Share:
ಭೂಪ್ರದೇಶವನ್ನು ಸಮತಟ್ಟು ಮಾಡುವುದು, ಕಳಪೆ ಮಣ್ಣಿನ ಗುಣಮಟ್ಟವನ್ನು ಸರಿಪಡಿಸುವುದು, ಒಳಚರಂಡಿ ವ್ಯವಸ್ಥೆ ಮಾಡುವುದು ಇತ್ಯಾದಿಗಳಿಗೆ ಮಾಡುವ ವೆಚ್ಚಗಳು ನಿಮ್ಮ ಬಜೆಟ್ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತದೆ.
ಯೋಜನೆಯು ಕಳಪೆಯಾಗಿದ್ದರೆ ಮೆಟೀರಿಯಲ್ಗಳು ವ್ಯರ್ಥವಾಗಬಹುದು, ಸಾರಿಗೆ ಸವಾಲುಗಳು, ಕಳಪೆ ಸಾಮಗ್ರಿಗಳಿಂದ ಅನಿರೀಕ್ಷಿತ ವೆಚ್ಚಗಳು ಉಂಟಾಗಬಹುದು.
ವಲಯೀಕರಣ, ಪರಿಸರ ಅನುಮೋದನೆಗಳು ಮತ್ತು ಸುರಕ್ಷತಾ ಪ್ರಮಾಣಪತ್ರಗಳಿಗೆ ಶುಲ್ಕ ನೀಡಬೇಕಾಗಬಹುದು. ಇದರೊಂದಿಗೆ ನಿಯಮ ಅನುಸರಿಸದೆ ಇದ್ದರೆ ದಂಡ ಪಾವತಿಸಬೇಕು. ಇವೆಲ್ಲ ಗುಪ್ತ ವೆಚ್ಚಗಳು.
ವಿದ್ಯುತ್, ನೀರು ಮತ್ತು ಒಳಚರಂಡಿ ಸಂಪರ್ಕಕ್ಕೆ ಖರ್ಚು ಮಾಡಬೇಕಾಗಬಹುದು. ವಿಶೇಷವಾಗಿ ದೂರದ ಪ್ರದೇಶಗಳಲ್ಲಿ ಇಂತಹ ಖರ್ಚು ಹೆಚ್ಚಿರುತ್ತದೆ. ಮೂಲಸೌಕರ್ಯ ಮೇಲ್ದರ್ಜೆಗೆ ಏರಿಸುವುದು ಮತ್ತು ತಾತ್ಕಾಲಿಕ ಸೆಟಪ್ಗಳು ಇತ್ಯಾದಿ ಹಲವು ಗುಪ್ತ ವೆಚ್ಚಗಳು ಎದುರಾಗಬಹುದು.
ಹೀಗಿದ್ದರೂ ಸಾಕಷ್ಟು ಅಧ್ಯಯನ, ಬಳಸುವ ವಸ್ತುಗಳ ಮೇಲೆ ನಿಗಾ ಮತ್ತು ನಂಬಿಕಸ್ಥ ವೃತ್ತಿಪರರಿಂದ ಕೆಲಸ ಮಾಡಿಸುವುದು ಇತ್ಯಾದಿಗಳ ಮೂಲಕ ಗುಪ್ತವೆಚ್ಚಗಳನ್ನು ಕಡಿಮೆ ಮಾಡಬಹುದು ಮತ್ತು ನಿರ್ದಿಷ್ಟ ಬಜೆಟ್ನಲ್ಲಿ ನಿಮ್ಮ ಪ್ರಾಜೆಕ್ಟ್ ಪೂರ್ಣಗೊಳಿಸಬಹುದು.
ಮನೆ ನಿರ್ಮಾಣವೆಂದರೆ ಕೇವಲ ಗೋಡೆಗಳು ಮತ್ತು ಮಾಡು ಕಟ್ಟುವ ಕೆಲಸವಲ್ಲ. ನಿರ್ಮಾಣ ಸಮಯದಲ್ಲಿ ಹಲವು ಗುಪ್ತ ವೆಚ್ಚಗಳು ಎದುರಾಗುತ್ತವೆ. ಅವುಗಳನ್ನು ವಿವರವಾಗಿ ಮುಂದೆ ತಿಳಿಸಲಾಗಿದೆ.
ಮನೆ ನಿರ್ಮಾಣ ಆರಂಭಿಸುವ ಮೊದಲೇ ನೆಲವನ್ನು ಸಮತಟ್ಟು ಮಾಡಲು ಸಾಕಷ್ಟು ಖರ್ಚಾಗಬಹುದು. ಈ ಹಂತದಲ್ಲಿನ ಗುಪ್ತ ಖರ್ಚುಗಳು ನಿಮ್ಮ ಬಜೆಟ್ಗೆ ಅನಿರೀಕ್ಷಿತ ಹೊಡೆತ ನೀಡಬಹುದು.
ಗುಪ್ತ ವೆಚ್ಚಗಳು:
ಅಸಮರ್ಪಕ ಭೂಪ್ರದೇಶ: ನಿವೇಶನವನ್ನು ಶುಚಿಗೊಳಿಸುವುದು, ಎತ್ತರ ತಗ್ಗು ಇರುವ ಭೂಪ್ರದೇಶವನ್ನು ಸಮತಟ್ಟು ಮಾಡುವುದು ಮತ್ತು ಮಣ್ಣಿಗೆ ಸಂಬಂಧಪಟ್ಟ ತೊಂದರೆಗಳನ್ನು ಸರಿಪಡಿಸಲು ಸಾಕಷ್ಟು ವೆಚ್ಚ ಮಾಡಬೇಕಾಗಬಹುದು.
ಮಣ್ಣಿನ ಗುಣಮಟ್ಟ ಚೆನ್ನಾಗಿಲ್ಲದೆ ಇರುವುದು: ಕಲ್ಲು ಬಂಡೆಗಳು ಅಥವಾ ಗುಡ್ಡಗಾಡಿನಂತಹ ಪ್ರದೇಶಗಳಲ್ಲಿ ಮಣ್ಣು ಅಸ್ಥಿರವಾಗಿರಬಹುದು. ಈ ಸಂದರ್ಭದಲ್ಲಿ ಬೇರೆ ಕಡೆಗಳಿಂದ ಮಣ್ಣು ತಂದು ಹಾಕಬೇಕಾಗಬಹುದು. ಈ ದುರಸ್ಥಿ ಕೆಲಸಕ್ಕೆ ಸಾಕಷ್ಟು ಹಣ ಖರ್ಚಾಗಬಹುದು.
ಒಳಚರಂಡಿ ವ್ಯವಸ್ಥೆ: ಮನೆನಿರ್ಮಾಣದ ಸ್ಥಳ ಇಳಿಜಾರಾಗಿದ್ದರೆ ಗೋಡೆ ಕಟ್ಟಲು ಅಥವಾ ಒಳಚರಂಡಿ ವ್ಯವಸ್ಥೆ ಮಾಡಲು ಹೆಚ್ಚು ಹಣ ಖರ್ಚು ಮಾಡಬೇಕಾಗಬಹುದು.
ಮನೆ ನಿರ್ಮಾಣದ ಸಮಯದಲ್ಲಿ ಬಳಕೆ ಮಾಡುವ ವಸ್ತುಗಳ ವಿಷಯದಲ್ಲಿ ರಾಜಿಯಾಗುವಂತೆ ಇಲ್ಲ. ಉದಾಹರಣೆಗೆ ಉತ್ತಮ ಗುಣಮಟ್ಟದ ಸಿಮೆಂಟ್ ಬಳಸಲೇಬೇಕು. ಇದು ಕೂಡ ನಿಮಗೆ ತುಸು ವೆಚ್ಚದಾಯಕ ಎನಿಸಬಹುದು.
ಗುಪ್ತ ವೆಚ್ಚಗಳು:
ಸಾರಿಗೆ ಖರ್ಚುಗಳು: ನಿಮ್ಮ ನಿವೇಶನ ಇರುವ ಸ್ಥಳವನ್ನು ಬದಲಾಯಿಸಲು ಸಾಧ್ಯವಿಲ್ಲ. ಸಮರ್ಪಕ ದಾರಿಗಳು ಇಲ್ಲದೆ ಇರುವ ಸ್ಥಳದಲ್ಲಿ ನಿವೇಶನವಿದ್ದರೆ ಅಲ್ಲಿಗೆ ವಸ್ತುಗಳನ್ನು ಪೂರೈಕೆ ಮಾಡುವುದು ಕಷ್ಟ. ಇದರ ಸಾರಿಗೆ ವೆಚ್ಚ ಹೆಚ್ಚಿರುತ್ತದೆ. ನೀವು ಆಯ್ಕೆ ಮಾಡಿಕೊಂಡ ನಿವೇಶನದ ಹತ್ತಿರ ಶಾಲೆ, ಮಾರುಕಟ್ಟೆ, ಆಸ್ಪತ್ರೆಗಳು ಇಲ್ಲದೆ ಇದ್ದರೆ ಭವಿಷ್ಯದ ಉದ್ದಕ್ಕೂ ನಿಮಗೆ ಖರ್ಚುವೆಚ್ಚ ಜಾಸ್ತಿ ಇರುತ್ತದೆ.
ಕಳಪೆ ಸಾಮಗ್ರಿಗಳು: ನೀವು ನಿಮ್ಮ ಮನೆಯನ್ನು ಒಮ್ಮೆ ಮಾತ್ರ ನಿರ್ಮಿಸುತ್ತೀರಿ. ನೀವು ಆಯ್ಕೆ ಮಾಡುವ ವಸ್ತುಗಳು ಅದರ ಬಾಳಿಕೆಯ ಮೇಲೆ ನೇರವಾಗಿ ಪರಿಣಾಮ ಬೀರುತ್ತವೆ. ಮನೆ ನಿರ್ಮಿಸುವಾಗ ಸಾಮಗ್ರಿಗಳ ವಿಷಯದಲ್ಲಿ ರಾಜಿ ಮಾಡಿಕೊಳ್ಳಬಾರದು. ಹೀಗೆ ಮಾಡಿದ್ರೆ, ಭವಿಷ್ಯದಲ್ಲಿ ದುಬಾರಿ ರಿಪೇರಿ, ದುಬಾರಿ ನಿರ್ವಹಣೆಯ ಖರ್ಚುಗಳು ಎದುರಾಗಬಹುದು.
ಸಾಮಗ್ರಿಗಳ ಕೊರತೆ: ಸಮರ್ಪಕ ಯೋಜನೆ ಇಲ್ಲದೆ ಇದ್ದರೆ ಮನೆ ನಿರ್ಮಾಣಕ್ಕೆ ಸಾಮಗ್ರಿಗಳ ಕೊರತೆ ಎದುರಾಗಬಹುದು. ಇದಕ್ಕಾಗಿ ಪ್ರತಿಯೊಂದು ವಸ್ತುಗಳ ವೆಚ್ಚವನ್ನು ಲೆಕ್ಕಹಾಕಬೇಕಾಗುತ್ತದೆ.
ಸಾಮಗ್ರಿಗಳು ವ್ಯರ್ಥವಾಗುವುದು: ಸರಿಯಾದ ಯೋಜನೆ ಇಲ್ಲದೆ ಇದ್ದರೆ ಸಾಕಷ್ಟು ವಸ್ತುಗಳು ಉಳಿದುಹೋಗಬಹುದು. ಇದು ಒಟ್ಟಾರೆ ವೆಚ್ಚ ಹೆಚ್ಚಿಸಬಹುದು.
ಮನೆ ನಿರ್ಮಾಣದ ಸಮಯದಲ್ಲಿ ಕಾನೂನು ಅನುಮತಿಗಳನ್ನು ಪಡೆಯುವುದು ಮತ್ತು ತಪಾಸಣೆ ನಡೆಸುವುದು ಕಡ್ಡಾಯವಾಗಿದೆ. ಇದು ಕಡಿಮೆ ವೆಚ್ಚ ಎಂದುಕೊಳ್ಳಬೇಡಿ. ಒಂದು ನಿವೇಶನವನ್ನು ಖರೀದಿಸುವುದು ಅತ್ಯಂತ ದುಬಾರಿ. ಇದೇ ಸಮಯದಲ್ಲಿ ಅದು ಸಮರ್ಪಕವಾಗಿದೆಯೇ, ಕಾನೂನು ತೊಂದರೆಗಳು ಇವೆಯೇ ಎಂದು ಪರಿಶೀಲಿಸುವುದು ಅಗತ್ಯವಾಗಿದೆ.
ಗುಪ್ತ ವೆಚ್ಚಗಳು:
ಅನುಮತಿ ಶುಲ್ಕಗಳು: ವಲಯ ಅನುಮತಿಗಳು, ಪರಿಸರ ವಿಭಾಗದಿಂದ ಅನುಮತಿ, ಕಟ್ಟಡ ನಿರ್ಮಾಣ ಸುರಕ್ಷತೆಯ ಪ್ರಮಾಣಪತ್ರ ಇತ್ಯಾದಿಗಳಿಗೆ ಸಾಕಷ್ಟು ಶುಲ್ಕ ಪಾವತಿಸಬೇಕು. ನಿರ್ದಿಷ್ಟ ಪ್ರದೇಶ ಮತ್ತು ಕಟ್ಟಡದ ಸಂಕೀರ್ಣತೆಗೆ ತಕ್ಕಂತೆ ಇವುಗಳ ವೆಚ್ಚ ಇರುತ್ತದೆ.
ಉಲ್ಲಂಘನೆಗೆ ದಂಡಗಳು: ಎಲ್ಲಾದರೂ ಕಾನೂನು ಪ್ರಕಾರ ಅನುಮತಿ ಪಡೆಯದೆ ಇದ್ದರೆ ಭಾರೀ ದಂಡ ಅಥವಾ ಶುಲ್ಕ ಪಾವತಿಸಬೇಕಾಗುತ್ತದೆ. ಇದು ನಿಮ್ಮ ಬಜೆಟ್ ಕರಗಿಸಬಹುದು.
ಹೆಚ್ಚುವರಿ ತಪಾಸಣೆಗಳು: ನೀವು ನಿಯಮಗಳನ್ನು ಪಾಲಿಸುತ್ತ ಇದ್ದೀರಾ ಎಂದು ತಿಳಿಯಲು ಸರಕಾರದ ಕಡೆಯಿಂದ ಅಧಿಕಾರಿಗಳು ಆಗಾಗ ಭೇಟಿ ನೀಡುತ್ತಾ ಇರುತ್ತಾರೆ. ಈ ಸಮಯದಲ್ಲಿ ನೀವು ಬಜೆಟ್ನಲ್ಲಿ ಲೆಕ್ಕ ಹಾಕಿರದೆ ಇದ್ದ ಹಲವು ಹೆಚ್ಚುವರಿ ಶುಲ್ಕಗಳು ಎದುರಾಗಬಹುದು.
ನಿಮ್ಮ ನಿವೇಶನಕ್ಕೆ ಮನೆಗೆ ವಿದ್ಯುತ್, ನೀರು ಮತ್ತು ಒಳಚರಂಡಿ ವ್ಯವಸ್ಥೆಯನ್ನು ಸಂಪರ್ಕಿಸುವುದು ಅತ್ಯಂತ ಅಗತ್ಯ. ಆದರೆ, ಇದು ದುಬಾರಿಯಾಗಬಹುದು. ಇದನ್ನು ಸಾಮಾನ್ಯವಾಗಿ ನಿರ್ಮಾಣ ಪ್ರಕ್ರಿಯೆಯ ಭಾಗ ಎನ್ನಲಾಗುತ್ತದೆ. ಆದರೆ, ಸಮರ್ಪಕವಾಗಿ ಅಭಿವೃದ್ಧಿಯಾಗದ ಪ್ರದೇಶಗಳಲ್ಲಿ ಇವುಗಳಿಗೆ ಹೆಚ್ಚು ಖರ್ಚು ಮಾಡಬೇಕಾಗಬಹುದು.
ಮರೆಮಾಚಿದ ವೆಚ್ಚಗಳು:
ಮೂಲಸೌಕರ್ಯ ಅಭಿವೃದ್ಧಿ: ಎಲ್ಲಾದರೂ ನಿಮ್ಮ ನಿವೇಶನ ದೂರದ ಪ್ರದೇಶದಲ್ಲಿದ್ದರೆ ಅಲ್ಲಿಗೆ ವಿದ್ಯುತ್ ತಂತಿ ಅಳವಡಿಕೆ, ನೀರು ಅಥವಾ ಒಳಚರಂಡಿ ವ್ಯವಸ್ಥೆ ರೂಪಿಸುವುದು ದುಬಾರಿಯಾಗಿ ಪರಿಣಮಿಸಬಹುದು.
ಸೆಪ್ಟಿಕ್ ವ್ಯವಸ್ಥೆಗಳು ಅಥವಾ ಬೋರ್ವೆಲ್ಗಳು: ಪುರಸಭೆಯಿಂದ ತ್ಯಾಜ್ಯ ವಿಲೇವಾರಿ ಲಭ್ಯವಿಲ್ಲದಿದ್ದರೆ, ತ್ಯಾಜ್ಯ ನಿರ್ವಹಣೆಗಾಗಿ ಸೆಪ್ಟಿಕ್ ಟ್ಯಾಂಕ್ ಅಥವಾ ನೀರಿಗಾಗಿ ಬೋರ್ವೆಲ್ ಕೊರೆಯಲು ಹೂಡಿಕೆ ಮಾಡಬೇಕಾಗಬಹುದು. ಇದು ವೆಚ್ಚವನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ.
ಸಂಪರ್ಕ ಶುಲ್ಕಗಳು: ನಿಮ್ಮ ನಿವೇಶನಕ್ಕೆ ಈ ರೀತಿಯ ಸೌಕರ್ಯಗಳನ್ನು ಸಂಪರ್ಕ ಮಾಡಲು ಶುಲ್ಕಗಳನ್ನು ಪಾವತಿಸಬೇಕಾಗುತ್ತದೆ. ಇದನ್ನು ಆರಂಭದಲ್ಲಿ ಮನೆ ಮಾಲೀಕರು ಯೋಚಿಸಿರುವುದಿಲ್ಲ.
ಈಗಿರುವ ವ್ಯವಸ್ಥೆಯನ್ನು ಅಪ್ಗ್ರೇಡ್ ಮಾಡುವುದು: ಕೆಲವೊಂದು ಸಂದರ್ಭಗಳಲ್ಲಿ ಯುಟಿಲಿಟಿ ವ್ಯವಸ್ಥೆಗಳು ಈಗಿನ ನಿಮ್ಮ ಅಗತ್ಯಗಳನ್ನು ಪೂರೈಸುವಂತೆ ಇರಬಹುದು. ಇಂತಹ ಸಂದರ್ಭದಲ್ಲಿ ಮೇಲ್ದರ್ಜೆಗೆ ಏರಿಸುವುದು ಅಥವಾ ಬದಲಿಸುವ ಅನಿವಾರ್ಯತೆ ಉಂಟಾಗಬಹುದು.
ತಾತ್ಕಾಲಿಕ ಸೌಕರ್ಯಗಳನ್ನು ನಿರ್ಮಿಸುವುದು: ಮನೆ ನಿರ್ಮಾಣದ ಸಮಯದಲ್ಲಿ ತಾತ್ಕಾಲಿಕವಾಗಿ ಯುಟಿಲಿಟಿ ಸಂಪರ್ಕ ವ್ಯವಸ್ಥೆಗಳನ್ನು ಮಾಡಬೇಕಾಗುತ್ತದೆ. ಇವುಗಳ ಅಳವಡಿಕೆ ಮತ್ತು ಬಳಸಲು ಹಣ ಖರ್ಚು ಮಾಡಬೇಕಾಗುತ್ತದೆ.
ಮನೆ ನಿರ್ಮಾಣದ ಸಮಯದಲ್ಲಿ ಅನಿರೀಕ್ಷಿತ ಖರ್ಚುಗಳನ್ನು ತಪ್ಪಿಸಲು ಸಮರ್ಪಕ ಯೋಜನೆ ಅಗತ್ಯ. ಇದಕ್ಕಾಗಿ ಕೆಲವು ಪ್ರಾಯೋಗಿಕ ಸಲಹೆಗಳು ಇಲ್ಲಿವೆ:
ನೀವು ಸರಿಯಾಗಿ ಯೋಜನೆ ರೂಪಿಸಿದರೆ ಮತ್ತು ಸಮರ್ಪಕವಾಗಿ ಅಧ್ಯಯನ ನಡೆಸಿ ಮುಂದಡಿ ಇಟ್ಟರೆ ನಿರ್ಮಾಣದ ಸಮಯದಲ್ಲಿ ಅನಿರೀಕ್ಷಿತ ವೆಚ್ಚಗಳು ಎದುರಾಗುವುದು ಕಡಿಮೆಯಾಗುತ್ತದೆ. ಭೂಮಿ, ಅನುಮತಿ, ಯುಟಿಲಿಟಿಗಳು ಮತ್ತು ವಸ್ತುಗಳ ಒಟ್ಟು ವೆಚ್ಚವನ್ನು ಮನೆ ನಿರ್ಮಿಸುವ ಮೊದಲೇ ಅರ್ಥಮಾಡಿಕೊಳ್ಳಿ.
ಅನುಮತಿಗಳು, ಸೌಕರ್ಯ ಸಂಪರ್ಕಗಳು ಮತ್ತು ನಿವೇಶನ ಸಜ್ಜುಗಳಿಸುವುದು ಸೇರಿದಂತೆ ಒಳಗೊಂಡಿರುವ ಎಲ್ಲಾ ಗುಪ್ತ ವೆಚ್ಚಗಳ ಕುರಿತು ಸಮಗ್ರ ಅಂದಾಜು ತಿಳಿದಿರಿ.
ಅನಿರೀಕ್ಷಿತ ಗುಪ್ತ ವೆಚ್ಚಗಳನ್ನು ತಪ್ಪಿಸಲು ನಿವೇಶನಗಳ ಸಮೀಕ್ಷೆ ಮತ್ತು ಕಾನೂನು ಪರಿಶೀಲನೆ ಮಾಡಿ.
ಕಾನೂನು ಮತ್ತು ನಿಯಂತ್ರಕ ಸಮಸ್ಯೆಗಳನ್ನು ಸರಿಯಾಗಿ ನಿರ್ವಹಿಸದಿದ್ದರೆ ಮನೆ ನಿರ್ಮಾಣ ವಿಳಂಬವಾಗಬಹುದು ಮತ್ತು ದಂಡ ಪಾವತಿಸಬೇಕಾಗಬಹುದು. ಮನೆ ನಿರ್ಮಾಣ ಆರಂಭಿಸುವ ಮುನ್ನ ಅಗತ್ಯವಿರುವ ಎಲ್ಲಾ ಪರವಾನಗಿಗಳನ್ನು ಪಡೆದಿರುವುದನ್ನು ಖಚಿತಪಡಿಸಿಕೊಳ್ಳಿ.
ನಿವೇಶನ ಖರೀದಿ ಅಂತಿಮಗೊಳಿಸುವ ಮೊದಲು ಅದರ ಮೂಲ ದಾಖಲೆಗಳು, ಮಾರಾಟ ದಾಖಲೆಗಳು ಮತ್ತು ಋಣಭಾರ ದಾಖಲೆಗಳು ಸೇರಿದಂತೆ ಪ್ರಮುಖ ದಾಖಲೆಗಳನ್ನು ದೃಢೀಕರಿಸಿ.
ಪರವಾನಿಗೆ ಶುಲ್ಕಗಳು ಮತ್ತು ಹೆಚ್ಚುವರಿ ಪರಿಶೀಲನೆ ವೆಚ್ಚಗಳನ್ನು ನಿಮ್ಮ ಆರಂಭಿಕ ಬಜೆಟ್ನಲ್ಲಿ ಸೇರಿಸಿ, ನಂತರ ಅಚ್ಚರಿಗಳು ಎದುರಾಗದಂತೆ.
ನಿಮ್ಮ ಪ್ರಾಪರ್ಟಿಗೆ ವಿದ್ಯುತ್, ನೀರಿನಂತಹ ಯುಟಿಲಿಟಿ ಸಂಪರ್ಕ ಒದಗಿಸಲು ಸಾಕಷ್ಟು ಸಮಯ ಬೇಕಾಗುತ್ತದೆ ಮತ್ತು ಇದು ದುಬಾರಿಯೂ ಹೌದು. ಇವುಗಳ ಕುರಿತು ಮೊದಲೇ ಯೋಜನೆ ರೂಪಿಸಿದರೆ ತುರ್ತು ವೆಚ್ಚಗಳಿಂದ ತಪ್ಪಿಸಿಕೊಳ್ಳಬಹುದು.
ನಿಮ್ಮ ನಿವೇಶನಕ್ಕೆ ಮೂಲಭೂತ ಅಗತ್ಯಗಳು ದೊರಕುವುದೇ ಎಂದು ಖಚಿತಪಡಿಸಿಕೊಳ್ಳಿ ಅಥವಾ ಸೆಪ್ಟಿಕ್ ಟ್ಯಾಂಕ್ಗಳು ಮತ್ತು ಬೋರ್ವೆಲ್ಗಳಂತಹ ಪರ್ಯಾಯಗಳ ಕುರಿತೂ ಆಲೋಚಿಸಿ.
ಭೂಮಿ ಖರೀದಿಸುವ ಮುನ್ನ ಯುಟಿಲಿಟಿ ಸಂಪರ್ಕಗಳ ಶುಲ್ಕಗಳು ಮತ್ತು ಮೂಲಸೌಕರ್ಯ ಅಭಿವೃದ್ಧಿ ವೆಚ್ಚಗಳ ಕುರಿತು ತಿಳಿದುಕೊಳ್ಳಿ.
ವಸ್ತುಗಳನ್ನು ವ್ಯರ್ಥ ಮಾಡುವುದರಿಂದ ನಿಮ್ಮ ನಿರ್ಮಾಣ ವೆಚ್ಚಗಳು ವೇಗವಾಗಿ ಹೆಚ್ಚಾಗುತ್ತವೆ. ವಸ್ತುಗಳನ್ನು ಅಗತ್ಯಕ್ಕಿಂತ ಹೆಚ್ಚು ಅಥವಾ ಕಡಿಮೆ ಖರೀದಿಸುವುದನ್ನು ತಪ್ಪಿಸಿ ಮತ್ತು ಬಳಕೆಯ ಮೇಲೆ ನಿಗಾ ಇಡಿ.
ಎಲ್ಲಾ ವಸ್ತುಗಳ ಖರೀದಿಗಳನ್ನು ಟ್ರ್ಯಾಕ್ ಮಾಡಿ ಮತ್ತು ದಾಸ್ತಾನುಗಳ ಮೇಲ್ವಿಚಾರಣೆಗೆ ಕನ್ಸ್ಟ್ರಕ್ಷನ್ ಮ್ಯಾನೇಜ್ಮೆಂಟ್ ಆಪ್ ಬಳಸಿ.
ದಾಸ್ತಾನು ಹೆಚ್ಚುವುದು ಮತ್ತು ವ್ಯರ್ಥವಾಗುವುದನ್ನು ತಪ್ಪಿಸಲು ವಸ್ತುಗಳನ್ನು ಹಂತಹಂತವಾಗಿ ಖರೀದಿಸಿ
ಅನುಭವಿ ಗುತ್ತಿಗೆದಾರರು, ವಾಸ್ತುಶಿಲ್ಪಿಗಳು ಮತ್ತು ಸಲಹೆಗಾರರನ್ನು ನೇಮಿಸಿಕೊಳ್ಳುವುದರಿಂದ ಗುಪ್ತ ವೆಚ್ಚಗಳಿಗೆ ಕಾರಣವಾಗುವ ತಪ್ಪುಗಳನ್ನು ತಡೆಯಬಹುದು. ಬಜೆಟ್ ಒಳಗೆ ಉಳಿಯುವ ಮಹತ್ವವನ್ನು ಅರ್ಥಮಾಡಿಕೊಳ್ಳುವ ವೃತ್ತಿಪರರೊಂದಿಗೆ ಕೆಲಸ ಮಾಡಿ.
ಅತ್ಯುತ್ತಮ ಹಿನ್ನೆಲೆ ಹೊಂದಿರುವ ಗುತ್ತಿಗೆದಾರರನ್ನು ಆಯ್ಕೆ ಮಾಡಿ ಮತ್ತು ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಹಲವು ಕ್ವೋಟೇಷನ್ಗಳನ್ನು ಪಡೆಯಿರಿ.
ತಂಡದ ಜತೆಗೆ ನಿಮ್ಮ ಬಜೆಟ್ ಕುರಿತು ಸ್ಪಷ್ಟವಾಗಿ ಸಂವಹನ ಮಾಡಿ ಮತ್ತು ಅವರಿಗೆ ನಿಮ್ಮ ಹಣಕಾಸು ಮಿತಿಯ ಕುರಿತು ಸ್ಪಷ್ಟ ಅರಿವು ಇರಲಿ.
ನೀವು ಎಷ್ಟೇ ಚೆನ್ನಾಗಿ ಯೋಜಿಸಿದರೂ ಅನಿರೀಕ್ಷಿತ ವೆಚ್ಚಗಳು ಬರುವುದನ್ನು ತಪ್ಪಿಸಲಾಗದು. ಇಂತಹ ಸಂದರ್ಭಗಳಲ್ಲಿ ತುರ್ತು ನಿಧಿ ನಿಮ್ಮ ಬಜೆಟ್ಗೆ ಅಡ್ಡಿಪಡಿಸದೆ ಈ ವೆಚ್ಚಗಳನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.
ನಿಮ್ಮ ಒಟ್ಟಾರೆ ನಿರ್ಮಾಣ ಬಜೆಟ್ನ ಶೇಕಡಾ 10–15 ರಷ್ಟು ಮೊತ್ತವನ್ನು ಅನಿರೀಕ್ಷಿತ ವೆಚ್ಚಗಳಿಗಾಗಿ ಮೀಸಲಿಡಿ.
ತುರ್ತು ನಿಧಿಯನ್ನು ಅನಗತ್ಯ ಬದಲಾವಣೆಗಳು ಅಥವಾ ಮೇಲ್ದರ್ಜೆಗೆ ಏರಿಸುವ ಖರ್ಚುಗಳಿಗೆ ಬಳಸಬೇಡಿ.
ನಿರ್ಮಾಣ ಪ್ರಗತಿಯೊಂದಿಗೆ ಖರ್ಚುಗಳನ್ನು ಗಮನಿಸಿ ಮತ್ತು ಅಗತ್ಯವಿದ್ದರೆ ಹೊಂದಾಣಿಕೆ ಮಾಡಿ. ಎಲ್ಲವೂ ಸರಿಯಾದ ದಾರಿಯಲ್ಲಿ ಸಾಗುತ್ತಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನಿಮ್ಮ ಬಜೆಟ್ ಅನ್ನು ನಿಯಮಿತವಾಗಿ ಪರಿಶೀಲಿಸಿ.
ನಿಮ್ಮ ನಿರ್ಮಾಣ ತಂಡದೊಂದಿಗೆ ವಾರಕ್ಕೊಮ್ಮೆ ಮೀಟಿಂಗ್ ನಡೆಸಿ, ಬಜೆಟ್ ಮತ್ತು ನಿರ್ಮಾಣ ಪ್ರಗತಿಯನ್ನು ಪರಿಶೀಲಿಸಿ.
ಅನಿರೀಕ್ಷಿತ ವೆಚ್ಚಗಳು ಎದುರಾದಲ್ಲಿ ಬಜೆಟ್ ಅನ್ನು ಹೊಂದಾಣಿಕೆ ಮಾಡಿ ಮತ್ತು ಸಂಭಾವ್ಯ ವೆಚ್ಚಗಳ ಕುರಿತು ಮುಂಚಿತವಾಗಿಯೇ ಎಚ್ಚರಿಕೆಯಿಂದಿರಿ.
ಮನೆ ಎನ್ನುವುದು ನಿಮ್ಮ ವಿಳಾಸ. ನಿರ್ಮಾಣ ಕಾರ್ಯದಲ್ಲಿ ಸವಾಲುಗಳು ಎದುರಾಗುವುದು ಸಹಜ. ಅಂತಿಮವಾಗಿ ದೊರಕುವ ಖುಷಿ ವರ್ಣಿಸಲು ಅಸಾಧ್ಯ. ಮನೆ ನಿರ್ಮಾಣ ಸಮಯದ ಗುಪ್ತ ವೆಚ್ಚಗಳ ಕುರಿತು ತಿಳಿದುಕೊಂಡರೆ ಆರ್ಥಿಕ ತೊಂದರೆಗಳನ್ನು ತಪ್ಪಿಸಿಕೊಳ್ಳಬಹುದು ಮತ್ತು ಸರಿಯಾಗಿ ಯೋಜನೆ ರೂಪಿಸಿಕೊಳ್ಳಬಹುದು. ನಿವೇಶನ ಸಜ್ಜುಗೊಳಿಸುವುದರಿಂದ ಯುಟಿಲಿಟಿ ಸಂಪರ್ಕದವರೆಗೆ ಪ್ರತಿಹಂತದಲ್ಲಿಯೂ ವೆಚ್ಚಗಳು ಎದುರಾಗಬಹುದು. ಹೀಗಿದ್ದರೂ, ಎಚ್ಚರಿಕೆಯಿಂದ ಕಾರ್ಯಯೋಜನೆ ಕೈಗೊಳ್ಳುವುದು, ವಿಶ್ವಾಸಾರ್ಹ ಗುತ್ತಿಗೆದಾರರನ್ನು ಆಯ್ಕೆ ಮಾಡಿಕೊಳ್ಳುವುದು ಮತ್ತು ಗುಣಮಟ್ಟದ ಸಾಮಗ್ರಿಗಳ ಬಳಕೆಯಿಂದ ಈ ಗುಪ್ತ ವೆಚ್ಚವನ್ನು ನೀವು ಪರಿಣಾಮಕಾರಿಯಾಗಿ ನಿರ್ವಹಣೆ ಮಾಡಬಹುದಾಗಿದೆ.
ಮನೆ ನಿರ್ಮಾಣ ಎನ್ನುವುದೇ ಬೃಹತ್ ವೆಚ್ಚದಿಂದ ಕೂಡಿದೆ. ಸಿಮೆಂಟ್ ಮತ್ತು ಉಕ್ಕು ಇತ್ಯಾದಿ ವಸ್ತುಗಳ ಖರೀದಿ, ಕಾರ್ಮಿಕರಿಗೆ ಪಾವತಿಸುವ ವೆಚ್ಚಗಳು ಬಜೆಟ್ನ ಬಹುತೇಕ ಭಾಗವನ್ನು ಬಯಸುತ್ತವೆ.
ಮನೆ ನಿರ್ಮಾಣಕ್ಕೆ ಸಂಬಂಧಪಟ್ಟ ಅನುಮತಿಗಳು, ವಲಯ ಅನುಮತಿಗಳು ಮತ್ತು ಸುರಕ್ಷತೆಯ ಅನುಮತಿಗಳು ಬೇಕಾಗಿರುತ್ತವೆ. ಆಯಾ ಸ್ಥಳಗಳಿಗೆ ತಕ್ಕಂತೆ ಬೇರೆಬೇರೆ ರೀತಿಯ ಅನುಮತಿಗಳು ಬೇಕಾಗಿರುತ್ತವೆ, ಈ ಕುರಿತು ನಿಮ್ಮ ಸ್ಥಳೀಯ ಪ್ರಾಧಿಕಾರಗಳಲ್ಲಿ ವಿಚಾರಿಸಬಹುದು.
ಭೂಮಿ ಸಜ್ಜುಗೊಳಿಸುವುದು, ಯುಟಿಲಿಟಿ ಸಂಪರ್ಕಗಳು, ಅನಿರೀಕ್ಷಿತ ಬದಲಾವಣೆಗಳು, ಪರವಾನಿಗೆಗಳು ಮತ್ತು ಭೂಮಿಯನ್ನು ಸಮತಟ್ಟು ಮಾಡುವುದು ಇತ್ಯಾದಿಗಳು ಸೇರಿವೆ. ಇವೆಲ್ಲ ನಿಮ್ಮ ಒಟ್ಟಾರೆ ಬಜೆಟ್ ಹೆಚ್ಚಿಸಬಹುದು.
ಸಮರ್ಪಕವಾಗಿ ಯೋಜನೆ ರೂಪಿಸಿ. ಉತ್ತಮ ಗುಣಮಟ್ಟದ ವಸ್ತುಗಳನ್ನು ಬಳಸಿ ಮತ್ತು ಅನುಭವಿ ಗುತ್ತಿಗೆದಾರರನ್ನು ಆಯ್ಕೆ ಮಾಡಿ. ಅನಿರೀಕ್ಷಿತ ವೆಚ್ಚಗಳಿಗಾಗಿ ತುರ್ತು ನಿಧಿ ಇರಲಿ.
ಅಸ್ಥಿರ ಮಣ್ಣನ್ನು ಸರಿಪಡಿಸುವುದು, ನಿರ್ಮಾಣ ವಸ್ತುಗಳ ದರದ ಏರುಪೇರು ಮತ್ತು ಹೆಚ್ಚುವರಿ ಪರಿಶೀಲನೆ ಸೇರಿದಂತೆ ಹಲವು ಅನಿರೀಕ್ಷಿತ ವೆಚ್ಚಗಳು ಎದುರಾಗಬಹುದು. ಇಂತಹ ವೆಚ್ಚಗಳ ಕುರಿತು ಮೊದಲೇ ಅರಿವಿರಲಿ, ಇದರಿಂದ ನಿಮ್ಮ ಬಜೆಟ್ ಅನ್ನು ಸಮರ್ಪಕವಾಗಿ ಯೋಜಿಸಬಹುದು.
.jpg)
