ಕಾರ್ಪೆಟ್ ಏರಿಯಾ ಮತ್ತು ಬಿಲ್ಟ್-ಅಪ್ ಏರಿಯಾ ನಡುವಿನ ವ್ಯತ್ಯಾಸ ಅರ್ಥ ಮಾಡಿಕೊಳ್ಳುವುದು

ಬಿಲ್ಟ್-ಅಪ್ ಮತ್ತು ಕಾರ್ಪೆಟ್ ಏರಿಯಾ ಎಂದರೇನು?

ಕಾರ್ಪೆಟ್ ಏರಿಯಾಮತ್ತು ಬಿಲ್ಟ್-ಅಪ್ ಏರಿಯಾ ನಡುವಿನ ವ್ಯತ್ಯಾಸ ಚರ್ಚಿಸುವ ಮುನ್ನ, ಈ ಪದಗಳನ್ನು ಅರ್ಥ ಮಾಡಿಕೊಳ್ಳುವುದು ಮುಖ್ಯ.

ಕಾರ್ಪೆಟ್ ಏರಿಯಾ ಎಂದರೆ

ಇದು ಮನೆಯ ಗೋಡೆಗಳ ಒಳಗಡೆ ಒಟ್ಟು ವಾಸಿಸುವ ಪ್ರದೇಶ. ಇದರಲ್ಲಿ ಗೋಡೆಗಳ ದಪ್ಪ ಮತ್ತು ಬಾಲ್ಕನಿಗಳು, ಟೆರೇಸ್ ಗಳು ಅಥವಾ ಇತರೆ ವಿಸ್ತರಣೆಗಳಂತಹ ಇತರೆ ಯಾವುದೇ ಹೆಚ್ಚುವರಿ ಪ್ರದೇಶ ಹೊರತಾಗಿರುತ್ತದೆ. ಇಲ್ಲಿ ನೀವು ಕಾರ್ಪೆಟ್ ಹಾಕಬಲ್ಲಿರಿ, ಆದ್ದರಿಂದ ಹೀಗೆ ಹೇಳಲಾಗುತ್ತದೆ.

ಬಿಲ್ಟ್-ಅಪ್ ಏರಿಯಾ ಎಂದರೆ

ಬಿಲ್ಟ್-ಅಪ್ ಏರಿಯಾದಲ್ಲಿ ಕಾರ್ಪೆಟ್ ಏರಿಯಾ ಹಾಗೂ ಗೋಡೆಗಳ ದಪ್ಪ ಮತ್ತು ಬಾಲ್ಕನಿಗಳು, ಟೆರೇಸ್ ಗಳು ಅಥವಾ ಇತರೆ ವಿಸ್ತರಣೆಗಳಿರುತ್ತವೆ. ಸರಳವಾಗಿ ಹೇಳಬೇಕೆಂದರೆ, ಇದು ಮನೆಯ ನಿರ್ಮಿಸಬಲ್ಲ ಒಟ್ಟು ಪ್ರದೇಶವಾಗಿದೆ.

ಕಾರ್ಪೆಟ್ ಏರಿಯಾ ಮತ್ತು ಬಿಲ್ಟ್-ಅಪ್ ಏರಿಯಾ ಅರ್ಥ ತಿಳಿದುಕೊಳ್ಳುವುದು ಆಸ್ತಿಯ ಮೌಲ್ಯವನ್ನು ಅಂದಾಜಿಸಲು ನೆರವಾಗುತ್ತದೆ.

ಕಾರ್ಪೆಟ್ ಏರಿಯಾ ಹಾಗೂ ಬಿಲ್ಟ್-ಅಪ್ ಏರಿಯಾ ನಡುವಿನ ವ್ಯತ್ಯಾಸ

1. ಅಳತೆಯ ವ್ಯಾಪ್ತಿ:

• ಕಾರ್ಪೆಟ್ ಏರಿಯಾ ಎಂದರೆ ಮನೆಯ ಒಳಗಿನ ಸ್ಥಳ

• ಬಿಲ್ಟ್-ಅಪ್ ಏರಿಯಾ ಕಾರ್ಪೆಟ್ ಮತ್ತು ಗೋಡೆಗಳು ಹಾಗೂ ಹೆಚ್ಚುವರಿ ಸ್ಥಳಗಳನ್ನು ಒಳಗೊಂಡು ಮನೆಯ ಇತರೆ ಅಂಶಗಳನ್ನು ಒಳಗೊಂಡಿರುತ್ತದೆ.

2. ಬಳಕೆ

• ಕಾರ್ಪೆಟ್ ಏರಿಯಾವು ಪೀಠೋಪಕರಣಗಳನ್ನು ಇರಿಸಬಲ್ಲ ನಾವು ಬಳಸಬಲ್ಲ ಸ್ಥಳವನ್ನು ತೋರುತ್ತದೆ.

• ಬಿಲ್ಟ್-ಅಪ್ ಏರಿಯಾ ಮನೆಯ ಸ್ಥಳದ ಸಂಪೂರ್ಣ ನೋಟ ನೀಡುತ್ತದೆ.

3.ಬೆಲೆಯ ಪರಿಣಾಮ:

• ಮನೆಗಳನ್ನು ಸಾಮಾನ್ಯವಾಗಿ ಬಿಲ್ಟ್-ಅಪ್ ಏರಿಯಾ ಆಧರಿಸಿ ನಿರ್ಧರಿಸಲಾಗುತ್ತದೆ, ಅದು ಕಾರ್ಪೆಟ್ ಏರಿಯಾ ಆಧರಿಸಿದ ಬೆಲೆಗಿಂತ ಹೆಚ್ಚಿರಬಹುದು.

ಕಾರ್ಪೆಟ್ ಏರಿಯಾ ಮತ್ತು ಬಿಲ್ಟ್-ಅಪ್ ಏರಿಯಾದ ಪ್ರಾಮುಖ್ಯತೆ

ಬಿಲ್ಟ್-ಅಪ್ ಏರಿಯಾ ಹಾಗೂ ಕಾರ್ಪೆಟ್ ಏರಿಯಾ ನಡುವಿನ ವ್ಯತ್ಯಾಸವು ಹಲವಾರು ಕಾರಣಗಳಿಗೆ ಮುಖ್ಯವಾಗಿದೆ:

1. ವೆಚ್ಚದ ಲೆಕ್ಕಾಚಾರ: ಬಿಲ್ಟ್-ಅಪ್ ಏರಿಯಾ ಅರ್ಥ ತಿಳಿಯುವುದು ನಿಖರ ವೆಚ್ಚವನ್ನು ಲೆಕ್ಕ ಹಾಕಲು ನೆರವಾಗುತ್ತದೆ, ಏಕೆಂದರೆ ಬಹಳಷ್ಟು ರಿಯಲ್ ಎಸ್ಟೇಟ್ ವಹಿವಾಟುಗಳು ಇದನ್ನೇ ಆಧರಿಸಿ ನಡೆಯುತ್ತವೆ. ನಮ್ಮ ಹೋಮ್ ಕನ್ಸ್ಟ್ರಕ್ಷನ್ ಕಾಸ್ಟ್ ಕ್ಯಾಲ್ಕುಲೇಟರ್ ಪ್ರಯತ್ನಿಸಿ.

2.ಸ್ಥಳ ಯೋಜನೆ: ಕಾರ್ಪೆಟ್ ಏರಿಯಾ ಸ್ಥಳ ಯೋಜನೆಯಲ್ಲಿ ಹಾಗೂ ಪೀಠೋಪಕರಣ ಜೋಡಣೆಯಲ್ಲಿ ಹೆಚ್ಚು ಮುಖ್ಯವಾಗಿರುತ್ತದೆ ಬಿಲ್ಟ್-ಅಪ್ ಏರಿಯಾ ಕಟ್ಟಡದ ಇತರೆ ಒಳಗೊಂಡು ಒಟ್ಟಾರೆ ಮನೆಯ ಪಕ್ಷಿನೋಟ ನೀಡುತ್ತದೆ.

3. ಹೂಡಿಕೆಯ ನಿರ್ಧಾರಗಳು: ಕಾರ್ಪೆಟ್ ಏರಿಯಾ ಮತ್ತು ಬಿಲ್ಟ್-ಅಪ್ ಏರಿಯಾ ನಡುವಿನ ವ್ಯತ್ಯಾಸ ಅರ್ಥ ಮಾಡಿಕೊಳ್ಳುವುದು ಖರೀದಿಯ ನಿರ್ಧಾರಗಳ ಮೇಲೆ ಹಾಗೂ ಹೂಡಿಕೆದಾರರು ಹಾಗೂ ಖರೀದಿದಾರರಿಗೆ ಭವಿಷ್ಯದ ಮರು ಮಾರಾಟ ಮೌಲ್ಯದ ಮೇಲೆ ಪರಿಣಾಮ ಬೀರಬಹುದು.

ಕಾರ್ಪೆಟ್ ಏರಿಯಾ ಮತ್ತು ಬಿಲ್ಟ್-ಅಪ್ ಏರಿಯಾ ಮತ್ತು ಸೂಪರ್ ಬಿಲ್ಟ್-ಅಪ್ ಏರಿಯಾ ಲೆಕ್ಕ ಹಾಕುವುದು ಹೇಗೆ?

ಬಿಲ್ಟ್-ಅಪ್ ಏರಿಯಾ ಹಾಗೂ ಕಾರ್ಪೆಟ್ ಏರಿಯಾ ನಿಖರವಾಗಿ ಅಂದಾಜಿಸಲು:

1. ಕಾರ್ಪೆಟ್ ಏರಿಯಾ: ಪ್ರತಿ ಕೋಣೆಯ ಉದ್ದ ಮತ್ತು ಅಗಲ ಅಳತೆ ಮಾಡಿ ಮತ್ತು ಗುಣಿಸುವ ಮೂಲಕ ಬಳಕೆಯ ಪ್ರದೇಶ ಪಡೆಯಿರಿ.

2. ಬಿಲ್ಟ್-ಅಪ್ ಏರಿಯಾ : ಕಾರ್ಪೆಟ್ ಏರಿಯಾವನ್ನು ಗೋಡೆಗಳು, ಬಾಲ್ಕನಿಗಳು ಮತ್ತಿತರೆ ಕಟ್ಟಡದ ಅಂಶಗಳು ಆಕ್ರಮಿಸಿಕೊಂಡಿರುವ ಪ್ರದೇಶಕ್ಕೆ ಸೇರಿಸಿ.

3. ಸೂಪರ್ ಬಿಲ್ಟ್-ಅಪ್ ಏರಿಯಾ: ಇದರಲ್ಲಿ ಬಿಲ್ಟ್-ಅಪ್ ಏರಿಯಾ, ಲಾಬಿಗಳು, ಮೆಟ್ಟಿಲುಗಳು ಮತ್ತು ಎಲಿವೇಟರ್ ಗಳಂತಹ ಸಾಮಾನ್ಯ ಪ್ರದೇಶಗಳ ಪ್ರಮಾಣಾವಾರು ಪಾಲಿರುತ್ತದೆ.

ಈ ಲೆಕ್ಕಾಚಾರಗಳು ನೀವು ಮನೆಯಲ್ಲಿ ಒಟ್ಟು ಲಭ್ಯವಿರುವ ಸ್ಥಳವನ್ನು ಸ್ಪಷ್ಟವಾಗಿ ಅರ್ಥ ಮಾಡಿಕೊಳ್ಳಲು ನೆರವಾಗುತ್ತವೆ.