அகழ்தல்

அகழ்தல் என்றால் என்ன?

அகழ்தல் என்பது கட்டுமான செயல்முறையின் முதல் மற்றும் மிக முக்கியமான கட்டமாகும். இது ஒரு கட்டமைப்பிற்கான அடித்தளத்தை அமைக்க மண், பாறை அல்லது பிற பொருட்களை கருவிகள், உபகரணங்கள் அல்லது வெடிபொருட்களைப் பயன்படுத்தி நகர்த்துவதாகும். கட்டிட அடித்தளங்கள், நீர்த்தேக்கங்கள் மற்றும் நெடுஞ்சாலைகள் அமைக்க அகழ்தல் செய்யப்படுகிறது.

கட்டுமானத்தில் உள்ள 10 வகையான அகழ்தல் :

• மேல்மண் அகற்றுதல் (டாப்சாயில் ரிமூவல்): கட்டுமானப் பணிகளுக்காக தளத்தை தயார்படுத்தும் பொருட்டு, மேற்பரப்பு மண்ணை அகற்றுதல்.

   

• பாறைகளை அகற்றுதல் (ராக் ரிமூவல்): அடித்தளப் பகுதியில் இடையூறாய் இருக்கும் பெரிய கற்களையும் கற்பாறைகளையும் அகற்றுதல்.

   

• அடிமான அகழ்தல் (எக்ஸ்கவேஷன்): அடித்தளத்தை ஆதரித்து கட்டிடம் இறங்குவதைத் தடுக்கும் அடிமானங்களைப் பதிப்பதற்காக அகழிகள் தோண்டுதல்.

   

• மண் அகற்றுதல் (எர்த் ரிமூவல்): அடித்தளங்கள், கரைகள் அல்லது அகழிகளை அமைப்பதற்குத் தேவையான இடத்தை உருவாக்குவதற்காக, மேல்மண்ணுக்குக் கீழ் நிலத்தை அகழ்தல்.

• வெட்டி நிரப்புதல்: உயரமான பகுதிகளில் இருந்து மண்ணை வெட்டி, சமப்படுத்துவதற்காக தாழ்வான பகுதிகளில் நிரப்ப அதைப் பயன்படுத்துதல்.

   

• அகழி தோண்டுதல்: குழாய்கள் அல்லது கேபிள்கள் போன்ற பயன்பாட்டு அமைப்புகளைப் பதிக்க, குறுகிய, ஆழமான அகழிகளைத் தோண்டுதல்.

• தூர்வாருதல்: படகுகள் தடையின்றிச் செல்லவும், நீர்வழிகளைப் பேணவும் நீர்நிலைகளில் படிந்த வண்டல் மண்ணை அகற்றுதல்.

•  

   

  சேறு அகற்றுதல்: கட்டுமானத்திற்கு ஒரு உறுதியான அடித்தளத்தை அமைக்க சேற்று மண்ணை அல்லது நிலையற்ற மண்ணை அகற்றுதல்.

   

   

• அடித்தள அகழ்தல் : அடித்தளங்கள் அல்லது பிற நிலத்தடி கட்டமைப்புகளை உருவாக்குவதற்காக, தரை மட்டத்திற்குக் கீழே தோண்டுதல்.

• வெளியிடத்து அகழ்தல் : கட்டுமான தளத்தை நிரப்ப அல்லது சமப்படுத்த மற்றொரு இடத்திலிருந்து மண்ணை எடுத்து வருதல்.

புதிய வீடு கட்டும்போது அகழ்தல் தள வேலைகள் எவ்வாறு செய்யப்படுகின்றன

1. தளத்தை தயார்படுத்தல்: நிலத்தில் இருந்து தாவரங்கள், குப்பைகள் மற்றும் ஏற்கனவே இருக்கும் கட்டுமானங்களை அப்புறப்படுத்துதல்.

2. தள ஆய்வு: நிலத்தின் எல்லைகள், மண்ணின் நிலைமைகள் மற்றும் நிலத்தடி சேவைகளை அறிதல்.

    

3. தளவமைப்பு குறியிடுதல்: அடித்தளத்தின் பரிமாணங்களை கோடிட்டுக் காட்ட குச்சிகள் மற்றும் கயிறுகளைப் பயன்படுத்துதல்.

4. தோண்டுதல் (டிகிங்): அடித்தளத்திற்குத் தேவையான ஆழத்திற்கு மண்ணை அகற்றுதல். இதில் பெரும்பாலும் அகழ்வு இயந்திரங்கள் போன்ற கனரக இயந்திரங்கள் பயன்படுத்தப்படும்.

    

5. நிலச் சீராக்கம்: சரியான வடிகால் மற்றும் அடித்தள ஆதரவிற்காக தோண்டப்பட்ட பகுதியை சமப்படுத்தல்.

6. சேவைகளை நிறுவல் (யுட்டிலிட்டி இன்ஸ்டலேஷன்): நீர், கழிவுநீர் மற்றும் மின்சார இணைப்புகளுக்கான அகழ்தல் பணிகள்.

    

7. மண் அகற்றுதல் (சாயில் ரிமூவல்): தோண்டப்பட்ட மண்ணைக் குறிப்பிட்ட இடத்திற்குக் கொண்டு செல்லுதல் அல்லது மறுசுழற்சி செய்தல்.