Share:
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଉପାଦେୟ ଟୁଲ୍ସ
ହୋମ୍ ବିଲଡିଂ ଗାଇଡ୍
ଆମର ପ୍ରଡକ୍ଟସ୍
ଅଲ୍ଟ୍ରାଟେକ୍ ବିଲଡିଂ ପ୍ରଡକ୍ଟସ୍
Share:
ଢାଞ୍ଚାର ସ୍ଥିରତା ଏବଂ ଶକ୍ତି ବୃଦ୍ଧି ପାଇଁ ଢାଞ୍ଚାରେ ବ୍ରେସିଂ କରାଯିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ ।
ପ୍ରକଳ୍ପର ନିର୍ଦ୍ଦିଷ୍ଟ ଆବଶ୍ୟକତା ଆଧାରରେ ବିଭିନ୍ନ ବ୍ରେସିଂ ସିଷ୍ଟମ ବ୍ୟବହାର କରାଯାଏ ।
ଷ୍ଟାଣ୍ଡାର୍ଡ ବ୍ରେସିଂ ପଦ୍ଧତି ମଧ୍ୟରେ କେ ବ୍ରେସିଂ, ଏକ୍ସ ବ୍ରେସିଂ, ଶିୟର ୱାଲ, କୋର ୱାଲ୍ସ ଏବଂ ମୁମେଣ୍ଟ ୱାଲ୍ ଅନ୍ତର୍ଭୁକ୍ତ ।
ନିର୍ମାଣରେ ବ୍ରେସିଂର ଅର୍ଥ ହେଉଛି ଏକ ଢାଞ୍ଚାକୁ ସ୍ଥିରତା ଯୋଗାଇବା ଏବଂ ତାହାକୁ ବିଭିନ୍ନ ଭାର କାରଣରୁ ବିକୃତ ହେବା କିମ୍ବା ଭୁଶୁଡ଼ିଯିବାରୁ ରକ୍ଷା କରିବା ପାଇଁ ବ୍ୟବହାର କରାଯାଉଥିବା ମଜବୁତୀକରଣ ବା ରିଇନଫୋର୍ସମେଣ୍ଟ । ଏଥିରେ ଇସ୍ପାତ କିମ୍ବା କାଠ ଭଳି ଅତିରିକ୍ତ ଉପାଦାନ ବ୍ୟବହାର କରାଯାଇ ଢାଞ୍ଚାକୁ ତାହାର ଆକୃତି ବଜାୟ ରଖିବା ଏବଂ ଚାପ ସହିବା ସୁନିଶ୍ଚିତ କରିବାର କାର୍ଯ୍ୟ ଅନ୍ତର୍ଭୁକ୍ତ । ଇସ୍ପାତ ଏବଂ କଂକ୍ରିଟ ଢାଞ୍ଚାରେ ବ୍ରେସିଂ ଜରୁରୀ, ଯାହା ପାର୍ଶ୍ୱିକ ସମର୍ଥନ ବା ସପୋର୍ଟ ପ୍ରଦାନ କରିବା ସହ ସାମଗ୍ରିକ ନିରାପତ୍ତାକୁ ସୁନିଶ୍ଚିତ କରିଥାଏ ।
ନିର୍ମାଣରେ, ଢାଞ୍ଚାର ଡିଜାଇନ୍ ଏବଂ ଉଦ୍ଦେଶ୍ୟ ଉପରେ ନିର୍ଭର କରି ବିଭିନ୍ନ ପ୍ରକାରର ବ୍ରେସିଂ ସିଷ୍ଟମ ବ୍ୟବହାର କରାଯାଏ । ପ୍ରତ୍ୟେକ ପ୍ରକାରର ନିଜର ସ୍ୱତନ୍ତ୍ର ପ୍ରୟୋଗ ଏବଂ ଫାଇଦା ଅଛି ।
ଭୂସମାନ୍ତର ବ୍ରେସିଂ ବା ହରାଇଜଣ୍ଟାଲ୍ ବ୍ରେସିଂ ବିଲଡିଂର ଚଟାଣ ବା ଛାତ ଭଳି ତଳ ସାରା ପାର୍ଶ୍ୱିକ ବଳକୁ ବଣ୍ଟନ କରିଥାଏ । ଏହା ପବନ ଭାର ଏବଂ ଅନ୍ୟାନ୍ୟ ଭୂସମାନ୍ତର ବଳଗୁଡ଼ିକୁ ପ୍ରତିରୋଧ କରିବାରେ ସାହାଯ୍ୟ କରିଥାଏ ଏବଂ ଢାଞ୍ଚାର ସ୍ଥିରତା ସୁନିଶ୍ଚିତ କରିଥାଏ ।
ଭୂଲମ୍ବ ବ୍ରେସିଂ ବା ଭର୍ଟିକାଲ୍ ବ୍ରେସିଂ ବିଲଡିଂର କାନ୍ଥ ଓ କଲମ୍ ଭଳି ଭୂଲମ୍ବ ତଳରେ ପାର୍ଶ୍ୱିକ ବଳଗୁଡ଼ିକୁ ପ୍ରତିରୋଧ କରିବାର ସାମର୍ଥ୍ୟ ଯୋଗାଇଥାଏ । ଉଚ୍ଚ ଢାଞ୍ଚାଗୁଡ଼ିକର ଭୂଲମ୍ବ ଅନୁଯୋଜନ ଏବଂ ଅଖଣ୍ଡତାକୁ ବଜାୟ ରଖିବା ପାଇଁ ଏହା ଗୁରୁତ୍ୱପୂର୍ଣ୍ଣ ହୋଇଥାଏ ।
ବିକର୍ଣ୍ଣ ବ୍ରେସିଂ ବା ଡାଇଗୋନାଲ୍ ବ୍ରେସିଂ ନିର୍ମାଣରେ ବ୍ୟବହୃତ ହେଉଥିବା ସବୁଠାରୁ ସାଧାରଣ ପ୍ରକାରର ବ୍ରେସିଂ ଅଟେ । ଏହି ପ୍ରକ୍ରିୟାରେ ବ୍ରେସ୍ ଗୁଡ଼ିକୁ ଏକ ଫ୍ରେମ୍ ରେ ବିକର୍ଣ୍ଣ ଭାବେ ସ୍ଥାପନ କରାଯାଇଥାଏ, ଯାହାଦ୍ୱାରା ଶିୟର୍ ବଳ ପ୍ରତିରୋଧିତ ହୁଏ ଏବଂ ଢାଞ୍ଚାକୁ ପାର୍ଶ୍ୱିକ ଭାର ବିରୁଦ୍ଧରେ ଅତିରିକ୍ତ ସ୍ଥିରତା ମିଳିଥାଏ ।
ଷ୍ଟିଲ୍ ଢାଞ୍ଚା ଏବଂ ଅନ୍ୟାନ୍ୟ ନିର୍ମାଣ ଫ୍ରେମୱାର୍କରେ ଅନେକ ଲୋକପ୍ରିୟ ପ୍ରକାରର ବ୍ରେସିଂ ବ୍ୟାପକ ରୂପେ ବ୍ୟବହାର କରାଯାଇଥାଏ କାରଣ ସେଗୁଡ଼ିକ ବ୍ୟାବହାରିକ ଏବଂ ଭରସାଯୋଗ୍ୟ ହୋଇଥାଏ।
କେ ବ୍ରେସିଂରେ ଢାଞ୍ଚାଗତ ଫ୍ରେମ୍ ମଧ୍ୟରେ ଇଂରାଜୀ ଅକ୍ଷର ‘‘K’’ ଆକୃତିର ବ୍ରେସ୍ ଲଗାଯାଇଥାଏ । ଏହି ପଦ୍ଧତିଟି ପାର୍ଶ୍ୱିକ ବଳଗୁଡ଼ିକ ପ୍ରତି ଉତ୍କୃଷ୍ଟ ପ୍ରତିରୋଧ କ୍ଷମତା ଯୋଗାଇଥାଏ ଏବଂ ଏହାକୁ ପ୍ରାୟତଃ ଷ୍ଟିଲ୍ ଢାଞ୍ଚାଗୁଡ଼ିକରେ ବ୍ୟବହାର କରାଯାଇଥାଏ ।
ଏକ୍ସ ବ୍ରେସିଂ ଆଉ ଏକ ପ୍ରକାର ଫଳପ୍ରଦ ପଦ୍ଧତି ଅଟେ, ଯେଉଁଠି ବ୍ରେସ୍ ଗୁଡ଼ିକ ଏକ ‘‘X’’ ଭାବେ ପରସ୍ପରକୁ ଛେଦ କରିଥାଏ । ପାର୍ଶ୍ୱିକ ଏବଂ ଭୂଲମ୍ବ ଭାରକୁ ପ୍ରତିରୋଧ କରିବାରେ ଏହି ବ୍ରେସିଂ ଅତ୍ୟନ୍ତ ଫଳପ୍ରଦ ହୋଇଥାଏ ।
ଶିଅର ୱାଲ୍ ହେଉଛି ଲମ୍ବା ଉପାଦାନ ଯାହା ପାର୍ଶ୍ୱ ବଳକୁ ପ୍ରତିରୋଧ କରିଥାଏ । ସେମାନେ ଗଠନର ଅବିଚ୍ଛେଦ୍ୟ ଅଙ୍ଗ ଅଟନ୍ତି ଏବଂ ପବନ ଏବଂ ଭୂକମ୍ପ ଶକ୍ତିକୁ ଯଥେଷ୍ଟ ପ୍ରତିରୋଧ କରିପାରନ୍ତି ।
କୋର୍ ୱାଲ୍ ହେଉଛି ରିଇନଫୋର୍ସଡ୍ କଂକ୍ରିଟ୍ କାନ୍ଥ ଯାହା ବିଲଡିଂର କେନ୍ଦ୍ରରେ ଅବସ୍ଥିତ ହୋଇଥାଏ । ତାହା ଅତିରିକ୍ତ ଶକ୍ତି ଏବଂ କଠିନତା ଯୋଗାଇଥାଏ, ବିଶେଷ ରୂପେ ସୁଉଚ୍ଚ ଅଟ୍ଟାଳିକାଗୁଡ଼ିକ ପାଇଁ ।
ପାର୍ଶ୍ୱିକ ବଳଗୁଡ଼ିକ ଦ୍ୱାରା ସୃଷ୍ଟି ହେଉଥିବା ବକ୍ର ମୁମେଣ୍ଟକୁ ପ୍ରତିରୋଧ କରିବା ପାଇଁ ମୁମେଣ୍ଟ ୱାଲ୍ ଡିଜାଇନ୍ କରାଯାଇଥାଏ । ଢାଞ୍ଚାଗୁଡ଼ିକ ଯେପରି ବିଭିନ୍ନ ଭାର ପରିସ୍ଥିତିରେ ସ୍ଥିର ରହେ ତାହା ସୁନିଶ୍ଚିତ କରିବା ପାଇଁ ସେଗୁଡ଼ିକ ଅତ୍ୟାବଶ୍ୟକ ହୋଇଥାଏ ।
ନିର୍ମାଣରେ ବ୍ରେସିଂର ବ୍ୟବହାର ଅନେକ ପ୍ରମୁଖ ଲାଭ ଯୋଗାଇଥାଏ:
ସ୍ଥିରତା: ବ୍ରେସିଂ କୋଠାର ଢାଞ୍ଚାଗତ ଅଖଣ୍ଡତାକୁ ବଜାୟ ରଖିବା, ଭାର ଅଧୀନରେ ଭୁଶୁଡ଼ିବା କିମ୍ବା ବିକୃତ ହେବାରୁ ରକ୍ଷା କରିବାରେ ସହାୟକ ହୋଇଥାଏ ।
ନିରାପତ୍ତା: ଢାଞ୍ଚାକୁ ମଜବୁତ ବା ରିଇନଫୋର୍ସ କରି, ବ୍ରେସିଂ ବିଲଡିଂର ସାମଗ୍ରିକ ନିରାପତ୍ତାକୁ ଉନ୍ନତ କରିଥାଏ, ଏହାଦ୍ୱାରା ବିଲଡିଂ ଭୂମିକମ୍ପ ଭଳି ପ୍ରାକୃତିକ ବିପର୍ଯ୍ୟୟ ପ୍ରତି ଅଧିକ ସହନଶୀଳ ହୋଇପାରିଥାଏ ।
ଖର୍ଚ୍ଚ-ସାଶ୍ରୟୀ ଗୁଣ: ଉପଯୁକ୍ତ ଭାବେ ବ୍ରେସିଂ କରାଗଲେ ବ୍ୟାପକ ମରାମତି ଏବଂ ରକ୍ଷଣାବେକ୍ଷଣର ଆବଶ୍ୟକତା ହ୍ରାସ ପାଇଥାଏ ଏବଂ ଚୂଡ଼ାନ୍ତ ରୂପେ ଦୀର୍ଘମିଆଦରେ ଟଙ୍କା ସଞ୍ଚୟ ହୋଇଥାଏ ।
ବ୍ରେସିଂ ନିର୍ମାଣର ଏକ ମୂଳଭୁତ ଦିଗ ଅଟେ । ଏହା ଢାଞ୍ଚାଗୁଡ଼ିକୁ ଅତ୍ୟାବଶ୍ୟ ସପୋର୍ଟ ଏବଂ ସ୍ଥିରତା ଯୋଗାଇଥାଏ । କେ ବ୍ରେସିଂ, ଏକ୍ସ ବ୍ରେସିଂ, ଶିୟର୍ ୱାଲ୍, କୋର୍ ୱାଲ୍ ଏବଂ ମୁମେଣ୍ଟ ୱାଲ୍ ଭଳି ବିଭିନ୍ନ ପ୍ରକାରର ବ୍ରେସିଂ ପ୍ରଣାଳୀକୁ ବୁଝିବା ଦ୍ୱାରା ଇଞ୍ଜିନିୟର ଓ ବିଲ୍ଡରମାନେ ଅଧିକ ନିରାପଦ ଓ ସୁରକ୍ଷିତ ଏବଂ ଅଧିକ ସ୍ଥାୟୀ ବିଲଡିଂ ନିର୍ମାଣରେ ସକ୍ଷମ ହୋଇପାରନ୍ତି ।
ବ୍ରେସ୍ ଢାଞ୍ଚାଗୁଡ଼ିକୁ ଅତିରିକ୍ତ ସ୍ଥିରତା ଏବଂ ସମର୍ଥନ ପ୍ରଦାନ କରିଥାଏ, ବିଭିନ୍ନ ଭାର କାରଣରୁ ସେଗୁଡ଼ିକୁ ଭୁଶୁଡ଼ିବା କିମ୍ବା ବିକୃତ କରିବାରୁ ରକ୍ଷା କରିଥାଏ ।
ପ୍ରି-ଇଞ୍ଜିନିୟର୍ଡ ବିଲଡିଂ (ପିଇବି)ରେ ବ୍ରେସିଂ ପ୍ରଣାଳୀ ଫ୍ରେମ୍ କୁ ସ୍ଥିରତା ପ୍ରଦାନ କରିଥାଏ ଏବଂ ତାହା ଯେପରି ପବନ ଓ ଭୂମିକମ୍ପ ଭଳି ପରିବେଶୀୟ ବଳକୁ ସହିପାରିବ ତାହା ସୁନିଶ୍ଚିତ କରିଥାଏ ।
ପାର୍ଶ୍ୱିକ ବଳକୁ ପ୍ରତିରୋଧ କରିବା ପାଇଁ ଅତିରିକ୍ତ ସମର୍ଥନ ଆବଶ୍ୟକ କରୁଥିବା ସୁଉଚ୍ଚ ଅଟ୍ଟାଳିକା, ସେତୁ ଏବଂ ଟାୱାର୍ ଭଳି ଢାଞ୍ଚାଗୁଡ଼ିକରେ ବ୍ରେସିଂ ବ୍ୟବହୃତ ହୋଇଥାଏ ।
ବ୍ରେସିଂ ବିଲଡିଂର ଢାଞ୍ଚାଗତ ଅଖଣ୍ଡତାକୁ ଉନ୍ନତ କରିଥାଏ ଏବଂ ତାହା ଯେପରି ବାହ୍ୟ ବଳଗୁଡ଼ିକୁ ସହିପାରିବ ଏବଂ ନିଜର ଆକୃତି ଓ ଅନୁଯୋଜନକୁ ବଜାୟ ରଖିପାରିବ ତାହା ସୁନିଶ୍ଚିତ କରିଥାଏ ।
