Share:
ಮನೆ ನಿರ್ಮಾಣ ಕೆಲಸದಲ್ಲಿ ಅನಿರೀಕ್ಷಿತ ಕಾರಣಗಳಿಂದಾಗಿ ವಿಳಂಬಗಳು ಉಂಟಾಗಬಹುದು. ವಿಳಂಬಗಳನ್ನು ಈ ಕೆಳಗೆ ಕಂಡಂತೆ ವಿವರಿಸಬಹುದು:
1. ಪ್ರಮುಖ ವಿಳಂಬ: ಅಗತ್ಯ ವಸ್ತುಗಳ ಪೂರೈಕೆಯಲ್ಲಿ ವಿಳಂಬ ಅಥವಾ ಕೆಲಸ ಶುರು ಮಾಡಲು ಬೇಕಾಗಿರುವ ಪರವಾನಗಿ ಮತ್ತು ಅನುಮತಿ ಪಡೆಯುವಲ್ಲಿ ವಿಳಂಬದಿಂದಾಗಿ ಮನೆಯ ಕೆಲಸದ ಮೇಲೆ ಪ್ರತಿಕೂಲ ಪರಿಣಾಮ ಬೀರುವ ಸಾಧ್ಯತೆ ಇದೆ.
2. ಸಮರ್ಥನೆ ನೀಡಲು ಸಾಧ್ಯ ಇರುವ ವಿಳಂಬ: ಪ್ರತಿಕೂಲ ಹವಾಮಾನ ಸೇರಿದಂತೆ ಹಲವು ಕಾರಣಗಳಿಂದ ವಿಳಂಬವಾಗಲಿವೆ. ಈ ಅಂಶಗಳ ಬಗ್ಗೆ ಯಾರಿಂದಲೂ ಮುನ್ನೆಚ್ಚರಿಕೆ ನೀಡಲು ಅಸಾಧ್ಯ. ಸೂಕ್ತ ಯೋಜನೆಯಿಂದ ಈ ಪ್ರತಿಕೂಲ ಪರಿಣಾಮಗಳನ್ನು ಎದುರಿಸಬಹುದು.
3. ಸಮರ್ಥನೆ ನೀಡಲು ಸಾಧ್ಯವಿಲ್ಲದ ವಿಳಂಬ: ಕೌಶಲ್ಯ ಹೊಂದಿಲ್ಲದ ಕಾರ್ಮಿಕರು ಅಥವಾ ಸರಿಯಾದ ರೀತಿಯಲ್ಲಿ ನಿರ್ಮಾಣ ಕೆಲಸವನ್ನು ಹಂಚದೇ ಇರುವುದಕ್ಕೆ ಸಮರ್ಥನೆ ನೀಡಲು ಸಾಧ್ಯವಿಲ್ಲ. ಸರಿಯಾದ ಸಮನ್ವಯತೆ ಮತ್ತು ಯೋಜನೆ ನಿರ್ವಹಣೆಯಿಂದ ಇಂಥ ವಿಳಂಬ ತಡೆಯಬಹುದು.
ಕೌಶಲ್ಯಯುತ್ತ ಗುತ್ತಿಗೆದಾರನಿಗೆ ಮನೆ ನಿರ್ಮಾಣ ಕೆಲಸ ನೀಡಬೇಕು. ಜತೆಗೆ ಮನೆ ನಿರ್ಮಾಣದ ಬಗ್ಗೆ ಸಮಗ್ರ ಯೋಜನಾ ವರದಿ ಹೊಂದಿರಬೇಕು. ಜೀವನದಲ್ಲಿ ನೀವು ಒಂದು ಬಾರಿ ಮಾತ್ರ ಮನೆ ನಿರ್ಮಾಣ ಮಾಡುವುದರಿಂದ ಕೆಲಸದಲ್ಲಿ ವಿಳಂಬ ಆಗದಂತೆ ನೋಡಿಕೊಳ್ಳಿ.
ಮನೆ ನಿರ್ಮಾಣ ಕಾಮಗಾರಿಯಲ್ಲಿ ವಿಳಂಬ ಆಗಲು ಆಂತರಿಕ ಮತ್ತು ಬಾಹ್ಯ ಕಾರಣಗಳು ಇವೆ:
ಕೌಶಲ್ಯಯುಕ್ತ ಮತ್ತು ಜಾಣನಾಗಿರುವ ಗುತ್ತಿಗೆದಾರ ಮತ್ತು ಆತನ ತಂಡ ಮೇಲ್ಕಂಡ ಅಂಶಗಳನ್ನು ಕೂಲಂಕಷವಾಗಿ ಪರಿಶೀಲಿಸಿ ನಿಮಗೆ ಉಂಟಾಗುವ ಅಪಾಯಗಳನ್ನು ತಪ್ಪಿಸುವಲ್ಲಿ ಯಶಸ್ವಿಯಾಗುತ್ತಾರೆ.
ಮನೆ ನಿರ್ಮಾಣದಲ್ಲಿ ಉಂಟಾಗುವ ವಿಳಂಬವನ್ನು ಸುಸೂತ್ರ ಯೋಜನೆ ಜಾರಿಯಿಂದ ನಿರ್ವಹಿಸಬಹುದು. ಈ ರೀತಿ ನಿರ್ವಹಿಸುವುದರಿಂದ ನಿಮ್ಮ ಮನೆ ನಿರ್ಮಾಣದ ಕೆಲಸ ಸುಸೂತ್ರವಾಗಿ ನಡೆಯಬಹುದು:
1. ಸುದೀರ್ಘ ವೇಳಾಪಟ್ಟಿ ಸಿದ್ಧಪಡಿಸಿ: ನಿರ್ಮಾಣ ಕಾರ್ಯದ ವೇಳೆ ಉಂಟಾಗಬಹುದಾದ ಅಪಾಯಗಳ ಬಗ್ಗೆ ಗುತ್ತಿಗೆದಾರನ ಬಗ್ಗೆ ಚರ್ಚೆ ನಡೆಸಿ. ಜತೆಗೆ ಕೆಲಸ ಪೂರ್ತಿಗೊಳಿಸಲು ಹೆಚ್ಚುವರಿ ಕಾಲಮಿತಿ ಹಾಕಿಕೊಳ್ಳಿ. ನಿಮ್ಮ ಗುತ್ತಿಗೆದಾರನ ಅನುಭವ ಅಗತ್ಯಕ್ಕೆ ತಕ್ಕಂತೆ ವೇಳಾಪಟ್ಟಿ ಸಿದ್ಧಪಡಿಸಲು ನೆರವಾಗುತ್ತದೆ. ಇದರಿಂದ ವಿಳಂಬ ನಿರ್ವಹಿಸಲು ಸಾಧ್ಯವಾಗುತ್ತದೆ.
2. ನಿರಂತರವಾಗಿ ಕೆಲಸದ ಪ್ರಗತಿ ಗಮನಿಸಿ: ಪದೇ ಪದೇ ಸೈಟ್ ಗೆ ಹೋಗಿ ಮತ್ತು ಗುತ್ತಿಗೆದಾರ ನಿಮಗೆ ನೀಡುವ ಕೆಲಸದ ಮಾಹಿತಿ ನೆರವಾಗಲಿದೆ. ಇದರಿಂದಾಗಿ ಅಲ್ಲಿ ಇರುವ ಸಮಸ್ಯೆ ಬಗೆಹರಿಸಲು ಸಾಧ್ಯವಾಗಲಿದೆ. ಇದರಿಂದಾಗಿ ಮನೆ ನಿರ್ಮಾಣ ಕೆಲಸ ಸುಗಮವಾಗಿ ಮುಂದುವರಿಯಲಿದೆ.
3. ನಂಬಿಕಸ್ತ ತಜ್ಞರನ್ನು ನೇಮಿಸಿ: ಮನೆಯ ನಿರ್ಮಾಣದ ಕೆಲಸಕ್ಕೆ ನಂಬಿಕಸ್ತ ಗುತ್ತಿಗೆದಾರನನ್ನು ನೇಮಿಸಿ. ಆತನ ಬಳಿ ಪರಿಣತ ಕಾರ್ಮಿಕರು, ಮನೆ ನಿರ್ಮಾಣಕ್ಕೆ ಬೇಕಾಗಿರುವ ವಸ್ತುಗಳ ಪೂರೈಕೆ, ಅದನ್ನು ಪೂರೈಸುವವರ ಜತೆ ನಿರಂತರ ಸಂಪರ್ಕ ಗುತ್ತಿಗೆದಾರನಿಗೆ ಇರುತ್ತದೆ.
4. ಗುಣಮಟ್ಟದ ವಸ್ತುಗಳ ಬಳಕೆ: ನಿಮ್ಮ ಮನೆಯ ಕೆಲಸ ವಹಿಸಿಕೊಂಡ ಗುತ್ತಿಗೆದಾರನಿಗೆ ಉತ್ತಮ ಗುಣಮಟ್ಟದ ವಸ್ತುಗಳನ್ನು ಪೂರೈಸುವವರ ಜತೆಗೆ ನಿಕಟ ಸಂಪರ್ಕ ಇರಬೇಕು. ಇದರಿಂದಾಗಿ ವಿಳಂಬ ತಪ್ಪುತ್ತದೆ ಮತ್ತು ವಸ್ತುಗಳ ಕೊರತೆಯಿಂದ ಉಂಟಾಗುವ ಅನಾನುಕೂಲತೆ ತಪ್ಪುತ್ತದೆ.
5. ಅಪಾಯ ತಗ್ಗಿಸಿ: ಉತ್ತಮ ಗುತ್ತಿಗೆದಾರ ಮನೆ ನಿರ್ಮಾಣದ ವೇಳೆ ಉಂಟಾಗುವ ಪ್ರತಿಕೂಲ ಹವಾಮಾನ ಅಥವಾ ಮಾರುಕಟ್ಟೆಯಲ್ಲಿನ ಏರಿಳಿತ ಸೇರಿದಂತೆ ಹಲವು ಸಮಸ್ಯೆಗಳನ್ನು ನಿರೀಕ್ಷಿಸಿ ಅದನ್ನು ಯಶಸ್ವಿಯಾಗಿ ನಿಭಾಯಿಸುತ್ತಾನೆ.
ಉತ್ತಮ ಕಾರ್ಮಿಕರ ತಂಡವನ್ನು ಹೊಂದಿರುವ ಯಶಸ್ವೀ ಗುತ್ತಿಗೆದಾರ ನಿಗದಿತ ಸಮಯಕ್ಕೆ ಅನುಗುಣವಾಗಿ ಗುಣಮಟ್ಟದ ಕೆಲಸದ ಮೂಲಕ ನಿಮ್ಮ ಮನೆಯ ಕೆಲಸ ಪೂರ್ತಿಗೊಳಿಸಲಿದ್ದಾನೆ. ನೀವು ಜೀವನದಲ್ಲಿ ಒಂದು ಬಾರಿ ಮಾತ್ರ ಮನೆ ಕಟ್ಟಲಿರುವುದರಿಂದ ಗುತ್ತಿಗೆದಾರನ ಆಯ್ಕೆಯಲ್ಲಿ ರಾಜಿ ಮಾಡಿಕೊಳ್ಳುವುದು ಬೇಡ.
ಮನೆ ನಿರ್ಮಾಣದ ವೇಳೆ ವಿಳಂಬ ಆಗಿಯೇ ಆಗುತ್ತದೆ. ಆದರೆ, ಅದು ನಿಮ್ಮ ಮನೆಯ ನಿರ್ಮಾಣಕ್ಕೆ ಅಡ್ಡಿಯಾಗಬೇಕಾಗಿಲ್ಲ. ಸರಿಯಾದ ಯೋಜನೆ, ಉತ್ತಮ ಗುತ್ತಿಗೆದಾರ ಮತ್ತು ಸೂಕ್ತ ಸಂಖ್ಯೆಯ ಕಾರ್ಮಿಕರು ನಿಮ್ಮ ಮನೆಯ ನಿರ್ಮಾಣದ ಕೆಲಸವನ್ನು ನಿಗದಿತ ಬಜೆಟ್ ನಲ್ಲಿಯೇ ಪೂರ್ತಿಗೊಳಿಸಲು ನೆರವಾಗುತ್ತಾರೆ. ಮನೆಯ ಕೆಲಸದಲ್ಲಿ ವಿಳಂಬ ತಡೆಯುವಂತೆ ಮಾಡುವುದು ನಿಜಕ್ಕೂ ಒಂದು ಸಾಧನೆಯೇ ಸರಿ. ವಿಳಂಬವನ್ನು ಸರಿಯಾದ ರೀತಿಯಲ್ಲಿ ನಿಭಾಯಿಸುವ ಮೂಲಕ ಸಮಯ ಮತ್ತು ಹಣ ಉಳಿತಾಯ ಮಾಡಬಹುದು.
ನಿಮ್ಮ ಮನೆ ಎನ್ನುವುದು ನಿಮ್ಮ ಗುರುತಿನ ಸಂಕೇತ. ಅದನ್ನು ಸರಿಯಾದ ಸಂದರ್ಭದಲ್ಲಿ ನಿರ್ಮಿಸಬೇಕು. ಅದಕ್ಕಾಗಿ ಸರಿಯಾಗಿರುವ ತಂಡವನ್ನು ಆಯ್ಕೆ ಮಾಡುವುದೂ ಪ್ರಮುಖ. ವಿಶ್ವಾಸಾರ್ಹ ಗುತ್ತಿಗೆದಾರನ ತಂಡ ಕೆಲಸದ ವೇಳೆ ಉಂಟಾಗುವ ವಿಳಂಬವನ್ನು ಸರಿಯಾಗಿ ನಿಭಾಯಿಸಿ, ನಿಮಗೆ ಅತ್ಯುತ್ತಮವಾಗಿರುವ, ಗುಣಮಟ್ಟದ ಮನೆ ನಿರ್ಮಿಸಿಕೊಡಲಿದೆ.
ಸರಿಯಾದ ರೀತಿಯಲ್ಲಿ ಯೋಜನೆ ಸಿದ್ಧಪಡಿಸಿಕೊಳ್ಳದೇ ಇರುವುದು, ಹವಾಮಾನದಿಂದ ಉಂಟಾಗುವ ಸವಾಲುಗಳು, ಗುತ್ತಿಗೆದಾರನಿಂದ ಉಂಟಾಗುವ ಸಮಸ್ಯೆಗಳು ಮತ್ತು ಮನೆ ನಿರ್ಮಾಣಕ್ಕೆ ಬೇಕಾಗಿರುವ ವಸ್ತುಗಳು ದೊರಕದೇ ಇರುವುದು.
ಕೌಶಲ್ಯ ಭರಿತ ಗುತ್ತಿಗೆದಾರನನ್ನು ನಿಯೋಜಿಸುವ ಮೂಲಕ, ಉತ್ತಮ ಗುಣಮಟ್ಟದ ವಸ್ತುಗಳನ್ನು ನಿರ್ಮಾಣ ಕೆಲಸಕ್ಕೆ ಬಳಕೆ ಮಾಡುವ ಮೂಲಕ ಮತ್ತು ನಿರಂತರವಾಗಿ ಮನೆ ಕೆಲಸದ ಮೇಲೆ ನಿಗಾ ಇರಿಸುವ ಮೂಲಕ ಶೀಘ್ರವೇ ಕೆಲಸ ಮುಕ್ತಾಯಗೊಳಿಸಬಹುದು.
ಸಮಗ್ರ ಯೋಜನೆ ಸಿದ್ಧಪಡಿಸುವ ಮೂಲಕ, ಉತ್ತಮ ಗುಣಮಟ್ಟದ ವಸ್ತುಗಳ ಬಳಕೆ, ವಿಶ್ವಾಸಾರ್ಹ ಗುತ್ತಿಗೆದಾರರನ್ನು ನಿಯೋಜಿಸುವ ಮೂಲಕ
ಮನೆ ನಿರ್ಮಾಣದಲ್ಲಿ ಉಂಟಾಗುವ ಸಂಭಾವ್ಯ ಅಪಾಯಗಳನ್ನು ಪಟ್ಟಿ ಮಾಡಬೇಕು. ನಿಗದಿತ ಅವಧಿಯಲ್ಲಿ ಕೆಲಸ ಪೂರ್ತಿಯಾಗದೇ ಇದ್ದರೆ ಹೆಚ್ಚುವರಿ ಅವಧಿಯನ್ನು ಮೊದಲೇ ನಿಗದಿ ಮಾಡಿಕೊಳ್ಳಬೇಕು ಮತ್ತು ಕೆಲಸದ ಅವಧಿಯಲ್ಲಿ ಕಂಡುಬರುವ ಸಮಸ್ಯೆಗಳನ್ನು ಕೂಡಲೇ ಪರಿಹರಿಸಿಕೊಳ್ಳಬೇಕು.
