പങ്കിടുന്നു:
കോൺക്രീറ്റ് ഉണങ്ങുകയും ഉറയ്ക്കുകയും ചെയ്യുമ്പോൾ അതിൻ്റെ വ്യാപ്തം കുറയുന്ന സ്വാഭാവികമായ പ്രക്രിയയാണ് കോൺക്രീറ്റിലെ ചുരുങ്ങൽ. ഇത് ശരിയായി കൈകാര്യം ചെയ്തില്ലെങ്കിൽ, വിള്ളലുകൾ ഉണ്ടാകാനും അടിത്തറയുടെ ഭദ്രതയെ ബാധിക്കാനും സാധ്യതയുണ്ട്.
അമിതമായ ജലാംശം, പെട്ടന്നുള്ള ബാഷ്പീകരണം, അപര്യാപ്തമായ ക്യൂറിംഗ് രീതികൾ, താപനിലയിലെ മാറ്റങ്ങൾ പോലുള്ള പാരിസ്ഥിതിക ഘടകങ്ങൾ എന്നിവയാണ് ചുരുങ്ങൽ മൂലമുള്ള വിള്ളലുകൾക്ക് കാരണം.
ചുരുങ്ങൽ നിയന്ത്രിക്കുന്നതിന് ശരിയായ സിമൻ്റ് മിശ്രിതം ഉപയോഗിക്കുക, ഉചിതമായ ക്യൂറിംഗ് രീതികൾ ഉറപ്പാക്കുക, ക്യൂറിംഗ് സമയത്ത് താപനില നിയന്ത്രിക്കുക, ചുരുങ്ങൽ കുറയ്ക്കാനും വിള്ളലുകൾ ഒഴിവാക്കാനും കോൺക്രീറ്റിന് റീഇൻഫോഴ്സ്മെന്റ് നൽകുക എന്നിവ ഉൾപ്പെടുന്നു.
മെറ്റീരിയൽ ഉണങ്ങുകയും ഉറയ്ക്കുകയും ചെയ്യുമ്പോൾ സംഭവിക്കുന്ന ഒരു സ്വാഭാവിക പ്രക്രിയയാണ് കോൺക്രീറ്റ് ചുരുങ്ങൽ. ജലത്തിന്റെ ബാഷ്പീകരണവും സിമന്റിനുള്ളിലെ ആന്തരിക രാസപ്രവർത്തനങ്ങളും കാരണമാണ് ഇതുണ്ടാകുന്നത്, ഇത് പലപ്പോഴും വ്യാപ്തം കുറയാൻ കാരണമാകുന്നു. ഇതൊരു സാധാരണ പ്രശ്നമാണെങ്കിലും, ശരിയായ രീതിയിൽ കൈകാര്യം ചെയ്തില്ലെങ്കിൽ വിള്ളലുകൾക്ക് കാരണമാവുകയും കാലക്രമേണ അടിത്തറയുടെ ഘടനാപരമായ ഭദ്രതയെ ബാധിക്കുകയും ചെയ്യും.
ഒരു ഗൃഹ നിർമ്മാതാവ് എന്ന നിലയിൽ, സിമൻ്റ് മിശ്രിണവും ക്യൂറിംഗ് രീതികളും തുടക്കം മുതൽ ശരിയായി നടപ്പിലാക്കുന്നുവെന്ന് ഉറപ്പാക്കേണ്ടത് നിർണായകമാണ്. ശരിയായ സമീപനത്തിലൂടെ, ചുരുങ്ങലുമായി ബന്ധപ്പെട്ട പ്രശ്നങ്ങൾ തടയാനും നിങ്ങളുടെ വീടിൻ്റെ ബലം സംരക്ഷിക്കാനും കഴിയും. നിർമ്മാണ സമയത്ത് ആവശ്യമായ മുൻകരുതലുകൾ എടുക്കുന്നതിലൂടെ, നിങ്ങളുടെ വീടിൻ്റെ ദീർഘായുസ്സ് സംരക്ഷിക്കാനും ചുരുങ്ങൽ അതിൻ്റെ അടിത്തറയെ ദുർബലപ്പെടുത്തുന്നില്ലെന്ന് ഉറപ്പാക്കാനും കഴിയും.
വീട് നിർമ്മാണ സമയത്തെ ഒരു സാധാരണ വെല്ലുവിളിയാണ് കോൺക്രീറ്റ് ചുരുങ്ങൽ, ഇത് പല രൂപങ്ങളിൽ വരാം. വിവിധതരം ചുരുങ്ങലുകൾ മനസ്സിലാക്കേണ്ടത് പ്രധാനമാണ്, കാരണം അവ നിങ്ങളുടെ വീടിന്റെ അടിത്തറയെ ബാധിക്കും. നിർമ്മാണ വേളയിൽ നിങ്ങൾ നേരിടാൻ സാധ്യതയുള്ള കോൺക്രീറ്റ് ചുരുങ്ങലിന്റെ നാല് പ്രധാന തരങ്ങൾ ഇവിടെ വിവരിക്കുന്നു.
കോൺക്രീറ്റ് ഒഴിച്ചയുടൻ ആദ്യഘട്ടങ്ങളിലാണ് ഇത് സംഭവിക്കുന്നത്. ഉയർന്ന ചൂടോ കാറ്റോ കാരണം ഉപരിതലത്തിൽ നിന്ന് വെള്ളം അതിവേഗം ബാഷ്പീകരിക്കപ്പെടുമ്പോഴാണ് പ്ലാസ്റ്റിക് ചുരുങ്ങൽ ഉണ്ടാകുന്നത്. വേഗത്തിലുള്ള ഈ ബാഷ്പീകരണം ഉപരിതലത്തിൽ ചെറിയ വിള്ളലുകൾക്ക് കാരണമാകും. ഇത് തടയാൻ, പുതുതായി ഒഴിച്ച കോൺക്രീറ്റ് ഈർപ്പമുള്ളതാണെന്നും നേരിട്ടുള്ള സൂര്യപ്രകാശത്തിൽ നിന്നും ശക്തമായ കാറ്റിൽ നിന്നും സംരക്ഷിക്കപ്പെടുന്നുവെന്നും ഉറപ്പാക്കുക.
കാലക്രമേണ കോൺക്രീറ്റ് ഉണങ്ങുകയും ഉറയ്ക്കുകയും ചെയ്യുമ്പോൾ, കോൺക്രീറ്റിനുള്ളിലെ വെള്ളം സാവധാനം ബാഷ്പീകരിക്കപ്പെടുകയും മെറ്റീരിയൽ ചുരുങ്ങാൻ കാരണമാവുകയും ചെയ്യുന്നു. ഇതാണ് ഡ്രൈയിംഗ് ഷ്രിങ്കേജ് (ഉണങ്ങൽ മൂലമുള്ള ചുരുങ്ങൽ) എന്ന് അറിയപ്പെടുന്നത്. ഇത് മാസങ്ങൾ അല്ലെങ്കിൽ വർഷങ്ങൾ കൊണ്ടാണ് സംഭവിക്കുന്നത്, ഉപരിതലത്തിന്റെ ഈടിനെ ബാധിക്കുന്ന വിള്ളലുകൾക്ക് ഇത് കാരണമാകും. ഡ്രൈയിംഗ് ഷ്രിങ്കേജിന്റെ ആഘാതം കുറയ്ക്കുന്നതിന്, ശരിയായ സിമന്റ്-ജല അനുപാതം ഉപയോഗിക്കുകയും ആദ്യത്തെ ഏതാനും ആഴ്ചകളിൽ കോൺക്രീറ്റിന് ശരിയായ ക്യൂറിംഗ് ഉറപ്പാക്കുകയും ചെയ്യേണ്ടത് പ്രധാനമാണ്.
സിമൻ്റ് ഉറയ്ക്കുമ്പോൾ അതിനുള്ളിൽ നടക്കുന്ന രാസപ്രവർത്തനങ്ങളാണ് കോൺക്രീറ്റിലെ ഈ ചുരുങ്ങലിന് കാരണം. താപനിലയോ ബാഷ്പീകരണമോ പോലുള്ള ബാഹ്യ ഘടകങ്ങളുടെ സ്വാധീനമില്ലാതെ തന്നെ ഈ പ്രതിപ്രവർത്തനങ്ങൾ കോൺക്രീറ്റിനെ ചുരുക്കുന്നു. ഉയർന്ന കരുത്തുള്ള കോൺക്രീറ്റ് ഉപയോഗിക്കുമ്പോൾ അല്ലെങ്കിൽ കുറഞ്ഞ സിമൻ്റ്-ജല അനുപാതം ഉപയോഗിക്കുമ്പോൾ ഇത് സാധാരണമാണ്. ഈ ചുരുങ്ങൽ ഫലപ്രദമായി കൈകാര്യം ചെയ്യാൻ, മിശ്രിത രൂപകൽപ്പന ക്രമീകരിക്കാൻ കഴിയുന്ന പരിചയസമ്പന്നനായ ഒരു കോൺട്രാക്ടറുടെ സാന്നിധ്യം ആവശ്യമാണ്.
കോൺക്രീറ്റ് ഒഴിക്കുമ്പോൾ, ഉള്ളിലെ രാസപ്രവർത്തനങ്ങളിൽ നിന്ന് താപം ഉത്പാദിപ്പിക്കപ്പെടുന്നു, ഇത് കോൺക്രീറ്റ് വികസിക്കാൻ കാരണമാകുന്നു. താപനില കുറയുമ്പോൾ, കോൺക്രീറ്റ് ചുരുങ്ങുന്നു. ഇതിന് താപനം മൂലമുള്ള ചുരുങ്ങൽ എന്ന് പറയുന്നു. വലിയ തോതിൽ കോൺക്രീറ്റ് മിശ്രിതം ഒഴിക്കേണ്ടി വരുന്നിടത്ത്, താപനില അതിവേഗം മാറുന്നതിനാൽ, ഇത് കൂടുതൽ ശ്രദ്ധേയമാണ്. താപനം മൂലമുള്ള ചുരുങ്ങൽ കുറയ്ക്കുന്നതിന്, കോൺക്രീറ്റിന്റെ താപനില നിയന്ത്രിക്കുകയും ശരിയായ ക്യൂറിംഗ് രീതികൾ പ്രയോഗിക്കുകയും വേണം.
വായിക്കുക: കോൺക്രീറ്റിലെ വിള്ളലുകളുടെ തരങ്ങൾ
കോൺക്രീറ്റിലെ ചുരുങ്ങൽ മൂലമുള്ള വിള്ളലുകൾ പ്രധാനമായും ഉണങ്ങുകയും ഉറയ്ക്കുകയും ചെയ്യുന്ന പ്രക്രിയയെ സ്വാധീനിക്കുന്ന ഘടകങ്ങൾ മൂലമാണ് ഉണ്ടാകുന്നത്:
മിശ്രിതത്തിൽ അമിതമായി വെള്ളം ചേർത്താൽ കോൺക്രീറ്റ് ദുർബലമാകും, ഇത് കൂടുതൽ ബാഷ്പീകരണത്തിനും ചുരുങ്ങലിനും തന്മൂലം വിള്ളലുകൾക്കും കാരണമാകും.
ചൂടുള്ളതും വരണ്ടതുമായ സാഹചര്യങ്ങളിൽ, കോൺക്രീറ്റ് വളരെ വേഗത്തിൽ ഉണങ്ങുകയും ഉപരിതലത്തിൽ വിള്ളലുകൾ ഉണ്ടാക്കുകയും ചെയ്യും. നനഞ്ഞ ചാക്ക് ഉപയോഗിച്ച് മൂടുന്നത് പോലുള്ള ശരിയായ ക്യൂറിംഗ് രീതികൾ ഇത് തടയാൻ സഹായിക്കും.
അപര്യാപ്തമായ ക്യൂറിംഗ് കോൺക്രീറ്റ് പൂർണ്ണമായി ബലപ്പെടുന്നതിൽ നിന്ന് തടയുന്നു, ഇത് ചുരുങ്ങൽ മൂലമുള്ള വിള്ളലുകളിലേക്ക് നയിക്കുന്നു.
അമിതമായ താപനില വ്യതിയാനങ്ങൾ താപനം മൂലമുള്ള ചുരുങ്ങലിന് കാരണമാകും, കോൺക്രീറ്റ് വികസിക്കുകയും ചുരുങ്ങുകയും ചെയ്യുന്നതിനാൽ, ഇത് വിള്ളലുകൾക്ക് കാരണമാകും.
സിമന്റ് തിരഞ്ഞെടുപ്പ് ചുരുങ്ങലിന്റെ അളവിനെ ബാധിക്കുന്നു. ഉയർന്ന പ്രതിപ്രവർത്തനമുള്ള സിമന്റ് സാധാരണ സിമന്റിനേക്കാൾ കൂടുതൽ ചുരുങ്ങിയേക്കാം.
കോൺക്രീറ്റ് നിർമ്മാണത്തിൽ സിമന്റ് ഒരു പ്രധാന ഘടകമാണ്, അതിനാൽ ശരിയായ തരം സിമന്റ് തിരഞ്ഞെടുക്കേണ്ടത് പ്രധാനമാണ്, കാരണം അത് പിന്നീട് മാറ്റാൻ കഴിയില്ല. കോൺക്രീറ്റിന്റെ ചുരുങ്ങലും വിള്ളലുകളും നിങ്ങളുടെ കെട്ടിടത്തിൻ്റെ ഉറപ്പിനെ ദുർബലപ്പെടുത്തും, എന്നാൽ ശരിയായ മുൻകരുതലുകളിലൂടെ ഈ ചെലവേറിയ പ്രശ്നങ്ങളിൽ നിന്ന് നിങ്ങളുടെ വീടിനെ സംരക്ഷിക്കാൻ നിങ്ങൾക്ക് കഴിയും.
ശരിയായ സിമന്റ്-ജല അനുപാതമുള്ള, ഉയർന്ന നിലവാരമുള്ള സിമന്റ് തിരഞ്ഞെടുക്കേണ്ടത് നിർണായകമാണ്. അമിതമായി വെള്ളം ചുരുങ്ങൽ വർദ്ധിക്കാൻ കാരണമാകും, എന്നാൽ വെള്ളം വളരെ കുറവാണെങ്കിൽ മിശ്രിതം കഠിനമാകും. ഒരു സന്തുലിത മിശ്രണം ചുരുങ്ങൽ മൂലമുള്ള വിള്ളലുകൾ ഒഴിവാക്കി ഈട് ഉറപ്പാക്കുന്നു.
ക്യൂറിംഗ് കോൺക്രീറ്റിനെ ഈർപ്പമുള്ളതായി നിലനിർത്തുകയും ക്രമേണ ബലം വർദ്ധിപ്പിക്കുകയും ചെയ്യുന്നു. ക്യൂറിംഗ് സമയത്ത് ദ്രുതഗതിയിലുള്ള ഉണങ്ങൽ വിള്ളലുകളിലേക്ക് നയിക്കുന്നു, അതിനാൽ നനഞ്ഞ ചാക്ക് അല്ലെങ്കിൽ വെള്ളം തളിക്കുന്നത് പോലുള്ള വിദ്യകൾ ഈർപ്പം നിലനിർത്താനും ചുരുങ്ങൽ തടയാനും സഹായിക്കുന്നു.
താപനിലയിലെ വ്യതിയാനങ്ങൾ താപനം മൂലമുള്ള ചുരുങ്ങലിന് കാരണമാകും. ഈ അപകടസാധ്യത കുറയ്ക്കുന്നതിന്, കോൺക്രീറ്റിൽ നേരിട്ടുള്ള സൂര്യപ്രകാശം ഒഴിവാക്കുകയും താപനില നിയന്ത്രിച്ചു കൊണ്ടുള്ള ക്യൂറിംഗ് ഉറപ്പാക്കുകയും ചെയ്യേണ്ടത് അത്യാവശ്യമാണ്.
ചില അധിക പദാർത്ഥങ്ങൾ കോൺക്രീറ്റിന്റെ ബലം നിലനിർത്തിക്കൊണ്ട് ചുരുങ്ങൽ കുറയ്ക്കാൻ സഹായിക്കുന്നു. മികച്ച ഫലങ്ങൾ നേടുന്നതിന് ഇവ ശരിയായ അനുപാതത്തിൽ ചേർക്കണം.
റീബാറുകൾ അല്ലെങ്കിൽ വയർ മെഷ് പോലുള്ള സ്റ്റീൽ റീഇൻഫോഴ്സ്മെന്റുകൾ ചേർക്കുന്നത് സമ്മർദ്ദം തുല്യമായി വിതരണം ചെയ്യാനും ചുരുങ്ങൽ മൂലമുണ്ടാകുന്ന വിള്ളലുകൾ തടയാനും സഹായിക്കുന്നു.
നിങ്ങളുടെ വീട് നിർമ്മിക്കാൻ നിങ്ങൾക്ക് ഒരു അവസരം മാത്രമേയുള്ളൂ, അതിനാൽ സിമന്റ്-ജല അനുപാതം ശരിയായി പ്രയോഗിക്കേണ്ടത് പ്രധാനമാണ്, കാരണം അത് ഒരു നല്ല കോൺക്രീറ്റ് അടിത്തറയ്ക്ക് അത്യന്താപേക്ഷിതമാണ്. കോൺക്രീറ്റ് ഉണങ്ങൽ മൂലമുള്ള ചുരുങ്ങലിന്റെ അപകടസാധ്യതകൾ നേരത്തെ പരിഹരിക്കുന്നതിലൂടെ, നിങ്ങളുടെ നിക്ഷേപം കാലത്തെ അതിജീവിക്കുന്ന, ബലവും ഈടുമുള്ള ഒരു വീടിനുവേണ്ടിയാണെന്നത് ഉറപ്പാക്കാനാകും.
ചുരുങ്ങൽ മൂലമുള്ള വിള്ളലുകൾ എല്ലായ്പ്പോഴും ഒരു തകരാറല്ല; അത് ഈർപ്പം നഷ്ടപ്പെടുന്നതിന്റെ സ്വാഭാവിക ഫലമാണ്. എന്നിരുന്നാലും, അമിതമായതോ ആഴത്തിലുള്ളതോ ആയ വിള്ളലുകൾ സൂചിപ്പിക്കുന്നത് മോശം നിർമ്മാണ രീതികൾ അല്ലെങ്കിൽ സിമന്റിന്റെ ഗുണനിലവാരമില്ലായ്മയാകാം.
ശരിയായ സിമന്റ്-ജല അനുപാതം നിലനിർത്തുക, കോൺക്രീറ്റ് ഫലപ്രദമായി ക്യൂർ ചെയ്യുക, മിശ്രിതത്തിൽ ചുരുങ്ങൽ കുറയ്ക്കുന്ന അധിക പദാർത്ഥങ്ങൾ ഉപയോഗിക്കുക എന്നിവയിലൂടെ ചുരുങ്ങൽ മൂലമുള്ള വിള്ളലുകൾ തടയാം.
ഈർപ്പ ബാഷ്പീകരണം, അപര്യാപ്തമായ ക്യൂറിംഗ്, ഹൈഡ്രേഷൻ സമയത്തെ രാസപ്രവർത്തനങ്ങൾ എന്നിവയാണ് സിമന്റിൽ ചുരുങ്ങലിന് കാരണമാകുന്നത്. പാരിസ്ഥിതിക ഘടകങ്ങളും ഈ പ്രക്രിയയുടെ ആക്കം കൂട്ടിയേക്കാം.
അതെ, എപോക്സി ഇൻജക്ഷനുകൾ, സർഫസ് ട്രീറ്റ്മെന്റ് അല്ലെങ്കിൽ ഓവർലേകൾ എന്നിവ ഉപയോഗിച്ച് ചുരുങ്ങൽ മൂലമുള്ള വിള്ളലുകൾ ശരിയാക്കാനും കോൺക്രീറ്റിൻ്റെ ബലവും ഭംഗിയും പുനഃസ്ഥാപിക്കാനും കഴിയും.
ചുരുങ്ങൽ മൂലമുള്ള വിള്ളലുകൾ ഉപരിതലത്തിൽ മാത്രം കാണുന്നതും വ്യാപ്ത മാറ്റങ്ങൾ മൂലമുണ്ടാകുന്നതുമാണ്, അതേസമയം ഘടനാപരമായ വിള്ളലുകൾ നിങ്ങളുടെ വീടിൻ്റെ ഭദ്രതയെ ബാധിക്കുന്നതിനാൽ അടിയന്തിര ശ്രദ്ധ ആവശ്യമാണ്.
