કાર્પેટ ક્ષેત્ર અને બિલ્ટ-અપ ક્ષેત્ર વચ્ચેના તફાવતની સમજ

બિલ્ટ-અપ અને કાર્પેટ ક્ષેત્ર શું છે ?

કાર્પેટ ક્ષેત્ર અને બિલ્ટ-અપ ક્ષેત્ર વચ્ચેના તફાવત અંગે ચર્ચા કરતા પહેલા આ શબ્દોને વ્યાખ્યાયિત કરવા આવશ્યક છેઃ

કાર્પેટ ક્ષેત્રનો અર્થઃ

આ સંપત્તિની દિવાલોની વચ્ચેનું ઉપયોગ કરી શકાય એવું ચોખ્ખું ક્ષેત્ર છે. તેમાં દિવાલોની જાડાઇ અને બાલ્કની, અગાશી અથવા અન્ય વિસ્તરણો જેવી વધારાની જગ્યાઓ સામેલ હોતી નથી. આ એવી જગ્યા છે, જ્યાં તમે કાર્પેટ (ગાલીચો) બિછાવી શકો છો, તેથી તેને આ નામ આપવામાં આવ્યું છે.

બિલ્ટ-અપ ક્ષેત્રનો અર્થઃ

બિલ્ટ-અપ ક્ષેત્રમાં કાર્પેટ ક્ષેત્ર વત્તા દિવાલોની જાડાઇ અને બાલ્કની, અગાશી અથવા અન્ય વિસ્તરણો જેવી વધારાની જગ્યાઓ સામેલ હોય છે. સામાન્ય શબ્દોમાં આ એવું કુલ ક્ષેત્ર છે, જેના પર ભૌતિક રીતે નિર્માણ કરવામાં આવ્યું હોય છે.

કાર્પેટ ક્ષેત્ર અને બિલ્ટ-અપ ક્ષેત્રનાં અર્થની સમજથી સંપત્તિનાં મૂલ્યની આકારણી કરવામાં સહાય મળે છે.

કાર્પેટ ક્ષેત્ર વિ. બિલ્ટ-અપ ક્ષેત્ર વચ્ચેનો તફાવત

1. માપણીનો અવકાશઃ

• કાર્પેટ ક્ષેત્ર માત્ર આંતરિક બિલ્ટ-અપ જગ્યા છે

• બિલ્ટ-અપ ક્ષેત્રમાં કાર્પેટ અને માળખાકીય ઘટકો જેવા કે દિવાલો અને વધારાની જગ્યાઓ સામેલ છે.

2. ઉપયોગઃ

• કાર્પેટ ક્ષેત્ર જ્યાં ફર્નિચર રાખી શકાય છે એવા ઉપયોગ કરી શકાય એવા ક્ષેત્રને પ્રતિબિંબિત કરે છે.

• બિલ્ટ-અપ ક્ષેત્ર સંપત્તિની કુલ જગ્યાનું સંપૂર્ણ દૃશ્ય આપે છે.

3. કિંમત નિર્ધારણ પ્રભાવઃ

• સંપત્તિઓનું સામાન્યપણે કિંમત-નિર્ધારણ બિલ્ટ-અપ ક્ષેત્રને આધારે થાય છે, જેનાથી માત્ર કાર્પેટ ક્ષેત્રને આધારે કિંમત નિર્ધારણની તુલનામાં ખર્ચ વધી શકે છે.

કાર્પેટ ક્ષેત્ર અને બિલ્ટ-અપ ક્ષેત્રનું મહત્ત્વ

બિલ્ટ-અપ ક્ષેત્ર વિ. કાર્પેટ ક્ષેત્ર વચ્ચેનો તફાવત ઘણા કારણોસર મહત્ત્વપૂર્ણ હોય છેઃ

1. ખર્ચની ગણતરીઃ બિલ્ટ-અપ ક્ષેત્ર જાણવાથી સંપત્તિના ખર્ચની ચોક્કસપણે ગણતરી કરવામાં સહાય કરે છે, કારણ કે મોટા ભાગના રિઅલ એસ્ટેટના વ્યવહારોનું મૂલ્યનિર્ધારણ આ ક્ષેત્રને આધારે કરવામાં આવે છે. અમારા હોમ કન્સ્ટ્રક્શન કોસ્ટ કેલ્ક્યુલેટર ટુલનો અજમાવો.

2. જગ્યાનું આયોજનઃ કાર્પેટ ક્ષેત્ર જગ્યાનાં આયોજન અને ફર્નિચરની ગોઠવણી માટે વધુ સુસંગત હોય છે, જ્યારે બિલ્ટ-અપ ક્ષેત્ર માળખાકીય ઘટકો સહિત કુલ ક્ષેત્રનું અવલોકન આપે છે.

3. રોકાણ નિર્ણયોઃ કાર્પેટ ક્ષેત્ર અને બિલ્ટ-અપ ક્ષેત્ર વચ્ચેના તફાવતની સમજ ખરીદ નિર્ણયો અને રોકાણકારો તથા ખરીદદારો માટે ભવિષ્યનાં પુનઃવેચાણનાં મૂલ્યને પ્રભાવિત કરી શકે છે.

કાર્પેટ ક્ષેત્ર, બિલ્ટ-અપ ક્ષેત્ર અને સુપર બિલ્ટ-અપ ક્ષેત્રની ગણતરી કેવી રીતે કરવી ?

બિલ્ટ-અપ ક્ષેત્ર વિ. કાર્પેટ ક્ષેત્રનું ચોક્કસાઇથી મૂલ્યાંકન કરવા માટેઃ

1. કાર્પેટ ક્ષેત્રઃ કુલ ઉપયોગ કરી શકાય એવી જગ્યા મેળવવા માટે દરેક રૂમની લંબાઇ અને પહોંળાઇ માપો અને તેનો ગુણાકાર કરો.

2. બિલ્ટ-અપ ક્ષેત્રઃ દિવાલો, બાલ્કની અને અન્ય માળખાકીય વિશેષતાઓ દ્વારા રોકાયેલા ક્ષેત્રમાં કાર્પેટ ક્ષેત્રને ઉમેરો.

3. સુપર બિલ્ટ-અપ ક્ષેત્રઃ આમાં બિલ્ટ-અપ ક્ષેત્ર વત્તા લોબી, દાદર અને એલિવેટર્સ જેવા સામાન્ય ક્ષેત્રોના પ્રમાણસરના હિસ્સાનો સમાવેશ થાય છે.

આ ગણતરીઓ સુનિશ્ચિત કરે છે કે તમે સંપત્તિમાં ઉપલબ્ધ કુલ જગ્યાને સ્પષ્ટપણે સમજી શકો.