಒದಗಿಸುತ್ತದೆ.
ಗ್ರಿಲೇಜ್ ಫೌಂಡೇಶನ್ಗಳು ದುರ್ಬಲವಾಗಿರುವ ಮಣ್ಣಿನಲ್ಲಿ ನಿರ್ಮಾಣದ ಭಾರವನ್ನು ಸಮಾನವಾಗಿ ಹಂಚಲು ಪರಿಣಾಮಕಾರಿ ಪರಿಹಾರವನ್ನು ನೀಡುತ್ತವೆ, ಗ್ರಿಡ್ ಮಾದರಿಯಲ್ಲಿ ಜೋಡಿಸಲಾದ ಉಕ್ಕು ಅಥವಾ ಕಟ್ಟಿಗೆಯ ಬೀಮ್ಗಳನ್ನು ಬಳಸಲಾಗುತ್ತದೆ. ಅಳವಡಿಕಗೆ ಹಾಗೂ ನಿರ್ಮಾಣ ಪ್ರಕ್ರಿಯೆಗಳು ಬೇರೆಬೇರೆಯಾಗಿದ್ದರೂ, ವಿವಿಧ ರೀತಿಯ ರಚನೆಗಳನ್ನು ಬೆಂಬಲಿಸುವ ಸಾಮರ್ಥ್ಯವಿರುವ ಸ್ಥಿರವಾದ ನೆಲೆಯನ್ನು ರಚಿಸಲು ಒಟ್ಟಾಗಿ ಕೆಲಸ ಮಾಡುತ್ತವೆ. ಫೌಂಡೇಶನ್ನ ಶಕ್ತಿ ಮತ್ತು ಬಾಳಿಕೆಯನ್ನು ಖಚಿತಪಡಿಸಿಕೊಳ್ಳಲು ಈ ಹಂತಗಳನ್ನು ಅರ್ಥಮಾಡಿಕೊಳ್ಳುವುದು ನಿರ್ಣಾಯಕವಾಗಿದೆ.
ಅತಿಹೆಚ್ಚು ಭಾರವನ್ನು ನೇರವಾಗಿ ತಡೆದುಕೊಳ್ಳಲು ಸಾಧ್ಯವಾಗದ ದುರ್ಬಲ ಅಥವಾ ಸಡಿಲವಾದ ಮಣ್ಣಿನಲ್ಲಿ ನಿರ್ಮಾಣ ಮಾಡುವಾಗ ಗ್ರಿಲೇಜ್ ಫೌಂಡೇಶನ್ ಹಾಕಲಾಗುತ್ತದೆ. ಈ ರೀತಿಯ ಫೌಂಡೇಶನ್ ಇಡೀ ಕಟ್ಟಡದ ಭಾರವನ್ನು ವಿಸ್ತಾರವಾದ ಜಾಗದ ಮೇಲೆ ಹಂಚಲು ಸಹಾಯ ಮಾಡುತ್ತದೆ, ಅತಿಯಾದ ಅಸ್ಥರತೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಕೈಗಾರಿಕಾ ಕಟ್ಟಡಗಳು, ಸೇತುವೆಗಳು ಅಥವಾ ಯಂತ್ರೋಪಕರಣಗಳ ಫೌಂಡೇಶನ್ಗಳಂತಹ ವಿಶಾಲವಾದ ತಳಹದಿ ಹಾಗೂ ಹೆಚ್ಚುವರಿ ಸಪೋರ್ಟ್ನ ಅಗತ್ಯವಿರುವ ಸ್ಟ್ರಕ್ಚರ್ಗಳಿಗೆ ಇದು ವಿಶೇಷವಾಗಿ ಉಪಯುಕ್ತವಾಗಿದೆ.
ಗ್ರಿಲೇಜ್ ಫೌಂಡೇಶನ್ ಅನ್ನು ಆಳವಿಲ್ಲದ ಅಡಿಪಾಯ ಎಂದು ವರ್ಗೀಕರಿಸಲಾಗಿದೆ. ಆಳವಾಗಿ ಭೂಮಿಯನ್ನು ಅಗೆಯುವ ಅಗತ್ಯವಿಲ್ಲದೆಯೇ ಸ್ಟ್ರಕ್ಚರ್ನ ಭಾರವನ್ನು ವಿಶಾಲವಾದ ಪ್ರದೇಶದಲ್ಲಿ ಹರಡಲು ಇದನ್ನು ನೆಲದ ಮೇಲ್ಮೈಗೆ ಹತ್ತಿರದಲ್ಲಿ ನಿರ್ಮಿಸಲಾಗುತ್ತದೆ. ಆಳವಿಲ್ಲದ ಫೌಂಡೇಶನ್ಗಳು ಸಾಮಾನ್ಯವಾಗಿ ಅತಿಕಡಿಮೆ ವೆಚ್ಚದಲ್ಲಿ ನಿರ್ಮಾಣ ಮಾಡಬಹುದು. ಜೊತೆಗೆ ಇಂತಹ ಫವಂಡೇಶನ್ ಅನ್ನು ವೇಗವಾಗಿ ನಿರ್ಮಾಣ ಮಾಡಲಾಗುತ್ತದೆ. ಆಳವಾದ ಫೌಂಡೇಶನ್ಗಳ ಅನಗತ್ಯ ಅಥವಾ ಅಪ್ರಾಯೋಗಿಕವಾಗಿರುವ ಯೋಜನೆಗಳಿಗೆ ಈ ರೀತಿಯ ಗ್ರಿಲೇಜ್ ಫೌಂಡೇಶನ್ ಸೂಕ್ತವಾಗಿವೆ.
ಗ್ರಿಲೇಜ್ ಅಡಿಪಾಯಗಳು ಸಡಿಲವಾದ ಮಣ್ಣು ಹೊಂದಿರುವ ಪ್ರದೇಶಗಳಿಗೆ ಅಥವಾ ವಿಶಾಲವಾದ ಭೂಮಿಯಲ್ಲಿ ನಿರ್ಮಾಣ ಮಾಡಬೇಕಾದಾಗ ಕಟ್ಟಡದ ಭಾರವು ಸಮವಾಗಿ ಹಂಚಬೇಕಾದ ಪ್ರದೇಶಗಳಿಗೆ ಸೂಕ್ತವಾಗಿವೆ. ಈ ವಿಧಾನವನ್ನು ಸಾಮಾನ್ಯವಾಗಿ ಕೈಗಾರಿಕಾ ಕಟ್ಟಡಗಳು, ಸೇತುವೆಗಳು ಮತ್ತು ಭಾರೀ ಯಂತ್ರೋಪಕರಣಗಳನ್ನು ಹೊಂದಿರುವ ಸ್ಟ್ರಕ್ಚರ್ಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಸೀಮಿತ ಸ್ಥಳಾವಕಾಶವಿರುವ ಅಥವಾ ಆಳವಾಗಿ ಅಗೆಯುವುದು ಕಾರ್ಯಸಾಧ್ಯವಲ್ಲದ ಸ್ಥಳಗಳಲ್ಲಿ ನಿರ್ಮಿಸುವಾಗ ಕೂಡ ಈ ಮಾದರಿಯ ಫೌಂಡೇಶನ್ಗೆ ಆದ್ಯತೆ ಕೊಡಲಾಗುತ್ತದೆ.
ಗ್ರಿಲೇಜ್ ತಳಹದಿಯಲ್ಲಿ ಗರಿಷ್ಠ ಶಿಯರ್ ಫೋರ್ಸ್ ಸಾಮಾನ್ಯವಾಗಿ ಬೀಮ್ಗಳನ್ನು ಅಳವಡಿಸಿದ ಅಥವಾ ಸಪೋರ್ಟ್ ಹೊಂದಿರುವಲ್ಲಿ ಇರುತ್ತದೆ. ಈ ಪ್ರದೇಶಗಳು ಹೆಚ್ಚಿನ ಹೊರೆ ಸಾಂದ್ರತೆಯನ್ನು ಹೊಂದಿರುತ್ತವೆ, ಇದು ವಿನ್ಯಾಸದಲ್ಲಿ ನಿರ್ಣಾಯಕ ಪಾಯಿಂಟ್ಗಳನ್ನಾಗಿ ಮಾಡುತ್ತದೆ. ಶಿಯರ್ ಫೋರ್ಸ್‌ಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಮತ್ತು ಫೌಂಡೇಶನ್ನ ಸ್ಥಿರತೆ ಮತ್ತು ದೀರ್ಘಾಯುಷ್ಯವನ್ನು ಖಚಿತಪಡಿಸಿಕೊಳ್ಳಲು ಸರಿಯಾದ ಜೋಡಣೆ ಮತ್ತು ಬಲವರ್ಧನೆಯು ನಿರ್ಣಾಯಕವಾಗಿದೆ.
