Share:
ઘરનું નિર્માણ કરવાની માર્ગદર્શિકા
અમારા ઉત્પાદનો
ઉપયોગી સાધનો
ઘરનું નિર્માણ કરવાની માર્ગદર્શિકા
અલ્ટ્રાટૅક બિલ્ડિંગ ઉત્પાદનો
Share:
રિટેઇનિંગ દિવાલો જમીનનાં ધોવાણ અને લેન્ડસ્કેપની સ્થિરતા, ખાસ કરીને નોંધપાત્ર ઊંચાઇમાં ફેરફાર ધરાવતા ક્ષેત્રોમાં સ્થિરતા જાળવવા માટે મહત્ત્વપૂર્ણ હોય છે.
તેમનો ઉપયોગ ડ્રેનેજને નિયંત્રિત કરવા, સીધા પાણીને પાયાથી દૂર રાખવા, અને માર્ગો, ડ્રાઇવે અને બગીચાઓ જેવા માળખાઓને ટેકો આપવા માટે થાય છે.
રિટેઇનિંગ દિવાલો વિવિધ ડિઝાઇન્સમાં આવે છે, જેવી કે ગ્રેવિટી, કેન્ટિલીવર્ડ અને એન્કર્ડ, દરેક વિવિધ ભૂપ્રદેશ અને દબાણો માટે યોગ્ય હોય છે.
રિટેઇનિંગ દિવાલો એવા માળખાં છે જે જમીનને પકડી રાખે છે અને ધોવાણ અટકાવે છે, જે સુનિશ્ચિત કરે છે કે તમારું લેન્ડસ્કેપિંગ અને પાયો અકબંધ રહે. આ દિવાલોનો ઉપયોગ સામાન્યપણે ત્યારે કરવામાં આવે છે જ્યારે સાઇટ પર ઊંચાઇમાં નોંધપાત્ર ફેરફાર હોય અથવા જ્યારે માટીને ખસતા અથવા સરકી જતી રોકવા માટે ભૂપ્રદેશમાં સ્થિરતાની આવશ્યકતા હોય. રિટેઇનિંગ દિવાલોનો મુખ્ય ઉદ્દેશ માટી, પાણી કે તેની પાછળના અન્ય ઘટકો દ્વારા થતા પાર્શ્વ દબાણને રોકવાનો છે. રિટેઇનિંગ દિવાલોને ઘણી વખત પહાડી ક્ષેત્રોમાં અથવા એવા સ્થળો પર જ્યાં ઢોળાવો લેન્ડસ્કેપની સ્થિરતા સામે જોખમ ઊભું કરતા હોય ત્યાં જોવા મળે છે.
બાંધકામમાં રિટેઇનિંગ દિવાલો વિભિન્ન લેન્ડસ્કેપને સ્થિરતા અને ટેકો પૂરી પાડવામાં મહત્ત્વની ભૂમિકા ભજવે છે. તેઓ ખાસ કરીને એવા ક્ષેત્રોમાં લાભાદાયી છે, જ્યાં ભૂપ્રદેશ સામે ઢોળાવ કે અસમાન જમીનના પડકારો હોય. રિટેઇનિંગ દિવાલો વિભિન્ન બાંધકામની પરિસ્થિતિમાં કેવી રીતે લાગુ થાય છે તે અહીં આપવામાં આવ્યું છેઃ
પહાડી સંપત્તિઓ અથવા ઊંચાઇમાં ભારે ફેરફારો જોવા મળતા હોય એવા ક્ષેત્રોમાં રિટેઇનિંગ દિવાલો મહત્ત્વપૂર્ણ છે.
તેઓ જમીનનું ધોવાણ રોકવામાં, ડ્રેનેજને નિયંત્રિત કરવામાં અને ડ્રાઇવવે, માર્ગો અને મકાનો જેવા મળખાઓને ટેકો આપવામાં સહાય કરે છે.
મજબૂત રિટેઇનિંગ દિવાલનો પાયો તમારા ઘરના પાયાની સ્થિરતાને જાળવવા માટે મહત્ત્વપૂર્ણ છે.
યોગ્ય ઇન્સ્ટોલેશન સુનિશ્ચિત કરે છે કે તમારું ઘર લેન્ડસ્કેપને મજબૂત કરીને સુરક્ષિત અને સ્થિર રહે.
રિટેઇનિંગ દિવાલોના વિવિધ પ્રકારો છે, જે સાઇટની જરૂરિયાતોને આધારે ઉપયોગમાં લઈ શકાય છે. સૌથી સામાન્ય પ્રકારોમાં સામેલ છેઃ
1. ગ્રેવિટી રિટેઇનિંગ દિવાલો – આ જમીનમાંથી આવતા સતત દબાણ સામે પોતાના વજન પર આધાર રાખે છે. તેઓ નાના ક્ષેત્રો માટે આદર્શ છે અને તેમનો ઘણી વખત રહેઠાણ સંપત્તિઓમાં ઉપયોગ થાય છે.
2. કેન્ટિલીવર્ડ રિટેઇનિંગ દિવાલો – આ દિવાલો અને તેના પાયાનાં સંયોજન મારફતે દબાણનો પ્રતિકાર કરવા માટે ડિઝાઇન કરવામાં આવી છે. તેઓ મોટા પ્રોજેક્ટ્સ અને જમીનનાં વધુ નોંધપાત્ર દબાણ ધરાવતી સંપત્તિઓ માટે વધુ અસરકારક છે.
3. કાઉન્ટરફોર્ટ રિટેઇનિંગ દિવાલો – કેન્ટિલીવર્ડ દિવાલોને સમાન તેમાં કાઉન્ટરફોર્ટ્સ અથવા બ્રેસિસનાં સ્વરૂપમાં વધારાનો ટેકો સામેલ હોય છે, જે દબાણને ઘટાડવામાં સહાય કરે છે.
4. શીટ પાઇલ રિટેઇનિંગ દિવાલો – આ સામાન્યપણે મર્યાદિત જગ્યા ધરાવતા ક્ષેત્રોમાં ઉપયોગ થાય છે, આ દિવાલો જમીનનાં દબાણનો પ્રતિકાર કરવા માટે જમીનમાં નાખેલી સામગ્રીની ઉર્ધ્વ શીટ્સની બનેલી હોય છે.
5. એન્કર્ડ રિટેઇનિંગ દિવાલો – આને જમીનમાં લાગેલા કેબલ્સ અથવા સળિયા દ્વારા ટેકો આપવામાં આવે છે, જે તેમને ઊંચા ભાર ધરાવતા ઉપયોગો અને તીવ્ર ઢોળાવ માટે યોગ્ય બનાવે છે.
હવે જ્યારે તમે વિવિધ પ્રકારની રિટેઇનિંગ દિવાલોની સમજ મેળવી છે ત્યારે એવી ડિઝાઇન પસંદ કરવી મહત્ત્વપૂર્ણ છે જે તમારી સાઇટની માળખાકીય જરૂરિયાતોમાં બંધબેસે અને તમારા ઘરનાં સૌંદર્યને પણ વધારે. અહીં ધ્યાનમાં લેવા જેવી કેટલીક બાબતો આપવામાં આવી છે, જે કાર્ય અને શૈલી બંનેમાં મોટો તફાવત સર્જી શકે છેઃ
જમીન અને ઢાળઃ તમારી સંપત્તિના ઢાળ વિશે વિચારો. ઢોળાવ ધરાવતા ક્ષેત્રો માટે તમારે મજબૂત દિવાલની ડિઝાઇનની જરૂર રહેશે, જેવી કે ગ્રેવિટી અથવા રિઇન્ફોર્સ્ડ કોંક્રિટ, જે બધુ સ્થિર રાખશે.
સામગ્રી મહત્ત્વપૂર્ણ છેઃ તમે પસંદ કરો તે સામગ્રી દિવાલના દેખાવ અને મજબૂતાઇ બંનેને અસર કરે છે. કોંક્રિટ, પથ્થર, લાકડું અને ઈંટ લોકપ્રિય પસંદગીઓ છે, પરંતુ તમારા ઘર માટે કઈ સામગ્રી યોગ્ય છે અને પર્યાવરણ માટે અનુકૂળ શું છે તે વિચારો.
ડ્રેનેજ ચાવીરૂપ બાબત છેઃ સુનિશ્ચિત કરો કે તમારી ડિઝાઇનમાં ડ્રેનેજ સિસ્ટમ સામેલ હોય. યોગ્ય ડ્રેનેજ વિના પાણી દિવાલની પાછળ જમા થશે, જેનાથી સમય જતા તે નબળી પડશે.
ઉદ્દેશ શું છે ?: જો રિટેઇનિંગ દિવાલ ડ્રાઇવવે અથવા માળખાને ટેકો આપતી હોય તો તે બગીચામાં સુશોભનાત્મક દિવાલ કરતા મજબૂત હોવી જરૂરી છે. તમે પસંદગી કરો તે પહેલા સમજો કે તે કોને ટેકો આપે છે.
જ્યારે તમારું ઘર ઢોળાવ પર અથવા અસમાન જમીન પર બનાવવામાં આવતું હોય ત્યારે રિટેઇનિંગ દિવાલ મહત્ત્વપૂર્ણ છે. તે જમીનનાં ધોવાણને રોકે છે, તમારા લેન્ડસ્કેપની માળખાકીય અખંડિતતાને જાળવે છે અને સુનિશ્ચિત કરે છે કે તમારો પાયો સ્થિર રહે. રિટેઇનિંગ દિવાલ વિના તમારી સંપત્તિની સામે જમીન ખસવાના, પાણીથી થતા નુકસાન અથવા મર્યાદિત ઉપયોગ કરી શકાય એવી જમીન જેવા પડકારો હોઇ શકે છે. કેટલાક લાભ અહીં આપવામાં આવ્યા છેઃ
જમીનનાં ધોવાણનું નિયંત્રણ – તેઓ વરસાદ અથવા પવનને લીધે જમીનને ખસી જતી અથવા તેનું ધોવાણ થતું રોકે છે.
વિસ્તૃત્ત ડ્રેનેજ – રિટેઇનિંગ દિવાલો પાયાથી દૂર પાણીને નિર્દેશિત કરીને પાણીના પ્રવાહને સંચાલિત કરવામાં સહાય કરી શકે છે.
લેન્ડસ્કેપિંગ – તેઓ ઢોળાવને સમતળ કરવા અને બગીચા કે બહારની જગ્યાઓ માટે સપાટ ક્ષેત્રો પૂરા પાડીને વધુ સ્થિર જમીન બનાવવામાં સહાય કરે છે.
તેના ઘણા લાભો હોવા છતાં પણ રિટેઇનિંગ દિવાલો સંભવિત ખામીઓ સાથે પણ આવે છેઃ
આરંભિક ઉચ્ચ ખર્ચ – ઉપયોગમાં લીધેલી ડિઝાઇન અને સામગ્રીને આધારે રિટેઇનિંગ દિવાલો નિર્માણ કરવા માટે ખર્ચાળ હોય છે.
જાળવણીની જરૂરિયાતો – સમય જતા રિટેઇનિંગ દિવાલોનું સમારકામ કરવાની અથવા રિઇન્ફોર્સ કરવાની જરૂર પડે છે, ખાસ કરીને જો સામગ્રી હવામાનથી પ્રભાવિત થવાનું જોખમ ધરાવતી હોય તો.
તમે જ્યારે તમારા ઘરનું નિર્માણ કરતા હોય ત્યારે પાયા પર ક્યારેય સમાધાન કરશો નહીં, જેમાં રિટેઇનિંગ દિવાલનો પણ સમાવેશ થાય છે. તમે તમારા ઘરનાં મોટા ભાગનાં પાસાઓ બદલી શકો છો, જ્યારે પાયો કાયમી હોય છે, એક વખત તે સ્થાપાઇ જાય ત્યાર પછી તેમાં ફેરફાર કરી શકાતો નથી. તેથી તમારી રિટેઇનિંગ દિવાલો માટે મજબૂત, ઉચ્ચ ગુણવત્તાયુક્ત સિમેન્ટમાં રોકાણ કરવું મહત્ત્વપૂર્ણ છે. યોગ્ય ડિઝાઇન અને સામગ્રીઓ પસંદ કરીને તમે લેન્ડસ્કેપ અને તમારા ઘરના પાયા બંનેને વર્ષો સુધી સુરક્ષિત રાખી શકો છો.
રિટેઇનિંગ દિવાલના વિવિધ પ્રકારો હોય છે, જેમાં ગ્રેવિટી દિવાલો, કેન્ટિલીવર્ડ દિવાલો, કાઉન્ટરફોર્ટ દિવાલો, એન્કર્ડ દિવાલો અને ક્રિબ દિવાલોનો સમાવેશ થાય છે, પ્રત્યેક દિવાલ લેન્ડસ્કેપને આધારે વિવિધ ઉદ્દેશો પૂરા પાડે છે.
રિટેઇનિંગ દિવાલોનો ઉપયોગ સામાન્યપણે તીવ્ર ઢોળાવ અથવા ઊંચાઇમાં ભારે ફેરફાર થતા હોય એવા ક્ષેત્રોમાં, જેવા કે પહાડી ક્ષેત્રમાં સંપત્તિ, બગીચા અને માર્ગો તથા ડ્રાઇવેને ટેકો આપવા માટે થાય છે.
રિટેઇનિંગ દિવાલો જમીન અને તેની પાછળ રહેલા પાણીનાં દબાણનો પ્રતિરોધ કરીને, વજન, માળખાકીય ટેકો અથવા એન્કરિંગ પ્રણાલીનો ઉપયોગ કરીને લેન્ડસ્કેપને સ્થિર રાખાવા માટે કાર્ય કરે છે.
યોગ્ય ડ્રેનેજ પૂરી પાડવા અને દબાણ ઘટાડવા માટે રિટેઇનિંગ દિવાલોની પાછળ સામાન્યપણે ગ્રેવેલ, તોડેલા પથ્થરો કે બેકફિલ સામગ્રી મૂકવામાં આવે છે.
રિટેઇનિંગ દિવાલની જાડાઇ તેની ઊંચાઇ અને ઉપયોગમાં લીધેલી સામગ્રી પર આધાર રાખે છે, પરંતુ સામાન્યપણે તે ઊંચી, વધુ મજબૂત દિવાલો માટે 6 ઈંચથી લઈને થોડા ફૂટ સુધીની હોય છે.
રિટેઇનિંગ દિવાલ માટે આદર્શ ઊંચાઇ સાઇટની વિશિષ્ટ જરૂરિયાતો પર આધાર રાખે છે, પરંતુ 4 ફૂટથી વધુની દિવાલો માટે વધારાના માળખાકીય ટેકાની આવશ્યકતા હોય છે. તેનાથી વિપરિત નીચી દિવાલોનો ઉપયોગ સામાન્યપણે સુશોભનાત્મક ઉદ્દેશો માટે થાય છે.
