Share:
ಸುಸೂತ್ರವಾಗಿ ಮನೆ ನಿರ್ಮಾಣ ಕಾರ್ಯದಲ್ಲಿ ಪರವಾನಗಿ ಮತ್ತು ಅನುಮತಿ ಪಡೆಯಲು ಸರಿಯಾದ ರೀತಿಯಲ್ಲಿ ಖರ್ಚು-ವೆಚ್ಚ ಅಂದಾಜು ಮಾಡಬೇಕಾಗುತ್ತದೆ.
ಮನೆ ನಿರ್ಮಾಣಕ್ಕಾಗಿ ಅಂದಾಜು ವೆಚ್ಚ ಸಿದ್ಧಪಡಿಸಿದರೆ ಪರವಾನಗಿ ಪಡೆಯಲು ಮತ್ತು ಅನಗತ್ಯ ವೆಚ್ಚ ತಡೆಯಲು ಸಹಾಯಕವಾಗುತ್ತದೆ. ಜತೆಗೆ ಮನೆ ನಿರ್ಮಾಣದ ಕೆಲಸ ಮುಂದುವರಿಯಲು ಸಹಾಯಕವಾಗುತ್ತದೆ.
ಮನೆ ನಿರ್ಮಾಣ ಕಾರ್ಯದಲ್ಲಿನ ರಹಸ್ಯ ವೆಚ್ಚಗಳನ್ನು ನಿರ್ಲಕ್ಷಿಸುವುದು ಮತ್ತು ನಿಗದಿತ ಸಮಯದಲ್ಲಿ ಕೆಲಸ ಪೂರ್ತಿಯಾಗಬೇಕು ಎಂಬ ಗುರಿ ಸಾಧನೆಯನ್ನು ನಿರ್ಲಕ್ಷಿಸುವ ತಪ್ಪುಗಳನ್ನು ಮಾಡಬೇಡಿ.
ಮನೆ ನಿರ್ಮಾಣಕ್ಕಾಗಿ ಸೂಕ್ತ ಪರವಾನಗಿ ಮತ್ತು ಅನುಮತಿ ಪಡೆಯುವುದೇ ಅದರ ಕೆಲಸದ ಆರಂಭದ ಭದ್ರ ತಳಪಾಯವೇ ಆಗಿದೆ.
ಪರವಾನಗಿಗಳು ಮತ್ತು ಅನುಮತಿಯ ವೆಚ್ಚದ ಅಂದಾಜು ನಿಮ್ಮ ಒಟ್ಟಾರೆ ಬಜೆಟ್ ನ ಪ್ರಮುಖ ಭಾಗವಾಗಿದೆ. ಆದ್ದರಿಂದ ಅನುಮೋದನೆ ಪ್ರಕ್ರಿಯೆಯ ಪ್ರತಿಯೊಂದು ಹಂತವನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ. ಸರಿಯಾದ ಅನುಮೋದನೆಗಳನ್ನು ಪಡೆಯುವುದು ನಿಮ್ಮ ಮನೆ ನಿರ್ಮಾಣದ ಪ್ರಯಾಣವು ದೃಢವಾದ ತಳಹದಿಯಾಗುತ್ತದೆ ಎಂಬುದನ್ನು ಖಾತರಿಪಡಿಸುತ್ತದೆ. ಈ ಪ್ರಕ್ರಿಯೆಯನ್ನು ಎಚ್ಚರಿಕೆಯಿಂದ ನಿರ್ವಹಿಸುವ ಮೂಲಕ, ನಿಮ್ಮ ಮನೆಯ ಕಾನೂನುಬದ್ಧ ಸ್ಥಾನಮಾನವನ್ನು ಖಾತ್ರಿಪಡಿಸಿಕೊಳ್ಳುವ ಜವಾಬ್ದಾರಿಯನ್ನು ನೀವು ತೆಗೆದುಕೊಳ್ಳುತ್ತೀರಿ, ಇದು ನಿಮ್ಮ ಆರ್ಥಿಕ ಹೂಡಿಕೆ ಮತ್ತು ಮನಸ್ಸಿನ ಶಾಂತಿಯನ್ನು ರಕ್ಷಿಸುತ್ತದೆ. ಈ ಅನುಮೋದನೆಗಳನ್ನು ಹೇಗೆ ಪಡೆಯುವುದು ಎಂಬುದು ಇಲ್ಲಿದೆಃ
ಕಟ್ಟಡ ನಿರ್ಮಾಣಕ್ಕೆ ಪರವಾನಗಿ ಮತ್ತು ಅನುಮತಿ ಪಡೆಯುವ ನಿಟ್ಟಿನಲ್ಲಿ ಸೂಕ್ತ ರೀತಿಯಲ್ಲಿ ಅರ್ಜಿ ಸಲ್ಲಿಸಬೇಕಾಗುತ್ತದೆ.ಅವುಗಳನ್ನು ಸ್ಥಳೀಯ ನಗರ ಆಡಳಿತ ಸಂಸ್ಥೆಗಳಿಂದ ಅಥವಾ ನಗರಾಭಿವೃದ್ಧಿ ಪ್ರಾಧಿಕಾರ ಕಚೇರಿಯಿಂದ ಪಡೆದುಕೊಳ್ಳಬೇಕು. ನಿಮ್ಮ ಸ್ಥಳಕ್ಕೆ ಅನುಗುಣವಾಗಿ ಅರ್ಜಿ ಭರ್ತಿ ಮಾಡಬೇಕು. ಪರಿಸರ ಸಂಬಂಧಿ ಅನುಮತಿ, ಸುರಕ್ಷಾ ತಪಾಸಣೆ, ಕಟ್ಟಡ ನಿರ್ಮಾಣ ಕಾಮಗಾರಿಗೆ ಅನಮತಿಗಾಗಿ ಅರ್ಜಿ ಭರ್ತಿ ಮಾಡಬೇಕು. ಶೀಘ್ರವಾಗಿ ಅನುಮತಿ ಪಡೆಯುವ ನಿಟ್ಟಿನಲ್ಲಿ ಎಲ್ಲ ರೀತಿಯ ದಾಖಲೆಗಳನ್ನು ಸಲ್ಲಿಸಿ ವಿಳಂಬ ತಪ್ಪಿಸಬೇಕು.
ಅರ್ಜಿಗಳನ್ನು ಪಡೆದ ಬಳಿಕ ಅವುಗಳನ್ನು ಆಮೂಲಾಗ್ರವಾಗಿ ಓದಿ ಭರ್ತಿ ಮಾಡಬೇಕು. ಅದರಲ್ಲಿ ಕೇಳಿರುವ ಯೋಜನೆಯ ವಿವರಗಳನ್ನು ನಮೂದಿಸಿರುವುದನ್ನು ಖಚಿತಪಡಿಸಿಕೊಳ್ಳಿ. ಅಪೂರ್ಣ ಅಥವಾ ಮಾಹಿತಿ ನೀಡದೇ ಇದ್ದಲ್ಲಿ ಪರವಾನಗಿ ಮತ್ತು ಅನುಮತಿ ನೀಡುಲು ಸಂಬಂಧಿತ ಅಧಿಕಾರಿ ವಿಳಂಬ ಮಾಡಬಹುದು. ಭರ್ತಿ ಮಾಡಿದ ಅರ್ಜಿಗಳ ಜತೆಗೆ ಮನೆಯ ನೀಲನಕಾಶೆ, ಜಮೀನು ಮಾಲೀಕತ್ವದ ದಾಖಲೆಗಳು, ಪರಿಸರ ಸಂಬಂಧಿ ಅನುಮತಿ ಅಥವಾ ಗುತ್ತಿಗಾರನಿಗೆ ಆ ಕೆಲಸ ನಿರ್ವಹಿಸಲು ಇರುವ ಪರವಾನಗಿಯ ಪ್ರತಿಗಳನ್ನು ಸಲ್ಲಿಸಬೇಕು. ಅರ್ಜಿ ಸಲ್ಲಿಸುವ ವೇಳೆ ಎಲ್ಲ ದಾಖಲೆಗಳನ್ನೂ ನೀಡುತ್ತಿದ್ದೀರಿ ಎಂಬುದನ್ನು ದೃಢೀಕರಿಸಿ.
ಭರ್ತಿ ಮಾಡಿದ ಅರ್ಜಿಯ ಜತೆಗೆ ದಾಖಲೆಗಳನ್ನೂ ಸಲ್ಲಿಸಿದ ಬಳಿಕ ನೀವು ಅನುಮತಿಗಾಗಿ ಕೆಲವೊಂದು ಶುಲ್ಕ ಪಾವತಿ ಮಾಡಬೇಕಾಗಿರುತ್ತದೆ. ಮನೆ ನಿರ್ಮಾಣದ ಯೋಜನೆಗೆ ಅನುಗುಣವಾಗಿ ನೀಡಬೇಕಾದ ಶುಲ್ಕದಲ್ಲಿಯೂ ವ್ಯತ್ಯಾಸವಾಗುತ್ತದೆ. ಈ ಶುಲ್ಕದ ಪಾವತಿಯ ಅಂಶವನ್ನೂ ನಿಮ್ಮ ಬಜೆಟ್ ನಲ್ಲಿ ಸೇರಿಸಿಕೊಳ್ಳಬೇಕಾಗುತ್ತದೆ. ಮನೆ ನಿರ್ಮಾಣದ ಸ್ಥಳ, ಉದ್ದೇಶಿತ ಮನೆಯ ವಿನ್ಯಾಸ ಮತ್ತು ನೀವು ಸಲ್ಲಿಸಿರುವ ಯೋಜನೆಯ ಆಧಾರದಲ್ಲಿ ಪರವಾನಗಿ ನೀಡಲಾಗುತ್ತದೆ. ಹೀಗಾಗಿ, ಅದಕ್ಕೆ ಸಂಬಂಧಿಸಿದ ಶುಲ್ಕದಲ್ಲೂ ವ್ಯತ್ಯಾಸ ಇರುತ್ತದೆ.
ನಿಮ್ಮ ಮನೆಯ ನಿರ್ಮಾಣದ ಶೈಲಿಯ ಅನ್ವಯ ಪರವಾನಗಿಯ ವಿಧದಲ್ಲಿಯೂ ವ್ಯತ್ಯಾಸವಾಗುತ್ತದೆ. ಸಾಮಾನ್ಯವಾಗಿ ವಲಯದ ಪರವಾನಗಿ, ಕಟ್ಟಡ ನಿರ್ಮಾಣಕ್ಕೆ ಪರವಾನಗಿ, ಸುರಕ್ಷತಾ ತಪಾಸಣೆ ಮತ್ತು ಪರಿಸರ ಸಂಬಂಧಿ ನಿಯಮಗಳ ಪಾಲನೆ ಬಗ್ಗೆ ಪರವಾನಗಿ ಸೇರಿದಂತೆ ಹಲವು ವಿಧಗಳಿರುತ್ತವೆ. ಪ್ರತಿಯೊಂದು ವಿಧಕ್ಕೂ ಪ್ರತ್ಯೇಕ ಶುಲ್ಕವಿದೆ. ಉದಾಹರಣೆಗೆ ವಾಣಿಜ್ಯ ಕಟ್ಟಡದ ನಿರ್ಮಾಣಕ್ಕೆ ಹೋಲಿಕೆ ಮಾಡಿದರೆ ಗೃಹ ನಿರ್ಮಾಣಕ್ಕೆ ಸೀಮಿತ ಪರವಾನಗಿ ಬೇಕಾಗುತ್ತದೆ. ಆದರೆ, ಪ್ರತಿಯೊಂದಕ್ಕೂ ಬೇರೆ ಬೇರೆ ಶುಲ್ಕಗಳಿವೆ. ಪ್ರತಿಯೊಂದು ಪರವಾನಗಿ ವಿಧವನ್ನು ತಿಳಿದುಕೊಂಡರೆ ನಿಮ್ಮ ಮನೆ ನಿರ್ಮಾಣದ ಬಜೆಟ್ ಅನ್ನೂ ನಿರ್ಧರಿಸಬಹುದು.
"ನೀವು ಅರ್ಜಿ ಸಲ್ಲಿಸಿದ ನಂತರ ಮತ್ತು ಅಗತ್ಯ ಶುಲ್ಕವನ್ನು ಪಾವತಿಸಿದ ನಂತರ, ನಿಮ್ಮ ಅರ್ಜಿಯನ್ನು ಅಧಿಕಾರಿಗಳು ಅದನ್ನು ಪರಿಶೀಲಿಸುತ್ತಾರೆ. ನಿಮ್ಮ ಉದ್ದೇಶಿತ ಕಟ್ಟಡವು ಎಲ್ಲಾ ನಿಯಮಗಳು ಮತ್ತು ಕಾನೂನುಗಳಿಗೆ ಅನ್ವಯವಾಗಿರಲಿದೆಯೇ ಎಂಬುದನ್ನು ಪರಿಶೀಲಿಸಲು ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಬಹುದು. ತಪಾಸಣೆ ಮಾಡುವವರು ಮನೆ ನಿರ್ಮಾಣ ಮಾಡಲಿರುವ ಜಮೀನು, ನಿರ್ಮಾಣದಿಂದ ಪರಿಸರದ ಮೇಲೆ ಉಂಟಾಗುವ ಪರಿಣಾಮ, ಉದ್ದೇಶಿತ ಯೋಜನೆಯಲ್ಲಿ ಸುರಕ್ಷತಾ ನಿಯಮಗಳನ್ನು ಪಾಲಿಸಲಾಗುತ್ತಿದ್ದೆಯೇ ಎಂಬುದನ್ನು ಅವರು ಪರಿಶೀಲಿಸುತ್ತಾರೆ. ಹೀಗಾಗಿ, ಈ ಎಲ್ಲ ನಿಯಮಗಳ ಪಾಲನೆ ಮಾಡಿ, ಅನುಮತಿ ಪಡೆಯಬೇಕಾದದ್ದು ನಿಮ್ಮ ಕರ್ತವ್ಯ. "
ಜಮೀನಿಗೆ ಅಧಿಕಾರಿಗಳು ಬಂದು ತಪಾಸಣೆ ನಡೆಸಿದ ಬಳಿಕ ನೀವು ಸಲ್ಲಿಸಿದ ದಾಖಲೆಗಳ ಪರಿಶೀಲನೆ ನಡೆಸುತ್ತಾರೆ. ನಂತರ ನಿರ್ಮಾಣ ಕಾಮಗಾರಿಗೆ ಅನುಮತಿ ನೀಡುತ್ತಾರೆ. ನೀವು ಸಲ್ಲಿಸಿದ ಯೋಜನೆಯ ವಿವರಗಳ ಆಧಾರದಲ್ಲಿ ಮತ್ತು ಪ್ರಾಧಿಕಾರ ಹೊಂದಿರುವ ಕೆಲಸದ ಒತ್ತಡದ ಆಧಾರದಲ್ಲಿ ಪರವಾನಗಿ ನೀಡುವ ಪ್ರಕ್ರಿಯೆಗೆ ಕೆಲವೊಂದು ವಾರಗಳು ಬೇಕಾಗಬಹುದು. ಅದಕ್ಕಾಗಿ ಅಂದಾಜು ಗಡುವು ನೀಡಲಾಗುತ್ತದೆ. ಹೀಗಾಗಿ, ಆ ಅವಧಿಯ ವರೆಗೆ ಕಾಯಬೇಕು ಮತ್ತು ಅಧಿಕಾರಿಗಳ ಜತೆಗೆ ನಿರಂತರ ಸಂಪರ್ಕ ಇರಿಸಿಕೊಳ್ಳಬೇಕು. ಈ ಮೂಲಕ ವಿನಾ ವಿಳಂಬ ತಪ್ಪಿಸಲು ಸಹಾಯಕವಾಗುತ್ತದೆ.
ಮನೆ ನಿರ್ಮಾಣ ಕೆಲಸಕ್ಕೆ ಪರವಾನಗಿ ಮತ್ತು ಅನುಮತಿ ಪಡೆಯುವುದು ನಿಮ್ಮ ಒಟ್ಟಾರೆ ನಿರ್ಮಾಣ ವೆಚ್ಚದ ಅವಿಭಾಜ್ಯ ಅಂಗವೇ ಆಗುತ್ತದೆ. ಮನೆ ನಿರ್ಮಾಣದ ಒಟ್ಟು ಅಂದಾಜು ವೆಚ್ಚವೇ ನಿಮ್ಮ ಪ್ರಧಾನ ಚಿಂತನೆಯಾಗಿದ್ದರೂ, ಪರವಾನಗಿ ಮತ್ತು ಅನುಮತಿ ಪಡೆಯುವುದಕ್ಕಾಗಿ ಮಾಡುವ ಖರ್ಚು ಕೂಡ ನಿಮ್ಮ ಮನೆ ನಿರ್ಮಾಣದ ಒಟ್ಟು ವೆಚ್ಚದ ಮೇಲೆ ಪ್ರಭಾವ ಬೀರಬಹುದು. ವಿವಿಧ ಅಂಶಗಳ ಆಧಾರದಲ್ಲಿ ಈ ಅಂದಾಜು ವೆಚ್ಚ ನಿರ್ಧಾರವಾಗಬಹುದು. ಮನೆಯ ವಿನ್ಯಾಸ, ಜಮೀನು ಇರುವ ಸ್ಥಳ, ಅದಕ್ಕೆ ಬೇಕಾಗುವ ವಿಧದ ಪರವಾನಗಿಯ ಆಧಾರದಲ್ಲಿ ಶುಲ್ಕವೂ ತೀರ್ಮಾನವಾಗುತ್ತದೆ.
ಮನೆ ನಿರ್ಮಾಣಕ್ಕೆ ಪರವಾನಗಿ ಮತ್ತು ಅನುಮತಿ ಪಡೆಯಲು ಅಂದಾಜು ಎಷ್ಟು ಶುಲ್ಕ ಪಾವತಿ ಮಾಡಬೇಕಾಗುತ್ತದೆ ಎಂಬ ಅಂಶ ಜಮೀನಿಗೆ ಬಂದು ಅಧಿಕಾರಿಗಳು ನಡೆಸುವ ಭದ್ರತಾ ತಪಾಸಣೆ, ಆಡಳಿತಾತ್ಮಕ ವೆಚ್ಚವನ್ನು ಒಳಗೊಂಡು ತೀರ್ಮಾನಿಸಬೇಕಾಗುತ್ತದೆ. ಜಮೀನು ಇರುವ ಸ್ಥಳ ಅದಕ್ಕೆ ಸಂಬಂಧಿಸಿದ ವೆಚ್ಚದಲ್ಲಿಯೂ ವ್ಯತ್ಯಾಸವಾಗುತ್ತದೆ.
ಪರವಾನಗಿ ಮತ್ತು ಅನುಮತಿ ಪಡೆಯಲು ಬೇಕಾಗುವ ಅಂದಾಜು ಮೊತ್ತದ ಬಗ್ಗೆ ಮೊದಲೇ ತಿಳಿದುಕೊಳ್ಳುವುದರಿಂದ ಅದಕ್ಕೆ ಬೇಕಾದ ಸಿದ್ಧತೆ ನಡೆಸಲು ನಿಮಗೆ ಅನುಕೂಲವಾಗುತ್ತದೆ. ಅಂದರೆ ಮನೆ ನಿರ್ಮಾಣ ಯೋಜನೆಯ ಅವಧಿಯಲ್ಲಿ ಯಾವುದೇ ರೀತಿಯ ತಡೆ ಉಂಟಾಗದಂತೆ ನಿಮ್ಮ ಅಂದಾಜು ವೆಚ್ಚಕ್ಕೆ ಅನುಗುಣವಾಗಿ ಕೆಲಸ ಮುಂದುವರಿಸಲು ನಿಮಗೆ ನೆರವಾಗುತ್ತದೆ. ಸುಭದ್ರ ಮನೆ ನಿರ್ಮಾಣಕ್ಕಾಗಿ ಇರುವ ತಳಪಾಯಕ್ಕಾಗಿ ಬಳಕೆ ಮಾಡುವ ವಸ್ತುಗಳಲ್ಲಿ ರಾಜಿ ಹೇಗೆ ಸಾಧ್ಯವಿಲ್ಲವೋ ಅದೇ ರೀತಿ ಪರವಾನಗಿ ಮತ್ತು ಅನುಮತಿ ಪಡೆಯುವಲ್ಲಿಯೂ ನಿರ್ಲಕ್ಷ್ಯ ಸಲ್ಲದು.
ಮನೆ ನಿರ್ಮಾಣ ಕೆಲಸಕ್ಕೆ ಪರವಾನಗಿ ಮತ್ತು ಅನುಮತಿ ಪಡೆಯದಿದ್ದರೆ ಗಂಭೀರ ಪ್ರತಿಕೂಲ ಪರಿಣಾಮ ಎದುರಿಸಬೇಕಾದೀತು. ನಿಗದಿತ ಅವಧಿಯಲ್ಲಿ ಪರವಾನಗಿ ಮತ್ತು ಅನುಮತಿ ಪಡೆಯಲು ವಿಳಂಬ ಮಾಡಿದಲ್ಲಿ ಭಾರೀ ಪ್ರಮಾಣದ ದಂಡ ಪಾವತಿ ಮಾಡುವ ಸಂದರ್ಭ ಬಂದೀತು. ಜತೆಗೆ ಕೆಲಸದಲ್ಲಿ ವಿಳಂಬ ಮತ್ತು ಕೆಲವು ಸಂದರ್ಭದಲ್ಲಿ ಕಟ್ಟಲಾಗಿರುವ ಕಟ್ಟಡವನ್ನು ಅಧಿಕಾರಿಗಳು ಕೆಡವಿ ಹಾಕುವ ಸಾಧ್ಯತೆಗಳಿವೆ. ಅನುಮತಿ ಪಡೆದು ಕೆಲಸ ಆರಂಭಿಸುವ ವರೆಗೆ ನಿಮ್ಮ ಮನೆಯ ನಿರ್ಮಾಣಕ್ಕೆ ತಡೆಯೊಡ್ಡಿ ಆದೇಶವನ್ನೂ ಅಧಿಕಾರಿಗಳು ನೀಡಬಹುದು. ಹೀಗಾಗಿ, ಪರವಾನಗಿ ಮತ್ತು ಅನುಮತಿ ಪಡೆದು ಮನೆಯ ನಿರ್ಮಾಣ ಪ್ರಾರಂಭಿಸುವುದು ನಿಮ್ಮ ಮೊದಲ ಆದ್ಯತೆಯಾಗಬೇಕು.
ಪರವಾನಗಿ ಮತ್ತು ಅನುಮತಿ ಪಡೆಯುವ ವಿಚಾರದಲ್ಲಿನ ಲೆಕ್ಕಾಚಾರಗಳು ಬಹಳ ಸೂಕ್ಷ್ಮವಾದದ್ದು. ಈ ಸಂದರ್ಭದಲ್ಲಿ ತಪ್ಪುಗಳು ಉಂಟಾಗಿ ಅನಗತ್ಯ ವಿಳಂಬ ಮತ್ತು ವೆಚ್ಚಗಳು ಉಂಟಾಗುತ್ತವೆ. ಈ ಕೆಳಗೆ ವಿವರಿಸಲಾದ ಅಂಶಗಳು ಪರವಾನಗಿ ಮತ್ತು ಅನುಮತಿ ಪಡೆವ ವೇಳೆ ಸಾಮಾನ್ಯವಾಗಿ ಉಂಟಾಗುತ್ತವೆ:
ಹೆಚ್ಚಿನವರು ಸಣ್ಣ ಪ್ರಮಾಣದ ಶುಲ್ಕಗಳ ಪಾವತಿಯಲ್ಲಿ ನಿರ್ಲಕ್ಷ್ಯ ವಹಿಸುತ್ತಾರೆ. ಉದಾಹರಣೆಗೆ ತಪಾಸಣಾ ಶುಲ್ಕ, ದಂಡ ಶುಲ್ಕವನ್ನು ವಿಳಂಬವಾಗಿ ಪಾವತಿ ಮಾಡುವುದು ಅಥವಾ ಕ್ಲಿಷ್ಟಕರವಾದ ಪರವಾನಗಿ ಶುಲ್ಕಕ್ಕೆ ಸಂಬಂಧಿಸಿದಂತೆ ಇರುವ ಅಂಶಗಳನ್ನು ಆರಂಭದಲ್ಲಿಯೇ ಲೆಕ್ಕಾಚಾರ ಹಾಕದೇ ಇರುವುದು.
ಕಟ್ಟಡ ನಿರ್ಮಾಣ ಪರವಾನಗಿ ವಿಚಾರಕ್ಕೆ ಸಂಬಂಧಿಸಿದ ನಿಯಮಗಳಲ್ಲಿ ಬದಲಾವಣೆ ಆಗುತ್ತಾ ಇರುತ್ತದೆ. ಈ ಬಗ್ಗೆ ಮಾಹಿತಿ ಪಡೆದುಕೊಂಡು ಹೊಸ ನಿಯಮಗಳ ಬಗ್ಗೆ ತಿಳಿದುಕೊಂಡು, ಅದರಿಂದ ವೆಚ್ಚದ ಮೇಲೆ ಪರಿಣಾಮ ಉಂಟಾಗುತ್ತದೆಯೇ ಎಂಬುದನ್ನು ತಿಳಿಯಬೇಕು. ನಿಗದಿತ ನಗರದ ವಲಯಕ್ಕೆ ಅನುಗುಣವಾಗಿ ಕಾನೂನುಗಳು ಅಥವಾ ಕಟ್ಟಡ ನಿರ್ಮಾಣ ಸಂಹಿತೆಯಲ್ಲಿ ಬದಲಾವಣೆ ಆಗಬಹುದು. ಇದರಿಂದಾಗಿ ಅನಿರೀಕ್ಷಿತವಾಗಿ ನಿರ್ಮಾಣ ವೆಚ್ಚದಲ್ಲಿ ಏರಿಕೆ ಆಗಬಹುದು. ಸ್ಥಳೀಯ ಅಧಿಕಾರಿಗಳ ಜತೆಗೆ ನಿಕಟ ಸಂಪರ್ಕ ಇರಿಸಿಕೊಂಡು ಈ ಬಗ್ಗೆ ಮಾಹಿತಿ ಪಡೆದು, ಹೊಸ ಅಗತ್ಯಕ್ಕೆ ತಕ್ಕಂತೆ ಯೋಜನಾ ವೆಚ್ಚ ಹೊಂದಾಣಿಕೆ ಮಾಡಬೇಕು.
ಹೆಚ್ಚಿನ ಸಂದರ್ಭದಲ್ಲಿ ಪರವಾನಗಿ ಮತ್ತು ಅನುಮತಿ ಪಡೆಯುವಲ್ಲಿ ಬೇಕಾಗಿರುವ ಕಾಲಮಿತಿಯನ್ನು ಕಡೆಗಣಿಸುತ್ತಾರೆ. ತಪಾಸಣೆ ನಡೆಸುವಲ್ಲಿ ಹೆಚ್ಚಿದ ಕ್ರಮ, ಪದೇ ಪದೇ ಪರಿಶೀಲನೆಯಿಂದ ಹೀಗಾಗುವ ಸಾಧ್ಯತೆ ಹೆಚ್ಚು. ಹೀಗಾಗಿ, ಸಂಭಾವ್ಯ ವಿಳಂಬ ಆಗುವ ಸಾಧ್ಯತೆ ಹಿನ್ನೆಲೆ ಅನುಮತಿ ಪಡೆಯಲು ಹೆಚ್ಚುವರಿ ಸಮಯ ಹಾಕಿಕೊಳ್ಳುವುದು ಉತ್ತಮ. ಅನುಮೋದನೆ ನೀಡುವ ಪ್ರಾಧಿಕಾರಕ್ಕೆ ಅನುಮತಿ ಕೋರಿ ನಿರೀಕ್ಷೆಗೂ ಮೀರಿ ಅರ್ಜಿಗಳು ಸಲ್ಲಿಕೆಯಾಗಿದ್ದರೆ ಈ ಅಂಶ ನೆರವಾಗುತ್ತದೆ.
ಮನೆ ನಿರ್ಮಾಣಕ ಕೆಲಸಕ್ಕೆ ಸೂಕ್ತ ಗುತ್ತಿಗೆದಾರನನ್ನು ಆಯ್ಕೆ ಮಾಡುವುದೂ ಪರವಾನಗಿ ಪಡೆಯುವ ಅಂಶಕ್ಕೆ ಸೇರ್ಪಡೆಯಾಗುತದೆ. ಪರವಾನಗಿ ಮತ್ತು ಅನುಮತಿ ಪಡೆಯುವಲ್ಲಿ ಕೈಗೊಳ್ಳಬೇಕಾಗಿರುವ ಕ್ರಮಗಳನ್ನು ಕೌಶಲ್ಯಯುಕ್ತ ಗುತ್ತಿಗೆದಾರ ಮಾಡುತ್ತಾನೆ. ಇದರಿಂದಾಗಿ ಅನಗತ್ಯ ವಿಳಂಬ ತಪ್ಪಿಹೋಗಿ ಅದಕ್ಕೆ ಸಂಬಂಧಿಸಿ ಉಂಟಾಗುವ ವೆಚ್ಚವೂ ತಗ್ಗುತ್ತದೆ. ಜತೆಗೆ ಯೋಜನೆಯಲ್ಲಿಪದೇ ಪದೆ ಪರಿಷ್ಕರಣೆ ಮತ್ತುಸಲ್ಲಿಕೆಯೂ ತಪ್ಪುತ್ತದೆ.
ಇಂಥ ಸಾಮಾನ್ಯ ತಪ್ಪುಗಳನ್ನು ಮಾಡದೇ ಇರುವುದರಿಂದ ಪರವಾನಗಿ ಮತ್ತು ಅನುಮತಿ ಪಡೆಯುವಲ್ಲಿ ಉಂಟಾಗುವ ಅನಗತ್ಯ ವೆಚ್ಚವನ್ನು ತಪ್ಪಿಸಬಹುದು. ಇದರಿಂದಾಗಿ ನಿಮ್ಮ ಮನೆ ನಿರ್ಮಾಣದ ಒಟ್ಟು ವೆಚ್ಚದಲ್ಲಿ ಏರಿಕೆಯಾಗುವುದನ್ನು ತಪ್ಪಿಸಬಹುದು ಮತ್ತು ಜತೆಗೆ ಅಧಿಕಾರಿಗಳು ನಡೆಸಲಿರುವ ಯಾವುದೇ ತಪಾಸಣೆ ಎದುರಿಸಲು ನಿಮಗೆ ಸಾಧ್ಯವಾಗುತ್ತದೆ.
ನೀವು ನಿರ್ಮಿಸಲು ಉದ್ದೇಶಿಸಿರುವ ಮನೆನಿಮ್ಮ ಗುರುತು ಆಗಿರುತ್ತದೆ. ಹೀಗಾಗಿ, ಅದಕ್ಕೆ ತಗಲುವ ನಿರೀಕ್ಷಿತ ವೆಚ್ಚವನ್ನು ಲೆಕ್ಕಾಚಾರ ಹಾಕಬೇಕು. ಸೂಕ್ತ ರೀತಿಯ ಸಿದ್ಧತೆಯಿಂದಾಗಿ ನಿಮ್ಮ ಮನೆಯ ನಿರ್ಮಾಣದ ಕೆಲಸ ಸುಗಮವಾಗಿ ಸಾಗುತ್ತದೆ. ಜತೆಗೆ ನಿರೀಕ್ಷೆ ಮಾಡಿದಂತೆ ನಿಮ್ಮ ಬಜೆಟ್ ಗೆ ಪೂರಕವಾಗಿಯೇ ಸಾಗುತ್ತದೆ.
ಸ್ಥಳೀಯ ಸಂಸ್ಥೆಯಿಂದ ಕಟ್ಟಡ ನಿರ್ಮಾಣ ಮಾಡಲು ಕಾಮಗಾರಿ ನಡೆಸಲು ಅನುಮತಿ ನೀಡಲಾಗಿರುವುದನ್ನು ಈ ರೀತಿ ಹೇಳುತ್ತಾರೆ. ನೀವು ಕೈಗೊಂಡಿರುವ ಉದ್ದೇಶಿತ ಯೋಜನೆ ಕಾನೂನಿನ ಎಲ್ಲ ಅಂಶಗಳನ್ನು, ಸುರಕ್ಷತಾ ಅಂಶಗಳನ್ನು ಹೊಂದಿರುತ್ತದೆ. ಈ ಪೈಕಿ ಜಮೀನು ಇರುವ ವಲಯದ ವ್ಯಾಪ್ತಿಯ ಅನುಮತಿ, ಕಟ್ಟಡ ನಿರ್ಮಾಣಕ್ಕೆ ಅನುಮೋದನೆ ಮತ್ತು ಪರಿಸರ ನಿಯಮಗಳ ಪಾಲನೆಯೂ ಒಳಗೊಂಡಿರುತ್ತದೆ.
ಅರ್ಜಿ ಸಲ್ಲಿಕೆಯ ಶುಲ್ಕ, ತಪಾಸಣಾ ವೆಚ್ಚ ಮತ್ತು ಆಡಳಿತಾತ್ಮಕವಾಗಿರುವ ವೆಚ್ಚ ಸೇರಿದಂತೆ ಯೋಜನೆಯಲ್ಲಿ ಸೇರ್ಪಡೆಯಾಗುವ ಇನ್ನಿತರ ಅಂಶಗಳನ್ನು ಸೇರಿಸಿಕೊಂಡು ಪರವಾನಗಿ ಮತ್ತುಅನುಮತಿ ಪಡೆಯುವ ವೆಚ್ಚದ ಬಗ್ಗೆ ಲೆಕ್ಕಾಚಾರ ಹಾಕಬಹುದು. ಈ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಸ್ಥಳೀಯ ಅಧಿಕಾರಿಗಳು ಅಥವಾ ನಿರ್ಮಾಣ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ.
ನಿರ್ಮಾಣ ವೆಚ್ಚದಲ್ಲಿ ಕಾರ್ಮಿಕರ ಸಂಬಳ, ಮನೆ ನಿರ್ಮಾಣಕ್ಕೆ ಬೇಕಾಗುವ ವಸ್ತುಗಳು, ಪರವಾನಗಿ ಮತ್ತು ಅನುಮತಿ ವೆಚ್ಚವನ್ನೂ ಸೇರಿಕೊಂಡು ಒಟ್ಟು ವೆಚ್ಚವನ್ನು ತೀರ್ಮಾನಿಸಲಾಗುತ್ತದೆ. ವೆಚ್ಚ ಹೆಚ್ಚಾಗದಂತೆ ತಡೆಯಲು ಪ್ರತಿಯೊಂದು ಅಂಶವನ್ನೂ ಗಮನಿಸುವುದು ಉತ್ತಮ.
ಮನೆ ನಿರ್ಮಾಣಕ್ಕೆ ಸಂಬಂಧಿಸಿದ ನಿರೀಕ್ಷಿತ ವೆಚ್ಚದ ಬಗ್ಗೆ ಮತ್ತು ಅದರ ನಿರ್ಮಾಣದ ಬಗ್ಗೆ ಯೋಗ್ಯ ರೀತಿಯಲ್ಲಿ ಯೋಜನೆ ಸಿದ್ಧಪಡಿಸಿಕೊಳ್ಳಬೇಕು. ಮನೆ ನಿರ್ಮಾಣಕ್ಕೆ ಎಷ್ಟು ವೆಚ್ಚವಾದೀತು ಎಂದು ಲೆಕ್ಕ ಹಾಕುವುದರಿಂದ ಅದಕ್ಕೆ ಬೇಕಾಗುವ ಮೊತ್ತವನ್ನು ಹೊಂದಿಸಲು ಸಾಧ್ಯವಾಗುತ್ತದೆ. ಜತೆಗೆ ಅನಪೇಕ್ಷಿತ ಹೊರೆಯೂ ತಪ್ಪುತ್ತದೆ. ಕಾರ್ಮಿಕರ ವೇತನ, ಕಟ್ಟಡ ನಿರ್ಮಾಣ ಸಾಮಗ್ರಿಗಳ ದರ, ಪರವಾನಗಿ ಮತ್ತು ಅನುಮತಿ ಪಡೆಯುವ ಅಂಶಗಳೂ ಅದರಲ್ಲಿ ಸೇರ್ಪಡೆಯಾಗುತ್ತದೆ.
