ઘરનાં ઇલેક્ટ્રિકલ વાઇરિંગની માર્ગદર્શિકા

1) આઉટલેટનાં સ્થાન

વ્યુહાત્મક રીતે મૂકેલા આટલેટ્સ સુવિધા અને સુરક્ષા બંને માટે આવશ્યક હોય છે. જ્યારે તમે તમારા ઘરનાં વાયરિંગનું આયોજન કરી રહ્યા હોય ત્યારે વિચાર કરો કે તમારે સૌથી વધુ પાવરની ક્યાં જરૂર છે. રસોડા, બેઠક રૂમ અને બેડરૂમમાં ઘણા આઉટલેટ્સની જરૂર હોય છે, ખાસ કરીને કાઉન્ટરટોપ્સ, મનોરંજન ક્ષેત્ર અને ટેબલની બાજુમાં. 

બગીચાનાં સાધનો અથવા રજાઓની લાઇટ્સ માટે આઉટડોર આઉટલેટને ધ્યાનમાં રાખવાનું ભૂલશો નહીં. વેક્યુમ ચલાવવા અને અન્ય કાર્યો માટે બારી અને દરવાજાઓની નજીક આઉટલેટ્સ મૂકવા પણ લાભદાયી હોય છે.

2) ઊર્જા કાર્યક્ષમતા

ઊર્જા કાર્યક્ષમતા આધુનિક ઇલેક્ટ્રિકલ પ્રણાલીઓમાં મુખ્ય ધ્યાનમાં લેવા જેવી બાબત છે. ઊર્જા-કાર્યક્ષમ ઘરનાં વાયરિંગ અને ઉપકરણોની પસંદગી કરવાથી તમારા વીજળીનાં બિલને ઘટાડવામાં અને પર્યાવરણને થતી અસરને ઓછી કરવામાં સહાય મળે છે. નીચા વોલ્ટેજ ધરાવતા ઇલેક્ટ્રિકલ વાયરિંગ, ઊર્જાની બચત કરતા આઉટલેટ્સ અને સ્માર્ટ હોમ સિસ્ટમ્સ શ્રેષ્ઠ પસંદગીઓ છે. આ ઉપરાંત, તમારા ઘરની ઊર્જા-કાર્યક્ષમતાને વધુ વધારવા માટે પ્રોગ્રામેબલ થર્મોસ્ટેટ અને ઊર્જા-કાર્યક્ષમ લાઇટિંગ લગાવવાનું વિચારો.

3) કસ્ટમ લાઇટ સ્વિચિસ

કસ્ટમ લાઇટ સ્વિચિસ તમારા ઘરમાં કાર્યાત્મકતા અને સ્ટાઇલ બંનેનો ઉમેરો કરે છે. ડિમર સ્વિચિસ, મોશન-એક્ટિવેટેડ લાઇટ્સ, અને મલ્ટિ-વે સ્વિચિસ તમને દરેક રૂમનાં વાતાવરણ અને ઊર્જાના વપરાશને નિયંત્રિત કરવા સક્ષમ બનાવે છે. તમારા ઘરનાં ઇલેક્ટ્રિકલ વાયરિંગના કામનું આયોજન કરી રહ્યા હોય ત્યારે આ સ્વિચો સૌથી વધુ ક્યાં લાભદાયી હશે તેના વિશે વિચારો. ડિમર સ્વિચ બેઠક રૂમ અને બેડરૂમ માટે શ્રેષ્ઠ હોય છે, જ્યારે મોશન-એક્ટિવેટેડ લાઇટ્સ હોલવેઝ અને બાથરૂમ માટે આદર્શ હોય છે.

4) વાયરિંગ પ્રણાલીના પ્રકાર

તમારા દ્વારા પસંદ કરેલી ઘરની વાયરિંગ પ્રણાલીનો પ્રકાર તમારા ઘરની સુરક્ષા અને પ્રદર્શન પર નોંધપાત્ર અસર કરશે. તાંબાનાં વાયરિંગ તેની વાહકતા અને ટકાઉતાને લીધે સૌથી સામાન્ય અને વિશ્વસનીય વિકલ્પ છે. જો કે, ઘણા કિસ્સાઓમાં એલ્યુમિનિયમ વાયરિંગનો પણ ઉપયોગ કરવામાં આવે છે, ખાસ કરીને મોટા કેબલ્સ માટે. પોતાની વિશિષ્ટ આવશ્યકતાઓ માટે શ્રેષ્ઠ વાયરિંગ પ્રણાલી નિર્ધારિત કરવા માટે તમારા ઇલેક્ટ્રિકલ વાયરિંગ લગાવવાની પ્રક્રિયા દરમિયાન ઇલેક્ટ્રિશિયન સાથે પરામર્શ કરવી આવશ્યક છે.

5) સૌંદર્ય અને કન્સિલમેન્ટ

આધુનિક ઘર ડિઝાઇનમાં સૌંદર્ય મહત્ત્વપૂર્ણ હોય છે; ઘરનું ઇલેક્ટ્રિકલ કાર્ય આંખોમાં ખૂંચે એવું ન હોવું જોઇએ. દિવાલની પાછળ, ફ્લોર હેઠળ અથવા નળીની અંદર વાયરિંગને કન્સિલ કરવાથી સ્વચ્છ અને પોલિશ્ડ દેખાવ જાળવવામાં સહાય મળી શકે છે. આ ઉપરાંત તમારા ઘરનાં સૌંદર્યને વધારવા માટે રિસેસ્ડ આઉટલેટ અને છુપાયેલી સ્વિચનો ઉપયોગ કરવાનું વિચારો. યોગ્ય કન્સિલમેન્ટ માત્ર તમારા ઘરની સુંદરતામાં જ સુધારો નથી કરતું, પરંતુ ઘરની વાયરિંગને થતા નુકસાનથી પણ બચાવે છે.

ઘરમાં ઇલેક્ટ્રિકલ વાયરિંગ માટે સુરક્ષા અને અનુપાલન

જ્યારે ઇલેક્ટ્રિકલ વાયરિંગ લગાવવાની વાત આવે ત્યારે સુરક્ષા સૌથી મહત્ત્વપૂર્ણ હોય છે. એ સુનિશ્ચિત કરવું મહત્ત્વપૂર્ણ છે કે તમામ વાયરિંગ સ્થાનિક બિલ્ડિંગ સંહિતા અને નિયમનોનું પાલન કરતા હોય. આ વીજળીથી આગ જેવા સંભવિત જોખમોથી બચાવે છે અને ઘરની તપાસ કે વેચાણ દરમિયાન કાનૂની સમસ્યાઓથી પણ બચાવે છે. 

ઘરના તમામ ઇલેક્ટ્રિકલ વાયરિંગ ઇન્સ્ટોલેશન અને અપગ્રેડ્સ કરવા માટે લાઇસન્સ ધરાવતા ઇલેક્ટ્રિશિયનને નિયુક્ત કરવા આવશ્યક છે. તેઓ સુનિશ્ચિત કરશે કે વાયરિંગ યોગ્ય રીતે ગ્રાઉન્ડ કરેલા, સર્કિટ બ્રેકર્સ દ્વારા સુરક્ષિત કરેલા અને હાલના સુરક્ષા ધોરણો અનુસાર ઇન્સ્ટ્રોલ કરેલા છે. 

તમારા ઘરની ઇલેક્ટ્રિક વાયરિંગ પ્રણાલીની નિયમિત તપાસ અને જાળવણીની પણ ભલામણ કરવામાં આવે છે, જેથી કોઇ પણ સંભવિત સમસ્યાઓને તે ગંભીર સમસ્યાઓ બને તે પહેલા તેને ઓળખી શકાય અને તેનો ઉકેલ લાવી શકાય.