Share:
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଉପାଦେୟ ଟୁଲ୍ସ
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଅଲ୍ଟ୍ରାଟେକ୍ ବିଲଡିଂ ପ୍ରଡକ୍ଟସ୍
Share:
ଆପଣଙ୍କ ଘରର ଲେ’ଆଉଟ୍ ଓ ଆବଶ୍ୟକତା ଉପରେ ନିର୍ଭର କରି ବିଭିନ୍ନ ପ୍ରକାର ବୈଦ୍ୟୁତିକ ଓୟାରିଂ ଭିନ୍ନ ଭିନ୍ନ ଉଦ୍ଦେଶ୍ୟ ସାଧନ କରିଥାଏ ।
କେସିଂ ଓ କ୍ୟାପିଂ ଓୟାରିଂକୁ ମରାମତି କରିବା ତ ସହଜ କିନ୍ତୁ ସୁଗୁଡ଼ିକର ପୃଥୁଳାକାୟ ରୂପ ପାଇଁ ସେଗୁଡ଼ିକ ଆଧୁନିକ ଇଣ୍ଟେରିୟର୍ ପାଇଁ ଅନୁପଯୁକ୍ତ ହୋଇଥାଏ ।
କଣ୍ଡୁଇଟ୍ ବା ନଳ ଦ୍ୱାରା ଘୋଡ଼ା ହୋଇଥିବା ଓୟାରିଂ ଉଚ୍ଚ ସ୍ଥାୟିତ୍ୱ ଓ ସୁରକ୍ଷା ପ୍ରଦାନ କରୁଥିବାରୁ ତାହା ଆଧୁନିକ ଘରଗୁଡ଼ିକ ପାଇଁ ଆଦର୍ଶ ହୋଇଥାଏ । କିନ୍ତୁ ଏହାକୁ ସ୍ଥାପନ କରିବା ପାଇଁ ପେସାଦାରଙ୍କ ସହାୟତା ଆବଶ୍ୟକ ହୋଇଥାଏ ।
ଲୋ-ଭୋଲ୍ଟେଜ୍ ଓୟାରିଂ ଶକ୍ତିଦକ୍ଷ ଓ ବହୁମୁଖୀ ବା କୁଶଳୀ ହୋଇଥାଏ କିନ୍ତୁ ତାହାକୁ କେବଳ ଆଲୋକ ଓ ଡୋରବେଲ୍ ଭଳି କମ୍ ଶକ୍ତି ଆବଶ୍ୟକ ହେଉଥିବା ଉଦ୍ଦେଶ୍ୟରେ ବ୍ୟବହାର କରାଯାଇପାରିଥାଏ ।
କ୍ଲିଟ୍ ଓୟାରିଂ ଅସ୍ଥାୟୀ, ଶସ୍ତା ସମାଧାନ ଅଟେ କିନ୍ତୁ ତାହା ଦୀର୍ଘମିଆଦୀ ସ୍ଥାୟିତ୍ୱ ଓ ସୁରକ୍ଷା ଯୋଗାଇ ନ ଥାଏ ।
ତାର ବା ଓୟାର୍ ଗୁଡ଼ିକର ରଙ୍ଗ କୋଡଗୁଡ଼ିକୁ ବୁଝିଲେ ସୁରକ୍ଷିତ ସ୍ଥାପନା ଏବଂ ଉପଯୁକ୍ତ ବୈଦ୍ୟୁତିକ ସଂଯୋଗ ସୁନିଶ୍ଚିତ ହୋଇଥାଏ ।
ବୈଦ୍ୟୁତିକ ଆଉଟଲେଟଗୁଡ଼ିକର ରଣନୀତିପୂର୍ଣ୍ଣ ସ୍ଥାପନା ଦ୍ୱାରା ସୁବିଧାରେ ଉନ୍ନତି ହୋଇଥାଏ ଏବଂ ସର୍କିଟ୍ ଓଭରଲୋଡିଂ ପ୍ରତିରୋଧ ହୋଇଥାଏ ।
ଘରର ଆବଶ୍ୟକତା, ଢାଞ୍ଚା ଓ ଲେ’ଆଉଟ୍ ଉପରେ ନିର୍ଭର କରି ପ୍ରତ୍ୟେକ ଘରେ ବୈଦ୍ୟୁତିକ ଓୟାରିଂର ଆବଶ୍ୟକତା ଭିନ୍ନ ଭିନ୍ନ ହୋଇଥାଏ । ଆସନ୍ତୁ, ଗୃହ ନିର୍ମାଣ ପ୍ରକ୍ରିୟାରେ ବୈଦ୍ୟୁତିକ ଓୟାରିଂ ପ୍ରଣାଳୀ ନିମନ୍ତେ ବିଚାରକୁ ନିଆଯାଉଥିବା ସବୁଠାରୁ ସାଧାରଣ ଗୃହ ବୈଦ୍ୟୁତିକ ଓୟାରିଂ ପ୍ରଣାଳୀକୁ ବିଶଦ ଭାବେ ବୁଝିବା:
ପୁରୁଣାକାଳିଆ ଘରଗୁଡ଼ିକରେ ପୂର୍ବରୁ ବହୁଳ ଭାବେ ବ୍ୟବହୃତ ହେଉଥିବା କେସିଂ ଓ କ୍ୟାପିଂ ଓୟାରିଂରେ ଏକ କାଠ କିମ୍ବା ପିଭିସି କେସିଂ ବା ଖୋଳ ଉପରେ ତାରଗୁଡ଼ିକୁ ଟଣାଯାଇଥାଏ ଓ ତାର ଉପରେ କ୍ୟାପ୍ ଲଗାଇ ତାହାକୁ ବନ୍ଧାଯାଇଥାଏ । ତାହାର ସ୍ଥୁଳକାୟ ରୂପ କାରଣରୁ ଆଜିକାଲିର ଆଧୁନିକ ଘରେ ତାହାକୁ ଖୁବ୍ କ୍ୱଚିତ୍ ଭାବେ ବ୍ୟବହାର କରାଯାଉଛି ଏବଂ ତାହା ଏତେ ସୁରକ୍ଷିତ ମଧ୍ୟ ହୋଇ ନଥାଏ ।
ମରାମତି କିମ୍ବା ବଦଳାଇାବ ସହଜ ।
ବାହ୍ୟ ପରିବେଶରୁ ଏକ ନିର୍ଦ୍ଦିଷ୍ଟ ସ୍ତର ପର୍ଯ୍ୟନ୍ତ ସୁରକ୍ଷା ଯୋଗାଇଥାଏ ।
ଆର୍ଦ୍ରତାକୁ ଭଲଭାବେ ସହିପାରି ନ ଥାଏ ।
କଣ୍ଡୁଇଟ୍ ଓୟାରିଂ ସବୁଠାରୁ ଦୀର୍ଘସ୍ଥାୟୀ ଏବଂ ସାଧାରଣ ପ୍ରକାରର ବୈଦ୍ୟୁତିକ ଓୟାରିଂ ଅଟେ । ତାରଗୁଡ଼ିକୁ ପିଭିସି କିମ୍ବା ଧାତବ କଣ୍ଡୁଇଟ୍ ବା ନଳ ଦ୍ୱାରା ସୁରକ୍ଷିତ କରାଯାଏ, ତେଣୁ ତାହା ଉଭୟ ସୁରକ୍ଷା ଓ ସ୍ଥାୟିତ୍ୱ ପାଇଁ ଏକ ଆଦର୍ଶ ବିକଳ୍ପରେ ପରିଣତ ହୋଇଥାଏ ।
ଉଚ୍ଚ ସ୍ଥାୟିତ୍ୱ ଏବଂ ଆର୍ଦ୍ରତାରୁ ସୁରକ୍ଷା
ଲୁକ୍କାୟିତ ଓୟାରିଂ କାରଣରୁ ଘରର ସୌନ୍ଦର୍ଯ୍ୟ ନଷ୍ଟ ହୋଇ ନ ଥାଏ ।
ସ୍ଥାପନା ପାଇଁ ଅଧିକ ଖର୍ଚ୍ଚ ଲାଗିଥାଏ ।
ଲୋ-ଭୋଲଟେଜ୍ ଓୟାରିଂ କମ୍ ଭୋଲଟେଜ୍ ଆବଶ୍ୟକ କରୁଥିବା ଉପକରଣଗୁଡ଼ିକ ପାଇଁ ବ୍ୟବହୃତ ହୋଇଥାଏ, ଯେପରିକି - ଡୋରବେଲ୍, ଇଣ୍ଟରକମ୍ କିମ୍ବା ଲ୍ୟାଣ୍ଡସ୍କେପ୍ ଲାଇଟିଂ । ଘର ପାଇଁ ଏ ପ୍ରକାରର ବୈଦ୍ୟୁତିକ ଓୟାରିଂ ସହ କାରବାର କରିବା ଖୁବ୍ ସୁରକ୍ଷିତ ହୋଇଥାଏ ଏବଂ ଏହା ନାନା ପ୍ରକାର ଉପଯୋଗ ପାଇଁ ଉପଯୁକ୍ତ ହୋଇଥାଏ ।
ଶକ୍ତିଦକ୍ଷ ।
ସ୍ଥାପନ କରିବା ସରଳ ଓ ସହଜ ।
କେବଳ କମ୍ ଭୋଲଟେଜ୍ ପ୍ରୟୋଗଗୁଡ଼ିକରେ ସୀମିତ ।
କ୍ଲିଟ୍ ଓୟାରିଂରେ ଚିନାମାଟି, କାଠ କିମ୍ବା ପ୍ଲାଷ୍ଟିକନିର୍ମିତ କ୍ଲିଟ୍ ବା କୀଳା ମଧ୍ୟଦେଇ ଇନସୁଲେଟେଡ୍ ତାରଗୁଡ଼ିକୁ ଟଣାଯାଇଥାଏ । ଏହା ସାଧାରଣତଃ ସ୍ଥାୟୀ ଘରୋଇ ଓୟାରିଂ ହୋଇ ନ ଥାଏ । ନିର୍ମାଣ ସମୟରେ ଏହାକୁ ସାଧାରଣତଃ ଏକ ଅସ୍ଥାୟୀ ସ୍ଥାପନା ରୂପେ ବ୍ୟବହାର କରାଯାଇଥାଏ ।
ସ୍ଥାପନାରେ କମ୍ ଖର୍ଚ୍ଚ ଲାଗିଥାଏ ।
ଆବଶ୍ୟକତା ପୂରଣ ହେବା ପରେ ତାହାକୁ ସହଜରେ କାଢ଼ିହୁଏ ।
ଦୀର୍ଘମିଆଦୀ ବ୍ୟବହାର ପାଇଁ ଉପଯୁକ୍ତ ନୁହେଁ ।
ଘରୋଇ ବୈଦ୍ୟୁତିକ ଓୟାର୍ ପ୍ରକାରଗୁଡ଼ିକର ସହଜ ସ୍ଥାପନା ଏବଂ ସମସ୍ୟା ନିବାରଣ ପାଇଁ ତାରଗୁଡ଼ିକର ରଙ୍ଗ କୋଡଗୁଡ଼ିକୁ ବୁଝିବା ନିହାତି ଜରୁରୀ ହୋଇଥାଏ । ତାରଗୁଡ଼ିକ ଯେପରି ସହଜରେ ଚିହ୍ନଟ କରିହେବ ଓ ସଂଯୋଗ କରାଯାଇପାରିବ ତାହା ଏହି ମାନକୀକୃତ ରଙ୍ଗଗୁଡ଼ିକ ସୁନିଶ୍ଚିତ କରିଥାଏ । ସାଧାରଣ ଭାବେ ବ୍ୟବହୃତ ରଙ୍ଗ କୋଡ୍ ଗୁଡ଼ିକର ସଂକ୍ଷିପ୍ତ ବର୍ଣ୍ଣନା ତଳେ ଦିଆଗଲା:
ସଠିକ୍ ଓୟାରିଂ ଚୟନ କରିବା ଯେତିକି ଜରୁରୀ ବୈଦ୍ୟୁତିକ ଆଉଟଲେଟଗୁଡ଼ିକ ପାଇଁ ଲେ’ଆଉଟ୍ ଯୋଜନା କରିବା ସେତିକି ଜରୁରୀ ଅଟେ । ଆଉଟଲେଟଗୁଡ଼ିକ ସ୍ଥାନ ସୁବିଧାକୁ ସୁନିଶ୍ଚିତ କରିଥାଏ ଓ ସର୍କିଟଗୁଡ଼ିକୁ ଓଭରଲୋଡରୁ ସୁରକ୍ଷା ଦେଇଥାଏ । ବିଭିନ୍ନ କୋଠରୀରେ ଆଉଟଲେଟ୍ ବସାଇବା ପାଇଁ ତଳେ ଏକ ସାଧାରଣ ମାର୍ଗଦର୍ଶିକା ପ୍ରଦାନ କରାଯାଇଛି ।
ଲିଭିଂ ରୁମ୍: ଆଉଟଲେଟଗୁଡ଼ିକୁ ଏଣ୍ଟରଟେନମେଣ୍ଟ ସେଣ୍ଟର, ବଡ଼ ବଡ଼ ଫର୍ନିଚର କିମ୍ବା ଫଲ୍ସ ସିଲିଂ ପଛରେ ବସାନ୍ତୁ । ପ୍ରତ୍ୟେକ ୧୨ ଫୁଟ ବ୍ୟବଧାନରେ ଅତି କମରେ ଗୋଟିଏ ଆଉଟଲେଟ୍ ରଖିବାର ଲକ୍ଷ୍ୟ ରଖନ୍ତୁ ।
କିଚେନ୍: କାଉଣ୍ଟରଟପ୍ ନିକଟରେ ଏକାଧିକ ଆଉଟଲେଟ୍ ସ୍ଥାପନ କରନ୍ତୁ । ଉଚ୍ଚ ଶକ୍ତିଯୁକ୍ତ ଯନ୍ତ୍ରୋପକରଣ ପାଇଁ ପୃଥକ୍ ସର୍କିଟ୍ ରଖନ୍ତୁ ।
ବେଡରୁମ୍: ଚାର୍ଜର୍ ଓ ଲ୍ୟାମ୍ପଗୁଡ଼ିକ ପ୍ରତି ସୁଗମ୍ୟତା ପାଇଁ ଆଉଟଲେଟ୍ ଗୁଡ଼ିକୁ ଖଟ ଏବଂ ଡ୍ରେସର୍ ପାଖରେ ରଖନ୍ତୁ ।
ଘରୋଇ ଓୟାରିଂ ସହିତ କାର୍ଯ୍ୟ କରିବା ସମୟରେ ବୈଦ୍ୟୁତିକ ନିରାପତ୍ତା ନିୟମାବଳୀ, ପ୍ରୋଟୋକଲ୍ ତଥା ସ୍ଥାନୀୟ ନିର୍ମାଣ କୋଡ୍ ଗୁଡ଼ିକର କଡ଼ାକଡ଼ି ଅନୁପାଳନ ଜରୁରୀ ହୋଇଥାଏ । ଏଥିରେ ବିଫଳ ହେଲେ, ବିଜୁଳି ଝଟକା, ଅଗ୍ନିକାଣ୍ଡ ଓ ଅନ୍ୟାନ୍ୟ ବିପଦର ସମ୍ଭାବନା ସୃଷ୍ଟି ହୋଇଥାଏ । ନିୟମ ଅନୁପାଳନ ଓ ନିରାପତ୍ତାକୁ ସୁନିଶ୍ଚିତ କରିବା ପାଇଁ ଆପଣ ଏହା କରିପାରିବେ:
ଓୟାର୍ ସାଇଜିଂ: ସର୍ବଦା ବିଜୁଳି ସ୍ରୋତ ପାଇଁ ଉପଯୁକ୍ତ ହୋଇଥିବା ଆକାରର ତାର ବ୍ୟବହାର କରନ୍ତୁ । କମ୍ ଆକାରର ତାର ଅତ୍ୟଧିକ ଉତ୍ତପ୍ତ ହୋଇଯାଇଥାଏ ।
ନିର୍ମାଣ କୋଡ୍: ଆପଣଙ୍କ ଘରର ଓୟାରିଂ ଯେପରି ସ୍ଥାନୀୟ ନିର୍ମାଣ କୋଡ୍ ର ଅନୁପାଳନ କରୁଛି ତାହା ସର୍ବଦା ସୁନିଶ୍ଚିତ କରନ୍ତୁ । ସ୍ଥାପନା ପାଇଁ ଲାଇସେନ୍ସପ୍ରାପ୍ତ ଇଲେକ୍ଟ୍ରିସିଆନଙ୍କୁ ନିୟୋଜିତ କରନ୍ତୁ ।
ଜିଏଫସିଆଇ ସ୍ଥାପନା: ବିଜୁଳି ଝଟକା ଆଘାତ ଭଳି ବିପଦଗୁଡ଼ିକୁ ପ୍ରତିରୋଧ କରିବା ପାଇଁ ବାଥରୁମ୍, କିଚେନ୍ ଏବଂ ଆଉଟଡୋର୍ ଭଳି ଆର୍ଦ୍ରତାପ୍ରବଣ ସ୍ଥାନଗୁଡ଼ିକରେ ଜିଏଫସିଆଇ ଆଉଲେଟ୍ ସ୍ଥାପନକୁ ସୁନିଶ୍ଚିତ କରନ୍ତୁ ।
ନିଜ ଘର ପାଇଁ ଏକ କାର୍ଯ୍ୟଦକ୍ଷ ଏବଂ ସୁରକ୍ଷିତ ବୈଦ୍ୟୁତିକ ପ୍ରଣାଳୀ ପାଇଁ ଗୃହ ବୈଦ୍ୟୁତିକ ଓୟାରିଂର ପ୍ରକାରଭେଦକୁ ବୁଝିବା, ବୈଦ୍ୟୁତିକ ଲେ’ଆଉଟର ଉପଯୁକ୍ତ ଯୋଜନା କରିବା ଏବଂ ସୁରକ୍ଷା ଅନୁପାଳନକୁ ସୁନିଶ୍ଚିତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । ଘର ପାଇଁ ସର୍ବୋତ୍ତମ ଗୁଣମାନ ଓ ପ୍ରକାରର ବୈଦ୍ୟୁତିକ ତାର ଚୟନ କରିବାଠାରୁ ଆରମ୍ଭ କରି ଅନୁକୂଳତମ ଭାବେ ନିଜର ବୈଦ୍ୟୁତିକ ଆଉଟଲେଟଗୁଡ଼ିକୁ ସ୍ଥାନିତ କରିବା ପର୍ଯ୍ୟନ୍ତ, ପ୍ରତ୍ୟେକ ନିଷ୍ପତ୍ତି ଆପଣଙ୍କ ଘରୋଇ ବୈଦ୍ୟୁତିକ ସ୍ଥାପନାରେ ସୁବିଧା ଓ ନିରାପତ୍ତାକୁ ସୁନିଶ୍ଚିତ କରିବାରେ ସହାୟତା କରିଥାଏ ।
ଘରଗୁଡ଼ିକରେ ବ୍ୟବହୃତ ହେଉଥିବା ବିଭିନ୍ନ ପ୍ରକାରର ଓୟାରିଂ ପ୍ରଣାଳୀଗୁଡ଼ିକ ହେଲା: କେସିଂ ଓ କ୍ୟାପିଂ ଓୟାରିଂ, କଣ୍ଡୁଇଟ୍ ଓୟାରିଂ ଏବଂ କ୍ଲିଟ୍ ଓୟାରିଂ । ଉକ୍ତ ସବୁ ପ୍ରକାର ଓୟାରିଂ ଘରର ବିଶେଷ ଆବଶ୍ୟକତା ଉପରେ ନିର୍ଭର କରି ଭିନ୍ନ ଭିନ୍ନ ଉଦ୍ଦେଶ୍ୟ ସାଧିତ କରିଥାଏ ।
ଘରୋଇ ସ୍ଥାପନା ପାଇଁ ସର୍ବୋତ୍ତମ ଗୁଣମାନର ବୈଦ୍ୟୁତିକ ତାର ଘରର ବିଶେଷ ଆବଶ୍ୟକତା ଉପରେ ନିର୍ଭର କରିଥାଏ । କିନ୍ତୁ, ନିରାପତ୍ତା ଓ ସ୍ଥାୟିତ୍ୱ ପାଇଁ ସାଧାରଣତଃ କଣ୍ଡୁଇଟ୍ ଓୟାରିଂକୁ ପସନ୍ଦ କରାଯାଏ । ଘରୋଇ ସୁରକ୍ଷା ପ୍ରଣାଳୀ ଓ ଆଲୋକୀକରଣ ପାଇଁ ଲୋ-ଭୋଲଟେଜ୍ ଓୟାରିଂ ଆଦର୍ଶ ହୋଇଥାଏ ।
ପ୍ରତ୍ୟେକ କୋଠରୀର ଆବଶ୍ୟକତା ଉପରେ ଭିତ୍ତି କରି ବୈଦ୍ୟୁତିକ ଆଉଟଲେଟଗୁଡ଼ିକୁ ବସାଯିବା ଉଚିତ । ଉଦାହରଣ ସ୍ୱରୂପ, କିଚେନରେ କାଉଣ୍ଟର ପାଖରେ ଏକାଧିକ ଆଉଟଲେଟ୍ ଆବଶ୍ୟକ ହୋଇଥାଏ । ସେଇଠି, ଲିଭିଂ ରୁମରେ ଏଣ୍ଟରଟେନମେଣ୍ଟ ସିଷ୍ଟମ୍ସ ପଛପଟେ ଆଉଟଲେଟ୍ ଆବଶ୍ୟକ ହୋଇଥାଏ । ବେଡରୁମ୍ ଓ ବାଥରୁମ୍ ଗୁଡ଼ିକରେ ମଧ୍ୟ ସୁନିୟୋଜିତ ଆଉଲେଟ୍ ରହିବା ଉଚିତ । ବାଥରୁମରେ ଆଉଟଲେଟଗୁଡ଼ିକୁ ପାଣିର ଉତ୍ସରୁ ଦୂରରେ ରଖାଯିବା ଉଚିତ ।
ଅସଜଡ଼ାପଣ ଓ ଏକ୍ସଟେନ୍ସନ୍ କର୍ଡଗୁଡ଼ିକର ଅତ୍ୟଧିକ ବ୍ୟବହାରକୁ ଏଡ଼ାଇବା ପାଇଁ ସହଜରେ ବ୍ୟବହାର କରିହେଉଥିବା ଜାଗାଗୁଡ଼ିକରେ ଆଉଟଲେଟ୍ ଗୁଡ଼ିକୁ ସ୍ଥାପନ କରାଯିବା ଉଚିତ । ଆଉଟଲେଟ୍ ଗୁଡ଼ିକ ମଧ୍ୟରେ ବ୍ୟବଧାନ ନିର୍ମାଣ କୋଡ୍ ଅନୁରୂପ ହେବା ଉଚିତ । ଆଉ, କିଚେନ୍ ଭଳି ଅଧିକ ବିଜୁଳି ଆବଶ୍ୟକ ହେଉଥିବା ସ୍ଥାନ ପାଇଁ ପୃଥକ୍ ସର୍କିଟ୍ ରହିବା ଉଚିତ ।
ଓୟାରିଂ ପାଇଁ ମାନକ ରଙ୍ଗ କୋଡ୍ ଗୁଡ଼ିକ ମଧ୍ୟରେ କଳା(ଲାଇଭ୍), ନାଲି (ସେକେଣ୍ଡାରୀ ଲାଇଭ୍), ଧଳା କିମ୍ବା ଧୂସର (ନ୍ୟୁଟ୍ରାଲ) ଏବଂ ସବୁଜ କିମ୍ବା ଖୋଲା କପର୍ (ଗ୍ରାଉଣ୍ଡ) ଅନ୍ତର୍ଭୁକ୍ତ । ଏହି କୋଡ୍ ଗୁଡ଼ିକ ଇଲେକ୍ଟ୍ରିସିଆନ୍ ଏବଂ ଗୃହମାଲିକଙ୍କୁ ଏକ ସୁରକ୍ଷିତ ଏବଂ କାର୍ଯ୍ୟକ୍ଷମ ବୈଦ୍ୟୁତିକ ପ୍ରଣାଳୀର ରକ୍ଷଣାବେକ୍ଷଣରେ ସାହାଯ୍ୟ କରିଥାଏ ।
ସ୍ଥାୟିତ୍ୱ ଏବଂ ସୁରକ୍ଷା କାରଣରୁ ଆଧୁନିକ ଘରଗୁଡ଼ିକରେ ସବୁଠାରୁ ସାଧାରଣ ରୂପେ କଣ୍ଡୁଇଟ୍ ଓୟାରିଂ (ନଳ ମଧ୍ୟ ଦେଇ ଯାଇଥିବା ତାର) ବ୍ୟବହାର କରାଯାଇଥାଏ । ତଥାପି, ବିଶେଷ ପ୍ରୟୋଗଗୁଡ଼ିକ ପାଇଁ ଲୋ-ଭୋଲଟେଜ୍ କିମ୍ବା କ୍ଲିଟ୍ ଓୟାରିଂ ଭଳି ଅନ୍ୟାନ୍ୟ ପ୍ରକାର ବୈଦ୍ୟୁତିକ ଓୟାରିଂ ମଧ୍ୟ ବ୍ୟବହୃତ ହୋଇଥାଏ । ଘରେ କେଉଁ ପ୍ରକାର ତାର ବ୍ୟବହାର କରାଯିବା ଉଚିତ ତାହା ବୁଝିବା ଦ୍ୱାରା ଆପଣଙ୍କ ଘରର ବୈଦ୍ୟୁତିକ ପ୍ରଣାଳୀ ସୁରକ୍ଷିତ ଓ କାର୍ଯ୍ୟଦକ୍ଷ ହେବା ସୁନିଶ୍ଚିତ ହୋଇଥାଏ ।
