Share:
ವಿವಿಧ ರೀತಿಯ ಆರ್ಥಿಕ ಸಾಮರ್ಥ್ಯ ಇರುವ ಜನರಿಗೆ ಪಿಎಂಎವೈ ಸೇರಿದಂತೆ ಹಲವು ಗೃಹ ನಿರ್ಮಾಣ ಯೋಜನೆಗಳು ಇವೆ. ಅದರ ಮೂಲಕ ಜಮೀನು ಖರೀದಿ, ಮನೆ ನಿರ್ಮಾಣ ಮಾಡಲು ಸಾಧ್ಯವಾಗಲಿದೆ. ಅಂಥ ಯೋಜನೆಗಳ ಮೂಲಕ ಸ್ವಂತ ಮನೆ ಹೊಂದುವ ಕನಸು ಸಾಕಾರವಾಗಲಿದೆ.
ಇಂಥ ಯೋಜನೆಗಳಿಂದ ಮೊದಲ ಬಾರಿಗೆ ಮನೆ ನಿರ್ಮಾಣ ಮಾಡುವವರು ಸಾಲದ ಹೊರೆಯನ್ನು ಕಡಿಮೆ ಮಾಡಿಕೊಳ್ಳಲು ಅವಕಾಶ ಇದೆ.
ಗ್ರಾಮೀಣ ಮತ್ತು ನಗರ ಪ್ರದೇಶದ ಜನರು ಪಿಎಂಎವೈ ಯೋಜನೆಯ ಅನ್ವಯ ಕೈಗೆಟಕುವ ಮನೆಗಳನ್ನು ನಿರ್ಮಾಣ ಮಾಡಲು ಸಾಧ್ಯ
ಪಿಎಂಎವೈ ಸೇರಿದಂತೆ ಹಲವು ಗೃಹ ನಿರ್ಮಾಣಕ್ಕಾಗಿರುವ ಯೋಜನೆಗಳಿಗೆ ಆನ್ ಲೈನ್ ಮೂಲಕ ಅರ್ಜಿ ಸಲ್ಲಿಸಿ. ಜತೆಗೆ ಅರ್ಜಿ ಸಲ್ಲಿಸುವ ವ್ಯವಸ್ಖೆಯೂ ಸರಳವಾಗಿದ್ದು, ಸಬ್ಸಿಡಿ ಪಡೆಯಲೂ ಕಷ್ಟವಿಲ್ಲ.
ಇಂಥ ಗೃಹ ನಿರ್ಮಾಣ ಯೋಜನೆಗಳಿಂದ ಸಾಲದ ಮೇಲಿನ ಬಡ್ಡಿ ಪ್ರಮಾಣ ಕಡಿಮೆಯಾಗಲಿದೆ. ಜತೆಗೆ ಜಮೀನು ಖರೀದಿಸಿ ಮನೆ ನಿರ್ಮಾಣದ ಒಟ್ಟು ವೆಚ್ಚವೂ ತಗ್ಗಲಿದೆ.
ಜಮೀನು ಖರೀದಿ ಮತ್ತು ಮನೆ ನಿರ್ಮಾಣಕ್ಕೆ ಜನರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಭಾರತ ಸರ್ಕಾರದ ವತಿಯಿಂದ ಹಲವು ಯೋಜನೆಗಳನ್ನು ಜಾರಿ ಮಾಡಿದೆ. ವಿವಿಧ ರೀತಿಯ ಆರ್ಥಿಕ ಹಿನ್ನೆಲೆ ಇರುವವರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಪ್ರತಿಯೊಬ್ಬರಿಗೂ ಸ್ಲಂತ ಮನೆ ಹೊಂದಬೇಕು ಮತ್ತು ಯಾರೂ ಈ ಸೌಲಭ್ಯದಿಂದ ವಂಚಿತರಾಗಬಾರದು ಎಂಬ ಆಶಯದಿಂದ ಅವುಗಳನ್ನು ಜಾರಿ ಮಾಡಲಾಗಿದೆ.
ಪ್ರಧಾನಮಂತ್ರಿ ಆವಾಸ್ ಯೋಜನೆ (ಪಿಎಂಎವೈ), ರಾಜೀವ್ ಗಾಂಧಿ ಆವಾಸ್ ಯೋಜನೆ ಮತ್ತು ಡಿಡಿಎ ಮನೆ ನಿರ್ಮಾಣ ಯೋಜನೆ ಮೂಲಕ ಮನೆಗಳ ಕೊರತೆಗಳನ್ನು ನಿವಾರಿಸುವ ಮೂಲಕ ಸರ್ಕಾರದ ಯೋಜನೆಗೆ ಬೆಂಬಲ ನೀಡಲಾಗುತ್ತದೆ. ಅಗತ್ಯ ಇರುವವರಿಗೆ ಮನೆ ನಿರ್ಮಾಣಕ್ಕೆ ಸುಲಭವಾಗಿ ಜಮೀನು ಲಭ್ಯವಾಗುವಂತೆ ಮಾಡುವುದು, ಅದಕ್ಕೆ ಆರ್ಥಿಕ ನೆರವು, ಇದರ ಜತೆಗೆ ಕಡಿಮೆ ಬಡ್ಡಿದರದಲ್ಲಿ ಸುಲಭ ರೀತಿಯಲ್ಲಿ ಸಾಲ ಸೌಲಭ್ಯ ಒದಗಿಸಲಾಗುತ್ತದೆ.
ಜೀವನದಲ್ಲಿ ಒಂದು ಬಾರಿ ಮಾತ್ರ ನೀವು ಮನೆ ನಿರ್ಮಿಸುತ್ತೀರಿ. ಈ ಹಿನ್ನೆಲೆಯಲ್ಲಿ ನೀವು ಸರ್ಕಾರದ ಈ ಯೋಜನೆಗಳ ಲಾಭ ಪಡೆಯಬೇಕು. ಇಂಥ ಯೋಜನೆಗಳಿಂದ ನಿಮ್ಮ ಮನೆ ನಿರ್ಮಾಣದ ಯೋಜನೆಯ ಒಟ್ಟು ಮೊತ್ತದ ಒಂದು ಹೊರೆ ತಗ್ಗಿಸಲು ಸಾಧ್ಯವಿದೆ. ಅಗತ್ಯ ಇರುವ ಎಲ್ಲರಿಗೂ ಈ ಗೃಹ ನಿರ್ಮಾಣ ಯೋಜನೆಯ ಲಾಭಗಳು ಸಿಗುವ ರೀತಿಯಲ್ಲಿ ಅವುಗಳನ್ನು ಜಾರಿಗೊಳಿಸಲಾಗಿದೆ.
ಕಡಿಮೆ ವೆಚ್ಚದಲ್ಲಿ ಮನೆಗಳ ನಿರ್ಮಾಣ ಆಗಬೇಕು ಎನ್ನುವುದು ಉದ್ದೇಶ. ಅದಕ್ಕಾಗಿ ಬೇಕಾಗುವ ಜಮೀನು, ಮನೆ ನಿರ್ಮಾಣಕ್ಕಾಗಿ ಬೇಕಾಗುವ ಹಣಕಾಸಿನ ವೆಚ್ಚದ ಭಾರ ತಗ್ಗಿಸುವ ನಿಟ್ಟಿನಲ್ಲಿ ಸಹಾಯಧನದಿಂದ ಕೂಡಿದ ವಿವಿಧ ಸಾಲ ಯೋಜನೆಗಳು ಇವೆ. ವಿವಿಧ ಆರ್ಥಿಕ ಹಿನ್ನೆಲೆಯ ಜನರೆಲ್ಲರಿಗೂ ಸ್ವಂತ ಮನೆ ಇರಬೇಕು ಎಂಬ ಸರ್ಕಾರದ ಧ್ಯೇಯದ ಅನ್ವಯ ಈ ಯೋಜನೆಗಳನ್ನು ಜಾರಿಗೊಳಿಸಲಾಗಿದೆ.
ಕೈಗೆಟಕುವ ಗೃಹ ನಿರ್ಮಾಣ ಯೋಜನೆ ಮೊದಲ ಬಾರಿಗೆ ಮನೆ ಕಟ್ಟಿಸಿಕೊಳ್ಳುವವರಿಗೆ ನೆರವಾಗಲಿದೆ. ಮನೆಯೊಂದು ಇರಬೇಕು ಎಂದು ಹಂಬಲಿಸುವವರಿಗೆ ಈ ಯೋಜನೆ ಸಹಾಯಕವಾಗಲಿದೆ. ಅದಕ್ಕಾಗಿ ಸರ್ಕಾರ ಗೃಹ ಸಾಲದ ಬಡ್ಡಿ ಮೇಲೆ ರಿಯಾಯಿತಿ, ಮನೆ ನಿರ್ಮಾಣಕ್ಕಾಗಿ ಹಣಕಾಸಿನ ನೆರವು ನೀಡುತ್ತಿದೆ. ಮೊದಲ ಬಾರಿಗೆ ನೀವು ಗೃಹ ನಿರ್ಮಾಣಕ್ಕಾಗಿ ಜಮೀನು ಖರೀದಿಸುವುದಿದ್ದರೆ ಈ ಯೋಜನೆ ಅನುಕೂಲವಾಗಲಿದೆ.
ಪ್ರಧಾನಮಂತ್ರಿ ಆವಾಸ್ ಯೋಜನೆಯನ್ನು 2015ರಲ್ಲಿ ಜಾರಿಗೆ ತರಲಾಯಿತು. ಮನೆ ನಿರ್ಮಾಣಕ್ಕಾಗಿ ಜಮೀನು ಖರೀದಿ ಮಾಡಲು ಜನಪ್ರಿಯ ಯೋಜನೆ ಇದಾಗಿದೆ. ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಇರುವ ಕನಿಷ್ಠ ಆದಾಯ ಹೊಂದಿರುವ ಕುಟುಂಬಗಳು ಸ್ವಂತ ಮನೆ ಹೊಂದುವ ನಿಟ್ಟಿನಲ್ಲಿ ಜಮೀನು ಖರೀದಿಸಲು ಈ ಯೋಜನೆ ನೆರವಾಗಲಿದೆ. ಪ್ರತಿಯೊಬ್ಬ ನಾಗರಿಕನೂ ಸ್ವಂತ ಮನೆ ಹೊಂದಿ ಗೌರವಯುತ ಜೀವನ ನಡೆಸಲು ಈ ಯೋಜನೆ ನೆರವಾಗಲಿದೆ.
ಎಲ್ಲ ಆರ್ಥಿಕ ವರ್ಗದವರ ಅನುಕೂಲಕ್ಕಾಗಿ ಪಿಎಂಎವೈ ಯೋಜನೆ ರೂಪಿಸಲಾಗಿದೆ.
ಆರ್ಥಿಕವಾಗಿ ದುರ್ಬಲ ವರ್ಗ (ಇಡಬ್ಲ್ಯೂಎಸ್): ವಾರ್ಷಿಕವಾಗಿ 3 ಲಕ್ಷ ರೂ.ವರೆಗೆ ಆದಾಯ ಇರುವ ಕುಟುಂಬಗಳು
ಕನಿಷ್ಠ ಆದಾಯ ಇರುವ ವರ್ಗ (ಎಲ್ಐಜಿ): ಪ್ರತಿ ವರ್ಷ 3 ಲಕ್ಷ ರೂ.ಗಳಿಂದ 6 ಲಕ್ಷ ರೂ. ವರೆಗೆ ಆದಾಯ ಇರುವ ಕುಟುಂಬಗಳು.
ಮಧ್ಯಮ ಆದಾಯ ಇರುವ ವರ್ಗ (ಎಂಐಜಿ): ವಾರ್ಷಿಕವಾಗಿ 6 ಲಕ್ಷ ರೂ.ಗಳಿಂದ 18 ಲಕ್ಷ ರೂ. ಹೊಂದಿರುವ ಕುಟುಂಬಗಳು.
ಮನೆ ನಿರ್ಮಾಣಕ್ಕೆ ವಿವಿಧ ಯೋಜನೆ ಮತ್ತು ಸಾಲ ಸಿಗುವ ವ್ಯವಸ್ಥೆ ಇರುವುದರಿಂದ ಅಗತ್ಯ ಇರುವವರಿಗೆ ನೆರವಾಗಿದೆ. ಪಿಎಂಎವೈ ಯೋಜನೆಯಿಂದ ಮೇಲ್ಕಂಡ ಆದಾಯ ವರ್ಗಗಳಿಗೆ ಜಮೀನು ಖರೀದಿಸಿ, ಮನೆ ನಿರ್ಮಿಸಲು ಅನುಕೂಲವಾಗಿದೆ. ಮನೆ ಎನ್ನುವುದು ನಿಮ್ಮ ಗುರುತು. ಹೀಗಾಗಿ, ಪಿಎಂಎವೈ ಮೂಲಕ ಸಿಗುವ ಆರ್ಥಿಕ ನೆರವಿನಿಂದ ಸ್ವಂತ ಮನೆ ಎಂಬ ಕನಸನ್ನು ಸಾಕಾರಗೊಳಿಸಲು ಸಾಧ್ಯವಾಗಲಿದೆ.
ಪಿಎಂಎವೈ ಯೋಜನೆಯ ಪ್ರಧಾನ ಅಂಶವೆಂದರೆ ಸಾಲದ ಮೇಲಿನ ಬಡ್ಡಿ ದರದಲ್ಲಿ ವಿನಾಯಿತಿ. ಇದರಿಂದಾಗಿ ಮನೆಯ ಒಟ್ಟು ನಿರ್ಮಾಣ ವೆಚ್ಚದ ಮೊತ್ತದಲ್ಲಿ ಗಣನೀಯ ಪ್ರಮಾಣದಲ್ಲಿ ಇಳಿಕೆಯಾಗುತ್ತದೆ. ವಿವಿಧ ವರ್ಗಗಳು ಹೊಂದಿರುವ ಆದಾಯದ ಆಧಾರದಲ್ಲಿ ಬಡ್ಡಿಯ ಮೇಲೆ ರಿಯಾಯಿತಿಯಲ್ಲಿ ವ್ಯತ್ಯಾಸವಾಗುತ್ತದೆ. ಇದರಿಂದಾಗಿ ಕೈಗೆಟಕುವ ದರದಲ್ಲಿ ಮನೆ ನಿರ್ಮಾಣ ಮತ್ತು ಜಮೀನು ಲಭ್ಯವಾಗುತ್ತದೆ.
ಗ್ರಾಮೀಣ ಮತ್ತು ನಗರ ಪ್ರದೇಶಕ್ಕಾಗಿ ಪ್ರಧಾನಮಂತ್ರಿ ಆವಾಸ್ ಯೋಜನೆ ಪ್ರತ್ಯೇಕವಾಗಿ ಜಾರಿಯಾಗಿದೆ. ಇಂಥ ಕ್ರಮದ ಮೂಲಕ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಇರುವ ಅರ್ಹರೆಲ್ಲರೂ ಸ್ವಂತ ಮನೆ ಹೊಂದಬೇಕು ಎಂಬ ಆಶಯ ಸರ್ಕಾರದ್ದು. ಸ್ವಂತ ಮನೆ ಹೊಂದಿರುವವರು ಮತ್ತು ಸ್ವಂತ ಮನೆ ಇಲ್ಲದೇ ಇರುವವರ ನಡುವಿನ ವ್ಯತ್ಯಾಸ ಕಡಿಮೆ ಆಗಬೇಕು ಎಂದು ಸರ್ಕಾರ ಬಯಸುತ್ತಿದೆ.
ನಗರಗಳ ಕೊಳಚೆ ಪ್ರದೇಶಗಳ ನಿವಾಸಿಗಳು ಮತ್ತು ಆರ್ಥಿಕವಾಗಿ ಹಿಂದುಳಿದ ವರ್ಗಗಳಿಗೆ ಸೇರಿದವರಿಗೆ ಕೈಗೆಟಕುವ ದರದಲ್ಲಿ ಮನೆ ನಿರ್ಮಾಣ ಮಾಡಲು ಈ ಯೋಜನೆ ಸಹಾಯಕವಾಗಿದೆ. ಈ ಯೋಜನೆಯಿಂದಾಗಿ ನಗರ ಪ್ರದೇಶದಲ್ಲಿ ಇರುವ ಕೆಲವು ವರ್ಗಗಳಿಗೆ ಜಮೀನು ಖರೀದಿಸಿ ಮನೆ ನಿರ್ಮಾಣ ಮಾಡಲು ನೆರವಾಗಿದೆ.
ಗ್ರಾಮೀಣ ಪ್ರದೇಶದಲ್ಲಿರುವ ಕಡಿಮೆ ಆದಾಯ ಹೊಂದಿರುವ ಕುಟುಂಬಗಳಿಗೆ ಜಮೀನು ಖರೀದಿಸಿ, ಮನೆ ನಿರ್ಮಿಸಲು ಈ ಯೋಜನೆ ನೆರವಾಗಿದೆ. ಭಾರತದ ಗ್ರಾಮೀಣ ಪ್ರದೇಶದಲ್ಲಿ ಅರ್ಹ ಜನರಿಗೆ ಸ್ವಂತ ಮನೆ ಹೊಂದಿ ಅವರ ಜೀವನ ಮಟ್ಟ ಸುಧಾರಿಸಬೇಕು ಎಂಬ ಆಶಯವನ್ನು ಸರ್ಕಾರ ಹೊಂದಿದೆ.
ಪಿಎಂಎವೈ ಯೋಜನೆಗೆ ಸರಳವಾಗಿ ಅರ್ಜಿ ಹಾಕಲು ಅವಕಾಶ ಉಂಟು. ಯೋಜನೆಯ ಅಧಿಕೃತ ವೆಬ್ ಸೈಟ್ ನಲ್ಲಿಯೇ ಅದಕ್ಕೆ ಅರ್ಜಿ ಹಾಕಬಹುದು. ಅರ್ಜಿದಾರರು ತಮ್ಮ ಆದಾಯ ಸೇರಿದಂತೆ ಕಡ್ಡಾಯವಾಗಿ ಕೇಳಲಾಗಿರುವ ವಿವರಗಳನ್ನು ಸ್ಪಷ್ಟವಾಗಿ ಭರ್ತಿ ಮಾಡಬೇಕು.ನೀವು ಸಲ್ಲಿಕೆ ಮಾಡಿದ ಅರ್ಜಿ ಸ್ವೀಕಾರವಾದ ಬಳಿಕ ನಿಮಗೆ ಸಬ್ಸಿಡಿ ಮತ್ತು ಹಣಕಾಸು ನೆರವು ಸಿಗುತ್ತದೆ.
ನೀವು ಜೀವನದಲ್ಲಿ ಒಂದೇ ಬಾರಿಗೆ ಮನೆ ನಿರ್ಮಾಣ ಮಾಡಲಿದ್ದೀರಿ. ಅದಕ್ಕೆ ಸರಿಯಾದ ರೀತಿಯ ಯೋಜನೆ ಸಿದ್ಧಪಡಿಸಿಕೊಳ್ಳಬೇಕು ಮತ್ತು ಸೂಕ್ತ ಸಮಯದಲ್ಲಿ ಸೂಕ್ತ ನಿರ್ಧಾರ ಕೈಗೊಳ್ಳಬೇಕು. ಸೂಕ್ತ ಜಮೀನಿನ ಆಯ್ಕೆಯಿಂದ ಗೃಹ ನಿರ್ಮಾಣಕ್ಕಾಗಿ ಪಿಎಂಎವೈ ಸೇರಿದಂತೆ ಸರ್ಕಾರಿ ಯೋಜನೆಗಳಿಂದ ಹಣಕಾಸಿನ ನೆರವು ಪಡೆಯುವಲ್ಲಿಯ ವರೆಗೆ ಸರಿಯಾದ ನಿರ್ಧಾರ ಕೈಗೊಳ್ಳಬೇಕು. ಸರ್ಕಾರದ ಗೃಹ ನಿರ್ಮಾಣ ಯೋಜನೆಗಳಿಂದ ಹಣಕಾಸಿನ ಸೂಕ್ತ ನೆರವೂ ಲಭಿಸುತ್ತದೆ. ಆದರೆ, ಅವುಗಳನ್ನು ಆಯ್ಕೆ ಮಾಡಬೇಕೇ ಬೇಡವೇ ಎಂಬ ಬಗ್ಗೆ ನೀವೇ ತೀರ್ಮಾನ ಮಾಡಬೇಕು. ಆದರೆ, ಇಂಥ ಯೋಜನೆಗಳ ಲಾಭ ಪಡೆದುಕೊಳ್ಳುವ ಮೂಲಕ ಸ್ವಂತ ಮನೆ ಹೊಂದಬೇಕು ಎಂಬ ನಿಮ್ಮ ಆಶಯ ಪೂರೈಸಿಕೊಳ್ಳಿ. ಅದಕ್ಕಾಗಿ ಸೂಕ್ತ ಜಮೀನು ಮತ್ತು ನಿರ್ಮಾಣದ ವಿಚಾರದಲ್ಲಿ ರಾಜಿ ಮಾಡಿಕೊಳ್ಳಬೇಡಿ.
ಪ್ರಧಾನಮಂತ್ರಿ ಆವಾಸ್ ಯೋಜನೆ (ಪಿಎಂಎವೈ)ಯ ಅನ್ವಯ ಲಭ್ಯವಾಗುವ 2.67 ಲಕ್ಷ ರೂ. ಸಬ್ಸಿಡಿ ಮೊತ್ತವನ್ನು ಪಡೆಯಲು ಮಧ್ಯಮ ಆದಾಯ ಪಡೆಯುವ (ಎಂಐಜಿ) ಕುಟುಂಬಗಳು ಅರ್ಹವಾಗುತ್ತವೆ. ಸಬ್ಸಿಡಿ ಮೊತ್ತದಿಂದ ಗೃಹ ಸಾಲಗಳ ಮೇಲಿನ ಬಡ್ಡಿಯ ಮೊತ್ತವನ್ನು ತಗ್ಗಿಸಲು ನೆರವಾಗುತ್ತದೆ.
ಪಿಎಂಎವೈ ಸೇರಿದಂತೆ ವಿವಿಧ ಯೋಜನೆಗಳ ಅನ್ವಯ ಮನೆ ನಿರ್ಮಾಣಕ್ಕೆ ಜಮೀನು ಖರೀದಿಸಲು ಅವಕಾಶ ಇದೆ. ಸರ್ಕಾರ ಅರ್ಹರನ್ನು ಗುರುತಿಸಿ ಜಮೀನು ನೀಡುತ್ತದೆ.
ಮೊದಲ ಬಾರಿಗೆ ನೀವು ಮನೆ ಖರೀದಿ ಮಾಡುವುದಿದ್ದರೆ, ವಿವಿಧ ಆರ್ಥಿಕ ಗುಂಪುಗಳಿಗೆ ಅನ್ವಯವಾಗುವಂತೆ (ಇಡಬ್ಲ್ಯೂಎಸ್, ಎಲ್ಐಜಿ, ಎಂಐಜಿ) ಅರ್ಹತೆಯ ನಿಯಮಗಳು ಇರುತ್ತವೆ. ಯೋಜನೆಯ ಲಾಭ ಪಡೆಯಲು ಭಾರತದ ಪೌರನಾಗಿರಬೇಕು ಸೇರಿದಂತೆ ಇತರ ಅರ್ಹತೆಗಳನ್ನು ಹೊಂದಿರಬೇಕು.
ಪಡೆಯಬಹುದು. ಪಿಎಂಎವೈ ಸೇರಿದಂತೆ ಸರ್ಕಾರದ ವಿವಿಧ ಗೃಹ ನಿರ್ಮಾಣ ಯೋಜನೆಗಳ ಅನ್ವಯ ಲಾಭ ಪಡೆಯಬಹುದು. ಇದರಿಂದಾಗಿ ಗೃಹ ಸಾಲದ ಮೇಲಿನ ಬಡ್ಡಿಯ ಪ್ರಮಾಣ ಕಡಿಮೆಯಾಗಲಿದೆ.
ಸಿಗುತ್ತವೆ. ಪಿಎಂಎವೈ ಸೇರಿದಂತೆ ಸರ್ಕಾರದ ಇತರ ಗೃಹ ನಿರ್ಮಾಣ ಯೋಜನೆಯ ಅಡಿ ಸಾಲದ ಪ್ರಧಾನ ಮೊತ್ತ ಮರು ಪಾವತಿ ಮತ್ತು ಬಡ್ಡಿ ಪಾವತಿಯ ಮೇಲೆ ತೆರಿಗೆಯ ಲಾಭಗಳು ಸಿಗಲಿವೆ.
