କାର୍ପେଟ୍ ଏରିଆ ଏବଂ ବିଲ୍ଟ-ଅପ୍ ଏରିଆ ମଧ୍ୟରେ ପାର୍ଥକ୍ୟକୁ ବୁଝନ୍ତୁ

ବିଲ୍ଟ-ଅପ୍ ଏବଂ କାର୍ପେଟ୍ ଏରିଆ କ'ଣ?

କାର୍ପେଟ୍ ଏରିଆ ଏବଂ ବିଲ୍ଟ-ଅପ୍ ଏରିଆ ମଧ୍ୟରେ ପାର୍ଥକ୍ୟ ବିଷୟରେ ଆଲୋଚନା କରିବା ପୂର୍ବରୁ, ଏହି ଶବ୍ଦଗୁଡ଼ିକୁ ବ୍ୟାଖ୍ୟା କରିବା ଜରୁରୀ ଅଟେ:

କାର୍ପେଟ୍ ଏରିଆର ଅର୍ଥ:

ଏହା ହେଉଛି ଏକ ସମ୍ପତ୍ତିର କାନ୍ଥ ମଧ୍ୟରେ ଥିବା ନିଟ୍ ବ୍ୟବହାରଯୋଗ୍ୟ କ୍ଷେତ୍ର । ଏଥିରେ କାନ୍ଥର ମୋଟେଇ ଏବଂ ବାଲକୋନି, ଛାତ କିମ୍ବା ଅନ୍ୟାନ୍ୟ ସମ୍ପ୍ରସାରଣ ପରି କୌଣସି ଅତିରିକ୍ତ ସ୍ଥାନକୁ ବାଦ ଦିଆଯାଇଥାଏ । ଅର୍ଥାତ୍ ଏପରି ଏକ କ୍ଷେତ୍ର ଯେଉଁଠାରେ ଆପଣ ଏକ ଗାଲିଚା ବା କାର୍ପେଟ୍ ବିଛାଇପାରିବେ । ଏହି କାରଣରୁ ତାହାର ନାମଟି ପଡ଼ିଛି ।

ବିଲ୍ଟ-ଅପ୍ ଏରିଆର ଅର୍ଥ:

ବିଲ୍ଟ-ଅପ୍ ଏଗରିଆରେ କାର୍ପେଟ୍ ଏରିଆ ଏବଂ କାନ୍ଥର ମୋଟେଇ ଏବଂ ବାଲକୋନି, ଛାତ କିମ୍ବା ଅନ୍ୟାନ୍ୟ ସମ୍ପ୍ରସାରଣ ପରି କୌଣସି ଅତିରିକ୍ତ ସ୍ଥାନଗୁଡ଼ିକ ଅନ୍ତର୍ଭୁକ୍ତ ହୋଇଥାଏ । ସରଳ ଶବ୍ଦରେ, ଏହା ହେଉଛି ସମୁଦାୟ କ୍ଷେତ୍ର ଯାହା ଉପରେ ଭୌତିକ ଭାବରେ ନିର୍ମାଣ କାର୍ଯ୍ୟ କରାଯାଇଛି ।

କାର୍ପେଟ୍ ଏରିଆ ଏବଂ ବିଲ୍ଟ-ଅପ୍ ଏରିଆ ଅର୍ଥକୁ ବୁଝିବା ସମ୍ପତ୍ତିର ମୂଲ୍ୟ ଆକଳନ କରିବାରେ ସାହାଯ୍ୟ କରେ ।

କାର୍ପେଟ୍ ଏରିଆ ବନାମ ବିଲ୍ଟ-ଅପ୍ ଏରିଆ ମଧ୍ୟରେ ପାର୍ଥକ୍ୟ

୧. ମାପ ପରିସର:

• କେବଳ ନିର୍ମିତ ଆଭ୍ୟନ୍ତରୀଣ ସ୍ଥାନକୁ କାର୍ପେଟ୍ ଏରିଆ କୁହାଯାଇଥାଏ

• ବିଲ୍ଟ-ଅପ୍ ଏରିଆରେ କାର୍ପେଟ୍ ଏବଂ କାନ୍ଥ ଏବଂ ଅତିରିକ୍ତ ସ୍ଥାନ ପରି ଢାଞ୍ଚାଗତ ଉପାଦାନଗୁଡ଼ିକ ଅନ୍ତର୍ଭୁକ୍ତ ହୋଇଥାଏ ।

୨. ବ୍ୟବହାର:

• କାର୍ପେଟ୍ ଏରିଆ ପ୍ରକୃତ ବ୍ୟବହାରଯୋଗ୍ୟ ସ୍ଥାନକୁ ପ୍ରତିଫଳିତ କରେ ଯେଉଁଠାରେ ଆସବାବପତ୍ର ରଖାଯାଇପାରିବ ।

• ବିଲ୍ଟ-ଅପ୍ କ୍ଷେତ୍ର ସମୁଦାୟ ସମ୍ପତ୍ତି ସ୍ଥାନର ସମ୍ପୂର୍ଣ୍ଣ ଦୃଶ୍ୟ ଦେଇଥାଏ ।

୩. ମୂଲ୍ୟ ନିର୍ଦ୍ଧାରଣ ଉପରେ ପ୍ରଭାବ:

• ସମ୍ପତ୍ତିର ମୂଲ୍ୟ ପ୍ରାୟତଃ ବିଲ୍ଟ-ଅପ୍ ଏରିଆ ଉପରେ ଆଧାର କରି ନିର୍ଦ୍ଧାରଣ କରାଯାଏ । ତେଣୁ କେବଳ କାର୍ପେଟ୍ ଏରିଆ ଉପରେ ଆଧାର କରି ମୂଲ୍ୟ ନିର୍ଦ୍ଧାରଣ ତୁଳନାରେ ତାହାର ମୂଲ୍ୟ ଅଧିକ ହୋଇପାରେ ।

କାର୍ପେଟ୍ ଏରିଆ ଏବଂ ବିଲ୍ଟ-ଅପ୍ ଏରିଆର ଗୁରୁତ୍ୱ

କେଉଁଟି ବିଲ୍ଟ-ଅପ୍ ଏରିଆ ବନାମ କେଉଁଟି କାର୍ପେଟ୍ ଏରିଆ ତାହା ମଧ୍ୟରେ ପାର୍ଥକ୍ୟ ଜାଣିବା ଅନେକ କାରଣ ପାଇଁ ଗୁରୁତ୍ୱପୂର୍ଣ୍ଣ ଅଟେ:

୧. ମୂଲ୍ୟ ଗଣନା: ବିଲ୍ଟ-ଅପ୍ ଏରିଆ ଅର୍ଥ ଜାଣିବା ସମ୍ପତ୍ତିର ମୂଲ୍ୟକୁ ସଠିକ୍ ଭାବରେ ଗଣନା କରିବାରେ ସାହାଯ୍ୟ କରେ, କାରଣ ଅଧିକାଂଶ ରିଅଲ୍ ଇଷ୍ଟେଟ୍ କାରବାରରେ ମୂଲ୍ୟକୁ ଏହି କ୍ଷେତ୍ର ଉପରେ ଆଧାର କରି ନିର୍ଦ୍ଧାରଣ କରାଯାଏ । ଆମର ଗୃହ ନିର୍ମାଣ ଖର୍ଚ୍ଚ କାଲକୁଲେଟର୍ ଟୁଲ୍ ପରୀକ୍ଷା କରି ଦେଖନ୍ତୁ ।

୨. ଜାଗାର ପ୍ଲାନିଂ: ଜାଗାର ଯୋଜନା କରିବା ଓ ଆସବାବପତ୍ର ରଖାଯିବା ପାଇଁ କାର୍ପେଟ୍ ଏରିଆ ଅଧିକ ପ୍ରାସଙ୍ଗିକ ହୋଇଥିବାବେଳେ, ବିଲ୍ଟ-ଅପ୍ ଏରିଆ ସମୁଦାୟ ଏରିଆର ଏକ ସାଧାରଣ ରୂପରେଖ ପ୍ରଦାନ କରିଥାଏ ଯାହା ମଧ୍ୟରେ ଢାଞ୍ଚାଗତ ଉପାଦାନଗୁଡ଼ିକ ଅନ୍ତର୍ଭୁକ୍ତ ।

୩. ନିବେଶ ନିଷ୍ପତ୍ତି: କାର୍ପେଟ୍ ଏରିଆ ଏବଂ ବିଲ୍ଟ-ଅପ୍ ଏରିଆ ମଧ୍ୟରେ ପାର୍ଥକ୍ୟ ବୁଝିବା ନିବେଶକ ଏବଂ କ୍ରେତାମାନଙ୍କ ପାଇଁ କ୍ରୟ ନିଷ୍ପତ୍ତି ଏବଂ ଭବିଷ୍ୟତର ପୁନଃବିକ୍ରୟ ମୂଲ୍ୟକୁ ପ୍ରଭାବିତ କରିପାରେ ।

କାର୍ପେଟ୍ ଏରିଆ, ବିଲ୍ଟ-ଅପ୍ ଏରିଆ ଏବଂ ସୁପର ବିଲ୍ଟ-ଅପ୍ ଏରିଆ କିପରି ଗଣନା କରିବେ?

ବିଲ୍ଟ-ଅପ୍ ଏରିଆ ବନାମ କାର୍ପେଟ୍ ଏରିଆକୁ ସଠିକ୍ ଭାବରେ ଆକଳନ କରିବାକୁ:

୧. କାର୍ପେଟ୍ ଏରିଆ: ପ୍ରତ୍ୟେକ ରୁମ୍ ର ଦୈର୍ଘ୍ୟ ଏବଂ ପ୍ରସ୍ଥର ମାପ କରନ୍ତୁ ଏବଂ ସମୁଦାୟ ବ୍ୟବହାରଯୋଗ୍ୟ ସ୍ଥାନ ପାଇବା ପାଇଁ ତାହାକୁ ଗୁଣିଦିଅନ୍ତୁ ।

୨. ବିଲ୍ଟ-ଅପ୍ ଏରିଆ: କାନ୍ଥ, ବାଲକୋନି ଏବଂ ଅନ୍ୟାନ୍ୟ ଢାଞ୍ଚାଗତ ଉପାଦାନ ଦ୍ୱାରା ଦଖଲ ହୋଇଥିବା ଏରିଆ ସହ କାର୍ପେଟ୍ ଏରିଆକୁ ଯୋଡନ୍ତୁ ।

୩. ସୁପର ବିଲ୍ଟ-ଅପ୍ ଏରିଆ: ଏଥିରେ ବିଲ୍ଟ-ଅପ୍ ଏରିଆ ଏବଂ ଲବି, ସିଡ଼ି ଏବଂ ଏଲିଭେଟର୍ ପରି ସାଧାରଣ ଅଞ୍ଚଳର ଆନୁପାତିକ ଅଂଶ ଅନ୍ତର୍ଭୁକ୍ତ ହୋଇଥାଏ ।

ଏହି ଗଣନା ନିଶ୍ଚିତ କରେ ଯେ ଆପଣ ଏକ ସମ୍ପତ୍ତିରେ ଉପଲବ୍ଧ ଥିବା ସମୁଦାୟ ସ୍ଥାନକୁ ସ୍ପଷ୍ଟ ଭାବରେ ବୁଝିଛନ୍ତି ।