Share:
ನಿಮ್ಮ ಮನೆಯ ವಿವಿಧ ಬಗೆಯ ಡೋರ್‌ಗಳಿಗೆ ಸೂಕ್ತವಾದ ಮೆಟೀರಿಯಲ್‌ ಆಯ್ಕೆ ಮಾಡಿಕೊಳ್ಳುವುದು ಅವುಗಳ ನೋಟ, ಬಾಳ್ವಿಕೆ ಮತ್ತು ನಿರ್ವಹಣೆಯನ್ನು ನಿರ್ಧರಿಸುವಲ್ಲಿ ಮೊದಲ ಪ್ರಮುಖ ಹೆಜ್ಜೆಯಾಗಿದೆ. ಸಾಮಾನ್ಯವಾಗಿ ಬಳಸುವ ಕೆಲವು ಡೋರ್‌ ಮೆಟೀರಿಯಲ್‌ಗಳ ವಿವರ ಈ ಮುಂದೆ ನೀಡಲಾಗಿದೆ:
ಮರದ ಬಾಗಿಲುಗಳು ಕ್ಲಾಸಿಕ್‌ ಲುಕ್‌ನೊಂದಿಗೆ ಮನೆಯನ್ನು ಹಿತವಾಗಿರಿಸಿ ನೈಸರ್ಗಿಕ ನೋಟವನ್ನು ನೀಡುತ್ತವೆ. ಇವುಗಳನ್ನು ಕೆತ್ತನೆ ಮಾಡಬಹುದು. ಫಲಕಗಳಿಂದ ಜೋಡಿಸಬಹುದು. ಬಣ್ಣ ಬಳಿಯಬಹುದು. ತೇಗ, ಓಕ್‌ ಮತ್ತು ಮಹೋಗಾನಿಯಂತಹ ಗುಣಮಟ್ಟದ ಮರಗಳಿಂದ ನಿರ್ಮಿಸಬಹುದು. ಮರದ ಬಾಗಿಲುಗಳು ಸುಂದರ ಮತ್ತು ಬಾಳಿಕೆ ಗುಣಗಳನ್ನು ಹೊಂದಿದ್ದರೂ ತೇವಾಂಶದಿಂದ ಉಂಟಾಗುವ ಹಾನಿಯನ್ನು ತಡೆಯಲು ನಿಯಮಿತವಾಗಿ ನಿರ್ವಹಣೆ ಮಾಡುವ ಅಗತ್ಯವಿರುತ್ತದೆ.
ಲೋಹದ ಬಾಗಿಲುಗಳನ್ನು ಸಾಮಾನ್ಯವಾಗಿ ಉಕ್ಕು ಮತ್ತು ಅಲ್ಯೂಮಿನಿಯಂನಿಂದ ತಯಾರಿಸಲಾಗುತ್ತದೆ. ಇವು ಶಕ್ತಿ ಮತ್ತು ಸುರಕ್ಷತೆಗೆ ಹೆಸರುವಾಸಿಯಾಗಿರುತ್ತವೆ. ಬಾಳಿಕೆ ಮತ್ತು ಕಠಿಣ ಹವಾಮಾನ ಪರಿಸ್ಥಿತಿಗಳನ್ನು ತಡೆದುಕೊಳ್ಳುವ ಸಾಮರ್ಥ್ಯದಿಂದಾಗಿ ಇವುಗಳನ್ನು ಹೆಚ್ಚಾಗಿ ಮನೆಯ ಪ್ರವೇಶ ದ್ವಾರಗಳಿಗೆ ಬಳಸಲಾಗುತ್ತದೆ. ಮನೆಯ ಹೊರಭಾಗಕ್ಕೆ ಹೊಂದಿಕೆಯಾಗುವಂತೆ ಇವುಗಳಿಗೆ ಪೇಂಟಿಂಗ್‌ ಅಥವಾ ಕೋಟಿಂಗ್ ಮಾಡಬಹುದು.
ಗಾಜಿನ ಬಾಗಿಲುಗಳ ಸೊಗಸೇ ಬೇರೆ ರೀತಿಯಾಗಿರುತ್ತವೆ. ಮನೆಯೊಳಗೆ ನೈಸರ್ಗಿಕ ಬೆಳಕು ತರುತ್ತವೆ. ಪೂರ್ಣ ಪ್ರಮಾಣದಲ್ಲಿ ಗಾಜು ಅಥವಾ ಮರ ಅಥವಾ ಲೋಹದಂತಹ ಮೆಟೀರಿಯಲ್‌ಗಳೊಂದಿಗೆ ಗ್ಲಾಸ್‌ ಪ್ಯಾನೆಲ್‌ಗಳನ್ನು ಬಳಕೆ ಮಾಡಬಹುದು.
ಫೈಬರ್ಗ್ಲಾಸ್ ಬಾಗಿಲುಗಳು ಅನನ್ಯ ಆಯ್ಕೆಯಾಗಿದ್ದು, ನೋಡಲು ಥೇಟ್‌ ಮರದ ಬಾಗಿಲಿನಿಂತೆ ಕಾಣಿಸುತ್ತವೆ. ಇವು ಹೆಚ್ಚು ಬಾಳಿಕೆ ಬರುತ್ತವೆ. ಇವುಗಳ ಮೇಲೆ ಡೆಂಟ್‌ ಅಥವಾ ಗೀರುಗಳಾಗುವುದಿಲ್ಲ. ಕಡಿಮೆ ನಿರ್ವಹಣೆ ಬಯಸುವ ಇವು ಗಟ್ಟಿಮುಟ್ಟಾಗಿರುತ್ತವೆ. ಹೊರಾಂಗಣ ಬಾಗಿಲುಗಳಿಗೆ ಹೆಚ್ಚಾಗಿ ಇವುಗಳನ್ನು ಬಳಸಲಾಗುತ್ತದೆ.
ಪಿವಿಸಿ ಬಾಗಿಲುಗಳು ಹಗುರವಾಗಿರುತ್ತವೆ. ದರವೂ ಕಡಿಮೆ ಇರುತ್ತದೆ ಮತ್ತು ತೇವಾಂಶ ನಿರೋಧಕ ಗುಣ ಹೊಂದಿರುತ್ತವೆ. ಬಾತ್‌ರೂಂ ಮತ್ತು ಇತರೆ ಒದ್ದೆ ಪ್ರದೇಶಗಳಿಗೆ ಹೆಚ್ಚು ಸೂಕ್ತವಾಗಿವೆ. ಇವು ವಿವಿಧ ಬಣ್ಣ ಮತ್ತು ವಿನ್ಯಾಸಗಳಲ್ಲಿ ದೊರಕುತ್ತವೆ. ಮರ ಅಥವಾ ಲೋಹದ ಡೋರ್‌ಗಳಿಗೆ ಹೋಲಿಸಿದರೆ ಇವುಗಳ ಬಾಳಿಕೆ ಕಡಿಮೆ.
ಮರ, ಪಿವಿಸಿ ಅಥವಾ ಇನ್‌ಸ್ಯುಲೇಷನ್‌ ಫೋಮ್‌ನಂತಹ ವಿವಿಧ ಮೆಟೀರಿಯಲ್‌ಗಳ ಸಂಯೋಜನೆಯಿಂದ ಕಾಂಪೊಸಿಟ್‌ ಬಾಗಿಲುಗಳನ್ನು ನಿರ್ಮಸಲಾಗುತ್ತದೆ. ಇವುಗಳ ಬಾಳಿಕೆ ಉತ್ತಮವಾಗಿದ್ದು, ವಿವಿಧ ವಿನ್ಯಾಸಗಳಲ್ಲಿ ಲಭ್ಯವಿರುವ ಕಾರಣ ಒಳಾಂಗಣ ಮತ್ತು ಹೊರಾಂಗಣ ಬಳಕೆಗೆ ಸೂಕ್ತವಾಗಿದೆ.
ಪ್ಯಾನೆಲ್‌ ಡೋರ್‌ಗಳು ಸಾಂಪ್ರದಾಯಿಕ ಶೈಲಿಯ ಬಾಗಿಲುಗಳಾಗಿವೆ. ಇವು ಗಟ್ಟಿಮುಟ್ಟಾದ ಚೌಕಟ್ಟಿನೊಂದಿಗೆ ಆಯತಾಕಾರದ ಪ್ಯಾನಲ್‌ಗಳನ್ನು ಹೊಂದಿರುತ್ತವೆ. ಇವು ಬಹು ಬಳಕೆಗೆ ಸೂಕ್ತವಾಗಿವೆ. ವಿವಿಧ ಒಳಾಂಗಣ ಮತ್ತು ಹೊರಾಂಗಣ ವಿನ್ಯಾಸಗಳಿಗೆ ಸರಿಹೊಂದುವಂತೆ ಅನನ್ಯ ನೋಟವನ್ನು ನೀಡುತ್ತವೆ.
ಫ್ಲಶ್ ಡೋರ್‌ಗಳು ನಯವಾದ ಮೇಲ್ಮೈ ಹೊಂದಿವೆ. ಇವು ಆಧುನಿಕ ಮತ್ತು ಸರಳ ನೋಟ ನೀಡುತ್ತವೆ. ಸಾಮಾನ್ಯವಾಗಿ ಇವುಗಳನ್ನು ಫ್ಲೈವುಡ್‌ ಅಥವಾ ಎಂಡಿಎಫ್‌ನಿಂದ ತಯಾರಿಸಲಾಗುತ್ತದೆ. ಮನೆಯ ಒಳಾಂಗಣದಲ್ಲಿ ಸರಳ ಮತ್ತು ತಡೆರಹಿತ ಬಾಗಿಲಿನ ಅವಶ್ಯಕತೆ ಇರುವಲ್ಲಿ ಇದನ್ನು ಬಳಸಲಾಗುತ್ತದೆ.
ಇವು ಸಾಮಾನ್ಯವಾಗಿ ಜೋಡಿಯಾಗಿ ಬರುವ, ಕೀಲು ಜೋಡಿಸಿರುವ ಬಾಗಿಲುಗಳಾಗಿವೆ. ಇವುಗಳ ಹೆಚ್ಚಿನ ಭಾಗವನ್ನು ಗಾಜಿನ ಪ್ಯಾನೆಲ್‌ಗಳು ಆವರಿಸಿರುತ್ತವೆ. ಒಳಾಂಗಣ ಮತ್ತು ಹೊರಾಂಗಣ ಸಂಪರ್ಕಿಸಲು ಸೂಕ್ತವಾಗಿವೆ. ಸೌಂದರ್ಯ ಮತ್ತು ಕಾರ್ಯನಿರ್ವಹಣೆಯ ವಿಷಯಗಳಲ್ಲಿ ಇವು ಅನನ್ಯವಾಗಿವೆ.
ಸರಿಸುವ ಬಾಗಿಲುಗಳು ಟ್ರ್ಯಾಕ್‌ನಲ್ಲಿ ಅಡ್ಡವಾಗಿ ಚಲಿಸುತ್ತವೆ. ಕಡಿಮೆ ಸ್ಥಳಾವಕಾಶ ಇರುವೆಡೆ ಬಳಸಲು ಇವು ಸೂಕ್ತ. ಪ್ಯಾಟಿಯೊ, ಕ್ಲೋಸೆಟ್ಸ್‌ ಮತ್ತು ಕಡಿಮೆ ಸ್ಥಳಾವಕಾಶ ಇರುವ ಕೋಣೆಗಳಿಗೆ ಬಳಸಲಾಗುತ್ತದೆ.
ಬೈ-ಫೋಲ್ಡ್‌ ಬಾಗಿಲುಗಳು ಎರಡು ಅಥವಾ ಹೆಚ್ಚಿನ ಪ್ಯಾನೆಲ್‌ಗಳನ್ನು ಹೊಂದಿದ್ದು, ಕೀಲುಗಳ ಆಧಾರದಲ್ಲಿ ಮಡಚಿಕೊಂಡು ತೆರೆಯುತ್ತವೆ ಮತ್ತು ಮುಚ್ಚುತ್ತವೆ. ಕ್ಲೋಸೆಟ್‌ಗಳು, ಪ್ಯಾಂಟ್ರಿಗಳು ಮತ್ತು ಸ್ವಿಂಗಿಂಗ್ ಬಾಗಿಲಿನ ಅಡಚಣೆಯಿಲ್ಲದೆ ವಿಶಾಲ ಪ್ರವೇಶದ ಅಗತ್ಯವಿರುವ ಸ್ಥಳಗಳಿಗೆ ಇವು ಅತ್ಯುತ್ತಮವಾಗಿರುತ್ತವೆ.
ಪಾಕೆಟ್ ಬಾಗಿಲುಗಳು ಗೋಡೆಯ ಒಳಗೆ ಸ್ಲೈಡ್ ಆಗುತ್ತವೆ. ಬಾಗಿಲು ತೆರೆದಾಗ ಸಂಪೂರ್ಣ ಕಣ್ಮರೆಯಾಗುತ್ತವೆ. ಸ್ಥಳ ಉಳಿಸಲು ಇವು ತುಂಬಾ ಒಳ್ಳೆ ಆಯ್ಕೆ, ಸಾಮಾನ್ಯವಾಗಿ ಬಾತ್‌ರೂಮ್, ಕ್ಲಾಸೆಟ್‌ಗಳು ಮತ್ತು ಚಿಕ್ಕ ರೂಂಗಳಲ್ಲಿ ಉಪಯೋಗಿಸಲಾಗುತ್ತದೆ.
ಡಚ್ ಬಾಗಿಲುಗಳು ಅಡ್ಡಲಾಗಿ ಎರಡು ಭಾಗವಾಗಿ ವಿಭಜಿಸಲ್ಪಟ್ಟಿರುತ್ತವೆ. ಮೇಲಿನ ಅರ್ಥ ಭಾಗವನ್ನು ತೆರೆದಿಡಬಹುದು ಮತ್ತು ಕೆಳಗಿನ ಭಾಗವನ್ನು ಮುಚ್ಚಿಡಬಹುದು. ಈ ಶೈಲಿಯು ಆಕರ್ಷಕ ಮತ್ತು ಬಳಕೆಗೆ ಯೋಗ್ಯವಾಗಿದೆ. ವಾತಾಯನ ಮತ್ತು ಬೆಳಕನ್ನು ಒದಗಿಸುವ ಜೊತೆಗೆ ಭದ್ರತೆಯನ್ನು ಕಾಪಾಡುತ್ತದೆ.
ಸಾಂಪ್ರದಾಯಿಕ ಬದಿಯ ಕೀಲುಗಳ ಬದಲಿಗೆ ಪಿವೋಟ್ ಬಾಗಿಲುಗಳು ಕೇಂದ್ರೀಯ ಪಿವೋಟ್ ಬಿಂದುವಿನ ಮೇಲೆ ತಿರುಗುತ್ತವೆ. ಇವು ನಾಟಕೀಯ ಪ್ರವೇಶದ್ವಾರದಂತೆ ಕಾಣಿಸುತ್ತವೆ. ಸಾಮಾನ್ಯವಾಗಿ ಆಧುನಿಕ ಮತ್ತು ಮೇಲ್ದರ್ಜೆಯ ಮನೆಯ ವಿನ್ಯಾಸಗಳಲ್ಲಿ ಬಳಸಲಾಗುತ್ತವೆ.
ಮನೆಗೆ ಸೂಕ್ತವಾಗುವಂತಹ ಬಾಗಿಲನ್ನು ಆಯ್ಕೆ ಮಾಡಿಕೊಳ್ಳುವಾಗ ನಿಮ್ಮ ಅಗತ್ಯ ಮತ್ತು ಆದ್ಯತೆಗೆ ತಕ್ಕಂತೆ ವಿವಿಧ ಬಗೆಯ ಮೆಟೀರಿಯಲ್‌ ಮತ್ತು ಶೈಲಿಗಳನ್ನು ಆಯ್ಕೆ ಮಾಡಿಕೊಳ್ಳುವುದಕ್ಕೂ ಗಮನ ನೀಡಬೇಕಾಗುತ್ತದೆ. ಈ ಆಯ್ಕೆಗಳನ್ನು ಅರ್ಥಮಾಡಿಕೊಳ್ಳುವ ಮೂಲಕ ಮನೆಯ ಅಂದ ಮತ್ತು ಕಾರ್ಯನಿರ್ವಹಣೆಗೆ ಪೂರಕವಾದ ಅತ್ಯುತ್ತಮವಾದ ಬಾಗಿಲುಗಳನ್ನು ನೀವು ಆಯ್ಕೆ ಮಾಡಿಕೊಳ್ಳಬಹುದು.
ನಿಮ್ಮ ಅಗತ್ಯಗಳು, ಬಜೆಟ್‌ ಮತ್ತು ನಿಮ್ಮ ಮನೆ ಇರುವ ನಿರ್ದಿಷ್ಟ ಸ್ಥಳಕ್ಕೆ ತಕ್ಕಂತೆ ಬಾಗಿಲುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಬಾಳಿಕೆ ಮತ್ತು ಭದ್ರತೆಯ ಕಾರಣದಿಂದ ಮನೆಯ ಪ್ರವೇಶದ್ವಾರಕ್ಕೆ ಲೋಹ ಅಥವಾ ಫೈಬರ್‌ ಗ್ಲಾಸ್‌ ಬಾಗಿಲುಗಳನ್ನು ಹೆಚ್ಚಾಗಿ ಶಿಫಾರಸು ಮಾಡಲಾಗುತ್ತದೆ. ಮನೆಯೊಳಗೆ ಬಳಸಲು ನಿಮ್ಮ ವಿನ್ಯಾಸದ ಆದ್ಯತೆಗೆ ತಕ್ಕಂತೆ ಮರದ ಪ್ಯಾನಲ್ ಡೋರ್ಸ್‌ನಿಂದ ಫ್ಲಶ್ ಬಾಗಿಲಿನ ತನಕ ವೈವಿಧ್ಯಮಯ ಆಯ್ಕೆಗಳನ್ನು ಹೊಂದಿರುತ್ತವೆ.
ವಿವಿಧ ರೀತಿಯಲ್ಲಿ ಬಾಗಿಲುಗಳನ್ನು ನಿರ್ಮಾಣ ಮಾಡಲಾಗುತ್ತದೆ. ಸಾಮಾನ್ಯವಾಗಿ ಚೌಕಟ್ಟು ಅಥವಾ ಫ್ರೇಮ್‌ ಅನ್ನು ಮರ, ಲೋಹ ಅಥವಾ ಸಂಯೋಜಿತ ವಸ್ತುಗಳಂತಹ ಕೋರ್ ವಸ್ತುವಿನೊಂದಿಗೆ ಜೋಡಿಸಿ ಬಾಗಿಲುಗಳನ್ನು ನಿರ್ಮಿಸಲಾಗುತ್ತದೆ. ಕೋರ್ ಅನ್ನು ವೆನೀರ್ ಅಥವಾ ಫಿನಿಶಿಂಗ್ ವಸ್ತುವಿನಿಂದ ಕವರ್‌ ಮಾಡಲಾಗುತ್ತದೆ. ಇದಕ್ಕೆ ಬಣ್ಣ ಬಳಿಯಬಹುದು, ಸ್ಟೇನ್ ಅಥವಾ ಕೋಟಿಂಗ್ ಮಾಡಬಹುದು. ಗಾಜಿನ ಪ್ಯಾನಲ್‌ಗಳು, ಹಾರ್ಡ್‌ವೇರ್ ಮತ್ತು ಇನ್ಸುಲೇಷನ್‌ನಂತಹ ಇತರ ಫೀಚರ್‌ಗಳನ್ನು ಬಾಗಿಲಿನ ನಿರ್ದಿಷ್ಟ ಉದ್ದೇಶಕ್ಕೆ ತಕ್ಕಂತೆ ಸೇರಿಸಬಹುದು
ಲೋಹ ಅಥವಾ ಫೈಬರ್ಗ್ಲಾಸ್ ಬಾಗಿಲು ಮನೆಯ ಪ್ರವೇಶ ದ್ವಾರಕ್ಕೆ ಹೆಚ್ಚು ಸೂಕ್ತವಾಗಿದೆ. ಏಕೆಂದರೆ, ಇವು ಉತ್ತಮ ಭದ್ರತೆ, ಬಾಳಿಕೆ ಮತ್ತು ಇನ್ಸುಲೇಷನ್ ಒದಗಿಸುತ್ತವೆ. ಇದರೊಂದಿಗೆ ನೋಡಲು ಇವು ಥೇಟ್‌ ಮರದ ಬಾಗಿಲಿನಂತೆ ಕಾಣಿಸಬಹುದು. ತೇವಾಂಶದ ತೊಂದರೆಗಳನ್ನು ಮರದ ಬಾಗಿಲಿಗಿಂತ ಹೆಚ್ಚು ತಡೆದುಕೊಳ್ಳುತ್ತದೆ.
ಬಾಗಿಲಿನ ಬಳಕೆ ಮತ್ತು ಮನೆಯ ಶೈಲಿಗೆ ತಕ್ಕಂತೆ ಅತ್ಯುತ್ತಮ ಮರದ ಅಥವಾ ಲೋಹದಿಂದ ನಿರ್ಮಿಸಿರುವ ಬಾಗಿಲಿನ ಚೌಕಟ್ಟುಗಳು ಉತ್ತಮವಾಗಿವೆ. ಮರದ ಚೌಕಟ್ಟುಗಳು ಮನೆಗೆ ಸಾಂಪ್ರದಾಯಿಕ ನೋಟ ನೀಡುತ್ತವೆ. ಇದರ ನಿರ್ಮಾಣವೂ ಸುಲಭ. ಆದರೆ, ಲೋಹದ ಫ್ರೇಮ್‌ಗಳು ಹೆಚ್ಚಿನ ದೃಢತೆ ಮತ್ತು ಭದ್ರತೆಯನ್ನು ಒದಗಿಸುತ್ತವೆ.
ಮನೆಯ ಕೊಠಡಿಯ ಕಾರ್ಯ ಮತ್ತು ನಿಮ್ಮ ವಿನ್ಯಾಸದ ಅಭಿರುಚಿಯನ್ನು ಇದು ಅವಲಂಬಿಸಿರುತ್ತದೆ. ಪ್ಯಾನೆಲ್‌ ಬಾಗಿಲುಗಳು ಬಹುಬಳಕೆಗೆ ಯೋಗ್ಯವಾಗಿದ್ದು, ಹೆಚ್ಚಿನ ಶೈಲಿಗಳಿಗೆ ಹೊಂದಿಕೊಳ್ಳುತ್ತವೆ. ಫ್ಲಶ್ ಡೋರ್‌ಗಳು ಸರಳವಾಗಿದ್ದು, ಆಧುನಿಕವಾಗಿ ಕಾಣಿಸುತ್ತವೆ. ಸ್ಥಳಾವಕಾಶ ಉಳಿಸಲು ಬಯಸುವವರಿಗೆ ಸ್ಲೈಡಿಂಗ್‌ ಅಥವಾ ಪಾಕೆಟ್ ಬಾಗಿಲುಗಳು ಸೂಕ್ತವಾಗಿವೆ.
ಸ್ಥಳಾವಕಾಶ ಉಳಿಸುವ ದೃಷ್ಟಿಯಿಂದ ಮತ್ತು ಡೈನಿಂಗ್‌ ಅಥವಾ ಲಿವಿಂಗ್‌ ಪ್ರದೇಶಗಳಿಗೆ ಹೋಗಿಬರುವಾಗ ಸುಲಭವಾಗಿ ತೆರೆಯಲು ಸಾಧ್ಯವಾಗುವ ಕಾರಣದಿಂದ ಅಡುಗೆಕೋಣೆಗೆ ಸ್ಲೈಡಿಂಗ್‌ ಅಥವಾ ಬೈ-ಫೋಲ್ಡ್‌ ಬಾಗಿಲುಗಳು ಹೆಚ್ಚು ಸೂಕ್ತವಾಗಿವೆ. ಅಡುಗೆ ಕೋಣೆಗೆ ಬೆಳಕು ಸರಾಗವಾಗಿ ಬರಲು ಅನುವು ನೀಡುವುದರಿಂದ ಗಾಜಿನ ಪ್ಯಾನೆಲ್‌ ಡೋರ್‌ ಕೂಡ ಉತ್ತಮ ಆಯ್ಕೆಯಾಗಿದೆ.
ವಾಸ್ತುಶಾಸ್ತ್ರದ ಪ್ರಕಾರ ಮನೆಯೊಳಗೆ ಧನಾತ್ಮಕ ಶಕ್ತಿಯನ್ನು ಆಕರ್ಷಿಸಲು ಮುಖ್ಯ ದ್ವಾರದ ಬಾಗಿಲನ್ನು ಪೂರ್ವ, ಉತ್ತರ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಇಡಬೇಕು. ಮನೆಯ ಇತರೆ ಬಾಗಿಲುಗಳಿಗಿಂತ ಪ್ರವೇಶದ್ವಾರದ ಬಾಗಿಲು ದೊಡ್ಡದಾಗಿರಬೇಕು. ಉತ್ತಮ ಗುಣಮಟ್ಟದ ಮರದಿಂದ ಮಾಡಲ್ಪಟ್ಟಿರಬೇಕು ಮತ್ತು ಒಳಮುಖವಾಗಿ ತೆರೆಯಬೇಕು.
