Share:
ಮರೆಮಾಚಿದ ಪೈಪಿಂಗ್‌ನಿಂದ ಮನೆಗೆ ನಯವಾದ, ಆಧುನಿಕ ಲುಕ್‌ ದೊರಕುತ್ತದೆ. ಆದರೆ, ಇದನ್ನು ಇನ್‌ಸ್ಟಾಲ್‌ ಮಾಡಲು ಮತ್ತು ನಿರ್ವಹಣೆ ಮಾಡಲು ಹೆಚ್ಚು ವೆಚ್ಚ ಮಾಡಬೇಕಾಗುತ್ತದೆ.
ತೆರೆದ ಪೈಪಿಂಗ್ ಕೈಗಾರಿಕಾ ಶೈಲಿಯ ಇಂಟೀರಿಯರ್‌ಗಳಿಗೆ ಸೂಕ್ತವಾಗಿದೆ. ಇದನ್ನು ರಿಪೇರಿ ಮಾಡುವುದು ಕೂಡ ಸುಲಭವಾಗಿದೆ. ಆದರೆ, ಸೌಂದರ್ಯದ ದೃಷ್ಟಿಯಿಂದ ಬಹುತೇಕರಿಗೆ ಇಷ್ಟವಾಗದು.
ನಿಮ್ಮ ಮನೆಗೆ ಪಿವಿಸಿ ಪೈಪ್‌ ಸೂಕ್ತವೇ ಅಥವಾ ತೆರೆದ ಪೈಪ್‌ ಅಳವಡಿಸಬೇಕೆ ಎಂಬ ನಿರ್ಧಾರವನ್ನು ತೆಗೆದುಕೊಳ್ಳುವಾಗ ಮನೆಯ ಶೈಲಿ, ಬಜೆಟ್, ಭವಿಷ್ಯದ ನಿರ್ವಹಣೆ ಇತ್ಯಾದಿ ಹಲವು ಅಂಶಗಳನ್ನು ಪರಿಗಣನೆಗೆ ತೆಗೆದುಕೊಳ್ಳಬೇಕು.
ಮನೆಯ ಗೋಡೆಗಳು, ನೆಲದೊಳಗೆ ಅಥವಾ ಮೇಲ್ಚಾವಣಿಗಳ ಒಳಗೆ ಕೊಳಾಯಿ ಪೈಪ್‌ಗಳನ್ನು ಅಳವಡಿಸಿರುವ ವಿಧಾನಕ್ಕೆ ಮರೆಮಾಚಿದ ಪೈಪಿಂಗ್ ಎನ್ನುತ್ತಾರೆ. ಪೈಪ್‌ಗಳನ್ನು ಮರೆಮಾಚುವ ವಿಧಾನವನ್ನು ಆಧುನಿಕ ನಿರ್ಮಾಣಗಳಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ. ಏಕೆಂದರೆ, ಇದು ಮನೆಗೆ ಶುಭ್ರ ಮತ್ತು ಯಾವುದೇ ಅಡೆತಡೆ ಇಲ್ಲದ ನೋಟ ನೀಡುತ್ತದೆ. ಸಾಮಾನ್ಯವಾಗಿ ಪಿವಿಸಿ ಪೈಪ್‌ಗಳು ಅಥವಾ ಲೋಹದ ಕೊಳವೆಗಳಿಂದ ಮರೆಮಾಚಿದ ಪೈಪ್‌ಗಳನ್ನು ತಯಾರಿಸಲಾಗುತ್ತದೆ. ಇದು ಮೇಲ್ನೋಟಕ್ಕೆ ಕಾಣಿಸದೆ ಇರುತ್ತವೆ ಮತ್ತು ದೀರ್ಘಬಾಳಿಕೆ ಬರುತ್ತವೆ.
ಯಾವುದೇ ಅಡೆತಡೆ ಇಲ್ಲದೆ ಕನಿಷ್ಠ ಮತ್ತು ನಯವಾದ ನೋಟ ಬಯಸುವ ಮನೆ ಮಾಲೀಕರಿಗೆ ಈ ಶೈಲಿ ಸೂಕ್ತವಾಗಿದೆ. ಮರೆಮಾಚುವ ಪ್ಲಂಬಿಂಗ್ ಪೈಪ್‌ಗಳು ಯಾರಿಗೂ ಕಾಣದಂತೆ ಒಳಭಾಗದಲ್ಲಿ ಇರುವುದರಿಂದ ಇಂಟೀರಿಯರ್ ಅಲಂಕಾರಕ್ಕೆ ಯಾವುದೇ ಅಡ್ಡಿ ಮಾಡುವುದಿಲ್ಲ. ಸಮಕಾಲೀನ ಮನೆಗಳು ಮತ್ತು ಉನ್ನತ ಮಟ್ಟದ ಮನೆ ನವೀಕರಣದಲ್ಲಿ ಇದು ಟ್ರೆಂಡಿಯಾಗಿದೆ.
ಸೌಂದರ್ಯಶಾಸ್ತ್ರ: ನಿರ್ದಿಷ್ಟ ಜಾಗಕ್ಕೆ ಸ್ವಚ್ಛ, ಆಧುನಿಕ ಅನುಭವ ನೀಡುತ್ತದೆ.
ಶಬ್ದ ಕಡಿಮೆ: ಪೈಪ್‌ಗಳು ಒಳಗಿರುವುದರಿಂದ ಅವುಗಳ ಮೂಲಕ ಹರಿಯುವ ನೀರಿನ ಶಬ್ದ ಹೊರಭಾಗಕ್ಕೆ ಕಡಿಮೆ ಕೇಳುತ್ತದೆ.
ರಕ್ಷಣೆ: ಮರೆಮಾಚಿದ ಕೊಳಾಯಿ ಪೈಪ್‌ಗಳು ಒಳಭಾಗದಲ್ಲಿ ಇರುತ್ತವೆ. ಇವುಗಳಿಗೆ ಏನಾದರೂ ವಸ್ತು ತಾಗಿ ಆಕಸ್ಮಿಕವಾಗಿ ಹಾನಿಯಾಗುವ ಸಂಭಾವ್ಯತೆ ಕಡಿಮೆ ಇರುತ್ತದೆ.
ತೆರೆದ ಪೈಪಿಂಗ್ ಎಂದರೆ ಮರೆಮಾಚಿದ ಪೈಪ್‌ಗಳಿಗೆ ವೈತಿರಿಕ್ತವಾಗಿ ಗೋಚರಿಸುವಂತೆ ಅಳವಡಿಸಲಾಗಿರುತ್ತದೆ. ಈ ಶೈಲಿಯನ್ನು ವಿಶೇಷವಾಗಿ ಕೈಗಾರಿಕಾ ಅಥವಾ ಹಳ್ಳಿಗಾಡಿನ ಒಳಾಂಗಣ ವಿನ್ಯಾಸಗಳಲ್ಲಿ ಸಾಮಾನ್ಯವಾಗಿ ಬಳಸಲಾಗುತ್ತದೆ. ಕೈಗಾರಿಕಾ ಸೌಂದರ್ಯದ ಕುರಿತು ಆಸಕ್ತಿ ಹೊಂದಿರುವ ಅನೇಕ ಮನೆಮಾಲೀಕರು ಮತ್ತು ವಿನ್ಯಾಸಕರು ಈಗ ಉದ್ದೇಶಪೂರ್ವಕವಾಗಿ ತೆರೆದ ಕೊಳಾಯಿ ಪೈಪ್‌ಗಳನ್ನು ಅಳವಡಿಸಲು ಆದ್ಯತೆ ನೀಡುತ್ತಿದ್ದಾರೆ.
ಈ ರೀತಿ ಎಲ್ಲರಿಗೂ ಕಾಣಿಸುವಂತೆ ಅಳವಡಿಸಿರುವ ತೆರೆದ ಪೈಪಿಂಗ್ ಕ್ರಿಯಾತ್ಮಕವೂ ಅಲಂಕಾರಿಕವೂ ಆಗಿದೆ. ಕಚ್ಚಾ, ಅಪೂರ್ಣ ನೋಟವು ಲಾಫ್ಟ್‌ ಅಥವಾ ಕೈಗಾರಿಕಾ ಶೈಲಿಯ ಮನೆಗಳಿಗೆ ಸುಂದರವಾಗಿ ಕಾಣಿಸುತ್ತದೆ. ಇದು ಎಲ್ಲರಿಗೂ ಇಷ್ಟವಾಗುತ್ತದೆ ಎಂದು ಹೇಳಲಾಗದು. ಆದರೆ, ಲೋಹ ಮತ್ತು ಇಟ್ಟಿಗೆಯಂತಹ ಮಿಶ್ರ ವಸ್ತುಗಳ ನೋಟವನ್ನು ಇಷ್ಟಪಡುವವರು ತೆರೆದ ಪ್ಲಂಬಿಂಗ್‌ನ ಮೋಡಿಯನ್ನು ಖಂಡಿತವಾಗಿಯೂ ಇಷ್ಟಪಡುತ್ತಾರೆ.
ಸುಲಭ ಬಳಕೆ: ರಿಪೇರಿ ಮತ್ತು ನಿರ್ವಹಣೆಗಾಗಿ ತೆರೆದ ಕೊಳಾಯಿ ಪೈಪ್‌ಗಳನ್ನು ಸುಲಭವಾಗಿ ಬಳಕೆ ಮಾಡಬಹುದು.
ಸೌಂದರ್ಯ: ಕೈಗಾರಿಕಾ, ಹಳ್ಳಿ ಸೊಗಡಿನ ಅಥವಾ ವೈವಿಧ್ಯಮಯ ಮನೆ ವಿನ್ಯಾಸದ ನೋಟ ನೀಡುತ್ತದೆ.
ಕಡಿಮೆ ವೆಚ್ಚದಾಯಕ: ಗೋಡೆಯೊಳಗೆ ಪೈಪ್‌ಗಳನ್ನು ಅಳವಡಿಸುವ ಕಷ್ಟವಿಲ್ಲದೆ ಇರುವುದರಿಂದ ತೆರೆದ ಪೈಪ್‌ಗಳನ್ನು ಅಳವಡಿಸುವುದು ಕಡಿಮೆ ವೆಚ್ಚದಾಯಕವಾಗಿದೆ.
ನಯವಾದ ನೋಟ: ಕನಿಷ್ಠ ಅಥವಾ ಉನ್ನತ ಮಟ್ಟದ ಸೌಂದರ್ಯವನ್ನು ಹೊಂದಿರುವ ಆಧುನಿಕ ಮನೆಗಳಿಗೆ ಸೂಕ್ತವಾಗಿದೆ.
ಶಬ್ದ ಕಡಿಮೆ: ಪೈಪ್‌ಗಳು ಗೋಚರಿಸದೆ ಇರುವ ಕಾರಣ ನೀರಿನ ಚಲನೆಯ ಶಬ್ದ ಕಡಿಮೆ ಕೇಳಿಸುತ್ತದೆ.
ರಕ್ಷಣೆ: ಮರೆಮಾಚಿದ ಪಿವಿಸಿ ಪೈಪ್‌ಗಳಿಗೆ ಆಕಸ್ಮಿಕವಾಗಿ ಏನಾದರೂ ತಾಗಿ ಹಾನಿಯಾಗುವ ಸಾಧ್ಯತೆ ತುಂಬಾ ಕಡಿಮೆ.
ನಿರ್ವಹಣೆ ಕಷ್ಟ: ಪೈಪ್‌ಗಳು ಮರೆಮಾಚಿರುವುದರಿಂದ ಅಥವಾ ಒಳಗೆ ಇರುವುದರಿಂದ ರಿಪೇರಿ ಮಾಡುವುದು ಕಷ್ಟ. ಗೋಡೆಗಳನ್ನು ಅಗೆದು ರಿಪೇರಿ ಮಾಡಬೇಕಾಗುತ್ತದೆ.
ವೆಚ್ಚದಾಯಕ: ಮರೆಮಾಚಿದ ಪೈಪ್‌ಗಳನ್ನು ಅಳವಡಿಸುವುದು, ಜೋಡಿಸುವುದು, ರಿಪೇರಿ ಮಾಡುವುದು ಹೆಚ್ಚು ವೆಚ್ಚದಾಯಕವಾಗಿದೆ. ಈ ರೀತಿ ಅಳವಡಿಸಿದ ಬಳಿಕ ಇದರ ಮೇಲೆ ಮತ್ತೆ ಕಾಂಕ್ರೀಟ್‌ ಅಥವಾ ಟೈಲ್ಸ್‌ ಹಾಕಬೇಕಾಗುತ್ತದೆ.
ಸುಲಭ ಬಳಕೆ: ಏನಾದರೂ ಸೋರಿಕೆ ಅಥವಾ ತಡೆ ಉಂಟಾದರೆ ತೆರೆದ ಪೈಪ್‌ಗಳನ್ನು ಸುಲಭವಾಗಿ ಪರಿಶೀಲಿಸಬಹುದು ಅಥವಾ ರಿಪೇರಿ ಮಾಡಬಹುದು.
ಕಡಿಮೆ ವೆಚ್ಚದಾಯಕ: ಬೇಗನೇ ಅಳವಡಿಸಬಹುದು. ಕಡಿಮೆ ಕಾರ್ಮಿಕರ ಬಳಕೆ ಸಾಕು. ಇದರಿಂದಾಗಿ ಕಡಿಮೆ ವೆಚ್ಚದಾಯಕವಾಗಿದೆ..
ನೋಡಲು ಸುಂದರ: ಕೈಗಾರಿಕಾ ಅಥವಾ ಹಳ್ಳಿ ಸೊಗಡಿನ ಲುಕ್‌ ನೀಡುವ ಕಾರಣ ನಿಮ್ಮ ಮನೆ ವಿಶಿಷ್ಟ ವಾಗಿ ಮತ್ತು ಟ್ರೆಂಡಿಯಾಗಿ ಕಾಣಿಸುತ್ತದೆ.
ಕೆಲವರಿಗೆ ಮಾತ್ರ ಇಷ್ಟವಾಗಬಹುದು: ಹೊರಗೆ ಕಾಣಿಸುವಂತೆ ಪೈಪ್‌ಗಳನ್ನು ಅಳವಡಿಸುವುದನ್ನು ಕೆಲವರು ಇಷ್ಟಪಡದೆ ಇರಬಹುದು.
ಶಬ್ದ: ಪೈಪ್‌ನೊಳಗೆ ನೀರು ಹರಿಯುವ ಶಬ್ದ ಹೊರಗೆ ಹೆಚ್ಚು ಕೇಳಿಸಬಹುದು.
ಹಾನಿ: ಪೈಪ್‌ಗಳು ಹೊರಗೆ ಕಾಣಿಸುವಂತೆ ಇರುವುದರಿಂದ ಆಕಸ್ಮಿಕವಾಗಿ ಏನಾದರೂ ತಾಗಿ ಹಾನಿಗೀಡಾಗಬಹುದು.
ವೆಚ್ಚದ ವಿಷಯಕ್ಕೆ ಬಂದರೆ ಸಾಮಾನ್ಯವಾಗಿ ತೆರೆದ ಪೈಪಿಂಗ್ ವ್ಯವಸ್ಥೆಗೆ ಕಡಿಮೆ ಹಣ ಖರ್ಚು ಮಾಡಿದರೆ ಸಾಕು. ಗೋಡೆ ಅಥವಾ ಟೈಲ್ಸ್‌ನೊಳಗೆ ಜೋಡಿಸುವ ಅಗತ್ಯವಿಲ್ಲದೆ ಇರುವ ಕಾರಣ ತೆರೆದ ಪೈಪ್‌ಗಳನ್ನು ಸುಲಭವಾಗಿ ಮತ್ತು ಬೇಗ ಅಳವಡಿಸಬಹುದು. ಇದೇ ಸಮಯದಲ್ಲಿ ಪೈಪ್‌ಗಳನ್ನು ಮರೆಮಾಚುವಂತೆ ಅಳವಡಿಸಲು ಹೆಚ್ಚು ಕೆಲಸಗಾರರು ಮತ್ತು ವಸ್ತುಗಳು ಬೇಕಾಗಿವೆ. ಮರೆಮಾಚಿದ ಪೈಪಿಂಗ್ ಅಳವಡಿಸಲು ಮತ್ತು ರಿಪೇರಿ ಮಾಡಲು ಹೆಚ್ಚು ವೆಚ್ಚ ಮಾಡಬೇಕಾಗುತ್ತದೆ.
ಇವೆರಡು ಪೈಪಿಂಗ್‌ಗಳ ದರವನ್ನು ಕೆಳಗಿನಂತೆ ಅರ್ಥಮಾಡಿಕೊಳ್ಳಬಹುದು.
ಅಳವಡಿಕೆ ವೆಚ್ಚ: ಪೈಪ್‌ಗಳನ್ನು ಅಳವಡಿಸಲು ಹೆಚ್ಚು ಕಾರ್ಮಿಕರು ಮತ್ತು ವಸ್ತುಗಳು ಬೇಕಾಗಿರುವುದರಿಂದ ಮರೆಮಾಚಿದ ಪೈಪ್‌ಗಳನ್ನು ಜೋಡಿಸಲು ಮತ್ತು ಅಳವಡಿಸಲು ಹೆಚ್ಚು ಹಣ ಖರ್ಚಾಗುತ್ತದೆ.
ನಿರ್ವಹಣೆ ವೆಚ್ಚ: ಗೋಡೆಗಳು ಅಥವಾ ನೆಲವನ್ನು ಅಗೆಯಬೇಕಾಗಿರುವುದರಿಂದ ರಿಪೇರಿ ಮಾಡಲು ಹೆಚ್ಚು ವೆಚ್ಚ ಮಾಡಬೇಕಾಗುತ್ತದೆ.
ವಸ್ತುಗಳ ವೆಚ್ಚ: ಮರೆಮಾಚಿದ ಪಿವಿಸಿ ಪೈಪ್‌ಗಳು ಮತ್ತು ಇತರೆ ವಸ್ತುಗಳು ಕಡಿಮೆ ದರಕ್ಕೆ ದೊರಕಬಹುದು. ಆದರೆ, ದೀರ್ಘಬಾಳಿಕೆ ಬೇಕಿದ್ದರೆ ಹೆಚ್ಚು ವೆಚ್ಚ ಮಾಡಬೇಕು.
ಅಳವಡಿಸುವ ವೆಚ್ಚ: ಪೈಪ್‌ಗಳನ್ನು ಮರೆಮಾಚುವ ಖರ್ಚು ಇಲ್ಲದೆ ಇರುವ ಕಾರಣ ಹೆಚ್ಚುವರಿ ವಸ್ತುಗಳ ಅಗತ್ಯವಿಲ್ಲ. ಇದರಿಂದ ಇನ್‌ಸ್ಟಾಲ್‌ ಮಾಡುವ ಖರ್ಚು ಕಡಿಮೆ ಇರುತ್ತದೆ.
ನಿರ್ವಹಣೆ ವೆಚ್ಚ: ಪೈಪ್‌ಗಳನ್ನು ಸುಲಭವಾಗಿ ತಲುಪಬಹುದಾದ ಕಾರಣದಿಂದ ನಿರ್ವಹಣಾ ವೆಚ್ಚ ಕಡಿಮೆ ಇರುತ್ತದೆ.
ವಸ್ತುಗಳ ಖರ್ಚು: ಬಳಕೆ ಮಾಡುವ ವಸ್ತುಗಳಿಗೆ ತಕ್ಕಂತೆ (ತಾಮ್ರ, ಉಕ್ಕು ಇತ್ಯಾದಿ) ತೆರೆದ ಪೈಪ್‌ಗಳು ಉತ್ತಮವಾಗಿ ಕಾಣಿಸಬಹುದು ಮತ್ತು ಅಂದವಾಗಿ ಕಾಣಿಸಬಹುದು.
ಮರೆಮಾಚಿದ ಪೈಪಿಂಗ್ ಮನೆಗೆ ನಯವಾದ, ಆಧುನಿಕ ನೋಟ ನೀಡುತ್ತದೆ. ಆದರೆ, ಇದು ದುಬಾರಿ, ನಿರ್ವಹಣೆಯೂ ಕಷ್ಟ. ತೆರೆದ ಪೈಪಿಂಗ್ ಕಡಿಮೆ ವೆಚ್ಚದಾಯಕವಾಗಿದೆ. ಕೈಗಾರಿಕಾ ಶೈಲಿಯ ಮನೆಗಳಿಗೆ ಸೂಕ್ತವಾಗಿದೆ. ಆದರೆ, ಇದು ಎಲ್ಲರಿಗೂ ಇಷ್ಟವಾಗುತ್ತದೆ ಎಂದು ಹೇಳಲಾಗದು. ಮರೆಮಾಡಿದ ಪ್ಲಂಬಿಂಗ್ ಪೈಪ್‌ಗಳು ಮತ್ತು ತೆರೆದ ಪೈಪ್‌ವರ್ಕ್ ನಡುವೆ ಯಾವುದನ್ನು ಆಯ್ಕೆ ಮಾಡಬಹುದು ಎಂಬ ಅಂದಾಜು ನಿಮಗೆ ಈಗ ಸಿಕ್ಕಿರಬಹುದು. ಒಟ್ಟಾರೆ, ಇವೆರಡರ ನಡುವಿನ ಆಯ್ಕೆಯು ನಿಮ್ಮ ಮನೆಯ ಒಟ್ಟಾರೆ ಶೈಲಿ, ನಿಮ್ಮ ಬಜೆಟ್ ಮತ್ತು ನಿರ್ವಹಣೆ ಇತ್ಯಾದಿಗಳನ್ನು ಅವಲಂಬಿಸಿರುತ್ತದೆ.
ಇದರ ಪ್ರಮುಖ ವ್ಯತ್ಯಾಸ ಗೋಚರತೆ. ತೆರೆದ ಪೈಪಿಂಗ್ ಎಲ್ಲರಿಗೂ ಕಾಣಿಸುತ್ತದೆ. ಇದು ಮನೆಯ ಅಲಂಕಾರದ ಭಾಗವಾಗಿರುತ್ತದೆ. ಕೈಗಾರಿಕಾ ವಿನ್ಯಾಸದಂತೆ ಕಾಣಿಸುತ್ತದೆ. ಮರೆಮಾಚಿದ ಪೈಪಿಂಗ್‌ಅನ್ನು ಗೋಡೆಗಳು ಅಥವಾ ನೆಲದೊಳಗೆ ಮರೆಮಾಚಲಾಗಿರುತ್ತದೆ. ಇದರಿಂದ ಹೊರಗೆ ಸ್ವಚ್ಛ ನೋಟ ಇರುತ್ತದೆ. ಯಾರಿಗೂ ಕಾಣಿಸುವುದಿಲ್ಲ.
ಗೋಡೆಗಳು ಅಥವಾ ಸೀಲಿಂಗ್‌ನೊಳಗೆ ಪ್ಲಂಬಿಂಗ್ ಪೈಪ್‌ಗಳನ್ನು ಅಡಗಿಸಿ ಜೋಡಿಸಲಾಗುತ್ತದೆ. ಇದರಿಂದ ಹೊರನೋಟಕ್ಕೆ ನಯವಾಗಿ, ಆಧುನಿಕವಾಗಿ ಕಾಣಿಸುತ್ತದೆ. ಪೈಪ್‌ನೊಳಗೆ ಹರಿಯುವ ನೀರಿನ ಶಬ್ದ ಹೊರಕ್ಕೆ ಕೇಳುವುದೂ ಕಡಿಮೆಯಾಗುತ್ತದೆ.
ಪ್ಲಂಬಿಂಗ್ ಪೈಪ್‌ಗಳನ್ನು ಹೊರಗೆ ಕಾಣಿಸುವಂತೆ ಜೋಡಿಸಿರುವುದನ್ನು ತೆರೆದ ಪೈಪಿಂಗ್ ಎನ್ನುತ್ತಾರೆ. ಕೈಗಾರಿಕಾ ಶೈಲಿಯ ಇಂಟೀರಿಯರ್‌ನಲ್ಲಿ ಹೆಚ್ಚಾಗಿ ಇದನ್ನು ಬಳಸಲಾಗುತ್ತದೆ. ಇದು ಬಳಕೆಗೂ ಸುಲಭ, ಅಲಂಕಾರದಂತೆಯೂ ಕಾಣಿಸುತ್ತದೆ.
ಹೊರಭಾಗದಲ್ಲಿ ಕಾಣಿಸುವ ಕೊಳಾಯಿ ಪೈಪ್‌ಗಳನ್ನು ಸುಲಭವಾಗಿ ದುರಸ್ತಿ ಮಾಡಬಹುದು. ಮರೆಮಾಚಿದ ಕೊಳಾಯಿ ಪೈಪ್‌ಗಳಿಗೆ ಹೋಲಿಸಿದರೆ ತೆರೆದ ಪೈಪಿಂಗ್ ಅನ್ನು ಅಳವಡಿಸುವುದು ಕಡಿಮೆ ವೆಚ್ಚದಾಯಕವಾಗಿದೆ.
ನಯವಾದ ನೋಟ ಮತ್ತು ಶಬ್ದ ಕಡಿಮೆ ಮಾಡುವ ಪ್ರಯೋಜನಗಳಿಂದಾಗಿ ಆಧುನಿಕ ಮನೆಗಳಲ್ಲಿ ಹೆಚ್ಚಾಗಿ ಮರೆಮಾಚಿದ ಪೈಪಿಂಗ್ ಅನ್ನು ಬಳಸಲಾಗುತ್ತದೆ. ಆದರೆ, ಕೈಗಾರಿಕಾ ಶೈಲಿಯ ವಿನ್ಯಾಸಗಳಲ್ಲಿ ತೆರೆದ ಅಥವಾ ಬಾಹ್ಯಾ ಪೈಪಿಂಗ್ ಬಳಕೆ ಜನಪ್ರಿಯತೆ ಪಡೆಯುತ್ತಿದೆ.
ಪೈಪ್‌ಗಳನ್ನು ಮರೆಮಾಚುವ ಕಾರಣ ಮನೆಯ ಸೌಂದರ್ಯಕ್ಕೆ ಯಾವುದೇ ಅಡ್ಡಿಪಡಿಸದೆ ಶುಭ್ರ ಮತ್ತು ಆಧುನಿಕ ನೋಟವನ್ನು ನೀಡುತ್ತದೆ. ನೀರಿನ ಹರಿವಿನ ಶಬ್ದ ಕಡಿಮೆ ಇರುತ್ತದೆ. ಪೈಪ್‌ಗಳಿಗೆ ಹಾನಿಯಾಗದಂತೆ ರಕ್ಷಿಸುತ್ತದೆ. ಮನೆಯ ಇಂಟೀರಿಯರ್ ವಿನ್ಯಾಸಕ್ಕೆ ಪೂರಕವಾಗಿದೆ. ಸಮರ್ಪಕವಾದ ಪ್ಲ್ಯಾನಿಂಗ್‌ ಮೂಲಕ ಬಾಳ್ವಿಕೆ ಮತ್ತು ನಿರ್ವಹಣೆಯ ಸವಾಲುಗಳನ್ನು ಕಡಿಮೆ ಮಾಡಿಕೊಳ್ಳಬಹುದು.
