બાથરૂમની સામગ્રીઓ પસંદ કરવા માટેની ટિપ્સ

બાથરૂમની દિવાલની ટકાઉ અને જળ-પ્રતિરોધી સામગ્રી કેવી રીતે પસંદ કરવી

બાથરૂમની દિવાલની સામગ્રી પસંદ કરતી વખતે જળ-પ્રતિરોધ ખૂબ આવશ્યક છે. ભેજથી થતા નુકસાનની સામે લાંબા સમય સુધી સુરક્ષા સુનિશ્ચિત કરવા માટે યોગ્ય સામગ્રી પસંદ કરવા જેટલું જ બાથરૂમનું યોગ્ય વોટરપ્રુફિંગ આવશ્યક છે. અહીં ટોચના વિકલ્પો આપવામાં આવ્યા છેઃ

• ટાઇલ્સઃ પોલ્સેલિન અથવા સિરામિક ટાઇલ્સ બાથરૂમની દિવાલની સામગ્રીઓ માટે ટોચની પસંદગી છે. તેઓ જળ-પ્રતિરોધી, સાફ કરવામાં સરળ અને વિભિન્ન ડિઝાઇન્સમાં આવે છે. સબવે ટાઇલ્સથી લઈને મોટા ફોર્મેટની સ્ટાઇલ્સ સુધી આ ટાઇલ્સ તમારા બાથરૂમના સૌંદર્યને વધારે છે, સાથે સાથે દિવાલોને પાણીનાં નુકસાનથી સુરક્ષિત રાખે છે.

   

• એક્રેલિક પેનલ્સઃ આ આકર્ષક, આધુનિક દેખાવ આપે છે અને લગાવવામાં અને જાળવવામાં સરળ હોય છે. તેઓ વુટરપ્રુફ હોય છે અને ઘણી ફિનિશ અને પેટર્નમાં ઉપલબ્ધ હોય છે, જે તેમને બાથરૂમની બહુમુખી રિમોડલ સામગ્રીઓ બનાવે છે.
   

• પેઇન્ટઃ જો તમે રંગેલી દિવાલોની પસંદગી કરો છો તો બાથરૂમ માટે ડિઝાઇન કરેલા ભેજ-પ્રતિરોધી પેઇન્ટ્સ પસંદ કરો. સેમી-ગ્લૉસ અથવા સાટિન ફિનિશ ભેજની સામે થોડી સુરક્ષા પૂરી પાડી શકે છે.

   

• કાચઃ કાચની પેનલો અથવા ટાઇલ્સ સંપૂર્ણપણે વોટરપ્રુફ હોવાની સાથે સાથે સુંદર સ્પર્શન ઉમેરો કરી શકે છે. જો કે, તેઓ મોંઘા હોઇ શકે છે અને પાણીના ડાઘા અને સાબુના મેલને સાફ કરવા માટે વારંવાર સાફ કરવાની જરૂર પડી શકે છે.

   

તમારા બાથરૂમ માટે શ્રેષ્ઠ કાઉન્ટરટોપ સામગ્રીઓ પસંદ કરવી

બાથરૂમ કાઉન્ટરટોપ સામગ્રીઓ સ્ટાઇલ અને વ્યવહારિકતા બંનેમાં મહત્ત્વપૂર્ણ ભૂમિકા ભજવે છે. અહીં યોગ્ય પસંદગી કેવી રીતે કરવી તે આપવામાં આવ્યું છેઃ

• ક્વોર્ટ્ઝઃ ક્વોર્ટ્ઝ ઉચ્ચ રીતે ટકાઉ, સ્ક્રેટ-પ્રતિરોધી અને છિદ્રાળુ ન હોય એવી સામગ્રી છે, જે બાથરૂમના કાઉન્ટરટોપ માટે આદર્શ છે. તે વિભિન્ન રંગો અને પેટર્નમાં ઉપલબ્ધ છે અને તેની ઓછી જાળવણી ઘરમાલિકો માટે તેને લોકપ્રિય બનાવે છે.
   

• ગ્રેનાઇટઃ ગ્રેનાઇટને નિયમિતપણે સિલિંગની જરૂર હોય છે, તે કુદરતી, ભવ્ય દેખાવ પૂરો પાડે છે, જે કોઇ પણ બાથરૂમનાં સોંદર્યને વધારી શકે છે. તે ગરમી અને સ્ક્રેચ-પ્રતિરોધી પણ છે, જે તેને વ્યવહારુ પસંદગી પણ બનાવે છે.

   

• લેમિનેટઃ જો તમારું બજેટ મર્યાદિત હોય તો લેમિનેટ કાઉન્ટરટોપ પરવડી શકે એવા હોય છે અને વિભિન્ન ડિઝાઇન્સમાં આવે છે. જો કે, તેઓ કુદરતી પથ્થરના વિકલ્પો જેટલા ટકાઉ હોતા નથી અને સ્ક્રેચ પડવાનું જોખમ હોઇ શકે છે.

   

• માર્બલઃ માર્બલ બાથરૂમનાં કાઉન્ટરટોપની સામગ્રી છે, જે કાલાતીત ભવ્યતા આપે છે, પરંતુ તેની છીદ્રાળું પ્રકૃત્તિને લીધે ડાઘ અને સ્ક્રેચને ટાળવા માટે તેના માટે નિયમિત જાળવણીની જરૂર હોય છે.
   

• એન્જિનિયર્ડ સ્ટોન એટલે કે કૃત્રિમ ગ્રેનાઇટ/માર્બલઃ આ ફોર્મેટમાં રંગોની વ્યાપક શ્રેણી ઉપલબ્ધ છે.

• ફૂલ બોડી વિટ્રિફાઇડ ટાઇલ સ્લેબઃ 16 મીમી જાડી ટાઇલ્સ મોટા સ્લેબમાં આવે છે અને ખૂબ યોગ્ય અને ટકાઉ વિકલ્પ છે, જે ઘણા રંગોમાં આવે છે. ડાઘાની સમસ્યાને ધ્યાનમાં રાખીને ટાકઉ વિકલ્પ છે.

લપસી જતા રોકે એવી ટાઇલ્સ

લપસી જતા રોકે એવી ટાઇલ રેટિંગ પ્રણાલીનો ઉપયોગ કરીને માપવામાં આવે છે, જેમ કે આર રેટિંગ અથવા પેન્ડ્યુલમ પરીક્ષણ, જે ટાઇલ્સમાં લપસવાની શક્યતા કેટલી છે તે સૂચવે છે. જેટલું રેટિંગ ઊંચું એટલી ટાઇલ્સમાં લપસવાની શક્યતા ઓછી. આર રેટિંગ્સ અહીં આપવામાં આવ્યા છેઃ
 

આર9: લપસી જવાની સામે ઓછી પ્રતિરોધક, જે બાથરૂમ અને બેઠક રૂમ જેવા સુષ્ક ક્ષેત્રો માટે યોગ્ય હોય છે

આર10: લપસી જવા સામે મધ્યમ પ્રતિરોધી, જે બાથરૂમ, રસોડા અને ગેરેજ જેવા ઉચ્ચ ભેજયુક્ત ક્ષેત્રો માટે યોગ્ય હોય છે

આર11: લપસી જવા સામે ઉચ્ચ પ્રતિરોધી, જે દાદર અને છત જેવા આઉટડોર ક્ષેત્રો માટે યોગ્ય હોય છે

આર12: લપસી જવા સામે ઉચ્ચ પ્રતિરોધી, જે સ્વિમિંગ પુલ અને સૌના જેવા લપસી જવાનું ઊંચું જોખમ ધરાવતા ક્ષેત્રો માટે યોગ્ય હોય છે

આર13: લપસી જવા સામે ઉચ્ચ પ્રતિરોધી, જે ઔદ્યોગિક રસોડા અને ફૂડ પ્રોસેસિંગ ક્ષેત્રો જેવી આત્યંતિક સ્થિતિઓ ધરાવતા ક્ષેત્રો માટે યોગ્ય હોય છે

નોંધઃ બાથરૂમની ટાઇલ્સ આર10 અથવા વધુ લઘુત્તમ રેટિંગ ધરાવતી હોવી જોઇએ.

લોકપ્રિય બાથરૂમ ટાઇલ વિકલ્પોની તુલનાઃ લાભ અને ગેરલાભ

ટાઇલ્સ બહુમુખી બાથરૂમ રિમોડલ સામગ્રીઓ છે, પરંતુ કાર્યક્ષમ બાથરૂમ ઉપકરણની સાથે તેમને જોડીને તેમની કાર્યાત્મકતાને વધુ વધારી શકાય છે:

• પોર્સેલિન/સિરામિક: ટકાઉપણું અને જળ-પ્રતિરોધી હોવા માટે જાણિતા પોર્સેલિન અને સિરામિક ટાઇલ્સ દિવાલો અને ફ્લોર્સ માટે આદર્શ છે. તેઓ ઘણી ડિઝાઇન સાથે આવે છે, પરંતુ તે ઠંડા અને પગની નીચે સખત લાગી શકે છે.

   

• કાચની ટાઇલ્સઃ આ જોવામાં અનોખા લાગે છે અને સંપૂર્ણપણે વોટરપ્રુફ હોય છે. જો કે, કાચની ટાઇલ્સ વધુ ખર્ચાળ હોય છે અને તેમાં તિરાડ પડવાની શક્યતા વધુ હોય છે.
   

• કુદરતી પથ્થરઃ તે ભવ્ય સ્પર્ષ ઉમેરે છે, પરંતુ જળ-પ્રતિરોધકતા જાળવવા માટે નિયમિત સિલિંગની આવશ્યકતા હોય છે.

   

• વિનાઇલ ટાઇલ્સઃ વ્યાજબી અને લગાવવામાં સરળ હોય છે, વિનાઇલ ટાઇલ્સ ડીઆઇવાય પ્રોજેક્ટ્સ માટે શ્રેષ્ઠ હોય છે. જો કે તેઓ કુદરતી પથ્થરો અથવા સિરામિક જેવું સૌંદર્ય પૂરું પાડતા નથી.

બાથરૂમ માટે છતની સામગ્રીઃ ભેજ-પ્રતિરોધી ઉકેલો

બાથરૂમની છતની સામગ્રીને ધ્યાનમાં રાખતી વખતે ફૂગને ટાળવા માટે ભેજ પ્રતિરોધકતા પર ધ્યાન કેન્દ્રિત કરો:

• પીવીસી પેનલો ભેજ અને ફૂગ સામે ઉચ્ચ પ્રતિરોધી હોય છે, જે તેમને બાથરૂમની છત માટે આદર્શ બનાવે છે. તેઓ લગાવવામાં સરળ અને વિભિન્ન ડિઝાઇન્સમાં આવે છે.

   

• ભેજ-પ્રતિરોધી ડ્રાઇવોલ: તેને ગ્રીન બોર્ડ તરીકે પણ ઓળખવામાં આવે છે, આ બાથરૂમની છત માટે લોકપ્રિય પસંદગી છે. તેને ભેજથી બચાવવા માટે ઉપચારિત કરવામાં આવે છે અને સુશોભન સાથે મેળ ખાય તે માટે રંગવામાં પણ આવી શકે છે.

   

• સિમેન્ટ બોર્ડઃ ટાઇલ્સની નીચે આધાર તરીકે ઉપયોગ કરવામાં આવતા સિમેન્ટ બોર્ડ અવિશ્વસનીય રીતે ટકાઉ અને વોટરપ્રુફ છે, જે તેને ઉચ્ચ ભેજ ધરાવતી બાથરૂમની છત માટે શ્રેષ્ઠ પસંદગી બનાવે છે.

   

   

પર્યાવરણને અનુકૂળ બાથરૂમ સામગ્રીઓ પસંદ કરવાની ટિપ્સ

ટકાઉતા બાથરૂમ ડિઝાઇનમાં ઘણી મહત્ત્વપૂર્ણ હોય છે. પર્યાવરણને અનુકૂળ બાથરૂમ રિમોડલ સામગ્રીઓ માટેની ટિપ્સ અહીં આપવામાં આવી છે:

• રિસાઇકલ્ડ ટાઇલ્સ: પર્યાવરણીય અસરને ઘટાડવા માટે રિસાઇકલ્ડ ટાઇલ્સ કે સિરામિક ટાઇલ્સનો વિકલ્પ પસંદ કરો.

   

• વાંસ: આ ઝડપથી નવીનીકરણીય સામગ્રી બાથરૂમ ફ્લોરિંગ અને ફર્નિચર માટે ટકાઉ હોય છે.

   

• નીચા વીઓસી પેઇન્ટઃ મકાનની અંદર હવાની ગુણવત્તા સુધારવા માટે નીચા વોલેટાઇલ ઓર્ગેનિક કમ્પાઉન્ડ ધરાવતા પેઇન્ટ પસંદ કરો.

   

• જળ-કાર્યક્ષમ ફિક્સચર્સ: પ્રદર્શનમાં સમાધાન કર્યા વિના પાણીનો ઓછો વપરાશ કરે એ રીતે ડિઝાઇન કરેલા ફોસેટ્સ, શાવર્સ અને ટોઇલેટ લગાવો.