Share:
ವಿವಿಧ ಬಗೆಯ ವೈರಿಂಗುಗಳು ನಿಮ್ಮ ಮನೆಯ ವಿನ್ಯಾಸ ಮತ್ತು ಅವಶ್ಯಕತೆಗೆ ಅನುಗುಣವಾಗಿ ಬೇರೆ ಬೇರೆ ಉದ್ದೇಶಗಳನ್ನು ಪೊರೈಸುತ್ತವೆ.
ಕೇಸಿಂಗ್ ಮತ್ತು ಕ್ಯಾಪಿಂಗ್ ವೈರಿಂಗ್ ರಿಪೇರಿ ಮಾಡಲು ಸುಲಭ ಆದರೆ ಅವುಗಳು ದೊಡ್ಡದಾಗಿ ಕಾಣುವುದರಿಂದ ಆಧುನಿಕ ಮನೆಗಳಿಗೆ ಯೋಗ್ಯವಲ್ಲ.
ಕಾಂಡುಯಿಟ್ ವೈರಿಂಗ್ ದೀರ್ಘಬಾಳಿಕೆ ಮತ್ತು ಸುರಕ್ಷತೆಗೆ ಹೆಸರಾಗಿದ್ದು, ವೃತ್ತಿಪರ ಇನ್ಸ್ಟಾಲೇಶನ್ ಅಗತ್ಯವಿದ್ದರೂ ಸಹ ಆಧುನಿಕ ಮನೆಗಳಿಗೆ ಸೂಕ್ತವಾಗಿದೆ.
ಕಡಿಮೆ ವೋಲ್ಟೇಜಿನ ವೈರಿಂಗ್ ಶಕ್ತಿಯ ಮಿತವ್ಯಯಕ್ಕೆ ಹೆಸರಾಗಿದೆಯಾದರೂ ಲೈಟಿಂಗ್ ಮತ್ತು ಡೋರ್ ಬೆಲ್ ಮೊದಲಾದ ಕಡಿಮೆ ಪವರ್ ಬೇಡುವ ಉಪಕರಣಗಳಿಗಷ್ಟೇ ಬಳಸಬಹುದಾಗಿದೆ.
ಕ್ಲೀಟ್ ವೈರಿಂಗ್ ತಾತ್ಕಾಲಿಕ ಮತ್ತು ಕಡಿಮೆ ವೆಚ್ಚದ್ದಾಗಿದೆ ಆದರೆ ಇದಕ್ಕೆ ದೀರ್ಘಬಾಳಿಕೆ ಮತ್ತು ಸುರಕ್ಶತೆಯಾಗಲಿ ಇಲ್ಲ.
ವೈರುಗಳ ವರ್ಣ ಕೋಡ್ಗಳನ್ನು ತಿಳಿದುಕೊಳ್ಳುವುದರಿಂದ ಸುರಕ್ಷಿತ ಇನ್ಸ್ಟಾಲೇಷನ್ ಮತ್ತು ಸರಿಯಾದ ಇಲೆಕ್ಟ್ರಿಕಲ್ ಕನೆಕ್ಶನ್ ಮಾಡುವುದು ಸಾಧ್ಯ.
ಇಲೆಕ್ಟ್ರಿಕಲ್ ಔಟ್‌ಲೆಟ್‌ಗಳ ಸೂಕ್ತ ನಿಯೋಜನೆ ಸರ್ಕ್ಯೂಟ್ ಓವರ್‍ಲೋಡಿಂಗನ್ನು ತಡೆಯುವುದಲ್ಲದೇ ಅನುಕೂಲಕರವೂ ಆಗಿದೆ.
ಆಯಾ ಮನೆಗಳ ಅವಶ್ಯಕತೆ, ರಚನೆ ಮತ್ತು ವಿನ್ಯಾಸಕ್ಕೆ ಅನುಗುಣವಾಗಿ ವಿವಿಧ ಮನೆಗಳ ವೈರಿಂಗಿನ ವಿಧಗಳು ಬೇರೆ ಬೇರೆ ಉದ್ದೇಶಗಳನ್ನು ಪೊರೈಸುತ್ತವೆ. ಗೃಹನಿರ್ಮಾಣದಲ್ಲಿ ಸಾಮಾನ್ಯವಾಗಿ ಬಳಕೆಯಾಗುವ ಇಲೆಕ್ಟ್ರಿಕಲ್ ವೈರಿಂಗ್ ವ್ಯವಸ್ಥೆಗಳ ಬಗ್ಗೆ ತಿಳಿದುಕೊಳ್ಳೋಣ:
ಹಳೆಯ ಮನೆಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತಿದ್ದ ಕೇಸಿಂಗ್ ಮತ್ತು ಕ್ಯಾಪಿಂಗ್ ವೈರಿಂಗಿನಲ್ಲಿ ಮರದ ಅಥವಾ ಪಿವಿಸಿ ಕೇಸಿಂಗ್‍ಗಳ ಒಳಗೆ ವೈರುಗಳನ್ನು ಎಳೆದು ಕ್ಯಾಪ್‍ನಿಂದ ಮುಚ್ಚಲಾಗುತ್ತಿತ್ತು. ಆಧುನಿಕ ಮನೆಗಳಲ್ಲಿ ಇದರ ಬಳಕೆ ಕಡಿಮೆ, ಏಕೆಂದರೆ ಇದರ ಗಾತ್ರ ದೊಡ್ಡದಾಗಿದ್ದು ಸುರಕ್ಷತೆಯೂ ನಿಯಮಿತವಾಗಿದೆ.
ರಿಪೇರಿ ಮಾಡಲು ಮತ್ತು ಬದಲಾಯಿಸಲು ಸುಲಭ.
ಹೊರಗಿನ ವಾತಾವರಣದಿಂದ ರಕ್ಷಣೆಯನ್ನು ನೀಡುತ್ತದೆ.
ತೇವಾಂಶವನ್ನು ತಡೆಯುವುದರಲ್ಲಿ ವಿಫಲವಾಗುತ್ತದೆ.
ಕಾಂಡುಯಿಟ್ ವೈರಿಂಗ್ ಸಾಮಾನ್ಯವಾಗಿ ಬಳಸುವ ವೈರಿಂಗಿನ ವಿಧವಾಗಿದ್ದು ಅತ್ಯಂತ ದೀರ್ಘಬಾಳಿಕೆಯ ವಿಧವಾಗಿದೆ.ವೈರುಗಳನ್ನು ಪಿವಿಸಿ ಅಥವಾ ಲೋಹದ ಕಾಂಡುಯಿಟ್‍ಗಳನ್ನು ಬಳಸಿ ಮುಚ್ಚುವುದರಿಂದ ಸುರಕ್ಷತೆ ಮತ್ತು ದೀರ್ಘಾಯುಷ್ಯದ ದೃಷ್ಟಿಯಿಂದ ಅತ್ಯುತ್ತಮ ಆಯ್ಕೆಯಾಗಿದೆ.
ದೀರ್ಘಬಾಳಿಕೆ ಮತ್ತು ತೇವಾಂಶದಿಂದ ರಕ್ಷಣೆ.
ವೈರಿಂಗ್ ಮರೆಮಾಡಲ್ಪಟ್ಟಿರುವುದರಿಂದ ಸೌಂದರ್ಯದ ದೃಷ್ಟಿಯಿಂದಲೂ ಉತ್ತಮ.
ಅಧಿಕ ಇನ್ಸ್ಟಾಲೇಷನ್ ವೆಚ್ಚ.
ಡೋರ್ ಬೆಲ್, ಇಂಟರ್‍‌ಕಾಮ್ ಅಥವಾ ಲ್ಯಾಂಡ್‍ಸ್ಕೇಪ್ ದೀಪಗಳಂತಹ ಕಡಿಮೆ ವೋಲ್ಟೇಜನ್ನು ಬಯಸುವ ಉಪಕರಣಗಳಿಗೆ ಈ ಬಗೆಯ ವೈರಿಂಗನ್ನು ಬಳಸಬಹುದು. ಈ ಬಗೆಯ ವೈರಿಂಗ್ ಬಳಕೆಗೆ ಅತ್ಯಂತ ಸುರಕ್ಷಿತ ಮತ್ತು ಬಹೂಪಯೋಗಿ.
ಶಕ್ತಿಯ ಮಿತವ್ಯಯದ ದೃಷ್ಟಿಯಿಂದ ಸಮರ್ಥವಾಗಿದೆ.
ಇನ್ಸ್ಟಾಲ್ ಮಾಡಲು ಸರಳ ಮತ್ತು ಸುಲಭ.
ಕಡಿಮೆ ವೋಲ್ಟೇಜ್ ಉಪಕರಣಗಳಿಗಷ್ಟೇ ಸೀಮಿತ.
ಕ್ಲೀಟ್ ವೈರಿಂಗಿನಲ್ಲಿ ಇನ್ಸುಲೇಟ್ ಮಾಡಲಾದ ವೈರುಗಳನ್ನು ಪಿಂಗಾಣಿ, ಪ್ಲಾಸ್ಟಿಕ್ ಅಥವಾ ಮರದ ಕ್ಲೀಟ್‍ಗಳ ಒಳಗಿಂದ ಎಳೆಯಲಾಗುತ್ತದೆ.ಇದನ್ನು ನಿರ್ಮಾಣದ ಸಮಯದಲ್ಲಿ ತಾತ್ಕಾಲಿಕ ವ್ಯವಸ್ಥೆಯಾಗಿ ಬಳಸಲಾಗುತ್ತದೆಯೇ ಹೊರತು ಮನೆಯ ಶಾಶ್ವತ ವೈರಿಂಗ್ ವ್ಯವಸ್ಥೆಯಾಗಿ ಆಲ್ಲ.
ಕಡಿಮೆ ಇನ್ಸ್ಟಾಲೇಷನ್ ವೆಚ್ಚ
ಮುಂದೆ ಅವಶ್ಯಕತೆ ಇಲ್ಲವೆನಿಸಿದರೆ ಸುಲಭವಾಗಿ ಕಳಚಿಡಬಹುದು.
ದೀರ್ಘಕಾಲೀನ ಬಳಕೆಗೆ ಸೂಕ್ತವಲ್ಲ.
ಮನೆಯ ವೈರಿಂಗ್ ವ್ಯವಸ್ಥೆಯ ಸುರಕ್ಷಿತ ಇನ್ಸ್ಟಾಲೇಷನ್ ಮತ್ತು ಸಮಸ್ಯೆಗಳ ಸುಲಭ ಪರಿಹಾರಕ್ಕೆ ವೈರುಗಳ ವರ್ಣ ಕೋಡ್ಗಳನ್ನು ಅರಿತುಕೊಳ್ಳುವುದು ಬಹುಮುಖ್ಯ. ಈ ಬಣ್ಣಗಳು ವೈರ್ಗಳ ಸರಿಯಾದ ಗುರುತಿಸುವಿಕೆ ಮತ್ತು ಜೋಡನೆಗೆ ನೆರವಾಗುತ್ತವೆ. ಸಾಮಾನ್ಯವಾಗಿ ಬಳಕೆಯಾಗುವ ವರ್ಣ ಕೋಡ್‍ಗಳ ಸಂಕ್ಷಿಪ್ತ ವಿವರಣೆ ಇಂತಿದೆ:
ಇಲೆಕ್ಟ್ರಿಕ್ ಔಟ್‌ಲೆಟ್‌ಗಳನ್ನು ಸರಿಯಾಗಿ ಯೋಜಿಸುವುದು ಸಹ ವೈರಿಂಗಿನ ಆಯ್ಕೆಯಷ್ಟೇ ಮುಖ್ಯ. ಔಟ್‌ಲೆಟ್‌ಗಳನ್ನು ಸರಿಯಾದ ಜಾಗದಲ್ಲಿರಿಸುವುದು ಅನುಕೂಲತೆಯ ದೃಷ್ಟಿಯಿಂದ ಮತ್ತು ಸರ್ಕ್ಯೂಟ್ ಓವರ್‌ಲೋಡಿಂಗ್ ತಡೆಯುವ ದೃಷ್ಟಿಯಿಂದ ಅವಶ್ಯಕ. ಬೇರೆ ಬೇರೆ ಕೊಠಡಿಗಳಲ್ಲಿ ಔಟ್‍ಲೆಟ್ ಇರಿಸುವ ಕುರಿತು ಸಾಮಾನ್ಯ ಸೂಚನೆಗಳು ಈ ಕೆಳಕಂಡಂತಿವೆ.
ಲಿವಿಂಗ್ ರೂಮ್: ಔಟ್‌ಲೆಟ್‌ಗಳನ್ನು ಫಾಲ್ಸ್ ಸೀಲಿಂಗ್‍ಗಳು, ದೊಡ್ಡ ಪೀಠೋಪಕರಣಗಳು, ಟಿವಿ ಮೊದಲಾದ ಮನರಂಜನಾ ವಸ್ತುಗಳ ಹಿಂಭಾಗದಲ್ಲಿ ಇರಿಸಿ. ಪ್ರತೀ 12 ಅಡಿಗೆ ಕನಿಷ್ಠ ಒಂದು ಔಟ್‍ಲೆಟ್ ಇರಲಿ.
ಅಡುಗೆಮನೆ : ಕೌಂಟರ್‌ಟಾಪ್‍ಗಳ ಬಳಿ ಅನೇಕ ಔಟ್‌ಲೆಟ್‌ಗಳನ್ನು ಇರಿಸಿ. ಅಧಿಕ ಪವರ್‌ನ ಉಪಕರಣಗಳಿಗೆ ಪ್ರತ್ಯೇಕ ಸರ್ಕ್ಯೂಟ್‍ಗಳು ಇರಲಿ.
ಮಲಗುವ ಕೋಣೆ: ಚಾರ್ಜರ್ ಮತ್ತು ದೀಪದ ಬಳಕೆಗೆ ಅನುಕೂಲವಾಗುವಂತೆ ಹಾಸಿಗೆಯ ಬಳಿ ಮತ್ತು ಡ್ರೆಸ್ಸರ್‌ನ ಬಳಿ ಔಟ್‌ಲೆಟ್‌ಗಳನ್ನು ಸ್ಥಾಪಿಸಿ.
ಮನೆಗಳ ವೈರಿಂಗ್ ಮಾಡುವ ಸಂದರ್ಭದಲ್ಲಿ ವಿದ್ಯುತ್ ಸುರಕ್ಷತಾ ನಿಯಮಗಳು ಮತ್ತು ಪ್ರೊಟೊಕಾಲ್‍ಗಳಿಗೆ ಕಡ್ಡಾಯವಾಗಿ ಬದ್ಧರಾಗಿರಬೇಕಾಗುತ್ತದೆ. ಇಲ್ಲದಿದ್ದರೆ ವಿದ್ಯುತ್ ಶಾಕ್, ಬೆಂಕಿ ಅವಾ ಇತರೆ ಅವಗಢಗಳು ಸಂಭವಿಸಬಹುದು. ಸುರಕ್ಷತೆ ಮತ್ತು ನಿಯಮಪಾಲನೆಯ ಕುರಿತಾದ ಕೆಲವು ಪ್ರಮುಖ ಅಂಶಗಳು ಇಂತಿವೆ :
ವೈರ್ಗಳ ಗಾತ್ರ: ವಿದ್ಯುತ್ ಲೋಡ್‍ಗೆ ಅನುಗುಣವಾಗಿ ಯಾವಾಗಲೂ ಸರಿಯಾದ ಗಾತ್ರದ ವೈರ್‌ಗಳನ್ನೇ ಉಪಯೋಗಿಸಿ. ಕಡಿಮೆ ಗಾತ್ರದ ವೈರ್‌ಗಳಿಂದ ಓವರ್ ಹೀಟಿಂಗ್ ಆಗಬಹುದು.
ಕಟ್ಟಡ ನಿಯಮ : ಸ್ಥಳೀಯ ನೀತಿ ನಿಯಮಗಳನ್ನು ಸರಿಯಾಗಿ ಪಾಲಿಸುವ ಮೂಲಕ ನಿಮ್ಮ ಮನೆಯ ಇಲೆಕ್ಟ್ರಿಕ್ ವೈರಿಂಗ್ ಎಲ್ಲ ನಿಯಮಾವಳಿಗಳಿಗೆ ಬದ್ದವಾಗಿದೆಯೆಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ಇನ್ಸ್ಟಾಲೇಷನ್ ಕೆಲಸಗಳಿಗೆ ಪರವಾನಗಿ ಹೊಂದಿದ ಎಲೆಕ್ಟ್ರಿಷಿಯನ್‍ಗಳನ್ನೇ ನೇಮಿಸಿಕೊಳ್ಳಿ.
ಜಿಎಫ್‍ಸಿಐ ಅಳವಡಿಕೆ : ತೇವಾಂಶ ಇರಬಹುದಾದ ಜಾಗಗಳಾದ ಸ್ನಾನಗೃಹ, ಅಡುಗೆಮನೆ ಮತ್ತು ಹೊರಾಂಗಣಗಳಲ್ಲಿ ವಿದ್ಯುತ್ ಅವಘಢಗಳನ್ನು ತಡೆಗಟ್ಟಲು ಜಿಎಪ್‍ಸಿಐ ಔಟ್‌ಲೆಟ್‌ಗಳನ್ನು ಅಳವಡಿಸಿ.
ನಿಮ್ಮ ಮನೆಯಲ್ಲಿ ಸುರಕ್ಷಿತ ಮತ್ತು ಸಕ್ಷಮ ಇಲೆಕ್ಟ್ರಿಕಲ್ ವ್ಯವಸ್ಥೆಯನ್ನು ಹೊಂದಲು ವೈರಿಂಗಿನ ವಿಧಗಳನ್ನು ತಿಳಿದುಕೊಳ್ಳುವುದು, ಸೂಕ್ತ ಇಲೆಕ್ಟ್ರಿಕ್ ವಿನ್ಯಾಸದ ಯೋಜನೆ ಮತ್ತು ಸುರಕ್ಷತಾ ನಿಯಮಗಳ ಪಾಲನೆ ಇವೆಲ್ಲವೂ ನಿರ್ಣಾಯಕ ಅಂಶಗಳಾಗಿವೆ. ಅತ್ಯುತ್ತಮ ಗುಣಮಟ್ಟದ ಮತ್ತು ಸೂಕ್ತ ವಿಧದ ಇಲೆಕ್ಟ್ರಿಕ್ ವೈರ್‌ನ ಆಯ್ಕೆಯಿಂದ ಹಿಡಿದು ಇಲೆಕ್ಟ್ರಿಕಲ್ ಔಟ್‍ಲೆಟ್ಟನ್ನು ಸರಿಯಾದ ಕಡೆ ಸ್ಥಾಪಿಸುವ ತನಕ ನಿಮ್ಮ ಪ್ರತಿಯೊಂದು ನಿರ್ಧಾರವೂ ಮನೆಯ ಸುರಕ್ಷತೆ ಮತ್ತು ಅನುಕೂಲಕ್ಕೆ ಅವಶ್ಯಕ.
ಮನೆಯಲ್ಲಿ ಬಳಸುವ ವೈರಿಂಗ್ ವ್ಯವಸ್ಥೆಯ ವಿಧಗಳೆಂದರೆ, ಕೇಸಿಂಗ್ ಮತ್ತು ಕ್ಯಾಪಿಂಗ್ ವೈರಿಂಗ್, ಕಾಂಡುಯಿಟ್ ವೈರಿಂಗ್, ಕಡಿಮೆ ವೋಲ್ಟೇಜ್ ವೈರಿಂಗ್ ಮತ್ತು ಕ್ಲೀಟ್ ವೈರಿಂಗ್. ಈ ಎಲ್ಲಾ ವಿಧಗಳು ಮನೆಯ ನಿರ್ದಿಷ್ಟ ಅವಶ್ಯಕತೆಗೆ ಅನುಗುಣವಾಗಿ ವಿವಿಧ ಉದ್ದೇಶಗಳನ್ನು ಪೊರೈಸುತ್ತವೆ.
ಮನೆಯಲ್ಲಿ ಅಳವಡಿಸಲು ಅತ್ಯುತ್ತಮ ವೈರಿಂಗ್ ಯಾವುದೆಂಬುದು ನಿಮ್ಮನಿರ್ದಿಷ್ಟ ಅವಶ್ಯಕತೆಗಳ ಮೇಲೆ ಅವಲಂಬಿತವಾಗಿರುತ್ತದೆ, ಆದರೆ ಸಾಮಾನ್ಯವಾಗಿ, ಸುರಕ್ಷತೆ ಮತ್ತು ದೀರ್ಘಬಾಳಿಕೆಯ ದೃಷ್ಟಿಯಿಂದ ಕಾಂಡುಯಿಟ್ ವೈರಿಂಗಿಗೆ ಆದ್ಯತೆ ನೀಡಲಾಗುತ್ತದೆ. ಮನೆಯ ಭದ್ರತಾ ವ್ಯವಸ್ಥೆ ಮತ್ತು ಲೈಟಿಂಗ್ ಮೊದಲಾದವುಗಳಿಗೆ ಕಡಿಮೆ ವೋಲ್ಟೇಜ್ ವೈರಿಂಗ್ ಸೂಕ್ತ.
ಆಯಾ ಕೊಠಡಿಗಳ ಅವಶ್ಯಕತೆಗೆ ತಕ್ಕಂತೆ ಇಲೆಕ್ಟ್ರಿಕಲ್ ಔಟ್‌ಲೆಟ್‌ಗಳನ್ನು ಸೂಕ್ತ ಜಾಗದಲ್ಲಿ ಇರಿಸಬೇಕು. ಉದಾಹರಣೆಗೆ ಅಡುಗೆಮನೆಯಲ್ಲಿ ಕೌಂಟರ್‌ಗಳ ಸಮೀಪ ಅನೇಕ ಔಟ್‌ಲೆಟ್‌ಗಳು ಬೇಕಾದರೆ, ಲಿವಿಂಗ್ ರೂಮಿನಲ್ಲಿ ಮನರಂಜನಾ ಸಾಧನಗಳ ಹಿಂಭಾಗದಲ್ಲಿ ಔಟ್‌ಲೆಟ್‌ಗಳ ಅವಶ್ಯಕತೆಯೊರುತ್ತದೆ. ಮಲಗುವ ಕೋಣೆ ಮತ್ತು ಸ್ನಾನಗಹದಲ್ಲಿ ಸಹ ನೀರಿನ ಮೂಲಗಳಿಂದ ದೂರದಲ್ಲಿ ಸೂಕ್ತ ಸ್ಥಳದಲ್ಲಿ ಔಟ್‌ಲೆಟ್‌ಗಳು ಬೇಕಾಗುತ್ತವೆ.
ಎಲೆಕ್ಟ್ರಿಕ್ ಔಟ್‌ಲೆಟ್‌ಗಳನ್ನು ಉಪಯೋಗಿಸಲು ಸುಲಭವಾಗುವಂತಹ ಸ್ಥಳಗಳಲ್ಲಿ ವ್ಯವಸ್ಥಿತವಾಗಿ, ಎಕ್ಸ್ಟೆನ್ಷನ್ ಕಾಡ್‍ಗಳ ಅತಿಯಾದ ಬಳಕೆಗೆ ಆಸ್ಪದ ನೀಡದಂತೆ ಸ್ಥಾಪಿಸಬೇಕು. ಔಟ್‌ಲೆಟ್‌ಗಳ ನಡುವೆ ಸ್ಥಳೀಯ ನಿಯಮಗಳಿಗೆ ಅನುಸಾರವಾಗಿ ಸೂಕ್ತ ಅಂತರವಿರಬೇಕು ಮತ್ತು ಹೆಚ್ಚು ಪವರ್ ಬೇಡುವ ಅಡುಗೆಮನೆ ಮೊದಲಾದ ಜಾಗಗಳಿಗೆ ಪ್ರತ್ಯೇಕ ಸರ್ಕ್ಯೂಟ್ ಇರಬೇಕು.
ವ್ಯಾಪಕವಾಗಿ ಬಳಕೆಯಲ್ಲಿರುವ ವೈರಿಂಗಿನ ವರ್ಣ ಕೋಡ್‍ಗಳೆಂದರೆ ಕಪ್ಪು(ಲೈವ್), ಕೆಂಪು (ಸೆಕಂಡರಿ ಲೈವ್) ಮತ್ತು ಹಸಿರು ಅಥವಾ ಬರಿಯ ತಾಮ್ರ(ಗ್ರೌಂಡ್).ಈ ಕೋಡ್‍ಗಳು ಇಲೆಕ್ಟ್ರಿಷಿಯನ್ ಮತ್ತು ಮನೆಯ ಮಾಲಿಕರಿಗೆ ಸುರಕ್ಷಿತ ಮತ್ತು ಸಕ್ಷಮ ವಿದ್ಯುತ್ ವ್ಯವಸ್ಥೆಯನ್ನು ಕಾಯ್ದುಕೊಳ್ಳಲು ಸಹಾಯ ಮಾಡುತ್ತವೆ.
ಕಾಂಡುಯಿಟ್ ವೈರಿಂಗ್ ಆಧುನಿಕ ಮನೆಗಳಲ್ಲಿ ಸಾಮಾನ್ಯವಾಗಿ ಬಳಸುವ ವೈರಿಂಗಿನ ವಿಧವಾಗಿದ್ದು ಅತ್ಯಂತ ದೀರ್ಘಬಾಳಿಕೆಯ ಮತ್ತು ಸುರಕ್ಷಿತ ವಿಧವಾಗಿದೆ. ಇತರೆ ವಿಧಗಳಾದ ಕಡಿಮೆ ವೋಲ್ಟೇಜ್ ಅಥವಾ ಕ್ಲೀಟ್ ವೈರಿಂಗ್ ವಿಧಾನಗಳು ಸಹ ನಿರ್ದಿಷ್ಟ ಉದ್ದೇಶಗಳಿಗಾಗಿ ಬಳಕೆಯಾಗುತ್ತವೆ. ಯಾವ ಬಗೆಯ ವೈರನ್ನು ಮನೆಯಲ್ಲಿ ಬಳಸಲಾಗಿದೆ ಎಂಬುದನ್ನು ತಿಳಿಯುವುದು ಸುರಕ್ಷತೆ ಮತ್ತು ಕ್ಷಮತೆಯ ದೃಷ್ಟಿಯಿಂದ ಅವಶ್ಯಕ.
